Просульпин® таблетки 50 мг

50 мг бір таблетканың құрамында белсенді зат- сульпирид, 50 мг. 200 мг бір таблетканың құрамында белсенді зат – сульпирид, 200 мг, Қосымша заттар: картоп крахмалы, лактоза моногидраты, сусыз коллоидты кремнийдің қостотығы, гипромеллоза К4М СР, гипромеллоза К15М СR, магний стеараты, тальк. Сыртқы түрінің, иісінің, дәмінің сипаттамасы Дөңгелек пішінді, беті тегіс, ақ дерлік түсті, таблетканың бір жағында сындыруға арналған сызығы бар, диаметрі 7 мм (50 мг доза үшін) немесе диаметрі 9 мм (200 мг доза үшін) таблеткалар.

• Стандартты терапия тиімсіз болған жағдайда ересектердегі үрейленуді симптоматикалық қысқа мерзімді емдеу • Жедел психоздық жағдайлар • Созылмалы психоз жағдайлары (шизофрения, созылмалы шизофрениялық емес сандырақты бұзылыстар: параноидтық сандырақ, созылмалы елестеу психоздары)

ATХ коды: N05AL01 Әсер ету механизмі Просульпин - психотропты препарат, оның әсер етуші заты сульпирид бензамид тобының нейролептиктерінің ең танымал өкілі болып табылады. Бензамидтер қатарындағы антипсихоздық препараттардың әсер ету механизмі мақсатты мезолимбиялық және тубероинфундибулярлық аймақтарға қатысты кеңістіктік іріктемелікпен сипатталатын дофаминдік D 2 және D 3 рецепторларының спецификалы орталық және шеткергі блокадасынан тұрады. Сульпирид тубероинфундибулярлық жүйеде дофаминдік рецепторларды бөгейді, бұл пролактин деңгейінің айтарлықтай жоғарылауына әкеледі. ПЭТ (позитронды эмиссиялық томография) тексеру кезінде дофаминдік D 2 рецепторларын бензамидтермен бөгеу дәрежесі 60-80% шегінде ауытқиды; 400 мг дозада сульпиридті қолданғаннан кейін - 75%-ды құрайды. Бензамидтердің дофаминдік D 3 рецепторларына жоғары жақындығын олардың кеңістіктік іріктемелігімен немесе лимбия жүйесінде осы рецепторлардың үстемдігімен түсіндіруге болады. Көптеген бензамидтер үшін дофаминдік нейротрансмиторлық жүйеге бифазиялық әсер тән - төмен дозаларда олар пресинаптикалық D 2/D 3 авторецепторларының антагонистері болып табылады және дофаминнің синапстық аймаққа синтезі мен босап шығуының жоғарылауын тудырады, препараттың жоғары дозаларында постсинапстық D 2/D 3 рецепторларының бөгелуі және дофаминнің нейротрансмиссиясының төмендеуі орын алады. Дофаминнің төмен дозада босап шығуының жоғарылауы оның жағымсыз психоздық симптомдар мен депрессиялық белгілер кезіндегі тиімділігін анықтайды; постсинапстық D 2/D 3 рецепторларының бөгелуі өнімді психоздық симптомдардың тежелуіне әкеледі. Сульпиридтің әсер етуіндегі бұл айырмашылықтар терапиялық әсерлер спектрінің және сульпиридті жоғары дозада нейролептик ретінде және төмен дозада антидепрессант ретінде терапиялық қолданудың айырмашылықтарын анықтайды. Фармакодинамикалық әсерлер Сульпирид - бұл қазіргі уақытта терапияда қолданылатын басқа психотропты дәрілерден ерекшеленетін ерекше фармакологиялық және терапиялық қасиеттері бар синтетикалық молекула. Әсер ету қарқындылығы бойынша Просульпин нейролептиктерге ұқсас, бірақ олардан седативті әсердің болмауымен және жоғары дозаларда орташа кататониялық белсенділікпен ерекшеленеді. Антипсихоздық белсенділікпен қатар, Просульпинде антидепрессивті әсер бар, сондықтан депрессивті формаларда айтарлықтай терапиялық әсерге ие. Көптеген басқа психотропты препараттардан айырмашылығы, Просульпин салыстырмалы түрде басқарылатын терапиялық дәрі болып табылады және психиатриялық бұзылулардың бір бөлігін қамтитын амбулаториялық емдеуге болатын жеңіл формаларда қолданылуы мүмкін.

Дозалау режимі • Препаратты үнемі емдеуші дәрігердің немесе дәріхана қызметкерінің ұсыныстарына сәйкес қабылдаңыз. Күмән пайда болған кезде емдеуші дәрігермен немесе дәріхана қызметкерімен кеңесіңіз. 50 мг таблеткалар: стандартты терапия тиімсіз болған кезде ересектердегі үрейленуді қысқа мерзімді симптоматикалық емдеу: Тәуліктік доза 50-ден 150 мг-ға дейін, ең көбі 4 апта. 200 мг таблеткалар (тек ересектер үшін): ұсынылатын доза диапазоны 200-ден 1000 мг-ға дейін. Ұсынылатын дозалау режимі мен емдеу ұзақтығын емдеуші дәрігер терапиялық жауапқа байланысты жеке анықтайды; дегенмен, тәуліктік дозаны 1 г-дан асырмау ұсынылады. Енгізу әдісі мен жолы Препарат тек ішке қабылдауға арналған. Таблеткаларды аз мөлшердегі сумен ішеді және бүтін қалпында жұтады. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алғанның орнын толтыру үшін препараттың екі есе дозасын қабылдамаңыз. Келесі дозаны әдеттегі уақытта қабылдаңыз. Дәрілік препаратты қолдану туралы сұрақтарыңыз болса емдеуші дәрігерге немесе дәріхана қызметкеріне хабарласыңыз.

• белсенді затқа (сульпиридке) немесе «Дәрілік препараттың құрамы» бөлімінде берілген қосымша заттардың кез келгеніне аса жоғары сезімталдық • пролактинге тәуелді ісіктер (мысалы, гипофиз пролактиномасы, сүт безінің обыры) • феохромоцитома немесе феохромоцитомаға күдік (бүйрек деңгейінде орналасқан және артериялық қысымның жоғарылауын тудыратын заттарды шығаратын бүйрекүсті бездерінің шамадан тыс өсуі) • жедел порфирия - балалар мен 18 жасқа дейінгі жасөспірімдер Біріктірілімде қолдануға болмайды • Паркинсон ауруын емдеуге арналған препараттардан басқа дофаминергиялық рецепторлардың агонистерімен (каберголин, хинаголид) • циталопрам, эсциталпрам, гидроксизин, домперидон және пипераквин

Барлық препараттар сияқты, Просульпин®препараты жағымсыз реакцияларды туғызуы мүмкін, алайда, олар барлық пациентте бірдей туындамайды. Емдеу кезінде түсініксіз қызбамен, тершеңдікпен, бозарумен, артериялық қысым мен жүректің жиырылу жиілігінің өзгеруімен жүретін (өлімге әкелуі мүмкін қатерлі нейролептикалық синдромға тән симптомдар) бұлшықеттің сіресуі мен сананың бұзылуының пайда болуы емдеуді дереу тоқтатуды және дәрігердің кеңесін қажет етеді. Жиі • бауырдың белгілі бір ферменттерінің (бауыр ферменттерінің) қандағы деңгейінің жоғарылауы • седативті әсер немесе ұйқышылдық • экстрапирамидтік бұзылулар (ішінара антихолинергиялық паркинсонға қарсы дәрілермен емдеуге болатын) • паркинсонизм (қозғалыс бұзылыстары, тремормен және сіресумен) • тремор • қозғалыстың бұзылуы, қозу, мазасыздық (акатизия) • кеуденің ауыруы, сүттің қалыптан тыс бөлінуі (галакторея) • терінің тітіркенуі (макулопапулалы бөртпе) • пролактин гормонының көп өндірілуі (гиперпролактинемия) • ұйқысыздық • дене салмағының жоғарылауы • іш қату Жиі емес • сілекей бөлінудің жоғарылауы • гипертония • өзгерген қозғалыстар (дискинезия, дистония) • етеккірдің болмауы (аменорея) • қалыптан тыс оргазм • эректильді дисфункция • қанның кейбір жасушаларының өзгеруі (лейкопения, қараңыз «Қолдану кезіндегі қажетті сақтандыру шаралары») • жатқан немесе отырған қалыптан тұрған кезде қысымның төмендеуі (ортостаздық гипотензия) Сирек • жүрек ырғағының өзгеруі («пируэт» типті тахикардия, қарыншалық тахикардия, қарыншалар фибрилляциясы сияқты қарыншалық аритмия) • көзалманың ауытқуымен көз тарапынан өзгерулер (окулогирлік криздер) Белгісіз (қолда бар деректер негізінде бағалау мүмкін емес) • жүрек тарапынан өзгерістер (QT ұзаруы, жүректің тоқтауы, кенеттен болған өлім) • веналарда тромбтардың пайда болуы (веналық тромбоэмболия, соның ішінде өкпе артериясының тромбоэмболиясы, кейде өлімге әкелетін, терең веналар тромбозы) • шатасқан сана • өлімге әкелуі мүмкін асқыну болып табылатын қатерлі нейролептикалық синдром (қараңыз «Қолдану кезіндегі қажетті сақтандыру шаралары») • қозғалыстың баяулауы (гипокинезия) • еріксіз ырғақты қозғалыстармен, әсіресе тілдің және (немесе) беттің, сипатталатын «кеш дискинезия» деп аталатын жағдай, барлық нейролептиктер сияқты, егер емдеу 3 айдан астам уақытқа созылса байқалады • құрысулар (қараңыз «Қолдану кезіндегі қажетті сақтандыру шаралары») • ерлердің кеудесінің ұлғаюы (гинекомастия) • бүйректің зақымдануына әкелетін бұлшықеттің бұзылуы (рабдомиолиз) • қанның кейбір жасушаларындағы өзгерістер (нейтропения және агранулоцитоз, қараңыз «Қолдану кезіндегі қажетті сақтандыру шаралары») • анафилаксиялық реакциялар: есекжем, тыныс алудың қиындауы (диспноэ), қысымның төмендеуі (гипотензия) және анафилаксиялық шок • нәрестелердегі тоқтату синдромы (қараңыз «Жүктілік және лактация кезінде») • қандағы натрий концентрациясының төмендеуі (гипонатриемия), антидиуретик гормонның адекватты емес секрециясы (SIADH) • тағамның, сұйықтықтың, бөлінділердің немесе бөгде материалдың аспирациясына байланысты аспирациялық пневмония (негізінен орталық жүйке жүйесін тежейтін басқа препараттармен бірге) • бауырдың және (немесе) өт шығару жолдарының зақымдануы (бауырдың гепатоцеллюлалық, холестаздық немесе аралас зақымдануы) • қандағы креатинфосфокиназа деңгейінің жоғарылауы (бұлшықет зақымдануының көрсеткіші) • қызба. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

• Егер Сіз Просульпин® препаратын керектісінен көбірек қабылдап қойсаңыз, дереу емдеуші дәрігерге хабарласыңыз. • Просульпин® препаратының жоғары дозасы түйілулермен (спазмдық), тілдің шығуымен (тіл протрузиясы), жақсүйек бұлшықеттерінің қарысуымен (тризм) мойынның қисаюымен жайсыздықты (дискинезиялық көріністер) тудыруы мүмкін. Кейбір жағдайларда өте ауыр паркинсон синдромының (тремормен және сіресумен қозғалыстың ауыр бұзылулары) және команың туындауы мүмкін. Өлім туралы негізінен басқа психотроптық дәрілерді қабылдаумен байланысты хабарланды. Емі: сульпирид ішінара гемодиализ арқылы шығарылады. Сульпирид үшін арнайы антидоттар жоқ. Емдеу тек симптоматикалық. Тиісті демеуші шаралар, өмірлік маңызды функцияларды мұқият бақылау және кардиологиялық мониторинг (QT аралығының ұзару қаупі және одан кейінгі қарыншалық аритмия) пациент сауығып кеткенге дейін жүргізілуі керек. Ауыр экстрапирамидтік симптомдар пайда болған кезде антихолинергиялық препараттарды тағайындау қажет.

Просульпин® препаратын қолдануды бастамас бұрын емдеуші дәрігермен кеңесіңіз. Осы типтегі дәрілер (антипсихотиктер) келесі жағдайлардың біріктірілімін тудыруы мүмкін: • дененің өте жоғары температурасы (гипертермия), • бұлшықеттің қозғалмауы, қозғалыстың болмауы немесе азаюы (акинезия), • креатинфосфокиназа деңгейінің жоғарылауы (организм өндіретін және бұлшықеттің ықтимал зақымдануын көрсететін зат), • тершеңдік немесе жиі тыныс алу сияқты вегетативті симптомдар, • қысымның көтерілуі, • сананың өзгеруі. Егер бұл симптомдар пайда болса (қатерлі нейролептикалық синдромды көрсететін) емдеуді тоқтатыңыз және дереу дәрігерге хабарласыңыз. Қатерлі нейролептикалық синдром (ҚНС) дамыған жағдайда дәрігер антипсихоздық және мүмкін басқа препараттарды дереу тоқтатады, тиісті терапияны тағайындайды. Егер антипсихоздық емдеуді қалпына келтіру қажет деп саналса, пациент мұқият бақылауда болуы керек. Просульпин® препаратын қолданған кезде аса сақ болыңыз: • жоғары қысым (гипертония) кезінде, әсіресе егде жаста, гипертониялық криздің даму қаупіне байланысты; • егер пациент деменциямен байланысты психоз сияқты психикалық аурулармен ауыратын егде жастағы адам болса, өйткені бұл өлім қаупін арттыруы мүмкін. Антипсихотиктерді қабылдайтын пациенттердің өлімінің себептері жүрек жұмысы мен қанайналымның бұзылуымен (жүрек-қантамырлық сипаттағы; мысалы, жүрек функциясының жеткіліксіздігі, кенеттен болған өлім) немесе инфекциялармен (мысалы, пневмония) байланысты. Сонымен қатар, отырған немесе жатқан қалыптан бірден тұрған кезде қысымның төмендеу қаупі (постуральді гипотензия), шамадан тыс ұйқышылдық (седация), тремор, сіресу, сілекей бөлінудің жоғарылауы, қозғалыс бұзылыстары (экстрапирамидтік симптомдар) артады; • егер Сізде немесе Сіздің отбасыңыздың біреуінде жүрек ауруы болса немесе болған болса (қарыншалық аритмия, мысалы, «пируэт» типті тахикардия), қантамырлары немесе жүректің электрлік белсенділігінің бұзылуы (электрокардиограмманың QT сегментінің ұзаруы); бұл жағдайда дәрігер аритмияның осы түрінің пайда болуына ықпал ететін факторлардың болуын тексереді; • егер Сізде немесе Сіздің отбасыңыздың біреуінде тромбоз болса немесе болған болса (қантамырлардағы қан ұйындылары), себебі бұл дәрі тромбтардың түзілуін тудыруы мүмкін; • егер сізде инсульт қаупі болса; • егер Сізде немесе Сіздің отбасыңыздың біреуінде сүт безінің обыры болса. Бұл жағдайда пациент Просульпин® препаратымен емдеу кезінде мұқият бақылауда болуы керек, себебі препарат пролактин гормонының деңгейін жоғарылатуы мүмкін; • егер сізде лейкопения, нейтропения және агранулоцитоз болса; түсініксіз инфекциялар немесе қызба «қан дискразиясы» деп аталатын қан ауруын көрсетуі мүмкін (қараңыз «Жағымсыз реакциялардың сипаттамасы»); • егер Сізде ауыр нейтропения деп аталатын қан ауруы болса (нейтрофилдердің абсолютті саны <1000 / текше миллиметр). Бұл жағдайда дәрігер белгілі бір талдаулар (лейкоциттер саны) қалыпқа келгенше Просульпин® препаратымен емдеуді тоқтатады; • егер Сізде көзішілік қысымның жоғарылауы (глаукома), илеус (ішектің қозғалысына кедергі), асқорыту жолының туа біткен стенозы (туған кезде асқорыту жолының тарылуы), несептің кідіруі немесе қуықасты безі көлемінің ұлғаюы (гиперплазия) болса. Емдеуші дәрігер емдеу кезінде сізді мұқият бақылауы керек. Емдеуші дәрігерге хабарлаңыз: • егер Сізде бүйректің ауыр ауруы (бүйрек функциясының жеткіліксіздігі) болса. Бұл жағдайда дәрігер дозаны төмендетеді немесе препаратты үзіліспен қабылдауды тағайындайды; • егер Сізде Паркинсон ауруы болса; • егер Сізде эпилепсия болса; • егер Сізде қант диабеті болса немесе диабеттің даму қаупі факторы болса. Бұл жағдайда дәрігер қандағы қант деңгейін бақылайды (гликемиялық мониторинг); • егер Сізде жүрек тарапынан кінәраттар болса (жүрек функциясының жеткіліксіздігі). Арнайы сақтандырулар Егде жастағы пациенттер Егде жастағы адамдарды емдеу басқа нейролептиктер жағдайындағы сияқты ерекше сақтықты қажет етеді. Қосымша заттар • Просульпин® препаратының құрамында лактоза моногидраты бар. • Егер дәрігер Сізге кейбір қанттардың жақпауы диагнозын қойса, осы дәрілік препаратты қолдануды бастамас бұрын дәрігеріңізбен кеңесіңіз. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Просульпин® препараты седативті әсерге ие, яғни ұйқышылдық пен шамадан тыс босаңсуды тудыруы мүмкін, сондықтан препаратты қолдану кезінде көлік құралдарын басқарудан немесе ықтимал қауіпті механизмдермен жұмыс істеуден бас тарту керек.

Егер Сіз жүкті болсаңыз немесе жүкті болуым мүмкін деп ойласаңыз немесе бала туатын жаста болсаңыз және контрацепцияның тиімді құралдарын қолданбасаңыз, Просульпин® препаратын қолданбаңыз. Егер Сіз жүктіліктің үшінші триместрінде Просульпин® препаратын қабылдаған болсаңыз, Сіздің балаңызда қозу, гипертония, гипотония, тремор, ұйқышылдық, тыныс алу кінәраттары және тамақтану қиындықтары байқалуы мүмкін. Сондықтан баланы мұқият бақылау қажет, қажет болған жағдайда дәрігерге қаралыңыз. Просульпин® препараты емшек сүтіне енеді. Просульпин® препаратымен емдеу кезінде бала емізуге болмайды. Егер Сіз Просульпин®қабылдайтын болсаңыз, балаңызды қалай тамақтандыру керектігі туралы дәрігермен кеңесіңіз.

• Емдеуші дәрігерге немесе дәріхана қызметкеріне Сіз қабылдап жүрген, жақында қабылдаған немесе қабылдауды бастауыңыз мүмкін барлық препараттар туралы хабарлаңыз. Басқа психобелсенді препараттармен біріктіру күтпеген жағымсыз реакцияларды болдырмау үшін дәрігердің тарапынан ерекше сақтық пен қырағылықты қажет етеді. Нейролептиктерді QT аралығын ұзартатын препараттармен бірге қабылдағанда жүрек аритмиясының даму қаупі артады. Қолдануға болмайтын біріктірілімдер: • каберголин немесе хинаголид сияқты дофаминергиялық рецепторлардың агонистері (лактацияның бұзылуларын емдеу үшін); • пиперазин, гидроксизин, домперидон циталопрам, эсциталопрам (үрейді немесе депрессияны емдеу үшін) сияқты қарыншалық ырғақтың бұзылуын («пируэт» типті тахикардия) қоздыратын препараттар. Ұсынылмайтын біріктірілімдер • Паркинсон ауруын емдеу үшін қолданылатын кейбір препараттар (амантадин, апоморфин, бромокриптин, энтакапон, лизурид, перголид, пирибедил, прамипексол, расагилин, ропинирол, ротиготин, селегилин); • деламанид — өкпеде орналасқан туберкулезді емдеу үшін қолданылатын антибиотик; • леводопа; • жүрек ырғағының ауыр бұзылуын тудыруы мүмкін кейбір препараттар («пируэт тахикардиясы»), мысалы: • жүректің ретсіз ырғағының бұзылуын емдеу үшін қолданылатын препараттар (хинидин, гидрохинидин және дизопирамид сияқты Іa класындағы антиаритмиктер және амиодарон, дронедарон, соталол сияқты III класты антиаритмиктер), • психикалық бұзылуларды емдеуге арналған кейбір препараттар (амисульприд, хлорпромазин, циамемазин, дроперидол, флупентиксол, флуфеназин, галоперидол, левомепромазин, пимозид, пипамперон, пипотиазин, сультоприд, тиаприд, зуклопентиксол), • кокаин, • паразиттерге қарсы кейбір препараттар (хлорохин, галофантрин, люмефантрин, пентамидин), • буындардың қабыну ауруларын емдеу үшін қолданылатын препарат (гидроксихлорохин), • кейбір есірткіге тәуелділікпен күресу үшін қолданылатын препарат (метадон), • басқа препараттар, мысалы: обырдың кейбір түрлерін емдеу кезінде қолданылатын препараттар (құрамында мышьяк, кризотиниб, торемифен, вандетаниб бар), домперидон, антибиотиктер (вена ішіне эритромицин, левофлоксацин, моксифлоксацин, спирамицин вена ішіне), дифеманил, доласетрон вена ішіне, меквитазин, винкамин вена ішіне, • натрий оксибаты, нарколепсияны емдеуге арналған препарат • кейбір инфекцияларды емдеу үшін көрсетілген препарат, сульфаметоксазол және триметоприм • құрамында алкоголь бар препараттар. Сақтықты қажет ететін біріктірілімдер: • анагрелид (қандағы тромбоциттердің артық өндірілуін емдеу үшін көрсетілген); • макролидтер (азитромицин, кларитромицин, рокситромицин) немесе хинолондар (ципрофлоксацин, левофлоксацин, норфлоксацин) тұқымдасының кейбір антибиотиктері; • жүрек ырғағына әсер ететін дәрілік препараттар, мысалы: • бета-блокаторлар (жүрек функциясының жеткіліксіздігін емдеу үшін), • аритмияға қарсы кейбір препараттар, • кальций өзекшелерінің кейбір блокаторлары, • кризотиниб (обырдың кейбір түрлерін емдеуге арналған), • жүрек гликозидтері және дигоксин (жүрек функциясының жеткіліксіздігін және тахикардияның кейбір түрлерін емдеуге арналған), • пасиреотид (кейбір гормондық бұзылулар кезінде қолданылады), пилокарпин (глаукома кезінде көзге тамызатын дәрі ретінде немесе сілекейдің өндірілуін арттыруға ішке қабылдау үшін қолданылады), • Альцгеймер ауруы кезінде қолданылатын антихолинэстеразалар). • гласдегиб (лейкоздың белгілі бір түрін емдеу); • ер адамдарда тестостерон өндірілуінің төмендеуіне әкелуі мүмкін дәрілік препараттар (гипогонадизм); • қандағы калий деңгейінің төмендеуін (гипокалиемия) тудыруы мүмкін дәрілік препараттар, мысалы, артериялық қысымды төмендету үшін қолданылатын кейбір дәрілік препараттар (калийді төмендететін диуретиктер), эпизодтық іш қату кезінде ұсынылатын кейбір дәрілік препараттар (стимуляциялық іш жүргізетін дәрілер), қабынуға қарсы қасиеттеріне байланысты қолданылатын дәрілік препараттар (глюкокортикоидтар), тетракозактид (сальтаторлық құрысуларды емдеу) және вена ішіне амфотерицин В (антибиотик); • литий (биполярлық бұзылысты және көңіл-күйдің бұзылуын емдеу); • ондансетрон (обырға қарсы препараттардың кейбір жанама әсерлерін басу үшін немесе хирургиялық араласымнан кейін қолдануға арналған); • сукральфат (он екі елі ішектің ойықжарасын емдеу және алдын алу); • асқорыту бұзылыстарында, әсіресе іш кепкен кезде қолданылатын жергілікті әсер ететін асқазан-ішек антацидтері және адсорбенттер; • арипипразол (биполярлық бұзылысты емдеу); • седативті препараттар (ұйқысыздықты емдеу); • дапоксетин (ерте эякуляцияны емдеу); • орлистат (семіздікті емдеу); • артериялық қысымды төмендететін препараттар. Просульпин® препараты және алкоголь Алкоголь Просульпин® (нейролептиктер) препаратымен бір класстағы препараттардың седативті әсерін күшейтеді. Алкогольді ішімдіктер мен құрамында алкоголь бар препараттарды бір мезгілде қабылдаудан аулақ болыңыз.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!