РАМИПРИЛ-САНТО® таблетки 2.5 мг

Бір таблетканың құрамында белсенді зат - 2,5 мг, 5.0 мг, 10.0 мг рамиприл қосымша заттар: сусыз лактоза, микрокристалды целлюлоза, желатинделген крахмал, натрий кроскармеллозасы, натрий стеарил фумараты Сыртқы түрінің, иісінің, дәмінің сипаттамасы Таблетканың бір жағында ойығы, екінші жағында – ойығы және крест тәрізді фирмалық логотип бар жалпақ цилиндр пішінді ақ немесе ақ дерлік түсті таблеткалар (2.5 мг және 5 мг дозалар үшін) Таблетканың бір жағында ойығы мен сызығы бар, екінші жағында – ойығы және крест тәрізді фирмалық логотип бар жалпақ цилиндр пішінді ақ немесе ақ дерлік түсті таблеткалар (10 мг доза үшін)

- артериялық гипертензияны емдеу - өлімге әкелу ықтималдығы зор жүрек-қантамырлық асқынулардың алдын алу: •айқын білінетін атеротромбоздық жүрек-қантамыр аурулары (анамнезінде жүректің ишемиялық ауруы немесе инсульт болуы, аяқ артерияларын облитерациялайтын аурулар) немесе •қант диабеті және кем дегенде бір жүрек-қантамырлық қауіп факторымен - бүйректің гломерулярлық ауруларын емдеу: •микроальбуминуриямен болатын диабеттік нефропатияның бастапқы сатысы •кем дегенде бір жүрек-қантамырлық фактор бар пациенттерде макропротеинуриямен болатын айқын диабеттік нефропатия •≥ 3 г/күн макропротеинуриямен болатын айқын диабеттік емес нефропатия - симптоматикалық жүрек жеткіліксіздігін емдеу - жедел миокард инфарктісін алған пациенттердегі екіншілік профилактика: миокард инфарктісінің жедел фазасынан бастап, аурудың басталуынан кейін 48 сағаттан соң тағайындалғанда жүрек жеткіліксіздігінің клиникалық көріністері болатын пациенттерде өлім қаупін төмендету.

ATХ коды C09AA05 Әсер ету механизмі Рамиприлат, рамиприлдің белсенді метаболиті, ұзақ әсер ететін ангиотензин өзгертуші ферменттің (АӨФ) тежегіші болып табылады. Қан плазмасында және тіндерде бұл фермент I ангиотензиннің II ангиотензинге (белсенді тамыр тарылтатын зат) өтуін және белсенді вазодилататор - брадикининнің ыдырауын катализдейді. Ангиотензин II түзілуінің азаюы және брадикинин белсенділігінің артуы тамырлар кеңеюіне әкеледі және рамиприлдің кардиопротекциялық және эндотелийпротекциялық әсеріне өз үлесін қосады. Ангиотензин II альдостеронның босап шығуын көтермелейді, осыған байланысты, рамиприл альдостерон секрециясының төмендеуін туындатады. АТФ тежегіштерімен монотерапияға жалпы жауап, ақ нәсілді пациенттерге қарағанда, гипертензиясы бар афроамерикалық тектегі (ренин деңгейі төмен популяция) пациенттерде төмен. Фармакодинамикалық әсерлері Гипотензиялық әсері: Рамиприл қабылдау, жалпы бүйрек қан ағымында және шумақтық сүзілу жылдамдығында өзгерістер тудырмай, шеткері кедергінің елеулі төмендеуіне әкеледі. Рамиприл қабылдау жүректің жиырылу жиілігінің компенсаторлық артуынсыз жатқан қалыпта да, тік тұрған күйде де артериялық қысым (АҚ) төмендеуін туындатады. Гипертензияға қарсы әсері препараттың бір реттік дозасын ішке қабылдаудан кейін 1-2 сағаттан соң байқалады. Гипотензиялық әсері 24 сағат бойы сақталады. Ең жоғары гипотензиялық әсері, әдетте, препаратты тұрақты қабылдаудың 3-4 аптасында дамиды және ұзақ уақыт бойы сақталады. Препарат қабылдауды кенеттен тоқтату АҚ тез және елеулі көтерілуіне әкелмейді. Жүрек жеткіліксіздігі: Диуретиктермен және қосымша жүрек гликозидтерімен дәстүрлі ем жағдайындағы сияқты, NYHA (Нью-Йорк кардиологтар қауымдастығы) жіктеуі бойынша II-IV функционалдық кластарға жататын жүрек жеткіліксіздігі бар пациенттерде рамиприлдің тиімді екені көрсетілді. Дәрілік заттың гемодинамикаға жағымды әсерлері бар (сол жақ және оң жақ қарыншалардың толу қысымын төмендетеді, жалпы шеткері тамыр кедергісін төмендетеді, жүрек лықсытуын және жүрек индексін арттырады), сондай-ақ нейроэндокриндік белсенділенуді төмендетеді. Клиникалық тиімділігі және қауіпсіздігі Жүрек-қантамырлық асқынулар профилактикасы: Плацебо бақыланатын клиникалық зерттеуде (НОРЕ) рамиприл тамыр бұзылуларының (мысалы, ЖИА өршуі, шеткері артериялардың облитерациялайтын аурулары немесе анамнезінде инсульт болуы) немесе қант диабетінің нәтижесінде жоғары кардиоваскулярлық қаупі, кем дегенде, қосымша 1 қауіп факторы (микроальбуминурия, гипертензия, қандағы жалпы холестериннің жоғарылауы, тығыздығы жоғары липопротеиндер деңгейінің төмендеуі, шылым шегу) бар 9200 науқасқа стандартты емге қосымша профилактикалық дәрі ретінде тағайындалды. Бұл зерттеуде рамиприл миокард инфарктілерінің, инсульттердің және кардиоваскулярлық аурулар нәтижесінде болатын өліммен аяқталудың жиілігін едәуір төмендететіні көрсетілді. Рамиприл — Плацебо — Салыстырмалы қауіп — (95% сенімді аралық) — Р % — % Барлық пациент — N=4.645 — N=4.652 Бастапқы біріктірілген күтілетін клиникалық нәтижелер — 14,0 — 17,8 — 0,78 (0,70-0,86) — <0,001 Миокард инфарктісі — 9,9 — 12,3 — 0,80 (0,70-0,90) — <0,001 Жүрек-қантамыр ауруынан өліммен аяқталу — 6,1 — 8,1 — 0,74 (0,64-0,87) — <0,001 Инсульт — 3,4 — 4,9 — 0,68 (0,56-0,84) — <0,001 Екінші күтілетін клиникалық нәтижелер Кез келген себептен өліммен аяқталу — 10,4 — 12,2 — 0,84 (0,75-0,95) — 0,005 Реваскуляризацияны қажет ету — 16,0 — 18,3 — 0,85 (0,77-0,94) — 0,002 Тұрақсыз стенокардия себебінен ауруханаға жатқызу — 12,1 — 12,3 — 0,98(0,87-1,10) — Көрсетілмеген Жүрек жеткіліксіздігі себебінен ауруханаға жатқызу — 3,2 — 3,5 — 0,88 (0,70-1,10) — 0,25 Диабетпен байланысты асқынулар — 6,4 — 7,6 — 0,84 (0,72-0,98) — 0,03 MICRO-HOPE зерттеуінде көпшілігі 2 типті қант диабетінен зардап шегіп жүрген (жүрек-қантамыр ауруларының, кем дегенде, қосымша бір қауіп факторымен) 55 жастағы және одан асқан нормо- немесе гипертензиялық 3577 пациентте (жасына қарай жоғарғы шектеусіз), плацебомен салыстырғанда, қолданыстағы емдеу сызбасына қосымша 10 мг рамиприл қабылдау әсері зерттелді. Бастапқы талдау рамиприл тобының 117 пациентінде (6,5%) және плацебо тобының 149 пациентінде (8,4%) айқын нефропатия дамуын көрсетті, бұл салыстырмалы қауіптің 24%-ға тең төмендеуіне сәйкес келеді; 95% СА [3-40], р = 0,027. Қатар топтарда жүргізілген көп орталықты, рандомизацияланған, плацебо- бақыланатын, салыстырмалы жасырын зерттеу (REIN зерттеуі) төмен гломерулярлық сүзілу жылдамдығының (ГСЖ) туындау жиілігіне рамиприлмен емдеу әсерін бағалауға бағытталды, зерттеуде созылмалы диабеттік емес нефропатиядан болатын орташа (ақуыздың несеппен орташа экскрециясы >1 және < 3 г/24 сағат) немесе ауыр протеинуриядан (>3 г/24 сағат) зардап шегіп жүрген нормо- немесе гипертензиялық (18-ден 70 жасқа дейінгі) 352 пациент қосылды (осы екі қосалқы топ зерттеудің басында стратификацияланды). Анағұрлым ауыр протеинуриясы бар пациенттердің негізгі талдауы (осы қосалқы топ үшін зерттеу рамиприл тобындағы пайдасы ескеріліп, мерзімінен бұрын аяқталды) айына ГСЖ орташа төмендеуінің рамиприл тобында, плацебо тобына қарағанда, төмен болғанын көрсетті: -0,88 (1,03) мл/мин/аймен салыстырғанда, 0,54 (0,66), р = 0,038. Осылайша, топтар арасындағы айырма 0,34 [0,03 - 0,65] мл/мин/ай және 4 мл/мин/жылға жуық болды. Сарысулық креатинин концентрациясының бір деңгейіне жүргізілген зерттеудің екіншілік біріктірілген соңғы нүктесі бүйрек жеткіліксіздігі меакардиясы (БЖТС) (гемодиализ немесе бүйрек трансплантациясының қажеттілігі) рамиприл тобындағы пациенттердің 23,1%-да байқалды, ал плацебо тобында бұл көрсеткіш 45,5% (р = 0.02) болды. Ренин-ангиотензин альдостерон жүйесінің қосарлы блокадасы: Екі ауқымды рандомизацияланған бақыланатын зерттеуде (ONTARGET (Ongoing Telmisartran Alone and in combination with Ramipril Global Endpoint Trial) және VA NEPHRON-D (The Veterans Affairs Nephropathy in Diabetes) AӨФ тежегіштері мен ангиотензин II рецепторларының антагонистері (АРА) біріктірілімін пайдалану зерттелді. ONTARGET зерттеуі жүрек-қантамырлық немесе цереброваскулярлық аурулары немесе анамнезінде нысана-ағзаларының расталған зақымдануымен II типті диабет бар пациенттердің қатысуымен жүргізілді. VA NEPHRON-D зерттеуі II типті диабет және диабеттік нефропатиясы бар пациенттердің қатысуымен жүргізілді. Аталған зерттеулерде, монотерапиямен салыстырғанда, бүйрекке және/немесе жүрек-қантамыр жүйесіне әсер ететін елеулі оң өзгешеліктер және өлімге ұшырау анықталмады, ал гиперкалиемияның, бүйректің жедел зақымдануының және/немесе гипотензияның жоғары даму қаупі анықталды. Фармакокинетикалық қасиеттерінің ұқсастығын ескере отырып, осы нәтижелер басқа АӨФ тежегіштері және АРА үшін де релевантты болды. Осылайша, диабеттік нефропатиясы бар пациенттерге АРА және АӨФ тежегіштерін бірге қолдануға болмайды. ALTITUDE (ІІ типті қант диабетімен науқастарға алискирен қолданылғанда жүрек-қантамырлық ауруларының және бүйрек ауруларының соңғы нүктелері белгіленген зерттеулер [Aliskiren Trial in Type 2 Diabetes Using Cardiovascular and Renal Disease Endpoints] - II типті қант диабеті және созылмалы бүйрек ауруы, жүрек-қантамырлық аурулары немесе екеуінің біріктірілімі бар пациенттерде АРА немесе АӨФ тежегіштерімен стандартты емге алискиренді қосудың пайдасын анықтау мақсатында жүргізілген зерттеу. Зерттеу ем асқынуларының туындау қаупінің артуы салдарынан ерте сатыда тоқтатылды. Жүрек-қантамыр патологиясы мен инсульт себебінен болатын өлім, плацебо тобына қарағанда, алискиренді қолдану тобында саны жағынан жиірек болды, плацебо тобымен салыстырғанда, осы ретте алискиренді қолдану тобында жағымсыз құбылыстардың және күрделі жағымсыз құбылыстардың ерекше маңызды дамуы (гиперкалиемия, гипотензия және бүйрек функциясының бұзылуы) жиірек хабарланды. Жедел миокард инфарктісінен кейінгі екіншілік профилактика: AIRE зерттеуіне миокард инфарктісін өткеруден кейін жүрек жеткіліксіздігінің өтпелі/тұрақты клиникалық белгілері бар 2000-нан астам пациент қосылды. Рамиприлмен емдеу жедел миокард инфарктісінен кейін 3-10 күн өткен соң басталды. Зерттеу, орта есеппен, 15 айға созылған кейінгі қадағалау кезеңінде рамиприл алған пациенттер арасында 16,9%, ал плацебо алған пациенттер тобында 22,6% өлімге ұшырау болғанын көрсетті (салыстырмалы қауіп төмендеуі - 27% (95% СА [11-40 %]). Балалар 6 жастан 16 жасқа дейінгі 244 пациенттің қатысуымен рандомизацияланған, жасырын салыстырмалы, плацебо бақыланатын клиникалық зерттеуде артериялық гипертензиясы бар пациенттер (73% гипертония ауруының) рамиприлат концентрациясына жету үшін рамиприлдің төмен, орташа немесе жоғары дозасын алды, дене салмағына қарай 1,25 мг, 5 мг және 20 мг ересектерге арналған дозаларға сәйкес келеді. 4 аптадан кейін рамиприл ең жоғары дозада систолалық артериялық қысымын төмендетуде тиімсіз болды, бірақ диастолалық артериялық қысымды төмендетті. Рамиприлдің орташа, сондай-ақ және жоғары дозалары артериялық гипертензиясы расталған балаларда систолалық және диастолалық артериялық қысымның айтарлықтай төмендегенін көрсетті. Бұл әсер 6-16 жас аралығындағы 218 педиатриялық пациентте (75% эссенциальді гипертензия) дозаны тоқтатқан 4 апталық рандомизацияланған жасырын салыстырмалы зерттеуде байқалмады, онда диастолалық және систолалық артериялық қысым орташа көтерілуді көрсетті, бірақ дене салмағына қарай рамиприл дозасының үш деңгейі үшін [төмен доза (0,625 мг - 2,5 мг), орташа доза (2,5 мг - 10 мг) немесе жоғары доза (5 мг - 20 мг)] бастапқы деңгейге статистикалық елеулі оралуды көрсетпеді. Рамиприл педиатриялық популяцияда дозаға тәуелді жауап көрсеткен жоқ.

Дозалану режимі Диуретиктермен емдеуден өтетін пациенттер РАМИПРИЛ-САНТО® қабылдауды бастау гипотензиямен қатар жүруі мүмкін; бұл диуретиктермен емдеуден өтетін пациенттерге көбірек тән. Организмде тұздар мен сұйықтықтың жетіспеуі РАМИПРИЛ-САНТО® емін бастауға дейін алдын ала түзетуге жатады, диуретиктерді алдын ала шектеу немесе 2-3 күннен кешіктірмей тоқтату керек Диуретиктер қабылдауды тоқтатпаған пациенттерде емдеу рамиприлдің 1.25 мг ең аз бір реттік дозасынан басталуы керек. Бүйрек функциясын және қан сарысуында калий мөлшерін бақылап отыру қажет. Келесі РАМИПРИЛ-САНТО® дозасы артериялық қысымның нысаналы деңгейіне сәйкес түзетілуі тиіс. Артериялық гипертензияны емдеу Дозалау әр нақты жағдайда күтілетін емдік әсеріне және науқастарда препараттың жағымдылығына қарай есептеледі. РАМИПРИЛ-САНТО® препаратын монотерапия ретінде де, гипертензияны емдеуге арналған препараттардың басқа кластарымен біріктірілімде де қолдануға болады. Бастапқы доза РАМИПРИЛ-САНТО® емін тәулігіне 2.5 мг бастапқы дозадан бастау қажет. Күшті белсендірілген ренин-ангиотензин-альдестерон жүйесі бар пациенттерде артериялық қысымның едәуір төмендеуі бастапқы дозаны қабылдаудан кейін жалғасуы мүмкін. Осындай пациенттерге ұсынылатын бастапқы доза 1.25 мг құрайды, ал емдеуді бастау медициналық қадағалаумен жүргізілуі қажет. Жеке демеуші дозаны титрлеу. Артериялық қысымның нысаналы деңгейіне жету үшін дозаны 2-4 апта аралықпен екі еселеуге болады. Ең жоғары тәуліктік доза - 10 мг. Тәуліктік доза күніне бір рет қабылданады. Жүрек-қантамырлық асқынулар профилактикасы Бастапқы доза Ұсынылатын бастапқы доза - күніне бір рет 2.5 мг. Жеке демеуші дозаны титрлеу Дозаны белсенді заттың пациентке жағымдылығына қарай біртіндеп арттырады. Дозаны 1-2 апта емдеуден кейін екі еселеу, ал келесі 2-3 апта өткен соң - демеуші дозаны тәулігіне 10 мг РАМИПРИЛ-САНТО® дейін арттыру ұсынылады. Бұрын диуретиктермен емдеуден өткен пациенттерде дозалардың тағайындалуын да қараңыз. Жүрек жеткіліксіздігінің клиникалық белгілерімен жедел миокард инфарктісін алған пациенттердегі екіншілік профилактика Бастапқы доза Клиникалық және гемодинамикалық тұрақты пациенттерде миокард инфарктісінен кейін 48 сағат өткен соң ұсынылатын бастапқы доза үш күн бойы күніне екі рет 2.5 мг құрайды. Егер 2.5 мг бастапқы доза пациентке жағымды болмаса, дозаны 2.5 мг және күніне екі рет 5 мг дейін арттыру алдында 2 күн бойы күніне екі рет 1.25 мг тағайындау қажет. Егер дозаны күніне екі рет 2.5 мг дейін арттыру мүмкін болмаса, емдеуді тоқтату керек. Бұрын диуретиктермен емдеуден өткен пациенттерде дозалардың тағайындалуын да қараңыз. Титрлеу және жеке демеуші доза Тәуліктік дозаны күніне екі рет 5 мг демеуші дозаға жетуге дейін 1-3 күн аралығымен екі еселеп, біртіндеп арттырады. Демеуші тәуліктік дозаны 2 қабылдауға бөлу ұсынылады. Ең жоғары тәуліктік доза - 10 мг. Егер миокард инфарктісінен кейін жүректің ауыр (NYHA шкаласы бойынша IV дәреже) созылмалы жеткіліксіздігі бар пациенттерде РАМИПРИЛ-САНТО® емін жүргізу шешімі қабылданса, тәулігіне 1 рет 1.25 мг дозадан бастау ұсынылады. Дозаны айрықша сақтықпен арттыру керек. Бүйрек ауруларын емдеу Диабет және микроальбуминурия бар пациенттерде Бастапқы доза Ұсынылатын бастапқы доза - күніне бір рет 1.25 мг. Жеке демеуші дозаны титрлеу Дозаны белсенді заттың пациентке жағымдылығына қарай біртіндеп арттырады. Тәуліктік дозаны 2 апта емдеуден соң 2.5 мг дейін, одан кейін келесі 2 апта өткенде 5 мг дейін екі еселеу ұсынылады. Диабет және жүрек-қантамыр ауруларының, кем дегенде, бір қауіп факторы бар пациенттерде. Бастапқы доза Ұсынылатын бастапқы доза - күніне бір рет 2.5 мг. Жеке демеуші дозаны титрлеу Дозаны белсенді заттың пациентке жағымдылығына қарай біртіндеп арттырады. Тәуліктік дозаны 2 апта емдеуден соң 5 мг дейін, ал одан кейін келесі 2-3 апта өткенде 10 мг дейін екі еселеу ұсынылады. Ең жоғары тәуліктік доза - 10 мг. Макропротеинурия > 3 г/күн болатын диабеттік емес нефропатиясы бар пациенттерде Бастапқы доза Ұсынылатын бастапқы доза - күніне бір рет 1.25 мг. Жеке демеуші дозаны титрлеу Дозаны белсенді заттың пациентке жағымдылығына қарай біртіндеп арттырады. Тәуліктік дозаны 2 апта емдеуден соң 2.5 мг дейін, ал одан кейін келесі 2 апта өткенде 5 мг дейін екі еселеу ұсынылады Симптоматикалық жүрек жеткіліксіздігін емдеу Бастапқы доза Диуретиктермен ем алатын пациенттерге ұсынылатын бастапқы доза -күніне бір рет 1.25 мг. Жеке демеуші дозаны титрлеу РАМИПРИЛ-САНТО® дозасын әр екі апта сайын 10 мг ең жоғары тәуліктік дозаға дейін екі еселеу ұсынылады. Тәуліктік дозаны 2 қабылдауға бөлген дұрыс. Пациенттердің ерекше топтары Бүйрек жеткіліксіздігі бар пациенттер Бүйрек жеткіліксіздігі бар пациенттер үшін тәуліктік доза креатинин клиренсі есебімен тағайындалады: - егер креатинин клиренсі ≥ 60 мл/мин болса, бастапқы дозаны түзету қажет емес (тәулігіне 2,5 мг); ең жоғары тәуліктік доза - 10 мг; - егер креатинин клиренсі 30-60 мл/мин шегінде болса, бастапқы дозаны түзету қажет емес (тәулігіне 2,5 мг); ең жоғары тәуліктік доза - 5 мг; - егер креатинин клиренсі 10-30 мл/мин шегінде болса, бастапқы доза тәулігіне 1,25 мг құрайды, ал ең жоғары тәуліктік доза - 5 мг; - гемодиализ жасалатын гипертензиясы бар пациенттерде рамиприл әлсіз диализденеді; бастапқы доза тәулігіне 1,25 мг құрайды, ал ең жоғары тәуліктік доза - 5 мг; РАМИПРИЛ-САНТО® гемодиализ жасалған соң бірнеше сағат өткенде қабылдау қажет. Бауыр жеткіліксіздігі бар пациенттер Осындай пациенттерді емдеу айрықша сақтықпен және тек медициналық қадағалаумен жүргізілуі тиіс. Ондай жағдайларда ең жоғары рұқсатты тәуліктік доза - 2,5 мг РАМИПРИЛ-САНТО® Егде жастағы пациенттер Бастапқы дозалар төмен болуы тиіс, оларды енгізу, әсіресе егде жастағы және әлсіреген пациенттерде жағымсыз реакциялардың туындау қаупінің артуы салдарынан біртіндеп қана жүргізілуі тиіс. Ұсынылатын бастапқы тәуліктік доза - 1,25 мг құрайды. Балалар РАМИПРИЛ-САНТО® рамиприлдің қауіпсіздігі мен тиімділігі бойынша тиісті деректер санының жеткіліксіздігіне орай, балалар мен 18 жасқа толмаған жасөспірімдерде қолдануға ұсынылмайды. Енгізу әдісі және жолы Ішке қабылдау үшін. Күн сайын тәуліктің белгілі бір уақытында қабылдау ұсынылады. РАМИПРИЛ-САНТО® препаратын ас ішу кезінде немесе одан тыс қабылдауға болады, өйткені биожетімділігі ас ішуге байланысты емес. Рамиприлді жеткілікті сұйықтық мөлшерімен қабылдау қажет. Таблеткаларды қабылдау алдында шайнауға немесе ұсақтауға болмайды. Дәрілік препараттың бір немесе бірнеше дозасын өткізіп алу кезіндегі қажетті шаралар Ұмытылған дозаның орнын толтыру үшін қосарлы дозаны қабылдамаңыз Дәрілік препаратты қолдану тәсілін түсіну үшін медицина қызметкерінен кеңес алуға жүгіну жөнінде нұсқаулар Дәрілік препаратты қолданар алдында кеңес алу үшін дәрігерге немесе фармацевтке жүгініңіз.

• әсер етуші заты рамиприлге немесе «Қосымша мәліметтер» бөлімінде атап көрсетілген қосымша заттардың кез келгеніне аса жоғары сезімталдық • қант диабеті немесе бүйректің орташа/ауыр жеткіліксіздігі (шумақтық сүзілу жылдамдығы (ШСЖ) < 60 мл/мин/1,73 м2) бар пациенттерде алискиренмен бір мезгілде қолдану • анамнезінде ангионевроздық ісіну бар (тұқым қуалайтын, идиопатиялық немесе АӨФ тежегіштерін немесе ангиотензин II рецепторларының антагонистерін (АРА II) қабылдау себеп болатын) пациенттер • жүргізілу барысында қанның теріс зарядталған беткейлермен жанасуы болатын экстракорпоральді емдеу әдістемелері • анықталған бүйрек артериясының стенозы (екі жақты, бір бүйрек жағдайында – бір жақты) • жүктіліктің 2-ші және 3-ші триместрі • артериялық қысымы төмен немесе гемодинамикалық тұрақсыз күйдегі пациенттерге рамиприл қабылдауға болмайды • ангионевроздық ісінудің жоғары даму қаупіне байланысты бейтарап эндопептидаза тежегіштерімен (мысалы, құрамында сакубитрил бар препараттармен) бір мезгілде қолдану

Қауіпсіздік бейінінің түйіндемесі Рамиприлдің жағымсыз реакцияларына құрғақ, тұрақты жөтел, гипотония жатады. Күрделі жағымсыз реакциялар ангионевроздық ісіну, гиперкалиемия, бауыр немесе бүйрек жеткіліксіздігі, панкреатит, күрделі тері реакциялары және нейтропения/агранулоцитозды қамтиды. Жиі • бас ауыру • бас айналу • құрғақ, қақырықсыз жөтел • бронхит • синусит • диспноэ • асқазан-ішек жолының қабыну реакциялары • ас қорыту бұзылулары • асқазан-ішек жайсыздануы • диспепсия • диарея • жүрек айну • құсу • макула-папулалық бөртпе • бұлшықеттердің түйілуі (бұлшықеттердің құрысуы) • миалгия • қандағы калий деңгейінің жоғарылауы • гипотония • ортостаздық қан қысымының төмендеуі • синкопа • кеуденің ауыруы • қажу Жиі емес • миокард ишемиясы, стенокардия немесе миокард инфарктісін қоса • тахикардия • аритмия • жүректің жиі соғуы • шеткері ісінулер • эозинофилия • бас айналу • парестезия • агевзия (дәм сезбей қалу) • дисгевзия (дәм сезудің бұзылуы) • көру бұзылулары, анық көрмеуді қоса • бронх түйілуі, демікпенің өршуін қоса • тұмаурату • өліммен аяқталатын панкреатит (АӨФ тежегіштерін қабылдау кезінде өліммен аяқталу жағдайлары сипатталды) • ұйқы безінің энзимдері деңгейінің жоғарылауы • жіңішке ішектің ангионевроздық ісінуі • асқазан-ішек жолының ауырсынулары, гастритті қоса • ішек бітелісі • ауыздың құрғауы • бүйрек функциясының бұзылуы, бүйректің жедел жеткіліксіздігін қоса • бұрыннан бар протеинурия күшеюі • қандағы мочевина деңгейінің жоғарылауы • қанда креатинин деңгейінің жоғарылауы • өліммен аяқталатын ангионевроздық ісіну (сирек, тыныс жолдарының обструкциясы жағдайында болуы мүмкін) • артралгия • анорексия (тәбет жоғалту) • тәбеттің төмендеуі • гиперемия • қызба (ысыну) • бауыр энзимдерінің және/немесе конъюгацияланған билирубин деңгейінің жоғарылауы • эрекцияның және жыныстық құштарлықтың төмендеуі • депрессиялық көңіл-күй • мазасыздық • күйгелектік • қозу күйі • ұйқының бұзылуы • ұйқышылдықты қоса (гиперсомния) Сирек • лейкоциттер санының азаюы (нейтропения мен агранулоцитозды қоса) • эритроциттер санының азаюы • гемоглобин деңгейінің төмендеуі • тромбоциттер санының азаюы • тремор • тепе-теңдік бұзылуы • конъюнктивит • естудің бұзылуы • құлақтың шуылдауы • глоссит • эксфолиативті дерматит • есекжем • онихолизис • тамырлық стеноз • жеткіліксіз перфузия • васкулит • астения (әлсіздік) • холестаздық сарғаю • гепатоцеллюлярлық зақымданулар • психоз Өте сирек • сүйек кемігінің бәсеңдеуі • панцитопения • гемолиздік анемия • церебральді ишемия, ишемиялық инсульт пен ми қан айналымының өтпелі ишемиялық бұзылуын қоса • психомоторлық функциялар бұзылуы (реакция бұзылуы) • ашытуды сезіну • паросмия (иіс сезудің бұзылуы) • афтозды стоматит • уытты эпидермалық некролиз • Стивенс-Джонсон синдромы • мультиформалы эритема • сулы бөртпе • псориаз ағымының нашарлауы • псориаз тәрізді дерматит • пемфигоидты немесе лихеноидты экзантемалар немесе энантемалар • алопеция • қандағы натрий деңгейінің азаюы • Рейно феномені • анафилаксиялық немесе анафилактоидты реакциялар • антинуклеарлы антиденелер деңгейінің жоғарылауы • бауырдың жедел жеткіліксіздігі • холестаздық немесе цитолиздік гепатит (өліммен аяқталу өте сирек кездеседі) • гинекомастия • зейін қою бұзылысы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары АӨФ тежегіштерінің артық дозалануымен байланысты симптомдар шамадан тыс шеткері вазодилатация (айқын артериялық гипотензиямен, шокпен), брадикардия, электролиттік теңгерім бұзылуы және бүйрек жеткіліксіздігі болуы мүмкін. Емдеу Пациенттің жай-күйін мұқият қадағалап, симптоматикалық және демеуші ем жүргізген жөн. Ұсынылатын емдеу шараларына бастапқы уытсыздандыру (асқазанды шаю, адсорбенттер енгізу), сондай-ақ тұрақты гемодинамиканы қалпына келтіруге бағытталған шаралар, оның ішінде альфа-1 адренорецепторларының агонистерін немесе ангиотензин II (ангиотензинамид) енгізу жатады. Рамиприлат, рамиприлдің белсенді метаболиті, гемодиализ арқылы жүйелі қан ағымынан нашар шығарылады.

Гипотензия қаупі бар пациенттер • ренин-ангиотензин-альдостерон жүйесінің белсенділігі жоғары пациенттер Ренин-ангиотензин-альдостерон жүйесінің белсенділігі жоғары пациенттер АӨФ тежелісі барысында, әсіресе, емдеудің басында немесе АӨФ тежегіштерінің немесе бірге қабылданатын диуретиктер дозасын алғаш арттыру кезінде артериялық қысымның күрт түсіп кету және бүйрек функциясының нашарлау қаупіне бейім болады. Артериялық қысым деңгейін бақылаумен медициналық қадағалауды талап ететін ренин-ангиотензин-альдостерон жүйесінің елеулі белсенділенуі келесі пациенттерде күтілуге тиіс: • ауыр гипертензиясы бар пациенттер • декомпенсацияланған іркілісті жүрек жеткіліксіздігі бар пациенттер • сол жақ қарыншаға ағып келу/ағып шығу гемодинамикасының клиникалық мәнді бұзылулары (яғни, қолқа стенозы немесе митральді стенозы) бар пациенттер • жұмыс істеп тұрған бір бүйректің бүйрек артериясының бір жақты стенозы бар пациенттер • электролиттер және/немесе сұйықтық тапшылығы бар пациенттер (бұрын диуретиктермен емдеуден өткен пациенттерді қоса) • бауыр циррозы және/немесе асцит бар пациенттер • ауқымды операциялық араласу жасалған немесе анестезия барысында гипотензиялық әсері бар препараттар қабылдайтын пациенттер. Емдеуді бастар алдында дегидратацияны, гиповолемияны немесе тұз жоғалтуды түзету ұсынылады (жүрек жеткіліксіздігі бар пациенттерде, алайда, осындай емдік іс-шаралар қан ағымының көлемдік артық жүктемесі қаупіне қарсы таразылануы тиіс). Миокард инфарктісінен кейінгі өтпелі немесе тұрақты жүрек жеткіліксіздігі. Жедел гипотензия салдарынан жүрек немесе церебральді ишемия қаупі бар пациенттер. Емдеудің бастапқы кезеңдері арнайы медициналық қадағалауды талап етеді. Хирургия Хирургиялық араласудан бір күн бұрын, осындай мүмкіндік болса, АӨФ тежегіштерімен емдеуді де тоқтату ұсынылады. Бүйрек функциясына мониторинг Бүйрек функциясы дозаларының талапқа сай түзетілуімен емдеу басталғанша және ем барысында, әсіресе, емдеудің алғашқы апталарында бақылануы тиіс. Бүйрек функциясының бұзылуы бар пациенттерді бөлек қадағалау талап етіледі. Бүйрек функциясының бұзылу қаупі, атап айтқанда – іркілісті жүрек жеткіліксіздігі бар пациенттерде немесе бүйрек трансплантациясынан кейін болады. Ангионевроздық ісіну Рамиприлді қоса, АӨФ тежегіштерін қабылдаған пациенттерде ангионевроздық ісіну байқалды. Ангионевроздық ісіну дамыған жағдайда РАМИПРИЛ-САНТО® препаратын қабылдауды тоқтату керек. Шұғыл емді дереу бастау қажет. Пациент кемінде 12-24 сағат бойы медициналық қадағалауда болуы тиіс және оларды симптомдар толық басылған соң ауруханадан шығаруға болады. АӨФ тежегіштерін, оның ішінде РАМИПРИЛ-САНТО® препаратын қабылдаған пациенттерде жіңішке ішектің ангионевроздық ісіну жағдайлары байқалды. Аталған пациенттерді абдоминальді ауырсынулар мазалады (жүрек айну және құсудың болуымен немесе болмауымен). Десенсибилизация кезіндегі анафилаксиялық реакциялар АӨФ тежегіштерін қолданғанда жәндіктер уына және басқа аллергендерге анафилаксиялық және анафилактоидтық реакциялардың туындау ықтималдығы мен ауырлығы артады. Десенсибилизация жасау алдында РАМИПРИЛ-САНТО® препаратын қабылдауды уақытша тоқтату керек. Гиперкалиемия РАМИПРИЛ-САНТО® препаратын қоса, АӨФ тежегіштерін қабылдаған кейбір пациенттерде гиперкалиемия туындауы байқалды. Гиперкалиемия пайда болатын қауіп тобына бүйрек жеткіліксіздігі бар пациенттер, 70 жастан асқан пациенттер, бақыланбайтын қант диабеті бар пациенттер, калий тұздарын, калий жинақтаушы диуретиктерді, сондай-ақ қан плазмасында калий мөлшерін арттыратын басқа белсенді заттарды қабылдайтын пациенттер немесе дегидратация, жүректің жедел декомпенсациясы, метаболизмдік ацидоз сияқты жай-күйлері бар пациенттер жатады. Егер жоғарыда көрсетілген препараттарды бірге қолдану мақсатқа сай болып саналса, қан плазмасындағы калий деңгейін жүйелі бақылап отыру ұсынылады. Гипонатриемия Рамиприл қабылдаған бірнеше пациенттерде антидиурездік гормонның адекватты емес секрециялану синдромы (АГАЕСС), кейін гипонатриемия байқалды. Егде жастағы пациенттерге және гипонатриемия даму қаупі бар басқа пациенттерге қан сарысуындағы натрий деңгейін үнемі бақылау ұсынылады. Нейтропения/агранулоцитоз Нейтропения/агранулоцитоз, сондай-ақ тромбоцитопения және анемия жағдайлары сирек байқалды. Сүйек кемігі функциясының бәсеңдеуі туралы да хабарланды. Болуы мүмкін лейкопенияны анықтау мақсатында қандағы лейкоциттер санын бақылап отыру ұсынылады. Емдеудің басында және бүйрек функциясының бұзылуы, қатарлас коллагенозы (мысалы, жүйелі қызыл жегі немесе склеродермия) бар немесе қан көрінісінің өзгеруін туындатуы мүмкін басқа дәрілік заттарды қабылдайтын пациенттерге жиірек бақылау жүргізген дұрыс. Этностық айырмашылықтар АӨФ тежегіштері, басқа нәсіл өкілдеріне қарағанда, тегі афроамерикалық пациенттерде ангионевроздық ісінуді жиірек тудырады. Басқа АӨФ тежегіштеріндегі сияқты, басқа нәсіл өкілдерімен салыстырғанда, тегі афроамерикалық пациенттерде рамиприлдің гипотензиялық әсері азырақ білінуі мүмкін. Бұл артериялық гипертензиясы бар афроамерикалық пациенттерде ренин белсенділігі төмен артериялық гипертензияның жиірек байқалуы себебінен болуы мүмкін. Жөтел АӨФ тежегіштерін қолданғанда жөтел пайда болуы хабарланды. Жөтел қақырықсыз, ұзаққа созылатын және емді тоқтатудан кейін басылатын сипатта болады. Жөтелді дифференциялық диагностикалау кезінде АӨФ тежегіштерін қолдану салдарынан жөтел пайда болуы мүмкін екенін есте ұстау керек. Ренин-ангиотензин-альдостерон жүйесінің (РААЖ) қосарлы блокадасы АӨФ тежегіштерін, ангиотензин II рецепторлары блокаторларын немесе алискиренді біріктіру гипотензия, гиперкалиемия және бүйрек функциясының төмендеу (бүйректің жедел жеткіліксіздігін қоса) қаупін арттырады. РААЖ қосарлы блокадасы АӨФ тежегіштерін, ангиотензин II рецепторлары блокаторларын немесе алискиренді пайдаланумен ұсынылмайды. Егер қосарлы блокада абсолютті түрде қажет болса, емдеу маманның қадағалауымен және бүйрек функциясын, электролиттер мен артериялық қысымды жүйелі бақылаумен өткізілуі тиіс. Диабеттік нефропатиясы бар пациенттерде АӨФ тежегіштерін және ангиотензин II рецепторларының блокаторларын бір мезгілде қолдану ұсынылмайды. Препарат құрамында лактоза бар, сондықтан бұл препаратты сирек кездесетін тұқым қуалайтын галактоза жақпаушылығы, лопар лактаза тапшылығы немесе глюкоза-галактоза мальабсорбциясы бар пациенттердің қабылдамағаны жөн. Арнайы сақтандырулар Жүктілік Рамиприл сияқты АӨФ тежегіштерін немесе ангиотензин II рецепторларының антагонистерін (АРАІІ) жүктілік кезінде қабылдауға болмайды. Егер пациент әйел жүкті болуды жоспарласа, онда АӨФ /АРА емін жалғастырмас бұрын жүктілік үшін сенімдірек қауіпсіздік бейіні бар гипертензияның басқа емін таңдау қажет. Егер АРА/АӨФ тежегіштерімен емдеу барысында жүктілік анықталса, дәрілік препараттармен емдеуді бірден тоқтатып, басқа кластарға жататын дәрілік заттармен емдеуді бастау керек. РАМИПРИЛ-САНТО® жүктіліктің бірінші триместрінде қолдануға ұсынылмайды әрі жүктіліктің екінші және үшінші триместрлерінде қолдануға болмайды. Жүктіліктің бірінші триместрі кезеңінде АӨФ тежегіштерін қабылдау салдарынан тератогенділік қаупі туралы қорытынды эпидемиологиялық деректер жоқ; алайда аздаған қауіп ықтималдығын да жоққа шығаруға болмайды. Егер пациент әйел жүкті болуды жоспарласа, АӨФ тежегіштерімен емдеуді тоқтату және жүктілік үшін қауіпсіздеу бейіні бар басқа гипотензиялық дәрілік затпен ауыстыру қажет. Жүктіліктің екінші және үшінші триместрлерінде АРА/АӨФ тежегіштерімен емдеу фетоуыттылықты (бүйрек функциясының төмендеуі, олигогидроамнион, бассүйек сүйектерінің ауыр гипоплазиясы) және неонатальді уыттануды (бүйрек жеткіліксіздігі, гипотензия, гиперкалиемия) туындатуы мүмкін. Жүктіліктің екінші триместрінен АӨФ тежегіштерін қабылдау жағдайлары болған пациент әйелдерге ультрадыбыс көмегімен бүйрек пен бассүйек функциясын тексеру ұсынылады. Аналары АӨФ тежегіштерін қабылдаған жаңа туған нәрестелер гипотензия, олигурия және гипокалиемия бойынша тексеруден өтуі тиіс. Лактация кезінде Бала емізу кезінде рамиприл қолдануға қатысты талапқа сай деректер болмағандықтан, лактация кезеңінде препаратты қолдану ұсынылмайды. Бала емізу кезінде, әсіресе жаңа туған немесе шала туған нәрестелер жағдайында қолдануға қатысты қауіпсіздік бейіні анықталған баламалы препараттарды қолданған дұрыс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кейбір жағымсыз әсерлер (мысалы, артериялық қысым төмендеуінің кейбір симптомдары, атап айтқанда, бас айналу) пациенттің зейін қою қабілетіне және психомоторлық реакциялар шапшаңдығына, әсіресе, емдеудің басында немесе басқа препараттармен емдеуден ауысқанда теріс әсер етуі мүмкін. Алғашқы дозаны қабылдаудан немесе дозаны одан әрі арттырудан кейін бірнеше сағат бойы автокөлікті басқарудан немесе басқа механизмдермен жұмыс істеуден тартыну керек.

Нұсқаулықта көрсетілмеген.

Қолдануға болмайтын біріктірілімдер Экстракорпоральді ем әдістері, оның нәтижесінде диализ немесе ағын қарқыны жоғары белгілі бір жарғақшалар (мысалы, полиакрилонитрилді жарғақшалар) пайдаланылатын гемофильтрация және декстран сульфаты қолданылатын тығыздығы төмен липопротеидтер аферезі сияқты қанның теріс зарядталған беткейлермен жанасуы болады – ауыр анафилактоидтық реакциялардың жоғары даму қаупі ескеріледі. Егер осындай емдеу қажет болса, басқа диализдік жарғақшаны пайдалану немесе басқа класқа жататын гипертензияға қарсы дәрілер қолдану мәселесін қарастыру керек. Сақтандыру шараларын талап ететін біріктірілімдер • Калий тұздары, гепарин, калий жинақтаушы диуретиктер және қан плазмасында калий деңгейін арттыратын басқа белсенді заттар (ангиотензин-II антагонистерін, триметоприм, такролимус, циклоспоринді қоса). Гиперкалиемия туындауы мүмкін, сондықтан қан плазмасында калий деңгейін мұқият бақылап отыру керек. • Гипертензияға қарсы дәрілік заттар (мысалы, диуретиктер) және артериялық қысымды төмендетуге қабілетті басқа заттар (мысалы, нитраттар, трициклды антидепрессанттар, анестетиктер, алкоголь, баклофен, альфузозин, доксазозин, празозин, тамсулозин, теразозин). Артериялық гипотензияның туындау қаупінің артуын күту керек • Вазопрессорлық симпатомиметиктер және РАМИПРИЛ-САНТО® препаратының гипертензияға қарсы әсерін азайтуы мүмкін басқа заттар (мысалы изопротеренол, добутамин, допамин, эпинефрин). Артериялық қысымды мұқият бақылап отыру ұсынылады. • Аллопуринол, иммунодепрессанттар, кортикостероидтар, прокаинамид, цитостатиктер және қан көрінісінің өзгеруін тудыруы мүмкін басқа заттар. Гематологиялық реакциялар туындауының жоғары ықтималдығы • Литий тұздары. АӨФ тежегіштері литий экскрециясын азайта алады, бұл литий уыттылығының артуына әкелуі мүмкін. Литий деңгейін мұқият бақылап отыру қажет. • Диабетке қарсы дәрілер, инсулинді қоса. Гипогликемиялық реакциялар туындауы мүмкін. Қандағы глюкоза деңгейін мұқият бақылап отыру ұсынылады. • Қабынуға қарсы стероидты емес препараттар (ҚҚСП) және ацетилсалицил қышқылы. РАМИПРИЛ-САНТО® препаратының гипертензияға қарсы әсерінің төмендеуі күтіледі. Оның үстіне, ҚҚСП және АӨФ тежегіштерін бір мезгілде қолдану бүйрек функциясының нашарлау қаупінің артуымен және қандағы калий деңгейінің жоғарылауымен қатар жүреді. Бейтарап эндопептидаза тежегіштері АӨФ тежегіштерін және рацекадотрилді (энкефалиназа тежегіші) бір мезгілде қолданғанда ангионевроздық ісінудің жоғары даму қаупі туралы хабарланды. АӨФ тежегіштерін құрамында сакубитрил (неприлизин тежегіші) бар препараттармен бір мезгілде қолданғанда ангионевроздық ісінудің даму қаупі артады, осыған байланысты, аталған препараттарды бір мезгілде қолдануға болмайды. Құрамында сакубитрил бар препараттарды тоқтатудан кейін 36 сағат өткен соң ғана АӨФ тежегіштерін тағайындау керек. Құрамында сакубитрил бар препараттарды АӨФ тежегіштерін алатын пациенттерге, сондай-ақ АӨФ тежегіштерін тоқтатудан кейін 36 сағат ішінде тағайындауға болмайды. mTOR тежегіштері немесе IV типі дипептидилпептидазаның тежегіштері (ДПП- IV): mTOR тежегіштерімен (мысалы, темсиролимус, эверолимус, сиролимус) немесе вилдаглиптинмен бір мезгілде емделетін пациенттерде ангионевроздық ісінудің даму қаупі жоғарылауы мүмкін. Емдеу басталған кезде сақ болу керек. Тіндік плазминоген белсендіргіштері Обсервациялық зерттеулерде ишемиялық инсульттің тромболитикалық емі үшін алтеплазаны қолданудан кейін АӨФ тежегіштерін қабылдаған пациенттерде ангионевроздық ісінудің жоғары даму жиілігі анықталды.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!