Простекс лиофилизат 2 мг

Бір құтының ішінде белсенді зат - экстракция әдісімен алынған бұқалардың қуықасты безінің сулы ерітіндісінен лиофилизацияланған экстракт, полипептидтерге шаққанда 2,0 мг-ден кем емес. қосымша зат – глицин. Сыртқы түрінің, иісінің, дәмінің сипаттамасы Ақ немесе сарғыш реңді ақ түсті аморфты ұнтақ немесе кеуекті масса.

- созылмалы простатит, қуық асты безінің аденомасы; - қуық асты безінің қатерсіз гиперплазиясы; - қуық асты безіне жасалған операциядан кейінгі асқынулар; - қуық асты безі функциясының жас ерекшелігіне байланысты бұзылулары; - сексуалдық бұзылыстар (копулятивті дисфункция, еркектің белсіздігі).

Простекстің қуық асты безіне ерекше органотроптық әсері бар. Қуық асты безінің ауруларында препарат, патогенетикалық емнің дәрісі ретінде, микроайналым және тромбоцитарлы-қантамырлық гемостаз үдерісін қалыпқа келтіреді, тіндердің ісінуін, лейкоцитарлы инфильтрацияны азайтады және жояды (соның ішінде без секретінде лейкоциттердің мөлшерін төмендетеді), секреттің микрофлорасына қатысты бактериостатикалық әсер көрсетеді, анықталған қоздырғыш титрін абсолютті стерильділікке дейін төмендетеді немесе микроорганизмдердің тіршілігін бәсеңдетеді. Простекс сперматогенезді қалыпқа келтіреді (сперматозоидтардың мөлшерін және қозғалғыштығын арттырады), Т- және В-лимфоциттердің жай-күйін модульдейтін әсер береді, детрузордың тонусын қоса, қуықтың бұлшық етінің тонусын реттейді, организмнің спецификалық емес төзімділігін арттырады. 18 жасқа дейінгі балаларға қолданылмайды.

Дозалау режимі Препаратты ересек, соның ішінде егде жастағы еркектерге қолданады. Құтының ішіндегісін инъекцияға арналған судың немесе натрий хлоридінің изотониялық ерітіндісінің, немесе 0,5% новокаин ерітіндісінің 1-2 мл-де (новокаинде еріткен кезде оған сезімталдық жоғарылауы мүмкін екендігін ескерген жөн) ex tempore ерітеді. Новокаинді еріткіш ретінде пайдаланғанда новокаиннің қауіпсіздігі туралы ақпаратты ескеру қажет. Препаратты күн сайын 1 рет 1-2 құтыдан енгізеді. Енгізу әдісі мен жолы Препаратты бұлшықет ішіне енгізеді. Қабылдау уақыты көрсетілген қолдану жиілігі Препаратты күн сайын 1 рет 1-2 құтыдан енгізеді. Емдеу ұзақтығы Емдеу курсы 5-10 күнді құрайды. Курс ұзақтығы ауру сипатымен және аурудың айқындылығымен, қол жеткен емдік әсерімен, емдеу сипатымен анықталады. Көрсетілімі бойынша курсы қайталануы (1-6 айдан соң) мүмкін. Дәрілік препараттың бір немесе бірнеше дозасын өткізіп алу кезіндегі қажетті шаралар Енгізу режимін сақтау ұсынылады. Кезекті қабылдауды өткізіп алған жағдайда дозаны арттыруға болмайды. Препаратты әдеттегі дозада мүмкіндігінше тезірек енгізу керек.

- әсер етуші затқа немесе қосымша заттардың кез келгеніне аса жоғары сезімталдық - табиғаты пептидтік дәрілік заттарға, ірі қара малдың ақуыздарына немесе кез келген қосымша заттарға аса жоғары сезімталдық - 18 жасқа дейінгі жасөспірімдер және балалар

Жағымсыз құбылыстар жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректер негізінде бағалау мүмкін емес) Жергілікті реакциялар: Өте сирек - аллергиялық реакциялар және қышынуды, бөртпені, енгізу орнындағы өзгерістерді қоса алғанда, аллергиялық реакциялардың басқа көріністері мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған енгізу жолы кезінде (бұлшықет ішіне) артық дозалану жағдайлары анықталған жоқ.

Препаратпен емдеу кезінде қуық асты безі (простатспецификалық антиген) белсенділігінің клиникалық көрсеткіштеріне талдау жүргізу ұсынылады. Арнайы ескертулер Педиатрияда қолдану Педиатриялық практикада қолдану тәжірибесі жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Зерттелмеген.

Әйелдерде қолданылмайды.

Аллергиялық реакцияларды тудыратын препараттармен бірге қолдануға болмайды. Препаратты бір шприцте басқа дәрілік заттармен араластыруға болмайды. Тек ұсынылған еріткішті пайдалану керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтың әсерінен қорғау үшін түпнұсқалық қаптамасында, 25оС-ден аспайтын температурада сақтау керек. Балалардың қолы жетпейтін жерде сақтау керек!