ПРОСТАДАРТ-ТД капсулы

Бір капсуланың құрамында белсенді заттар: 0.400 мг тамсулозин гидрохлориді және 0.500 мг дутастерид; қосымша заттар: микрокристалды целлюлоза, бутилгидрокситолуол, пропиллаллат, метакрил қышқылының сополимері дисперсия (L30D-55) (30% ішіндегі қатты зат), триэтилцитрат, полисорбат 80, тазартылған тальк, гипромеллоза 5cps, полиэтиленгликоль (ПЭГ 6000), кремний қостотығы (Syloid 244 FP), повидон (PVPK-30), полиоксил 40 гидрогенделген майсана майы, орташа ұзын тізбекті триглицеридтер (Kollisolv MCT 70), 2-пропанол, тазартылған су. капсула қабығының құрамы: күн батар түстес сары (E110), темірдің қызыл тотығы (E172), титанның қостотығы (E171), тазартылған су, желатин. Сыртқы түрінің, иісінің, дәмінің сипаттамасы Мөлдір емес қызғылт-сары қақпағы және мөлдір емес қоңыр түсті корпусы бар «1» өлшемді қатты желатин капсулалар, Капсулалар ішінде – ақтан ақ дерлік түске дейінгі пеллеттер.

Дәрілік препарат ересектерде қолдануға көрсетілген: - Қуық асты безінің қатерсіз гиперплазиясының (ҚБҚГ) орташа және ауыр симптомдарын емдеу - ҚБҚГ орташа және ауыр симптомдары бар пациенттерде жедел несеп іркілісінің (ЖНІ) және хирургиялық араласу қаупін төмендету

Әсер ету механизмі Дутастерид-тамсулозин препараты екі дәрілік заттың біріктірілімі: дутастерид – 5-редуктазаның екі жақты тежегіші және тамсулозин гидрохлориді – α1а және α1d-адренорецепторлар антагонисі түрінде болады. Аталған дәрілердің комплементарлық әсер ету механизмдері бар, соның салдарынан симптомдары мен несеп шығару жылдамдығының тез жақсаруы, жедел несеп іркілісі (ЖНІ) қаупінің және ҚБҚГ себебімен хирургиялық операция жасау қажеттілігінің төмендеуі жүреді. Дутастерид тестостеронның 5-дигидротестостеронға (ДГТ) айналуына жауапты 1 және 2 типті 5 альфа-редуктаза изоферменттерін бәсеңдетеді. ДГТ көбінесе қуық асты безінің ұлғаюына және ҚБҚГ дамуына жауап беретін негізгі андроген болып табылады. Тамсулозин қуық асты безі стромасының тегіс бұлшықеттерінде және қуық мойнында α1a және α1d-адренорецепторлар белсенділігін бәсеңдетеді. Қуық асты безіндегі α1-рецепторлардың 75% жуығы α1a қосалқы типіне жатады. Фармакодинамикалық әсерлері Дутастеридті тамсулозинмен бір мезгілде қабылдау Төменде берілген деректерде дутастерид пен тамсулозинді бір мезгілде қабылдау туралы қолда бар ақпарат көріністеледі. Қуық асты безінің көлемі ≥ 30 мл және ПСА мәні 1.5-10 нг/мл диапазонында болатын пациенттер арасында дутастерид 0.5 мг/тәулік (n = 1623), тамсулозин 0.4 мг/тәулік (n = 1611) немесе 0.5 мг дутастеридке қоса 0.4 мг тамсулозинді (n = 1610) бірге қабылдау ҚБҚГ орташа және ауыр симптомдары бар ерлерде бағаланды. Қуық асты безінің көлемі ≥ 30 мл және ПСА мәні 1.5-10 нг/мл диапазонында болатын ҚБҚГ орташа және ауыр симптомдары бар ерлердің қатысуымен қатар топтарда жүргізілген 4-жылдық көп орталықты, көп ұлтты, рандомизацияланған салыстырмалы зерттеуде дутастеридті 0.5 мг/тәулік дозада (n = 1623), тамсулозинді 0.4 мг/тәулік дозада (n = 1611) қолдану немесе 0.5 мг дутастеридке қоса 0.4 мг тамсулозинді (n = 1610) бір мезгілде қабылдау бағаланды. Пациенттердің 53% жуығы бұрын 5-альфа-редуктаза тежегішінің немесе альфа-1-адренорецепторлар антагонисінің әсеріне ұшырады. Алғашқы 2 жыл емделу кезінде тиімділігінің бастапқы соңғы нүктесі өмір сүру сапасы туралы қосымша сауалнамамен AUA-SI бойынша негізделген 8 тармақтан тұратын құрал – қуық асты безінің аурулары симптомдарының халықаралық шкаласы (IPSS) бойынша өзгеруі болды. Тиімділігінің екінші соңғы нүктелері 2 жыл өткенде бағаланды және несеп ағынының ең жоғары жылдамдығын (Qmax) және қуық асты безінің көлемін қамтыды. Біріктірілім алған топтағы IPSS нәтижелері дутастерид тобымен салыстырғанда 3 айдан, ал тамсулозин тобымен салыстырғанда 9 айдан бастап, елеулі көрсеткішке жетті. Біріктірілім алған топтағы Qmax нәтижелері, дутастерид және тамсулозин топтарымен салыстырғанда 6 айдан бастап, елеулі көрсеткішке жетті. Дутастерид пен тамсулозин біріктірілімі, осы компоненттердің әрқайсысын бөлек алып қарағанда, симптомдарды тиімдірек жеңілдетеді. Біріктірілген ем тобында 2 жыл емделуден кейін бастапқы мәнінен -6.2 балл құраған симптомдар шкаласы бойынша бағалаудың статистикалық мәнді түзетілген орташа жақсаруы байқалды. Біріктірілген ем тобында, бастапқы деңгеймен салыстырғанда, несеп шығару жылдамдығының түзетілген орташа жақсаруы 2.4 мл/сек; дутастерид тобында 1.9 мл/сек және тамсулозин тобында 0.9 мл/сек құрады. ҚБҚГ әсер ету индексінің (BII) түзетілген орташа жақсаруы, бастапқы деңгеймен салыстырғанда, біріктірілген ем тобында -2.1 балл; дутастерид тобында -1.7 балл және тамсулозин тобында -1.5 балл құрады. Несеп шығару жылдамдығының және ҚБҚГ әсер ету индексінің байқалатын жақсарулары, екі монотерапия тобымен салыстырғанда, біріктірілген ем тобында статистикалық мәнді болды. 2 жыл емделуден кейін қуық асты безінің жалпы көлемінің және ауыспалы аймақ көлемінің төмендеуі, тамсулозин монотерапиясымен салыстырғанда, біріктірілген ем тобында статистикалық мәнді болды. 4 жыл емделуден кейінті бастапқы соңғы нүкте ЖНІ бірінші жағдайының немесе ҚБҚГ-мен байланысты хирургиялық операцияның дамуына дейінгі уақыт болды. 4 жыл емделуден кейін біріктірілген ем, тамсулозин монотерапиясымен салыстырғанда, ЖНІ немесе ҚБҚГ-мен байланысты хирургиялық операциялар қаупін едәуір төмендетті (қауіп төмендеуі 65.8%, p < 0.001 [95% СА 54.7% - 74.1%]). ЖНІ немесе ҚБҚГ-мен байланысты хирургиялық операциялар жағдайларының жиілігі 4 жыл ішінде біріктірілген ем тобында 4.2% және тамсулозин тобында 11.9% құрады (p < 0.001). Дутастерид монотерапиясымен салыстырғанда, біріктірілген ем ЖНІ немесе ҚБҚГ-мен байланысты хирургиялық араласулар қаупін 19.6% төмендетті (p = 0.18 [95% СА -10.9% - 41.7%]). Дутастерид тобында ЖНІ немесе ҚБҚГ-мен байланысты хирургиялық операциялар жағдайларының жиілігі 4 жыл ішінде 5.2% құрады. 4 жыл емделуден кейінті тиімділігінің екінші соңғы нүктелері клиникалық үдеуге дейінгі уақытты (IPSS шкаласы бойынша ≥4 балл нашарлауы, ҚБҚГ-мен байланысты ЖНІ жағдайлары, несеп ұстай алмау, несеп шығару жолдарының инфекциясы (НЖИ) және бүйрек жеткіліксіздігі қамтылған көрсеткіштер жиынтығы); қуық асты безі аурулары симптомдарының халықаралық шкаласы (IPSS) бойынша өзгерісті, несеп шығарудың ең жоғары жылдамдығының және қуық асты безі көлемінің өзгеруін қамтыды. 4 жыл емделуден кейін алынған зерттеулер нәтижелері төменде берілген. Параметр — Уақыт кезеңі — Біріктірілім — Дутастерид — Тамсулозин ЖНІ немесе ҚБҚГ-мен байланысты хирургиялық араласу (%) — Жиілігі 48 ай өткен соң — 4.2 — 5.2 — 11.9a Клиникалық үдеу* (%) — 48 ай — 12.6 — 17.8b — 21.5a IPSS (балл) — [Бастапқы деңгей] 48 ай (бастапқы деңгейден % өзгеруі) — [16.6] -6.3 — [16.4] -5.3b — [16.4] -3.8a Qmax (мл/сек) — [Бастапқы деңгей] 48 ай (бастапқы деңгейден % өзгеруі) — [10.9] 2.4 — [10.6] 2.0 — [10.7] 0.7a Қуық асты безінің көлемі (мл) — [Бастапқы деңгей] 48 ай (бастапқы деңгейден % өзгеруі) — [54.7] -27.3 — [54.6] -28.0 — [55.8] +4.6a Қуық асты безінің ауыспалы аймақ көлемі (мл)# — [Бастапқы деңгей] 48 ай (бастапқы деңгейден % өзгеруі) — [27.7] -17.9 — [30.3] -26.5 — [30.5] 18.2a ҚБҚГ әсер ету индексі (ҮТ) (балл) — [Бастапқы деңгей] 48 ай (бастапқы деңгейден % өзгеруі) — [5.3] -2.2 — [5.3] -1.8b — [5.3] -1.2a IPSS, 8 сауал (ҚБҚГ-мен байланысты денсаулық жағдайын бағалау) (балл) — [Бастапқы деңгей] 48 ай (бастапқы деңгейден % өзгеруі) — [3.6] -1.5 — [3.6] -1.3b — [3.6] -1.1a Бастапқы деңгей орташа мәндер түрінде болады, ал бастапқы деңгейден ауытқулары түзетілген орташа мәндер болып табылады. * Клиникалық үдеу келесі көрсеткіштердің жиынтығы болып табылады: IPSS шкаласы бойынша ≥4 балл нашарлауы, ҚБҚГ-мен байланысты ЖНІ жағдайлары, несеп ұстай алмау, НЖИ және бүйрек жеткіліксіздігі. # Бағалау жекелеген зерттеу орталықтарында жүргізілді (рандомизацияланған пациенттердің 13%-ы). a. Біріктірілген ем тобында 48 ай өткен соң, тамсулозин тобымен салыстырғанда, елеулі нәтижелер алынды (p < 0.001). b. Біріктірілген ем тобында 48 ай өткен соң, дутастерид тобымен салыстырғанда, елеулі нәтижелер алынды (p < 0.001). Дутастерид Дутастеридті 0.5 мг/тәулік дозада қабылдау, плацебомен салыстырғанда, қуық асты безінің ≥30 мл көлемімен және ПСА 1.5-10 нг/мл шегіндегі көрсеткішімен ҚБҚГ орташа және ауыр симптомдары бар 4325 ердің қатысуымен бастапқы тиімділігінің үш 2-жылдық көп орталықты, көп ұлтты, плацебо бақыланатын салыстырмалы жасырын зерттеуінде бағаланды. Одан кейін зерттеулер 4 жылға дейінгі ашық қосымша кезеңдермен жалғасты, осы орайда зерттеуде қалған пациенттердің бәрі дутастеридті сол 0.5 мг дозада алуды жалғастырды. 4 жыл өткен соң бастапқыда плацебо алған пациенттердің 37%-ы, ал бастапқыда дутастерид қабылдаған пациенттердің 40%-ы зерттеуге қатысуды жалғастырды. Зерттеудің ашық қосымша кезеңіне қатысқан 2340 пациенттің көпшілігі (71%) оның үстіне емдеуді 2 жыл бойы қабылдады. Клиникалық тиімділігінің ең көп маңызды параметрлері Америкалық урологиялық қауымдастығы (AUA-SI) симптомдарының индексі, ең жоғары несеп шығару жылдамдығы (Qmax), жедел несепе іркілісі және ҚБҚГ-мен байланысты хирургиялық араласулар жағдайларының жиілігі болды. AUA-SI 35 балл ең жоғары мәнімен ҚБҚГ-мен байланысты симптомдарды бағалауға арналған жеті тармақтан тұратын сауалнама түрінде болды. Индекстің бастапқы орташа мәні 17 баллға жуық құрады. Бір жыл мен екі жыл емнің алты айы өткен соң плацебо тобында, тиісінше, орташа жақсару 2.5, 2.5 және 2.3 балл, ал Аводарт препаратымен топта, тиісінше, 3.2, 3.8 және 4.5 балл құрады. Екі топ арасындағы айырмашылық статистикалық мәнді болды. Салыстырмалы жасырын емнің алғашқы 2 жыл ішінде байқалған AUA-SI индексінің жақсаруы ашық қосымша зерттеу барысында тағы 2 жыл бойы сақталды. Qmax (несеп шығарудың ең жоғары жылдамдығы) Зерттеулердегі Qmax орташа бастапқы мәні 10 мл/сек жуық құрады (қалыпты мәні Qmax ≥15 мл/сек). Бір жыл және екі жыл емделуден кейін несеп шығару жылдамдығы плацебо тобында, тиісінше, 0.8 және 0.9 мл/сек, ал Аводарт препаратымен топта, тиісінше, 1.7 және 2.0 мл/сек құрады. Екі топ арасындағы айырмашылық 1-ден 24 айға созылған кезеңде статистикалық мәнді болды. Салыстырмалы жасырын емнің алғашқы 2 жылы ішінде байқалатын несеп шығарудың ең жоғары жылдамдығының артуы ашық қосыша зерттеулер барысында тағы 2 жыл сақталды. Жедел несеп іркілісі және хирургиялық араласу Екі жыл емделуден кейін ЖНІ жағдайларының жиілігі, дутастерид тобындағы 1.8%-бен салыстырғанда, плацебо тобында 4.2% құрады (қауіп төмендеуі 57%). Осы өзгешелік статистикалық мәнді болды, ал бұл екі жыл бойы дутастерид қабылдаудың 42 пациенттің бір ЖНІ жағдайын болдырмауға көмектесетінін білдіреді (СА 95% 30-73). Екі жыл емделуден кейін ҚБҚГ-мен байланысты хирургиялық операциялар жиілігі плацебо тобында 4.1% және дутастерид тобында 2.2% құрады (қауіп төмендеуі 48%). Осы өзгешелік статистикалық мәнді болды, ал бұл екі жыл бойы дутастерид қабылдаудың 51 пациенттің бір хирургиялық жағдайын болдырмауға көмектесетінін білдіреді (95% СА 33-109). Түкті жабын таралуы III фаза зерттеулері бағдарламасының шеңберінде дутастеридтің түкті жабын таралуына әсері зерттелмеген, алайда, 5-альфа-редуктаза тежегіштерін қабылдау шаштың түсуін төмендетуі және еркектердегі таздану типтес (ерлердің андрогенді алопециясы) пациенттерде олардың өсуіне ықпал етуі мүмкін. Қалқанша без функциясы Қалқанша без функциясы бір жылға созылған дені сау ерлердің қатысуымен жүргізілген зерттеуде бағаланды. Бір жылдық ем соңында бос тироксин деңгейлері өзгермеген, бірақ, плацебомен салыстырғанда, тиреотропты гормон (ТТГ) деңгейі мардымсыз (0.4 мкХБ/мл) жоғарылады. Алайда, ТТГ деңгейінің осы өзгерістері клиникалық маңызды емес деп бағаланды, өйткені ТТГ деңгейлері өзгеріп отырды, осы орайда ТТГ диапазон медианасы (1.4 - 1.9 мкХБ/мл) қалып шегінде қалды (0.5 - 4.0 мкХБ/мл), ал тироксин деңгейлері қалып шегінде тұрақты әрі плацебо тобында және дутастерид тобында ұқсас болды. Барлық клиникалық зерттеу нәтижелерінде дутастеридтің қалқанша без функциясына теріс ықпал ету дәлелдері ұсынылмады. Сүт безінің жаңа түзілімдері Дутастеридтің 3374 пациент-жыл әсерін қамтамасыз ететін 2 жылға созылған клиникалық зерттеулерде және препарат тіркелген сәттен 2 жылға созылған ашық қосымша зерттеуде дутастерид алған ерлерде сүт безі обырының 2 жағдайы және плацебо алған пациентте 1 жағдайы хабарланды. Дутастеридтің 17489 пациент-жыл әсерін және дутастерид пен тамсулозин біріктірілімінің 5027 пациент-жыл әсерін қамтамасыз еткен 4 жылға созылған CombAT және REDUCE клиникалық сынақтарында бір де бір топта сүт безі обырының жағдайлары хабарланбады. Бірі АҚШ-та (n = 339 кеуде безі обырының жағдайы және = 6780 бақылау), ал екіншісі Ұлыбритания денсаулық сақтау деректерінің базасында (n = 398 кеуде безі обырының жағдайы және n = 3930 бақылау) жүргізілген екі эпидемиологиялық «жағдай-бақылау» зерттеуінің 5-альфа-редуктаза тежегіштерін қолдану кезінде ерлердегі сүт безі обырының даму қаупінің артуы байқалмады (4.4 бөлімін қараңыз). Бірінші зерттеу нәтижелері ерлерде сүт безі обырының дамуына байланысты оң нәижелі байланыс анықталмады (< 1 жыл қолданумен салыстырғанда, сүт безінің обыры диагнозының қойылуына дейін ≥ 1 жыл қолдануға тән салыстырмалы қауіп: 0.70: 95% СА 0.34, 1.45). Екінші зерттеуде 5-альфа-редуктаза тежегіштерін қолдану кезіндегі сүт безі обырының даму мүмкіндіктерін бағалау қатынасы, олар қолданылмайтын топпен салыстырғанда, 1.08: 95% СА 0.62, 1.87 құрады). Ерлердегі сүт безі обырының туындауы мен дутастеридті ұзақ қолдану арасындағы себеп-салдарлы байланыс анықталмаған. Ерлер фертильділігіне әсері Дутастеридті 0.5 мг/тәулік дозада қабылдаудың шәуһет сипаттамаларына ықпалы 52 апта емдеу және 24 апта кейіннен қадағалау барысында 18-ден 52 жасқа дейінгі дені сау еріктілердің қатысуымен зерттеуде (n = 27 дустастерид тобында; n = 23 плацебо тобында) бағаланды. 52 аптада плацебо тобында бастапқы деңгеймен салыстыру кезіндегі өзгерістерге түзетумен сперматозоидтардың жалпы санының, сперматозоидтар көлемі мен қозғалғыштығының бастапқы деңгейден азаюы дутастерид тобында, тиісінше, 23%, 26% және 18% құрады. Бұл сперматозоидтар концентрациясына және морфологиясына ықпал етпеді. Кейіннен қадағалаудың 24 аптасы өткен соң дутастерид тобында сперматозоидтардың жалпы санының орташа пайыздық өзгерісі бастапқы көрсеткішінен 23% төмен күйде қалды. Сонымен қатар, барлық уақыт кезеңдері үшін барлық параметрлердің орташа мәндері қалып шегінде қалды және клиникалық мәнді өзгерістің алдын ала белгіленген критерийлеріне сәйкес келмеді (30%), дутастерид тобындағы екі пациентте 52 апта емделуден кейін сперматозоидтар саны бастапқы деңгейден 90%-дан астам төмендеді, бірақ одан кейін кейіннен қадағалаудың 24 аптасы өткен соң ішінара қалпына келді. Ерлер фертильділігінің төмендеу мүмкіндігін жоққа шығаруға болмайды. Жүрек-қантамыр жүйесі тарапынан жағымсыз құбылыстар 4844 ердің қатысуымен дутастерид пен тамсулозин біріктірілімі қолданылған ҚБҚГ 4-жылдық зерттеуінде (CombAT зерттеуі) «жүрек жеткіліксіздігі» құрамдас терминімен сипатталатын жағдайлар жиілігі, дутастерид (4/1623, 0.2%) және тамсулозин (10/1611, 0.6%) монотерапиясының екі тобына қарағанда, біріктірілім қабылданатын топта жоғары болды (14/1610, 0.9%). Қуық асты безінің обырына жасалған биопсия нәтижесі теріс және ПСА бастапқы деңгейі 50-ден 60 жасқа дейінгі ерлер үшін 2.5 нг/мл-ден 10.0 нг/мл дейінгі диапазонда және 60 жастан асқан ерлер үшін 3 нг/мл-ден 10 нг/мл дейінгі диапазонда болатын 50-ден 75 жасқа дейінгі 8231 пациенттің қатысуымен жекелеген төрт жылдық клиникалық зерттеуде (REDUCE зерттеуі) тәулігіне бір рет дутастеридті 0.5 мг дозада қабылдаған пациенттерде, плацебо тобына (16/4126, 0.4%) қарағанда, «жүрек жеткіліксіздігі» құрамдас терминімен сипатталатын жағдайлар жиілігі жоғары (30/4105, 0.7%) болды. Осы зерттеудің ретроспективті талдауы дутастерид пен α1-адренорецепторлар антагонисін бір мезгілде қабылдаған пациенттерде (12/1152, 1.0%) «жүрек жеткіліксіздігі» құрамдас терминімен сипатталатын жағдайлар жиілігі, дутастеридті α1-адренорецепторлар антагонисінсіз (18/2953, 0.6%), плацебо мен α1-адренорецепторлар антагонисі (1/1399, <0.1%) немесе тек плацебо (15/2727, 0.6%) алған пациенттерге қарағанда, өте жоғары екенін көрсетті. Дутастерид қолдану кезінде (бақылаумен салыстырмалы) жүрек-қантамырлық жағымсыз құбылыстардың даму қаупі бағаланған плацебо немесе салыстыру препаратымен бақыланатын рандомизацияланған 12 клиникалық зерттеудің мета-талдауында (n = 18802) жүрек жеткіліксіздігінің даму қаупінің бірізді статистикалық мәнді артуы анықталмады (СҚ (салыстырмалы қауіп) 1.05; 95 % СА 0.71; 1.57), жедел миокард инфарктісі (СҚ 1.00; 95% СА 0.77; 1.30) немесе инсульт (СҚ 1.20; 95 % СА 0.88; 1.64). Қуық асты безінің обыры және қатерлілігі жоғары дәрежедегі ісіктер Қуық асты безінің обырына жасалған биопсия нәтижесі теріс және ПСА бастапқы деңгейі 50-ден 60 жасқа дейінгі ерлер үшін 2.5 нг/мл-ден 10.0 нг/мл дейінгі диапазонда және 60 жастан асқан ерлер үшін 3 нг/мл-ден 10 нг/мл дейінгі диапазонда болатын 50-ден 75 жасқа дейінгі 8231 пациенттің қатысуымен плацебо мен дутастерид салыстырылған төрт жылдық зерттеуде (REDUCE зерттеуі) 6706 пациентте Глисон шкаласы бойынша балл жиынтығын анықтауға арналған пункциялық биопсия нәтижелері (хаттама бойынша бастапқыда міндетті) болды. Осы зерттеуде қуық асты безінің обыры 1517 пациентте диагностикаланды. Екі емдеу тобында да биопсия жолымен анықталған қуық асты безінің обыры жағдайларының көпшілігі қатерлілігі төмен ісіктерге жатқызылды (Глисон шкаласы бойынша балл жиынтығы 5-6, 70%). Дутастерид тобында (n = 29, 0.9%), плацебо тобына қарағанда (n = 19, 0.6%), Глисон шкаласы бойынша 8-10 балл жиынтығымен қуық асты безінің обыры жағдайларының жоғары жиілігі байқалды (p = 0.15). Бірінші және екінші жыл емделу барысында Глисон шкаласы бойынша 8-10 обыры бар пациенттер саны дутастерид тобында (n = 17, 0,5%) және плацебо тобында (n = 18, 0,5%) бірдей болды. Үшінші және төртінші жылы Глисон шкаласы бойынша 8-10 балл жиынтығымен қуық асты безінің обыры жағдайларының көпшілігі, плацебо тобына қарағанда (n = 1, <0.1%), дутастерид тобында (n = 12, 0.5%) диагностикаланды (p = 0.0035). Қуық асты безі обырының даму қаупі бар пациенттерде 4 жылдан астам уақыт бойы дутастерид қабылдау әсері туралы деректер жоқ. Глисон шкаласы бойынша 8-10 балл жиынтығымен қуық асты безінің обыры диагнозы қойылған пациенттер пайызы зерттеудің барлық кезеңдері бойына (1-2 жыл, 3-4 жыл) дутастерид тобында тұрақты болды (әр уақыт кезеңінде 0.5%), бірақ плацебо тобында Глисон шкаласы бойынша 8-10 балл жиынтығымен қуық асты безінің обыры диагнозы қойылған пациенттер пайызы, 1-2 жылға қарағанда, 3-4 жыл төмен (тиісінше, 0.5%-бен салыстырғанда, <0.1%) болды (4.4 бөлімін қараңыз). Глисон шкаласы бойынша 7-10 балл жиынтығымен обыр жағдайларының жиілік көрсеткіші бойынша өзгешеліктері болмады (p = 0.81). REDUCE зерттеуі шеңберінде кейіннен қадағалаудың қосымша екі жылдық зерттеуінде Глисон 8-10 индексімен қуық асты безінің обырының жаңа жағдайлары анықталмады. Хаттамасы биопсия жасауды талап етпеген ҚБҚГ 4-жылдық зерттеуінде (CombAT зерттеуі) қуық асты безі обырының барлық диагноздары көрсетілімдер бойынша биопсия жасауға негізделген, Глисон шкаласы бойынша 8-10 балл жиынтығымен обыр жиілігі дутастерид (n=8, 0.5%,), тамсулозин (n=11, 0.7%) және біріктірілген ем (n=5, 0.3%) топтарында анықталды. Төрт әртүрлі эпидемиологиялық қауымдық зерттеуде (екеуі 174895 адамнан құралған жалпы қауымға, біреуі 13892 адам қауымына және біреуі 38058 адам қауымына негізделген) 5-альфа-редуктаза тежегіштерін қолданудың қатерлілігі жоғары дәрежедегі қуық асты безі обырының немесе қуық асты безі обырының туындауымен немесе жалпы өлімге ұшыраумен байланысты емес. Дутастерид қолдану мен қатерлілігі жоғары дәрежедегі қуық асты безі обырының арасындағы байланыс түсініксіз. Жыныс функциясына әсері Комбодарт препаратының жыныс функциясына әсері жыныстық қатынаста болатын ҚБҚГ бар ерлердің қатысуымен салыстырмалы жасырын плацебо-бақыланатын зерттеуде бағаланды (n = 243 Комбодарт, n = 246 плацебо). Біріктірілген ем тобында 12 ай өткен соң Ерлердің сексуалдық саулығын бағалау сауалнамасы (MSHQ) бойынша баллдың статистикалық мәнді (p < 0,001) өте айқын төмендеуі (нашарлауы) байқалды. Негізінен, төмендеуі эякуляция бағасының және жалпы қанағаттану деңгейінің нашарлауымен байланысты болмады, ал эрекцияға қатысты болмады. Осындай зардаптары, плацебомен салыстырғанда, қанағаттануы 12 ай бойы статистикалық мәнді өте жоғары болып бағаланған зерттеу қатысушыларының Комбодарт препаратына сезімталдығына ықпал етпеді (p < 0.05). Осы зерттеуде жыныс функциясы тарапынан жағымсыз құбылыстар 12 ай емделу кезінде шамамен жағдайлардың жартысында ем аяқталған соң 6 ай ішінде басылды. Дутастерид-тамсулозин біріктірілімі және дутастерид монотерапиясы жыныстық функция тарапынан жағымсыз құбылыстар тудыратыны белгілі (4.8 бөлімін қараңыз). CombAT және REDUCE қамтылатын басқа клиникалық зерттеулерде атап көрсетілгендей, жыныс функциясы тарапынан жағымсыз құбылыстардың даму жиілігі уақыт өте азаяды. Тамсулозин Тамсулозин несеп шығарудың ең жоғары жылдамдығын арттырады. Қуық асты безінің тегіс бұлшықеттерінің тонусын және уретраны төмендету жолымен, сол арқылы босаңсу симптомдарын жақсарта отырып, обструкцияны жеңілдетеді. Ол қуық тұрақсыздығы олар үшін маңызды рөл атқаратын толтыру симптомдарын да жақсартады. Босаңсу және толтыру симптомдарына қатысты осындай әсері ұзақ уақыт ем кезінде сақталады. Нәтижесінде хирургиялық араласу немесе катетерлеу қажеттілігі едәуір уақыт кейінге шегерілді. Α1-адренорецепторлар антагонистері тамырлардың жалпы шеткері кедергісін төмендету есебінен артериялық қысымды төмендетуге қабілетті. Тамсулозин зерттеулерінің барысында артериялық қысымның клиникалық мәнді төмендеуі байқалмады.

Дозалау режимі Ересектер (егде жастағы пациенттерді қоса) ПРОСТАДАРТ-ТД препаратының ұсынылатын дозасы тәулігіне бір рет бір капсуланы (0.4 мг/ 0.5 мг) құрайды. Қажет болса, емдеуді оңайлату мақсатында дутастеридпен және тамсулозин гидрохлоридімен екі компонентті емді ПРОСТАДАРТ-ТД дәрілік препаратын қабылдаумен алмастыруға болады. Клиникалық қажеттілік болса, дутастеридпен немесе тамсулозин гидрохлоридімен монотерапиядан ПРОСТАДАРТ-ТД препаратына тікелей ауысуды қарауға болады. Пациенттердің ерекше топтары Балалар Дутастерид-тамсулозин біріктірілімі балаларға (18 жасқа дейінгі) қарсы көрсетілімді. Бауыр жеткіліксіздігі бар пациенттер Бауыр функциясы бұзылуының дутастерид-тамсулозин біріктірілімінің фармакокинетикасына әсері зертелмеген, сондықтан препаратты ауырлығы жеңілден орташа дәрежеге дейінгі бауыр функциясының бұзылулары бар пациенттерде қолдану кезінде сақ болу керек. ПРОСТАДАРТ-ТД дәрілік препаратын қабылдау бауырының ауыр жеткіліксіздігі бар пациенттерге қарсы көрсетілімді. Бүйрек жеткіліксіздігі бар пациенттер Бүйрек функциясы бұзылуының дутастерид-тамсулозин біріктірілімінің фармакокинетикасына әсері зерттелмеген. Бүйрек функциясының бұзылулары бар пациенттерге дозаны түзету қажет еместігі күтіледі. Енгізу әдісі және жолы Ішке қабылдау үшін. Пациенттерге белгілі бір ас ішуден кейін 30 минутқа жуық уақыт өткен соң күнделікті бүтін капсуланы қабылдау қажеттілігін ескерту керек. Капсуланы ашуға немесе шайнауға болмайды. Капсуланың қатты қабығының ішінде болатын дутастерид капсуласының ішіндегісімен жанасу ауыз қуысының және жұтқыншақ шырышты қабығының тітіркенуін тудыруы мүмкін. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Сауал туындаған жағдайда дәрілік препаратты қабылдамас бұрын дәрігермен хабарласыңыз.

- дутастеридке, 5-альфа редуктазаның басқа тежегіштеріне, тамсулозинге, сояға, арахиске немесе қосымша заттардың кез келгеніне аса жоғары сезімталдық (тамсулозин индукциялаған ангионевроздық ісінуі бар пациенттерді қоса) - әйелдер - балалар және 18 жасқа дейінгі жасөспірімдер - бауыр жеткіліксіздігінің ауыр дәрежесі - анамнездегі ортостаздық гипотензия ұстамалары - катаракта себебімен жоспарланған операция

Жиі - бас айналу - импотенция3 - либидо өзгеруі (төмендеуі)3 - эякуляция бұзылуы3^ - сүт безі тарапынан бұзылу2 Жиі емес - бас ауыру - жүрек жеткіліксіздігі (кешенді термин1) - жүректің жиі соғуы - ортостаздық гипотония - ринит - іш қату - диарея - жүрек айну - құсу - есекжем - бөртпе - қышыну - алопеция (көбіне денедегі түктің түсуі түрінде) - гипертрихоз - астения Сирек - естен тану - ангионевроздық ісіну Өте сирек - Стивенс-Джонсон синдромы - приапизм Белгісіз (қолда бар деректер негізінде бағалау мүмкін емес) - аллергиялық реакциялар, бөртпе, қышыну, есекжем, жергілікті ісіну және ангионевроздық ісінуді қоса - депрессия - аталық бездің ауыруы және ісінуі 1 «Жүрек жеткіліксіздігі» кешенді термині өзінде іркілісті жүрек жеткіліксіздігін, жүрек жеткіліксіздігін, сол жақ қарынша жеткіліксіздігін, жедел жүрек жеткіліксіздігін, кардиогенді шок, сол жақ қарыншаның жедел жеткіліксіздігін, оң жақ қарынша жеткіліксіздігін, оң жақ қарыншаның жедел жеткіліксіздігін, қарыншалық жеткіліксіздікті, жүрек-өкпе жеткіліксіздігін және дилятациялық кардиомиопатияны қамтиды. 2 Сүт бездерінің ауырсынуын және ұлғаюын қоса. 3 Осы сексуалдық сипаттағы жағымсыз құбылыстар дутастерид (монотерапияда және тамсулозинмен біріктірілімін қоса) қабылдаумен байланысты. Жағымсыз құбылыстар емді тоқтатудан кейін жалғасуы мүмкін. Олардың сақталуында атқаратын дутастерид рөлі белгісіз. ^ Шәуһет көлемінің азаюын қоса. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық қызметті бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

ПРОСТАДАРТ-ТД препаратымен артық дозалануға қатысты мәліметттер жоқ. Төменде келтірілген деректер қолда бар жекелеген компоненттер туралы ақпаратты көріністейді. Дутастерид Дутастерид үшін арнайы антидот жоқ, сондықтан артық дозалануы күмән тудырғанда симптоматикалық және демеуші ем тағайындалу керек. Тамсулозин Тамсулозин гидрохлоридін 5 мг дозада қабылдау кезінде жедел артық дозалану мәлімделді. Жедел гипотензия (систолалық артериялық қысым 70 мм сын. бағ.), құсу және диарея дамуы байқалды, олар жоғалған сұйықтық орнын толтырумен емделді, елеулі жақсару болып, пациент сол күні ауруханадан шығарылды. Артық дозалану салдарынан туындаған жедел гипотензия жағдайында жүрек-қантамыр жүйесінің қызметіне қолдау көрсету қажет. Пациентті жатқызу керек, ол артериялық қысымды қалпына келтіруге және жүректің жиырылу жиілігін қалыпқа түсіруге көмектеседі. Егер бұл көмектеспесе, айналымдағы қан көлемін көбейтетін дәрілерді, қажет болса, тамыр тарылтатын дәрілерді қолдануға болады. Бүйрек функцясын бақылап отыру және жалпы демеу шараларын қабылдау қажет. Диализдің тиімді болу ықтималдығы аз, өйткені тамсулозин плазма ақуыздарымен өте жоғары дәрежеде байланысады. Сіңуін болдырмау үшін, пациентті құстыру сияқты шараларды қолдануға болады. Препараттың көп дозаларын қабылдағанда асқазанды шаюға, белсендірілген көмір және натрий сульфаты сияқты осмостық іш жүргізетін дәрілер қабылдауға рұқсат етіледі.

Біріктірілген ем жағымсыз құбылыстардың (жүрек жеткіліксіздігін қоса) ықтималды жоғары қаупімен байланысты пайда-қауіп арақатынасын мұқият бағалаудан соң және монотерапияны қоса, баламалы емдеу нұсқаларын қарастырудан кейін тағайындалу керек. Қуық асты безінің обыры және қатерлілігі жоғары дәрежедегі ісіктер ПРОСТАДАРТ-ТД препаратын қабылдап жүрген ерлер қуық асты безі обырының дамуы тұрғысынан жүйелі тексеруден өтуі тиіс. Простата-спецификалық антиген (ПСА) Қан сарысуындағы простата-спецификалық антиген (ПСА) концентрациясы қуық асты безінің обырын диагностикалауда маңызды компонент болып табылады. ПРОСТАДАРТ-ТД препараты 6 ай қабылдаудан кейін сарысудағы орташа ПСА деңгейінің шамамен 50% төмендеуін туындатады. ПРОСТАДАРТ-ТД препаратын қабылдап жүрген пациенттерде 6 ай ПРОСТАДАРТ-ТД қабылдаудан кейін айқындалған ПСА жаңа бастапқы деңгейі болуы тиіс. Одан әрі ПСА мәніне жүйелі мониторинг өткізу ұсынылады. ПРОСТАДАРТ-ТД қабылдау кезінде анықталған оның ең аз мәніне қатысты ПСА деңгейінің кез келген расталған жоғарылауы қуық асты безі обырының болуын немесе ПРОСТАДАРТ-ТД препаратымен емдеу режимінің қадағаланбауын көрсетуі мүмкін және тіпті егер осы ПСА көрсеткіштері 5-альфа-редуктаза тежегіштерін қабылдамаған пациенттер үшін қалып шегінде қалса да, мұқият бағалау жүргізілуі тиіс. Дутастерид қабылдап жүрген пациентте ПСА мәнінің түсіндірілуін алдыңғы ПСА көрсеткіштерімен салыстыру арқылы жүргізген жөн. ПРОСТАДАРТ-ТД препаратымен емдеу оның жаңа бастапқы деңгейін анықтаудан кейін қуық асты безінің обырын диагностикалау құралы ретінде ПСА пайдаланылуына ықпалын тигізбейді. Сарысудағы жалпы ПСА деңгейі емдеуді тоқтатудан кейін 6 ай ішінде бастапқы мәніне оралады. Бос ПСА мөлшерінің жалпы мөлшерге қатынасы тіпті ПРОСТАДАРТ-ТД дәрілік препаратын қабылдау кезінде тұрақты күйде қалады. Егер ПРОСТАДАРТ-ТД қабылдап жүрген ерлерде қуық асты безінің обырын анықтау үшін дәрігер бос ПСА мөлшерінің пайызын пайдалануды шешсе, бұл мәнді түзету қажет емес. ПРОСТАДАРТ-ТД препаратымен емді бастар алдында, сондай-ақ емдеу барысында мезгіл-мезгіл саусақпен ректальді зерттеу жүргізу, сондай-ақ қуық асты безінің обырын немесе ҚБҚГ кезіндегісіне ұқсайтын симптомдар тудыруы мүмкін өзге ауруларды анықтау үшін басқа зерттеу әдістерін пайдалану қажет. Жүрек-қантамыр жүйесі тарапынан жағымсыз құбылыстар Жүрек жеткіліксіздігінің туындау жиілігі (бастапқы жүрек жеткіліксіздігі және іркілісті жүрек жеткіліксіздігі сияқты құбылыстарды таңбалауға арналған құрамдас термин) дутастерид пен альфа1-адренорецепторлар антагонисін, ең алдымен, тамсулозин біріктірілімін қабылдап жүрген пациенттер арасында осы біріктірілімді қабылдамаған пациенттер арасындағыдан мардымсыз жоғары болды. Алайда, осы зерттеулерде жүрек жеткіліксіздігінің даму жиілігі, плацебо тобымен салыстырғанда, белсенді емделіп жүрген топтардың бәрінде төмен болды, дутастерид пен альфа1-адренорецепторлар антагонистеріне қатысты басқа деректерде жүрек-қантамыр асқынуларының жоғары даму қаупі туралы қорытынды расталмайды. Кеуде безінің жаңа түзілімдері Дәрігерлер өз пациенттерін қатаю немесе үрпілерден бөліністер сияқты сүт безінің тіндеріндегі кез келген өзгерістер туралы дереу мәлімдеу қажеттілігі туралы ескертуі тиіс. Бауыр жеткіліксіздігі ПРОСТАДАРТ-ТД дәрілік затын қолдану бауыр жеткіліксіздігі бар пациенттерде зерттелмеді. ПРОСТАДАРТ-ТД препараты бауыр функциясының ауырлығы жеңілден орташа дәрежеге дейінгі бұзылулары бар пациенттерге тағайындалғанда сақ болу керек. Бүйрек жеткіліксіздігі Бүйрек жеткіліксіздігінің ауыр дәрежесіндегі (креатинин клиренсі <10 мл/мин) пациенттерді емдеу сақтықпен жүргізіледі, өйткені осындай пациенттерде препаратты қолдану зерттелмеген. Басқа жай-күйлер Гипотония Ортостаздық: Альфа1-адренорецепторлардың басқа антагонистерімен болған жағдайдағы сияқты, тамсулозин қабылдау кезінде сирек жағдайларда естен тануларға әкелетін артериялық қысым төмендеуін байқауға болады. ПРОСТАДАРТ-ТД препаратымен емделуді бастаған пациенттерге ортостаздық гипотонияның алғашқы белгілерінде (бас айналу, әлсіздік) симптомдар басылатын сәтке дейін отыруға немесе жатуға кеңес беру керек. Ортостаздық гипотонияның даму мүмкіндігін азайта түсу үшін фосфодиэстераза-5 (ФДЭ-5) тежегіштерімен емдеуді бастар алдында пациент альфа1-адренорецепторлардың басқа антагонистерімен емге гемодинамикалық тұрақты болуы тиіс. Симптоматикалық: альфа-адреноблокаторларды, тамсулозинді қоса, ФДЭ-5 тежегіштерімен (мысалы, силденафил, тадалафил, варденафил) бір мезгілде қолдану кезінде сақтық шарасы қадағаланады. Альфа1- адренорецепторлар антагонистері және ФДЭ-5 тежегіштері артериялық қысымды төмендетуге қабілетті тамыр кеңейтетін дәрілер болып табылады. Осы екі класс дәрілік препараттарын бір мезгілде қабылдау симптоматикалық гипотонияны туғызуы мүмкін. Операция кезіндегі флоппи-ирис синдромы Тамсулозин немесе оны бұрын қабылдаған кейбір пациенттерде катарактаны алып тастау үшін жасалған операциялар кезінде операция кезіндегі флоппи-ирис синдромы (ОФИС, кішкентай қарашық синдромының бір түрі) байқалды. ОФИС операциялар барысында және одан кейін көз асқынуларының даму қаупін арттыруы мүмкін. Сондықтан катаракта себебімен хирургиялық операциялар жасау жоспарланған пациенттерде емді ПРОСТАДАРТ-ТД препаратымен бастау ұсынылмайды. Операция алдындағы тексеру кезінде хирург-офтальмолог және офтальмологиялық бригадалар ПРОСТАДАРТ-ТД препаратын қабылдап жүрген-жүрмегенін немесе операция барысында ОФИС емі үшін тиісті шаралар қабылдауға дайындалу үшін оны бұрын қабылдауы мүмкіндігін нақты анықтауы тиіс. Катаракта себебімен операцияға дейін 1-2 апта бұрын тамсулозин қабылдауды тоқтату оң әсерін көрсетеді деп саналады, бірақ катаракта алып тасталатын операция алдында препарат қабылдауды тоқтату пайдасы мен ұзақтығы анықталмады. Бүлінген капсула Дутастерид тері арқылы сіңеді, сондықтан әйелдер, балалар мен жасөспірімдер бүлінген капсулалармен жанасудан сақтануы тиіс. Бүлінген капсулалармен жанасқан жағдайда терінің тиісті бөлігін дереу сабынды сумен жуып-шаю қажет. CYP3A4 және CYP2D6 тежегіштері Тамсулозин гидрохлоридін CYP3A4 күшті тежегіштерімен (мысалы, кетоконазол) немесе аз дәрежеде CYP2D6 күшті тежегіштерімен (мысалы, пароксетин) бір мезгілде қабылдау тамсулозин әсерін арттыруы мүмкін. Сондықтан, тамсулозин гидрохлориді CYP3A4 күшті тежегіштерін қабылдап жүрген пациенттерге ұсынылмайды және CYP3A4 орташа тежегіштерін, CYP2D6 күшті немесе орташа тежегіштерін, CYP3A4 және СYP2D6 тежегіштерінің біріктірілімін қабылдайтын пациенттерде немесе CYP2D6 метаболизмі баяу пациенттерде абайлап қолданылуы тиіс. Қосымша заттар Препараттың құрамында бутилгидрокситолуол бар – жергілікті тері реакцияларын (контактілі дерматит), көздің және шырышты қабықтың тітіркенуін туындатуы мүмкін. Препараттың құрамында полиоксил 40 гидрогенделген майсана майы бар – асқазан-ішек жолының бұзылуларын және диареяны туындатуы мүмкін. Препарат құрамында аллергиялық реакциялар туғызуға қабілетті күн батар түстес сары бояғыш (E110) бар. Арнайы сақтандырулар Педиатрияда қолдану ПРОСТАДАРТ-ТД препараты балалар мен 18 жасқа дейінгі жасөспірімдерге қарсы көрсетілімді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ПРОСТАДАРТ-ТД препаратын қабылдау кезінде ортостаздық гипотониямен байланысты бас айналу сияқты симптомдардың туындауы мүмкін екенінен пациенттерді хабардар ету керек.

ПРОСТАДАРТ-ТД дәрілік препаратын әйелдерге қолдану қарсы көрсетілімді. Жүктілік Басқа да 5-альфа редуктаза тежегіштері сияқты, дутастерид тестостеронның дигидротестостеронға айналуын тежейді, ал ер жынысты ұрыққа жүкті әйел қабылдағанда шаранада сыртқы жыныс ағзаларының дамуын тежеуі мүмкін. Дутастерид қабылдап жүрген пациенттер шәуһетінен дутастеридтің аздаған мөлшері табылды. Дутастеридпен емделіп жүрген еркек шәуһетімен бірге жүкті әйел организміне түскенде дутастеридтің ер жыныс ұрығына теріс әсерін көрсетуі белгісіз (қауіп жүктіліктің алғашқы 16 аптасында өте көп жоғары). 5-альфа редуктазаның басқа тежегіштерін қабылдау жағдайындағы сияқты, жұптас әйелдің жүктілігі кезінде немесе жүкті болуы мүмкін болғанда пациенттерге әйел организміне шәуһет түсіп кетпес үшін мүшеқап пайдалануға кеңес беріледі. Бала емізу Дутастерид немесе тамсулозиннің емшек сүтіне өту-өтпеуі белгісіз.

ПРОСТАДАРТ-ТД препаратының дәрілік өзара әрекеттесу зерттеулері жүргізілмеген. Төменде келтірілген деректер жекелеген компоненттерге тән қолда бар ақпаратты көрсетеді. Дутастерид Дутастеридпен емдеу кезінде қан сарысуында ПСА деңгейінің төмендеуі туралы ақпарат және қуық асты безі обырының диагностикасына қатысты ұсынымдар. Басқа дәрілік заттардың дутастерид фармакокинетикасына әсеғрі Дутастерид көбінесе метаболизм жолымен шығарылады. Дутастеридті CYP3A4 ферментінің күшті әсер ететін тежегіштері болып табылатын басқа дәрілік препараттармен (мысалы, ритонавир, индинавир, нефазодон, интраконазол, кетоконазол сияқты ішке қабылдауға арналған препараттар) біріктірілімде ұзақ мерзімді қолдану қан сарысуында дутастерид концентрациясын арттыруы мүмкін. Әріқарай дутастерид әсерін арттыру кезінде 5-альфа-редуктазаның тежелу ықтималдығы аз. Алайда, жағымсыз реакциялар пайда болғанда дутастеридті дозалау жиілігін төмендету мүмкіндігін қарастыруға болады. Фермент тежелген жағдайда ұзаққа созылатын жартылай шығарылу кезеңінің қосымша ұзаруға бейімділігін атап өту керек, бұл жаңа тепе-тең концентрациясына жету үшін 6 айдан көп уақыт бойы бір мезгілдегі ем қолдануды талап етуі мүмкін. Дутастеридті 5 мг дозада бір рет қабылдаудан кейін бір сағат өткен соң 12 г холестирамин енгізу дутастерид фармакокинетикасына ықпалын тигізбеді. Дутастеридтің басқа дәрілік препараттар фармакокинетикасына әсеғрі Дутастерид варфарин немесе дигоксин фармакокинетикасына ықпалын тигізбейді. Бұл дутастеридтің CYP2С9 ферментін немесе Р-гликопротеин тасымалдағышын тежемейтінін/индукцияламайтынын білдіреді. Тамсулозин Тамсулозинді анестетиктер, ФДЭ-5 тежегіштері және альфа1-адренорецепторлардың басқа антагонистерін қоса, артериялық қысымды төмендететін препараттармен бір мезгілде қабылдау гипотензиялық әсерінің күшеюіне әкелуі мүмкін. Дутастерид-тамсулозин біріктірілімін альфа1-адренорецепторлардың басқа антагонистерімен бірге қолдануға болмайды. Тамсулозин гидрохлориді мен кетоконазолды (CYP3A4 күшті тежегіші) бір мезгілде қабылдау, тиісінше, тамсулозин гидрохлориді Сmax және AUC 2.2 және 2.8 есе артуына алып келді. Тамсулозин гидрохлориді мен пароксетинді (CYP2D6 күшті тежегіші) бір мезгілде қабылдау, тиісінше, тамсулозин гидрохлориді Сmax және AUC 1.3 және 1.6 есе артуына алып келді. CYP2D6 метаболизмі баяу пациенттерде, метаболизмі жылдам пациенттермен салыстырғанда, CYP3A4 күшті тежегішімен бір мезгілде қолданғанда осыған ұқсас әсерінің артуы күтіледі. CYP2D6 және CYP3A4 тежегіштерінің тамсулозин гидрохлоридімен бір мезгілде қабылдау әсері клиникалық практикада бағаланбаған, алайда тамсулозин әсерінің едәуір арту ықтималдығы болады. Тамсулозин гидрохлоридін (0.4 мг) және циметидинді (алты тәулік бойы әр алты сағат сайын 400 мг) бір мезгілде қабылдау тамсулозин гидрохлориді клиренсінің (26%) төмендеуіне және AUC артуына (44%) алып келді. Дутастерид-тамсулозин біріктірілімін циметидинмен бірге абайлап қолдану керек. Тамсулозин гидрохлоридін варфаринмен дәрілік өзара әрекеттесуіне толық зерттеу жүргізілмеген. Алайда, диклофенак пен варфарин тамсулозиннің шығарылу жылдамдығын арттыруы мүмкін. Варфарин мен тамсулозин гидрохлоридін бір мезгілде қолдану кезінде сақ болу керек. Тамсулозин гидрохлоридін атенолол, эналаприл, нифедипин немесе теофиллинмен бір мезгілде қолдану кезінде өзара әрекеттесуі байқалмады. Фуросемидпен бір мезгілде қабылдау қан плазмасында тамсулозин деңгейін төмендетуі мүмкін, бірақ деңгейлері қалыпты диапазон шегінде қалатындықтан, дозаны түзету қажет емес. Іn vitro жағдайларында диазепам, пропранолол, трихлорметизиад, хлормадинон, амитриптилин, диклофенак, глибенкламид, симвастин адамның қан плазмасында тамсулозиннің бос фракциясын өзгертпеді. Тамсулозин диазепам, пропранолол, трихлорметиазид және хлормадинон бос фракцияларын да өзгертпеді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!