Прогинова®, қантты қабықпен қапталған таблеткалар таблетки 2 мг

Бір таблетканың құрамында белсенді зат: 2,0 мг эстрадиол валераты қосымша заттар - лактоза моногидраты, жүгері крахмалы, повидон К25, тальк, магний стеараты, қабығының құрамы: сахароза, повидон К90, макрогол 6000, кальций карбонаты, тальк, глицерол монтанаты. Сыртқы түрінің, иісінің, дәмінің сипаттамасы Қантты қабықпен қапталған, ақ түсті таблеткалар.

- постменапауза, перименапауза кезеңіндегі әйелдердегі эстроген тапшылығының белгілері мен симптомдарын емдеуге арналған орынбасушы гормональді ем (ОГЕ) - постменапаузалық остеопороз профилактикасы

ATХ коды: G03CA03 Эстрадиол/эстрадиол валераты: Әсер ету механизмі Прогинова препаратының құрамында эстрадиол валераты бар, (валериан қышқылының эфирі, әйелдердегі эндогендік эстроген, эстрадиол). Әсер етуші зат эстрадиол валераты, синтетикалық 17ß-эстрадиолдың химиялық және биологиялық тұрғыдан адамдағы эндогендік эстрадиолға ұқсас дәрілік түрі. Менапауза кезеңіндегі әйелдерде эстроген бөлінуі жоғалуының орнын толтырады және менапауза симптомдарын жеңілдетеді. Эстрогендер менапаузадан немесе овариэктомиядан кейінгі сүйек салмағының жоғалтылуының алдын алады. Прогинова препаратын пайдалану кезінде овуляция тежелмейді және іс жүзінде гормондардың эндогенді өндірілуіне нұқсан келмейді. Клиникалық тиімділігі мен қауіпсіздігі Эстроген тапшылығы мен қан кету симптомдарын басу - Климакс кезінде аналық бездердегі эстрадиол секрецияларының төмендеуі және, ақыр аяғында, жоғалуы ұйқының бұзылуы мен шамадан тыс терлеумен байланысты құйылулар, сонымен қатар, қынаптың құрғауы, диспареуния және несеп ұстамау симптомдарымен несеп-жыныс жүйелерінің семуін туғызып, термореттелістің тұрақсыздығына алып келуі мүмкін. Спецификалығы азырақ, бірақ климакс синдромының бір бөлігі ретінде жиі айтылатындар стенокардияға шағым, жүрек соғысының жиілеуі, ашушаңдық, күйгелектік, енжарлық және зейін қоюдың төмендеуі, ұмытшақтық, либидо жоғалуы, буындар мен бұлшықеттердің ауыруы сияқты симптомдар болып табылды. ОГЕ менапауза кезеңіндегі әйелдерде эстрадиол тапшылығы симптомдарының көпшілігін жеңілдетеді. - Менапауза симптомдарын басуға емдеудің алғашқы бірнеше аптасында қол жеткізілген. - Жатыры алынып тасталмаған әйелдерге эстрогенді, мысалы Прогинова препараты көмегімен алмастыру сызбанұсқасын қолдану кезінде, бір циклге кемінде 10 күн прогестогенді қосымша қабылдау ұсынылады. Бұл осы әйелдерде эндометрий гиперплазиясы қаупі мен аденокарцинома ілеспе қаупін төмендетеді. Эстрогенді алмастыру режимі кезінде прогестогенді қосымша қабылдау бекітілген көрсеткіштері бойынша эстроген тиімділігіне ықпал етпейтіндігі көрсетілген. Остеопороз профилактикасы - Менапауза кезеңіндегі эстроген тапшылығы сүйек тіні метоболизмінің артуымен және сүйек салмағының төмендеуімен байланысты. - Эстрогеннің сүйектің минералдық тығыздығына ықпалы дозалауға тәуелді. Қорғаныс тек емдеу кезінде тиімді. ОГЕ аяқталғаннан соң остеопороз ОГЕ алмаған әйелдердегі жылдамдықпен бірдей дамиды. - WHI зерттеулері мен мета-талдау деректері көбіне дені сау әйелдерде тағайындалған ОГЕ жеке немесе прогестогенмен бірге ағымдағы қолданудың жамбас мойнының, омыртқаның сынуы және басқа остеопороздық сынықтардың қаупін төмендететінін көрсетеді. Сонымен қатар, ОГЕ сүйек тығыздығының төмендігі бар және / немесе остепороз диагнозы қойылған әйелдерде сынықтардың алдын алуы мүмкін, алайда мұндай мәліметтер шектеулі. Обсервациялық зерттеулер мен жылқының конъюгацияланған эстрогендері (ЖКЭ) плюс ацетат медроксипрогестероннің (АМП) WHI зерттеуі ОГЕ алып жүрген, постменапауза кезеңіндегі әйелдерде тоқ ішектің обыры ауруының төмендеуін көрсетеді. ЖКЭ монотерапиясы бойынша WHI зерттеуінде қауіптің төмендеуі байқалмаған. Бұл нәтижелердің ОГЕ басқа препараттарына қатысы бар-жоғы белгісіз. Прогестоген: Эстрогендер эндометрийдің өсуіне ықпал ететіндіктен, бос эстрогендер эндометрий гиперплазиясы мен обыры қаупін жоғарылатады. Прогестогенді қосымша қабылдау гистерэктомия жүргізілген әйелдерде эндометрий гиперплазиясының эстроген-индукциялаған қаупін айтарлықтай төмендетеді.

Дозалау режимі Прогинова® препараты — бұл құрамында тек эстроген бар препарат. Прогинова® 2 мг препаратының бір таблеткасы күніне бір рет қабылданады. Енгізу әдісі және жолы Пероральді Қабылдау уақыты көрсетілген қолдану жиілігі Таблеткаларды тамақтану кезінде немесе тамақтан соң қабылдауға болады. Таблетканы бір стақан су немесе сүт ішу арқылы тұтас күйінде жұту керек. Әйелдің таблетканы қабылдаған уақыт мерзімі маңызды емес, алайда, егер ол белгілі бір уақытты таңдаса, күн сайын сол уақытты ұстануы керек. Ем ұзақ уақытқа созылады, бұл алдыңғы қаптамадағы таблеткалар таусылған бойда жаңа қаптамадағы таблеткаларды бірден қабылдау керек дегенді білдіреді. Менапауза симптомдарын емдеуді бастау мен жалғастыру үшін ең қысқа мерзім ішінде ең төменгі тиімді дозаны қабылдау керек. Менапауза симптомдарын бақылау мақсатындағы емді Прогинова® 1 мг қабылдаудан бастау керек. Қажет болса Прогинова® 2 мг қабылдау керек. Емді таңдағаннан кейін симптомдарды басуға қажетті ең төменгі тиімді дозаны қабылдау керек. Постменопаузалық остеопороздың профилактикасы үшін күніне бір рет Прогинова® 2 мг таблеткасын қабылдау керек. Жатыры алынып тасталмаған әйелдерге 28 күндік циклдің әр 4 аптасында 12-14 күн бойы прогестагенді қосымша қабылдау ұсынылады. Бұрын эндометриоз диагнозы қойылмаған әйелдерге қосымша прогестаген қабылдау ұсынылмайды. • Прогинова® 2 мг препаратымен емді қалай бастау керек Егер әйелдің жатыры алынып тасталмаған, әлі де етеккір оралымы жалғасып жатқан болса, етеккірден кейінгі фазада басталатын, қандай да бір гестогенмен бірге Прогинова® препаратымен біріктірілген емдеу сызбасын етеккір оралымының бірінші күні бастау керек. Аменореясы бар немесе өте сирек етеккірі бар пациенттер, жүктілік жоққа шығарылған жағдайда, емді кез келген уақытта бастай алады. Үздіксіз, біріктірілген ОГЕ-нің басқа түрінен ауысу кезінде Прогинова® препаратымен емдеуді кез келген уақытта бастауға болады. ОГЕ циклдік немесе үздіксіз жүйелі режимдерінен ауысу кезінде циклді аяқтау керек, содан кейін емдеудегі үзіліссіз, Прогинова® препаратымен емдеуге өту керек. Емдеу ұзақтығы Емдеу ұзақ болып табылады. Дәрілік препараттың бір немесе бірнеше дозасын жіберіп алғанда қажетті шаралар Егер әйел таблетканы қабылдауды ұмытып кетсе, оны ең таяу 12 сағат ішінде қабылдай алады. Егер әдеттегі қабылдаудан кейін 12 сағаттан асып кетсе, қосымша таблетканы қабылдамаған дұрыс. Қалған таблеткаларды әдеттегі уақытта қабылдау керек. Дозасын жіберіп алған жағдайда, қынаптан қан кету мен жағынды бөліністер дамуы мүмкін. Тоқтату симптомдары қаупінің бар екендігі туралы нұсқау Деректер жоқ. Дәрілік препаратты қолдану тәсілін анықтау үшін медицина қызметкерінің кеңесіне жүгіну керек

- сүт безінің расталған немесе болжамды обыры немесе анамнездегі сүт безі обыры - расталған немесе болжамды, гормонға тәуелді қатерлі ісік диагнозы, мысалы, эндометрий обыры - диагнозы анықталмаған қынаптық қан кету - емдеуге дейінгі эндометрий гиперплазиясы - алдыңғы идиопатиялық немесе ағымдағы вена тромбоэмболиясы (терең веналар тромбозы, өкпе эмболиясы) - белгілі тромбофильді бұзылыстар (мысалы, С ақуызы, S ақуызы немесе антитромбин тапшылығы) - қазіргі уақыттағы немесе анамнездегі артериялық тромбоэмболиялық бұзылымдар, мысалы, стенокардия, миокард инфарктісі - қазіргі уақыттағы немесе анамнездегі бауырдың жедел аурулары, бауырдың функционалдық тестілері қалпына келмеген жағдайда. - белсенді компоненттерінің немесе қосымша заттарының кез келгеніне аса жоғары сезімталдық - порфирия

Қатерсіз, қатерлі және нақты анықталмаған жаңа түзілімдер • сүт безінің обыры *, эндометрий обыры * Иммундық жүйе тарапынан бұзылулар • аса жоғары сезімталдық реакциялары, тұқым қуалайтын ангионевроздық ісінудің асқынуы Зат алмасу мен тамақтану тарапынан бұзылулар • порфирияның ауырлауы, дене салмағының жоғарылауы немесе төмендеуі, тәбеттің жоғарылауы, көмірсулар жағымдылығының төмендеуі Психика бұзылулары • мазасыздық сезімі, либидо төмендеуі немесе жоғарылауы Жүйке жүйесі тарапынан бұзылулар • бас сақинасы, бас ауруы, бас айналу, шаршау, хорея, инсульт * Көру мүшесі тарапынан бұзылулар • көрудің бұзылулары, жанаспалы линзаның жағымсыздығы Жүрек тарапынан бұзылулар • жүрек соғысының жиілеуі, миокард инфрактісі * Қантамырлар тарапынан бұзылулар - гипертония, тромбофлебит, вена тромбоэмболиясы* Тыныс алу мүшелері, кеуде қуысы және көкірекорта тарапынан бұзылулар • мұрыннан қан кету Асқазан-ішек жолы тарапынан бұзылулар • диспепсия, іштің ауыруы, жүрек айнуы, іштің кебуі, метеоризм Бауыр және өт шығару жолдары тарапынан бұзылулар • холестазды қоса, өт қалтасының аурулары Тері және теріасты шелмайы тарапынан бұзылулар • бөртпе, әртүрлі тері аурулары (соның ішінде, қышыну, экзема, есекжем, акне, артық түк өсу, шаштың түсуі, түйінді эритема, полиморфты эритема, геморрагиялық бөртпе, хлоазма) Қаңқа бұлшеқеттері мен дәнекер тіндер тарапынан бұзылулар • бұлшықеттердің түйілуі, аяқтардың ауруы Бүйрек және несеп шығару жолдары тарапынан бұзылулар • цистит симптомдарын еске салатын симптомдар Ұрпақ өрбіту жүйесі мен сүт бездері тарапынан бұзылулар • жатыр миомасы өлшемінің ұлғаюы, қынап кандидозы, жатыр мойнының эрозиясы, қынаптық қан кету құрылымындағы өзгерулер мен әдеттен тыс қан кету немесе етеккір, лақылдап қан кету, жағынды бөлініс (қан кетулердің жүйесіздігі әдетте ұзақ уақыт емдеу кезінде жойылады) дисменорея, қынап секрециясының өзгеруі, етеккір алдындағы синдром, сүт бездерінің секрециясы және сүт бездерінің ауыруы және ұлғаюы. Жалпы сипаттамадағы асқынулар мен енгізу орындағы реакциялар - ісіну * Қосымша ақпаратты төменнен қараңыз. Сүт безінің обыры қаупі • 5 жылдан аса уақыт ішінде эстроген мен прогестагенмен біріктірілген ем алған әйелдерде сүт безі обырының екі есе жоғары қаупі байқалғаны хабарланған. • Кез келген жоғарғы қауіп эстроген мен прогестагенмен біріктірілген ем алған пациент әйелдерге қарағанда, тек эстрогенмен ем қабылдаған пациент әйелдерде айтарлықтай төмен. • Қауіп деңгейі пайдаланудың ұзақтығына тәуелді. Эндометрий обырының қаупі Жатыры алынып тасталмаған постменопаузадағы әйелдер. Эндометрий обыры қаупі ОГЕ алмаған, жатыры алынып тасталмаған әр 1000 әйелге шамамен 5 әйелді құрайды. Жатыры алынып тасталмаған әйелдерге тек эстрогендермен ОГЕ қабылдау ұсынылмайды, ол эндометрий обыры қаупін арттырады. Тек эстроген қабылдау ұзақтығы мен эстроген дозасына байланысты, эпидемиологиялық зерттеулерде эндометрий обыры қаупінің артуы 55 пен 65 жас аралығындағы әр 1000 әйелге диагностикаланған 5-тен 55 қосымша жағдайға дейін ауытқып отырған. Тек эстрогенмен емдеу кезінде бір циклда ең кемі 12 күн ішінде прогестогенді қосымша қабылдау жоғарғы қауіптің алдын алуы мүмкін. Бес жыл бойы біріктірілген (бірізді немесе үздіксіз) ОГЕ қолдану эндометрий обыры қаупін арттырмаған (ҚА 1.0 (0.8–1.2)). Аналық без обыры Тек эстроген қолданумен ОГЕ немесе біріктірілген эстроген-прогестагендік ОГЕ аналық бездер обыры диагностикасының аздап жоғары қаупімен байланысты болған. Зерттеулерде ешқашан ОГЕ алмаған әйелдермен салыстырғанда, қазіргі уақытта ОГЕ алып жүрген әйелдерде аналық бездер обырының жоғарғы қаупін анықтаған (ҚА 1,43, 95% СА 1,31-1,56). 5 жыл ішінде ОГЕ алып жүрген 50 мен 54 жас аралығындағы әйелдерде бұл 2000 әйелге шамамен 1 қосымша жағдайға әкеледі. ОГЕ алып жүрмеген 50 мен 54 жас аралығындағы әйелдерде 2000 әйелдің шамамен 2-де 5-жылдық кезеңде аналық бездер обыры диагнозы қойылады. Веналық тромбоэмболия қаупі ОГЕ веналық тромбоэмболия (ВТЭ), яғни, терең веналар тромбозы немесе өкпе артериясының тромбозы дамуы қаупінің 1,3-3 есе көбеюімен байланысты. Мұндай асқынудың туындауының ықтималдығы ГЕ қолданудың бірінші жылы көбірек. Жүректің ишемиялық ауруы қаупі Жүректің ишемиялық ауруы қаупі 60 жастан асқан, біріктірілген эстроген-прогестагендік ОГЕ алған әйелдерде біраз жоғары. Ишемиялық инсульт қаупі Тек эстрогендермен емді және эстроген-прогестагендік емді пайдалану ишемиялық инсульттің салыстырмалы қаупінің 1,5 есе жоғарылауымен байланысты. Геморрагиялық инсульт қаупі ОГЕ пайдалану кезінде көтерілмейді. Бұл салыстырмалы қауіп жас ерекшелігіне немесе қолдану ұзақтығына байланысты емес, алайда, жоғары деңгейлі бастапқы қауіп жасқа тәуелді болғандықтан, ОГЕ қабылдаған әйелдердегі инсульттың жалпы қаупі жас ұлғая көтерілетін болады. Эстрогенмен және прогестагенмен емдеумен байланысты басқа жағымсыз реакциялар тіркелген: - өт қалтасының ауруы. - тері мен теріасты шелмайы тарапынан бұзылулар: хлоазма, полиморфты эритема, түйінді эритема, қантамырлық пурпура - 65 жастан асқан жастағы ықтимал деменция Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалануы жүрек айнуы мен құсуды, ал кейбір әйелдерде тоқтатудан болатын қан кетуді туғызуы мүмкін. Арнайы антидоты жоқ. Симптоматикалық ем жүргізу қажет.

Арнайы ескертулер • Постменапауза симптомдарын басу үшін ОГЕ тек адам өміріне теріс әсер ететін симптомдар кезінде бастау керек. Барлық жағдайларда кемінде жылына бір рет қауіп-пайданың мұқият бағалауын жүргізу қажет, ал ОГЕ пайдасы қауіптен жоғары болған жағдайда ғана жалғастыру қажет. • Мерзімінен бұрынғы менапаузаны емдеуде ОГЕ байланысты қауіптерге қатысты дәлелдер жеткіліксіз. Алайда абсолюттік қауіптің төмен деңгейіне байланысты жас әйелдердегі пайда мен қауіп арақатынасы егде жастағы әйелдерге қарағанда жағымды болуы мүмкін. Медициналық тексеру/одан кейінгі дәрігерлік бақылау: • ОГЕ бастау немесе қайта тағайындаудың алдында, пациент әйел мен оның отбасының анамнезін толық анықтау керек. Физикалық (соның ішінде гинекологиялық және маммологиялық) тексеруде пайдалануға болмайтын жағдайлар мен пайдалану кезіндегі сақтық шараларын ескеру қажет. Емделу кезінде жиілігі мен сипаты әйелдің жеке ерекшеліктеріне тәуелді анықталатын мерзімдік тексерулер жүргізіп отыру ұсынылады. Әйелдер сүт безінің қандай өзгерістері кезінде емдеуші дәрігер мен медбикеге хабарлау керектігінен хабардар болуы қажет (төменнен «Сүт безінің обырын» қараңыз). Көзбен шолудың тиісті құралдарын қоса зерттеулер, мысалы, маммография, пациенттің клиникалық қажеттіліктеріне бейімделген қазіргі уақытта қабылданған скрининг әдістеріне сәйкес жүргізілуі қажет. Бақылауды талап ететін жағдайлар: • Пациент әйелде бұрын болған және/немесе жүктілік кезінде немесе алдыңғы гормональді емнен кейін асқынған келесі жағдайлардың қайсыбірі болса мұқият бақылауға алынуы қажет. Бұл жағдайлардың Прогинова® препаратымен емдеу кезінде қайталануы немесе асқынуы мүмкін екенін назарға алу керек, соның ішінде: - лейомиома (жатыр миомасы) немесе эндометриоз - тромбоэмболиялық бұзылулардың қауіп факторлары (төменнен қараңыз) - эстрогенге тәуелді ісіктердің қауіп факторы, мысалы, сүт безінің обыры кезіндегі 1-ші дәрежелі тұқымқуалаушылық - гипертония - бауыр аурулары (мысалы, бауыр аденомасы) - ісікке қантамырлар қамтылған немесе онсыз қант диабеті - өт-тас ауруы - бас сақинасы немесе (қатты) бас ауруы - жүйелі қызыл жегі - анамнездегі эндометрий гиперплазиясы (төменнен қараңыз) - эпилепсия - демікпе - отосклероз - тұқымқуалайтын ангионевроздық ісіну Емді дереу тоқтату себептері: Емдеуді қолдануға болмайтын жағдайлар анықталғанда, сонымен қатар келесі жағдайларда тоқтату қажет: - сарғаю немесе бауыр функциясының бұзылуы - артериялық қысымның айтарлықтай көтерілуі - алғаш туындаған бас сақинасы - жүктілік Эндометрий гиперплазиясы және обыр • Ұзаққа созылған монотерапияда эндометрий гиперплазиясы немесе карциномасының даму қаупі жоғарылайды. Емдеудің ұзақтығы мен эстроген дозасына байланысты, эстрогенді қабылдамайтын пациент әйелдерге қарағанда, эстрогенмен монотерапия қабылдайтын пациент әйелдер арасында эндометрий обыры қаупінің 2-12 есе жоғарылауы тіркелген. Емді тоқтатқаннан кейін қауіп ұзақ уақыт сақталуы мүмкін (10 жылдан аса). • Прогестагенді кезеңді 28-күндік циклде / айына кемінде 12 күн ішінде немесе гистерэктомияға ұшырамаған әйелдерде эстрогенмен және прогестагенмен үздіксіз біріктірілген ем түрінде қосымша қабылдау тек эстрогеннен тұратын ОГЕ байланысты артық қауіптің алдын алады. • Эстрадиолдың > 2 мг пероральді дозасы, жылқының конъюгацияланған эстрогендері > 0,625 мг және тәулігіне бұласырлар > 50 мкг, эндометриядағы ілеспелі прогестагендер қауіпсіздігі көрініс бермеген. • Лақылдап қан кету мен жағынды бөліністер емнің бірінші айы ішінде туындауы мүмкін. Егер лақылдап қан кету немесе жағынды бөліністер ем басталғаннан кейін біраз уақыттан соң пайда болса немесе емді тоқтатқаннан кейін жалғасса, олардың туындау себебін, мысалы, эндометрийдің қатерлі ісігін жоққа шығару мақсатында эндометрий биопсиясы арқылы зерттеу керек. Бос эстрогенмен стимуляциялау эндометриоздың қалдықтық ошақтарында обыр алдындағы немесе қатерлі өзгерістерге әкелуі мүмкін. Сондықтан, эндометриоз себепті гистерэктомияға шалдыққан әйелдерде қалдықтық эндометриоз диагнозы анықталса, эстрогенмен орын басушы еммен бірге прогестагенді қосымша қабылдауға сақтықпен қарау керек. Сүт безінің обыры Жалпы деректер біріктірілген эстроген-прогестаген емін, сонымен қатар тек эстрогенмен ОГЕ алып жүрген әйелдерде сүт безінің обыры қаупінің жоғары екенін көрсетеді. Біріктірілген эстроген-прогестагендік ем • Шамамен 3 жылдан кейін білінетін, біріктірілген эстроген-прогестагендік ОГЕ өткен әйелдерде сүт безі обырының жоғары қаупі жоғарылайды. Эстрогендік ем • Тек эстрогендермен ОГЕ қабылдап жүрген гистерэктомия болған әйелдерде сүт безі обыры қаупінің жоғарылауы байқалмаған. Негізінен, сүт безі обыры диагностикалану қаупінің аздап көбеюі туралы, біріктірілген эстроген-прогестагендік ем алған пациент әйелдерге қарағанда айтарлықтай төмен екені хабарланған. • Жоғары қауіп бірнеше жыл пайдаланғаннан кейін анықталады, алайда емді тоқтатқаннан кейінгі бірнеше жылдан соң бастапқы деңгейіне қайта келеді. Егер ОГЕ 5 жылдан астам уақытқа созылса, қауіп 10 жыл немесе одан да көп уақытқа созылуы мүмкін. • ОГЕ, әіресе, біріктірілген эстроген-прогестагендік ем маммографиялық кескіндердің тығыздығын ұлғайтады, ол сүт безінің обырын рентгенологиялық анықтауда теріс ықпал етуі мүмкін. Аналық без обыры Аналық без обыры сүт безінің обырына қарағанда әлдеқайда сирек кездеседі. • Тек эстроген немесе біріктірілген эстроген-прогестагендік ОГЕ қабылдап жүрген әйелдерде 5 жыл қабылдағаннан кейін пайда болатын және емді тоқтатқан соң уақыт өте төмендейтін аздап жоғары қаупі туралы көрсетеді. • ОГЕ үшін біріктірілген препараттарды қолдану ұқсас немесе біраз аз қауіппен байланысты деп шамалайды. Вена тромбоэмболиясы • ОГЕ вена тромбоэмболиясы (ВТЭ) даму қаупінің яғни, терең веналар тромбозы немесе өкпе артериясы тромбоэмболиясының 1,3-3 есе жоғарылауымен байланысты. Мұндай асқынудың туындау ықтималдығы кейінге қарағанда ОГЕ жүргізген бірінші жылы басым. • ВТЭ туындауының көпшілікке танылған қауіп факторларына эстрогендер қабылдау, егде жас, ауқымды операциялық араласым, ұзаққа созылған иммобилизация, семіздік (ДСИ> 30 кг/м2), жүктілік кезеңі/босанғаннан кейінгі кезең, жүйелік қызыл жегі (ЖҚЖ) және обыр жатады. ВТЭ кезіндегі венаның варикоздық кеңеюінің рөлі туралы біржақты пікір жоқ. Барлық операциядан кейінгі пациенттер сияқты, операциядан кейін ВТЭ болдырмау үшін профилактикалық шаралар қарастырылуы қажет. Ұзаққа созылған иммобилизациядан кейін жоспарлы операция өткізу қажеттілігі болған жағдайда ОГЕ уақытша, 4-6 аптаға ерте тоқтату ұсынылады. Емдеуді әйел толық қалпына келгенше қайта жаңғыртпау керек. • Расталған тромбоэмболия жағдайлары бар пациенттер ВТЭ жоғары қаупіне ұшырайды. ОГЕ бұл қауіптің жоғарылауына ықпал етуі мүмкін. Сондықтан, ОГЕ мұндай пациенттерге қолдануға болмайды. • Анамнезінде ВТЭ болмаған, бірақ жақын туысында жастау кезінде тромбоз болған әйелдерге оның кемшіліктеріне қатысты мұқият кеңес беруден кейін, скринингтен өту ұсынылуы мүмкін (скринингте тромбофильдік бұзылулардың тек бір бөлігі анықталады). Отбасы мүшелеріндегі тромбоздан басқа тромбофильдік бұзылулар анықталған жағдайда, немесе бұзылулардың «қауіптілігі» (мысалы, антитромбин, S ақуызы немесе C ақуызы жетіспеушілігі, немесе бұзылулардың бірігуі) жағдайында ОГЕ қолдануға болмайды. • Антикоагулянттармен емдеу курсын өтіп жатқан пациент әйелдерге қатысты ОГЕ жүргізудің қаупін мұқият қарастыру қажет болады. • Ем басталғаннан кейін ВТЭ дамыған жағдайда препаратты қабылдауды тоқтату керек. Тромбоэмболиялық ықтимал симптомдар (мысалы, аяқтың ауырсынып ісінуі, кеуденің кенеттен ауыруы, ентігу) туындаған жағдайда пациент әйелдерге өзінің емдеуші дәрігеріне тез арада хабарласуды ұсыну керек. Жүректің ишемиялық ауруы (ЖИА) ЖИА бар немесе ЖИА жоқ, біріктірілген эстроген-прогестагендік ем немесе тек эстрогендік ОГЕ қабылдаған әйелдерде миокард инфарктісінен қорғаудың бақыланатын рандомизацияланған зерттеулер деректері жоқ. Біріктірілген эстроген-прогестаген емі Біріктірілген эстроген-прогестаген емін қабылдау кезіндегі ЖИА дамуының салыстырмалы қаупі біраз жоғары. ЖИА бастапқы қаупі жас шамасына тәуелді болғандықтан, эстроген мен прогестаген қабылдаудан туындаған ЖИА қосымша жағдайлары менопаузаға жақындаған дені сау әйелдерде өте төмен, алайда ол жас ұлғайған сайын жоғарылай береді. Эстрогендік ем Бақыланатын рандомизацияланған зерттеулер деректеріне сәйкес, эстрогендік ем қабылдап жүрген гистерэктомия болған әйелдерде ЖИА жоғарғы қаупі анықталған жоқ. Ишемиялық инсульт Біріктірілген эстроген-прогестагендік ем мен эстрогендік ем ишемиялық инсульт даму қаупін 1,5 есе көтереді. Салыстырмалы қауіп жас өскен сайын немесе менопаузадан кейінгі уақытта өзгермейді. Алайда, инсульттің бастапқы қаупі айтарлықтай дәрежеде жасқа тәуелді болғандықтан, ОГЕ қабылдап жүрген әйелдердегі инсульттің жалпы қаупі жас ұлғая көтерілетін болады. Басқа жағдайлар • Эстрогендер сұйықтықтың іркілісін туғызуы мүмкін, сондықтан жүрек немесе бүйрек дисфункциясы бар пациент әйелдерді мұқият бақылау керек. • Анамнезінде гипертриглицеридемия болған әйелдер эстрогендермен немесе горманальді орынбасу емін қабылдау кезінде мұқият бақылауда болуы керек, өйткені мұндай жағдайда эстрогенмен емдеу кезінде панкреатитке соқтыратын, плазмадағы триглицеридтердің елеулі жоғарылауының сирек жағдайлары туралы хабарланған. • Эстрогендер ақуыз-байланыстыратын йод (АБЙ) көмегімен өлшенетін, қалқанша бездің айналмалы жалпы гормондар деңгейінің көтерілуіне әкеліп, тироксин байланыстыратын глобулин (ТБГ) деңгейін, Т4 (бағандық немесе радиологиялық әдістерімен анықталатын) деңгейін немесе Т3 (радиоиммуноталдау арқылы) деңгейін көтереді. Т3 шайыры сіңірілуінің төмендеуі ТБГ жоғарылауын көрсетеді. Бос Т4 пен бос Т3 концентрациялары өзгермейді. Басқа байланыстырушы ақуыздар деңгейі яғни, сәйкесінше, айналмалы кортикостероидтар мен жыныстық стероидтардың көтерілуіне әкелетін, кортикоид байланыстырушы глобулин (КБГ) деңгейі, жыныстық гормондар байланыстыратын глобулин (ЖГБГ) деңгейі сарысуда жоғары болуы мүмкін. Бос немесе биологиялық белсенді гормон концентрациялары өзгермейді. Қан плазмасындағы басқа ақуыздардың деңгейі жоғарылауы мүмкін (ангиотензиноген/ренин субстраты, альфа-I-антитрипсин, церулоплазмин). • Кейде, әсіресе, анамнезінде хлоазма болған жүкті әйелдерде хлоазма кездесуі мүмкін. Хлоазмаға бейім әйелдер ОГЕ кезінде күн немесе ультракүлгін сәуле әсерінен аулақ болуы керек. ОГЕ қолдану когнитивті функцияларды жақсартпайды. 65 жастан кейін үздіксіз гормональді ем немесе тек эстрогенмен ОГЕ бастаған әйелдерде деменцияның ықтимал даму қаупінің жоғарылауын көрсететін мәліметтер алынды. • Прогинова® ұрықтануға қарсы дәрі ретінде жарамсыз. Қажет болса гормональді емес контрацепцияны қолдану керек. • Сирек кездесетін тұқым қуалайтын фруктоза жақпаушылығы, глюкоза және галактоза мальабсорбциясы, немесе сахароза мен изомальтаза жеткіліксіздігі мәселесі бар пациенттерге бұл дәрілік затты қолдануға болмайды. Сирек кездесетін тұқым қуалайтын галактоза жақпаушылығы қиындықтары, лактазаның туа біткен жеткіліксіздігі немесе глюкоза және галактоза мальабсорбциясы бар пациенттер бұл дәрілік затты қабылдамауы керек. • Прогинова® бір таблеткасының құрамында 46.250 мг лактоза моногидраты және 33.980 мг сахароза бар. Қант диабетімен ауыратын науқастарға тағайындау кезінде сақ болу керек. •Экзогендік эстрогендер тұқым қуалайтын және жүре пайда болған ангионевроздық ісінуге түрткі болуы немесе симптомдарын нашарлатуы мүмкін. АЛТ жоғарылауы С гепатитін емдеуге арналған рибавиринмен немесе онсыз дасабувир және омбитасвир/паритапревир/ритонавир біріктірілген препараты қолданылған клиникалық сынақтар барысында құрамында этинилэстрадиол бар препараттарды, мысалы, біріктірілген гормональді контрацептивтерді (БГК) қолданатын әйелдерде АЛТ деңгейінің қалыптың жоғарғы шегінен 5 еседен астам жоғарылауы айтарлықтай жиі байқалды. Сонымен қатар, глекапревир/пибрентасвир немесе софосбувир/велпатасвир/воксилапревирмен ем қабылдаған пациенттерде құрамында БГК сияқты этинилэстрадиол бар препараттарды қабылдаған әйелдерде АЛТ деңгейінің жоғарылауы байқалды. Эстрогендік компоненті ретінде құрамында этинилэстрадиол емес, мысалы, эстрадиол және рибавиринмен немесе онсыз дасабувир және омбитасвир/паритапревир/ритонавир бар дәрілік препараттарды қабылдайтын әйелдерде АЛТ деңгейінің жоғарылау жиілігі эстрогенді қабылдамайтын әйелдерде байқалғанға ұқсас, алайда мұндай эстрогендерді әйелдердің шектеулі саны алатындығына байланысты келесі біріктірілген емдеу режимдерін бір мезгілде тағайындауға сақтықпен қарау керек: рибавиринмен немесе онсыз дасабувир және омбитасвир/паритапревир/ритонавирмен, глекапревир/пибрентасвир немесе софосбувир/велпатасвир/воксилапревирмен. Педиатрияда қолдану Балаларда қолдану ұсынылмайды. Егде жастағы пациенттер Егде жастағы пациенттерде дозаны түзету қажеттілігі туралы деректер жоқ. Бауыр жеткіліксіздігі бар пациенттер Прогинова® бауыр функциясы бұзылған пациенттерде зерттелмеген. Прогинова® бауырдың жедел ауруы бар әйелдерге қолдануға болмайды. Бауыр функциясы бұзылған әйелдер мұқият бақылауда болуы қажет, егер бауыр функциясының көрсеткіштері нашарлаған жағдайда ОГЕ-ні қолдануды тоқтату керек. Бүйрек жеткіліксіздігі бар пациенттер Прогинова® бүйрек қызметі бұзылған науқастарда зерттелмеген. Жүктілік кезінде Прогинова® препараты жүктілік кезінде қолданылмайды. Прогинова® препаратын қабылдау уақытында жүктілік байқалса, емдеуді бірден тоқтату керек. Эстрогендердің шаранаға көзделмеген әсеріне жүргізілген бүгінгі күнге дейінгі эпидемиологиялық зерттеулердің көпшілігінің нәтижелері тератогендік немесе фетоуыттылық әсерін көрсетпейді. Лактация кезеңінде Прогинова® препараты емшек емізу кезінде тағайындалмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдары мен қауіптілігі зор механизмдерді басқару қабілетіне ықпалы бойынша ешқандай зерттеулер жүргізілмеген. Прогинова® препаратын пайдаланған пациенттерде көлік құралдары мен қауіптілігі зор механизмдерді басқару қабілетіне ықпалы байқалмаған.

Нұсқаулықта көрсетілмеген.

Жыныстық гормондардың клиренсін жоғарылататын заттар (ферменттердің индукциясы салдарынан тиімділігін төмендету), мысалы: Эстрогендер метаболизмін, белгілі болғандай, дәрілік заттарды метоболиздейтін ферменттерді, атап айтқанда, құрысуға қарсы препараттар (мысалы, барбитураттар, фенитоин, примидон, карбамазепин) және инфекцияға қарсы дәрілер (мысалы, рифампицин, рифабутин, невирапин, эфавиренц), сонымен қатар, фелбамат, гризеофульвин, окскарбазепин, топирамат және өсімдіктен жасалған құрамында шайқурай бар дәрілік заттар (Hypericum perforatum) сияқты Р450 цитохромы ферменттерін индукциялайтын заттарды бір мезгілде пайдалану арқылы арттыруға болады. Клиникалық тұрғыдан, эстрогендер мен прогестагендер метоболизмінің күшеюі әсерінің төмендеуіне және жатырдан қан кету бейінінің өзгеруіне алып келуі мүмкін. Фермент индукциясы емдеудің бірнеше күнінен кейін байқалады. Ферменттің ең жоғарғы индукциясы, әдетте, бірнеше апта ішінде байқалады. Дәрі-дәрмектік емді тоқтатқаннан кейін ферменттің индукциясы шамамен 4 апта ішінде сақталуы мүмкін. Жыныс гормондары клиренсіне құбылмалы әсер етуші заттар: Жыныстық гормондармен бірге қолдану кезінде СГВ тежегіштерімен біріктірілімдерді қоса, АИТВ протеазасы тежегіштері және қайтымды транскриптазаның ненуклеозидті тежегіштерінің көптеген біріктірілімдері қан плазмасындағы эстроген концентрациясын арттыруы немесе төмендетуі мүмкін. Аталған өзгерістердің жиынтық әсері кейбір жағдайларда клиникалық тұрғыдан елеулі болып шығуы мүмкін. Демек, АИТВ/СГВ қарсы дәрілік препараттарды тағайындау туралы ақпарат ықтимал өзара әрекеттесулерін анықтау және ұсыныстарды тағайындау үшін зерттелуі керек. Жыныстық гормондар клиренсін төмендететін заттар (ферменттерді тежегіштер): Азольді фунгицидтер сияқты CYP3A4 қатты және орташа тежегіштері (мысалы, флуконазол, итраконазол, кетоконазол, вориконазол), верапамил, макролидтер (мысалы, кларитромицин, эритромицин), дилтиазем және грейпфрут шырыны қан плазмасындағы эстроген концентрациясын арттыруы мүмкін. ОГЕ-нің эстрогенді қолдану арқылы басқа дәрілік препараттарға әсері Құрамында эстрогендері бар гормоналды контрацептивтер ламотриджиннің глюкурондану индукциясын ескере отырып, оларды бірге қолданған кезде ламотриджиннің плазмалық концентрациясын айтарлықтай төмендететіні көрсетілген. Нәтижесінде құрысу ұстамаларын бақылау төмендеуі мүмкін. ОГЕ мен ламотриджин арасындағы ықтимал өзара әрекеттесуі зерттелмегенімен, ұқсас өзара әрекеттесу пайда болуы мүмкін деп күтілуде, бұл терапияның екі түрінен де бір уақытта өтетін әйелдерде құрысу ұстамаларын нашар бақылауына әкелуі мүмкін. Фармакодинамикалық өзара әрекеттесу СГВ емдеу режимін құрамында рибавиринмен немесе онсыз дасабувир және омбитасвир/паритапревир/ритонавир біріктірілген препараты қолданылған клиникалық зерттеулер барысында құрамында этинилэстрадиол бар препараттарды, мысалы, БГК қолданатын әйелдерде АЛТ белсенділігінің қалыптың жоғарғы шегінен (ҚЖШ) 5 еседен астам жоғарылауы айтарлықтай жиі байқалды. Сонымен қатар, глекапревир/ пибрентасвир немесе софосбувир/велпатасвир/воксилапревир біріктірілімдерін қолданғанда, құрамында БГК сияқты этинилэстрадиол бар препараттарды қабылдаған әйелдерде АЛТ деңгейінің жоғарылауы байқалды. Эстрогендік компоненті ретінде құрамында этинилэстрадиол емес, мысалы, эстрадиол және рибавиринмен немесе онсыз дасабувир және омбитасвир/паритапревир/ритонавир бар дәрілік препараттарды қабылдайтын әйелдерде АЛТ деңгейінің жоғарылау жиілігі эстрогенді қабылдамайтын әйелдерде байқалғанға ұқсас, алайда мұндай эстрогендерді әйелдердің шектеулі саны алатындығына байланысты келесі біріктірілген емдеу режимдерін бір мезгілде тағайындауға сақтықпен қарау керек: рибавиринмен немесе онсыз дасабувир және омбитасвир/паритапревир/ритонавир, глекапревир/пибрентасвир немесе софосбувир/велпатасвир/воксилапревирмен. Зертханалық тест Жыныстық стероидтарды пайдалану бауыр, қалқанша без, бүйрекүсті бездері және бүйрек функциясының биохимиялық параметрлерін, плазмадағы тасымалдаушы ақуыздар деңгейлерінің көрсеткіштерін, мысалы, кортикостероид байланыстыратын глобулиндердің және липидтер/липопротеидтер фракциясының, көмірсутек алмасуының параметрлерін және коагуляция және фибринолиз параметрлерін қоса, кейбір зертханалық зерттеулердің нәтижелеріне ықпал етуі мүмкін. Өзгерістер, әдетте, зертханалық көрсеткіштердің қалыпты мәндер шегінде қалады.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 25о С-ден аспайтын температурада сақтау керек. Балалардың қолы жетпейтін жерде сақтау керек!