Ребиф® раствор 22 мкг/0,5 мл

Алдын ала толтырылған 1 шприц ішінде белсенді зат – интерферон бета-1а 22 мкг (6 млн. ХБ) немесе 44 мкг (12 млн. ХБ), қосымша заттар: бензил спирті, маннитол, метионин, полоксамер 188, рН 4.2 натрий ацетатының 0.01 М буферлік ерітіндісі Сыртқы түрінің, иісінің, дәмінің сипаттамасы Түссіз немесе ашық сары мөлдір немесе сәл бозаңданатын ерітінді.

- Қайталанатын ағымымен жайылған склерозы бар пациенттерді емдеу (яғни өткен екі жылда екі немесе одан да көп асқынулар болған кезде). - Ребиф® 44 мкг баламалы диагноз болмағанда, және клиникалық нақты жайылған склероз дамуының жоғары қаупі бар кезде белсенді қабыну ағымымен демиелинизацияның (клиникалық оқшауланған синдром) жалғыз клиникалық эпизоды бар пациенттерді емдеу үшін көрсетілген.

Иммуностимуляторлар. Интерферондар. Интерферон бета-1а. АТХ коды L03АВ07 Әсер ету механизмі Ребиф препараты - бұл адамның бета эндогендік интерфероны сияқты аминқышқыл тізбегі бар интерферон бета-1а препараты. Интерферон бета-1а сүтқоректілердің жасушаларынан (қытай атжалманының аналық бездері) өндіріледі, сондықтан табиғи ақуыз сияқты гликозилденеді. Енгізу жолына қарамастан, Ребиф препаратын енгізу айқын фармакодинамикалық өзгерістерге әкеледі. Бір реттік дозаны енгізгеннен кейін жасушаішілік және 2',5'-ОАS-синтетазалардың сарысулық белсенділігі, сондай-ақ бета-2 микроглобулиннің және неоптериннің сарысулық концентрациялары 24 сағат ішінде өседі және 2 күн шегінде төмендей бастайды. Бұлшық етке және тері астына енгізу толық салыстырмалы клиникалық жауапқа әкеледі. Тері астына әрбір 48 сағат сайын 4 дозаны қайта енгізгеннен кейін бұл биологиялық маркерлер төзімділік белгілерінің дамуынсыз жоғарылайды. Жайылған склероз кезінде Ребиф препаратының нақты әсер ету механизмі әлі де зерттелуде. Фармакодинамикалық әсерлері Жайылған склерозға күдікті клиникалық оқшауланған синдром Жайылған склерозға байланысты демиелинизацияның дамуын болжауға мүмкіндік беретін клиникалық оқшауланған синдромы бар пациенттерде Ребиф препаратын қолдануға бір 2 жылдық бақыланатын клиникалық зерттеу жүргізілді. Зерттеуге қатысқан пациенттер Т2-режимде МРТ деректері бойынша кем дегенде екі клиникалық белсенді емес ошағы болған, мөлшері кемінде 3 мм, олардың кемінде біреуі овоидты түрде болған және перивентрикулярлы немесе инфратенториальды орналасқан. Бар белгілер мен симптомдарды жақсы түсіндіре алатын жайылған склероздан басқа кез-келген басқа аурулар алынып тасталды. Пациенттер рандомизацияланған тәсілмен аптасына үш рет немесе аптасына бір рет 44 мкг Ребиф препаратын енгізу немесе плацебо енгізу үшін жасырын салыстырмалы сызба бойынша бөлінді. Нақты жайылған склероз диагнозын растайтын демиелинизацияның екінші эпизоды жағдайында пациенттерді бастапқы салыстырмалы таралуын сақтай отырып, ашық топқа ауыстырды және Ребиф 44 мкг препаратының ұсынылатын дозасын аптасына үш рет тағайындайды. Бұл зерттеуде плацебо үшін алынған нәтижелермен салыстырғанда аптасына үш рет енгізген кезде 44 мкг Ребиф препаратын қолдану тиімділігінің келесі нәтижелері алынды: Параметр/ статистика — Емі — Ребиф 44 аптасына үш рет және плацебо салыстыру Плацебо (n = 171) — Ребиф 44 мкг аптасына үш рет (n = 171) — Қауіптің азаюы — Кокс қаупінің пропорционалды коэффициенті (95 % СА) — р- логарифмдік рангтық критерий мәні Макдональд критерийі бойынша жайылған склерозға ауысу (2005) Өршу саны — 144 — 106 — 51 % — 0.49 (0.38; 0.64) — < 0.001 Каплан-Майер бойынша (КМ) бағасы — 85.8 % — 62.5 % Клиникалық нақты жайылған склерозға ауысу Өршу саны — 60 — 33 — 52 % — 0.48 (0.31; 0.73) — < 0.001 КМ бойынша бағасы — 37.5 % — 20.6 % Салыстырмалы жасырын кезеңіндегі томограммада пациенттегі біріктірілген спецификалық белсенді (CUA) ошақтардың орташа мөлшері Ең аз квадрат әдісі бойынша мәні (стандартты қате) — 2.59 (0.30) — 0.50 (0.06) — 81 % — 0.19 (0.14; 0.26) * — < 0.001 СА-сенім аралығы * Ең кіші квадраттар әдісі бойынша арақатынас (95 % СА) Зерттеу кезінде қауіп дәрежесі жоғары пациенттер үшін нақты критерий анықталған жоқ, бірақ консервативті тәсілге сәйкес жоғары қауіп бастапқы томограммада Т2-режимде МРТ деректері бойынша кемінде тоғыз гиперинтенсивті ошақтың болуы және Т2-режимде МРТ деректері бойынша немесе бірінші МРТ-сканерлеуден кейін кемінде 1 ай өткен соң алынған келесі томограммада гадолиниймен қарама-қайшылықта бір жаңа ошақтың болуы бойынша анықталған. Қалай болғанда да, емдеуді тағайындау қаупі жоғары пациенттер үшін ғана қарастырылуы керек. Қайталанатын-ремиссияланатын жайылған склероз Ребиф препаратын қолданудың қауіпсіздігі мен тиімділігі препаратты тері астына аптасына үш рет 11-ден 44 мкг (3-12 млн.ХБ) дейінгі дозада енгізген кезде жайылған склероздың қайталанатын-ремиттелетін ағымы бар пациенттерде зерттелді. Ұсынылған Ребиф препараты дозаларын енгізу кезінде 22 мкг немесе 44 мкг жиілігін (2 жыл бойы 30 % - ға дерлік) төмендеткені және соңғы 2 жылда кемінде 2 асқынуы болған пациенттерде аурудың клиникалық қайталануының ауырлығы, ал EDSS индексі зерттеу басталғанға дейін 0-5.0 құрайтыны көрсетілді. Мүгедектіктің өршуі байқалған пациенттердің үлесі (үш айдан кейін расталған EDSS-тің кемінде бір баллға көтерілуі ретінде айқындалатын) 39 % - дан (плацебо) 30 % - ға (Ребиф 22 мкг) және 27 % - ға (Ребиф 44 мкг) дейін азайды. 4 жылдан кейін аурудың асқыну жиілігінің төмендеуі 22 мкг Ребиф қабылдаған пациенттерде 22 % – ды және алдымен 2 жыл бойы плацебо қабылдаған пациенттер тобымен салыстырғанда 44 мкг Ребиф қабылдаған пациенттерде 29 % - ды, содан кейін келесі 2 жыл бойы-22 мкг Ребиф препаратын немесе 44 мкг Ребиф препаратын қабылдаған пациенттерде 29 % - ды құрады. Жайылған склероздың салдарлы-үдемелі ағымы Жайылған склероздың (EDSS 3-6.5) салдарлы-үдемелі ағымы бар және алдыңғы 2 жыл бойы аурудың клиникалық расталған, бірақ алдыңғы 8 апта ішінде аурудың қайталануы болмаған пациенттерді емдеудің 3 жылдық зерттеуінде Ребиф препараты мүгедектіктің үдеуіне айтарлықтай әсер етпеді, бірақ аурудың қайталану жиілігін 30 % - ға дерлік төмендетті. Пациенттердің популяциясын 2 кіші топқа бөлу кезінде (зерттеу басталғанға дейін 2 жыл бойы аурудың қайталануы байқалған немесе байқалмаған пациенттер) аурудың қайталануы жоқ пациенттерде препараттың одан әрі мүгедектікке әсер етпейтіні анықталды, ал аурудың қайталануы бар пациенттердің арасында зерттеу соңында мүгедектіктің өршуі байқалған пациенттардың үлесі 70 % - дан (плацебо) 57 % - ға дейін (Ребиф препаратымен 22 мкг және 44 мкг біріктірілген емдеу) азайды. Пациенттердің кіші тобы үшін эмпирикалық жолмен алынған бұл нәтижелерді сақтықпен түсіндірген жөн. Жайылған склероздың бастапқы үдемелі ағымы Жайылған склероздың бастапқы үдемелі ағымы бар пациенттерде Ребиф препаратын қолдану зерттелмеген, сондықтан оны мұндай пациенттерді емдеу үшін қолдануға болмайды.

Бұл препаратты әрқашан нақты дәрігердің нұсқауымен қабылдаңыз. Егер сіз бір нәрсеге сенімді болмасаңыз, дәрігермен кеңесіңіз. Дозалау режимі Препараттың әдеттегі дозасы 44 мкг (12 млн. ХБ) құрайды және аптасына үш рет енгізіледі. Дәрігер аптасына үш рет енгізу үшін 22 мкг (6 млн. ХБ) неғұрлым төмен дозасын тағайындауы мүмкін. Бұл төмен доза жоғары дозаны көтере алмайтын пациенттер үшін ұсынылады. Ребиф® аптасына үш рет енгізілу керек, дұрысы: - әр аптаның белгілі бір күндері (48 сағаттан кем емес аралықпен, мысалы, дүйсенбі, сәрсенбі, жұма); – бір уақытта ғана (дұрысы - кешке). Балалар мен жасөспірімдерде қолдану (2-ден 17 жасқа дейін) Препаратты балалар мен жасөспірімдерге қолдануға ресми клиникалық зерттеулер жүргізілген жоқ. Алайда, кейбір клиникалық деректер балалар мен жасөспірімдерде Ребиф® 22 мкг немесе 44 дозада препараттың қауіпсіздік бейіні аптасына үш рет енгізген кезде ересек пациенттерде болатын бейінге ұқсас деп болжауға мүмкіндік береді. Балалар мен жасөспірімдерде қолдану (2 жастан кіші) Ребиф® 2 жасқа дейінгі балаларды емдеу үшін қолдану ұсынылмайды. Енгізу әдісі және жолы Ребиф® тері астына инъекцияға арналған. Алғашқы инъекциялар білікті медицина қызметкерлерінің бақылауымен жүргізілуі тиіс. Пациент немесе оның отбасы мүшелері, достары немесе қамқоршылары Ребиф® препаратын тиісті оқу-үйретуден өткеннен кейін үй жағдайында енгізе алады. Ребиф® препаратын өз бетінше енгізу үшін келесі нұсқауларды оқып, қатаң ұстаныңыз: Инъекция үшін орынды таңдаңыз. Сіздің дәрігер сізге инъекцияны енгізу үшін орындар ұсынады (инъекцияға арналған ыңғайлы орындарға жамбастың жоғарғы жағы және іштің төменгі бөлігі жатады). Некроздың даму қаупін азайту үшін инъекцияны бір жерге жиі енгізбес үшін орнын мезгіл-мезгіл өзгерту ұсынылады. ЕСКЕРТУ: препаратты тығыздалғанын, ісінуін немесе ауырсынуын сезінетін жерге енгізбеңіз; емдеуші дәрігерге осындай орындар туралы айтып беріңіз. Қолды сабынмен мұқият жуыңыз. Ребиф® препараты бар шприцті пішінді ұяшықты қаптамадан шығарыңыз. Енгізер алдында теріні инъекция орнында спирт сіңірілген тампонмен сүртіңіз және оны кебу үшін біраз уақыт қалдырыңыз. Егер теріде аздаған спирт қалса, сіз күйдіруін сезінесіз. Инъекция орнының айналасындағы теріні абайлап қатпарлап жиырыңыз (оны сәл көтеру үшін). Таңдап алған орынға жақын теріні қолмен қысып, шприцті қарындаш сияқты ұстап, тік бұрышпен теріге жылдам және күрт қимылдап инені енгізіңіз. Поршеньді баяу басып отырып препаратты енгізіңіз (барлық ерітіндіні енгізгенге дейін поршеньді басыңыз). Инъекция орнын тампонмен қысып және инені теріден шығарып алыңыз. Инъекция орнын құрғақ мақта түйірімен немесе дәкемен абайлап уқалаңыз. Барлық пайдаланылған заттарды утилизациялаңыз: инъекция аяқталғаннан кейін бірден шприцті тиісті контейнерге салып утилизациялаңыз. Дәрілік препараттың бір немесе бірнеше дозасын өткізіп алу кезінде қажетті шаралар Инъекцияны өткізіп алған жағдайда препаратты келесі жоспарланған дозамен енгізуді жалғастыру керек. Өткізіп алған дозаны өтеу үшін қос дозаны енгізбеңіз. Ребиф®препаратын енгізуді тоқтату Ребиф® препаратының әсері емдеу басталғаннан кейін әрдайым бірден көрінбейді. Сондықтан Ребиф® препаратын енгізуді тоқтатуға болмайды: қажетті нәтижеге қол жеткізу үшін препаратты жүйелі түрде енгізу керек. Егер емдеу тиімділігіне күмән туындаса, дәрігермен кеңесіңіз. Дәрігермен алдын ала кеңеспей емдеуді тоқтатуға болмайды Дәрілік препаратты қолдану тәсілін айқындау үшін медицина қызметкеріне кеңес алу үшін ұсынымдар Препаратты қолдану туралы қосымша сұрақтар туындаған жағдайда дәрігерге немесе фармацевтке жүгіну керек.

• Табиғи немесе рекомбинантты интерферон бета немесе препараттың компоненттерінің кез келгеніне аса жоғары сезімталдық; • ауыр депрессия және/немесе суицидтік ойдың болуы.

Барлық дәрілік препараттар сияқты, әрбір пациентте болмаса да, Ребиф® жағымсыз әсерлерді тудыруы мүмкін. Егер келесі елеулі жағымсыз әсерлердің бірі байқалса, дереу дәрігерге хабарлаңыз және Ребиф®препаратын қолдануды тоқтатыңыз: - Күрделі аллергиялық реакциялар (аса жоғары сезімталдық). Егер Ребиф® препаратын енгізгеннен кейін бірден бет, еріннің, тілдің немесе тамақтың ісінуімен, сондай-ақ есекжеммен, бүкіл дененің қышуымен және әлсіздік сезімімен немесе естен тану жағдайымен бірге көрінетін кенеттен тыныс алу қиындықтары туындаса, дереу емдеуші дәрігерге немесе шұғыл медициналық көмек алу үшін жүгіну керек. Мұндай реакциялар сирек кездеседі. - Бауырдың проблемаларын көрсететін келесі симптомдардың бірі пайда болса, дереу дәрігерге хабарланған жөн: сарғаю (терінің немесе көздің ақуыздары сарғаюы), ауқымды қышыну, жүрек айнуы немесе құсу пайда болуымен жүретін тәбеттің жоғалуы, немесе терідегі жеңіл қанталау. Бауырдың ауыр проблемалары қосымша мысалы, зейін қою қиындықтары, ұйқышылдық немесе сананың шатасуы сияқты белгілерді көрсете алады. - Емдеу кезінде жайылған склерозы бар пациенттерде депрессия жиі байқалады. Суицид туралы ой немесе депрессия пайда болғанда дереу дәрігерге қаралу керек. Келесі жағымсыз әсерлер пайда болған жағдайда дәрігерге жүгіну керек: - Бас ауруы, дене температурасының көтерілуі, қалтырау, бұлшықеттер мен буындардағы ауырсыну, әлсіздік және жүрек айнуы сияқты тұмауға ұқсас симптомдар өте жиі кездеседі. Бұл симптомдар әдетте жеңіл түрде өтеді және емдеудің басында жиі кездеседі, ал емдеуді жалғастырумен олардың жиілігі төмендейді. Бұл симптомдарды азайту үшін дәрігер Ребиф® препаратының әрбір дозасын енгізер алдында және инъекциядан соң 24 сағаттан кейін ыстық түсіретін, ауырсынуды басатын препараттарды қабылдауға кеңес бере алады. - Инъекция енгізілген жердегі қызару, ісіну, түсінің өзгеруі, қабыну, ауырсыну және тері тұтастығының бұзылуы сияқты реакциялар өте жиі кездеседі. Әдетте инъекция орнында реакциялардың пайда болу жиілігі уақыт өте келе төмендейді. Инъекция орнында тіндердің бұзылуы (некроз), абсцесс және қатаюының кездесуі жиі емес. Инъекция орнына инфекция жұқтыру қаупін азайту үшін «Қолдану кезінде қажетті сақтық шаралары» бөліміндегі ұсыныстарды қараңыз. Инъекция орнына инфекция жұқтырылуы мүмкін (жиі емес). Тері ісінген, сезімтал және қатты болуы мүмкін, ал бүкіл аумақ өте ауырсынулы болады. Осы симптомдардың кез келгені пайда болған жағдайда дәрігермен кеңесу керек. - Белгілі бір зертханалық тесттердің нәтижелері өзгеруі мүмкін. Пациент бұл өзгерістерді жиі байқамайды (симптомдары жоқ); әдетте олар қайтымды, жеңіл түрде өтеді және көбінесе арнайы емдеуді қажет етпейді. Қызыл қан эритроциттердің, лейкоциттердің немесе тромбоциттердің саны төмендеуі мүмкін, сонымен қатар бір жеке параметр (өте жиі) ретінде және бір мезгілде (сирек) болуы мүмкін. Бұл өзгерістер шаршау, инфекцияларға қарсы тұру қабілетінің төмендеуі, қан тебулер немесе түсініксіз қан кету сияқты ықтимал симптомдардың дамуына әкелуі мүмкін. Бауыр функциясын тестілеу нәтижелерінде ауытқулар пайда болуы мүмкін (өте жиі). Сондай-ақ бауырдың қабынуы (жиі емес) туралы хабарланды. Бауыр ауруын болжауға мүмкіндік беретін симптомдар мысалы, жүрек айнуы, құсу, сарғаю сияқты басқа симптомдармен қатар жүретін тәбеттің жоғалуы пайда болған жағдайда дереу дәрігерге жүгіну керек. - Қалқанша безі функциясы бұзылуының кездесуі жиі емес. Қалқанша безі артық немесе жеткіліксіз жұмыс істей алады. Қалқанша безі шамадан тыс немесе жеткіліксіз жұмыс істей алады. Қалқанша безінің бұл өзгерістерін пациент әрдайым сезінбейді және симптомдары жоқ, бірақ дәрігер тиісті тестілеу жүргізуді ұсынуы мүмкін. - Жайылған склероздың жалған қайталануы (жиілігі белгісіз). Ребиф® препаратымен емдеудің басында жайылған склероздың қайталану симптомдарына ұқсайтын симптомдар пайда болуы мүмкін. Мысалы, бұлшықеттер әдеттегі қозғалғыштықты шектей отырып, қатты ширығуы немесе босаңсуы мүмкін. Кейбір жағдайларда мұндай симптомдар температураның жоғарылауымен немесе жоғарыда сипатталған тұмауға ұқсас симптомдардың пайда болуымен байланысты. Осы жағымсыз әсерлердің кез келгені пайда болған кезде дәрігерге бару керек. Басқа ықтимал жағымсыз әсерлері Жағымсыз реакциялар жиілігін жіктеу үшін мынадай терминология пайдаланылады: өте жиі (≥ 1/10); жиі (≥1/100-ден < 1/10-ға дейін); жиі емес (≥1/1000-ден < 1/100-ге дейін); сирек (≥1/10000-нан < 1/1000-ға дейін); өте сирек (< 1/10000-ға дейін); жиілігі белгісіз (қолда бар деректер негізінде анықталмайды). Өте жиі - Бас ауыруы Жиі - Ұйқысыздық - Диарея, жүрек айнуы, құсу - Қышыну, тері бөртпелері - Бұлшықет пен буындардағы ауырсыну - Әлсіздік, дене температурасының көтерілуі, қалтырау - Шаш түсуі Жиі емес - Есекжем - Эпилепсиялық құрысулар - Бауырдың қабынуы (гепатит) - Тыныс алу қиындықтары - Тромбтың пайда болуы, мысалы, терең вена тромбозы - Торқабықтың бұзылуы (көздің артқы қабығы), мысалы, қабыну немесе көздің кейінгі бұзылуымен (көрудің бұзылуы немесе көрмей қалу) тромбтың түзілуі - Қатты тершеңдік Сирек - Суицидке ұмтылыс - Терінің ауыр реакциялары, кейбіреулері-шырышты қабықтың зақымдануымен - Кіші қан тамырларында тромбтың пайда болуы, бұл бүйректің зақымдануына әкелуі мүмкін (тромбоздық тромбоцитопениялық пурпура немесе гемолитико-уремиялық синдром). Симптомдар жиі қанталаулар болуы, қан кету, дене температурасының көтерілуі, айрықша әлсіздік, бас ауруы, бас айналуы немесе естен тану алдындағы жағдайды қамтуы мүмкін. Тексеру кезінде дәрігер қан мен бүйрек функциясының параметрлерінде ауытқуларды таба алады. - Дәрілік жегі: Ребиф® препаратын ұзақ қолдануға байланысты жағымсыз әсері. Симптомдары бұлшықет ауруы, буындардағы ауырсыну және ісіну және бөртпені қамтуы мүмкін. Сондай-ақ, температураның көтерілуі, дене салмағының төмендеуі және әлсіздік сияқты басқа симптомдар болуы мүмкін. Әдетте симптомдар емдеуді тоқтатқаннан кейін бір немесе екі апта ішінде жоғалады. - Бүйрек функциясының төмендеуіне әкелуі мүмкін тыртықтардың пайда болуын қамтитын бүйрек проблемалары. Келесі симптомдардың кейбірі немесе бәрі бір мезгілде пайда болуы мүмкін: - көбікті несеп - әлсіздік - ісіну, әсіресе тобық пен қабақтың аймағында, дене салмағының ұлғаюы. Бұл симптомдар туралы дәрігерге хабарлау керек, себебі олар бүйрек проблемаларының белгілері болуы мүмкін. Интерферон бета үшін келесі жағымсыз әсерлер (жиілігі белгісіз) туралы хабарланды - Бастың айналуы - Ашушаңдық - Тәбеттің жоғалуы - Қан тамырларының кеңеюі және жүрек соғуының жиілеуі - Етеккір оралымының реттелмеуі және/немесе өзгеруі - Өкпелік артериялық гипертензия-өкпедегі қан тамырларының елеулі тарылуымен сипатталатын ауру, бұл жүректен өкпеге қан тасымалдайтын қан тамырларында жоғары артериялық қысымға әкеп соқтырады. Өкпе артериялық гипертензиясы, Ребиф® препаратын қолдану басталғаннан кейін бірнеше жылдан соң да, емдеу басталғаннан кейінгі әр түрлі уақыт аралығында байқалды. Дәрігермен алдын ала кеңесіп алмай препаратты енгізу режимін тоқтатуға немесе өзгертуге болмайды. Балалар мен жасөспірімдер Балалар мен жасөспірімдердегі жағымсыз әсерлері ересектердегі байқалғанға ұқсас. Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттарды, медициналық бұйымдарды сараптау ұлттық орталығы» ШЖҚ РМК http://www.ndda.kz.

Нұсқаулықта көрсетілмеген.

Ребиф® препаратын қолдануды бастамас бұрын дәрігеріңізбен кеңесіңіз. - Ребиф® дәрігердің бақылауымен ғана қолданылуы керек. - Ребиф® препаратымен емдеуді бастамас бұрын инъекция орнында некроздың (яғни терінің зақымдануы және тіндердің бұзылуы) даму қаупін барынша азайту үшін «Қолдану жөніндегі ұсынымдар» бөлімінен нұсқауларды мұқият оқып, орындаңыз. Ребиф® қабылдайтын пациенттерде некроздың даму жағдайлары кездесетіндіктен, енгізу орнында жергілікті реакциялар болған жағдайда дәрігерге жүгіну керек. - Ребиф® препаратымен емдеуді бастамас бұрын, қандай да бір дәрілік басқа препараттарға аллергия (аса жоғары сезімталдық) болған жағдайда дәрігермен кеңесу керек. - Емдеу кезінде бүйректің зақымдануына әкелуі мүмкін шағын қан тамырларында тромб пайда болуы мүмкін. Бұл Ребиф® препаратымен емдеуді бастағаннан кейін бірнеше апта немесе тіпті жыл ішінде болуы мүмкін. Бұл жағдайда дәрігер артериялық қысымын өлшей алады, қан талдауын (тромбоциттер санын анықтау үшін) және бүйрек функциясына зерттеу жүргізеді. Дәрігерге хабарлау керек: - сүйек кемігінің, бүйректің, бауырдың, жүректің, қалқанша безінің аурулары туралы, - сондай-ақ депрессияның болуы туралы, - немесе бұрынғы эпилепсиялық ұстамалар жағдайлары туралы, дәрігер емдеуді мұқият бақылап, осы аурулардың кез келген нашарлауын анықтау үшін. Арнайы ескертулер Ребиф® құрамында натрий және бензил спирті бар Ребиф® бір дозада 1 ммольден (23 мг) аз натрий бар, яғни құрамында натрий жоқ. Ребиф® құрамында бір дозада 2.5 мг бензил спирті бар. Бензил спирті аллергиялық реакцияларды тудыруы мүмкін. Бензил спиртін қолданудың жас балаларда тыныс алу проблемаларын ("гаспинг синдромы" деп аталатын) қоса алғанда, ауыр жағымсыз реакциялардың даму қаупімен байланысы бар. Кішкентай балаларда (3 жасқа дейін), егер дәрігер басқаша тағайындамаса, препаратты бір аптадан артық қолдануға болмайды. Егер сіз жүкті болсаңыз,бала емізетін болсаңыз немесе бауыр немесе бүйрек ауруларынан зардап шегетін болсаңыз, препаратты қолдануды бастағанға дейін дәрігеріңізбен кеңесіңіз – бұл денеде бензил спиртінің көп мөлшерде жинақталуына байланысты дамитын "метаболизмдік ацидоз" деп аталатын жағымсыз реакцияның пайда болуын болдырмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Аурудың өзі немесе оны емдеу автокөлікті басқару немесе механизмдермен жұмыс істеу қабілетіне әсер етуі мүмкін. Егер мұндай құбылыстар байқалса, бұл мәселені дәрігермен талқылау керек.

Жүктілік басталған немесе жоспарланған жағдайда, сондай-ақ жүктілікке күдік болған жағдайда осы препаратты қолдануды бастамас бұрын дәрігерге хабарласыңыз. Жаңа туған нәрестелерге/емшек еметін нәрестелерге препараттың зиянды әсері күтілмейді, сондықтан Ребиф® емшек емізу кезінде қолдануға болады.

Егер сіз кез келген басқа дәрілік препараттарды қабылдап жүрген болсаңыз, жақында қабылдаған немесе қабылдауыңыз мүмкін болса, дәрігерге хабарлаңыз. Атап айтқанда, дәрігерге эпилепсияға қарсы препараттарды немесе антидепрессанттарды қабылдау туралы хабарлау керек.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 2 С – 8 С температурада (тоңазытқышта) түпнұсқалық қаптамасында сақтау керек. Мұздатып қатыруға болмайды. Балалардың қолы жетпейтін жерде сақтау керек!