Простамол Уно капсулы 320 мг

Бір капсуланың құрамында белсенді зат – жатаған пальма жемістерінің (9 – 11:1) спиртті экстрактісі, 320 мг; қосымша заттар: сукцинилденген желатин, глицерин 85%, титанның қостотығы (Е 171), темірдің қара тотығы (Е 172), темірдің сары тотығы (Е 172), кармин лагы (Е 120). Сыртқы түрінің, иісінің, дәмінің сипаттамасы Мөлдір емес екі түсті қызыл/қара қабығы бар, сопақша пішінді жұмсақ желатин капсулалар. Капсуланың ішіндегісі – қоңырдан сарғыштау немесе жасылдау-қоңыр түске дейінгі майлы сұйықтық.

Простамол Уно Alken жіктелуі бойынша І және ІІ сатыдағы қуық асты безінің қатерсіз ұлғаюы салдарынан несеп шығаруы қиын ересек еркектерде емдеу үшін қолданылады. Қатерсіз простата гиперплазиясының саты бойынша жіктелуі (Alken* бойынша): Сатысы — Атауы — Бұзылуы I — тітіркену сатысы — Поллакиурия (күндізгі және түнгі), никтурия, несеп шығарудың тежелуі, несептің баяу ағымы, қуықтың босауы – толықтай II — қалдық несеп сатысы — Декомпенсацияның басталуы, қуықтың толық босатылмауы, қалдық несеп III — декомпенсация сатысы — Қуықтың толып кетуі салдарынан несеп ұстамау, несептің жіті кідіруі, іркілген бүйрек, гидронефроз, бүйрек жеткіліксіздігі * Alken CE. Leitfaden der Urologie. Stuttgart: Thieme, 1973 180-2 Пациенттерге нұсқаулар Простамол Уно препаратымен емдеуді дәрігер диагноз қойғаннан кейін ғана жүргізу керек. Простамол Уно қуық асты безінің ұлғаюы кезінде симптомдарын бәсеңдетеді, бірақ ұлғаюын баспайды. Сондықтан пациент дәрігерге жүйелі түрде қаралуы керек.

Нұсқаулықта көрсетілмеген.

Дозалау режимі Ересектер, егде жастағы пациенттер Простамол® Уно препаратын тәулігіне бір рет тамақтан кейін 1 капсуладан (320 мг), шайнамай, жеткілікті мөлшердегі сұйықтықпен, тәуліктің белгілі бір уақытында қабылдау керек. Қолдану ұзақтығы аурудың түріне, ауырлық дәрежесіне және ағымына байланысты. Жүйелі күнделікті қабылдау сәтті емдеу үшін өте маңызды. Бұл жағдайда симптомдардың басылуын шамамен алты апта өткенде күтуге болады. Толық тиімділігіне үш ай өткеннен кейін ғана қол жеткізіледі. Егер шағым азаймаса немесе күшейе берсе, дәрігердің кеңесін алу керек.

- жатаған пальма жемістерінің экстрактісіне немесе қосымша заттардың кез келгеніне жоғары сезімталдығы

Жиі емес: - жүрек айнуы, құсу, диарея, іштің ауыруы (әсіресе препаратты аш қарынға қабылдаған кезде) Жиілігі белгісіз: - аллергиялық реакциялар немесе аса жоғары сезімталдық реакциялары. - бас ауыруы Жоғарыда аталмаған басқа жағымсыз реакциялар пайда болған жағдайда дәрігердің немесе дәріхана қызметкерінің кеңесі қажет. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дәрілік препаратты қолдану бойынша сұрақтар туындаған жағдайда кеңес алу үшін медицина қызметкеріне жүгіну қажет.

Простамол® Уно препаратымен емдеу алдында және емдеу кезінде пациент қуық асты безінің обырын ерте анықтау мақсатында жүйелі түрде бақылауда болуы керек. Осы дәрілік затпен емдеу кезінде симптомдар нашарласа немесе қызба, түйілу немесе гематурия, несеп шығару кезінде ауырсыну, несеп шығарудың іркілуі немесе несеп шығару жолдарының инфекциясы сияқты белгілер пайда болса, дәрігерге қаралу ұсынылады. Арнайы ескертулер Простамол® Уно препаратын простатаның қатерсіз гиперплазиясының декомпенсация фазасында қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолдану зейінді жоғарылатуды және психомоторлы реакциялардың жылдамдығын (көлік құралдарын жүргізу, қозғалатын механизмдермен жұмыс істеу, диспетчер, оператор болып жұмыс істеу) қажет ететін ықтимал қауіпті әрекеттерді орындау қабілетіне әсер етпейді.

Нұсқаулықта көрсетілмеген.

Бұл дәрі-дәрмекті антикоагулянттармен (мысалы, фенпрокумон, варфарин, клопидогрел, аспирин және басқа стероид емес ревматикалық препараттармен) бір мезгілде қолданғанда олардың әсері күшеюі мүмкін. Варфаринмен күдікті өзара әрекеттесуінің кейбір жағдайлары хабарланды; INR (халықаралық нормаланған қатынас) жоғарылауы сипатталған. Сондықтан қанның ұюы нашарлауы мүмкін. Бұл дәрілік затты антиандрогендермен бір мезгілде қолданғанда олардың әсері күшеюі мүмкін; андрогендік терапия андрогендердің әсерін азайтуы мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30°С-ден аспайтын температурада сақтау керек. Балалардың қолы жетпейтін жерде сақтау керек!