РАНАВЕКСИМ порошок 10 г

Бір банкінің ішінде белсенді зат - сульфаниламид (стрептоцид) – 2 г, 5 г және 10 г. Сыртқы түрінің, иісінің, дәмінің сипаттамасы Түсі ақ немесе ақ дерлік кристалды ұнтақ.

Кешенді ем құрамында: жараны тазартқаннан кейінгі іріңді жаралар, инфекция жұқтырған күйіктер (I-II дәрежелі).

Фармакодинамикалық әсерлері Сульфаниламид - микробқа қарсы бактериостатикалық дәрі. Әсер ету механизмі парааминобензой қышқылымен (ПАБҚ) бәсекелес антагонизммен және дигидроптероатсинтетазаның тежелуімен байланысты, бұл дигидрофолий, содан кейін тетрагидрофолий қышқылы синтезінің бұзылуына әкеледі, нәтижесінде микроорганизмдер нуклеин қышқылдарының синтезі бұзылады. Грамоң және грамтеріс микроорганизмдерге қатысты белсенді: Escherichia coli, Shigella spp., Vibrio cholerae, Clostridium spp., Bacillus anthracis, Corynebacterium diphtheriae, Yersinia pestis, Chlamydia spp., Actinomyces spp., Toxoplasma gondii.

Сыртқа қолдануға арналған ұнтақ түрінде, сыртқа, зақымданған беткейге тікелей қолданылады; таңу 1-2 күн сайын жасалады. Ересектерге арналған ең жоғары дозалар: бір реттік доза – 5 г, тәуліктік доза – 15 г. 3 жастан асқан балалар үшін: бір реттік доза – 300 мг, тәуліктік доза – 300 мг. Терең жаралар кезінде жараның қуысына 5-10-15 г сыртқа қолдануға арналған ұнтақ енгізіледі. Емдеу курсының ұзақтығын дәрігер аурудың ерекшеліктерін, дәрілік препараттың жағымдылығын және қол жеткізілген әсерін ескере отырып, анықтайды.

- сульфаниламидтерге жоғары сезімталдық - қан түзу жүйесінің аурулары - сүйек кемігінің қан түзілуін бәсеңдету - анемия - жүректің созылмалы жеткіліксіздігі - тиреотоксикоз - бүйрек / бауыр жеткіліксіздігі - азотемия, порфирия, туа біткен глюкоза-6-фосфат дегидрогеназа тапшылығы - жүктілік, бала емізу кезеңі Сақтықпен: 3 жасқа дейінгі балалар.

- сульфаниламидті дәрілерге жоғары сезімталдық кезінде аллергиялық реакциялар болуы мүмкін, олардың дамуы препаратты дереу тоқтатуды талап етеді - бас ауыруы, бас айналуы, диспепсия - жүрек айнуы, құсу - цианоз, лейкопения, агранулоцитоз, кристаллурия. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға күтілетін реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу, ішек шаншуы, бас айналуы, бас ауыруы, ұйқышылдық, депрессия, естен тану жағдайлары, сананың шатасуы, көрудің бұзылуы, қызба, гематурия, кристаллурия; ұзақ артық дозаланғанда – тромбоцитопения, лейкопения, мегалобластты анемия, сарғаю. Емі: көп сұйықтық ішу; кездейсоқ ішке қабылдағанда – асқазанды шаю.

Ем кезінде көп мөлшерде сілтілі сұйықтық ішу ұсынылады. Қажет болса, бір мезгілде микробтарға қарсы препараттарды тағайындайды. Жоғары сезімталдық реакциялары пайда болған кезде емдеуді тоқтату керек. Ұзақ мерзімді емдеу кезінде қан көрінісін, бүйрек және бауыр функцияларын жүйелі түрде бақылау ұсынылады. Препаратты қолдануды бастамас бұрын нұсқаулықты мұқият оқып шығыңыз. Нұсқаулықты сақтап қойыңыз, ол қайтадан қажет болуы мүмкін. Егер сізде сұрақтар туындаса, дәрігерге қаралыңыз. Сіз емделіп жүрген дәрілік зат тек сізге арналған және оны басқа адамдарға беруге болмайды, өйткені сіздегі симптомдар оларда болса да, оларға зиянын тигізуі мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын басқару немесе басқа механизмдермен жұмыс істеу кезінде препараттың реакция жылдамдығына әсер етуіне зерттеу жүргізілмеген. Дәрілік заттың жағымсыз әсерлерін (бас айналу) ескере отырып, көлік құралдарын, механизмдерді басқару кезінде сақ болу керек.

Жүктілік және бала емізу кезеңінде қолдануға болмайды,

Миелоуытты дәрілік заттар препараттың гематоуыттылық көріністерін күшейтеді. Егер сіз РАНАВЕКСИМ препаратын қолданар алдында басқа дәрілік (соның ішінде рецептісіз) препараттарды қабылдасаңыз, дәрігермен кеңесіңіз.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 °C-ден аспайтын температурада сақтау керек (қорапшадағы банкі). Балалардың қолы жетпейтін жерде сақтау керек!