Пренесса® таблетки 2 мг

Бір таблетканың құрамында белсенді зат – 2 мг, 4 мг немесе 8 мг периндоприл терт-бутиламині, қосымша заттар: кальций хлориді гексагидраты, лактоза моногидраты, кросповидон, микрокристалды целлюлоза, сусыз коллоидты кремнийдің қостотығы, магний стеараты Cыртқы түрінің, иісінің, дәмінің сипаттамасы Дөңгелек пішінді, екі жақ беті сәл дөңес, ойығы бар ақ немесе ақ дерлік түсті таблеткалар (2 мг доза үшін). Сопақша пішінді, екі жақ беті сәл дөңес, бір жағында сызығы және ойығы бар ақ немесе ақ дерлік түсті таблеткалар (4 мг доза үшін). Дөңгелек пішінді, екі жақ беті сәл дөңес, бір жағында сызығы және ойығы бар ақ немесе ақ дерлік түсті таблеткалар (8 мг доза үшін).

Артериялық гипертензия: – артериялық гипертензияны емдеу Жүрек жеткіліксіздігі: • клиникалық көріністері бар жүрек жеткіліксіздігін емдеу Жүректің тұрақты ишемиялық ауруы: – анамнезінде миокард инфарктісі және/немесе реваскуляризациясы бар пациенттерде жүрек-қантамыр асқынулары қаупінің төмендеуі

Әсер ету механизмі Периндоприл ангиотензин өзгертуші фермент (АӨФ) тежегіші болып табылады. Өзгертуші фермент немесе киназа ангиотензин I-ден ангиотензин IІ- ге айналуына ықпал ететін және брадикинин вазодилататорын белсенді емес гектапептидке дейін ыдырататын оксопептидаза болып табылады. АӨФ тежелуі плазмада ангиотензин II түзілуінің төмендеуіне әкеледі, бұл қан плазмасында ренин белсенділігінің жоғарылауымен (теріс кері байланыс тежелуі салдарынан) және альдостерон секрециясының төмендеуімен қатар жүреді. Фармакодинамикалық әсерлері АӨФ брадикининнің белсенділігін жоятындықтан, АӨФ бәсеңдеуі айналымдағы да, тіндегі де калликреин-кинин жүйесі белсенділігінің артуымен қатар жүреді (осы орайда простагландиндер жүйесі белсенділенеді). Дәл осы механизм артериялық қысымды төмендететін АӨФ тежегішінің әсеріне ықпал етуі және кейбір жағымсыз әсерлердің (мысалы, жөтел) білінуіне ішінара атсалысуы мүмкін. Периндоприл өзінің белсенді метаболиті периндоприлат арқылы әсер етеді. Клиникалық тиімділігі және қауіпсіздігі Артериялық гипертензия Периндоприл артериялық гипертензияның кез келген: жеңіл, орташа, ауыр сатысында тиімді; «жатқан» қалыпта да, «тұрған» күйде де систолалық және диастолалық артериялық қысымның төмендеуі байқалады. Периндоприл тамырлардың жалпы шеткері кедергісін төмендетеді, бұл артериялық қысымның жүйелі төмендеуіне әкеледі. Осы орайда жүрек ырғағына әсер етпестен шеткері қан ағымы жеделдейді. Бүйрек қан ағымы ұлғаяды, бірақ шумақтық сүзіліс жылдамдығы (ШСЖ) өзгермейді. Бір реттік дозасын қабылдаудан кейін гипертензияға қарсы ең жоғары әсеріне 4-6 сағаттан соң жетеді және кем дегенде 24 сағат жалғасады; қалдық әсері ең жоғары әсерінен 87-100% құрайды. Артериялық қысымның төмендеуі жылдам жүреді. Емдеуге жауап реакциясы жақсы пациенттерде қалыпқа түсу бір ай ішінде жүзеге асады және тахифилаксия туындауынсыз сақталады. Емдеуді үзу тоқтату синдромымен қатар жүрмейді. Периндоприл сол жақ қарынша гипертрофиясын азайтады. Периндоприлдің тамыр кеңейтетін қасиеттері бар екені, ірі артериялардың созылғыштығын жақсартатыны және ұсақ артериялардың ортасы/саңылауының арақатынасын төмендететіні дәлелденген. Тиазидтік диуретиктермен қосымша емдеу әсерін күшейтеді. АӨФ тежегіші мен тиазидтік диуретикті біріктіру диуретикпен емдеумен туындаған гипокалиемияның даму қаупінің төмендеуіне де әкеледі. Жүрек жеткіліксіздігі Периндоприл алдыңғы және кейінгі жүктемені азайту арқылы жүрек жұмысын азайтады. Жүрек жеткіліксіздігі бар пациенттерде периндоприл мыналарды көріністеді: - оң жақ және сол жақ қарыншаларда толу қысымының төмендеуі - тамырлардың жалпы шеткері кедергісінің төмендеуі - жүрек индексінің және жүрек лықсытуының артуы Ауырлығы жеңіл және орташа жүрек жеткіліксіздігі бар пациенттерде периндоприлді бастапқы 2 мг дозасында қолдану алғашқы дозаны қабылдаудан кейін артериялық қысымның елеулі төмендеуін туындатпады. Жүректің тұрақты ишемиялық ауруы бар пациенттер EUROPA зерттеуі 4 жылға созылды, бұл көп орталықты, халықаралық, рандомизацияланған, плацебо бақылауы бар қосарлы жасырын клиникалық зерттеу. 18 жастан асқан он екі мың екі жүз он сегіз (12218) пациент 8 мг периндоприлді терт-бутиламинді (10 мг периндоприлді аргининге тең) (n=6110) немесе плацебоны (n=6108) қабылдау үшін рандомизациядан өтті. Зерттеу популяциясында жүрек жеткіліксіздігінің клиникалық белгілері жоқ жүректің ишемиялық ауруы анықталды. Жалпы алғанда, бұрын пациенттердің 90% миокард инфарктісі және/немесе коронарлық артерия реваскуляризациясы болған. Пациенттердің көпшілігі антиагреганттарды, гиполипидемиялық препараттарды және бета-блокаторларды қоса, дәстүрлі түрде қабылданған емге қосымша зерттелетін препаратты қабылдады. Тиімділіктің негізгі критерийі жүрек-қантамыр өлімінің, өлімге әкелмейтін миокард инфарктісінің және/немесе сәтті реанимациямен жүректің тоқтап қалуының композиттік қосындысы болды. Периндоприлді терт-бутиламинімен 8 мг емдеу (бұл 10 мг периндоприлді аргининге тең) күніне бір рет қабылдағанда бастапқы соңғы нүктенің абсолютті маңызды 1,9% (салыстырмалы қауіптің 20% төмендеуі, ci 95% [9,4; 28,6]) – р<0.001) төмендеуіне әкелді. Бастапқы соңғы нүктесінде анамнезінде миокард инфарктісі және/немесе реваскуляризациясы бар пациенттерде абсолютті қауіп 2,2%, (салыстырмалы қауіп - 22,4%) төмендеді. Балалар мен жасөспірімдерде қолдану 18 жастан кіші балалар мен жасөспірімдерде периндоприлдің қауіпсіздігі мен тиімділігі анықталмаған. 2 жастан 15 жасқа дейінгі гипертензиясы бар 62 пациенттің ашық, салыстырмалы емес клиникалық зерттеуінде шумақтық сүзіліс жылдамдығы > 30 мл/мин / 1,73 м2 пациенттер периндоприлді орташа дозада 0,07 мг/кг қабылдады. Доза пациенттің ерекшеліктеріне және артериялық қысымның жауабына сәйкес жеке тағайындалды, бұл ретте ең жоғары дозасы күніне 0,135 мг/кг/күн. 59 пациент үш айлық кезеңді аяқтады, ал 36 пациент кеңейтілген зерттеу кезеңін аяқтады, яғни кем дегенде 24 ай (зерттеудің орташа ұзақтығы: 44 ай) байқалды. Артериялық систолалық және диастолалық қысым зерттеуге енгізілгеннен бастап, бұрын басқа гипертензияға қарсы препараттармен емделген пациенттерде соңғы тексеруге дейін тұрақты болып қалды және бұрын емделмеген пациенттерде төмендеді. Соңғы тексерісте балалардың 75%-дан астамында 95-ші процентильден төмен артериялық систолалық және диастолалық қысым болды. Қауіпсіздік көрсеткіштері периндоприл үшін белгілі қауіпсіздік профиліне сәйкес келді. Ренин-ангиотензин-альдостерон жүйесінің (РААС) қосарлы блокадасы бойынша клиникалық зерттеу деректері Екі ірі рандомизацияланған бақыланатын зерттеулерде (ONTARGET зерттеуі (телмисартанды монотерапия ретінде және рамиприлмен ең соңғы нүктемен біріктірілген зерттеу) және VA NEPHRON-D зерттеуі (ардагерлер істері басқармасының пациенттеріндегі қант диабетіндегі нефропатияны зерттеу) ангиотензин II рецепторларының блокаторымен AӨФ тежегішінің біріктірілімін қолдануды зерттеді. ONTARGET зерттеуі жүрек-қантамыр немесе цереброваскулярлық аурулары немесе 2 типті қант диабеті бар, ағзалардың ишемиялық зақымдану белгілерімен қатар жүретін пациенттерде жүргізілген зерттеу болды. VA NEPHRON-D зерттеуі — 2 типті қант диабеті және диабеттік нефропатиясы бар пациенттерде жүргізілген зерттеу. Бұл зерттеулер бүйрек және/немесе жүрек-қантамыр нәтижелері мен өлім-жітімге айтарлықтай оң әсер етпеді, бірақ монотерапиямен салыстырғанда гиперкалиемия, жедел бүйрек жеткіліксіздігі және/немесе гипотензия қаупінің жоғарылауы байқалды. Олардың ұқсас фармакодинамикалық қасиеттерін ескере отырып, бұл нәтижелер басқа AӨФ тежегіштеріне және ангиотензин II рецепторларының блокаторларына да қатысты. Осы себепті диабеттік нефропатиясы бар пациенттерде АӨФ тежегіштері мен ангиотензин II рецепторларының блокаторларын бірге пайдаланбаған жөн. ALTITUDE зерттеуі (жүрек-қантамыр және бүйрек ауруларының соңғы нүктелерін пайдалана отырып, 2 типті қант диабетіндегі алискиренді зерттеу) 2 типті қант диабеті және созылмалы бүйрек жеткіліксіздігі, жүрек-қантамыр ауруы немесе екеуі де бар пациенттерде алискиренді АӨФ тежегіштерімен және ангиотензин II рецепторларының блокаторларымен стандартты емге қосудың пайдасын бағалауға бағытталған зерттеу болды. Қажетсіз нәтижелер қаупінің жоғарылауына байланысты зерттеу мерзімінен бұрын тоқтатылды. Алискирен тобында плацебо тобымен салыстырғанда жүрек-қантамыр аурулары мен инсульт салдарынан болатын өлім сандық түрде жиі байқалды, ал жағымсыз құбылыстар мен қызығушылық тудыратын жағымсыз құбылыстар (гиперкалиемия, гипотензия және бүйрек функциясының бұзылуы) туралы хабарламалар плацебо тобымен салыстырғанда алискирен тобына қатысты жиі айтылды.

Дозалау режимі Осы дәріні үнемі дәл өз дәрігеріңіз ұсынған үлгіде қабылдаңыз. Сұрақтар туындағанда емдеуші дәрігермен кеңесіңіз. Артериялық гипертензия Гипертензияны емдеуге арналған әдеттегі бастапқы және демеуші доза күніне бір рет 4 мг құрайды. Бұл дозаны күніне бір рет 8 мг периндоприлге дейін арттыруға болады. 8 мг доза - жоғары қан қысымы үшін ұсынылатын ең жоғары доза. Егер сіз 65 жаста және одан асып кеткен болсаңыз, әдеттегі бастапқы доза күніне бір рет 2 мг құрайды. Бір айдан соң оны күніне бір рет 4 мг дейін, ал артынан, қажет болса, күніне бір рет 8 мг дейін арттыруға болады. Жүрек жеткіліксіздігі Жүрек жеткіліксіздігін емдеуге арналған әдеттегі доза күніне бір рет 2 мг құрайды. Жүрек жеткіліксіздігін емдеуге арналған әдеттегі бастапқы доза тәулігіне бір рет 2 мг құрайды. Екі апталық емдеуден кейін дозаны тәулігіне бір рет 4 мг периндоприлге дейін арттыруға болады, бұл жүрек жеткіліксіздігі үшін ұсынылатын ең жоғары доза. Тұрақты ишемиялық ауру Әдеттегі бастапқы доза тәулігіне бір рет 4 мг құрайды. Екі аптадан соң дозаны күніне бір рет 8 мг дейін арттыруға болады, бұл осы көрсетілімде ең жоғары ұсынылатын доза болып табылады. Егер сіз 65 жаста және одан асып кеткен болсаңыз, әдеттегі бастапқы доза күніне бір рет 2 мг құрайды. Бір аптадан соң оны күніне бір рет 4 мг-ға дейін, ал тағы бір аптадан соң күніне бір рет 8 мг дейін арттыруға болады. Емдеу курсы бойына сіздің дәрігеріңіз дозаны емдеу әсеріне және сіздің жай-күйіңізге сәйкес түзетеді. Бүйрек функциясының бұзылуы бар пациенттерге, реноваскулярлы гипертензиясы бар пациенттерге, гемодиализде жүрген пациенттерге, бұрын диуретикпен ем қабылдаған пациенттерге және егде жастағы пациенттерге арналған препарат дозасын емдеуші дәрігер белгілеуі тиіс. Балалар 18 жасқа дейінгі балалар мен жасөспірімдерде препараттың тиімділігі мен қауіпсіздігі анықталмаған. Дозалау бойынша ұсыныстар белгіленбеген. Сондықтан балалар мен жасөспірімдерде препаратты қолдану ұсынылмайды. Бауыр жеткіліксіздігі бар пациенттер Бауыр функциясының бұзылуы бар пациенттерге дозаны түзету қажет емес. Бүйрек жеткілікіздігі бар пациенттер Бүйрек жеткіліксіздігі бар пациенттерде дозалау төмендегі кестеде көрсетілгендей креатинин клиренсіне негізделуі тиіс: Кесте: Бүйрек жеткіліксіздігінде дозаны түзету Креатинин клиренсі (мл/мин) — Ұсынылған доза КК 60 — 4 мг/ тәулік 30 < КК < 60 — 2 мг/тәулік 15 < КК < 30 — 2 мг тәулік сайын Гемодиализде жүрген пациенттер*, КК< 15 — 2 мг диализ күні *Периндоприлдің диализ клиренсі 70 мл/мин құрайды. Гемодиализде жүрген пациенттерге препаратты диализ емшарасынан кейін қолдану керек. Енгізу әдісі және жолы Таблетканы таңертеңгілік тамақтану алдында жеткілікті сұйықтық мөлшерімен қабылдау керек. Емдеу ұзақтығын дәрігер әркімге жеке белгілеуі тиіс Егер сізде Пренесса® препаратының тым күшті немесе тым әлсіз сияқты әсер болса, өз дәрігеріңізбен сөйлесу керек. Дәрілік препараттың бір немесе бірнеше дозасын қабылдау кезіндегі қажетті шаралар Ұмытып кеткен доза орнын толтыру үшін қосарлы дозасын қабылдамаңыз. Дәріні күніне бір рет, шамамен күн сайын белгілі бір уақытта қабылдаңыз. Тоқтату симптомдары қаупінің болуына көрсетілім Препарат қабылдауды тоқтатқанда артериялық қысым көтерілуі мүмкін, бұл әсіресе, жүрек, ми және бүйрек тарапынан асқынулардың даму қаупін арттыруы мүмкін. Жүрек жеткіліксіздігі бар пациенттердің жай-күйі оларға стационарлық емдеу қажет болатын дәрежеге дейін нашарлауы мүмкін. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Егер препаратты қолдану бойынша сұрақтар болса, емдеуші дәрігермен кеңесу ұсынылады.

Пренесса® препаратын қабылдамаңыз: – егер периндоприлге немесе осы дәрінің басқа ингредиенттерінің қандай да біріне немесе кез келген басқа ангиотензин өзгертуші фермент (АӨФ) тежегішіне аллергия болса; – егер осының алдында АӨФ тежегішімен емделу кезінде ысқырықты дем алу, бет, тіл немесе тамақтың ісінуі, қатты қышыну немесе терінің қатты бөртуі сияқты симптомдар болса немесе егер сізде немесе сіздің отбасыңыздың мүшесінде осы симптомдар кез келген басқа жағдайларда болса (жай-күй ангионевроздық ісіну деп аталады); – 3 айдан асқан мезімдегі жүктілік болса; сондай-ақ жүктіліктің ерте мерзімдерінде Пренесса® препаратын қабылдамаған дұрыс («Жүктілік немесе лактация кезінде» бөлімін қараңыз); – егер диабет немесе бүйрек функциясының бұзылуы болса және сіз құрамында алискирен бар артериялық қысымды төмендетуге арналған препаратты қабылдап жүрсеңіз; - егер диализ немесе қан фильтрациясының кез келген басқа типін жүргізу жоспарланса. Сіз қолданатын жабдық түріне байланысты периндоприл сізге сәйкес келмеуі мүмкін. - егер ангионевроздық ісіну қаупінің жоғарылауына байланысты созылмалы жүрек жеткіліксіздігін емдеу үшін қолданылатын сакубитрил/валсартан қабылдаған болсаңыз немесе қазір қабылдап жатсаңыз (тамақ сияқты аймақта тері астының жылдам ісінуі). - бүйрек артериясының айқын екі жақты стенозы немесе жалғыз жұмыс істейтін бүйрек артериясының стенозы Егер жоғарыда атап көрсетілгендердің қандай да бірі сізге қатысты болса, өз дәрігеріңізге қаралыңыз.

Егер төменде аталған құбылыстардың кез келгені байқалса, дәрілік затты қабылдауды дереу тоқтатыңыз және бұл жөнінде өз дәрігеріңізге дереу хабарлаңыз: • бет, ерін, тіл немесе тамақтың ісінуі, тыныстың тарылуы (ангионевроздық ісінуі) (жиі емес 100 адамның 1-де болуы мүмкін) • қатты бас айналу немесе естен тану артериялық қысымның төмендеуіне байланысты (жиі - 10 адамның 1-де болуы мүмкін) • жүректің жиі немесе жүйесіз соғуы немесе кеуденің ауыруы (стенокардия) немесе жүрек соғысы (өте сирек – 10 000 адамның 1-де болуы мүмкін) • ықтимал инсульт белгілері болуы мүмкін қолдар мен аяқтардағы әлсіздік немесе сөйлеудің қиындауы (өте сирек – 10 000 адамның 1-де болуы мүмкін) • кенеттен ысқырықты дем алу, кеуденің ауыруы, ентігу немесе қиындықпен дем алу (бронх түйілуі) (жиі емес - 100 адамның 1-де болуы мүмкін), • іштің және арқаның қатты ауырсынуын тудыруы мүмкін ұйқы безінің қабынуы, өзін нашар сезіну (өте сирек - 10 000 адамның 1-де болуы мүмкін) • терінің немесе көздің сарғаюы (сарғаю), бұл гепатиттің белгісі болуы мүмкін (өте сирек - 10 000 адамның 1-де болуы мүмкін), • жиі беттегі, қолдардағы немесе аяқтардағы қызыл, қышитын дақтардан басталатын тері бөртпесі (көп формалы эритема) (өте сирек – 10 000 адамның 1-де болуы мүмкін). Жиі • жөтел, ентігу • бас ауыру, астения, бас айналу, бұлшықеттердің түйілуі, парестезия • дәм сезудің өзгеруі, көру қабілетінің бұзылуы, құлақтың шыңылдауы, вертиго, гипотензия (және гипотензиямен байланысты әсерлер) • құсу, жүрек айну, іштің ауыруы, іш қату, диарея, диспепсия • бөртпе, қышыну Жиі емес • эозинофилия* • гипонатриемия* • гиперкалиемия, емдеуді тоқтатқан кезде қайтымды*, қандағы мочевина деңгейінің жоғарылауы*, қандағы креатинин деңгейінің жоғарылауы* • гипогликемия* • ұйқышылдық* • естен тану*, дімкәстану*, кеуденің ауыруы* • тахикардия*, жүректің соғуын сезіну* • васкулит*, шеткері ісінулер*, гипертермия* • фотосезімталдық реакциялары* • артралгия*, миалгия* • құлау* • көңіл-күйдің құбылуы • ұйқының бұзылуы • бронх түйілуі • ауыздың құрғауы • есекжем • пемфигоид, гипергидроз • бүйрек жеткілісіздігі • эректильді дисфункция • беттің, аяқ-қолдардың, еріндердің, шырышты қабаттардың, тілдің, дауыс саңылауының және/немесе көмейдің ангионевроздық ісінуі Сирек • бауыр ферменттері деңгейінің жоғарылауы және қандағы билирубин деңгейінің жоғарылауы • псориаздың нашарлауы* • антидиурездік гормонның адекватты емес секреция синдромы (АГАСС) • депрессия • қан тебулер • анурия/олигурия Өте сирек • аритмия, стенокардия, жоғары қауіпті топтағы пациенттерде АҚ шамадан тыс төмендеуінен туындаған миокард инфарктісі, жоғары қауіпті топтағы пациенттерде АҚ шамадан тыс төмендеуінен туындаған инсульт • эозинофильді пневмония, ринит • панкреатит • цитолитикалық немесе холестаздық гепатит • көп формалы эритема • гемоглобин және гематокриттің төмендеуі, агранулоцитоз немесе панцитопения, лейкопения/нейтропения, глюкоза-6-фосфатдегидрогеназа туа біткен жеткіліксіздігі бар пациенттердегі гемолиздік анемия • сананың шатасуы • жедел бүйрек жеткіліксіздігі Белгісіз • Рейно синдромы *Клиникалық зерттеулердің нәтижелері бойынша есептелген және өздігінен келіп түскен хабарлама нәтижесінде анықталған жағымсыз әсерлердің туындау жиілігі. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

АӨФ тежегіштерімен артық дозалануға байланысты симптомдары гипотензия, айналымдық шок, электролиттік бұзылулар, бүйрек жеткіліксіздігі, асқын желдетілу, тахикардия, жүректің соғуын сезіну, брадикардия, бас айналу, мазасыздық және жөтелді қамтиды. Емі: натрий хлоридінің 9 мг/мл (0,9%) ерітіндісін венаішілік инфузия жүргізу ұсынылады. Гипотензия дамыған жағдайда пациентті шокқа қарсы қалыпқа (аяқтарды жүрек деңгейінен 20-30 см жоғары көтеріп шалқасынан жатқан күй) ауыстыру керек. Мүмкіндігінше, ангиотензин ІІ венаішілік инфузиясын және/немесе вена ішіне катехоламиндер енгізуді де қарастыруға болады. Периндоприлді жүйелі қан айналымынан гемодиализ көмегімен шығаруға болады. Емдеуге төзімді брадикардияда кардиостимуляция көрсетілімді. Қан сарысуындағы өмірлік маңызды көрсеткіштерді, электролиттер мен креатинин деңгейін үнемі бақылап отыру керек.

Бұл дәрі тек ересектерге арналған. Емдеуді бастар алдында, егер келесі аурулар мен жай-күйлердің қандай да бірі бар болса, дәрігерге хабарлаңыз: • қолқа стенозы (жүректен шығатын негізгі қан тамырының тарылуы) немесе гипертрофиялық кардиомиопатия (жүрек бұлшықетінің ауруы) немесе бүйрек артериясының стенозы (бүйректі қанмен қамтитын артерияның тарылуы), • жүрек кінәраттары, • бауыр кінәраттары, • бүйрек кінәраттары немесе егер сіз диализ алып жүрсеңіз, • егер қандағы альдостерон гормонының деңгейі жоғары болса (бастапқы альдостеронизм), • жүйелі қызыл жегі немесе склеродермия сияқты, коллагенді жүйе аурулары • қант диабеті, • гипотензия, • егер тұз мөлшері шектелетін диета ұстанып жүрсеңіз немесе құрамында калий бар тұз алмастырғыштарын пайдаланып жүрсеңіз, • егер анестезия және / немесе операциялық араласу жасалатын болса, • егер гемодиализ емшарасынан немесе басқа қан тазалау емшарасынан өтуге тура келсе (тығыздығы төмен липопротеиндер аферезі), • егер аралардың немесе соналардың шағып алуына аллергия зардаптарын азайту үшін десенсибилизация курсынан өтуге тура келсе, • егер таяуда диарея немесе құсу болса немесе сусызданған болсаңыз, • егер дәрігер сізге кейбір қанттардың жақпаушылығы бар екенін айтқан болса, • егер жоғары артериялық қысымды емдеуге пайдаланылатын келесі дәрілердің кез келгенін қабылдап жүрсеңіз: ● ангиотензин II рецепторларының блокаторы (АРБ) (сондай-ақ, сартандар ретінде белгілі дәрілер - мысалы, валсартан, телмисартан, ирбесартан), әсіресе, егер сізде диабетпен байланысты бүйрек кінәраттары болса, ● алискирен. Сіздің дәрігеріңіз сіздегі бүйрек функциясын, артерия қысымын және сіздің қаныңыздағы электролиттер мөлшерін (мысалы, калий) тексере алады. «Қолдануға болмайтын жағдайлар» бөліміндегі ақпаратты да қараңыз. • егер қара нәсілді болсаңыз, онда сізде ангионевроздық ісінудің даму қаупі өте жоғары болуы мүмкін, ал бұл дәрінің қалған пациенттерге қарағанда артериялық қысымды төмендету тиімділігі аз болуы мүмкін, • егер келесі дәрілердің біреуін қабылдап жүрсеңіз, ангионевроздық ісінудің даму қаупі (көмей аумағындағы жұмсақ тіндердің тез дамитын ісінуі) артады: • рацекадотрил (диареяны емдеуге пайдаланылады), • сиролимус, эверолимус, темсиролимус және mTor тежегіштері класына жататын басқа дәрілік заттар (ағза трансплантатының қабылданбай ажырауын болдырмау үшін және қатерлі жаңа түзілімдерді емдеу кезінде пайдаланылады), • вилдаглиптин, линаглиптин, саксаглиптин, ситаглиптин және глиптиндер деп аталатын класқа жататын басқа да препараттар (қант диабетін емдеу үшін қолданылады), • сакубитрил (валсартанмен бекітілген біріктірілім түрінде қол жетімді) ұзақ мерзімді жүрек жеткіліксіздігін емдеу үшін қолданылады Aнгионевроздық ісіну Ангионевроздық ісіну (бет, ерін, тілдің ісінуімен немесе жұтынудың әлде тыныс алудың қиындауымен болатын тамақтың ісінуімен ауыр аллергиялық реакция), Пренесса® препаратын қоса, АӨФ тежегіштерін қабылдаған пациенттерде білінеді. Бұл емдеу кезінде кез келген уақытта болуы мүмкін. Осындай симптомдар пайда болған кезде, Пренесса® препаратын қабылдауды тоқтату және дереу дәрігерге қаралу керек. «Жағымсыз реакциялар сипаттамасы» бөлімін де қараңыз. Өзіңізді жүкті деп жорамалдасаңыз (немесе жүкті болуыңыз мүмкін болса) өз дәрігеріңізге хабарлау керек. Пренесса® препараты жүктіліктің ерте мерзімдерінде ұсынылмайды және 3 айдан аса жүктілік мерзімінде қабылданбауы тиіс, өйткені осы сатыда пайдаланылса, сіздің сәбиіңізге күрделі зиян тигізуі мүмкін («Жүктілік немесе лактация кезінде» бөлімін қараңыз). Балалар Препаратты балалар мен 18 жасқа дейінгі жасөспірімдерде қолдану тиімділігі мен қауіпсіздігі анықталмаған. Осы препаратты пайдаланғанда құрғақ жөтел туындауы мүмкін. Егер бұл орын алса, дәрігермен сөйлесіңіз. Егер гемодиализ емшарасы немесе басқа қан тазалау емшарасы (тығыздығы төмен липопротеиндер аферезі) жасалатын немесе сонаның немесе араның уына аса жоғары сезімталдықты емдеу (десенсибилизация) жүргізілетін болса, осы препаратты қабылдап жүргенін дәрігерге хабарлау керек, өйткені аса жоғары сезімталдықтың жағымсыз реакцияларының қаупі жоғары болуы мүмкін. Препаратты қабылдау кезінде, әсіресе, бүйрек және / немесе жүрек жеткіліксіздігі бар пациенттерде қандағы калий деңгейі артуы (гиперкалиемия) мүмкін. Eгер операция жоспарланса, жалпы анестезия кезінде гипотонияның жоғары қаупімен байланысты емдеуші дәрігерді өзіңіздің осы дәріні қабылдап жүргеніңізден хабардар ету керек. Арнайы сақтандырулар • Қосымша заттар туралы ақпарат • Пренесса® құрамында лактоза бар. • Егер сізге өзіңіздің дәрігеріңіз сізде кейбір қанттарға жақпаушылық барын айтса, дәрілік препаратты қабылдамас бұрын дәрігерге қаралыңыз. • Педиатрияда қолдану • Периндоприлді балалар мен 18 жасқа дейінгі жасөспірімдерде қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Периндоприл көлік құралдарын басқару және механизмдермен жұмыс істеу қабілетіне тікелей әсер етпейді, бірақ кейбір пациенттерде, әсіресе, емнің басында немесе гипертензияға қарсы басқа препаратпен біріктіргенде артериялық қысым төмендеуімен байланысты жекелеген реакциялар туындауы мүмкін. Нәтижесінде, көлік құралдарын және механизмдерді басқару қабілетіне нұқсан келуі мүмкін.

Жүктілік Егер сіз өзіңізді жүкті деп жорамалдасаңыз немесе жүкті болуды жоспарлап жүрсеңіз, өз дәрігеріңізге хабарлау керек. Сіздің дәрігеріңіз сіз жүкті болатын уақытқа дейін немесе сіз жүкті екеніңізді білген бойда Пренесса® препаратын қабылдауды тоқтатуға кеңес беріп, әрі Пренесса® препаратының орнына басқа препаратты тағайындауы тиіс. Пренесса® жүктіліктің ерте мерзімдерінде ұсынылмайды және 3 айдан асатын жүктілік кезінде қабылданбауы тиіс, өйткені ол жүктіліктің үшінші айынан кейін қолданғанда сіздің сәбиіңізге ауыр зиян етуі мүмкін. Лактация кезеңі Егер сіз бала емізіп жүрсеңіз немесе бала емізуді бастағыңыз келсе, өз дәрігеріңізге хабарлаңыз. Пренесса® бала емізетін әйелдерге ұсынылмайды, ал сіздің дәрігеріңіз, егер сіз бала емізуді жоспарлап жүрсеңіз, әсіресе, егер сіздің сәбиіңіз жаңа туған немесе мерзімінен бұрын туылған болса, басқа емдеу әдісін таңдай алады.

Егер басқа дәрілік заттардың қандай да бірін қабылдап жүрсеңіз, таяуда қабылдасаңыз немесе қабылдауды жоспарлап жүрсеңіз, өз дәрігеріңізге хабарлаңыз. Басқа дәрілік препараттарды қабылдау Пренесса® препаратының көмегімен емдеуге әсер етуі мүмкін. Егер сіз мына препараттарды қабылдап жүрсеңіз, сіздің дәрігеріңізге дозасын өзгерту және / немесе басқа сақтандыру шараларын қабылдау керек болуы мүмкін: • жоғары артериялық қысымды төмендетуге арналған басқа препараттар, ангиотензин II рецепторларының блокаторларын (АРБ), алискиренді (сондай-ақ «Қолдануға болмайтын жағдайлар» және «Қолдану кезіндегі қажетті сақтандыру шаралары» бөлімдерінде ақпаратты қараңыз) немесе диуретиктерді (несеп мөлшерін көбейтетін дәрілік заттар) қоса, • диабетті емдеу үшін пайдаланылатын дәрілік препараттар (инсулин, метформин немесе глиптиндер сияқты), • калий жинақтаушы диуретиктер (мысалы, триамтерен, амилорид), калий қоспалары, құрамында калий бар тұз алмастырғыштар және қанда калий мөлшерін көбейтуі мүмкін басқа дәрілер (мысалы, триметоприм және котримоксазол, сондай-ақ бактериялар туғызатын инфекциялық ауруларды емдеуге қолданылатын триметоприм / сульфаметоксазол; циклоспорин, ағза трансплантатының қабылданбай ажырауын болдырмауға пайдаланылатын иммунодепрессант және гепарин, тромбтар түзілуін болдырмау үшін қан сұйылтатын препарат), • жүрек жеткіліксіздігін емдеуге пайдаланылатын калий жинақтаушы дәрілік заттар: эплеренон және спиронолактон күніне 12,5-тен 50 мг дейінгі дозаларда, • маниялық синдромды немесе депрессияны емдеуге арналған литий препараттары, • буындардың ауыруында қолданылатын дәрілік заттар (қабынуға қарсы стероидты емес препараттар (мысалы, ибупрофен), ацетилсалицил қышқылының жоғары дозаларын қоса), • баклофен (шашыраңқы склероз сияқты аурулар кезіндегі бұлшықеттердің сіресуін емдеуге пайдаланылады), • депрессия, үрей, шизофрения сияқты психикалық бұзылыстарды емдеуге пайдаланылатын препараттар және т.б. (мысалы, трициклды антидепрессанттар, нейролептиктер) және анестетиктер, • аутоиммундық бұзылыстарды емдеуге пайдаланылатын немесе трансплантациядан кейін (мысалы, циклоспорин, такролимус) пайдаланылатын иммунодепрессанттар (организмнің иммуннологиялық реакцияларын бәсеңдететін дәрілер), • триметоприм (инфекциялық ауруларды емдеуге қолданылады), • эстрамустин (қатерлі жаңа түзілімдер емінде қолданылады), • диареяны емдеу (рацекадотрил) немесе ауыстырып салған ағзалардың қабылданбай ажырауын болдырмау үшін (сиролимус, эверолимус, темсиролимус және mTor тежегіштері деп аталатын класқа жататын басқа дәрілер) бәрінен жиірек пайдаланылатын дәрілер. «Қолдану кезіндегі қажетті сақтандыру шаралары» бөлімін қараңыз), • аллопуринол (подаграны емдеу үшін), • қан тамырларын кеңейтетін дәрілік препараттар (вазодилататорлар, оның ішінде нитраттар) • прокаинамид (жүректің жүйесіз соғуын емдеу үшін), • төмен қан қысымы, шок, демікпе немесе аллергия сияқты жағдайларды емдеу үшін қолданылатын эфедрин, норадреналин және адреналин; • ревматоидты артритті емдеуде қолданылатын алтын препараттары (натрий ауротиомалаты), әсіресе вена ішіне енгізгенде • ангионевроздық ісінудің жоғары даму қаупіне байланысты диареяны емдеуге қолданылатын рацекадотрил • сакубитрил/валсартан (ұзақ мерзімді (созылмалы) жүрек жеткіліксіздігін емдеу үшін қолданылатын препарат қарсы көрсетілімдер («Пренесса® препаратын қабылдамаңыз» және «Қолдану кезіндегі қажетті сақтандыру шаралары» тарауларын қараңыз) • Рецептісіз дәрілерді дәрігермен кеңесіп алмай қабылдамаңыз. Негізінен, бұл суық тиюге арналған, ауыруды басатын дәрілерге, тұз алмастырғыштарына немесе құрамында калий бар препараттарға қатысты.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 30 С-ден аспайтын температурада, ылғалдан қорғалған жерде сақтау керек. Балалардың қолы жетпейтін жерде сақтау керек!