Псило-Бальзам® гель 1 %

Бір грамм гельдің құрамында белсенді зат - дифенгидрамин гидрохлориді 10 мг, қосымша заттар: цетилпиридиний хлориді, макрогол глицерилкаприлокапраты, карбомер, трометамол, тазартылған су. Сыртқы түрінің, иісінің, дәмінің сипаттамасы Мөлдір түссіз біртекті гель

Дәрілік препаратты ересектерде, жасөспірімдерде және 2 жастан асқан балаларда келесі жағдайларда қолдануға болады: • І дәрежедегі күн сәулесінен болған және термиялық күюлерде • жәндіктер шаққанда • есекжемде • шығу тегі әртүрлі тері қышынуында (холестаздағы қышынуды қоспағанда): қышитын дерматоздар, экзема, желшешек, терінің аллергиялық тітіркенуі, өсімдікпен жанасудан туындаған жанаспалы дерматиттер

Псило-Бальзам аллергияға қарсы әсері оның құрамында Н1-гистаминдік рецепторлар блокаторы болып табылатын дифенгидрамин гидрохлориді болуымен байланысты және соның салдарынан қышынуды басады, ауыруды, гиперемияны азайтады, қылтамырлардың жоғары өткізгіштігін, тіндер ісінуін төмендетеді; жергілікті жансыздануын туындатады, соның салдарынан Псило-Бальзам препаратының жағымды салқындататын әсері болады. Арнайы гельдік негізі теріні қорғайды және көрінетін із қалдырмайды.

Дозалау режимі Ересектерге және 2 жастан асқан балаларға Псило-Бальзамды® терінің зақымданған бөлігіне (гельдің ұзындығы 3-5 см жолақты өлшемі алақандай зақымдану ауданына) күніне 3-4 рет жағады және оны жеңіл уқалау қимылымен бөледі. Енгізу әдісі және жолы Сыртқа. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Егер сізде осы препаратты қолдану бойынша қосымша сұрақтар туындаса, дәрігерге, дәріхана қызметкеріне немесе мейірбикеге кеңес алу үшін хабарласыңыз.

• әсер етуші заттарға немесе кез келген қосымша заттарға аса жоғары сезімталдық • құрамында дифенгидрамин бар кез келген препараттарды бір мезгілде қолдану • терінің кең беткейінде қолдану • 2 жасқа дейінгі балаларға

Сирек • тері тарапынан болатын аса жоғары сезімталдық реакциялары (экзема, жанаспалы дерматит) Препаратты сыртқа қолданған кезде жағымсыз әсерлердің жүйелі сипаты байқалмаған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: қызару, препарат жағылған тері бөлігінің орташа ісінуі. Емі: препарат жағылған тері бөлігін сумен жуу.

Жаққан жерде тері жабындары зақымданған кезде, шырышты қабықтарға жаққанда сақтықпен қолдану керек. Фотодерматоздардың даму қаупін болдырмас үшін Псило-Бальзам® жаққаннан кейін бірден (1-2 сағат ішінде) күн астында ұзақ болудан аулақ болған жөн. Псило-Бальзам® препаратымен емдеу кезінде алкоголь тұтынудан аулақ болу керек. Арнайы сақтандырулар Препаратты пайдалануды тоқтатыңыз, егер: - жағдайы нашарласа - симптомдар 7 күннен астам сақталса, немесе басылса және бірнеше күн ішінде қайта пайда болса Педиатрияда қолдану 2 жастан асқан балаларда қолдануға рұқсат етілген. Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері Көлік құралын немесе қауіптілігі зор механизмдерді басқару қабілетіне әсер етуі туралы деректер жоқ.

Препаратты жүктілік және лактация кезінде қолдану анаға ықтимал пайдасын және шарана мен балаға төнетін ықтимал қаупін бағалауды қажет етеді.

Псило-Бальзамды® жергілікті қолданған кезде дәрілік өзара әрекеттесуі анықталмаған.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек!