Реагила® капсулы 6 мг

1,5 мг бір капсуланың құрамында: белсенді зат – 1,5 мг карипразин (1,635 мг карипразин гидрохлориді түрінде); қосымша заттар: желатинделген крахмал (жүгері), магний стеараты; қатты желатинді капсуланың құрамы қақпағы: титанның қостотығы (Е171), желатин; корпусы: титанның қостотығы (Е171), желатин; қара түсті сия құрамы: темірдің қара тотығы (Е172), шеллак, этанол (сусыз), тазартылған су, пропиленгликоль, изопропанол, бутанол, концентрацияланған аммиак ерітіндісі, калий гидроксиді. 3 мг бір капсуланың құрамында: белсенді зат – 3 мг карипразин (3,270 мг карипразин гидрохлориді түрінде); қосымша заттар: желатинделген крахмал (жүгері), магний стеараты; қатты желатинді капсуланың құрамы қақпағы: керемет қызыл АС (Е129), жылтыр көк FCF (Е133), темірдің сары тотығы (Е172), титанның қостотығы (Е171), желатин; корпусы: титанның қостотығы (Е171), желатин; қара түсті сия құрамы: темірдің қара тотығы (Е172), шеллак, этанол (сусыз), тазартылған су, пропиленгликоль, изопропанол, бутанол, концентрацияланған аммиак ерітіндісі, калий гидроксиді. 4,5 мг бір капсуланың құрамында: белсенді зат – 4,5 мг карипразин (4,905 мг карипразин гидрохлориді түрінде); қосымша заттар: желатинделген крахмал (жүгері), магний стеараты; қатты желатинді капсуланың құрамы қақпағы: керемет қызыл АС (Е129), жылтыр көк FCF (Е133), темірдің сары тотығы (Е172), титанның қостотығы (Е171), желатин; корпусы: керемет қызыл АС (Е129), жылтыр көк FCF (Е133), темірдің сары тотығы (Е172), титанның қостотығы (Е171), желатин; ақ түсті сия құрамы: фармацевтикалық глазурь [этанолда шеллак ерітіндісі], титанның қостотығы (E171), изопропанол, концентрацияланған аммиак ерітіндісі, бутанол, пропиленгликоль, симетикон. 6 мг бір капсуланың құрамында: белсенді зат – 6 мг карипразин (6,540 мг карипразин гидрохлориді түрінде); қосымша заттар: желатинделген крахмал (жүгері), магний стеараты; қатты желатинді капсуланың құрамы қақпағы: керемет қызыл АС (Е129), жылтыр көк FCF (Е133), титанның қостотығы (Е171), желатин; корпусы: титанның қостотығы (Е171), желатин; қара түсті сия құрамы: темірдің қара тотығы (Е172), шеллак, этанол (сусыз), тазартылған су, пропиленгликоль, изопропанол, бутанол, концентрацияланған аммиак ерітіндісі, калий гидроксиді. Сыртқы түрінің, иісінің, дәмінің сипаттамасы Ақ түсті мөлдір емес корпусы және ақ түсті мөлдір емес қақпағы бар, өлшемі №4, қара түсті «GR 1.5» деген жазуы бар қатты желатинді капсулалар. Капсуланың ішіндегісі – ақ немесе сарғыш-ақ түсті ұнтақтар қоспасы (1,5 мг дозасы үшін). Ақ түсті мөлдір емес корпусы және жасыл түсті мөлдір емес қақпағы бар, өлшемі №4, қара түсті «GR 3» деген жазуы бар қатты желатинді капсулалар. Капсуланың ішіндегісі – ақ немесе сарғыш-ақ түсті ұнтақтар қоспасы (3 мг дозасы үшін). Жасыл түсті мөлдір емес корпусы және жасыл түсті мөлдір емес қақпағы бар, өлшемі №4, ақ түсті «GR 4.5» деген жазуы бар қатты желатинді капсулалар. Капсуланың ішіндегісі – ақ немесе сарғыш-ақ түсті ұнтақтар қоспасы (4,5 мг дозасы үшін). Ақ түсті мөлдір емес корпусы және күлгін түсті мөлдір емес қақпағы бар, өлшемі №3, қара түсті «GR 6» деген жазуы бар қатты желатинді капсулалар. Капсуланың ішіндегісі – ақ немесе сарғыш-ақ түсті ұнтақтар қоспасы (6 мг дозасы үшін).

• ересек пациенттерде шизофренияны емдеу үшін.

Психолептиктер. Антипсихотиктер. Басқа антипсихотиктер. Карипразин АТХ коды N05AX15 Әсер ету механизмі Карипразиннің әсер ету механизмі толық белгілі емес. Дегенмен, карипразиннің емдік әсері D3-, D2-дофаминді рецепторларға (Ki шамасы 0,49-0,71 нмоль/л-мен салыстырғанда, тиісінше 0,085-0,3 нмоль/л) және 5-HT1A-серотониндік рецепторларға (Ki шамасы 1,4–2,6 нмоль/л) қатысты ішінара агонизмінің және 5-HT2B-ға және 5-HT2A-серотониндік рецепторларға және Н1-гистаминдік рецепторларға (Ki мәндері, сәйкесінше, 0,58–1,1 нмоль/л, 18,8 нмоль/л және 23,3 нмоль/л) қатысты антагонизмінің біріктірілімімен қамтамасыз етіледі деп болжам жасалады. Карипразин 5-НТ2С-серотониндік және альфа1-адренорецепторларға (Ki мәндері, сәйкесінше, 134 нмоль/л және 155 нмоль/л) аффинділігі төмен. Карипразиннің мускариндік холинергиялық рецепторларға (ТК50 > 1000 нмоль/л) маңызды аффинділігі болмайды. Негізгі белсенді екі метаболит – дезметилкарипразиннің және дидезметилкарипразиннің бастапқы әсер етуші затпен бірге ұқсас рецепторлармен байланысу бейіні және функциялық белсенділігінің бейіні бар. Фармакодинамикалық әсерлері In vivo жағдайларындағы клиникаға дейінгі зерттеулер карипразиннің фармакологиялық тиімді дозаларда D3-рецепторлармен D 2-рецепторлармен бірдей дәрежеде байланысатынын көрсетті. Шизофрениясы бар пациенттерде емдік ауқымды дозаларда 15 тәулік ішінде карипразиннің мидың D3 және D2-дофаминдік рецепторларымен (көбіне D3-рецепторлары басым аймақтарда) дозаға тәуелді байланысуы байқалды. Карипразиннің QT аралығына ықпалы шизофрениясы бар немесе шизоаффектілі бұзылыстары бар пациенттерде зерттелді. Препаратты тағайындағанға дейін және тепе-тең жағдайға жеткізуге қатысты 129 пациентте 12 сағат ішінде ЭКГ-ні холтерлік мониторингтеу деректері алынды. Карипразинді емдік дозалардан асып кететін дозаларда (тәулігіне 9 мг немесе тәулігіне 18 мг) қолданғанда QT аралығының ұзаруы байқалған жоқ. Карипразин қабылдаған пациенттерде бастапқы көрсеткіштен QTc аралығының ≥ 60 мс ұзаруы да, QTc > 500 мс ұзаруы да тіркелген жоқ. Клиникалық тиімділігі Қысқамерзімді қолдану тиімділігі Жедел шизофрения кезінде карипразиннің тиімділігі 18-60 жас аралығындағы 1754 пациенттің қатысуымен жүргізілген 6 апталық көпорталықты, халықаралық, рандомизацияланған, жасырын салыстырмалы, плацебо-бақыланатын үш зерттеуде зерттелді. Жедел шизофренияның барлық зерттеулеріндегі бастапқы ақырғы нүкте 6 аптадан кейін оң және теріс синдромдар шкаласы бойынша бастапқы жалпы бағалаудың (PANSS) өзгеруі, екінші ақырғы нүкте 6 апта емдеуден кейін аурудың ауырлығына (CGI-S) жалпы клиникалық әсер шкаласы бойынша бастапқы бағалаудың өзгеруі болды. Талдау сезімталдығы үшін 1,5 мг, 3,0 мг және 4,5 мг карипразиннің және 4,0 мг рисперидонның бекітілген дозаларын қолдана отырып, жүргізілген халықаралық плацебо-бақыланатын зерттеуде плацебоға қарағанда карипразиннің барлық дозалары және белсенді бақылау үшін бастапқы және қайталама ақырғы нүктелердің статистикалық тұрғыдан анық жақсаруы көрсетілді. Карипразиннің 3,0 мг және 6,0 мг және арипипразолдың 10 мг бекітілген дозаларын қолдана отырып, басқа халықаралық плацебо-бақыланатын зерттеуде талдау сезімталдығы үшін карипразиннің екі дозасы және белсенді бақылау плацебоға қарағанда бастапқы және қайталама ақырғы нүктенің статистикалық тұрғыдан анық жақсаруына әкелді. Карипразиннің 3,0-6,0 мг және 6,0-9,0 мг бекітілген/өзгертілетін дозаларын қолдана отырып, жүргізілген үшінші халықаралық плацебо-бақыланатын зерттеуде карипразин дозаларының екі тобы плацебоға қарағанда бастапқы және қайталама ақырғы нүктенің статистикалық анық жақсаруына әкелді. 1-кесте. Шизофренияның өршуіне жүргізілген зерттеулерде 6 аптадан кейін PANSS шкаласы бойынша бастапқы жалпы бағалаудың өзгеруі – ITT іріктемесі Бастапқы Орташа ± SD — Өзгеріс Орташа ЕКӘ (SE) — Препарат пен плацебо арасындағы айырмашылықтар (95% СА) — Р мәні PANSS шкаласы бойынша жалпы бағалау (MMRM моделі) RGH-MD-16 зерттеуі (n=711) Плацебо — 97,3 ± 9,22 — –13,29 (1,82) — — — — Карипразин тәулігіне 1,5 мг — 97,1 ± 9,13 — –21,27 (1,77) — –7,97 (–12,94, –3,01) — 0,0017 Карипразин тәулігіне 3 мг — 97,2 ± 8,66 — –21,45 (1,74) — –8,16 (–13,09, –3,22) — 0,0013 Карипразин тәулігіне 4,5 мг — 96,7 ± 9,01 — –23,77 (1,74) — –10,48 (–15,41, –5,55) — < 0,0001 Рисперидон тәулігіне 4 мг — 98,1 ± 9,50 — –29,27 (1,74) — –15,98 (–20,91, –11,04) — < 0,0001* RGH-MD-04 зерттеуі (n=604) Плацебо — 96,5 ± 9,1 — –14,3 (1,5) — — — — Карипразин тәулігіне 3 мг — 96,1 ± 8,7 — –20,2 (1,5) — –6,0 (–10,1, –1,9) — 0,0044 Карипразин тәулігіне 6 мг — 95,7 ± 9,4 — –23,0 (1,5) — –8,8 (–12,9, –4,7) — < 0,0001 Арипипразол тәулігіне 10 мг — 95,6 ± 9,0 — –21,2 (1,4) — –7,0 (–11,0, –2,9) — 0,0008* RGH-MD-05 зерттеуі (n=439) Плацебо — 96,6 ± 9,3 — –16,0 (1,6) — — — — Карипразин тәулігіне 3-тен 6 мг дейін — 96,3 ± 9,3 — –22,8 (1,6) — –6,8 (–11,3, –2,4) — 0,0029 Карипразин тәулігіне 6-дан 9 мг дейін — 96,3 ± 9,0 — –25,9 (1,7) — –9,9 (–14,5, –5,3) — < 0,0001 СА – сенімді аралық; ITT - барлық рандомизацияланған пациенттердің іріктемесі; ЕКӘ– ең аз квадраттар әдісі; PANSS – оң және теріс синдромдардың шкаласы. *плацебомен салыстырғанда. Ұзақмерзімді қолдану тиімділігі Карипразиннің психозға қарсы әсерінің сақталуы препаратты қолдануды рандомизациялап тоқтатумен жүргізілген ұзақмерзімді клиникалық зерттеуде зерттелді. Шизофренияның өршу симптомдары бар жалпы 751 пациент 20 апта ішінде тәулігіне 3-9 мг дозада карипразинді қабылдады, бұл ретте 337 пациент тәулігіне 3-тен 6 мг дозада карипразин қабылдады. Пациенттердің жағдайы тұрақтанғаннан кейін карипразинді бекітілген 3 немесе 6 мг дозада (n=51) немесе плацебоны (n=51) 72 аптаға дейін жасырын салыстырмалы режимде қабылдауға рандомизацияланды. Зерттеудің бастапқы ақыоғы нүктесі қайталанудың дамуына дейінгі уақыт болды. Зерттеудің соңында плацебо қабылдаған пациенттердің 49,0% - ында және карипразин қабылдаған пациенттердің 21,6% - ында шизофрения белгілері қайта басталды. Осылайша, карипразин тобындағы қайталанудың дамуына дейінгі уақыт (326 күнмен салыстырғанда 92 күн, 25-процентиль негізінде) плацебо тобына қарағанда (p=0,009) анық ұзағырақ болды. Теріс симптомдардың басым болуымен байқалатын шизофрениямен ауыратын пациенттерде тиімділігі Теріс симптомдардың басым болуымен көрінетін шизофренияны емдеудегі карипразиннің тиімділігі 26 апталық көпорталықты, белсенді бақылаумен жүргізілетін жасырын салыстырмалы клиникалық зерттеуде зерттелді. Карипразин (3-6 мг доза ауқымы, 4,5 мг мақсатты доза) басым тұрақты теріс симптоматикамен байқалатын шизофрениямен ауыратын пациенттерде рисперидонмен (3-6 мг доза ауқымы, 4 мг мақсатты доза) салыстырылып бағаланды (n=461). Пациенттердің 86% - ы 55 жасқа толмаған, олардың 54% - ы ер адамдар. Басым тұрақты теріс симптоматика кем дегенде 6 айға созылатын, теріс симптомдардың деңгейі жоғары және оң симптомдардың деңгейі төмен симптоматика[(PANSS≥24 шкаласы бойынша теріс симптомдар факторын бағалау, PANSS 3 тармағының 2 бойынша ≥4 бағалау (N1: жазыңқы аффект; N4: абулия; N6: сөйлеудің шектелуі) және PANSS ≤19 шкаласы бойынша оң симптом факторын бағалау ретінде анықталды. Екінші жағымсыз симптоматикасы бар, мысалы, орташа немесе ауыр депрессия симптомдары және клиникалық айқын паркинсонизм (ЭПС) бар пациенттер зерттеуден шығарылды. Карипразин тобында да, рисперидон тобында да пациенттерде тиімділігінің бастапқы ақырғы нүктесінің бастапқы шамасы – PANSS (PANSS-FSNS) (p<0,001) шкаласы бойынша теріс симптомдар факторын бағалау статистикалық тұрғыдан анық жақсарғаны байқалды. Алайда, 14-аптадан бастап рисперидонмен салыстырғанда карипразиннің пайдасына статистикалық анық айырмашылықтар (p=0,002) байқалды (2-кесте). Карипразин тобында да, рисперидон тобында да пациенттерде тиімділігінің екінші ақырғы нүктесінің бастапқы шамасының – жеке және әлеуметтік қызмет шкаласы бойынша жалпы бағалаудың (PSP) (p<0,001) статистикалық анық жақсарғаны байқалды. Алайда, 10-аптадан бастап рисперидонмен салыстырғанда карипразиннің пайдасына статистикалық анық айырмашылықтар (p<0,001) байқалды. Аурудың ауырлығы туралы (p=0,005) және жақсару туралы (p<0,001) жалпы клиникалық әсер шкаласы бойынша бағалаулардағы айырмашылықтар, сондай-ақ PANSS-FSNS шкаласы бойынша жақсару деңгейі (26-аптада PANSS FSNS ≥30% бойынша жақсару; p= 0,003) тиімділігінің бастапқы және екінші ақырғы нүктелерін бағалау нәтижелерін растады. 2-кестеRGH-188-005 зерттеуі нәтижелерінің қысқаша түйіндемесі Тиімділік көрсеткіші — Карипразин Орташа ЕКӘ — Рисперидон Орташа ЕКӘ — Препараттар арасындағы есептік айырмашылықтар — 95% СА — Р мәні PANSS-FSNS бастапқы бағалау — 27,8 — 27,5 — - — - — - 26-аптада PANSS-FSNS бағалау — 18,5 — 19,6 — - — - — - 26-аптаға қарай PANSS-FSNS CfB бағалау — -8,9 — -7,4 — 1,5 — -2,4; -0,5 — 0,002 PSP жалпы бастапқы бағалау — 48,8 — 48,2 — - — - — - 26-аптада PSP жалпы бағалау — 64,0 — 59,7 — - — - — - 26-аптаға қарай PSP CfB жалпы бағалау — 14,3 — 9,7 — 4.6 — 2,7; 6,6 — <0,001 CfB – бастапқы бағалауға қатысты өзгеріс.

Дозалау режимі Карипразиннің ұсынылатын бастапқы дозасы тәулігіне бір рет 1,5 мг құрайды. Әрі қарай қажет болса, дозаны тәулігіне 1,5 мг адыммен тәулігіне ең жоғары 6 мг дозаға дейін біртіндеп арттыруға болады. Тиімді ең төмен дозаны клиникалық берілген бағалар негізінде емдеуді дәрігер белгілейді. Карипразиннің және оның белсенді метаболиттерінің жартылай шығарылу кезеңінің ұзақтығына байланысты дозаны өзгерту бірнеше апта ішінде қан плазмасындағы препараттың концентрациясына аздаған ықпалын тигізеді. Карипразинді қабылдауды бастағаннан кейін және дозаны әрбір өзгерткеннен кейін бірнеше апта ішінде жағымсыз реакцияларды және емдеуге пациенттің жауабын бақылау қажет. Психозға қарсы басқа препараттардан карипразинге көшу Психозға қарсы басқа препараттармен емдеуден карипразинмен емдеуге көшкен кезде карипразинді қабылдауды бір мезгілде бастағанда мұның алдындағы препараттың дозасын біртіндеп азайта отырып, біртіндеп айқаспалы титрлеуді жүргізу мүмкіндігін қарастырған жөн. Карипразиннен психозға қарсы басқа препараттарға көшу Карипразинмен емдеуден психозға қарсы басқа препараттармен емдеуге көшкен кезде біртіндеп айқаспалы титрлеу қажет болмайды, карипразин қабылдауды бір мезгілде тоқтатқан кезде психозға қарсы жаңа препаратты ең төмен дозадан қабылдауды бастау қажет. Қан плазмасында карипразиннің және оның белсенді метаболиттерінің концентрациясы 1 аптадан кейін 50%-ға төмендейтіндігін ескерген жөн. Өткізіп алған дозаны қабылдау Егер пациент препараттың дозасын қабылдамаса, оны мүмкіндігінше тезірек қабылдау керек. Егер препараттың келесі дозасын қабылдау уақыты жақындаса, онда пациентке өткізіп алған дозаны қабылдамай, препаратты қабылдаудың әдеттегі режиміне сәйкес кезекті дозаны қабылдау керек. Өткізіп алған дозаны толықтыру үшін еселенген дозаны қабылдауға болмайды. Пациенттердің ерекше топтары Бауыр функциясының жеткіліксіздігі бар пациенттер Бауыр функциясының жеңіл және орташа бұзылулары бар (Чайлд-Пью шкаласы бойынша 5–9 балл) пациенттерде препарат дозасын түзету қажет емес. Бауыр функциясының жеңіл және орташа бұзылулары бар (Чайлд-Пью шкаласы бойынша 10–15 балл) пациенттерде карипразиннің қауіпсіздігіне және тиімділігіне баға берілген жоқ. Карипразинді бауыр функциясының ауыр бұзылуы бар пациенттерге қолдану ұсынылмаған. Бүйрек функциясының жеткіліксіздігі бар пациенттер Бүйрек функциясының жеңіл және орташа бұзылулары бар (креатинин клиренсі (КК) ≥30 мл/мин және <89 мл/мин) пациенттерде препарат дозасын түзету қажет емес. Бүйрек функциясының ауыр бұзылуы бар (КК <30 мл/мин) пациенттерде карипразиннің қауіпсіздігіне және тиімділігіне баға берілген жоқ. Карипразинді бүйрек функциясының ауыр бұзылуы бар пациенттерге қолдану ұсынылмаған. Егде жастағы пациенттер 65 жастағы және одан үлкен пациенттерде, жасырақ пациенттермен салыстырғанда, емдеуге жауаптың айырмашылықтарын білу үшін карипразинді қолдану жөніндегі деректер жеткіліксіз. Егде жастағы пациенттерде дозаны таңдау үлкен сақтықпен жүргізілуі тиіс. Балалар Карипразинді балалар мен 18 жасқа дейінгі жасөспірімдерге қолданудың қауіпсіздігі және тиімділігі анықталған жоқ. Деректер жоқ. Енгізу әдісі мен жолы Реагила препараты, тамақ ішуге қарамай, тәулігіне бір рет белгілі бір уақытта ішке қабылданады. Карипразинді қабылдаған кезде алкоголь ішуден аулақ болу керек. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну жөніндегі нұсқаулар Егер Сізде осы препаратты қолдану туралы қосымша сұрақтарыңыз болса, емдеуші дәрігеріңізбен кеңесуіңізді өтінеміз.

• әсер етуші затқа немесе қосымша заттардың кез келгеніне аса жоғары сезімталдық; • CYP3A4 изоферментінің күшті немесе орташа тежегіштерін бір мезгілде қабылдау; • CYP3A4 изоферментінің күшті немесе орташа индукторларын бір мезгілде қабылдау.

Карипразинді 1,5–6 мг дозаларда қолданғанда өте жиі кездескен жағымсыз дәрілік реакциялар (ЖДР) акатизия (19%) және паркинсонизм (17,5%) болды. Жағымсыз құбылыстардың көбісі ауырлығы жеңіл немесе орташа дәрежеде болды. Төменде шизофрения кезінде карипразинге жүргізілген зерттеулердің біріктірілген деректерінің негізінде берілген жағымсыз реакциялар дұрыс қолдану терминдері бойынша және туындау жиілігіне сәйкес берілген. Өте жиі (≥10%) • акатизия2, паркинсонизм3. Жиі (≥1% және <10%) • дислипидемия, дене салмағының артуы, тәбеттің төмендеуі, тәбеттің жоғарлауы; • ұйқының бұзылуы1, үрейлену; • әлсіздік, бас айналу, дистония4, басқа да пирамидалық бұзылулар және қимыл-қозғалыс бұзылыстары5; • анық көрмеу; • тахиаритмия; • артериялық қысымның жоғарылауы; • құсу, жүрек айну, іш қату; • «бауыр» ферменттері белсенділігінің жоғарылауы; • қан сарысуында креатинфосфокиназа белсенділігінің жоғарылауы; • шаршағыштық. Жиі емес (≥0,1% және <1%) • анемия, эозинофилия; • қандағы тиреотроптық гормон концентрациясының төмендеуі; • қан сарысуындағы натрий мөлшерінің бұзылуы, қант диабеті, қан сарысуындағы глюкоза концентрациясының жоғарылауы; • суицидтік мінез-құлық, делирий, депрессия, либидоның төмендеуі, либидоның жоғарылауы, эрекциялық дисфункция; • дизестезия, дискинезия6, кеш байқалатын дискинезия, вертиго, летаргия; • көзішілік қысымның жоғарылауы, аккомодацияның бұзылуы, көз көргіштігінің төмендеуі, көздің тітіркенуі; • жүрек өткізгіштігінің бұзылулары, брадиаритмия, ЭКГ-де QT аралығының ұзаруы, ЭКГ-де T толқынының бұзылуы, артериялық қысымның төмендеуі; • ықылық, шөлдеу, гастроэзофагеальді рефлюкстік ауру, қанда билирубин мөлшерінің жоғарылауы; • қышу, бөртпе; • дизурия, поллакиурия. Сирек (≥0,01% және <0,1%) • нейтропения; • аса жоғары сезімталдық; • гипотиреоидизм; • құрысу ұстамалары/құрысулар, амнезия, афазия, катаракта, фотофобия; • дисфагия; • рабдомиолиз. Жиілігі белгісіз • қатерлі нейролептикалық синдром; • уытты гепатит; • жаңа туылған нәрестелердегі тоқтату синдромы. 1Ұйқының бұзылулары: ұйқысыздық, әдеттен тыс/шым-шытырық түс көрулер, ұйқының циркадтық ырғағының бұзылуы, диссомния, гиперсомния, ұйықтап кетудің бұзылуы, интрасомниялық бұзылыс, шым-шытырық түстер көру, ұйқының бұзылуы, сомнамбулизм, ерте ояну. 2Акатизия: акатизия, психомоторлы аса жоғары белсенділік, мазасыздық. 3Паркинсонизм: акинезия, брадикинезия, брадифрения, «тісті дөңгелек» типті сіресушілік, экстрапирамидалық бұзылыстар, жүрістің бұзылуы, гипокинезия, буындардың қозғалмауы, тремор, маска тәріздес әлпет, бұлшықеттердің сіресуі, тірек-қимыл аппаратының қозғалмауы, желке бұлшықетінің сіресуі, паркинсонизм. 4Дистония: блефароспазм, дистония, бұлшықеттердің ширығуы, оромандибулярлы дистония, қисықмойын, тризм. 5Басқа да экстрапирамидалық бұзылулар және қимыл-қозғалыс бұзылыстары: тепе-теңдіктің бұзылулары, бруксизм, сілекейдің шұбыруы, дизартрия, жүріс-тұрыстың орнықсыздығы, глабеллярлы рефлекстің бұзылуы, рефлекстердің нашарлауы, қимыл-қозғалыс бұзылыстары, «тынымсыз аяқ» синдромы, сілекейдің көп ағуы, тілді қозғалтудың бұзылуы. 6Дискинезия: хореоатетоз, дискинезия, беттің тыржиюы, окулогирлі криз, тіл протрузиясы. Жекелеген жағымсыз реакциялардың сипаттамасы Көзбұршақтың бұлыңғырлануы / катаракта Катарактаның бірнеше жағдайы тіркелді, бұл көрудің бұзылуынсыз көзбұршақтың елеусіз бұлыңғырлануымен сипатталды. Бұл пациенттердің кейбіреулерінде асқынған факторлар болды. Көру ағзасы тарапынан жиі тіркелетін жағымсыз құбылыс бұлыңғыр көру болды. Экстрапирамидалық симптомдар (ЭПС) Карипразин қабылдаған пациенттерде паркинсонизмді, акатизияны, дистонияны қоса алғанда, ЭПС дамуы байқалды. Көп жағдайда ЭПС жеңіл немесе орташа ауырлық дәрежесінде болды және ЭПС емдеу үшін әдеттегі дәрілік препараттардың көмегімен жойылды. ЭПС-пен байланысты ЖДР салдарынан емдеуді тоқтату жиілігі төмен болды. Веналық тромбоэмболия (ВТЭ) Психозға қарсы препараттарды қолдану кезінде веналық тромбоэмболия жағдайлары тіркелді, оның ішінде өкпе артериясының тромбоэмболиясы және жиілігі анықталмаған терең веналар тромбозы. Бауыр трансминазалар белсенділігінің артуы Психозға қарсы препараттарды, оның ішінде карипразинді қолданғанда, бауыр трансаминазалары белсенділігінің жоғарылауы жиі байқалады (аланинаминотрансфераза – АЛТ, аспартатаминотрансфераза – АСТ). Карипразинді қолданған кезде бауырдың зақымдануы байқалмады. Дене салмағының өзгеруі Карипразинді қолданған кезде дене салмағының жоғарылауы байқалды. QT аралығының ұзаруы Карипразинді қабылдаған кезде күрделілік критерийлеріне жауап бермеген, QT аралығы ұзаруының бірнеше жағдайлары тіркелді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бір пациентте байқамай жедел артық дозалану (күніне 48 мг) сипатталған. Пациент сол күні толық айықты. Симптомдары: ортостатикалық гипотензия және седативтік әсер. Емі: тыныс алу жолдарының талапқа сай өткізгіштігін қамтамасыз ету, оксигенацияны және вентиляцияны демеу, сондай-ақ симптоматикалық ем жүргізу. Жүрек ырғағының ықтимал бұзылуларын анықтау үшін электрокардиограммаға үздіксіз бақылауды қоса, жүрек-қантамыр жүйесінің функциясына мониторинг жүргізуді дереу бастаған жөн. Ауыр экстрапирамидалық симптомдар дамыған кезде антихолинергиялық препараттарды тағайындау керек. Карипразин қан плазмасы ақуыздарымен жоғары дәрежеде байланысатын болғандықтан гемодиализ тиімді болмауы мүмкін. Пациент толық сауыққанша тиянақты медициналық бақылауда болуы тиіс. Карипразин үшін спецификалық антидот жоқ.

Арнайы сақтандырулар Суицидтік ойлар мен мінез-құлық Суицидтілік (суицидтік ойлар, суицидтік әрекеттер және жасалған суицид) психоз аясында болуы мүмкін және әдетте емдеуді бастағаннан кейін бірден немесе психозға қарсы басқа препараттармен емдеуден ауысқаннан кейін байқалады. Психозға қарсы препараттармен емделу барысында суицид қаупі жоғары пациенттер мұқият бақылауда болуы тиіс. Акатизия, мазасыздық Акатизия және мазасыздық психозға қарсы препараттарды қолданғанда кездесетін жиі жағымсыз реакциялар болып табылады. Акатизия – ішкі мазасыздық сезімімен және үнемі қозғалыста болуды қажет етуімен, сондай-ақ түрегеліп тұрған немесе отырған кезде корпустың шайқалуымен, аяқты көтерумен, орнында тұрып жүруді имитациялаумен және отырған күйінде аяқты айқастыру-жазумен сипатталатын қимыл-қозғалыс бұзылысы. Карипразин акатизияны және мазасыздықты туындататын болғандықтан, оны акатизия симптомдары немесе оған бейімділігі байқалған пациенттерде сақтықпен қолданған жөн. Акатизия емнің бас кезінде дамиды. Демек, емдеудің алғашқы фазасы ішінде пациенттерге мұқият бақылау жүргізу маңызды. Профилактика дозаны біртіндеп арттыруды қамтиды; емдік шаралар карипразиннің дозасын аздап төмендетуді немесе ЭПС-ті басуға арналған препараттарды қолдануды қамтиды. Препарат дозасы пациенттің емдеуге жекелей жауабына және жағымдылығына байланысты түзетілуі мүмкін. Кеш байқалатын дискинезия Кеш байқалатын дискинезия – психозға қарсы препараттарды қабылдап жүрген пациенттерде туындауы мүмкін, өзіне потенциалды қайтымды, ырғақты, негізінен тілдің және беттің еріксіз қимылын қамтитын синдром. Карипразинді қабылдап жүрген пациентте кеш дискинезия белгілері және симптомдары пайда болғанда препарат қабылдауды тоқтатудың мақсатқа сай болуын қарастыру керек. Паркинсон ауруы Паркинсон ауруы бар пациенттерге психозға қарсы дәрілік препараттарды қолданған кезде аялық аурулардың өршуін туындатуы және Паркинсон ауруы симптомдарының күшеюіне әкелуі мүмкін. Демек, карипразинді Паркинсон ауруы бар пациенттерге тағайындай отырып, дәрігер оның пайдасы мен қаупін мұқият таразылауы тиіс. Көз симптомдары/катаракта Көзбұршақтың өзгеруі/катаракта мен карипразинді қабылдау арасында себеп-салдарлық байланыс анықталған жоқ. Дегенмен, катарактамен потенциалды байланысты симптомдар дамыған пациенттерді офтальмологиялық тексеруге жіберу және содан соң емдеуді жалғастыру мүмкіндігіне баға беру қажет. Қатерлі нейролептикалық синдром (ҚНС) Психозға қарсы дәрілерді қолданғанда өмір үшін қауіпті симптомдар кешені – қатерлі нейролептикалық синдромның дамығаны байқалды. ҚНС-тің клиникалық көріністеріне гипертермия, бұлшықеттердің сіресуі, қан сарысуындағы креатинфосфокиназа белсенділігінің артуы, сананың бұзылысы және вегетативті жүйке жүйесі тарапынан бұзылулар (тамыр ырғағының жүйесіздігі, артериялық қысымның тұрақсыздығы, тахикардия, қатты терлеу және жүрек ырғағының бұзылулары) жатады. Қосымша көріністер миоглобинурияны (рабдомиолиз) және бүйрек функциясының жедел жеткіліксіздігін қамтуы мүмкін. Егер пациентте ҚНС белгілері және симптомдары немесе түсініксіз этиологиямен жоғары қызба байқалса, карипразинді қолдануды дереу тоқтату қажет. Құрысулар және құрысу ұстамалары Карипразинді анамнезінде құрысулары бар немесе құрысуға дайындық шегінің төмендеуімен қатар жүретін аурулары бар пациенттерге сақтықпен қолданған жөн. Деменциясы бар егде пациенттер Деменциясы бар пациенттерге карипразинді қолдану зерттелген жоқ. Препаратты деменциясы бар егде жастағы пациенттерге, жалпы өлім-жітім қаупі жоғары болғандықтан, тағайындау ұсынылмайды. Ми қанайналымының жедел бұзылу қаупі (МҚЖБ) Карипразин цереброваскулярлық жағымсыз реакциялар қаупін арттыруы мүмкін. Осы қауіптің жоғарылау механизмі анықталған жоқ. Психозға қарсы басқа препараттарды қолданғанда немесе пациенттердің басқа топтарында қауіптің артуын жоққа шығаруға болмайды. Карипразинді инсульттің қауіп факторлары бар пациенттерге сақтықпен қолданған жөн. Жүрек және қантамырлар тарапынан бұзылулар • Артериялық қысымның өзгерулері Карипразин ортостатикалық гипотензияны, сондай-ақ артериялық гипертензияны туындатуы мүмкін. Карипразинді артериялық қысымы өзгеруге бейім, жүрек-қантамыр аурулары бар пациенттерге сақтықпен қолдану керек. Артериялық қысымды қадағалау қажет. • ЭКГ өзгерулері Психозға қарсы препараттарды қабылдап жүрген пациенттерде QT аралығының ұзаруы туындауы мүмкін. Карипразинді қабылдаған кезде күрделілік критерийлеріне жауап бермеген, QT аралығы ұзаруының небары бірнеше жағдайлары тіркелді. Сондықтан карипразинді жүрек-қантамыр аурулары бар пациенттерге және отбасылық анамнезінде QT аралығының ұзаруы бар пациенттерге, сондай-ақ QT аралығының ұзаруын туындатуы мүмкін дәрілік препараттарды қабылдап жүрген пациенттерде сақтықпен қолдану керек. • Веналық тромбоэмболия (ВТЭ) Психозға қарсы препараттарды қолданған кезде веналық тромбоэмболия жағдайлары тіркелді. Психозға қарсы препараттарды қабылдап жүрген пациенттерде ВТЭ қаупінің жүре пайда болған факторлары жиі болатындықтан, карипразинмен емдеуді бастағанға дейін және емдеу кезінде ВТЭ-нің ықтимал қауіп факторларын анықтау және профилактикалық шаралар қабылдау қажет. Гипергликемия және қант диабеті Қант диабеті бар немесе қант дибеті дамуының қауіп факторлары бар (мысалы, семіздік, отбасылық анамнезінде диабеттің болуы) пациенттерде атипиялық антипсихотиктермен емдеуді бастағанда қан сарысуындағы глюкоза мөлшерін мұқият бақылау талап етіледі. Карипразинді қолданған кезде глюкоза концентрациясының өзгеруімен байланысты жағымсыз құбылыстар тіркелді. Дене салмағының өзгеруі Карипразинді қабылдаған кезде дене салмағының едәуір артуы байқалды. Пациенттер дене салмағын ұдайы бақылап отыруы керек. Қосымша заттар 3 мг, 4,5 мг және 6 мг капсулалар, Реагила препаратының құрамында балаларға арналған дәрілік препараттарда қолдануға тыйым салынған жылтыр көк FCF (E133) бояғышы бар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын және механизмдерді басқару қабілетіне карипразин әлсіз немесе орташа ықпалын тигізеді. Пациенттер потенциалды қауіпті механизмдерді, соның ішінде көлік құралдарын басқаруға, Реагила препараты олардың қабілетіне жағымсыз ықпалын тигізбейтіндігіне толық сенімді болғанша, сақтықпен қарауы тиіс.

Бала туа алатын жастағы әйелдер/контрацепция Дәрігер бала туа алатын жастағы әйелдерге Реагила препаратын қабылдау кезінде жүктілікке жол бермеуге кеңес беруі тиіс. Бала туу функциясы сақталған пациенттер емделу кезінде және Реагила препаратын қабылдауды тоқтатқаннан кейін ең кемінде 10 апта бойы контрацепцияның тиімділігі жоғары әдістерін қолдануы тиіс. Жүктілік Жүкті әйелдерге карипразинді қолдану жөнінде деректер жоқ немесе олар жеткіліксіз. Жүктілік кезінде және контрацепцияның сенімді әдістерін пайдаланбай жүрген, бала туа алатын жастағы әйелдерде Реагила препаратын қолдану ұсынылмайды. Жүктіліктің үшінші триместрі кезінде психозға қарсы препараттардың (соның ішінде карипразиннің) әсеріне ұшыраған жаңа туған нәрестелерде, туғаннан кейін экстрапирамидалық бұзылыстарды және/немесе тоқтату синдромын қоса, ауырлық дәрежесі және ұзақтығы құбылып отыратын жағымсыз реакциялардың даму қаупі бар. Мұндай жаңа туған нәрестелерде қозу, гипертонус, гипотонус, тремор, ұйқышылдық, респираторлық дистресс-синдром және қоректенудің бұзылуы білінді. Осы асқынулардың ауырлығы құбылып отырды. Кейбір жағдайларда симптомдар өздігінен қайтты, ал сол кезде басқа жағдайлар қарқынды емдеу бөлімдерінде емделуді және ауруханаға жатуды созуды қажет етті. Сондықтан мұндай жаңа туған нәрестелер тиянақты бақылауды керек етеді. Бала емізу Емшек сүтіне карипразиннің және оның негізгі белсенді метаболиттерінің өтетін-өтпейтіндігі белгісіз. Жаңа туған нәрестелер/сәбилер үшін қауіпті жоққа шығаруға болмайды. Реагила препаратын қабылдап жүрген әйелдер бала емізуден бас тартуы керек. Фертильділік Адамның фертильділігіне карипразиннің ықпалы зерттелген жоқ.

Карипразиннің және оның негізгі белсенді метаболиттері дезметилкарипразиннің және дидезметилкарипразиннің метаболизмі көбіне CYP3A4 изоферменті және аз дәрежеде CYP2D6 изоферменті арқылы жүреді. CYP3A4 изоферментінің тежегіштері Кетоконазолды, CYP3A4 изоферментінің күшті тежегішін карипразинмен бір мезгілде қысқа мерзімді (4 күн) қолданғанда қан плазмасында карипразиннің (карипразиннің және оның белсенді метаболиттерінің) жалпы экспозициясының, тек байланыспаған заттар немесе байланыспаған және байланысқан компоненттерінің жиынтығы екендігі есепке алынған-алынбағанына қарамай, екі есе артуын туындатты. Карипразиннің және оның негізгі белсенді метаболиттерінің жартылай шығарылу кезеңі ұзаққа созылатындықтан, бір мезгілде ұзағырақ қолданғанда қан плазмасында карипразиннің жалпы экспозициясының әрі қарай жоғарылайтынын күтуге болады. Сондықтан карипразинді CYP3A4 изоферментінің күшті және орташа тежегіштерімен (мысалы, боцепревир, кларитромицин, кобицистат, индинавир, кетоконазол, итраконазол, нефазодон, нелфинавир, позаконазол, ритонавир, саквинавир, телапревир, телитромицин, вориконазол, дилтиазем, эритромицин, флуконазол, верапамил) бір мезгілде қолдануға болмайды. Грейфрут шырынын қолдануға жол бермеген жөн. CYP3A4 изоферментінің индукторлары Карипразинді CYP3A4 изоферментінің күшті және орташа индукторларымен бір мезгілде қолдану қан плазмасында карипразиннің жалпы экспозициясының айқын төмендеуіне әкелуі мүмкін, демек, карипразинді CYP3A4 изоферментінің күшті және орташа индукторларымен (например, карбамазепин, фенобарбитал, фенитоин, рифампицин, шілтер жапырақты шайқурай (Hypericum perforatum), бозентан, эфавиренз, этравирин, модафинил, нафциллин) бір мезгілде қабылдауға болмайды. CYP2D6 изоферментінің тежегіштері CYP2D6 изоферменті арқылы жүретін метаболизмдік жол карипразиннің биотрансформациясында қосалқы рөл атқарады; метаболизмі, негізінен, CYP3A4 изоферментімен жүзеге асырылады. Демек, карипразиннің биотрансформациясына CYP2D6 изоферменті тежегіштерінің клиникалық тұрғыдан маңызды ықпалын тигізуі екіталай. Карипразиннің басқа дәрілік заттарға ықпал ету қабілеті Р-гликопротеин (P-gp) субстраттары Теориялық ең жоғары концентрациядағы карипразиннің ішекте P-gp тежеу қабілетінің клиникалық маңызы толық анықталған жоқ. Дегенмен, емдік ауқымы тар дабигатран жән дигоксин сияқты P-gp субстраттарын қолдану қосымша бақылауды және дозаны түзетуді қажет етуі мүмкін. Гормондық контрацептивтер 28 күн ішінде тәулігіне 6 мг дозада карипразинді қолдану пероральді контрацептивтердің (этинилэстрадиол және левоноргестрел) фармакокинетикасына клиникалық маңызды әсер еткен жоқ. Фармакодинамикалық өзара әрекеттесулері Орталық жүйке жүйесіне карипразиннің негізгі әсерін ескере отырып, Реагила препаратын орталықтық әсері бар басқа дәрілік препараттармен және алкогольмен бірге қолданғанда сақтық танытқан жөн.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, жарықтан қорғалған жерде 30°С-ден аспайтын температурада сақтау керек. Балалардың қолы жетпейтін жерде сақтау керек!