Ревекард® порошок 50 мг

Лиофилизаты бар бір құтының ішінде белсенді зат – алтеплаза (rtPA) 50.0 мг, қосымша заттар: аргинин, полисорбат 80, 2 М ортофосфор қышқылының ерітіндісі. Дайындалған бір мл ерітіндінің құрамында 1.0 мг алтеплаза бар. Еріткіш – инъекцияға арналған су құтыларда 50 мл-ден. Сыртқы түрінің, иісінің, дәмінің сипаттамасы Ақтан сәл сарғыш реңді ақ түске дейінгі лиофилизат. Қалпына келтірілген ерітінді мөлдір немесе аздап бозаңданатын, түссіз немесе сәл сарғыш түсті ерітінді Еріткіш инъекцияға арналған су мөлдір түссіз сұйықтық.

Жедел миокард инфарктісінің тромболизистік емі: - 90 минуттық (жеделдетілген) дозалау режимі: симптомдар дамуынан кейін емдеуді 6 сағат ішінде бастауға болатын пациенттер үшін; - 3 сағаттық дозалау режимі: симптомдар дамуынан кейін емдеуді 6 және 12 сағат аралығында бастауға болатын пациенттер үшін. Алтеплаза қолдану жедел миокард инфарктісі бар пациенттерде 30 күн ішінде өліммен аяқталу санының қысқаруына әкеледі. Тұрақсыз гемодинамикамен қатар жүретін өкпе артериясының жедел ауқымды эмболиясының тромболизистік емі. Бұл диагноз мүмкіндігінше объективті түрде расталуы тиіс, мысалы, өкпе артериясының ангиографиясымен немесе инвазиялық емес әдістермен, мысалы, өкпе томографиясымен. Жедел ишемиялық инсульттің тромболизистік емі. Егер инсульт симптомдарының дамуынан кейін алғашқы 4,5 сағат ішінде басталған жағдайда, және егер тиісті визуализация әдістерінің, мысалы, мидың компьютерлік томографиясының (КТ) көмегімен бассүйек ішіне қан құйылуы (геморрагиялық инсульт) жоққа шығарылса ғана қолданылады. Жүргізілген емнің әсері уақытқа байланысты: емдеуді неғұрлым ерте бастау оң нәтижемен аяқталу ықтималдығын арттырады.

Әсер ету механизмі Ревекард препаратының белсенді компоненті – алтеплаза плазминогеннің плазминге айналуын тікелей белсендіретін плазминогеннің тіндік рекомбинантты белсендіргіші – гликопротеин болып табылады. Вена ішіне енгізуден кейін алтеплаза айналым жүйесінде салыстырмалы түрде белсенді емес күйде қалады. Фибринмен байланысқанда ол белсендіріліп, плазминогеннің плазминге айналуын индукциялайды, бұл фибрин ұйындысының еруіне әкеледі. Фармакодинамикалық әсерлері Фибринге қатысты салыстырмалы спецификалығы салдарынан, алтеплазаны 100 мг дозада қолдану айналымдағы фибриноген деңгейінің орташа азаюына әкеледі (4 сағаттан кейін шамамен 60%-ға дейін), ол 24 сағатқа қарай, әдетте, 80%-дан астамға дейін жоғарылайды. Плазминогеннің және альфа-2-антиплазминнің концентрациясы 4 сағаттан кейін, тиісінше, бастапқы деңгейлердің 20% және 35% дейін азаяды, және 24 сағаттан соң 80%-дан астамға тағы да жоғарылайды. Айналымдағы фибриноген деңгейінің айқын және ұзақ уақытқа төмендеуі науқастардың аз ғана санында байқалды. Клиникалық тиімділігі және қауіпсіздігі Жедел миокард инфарктісі бар пациенттерде алтеплазаны (100 мг 90 минут бойы) вена ішіне гепаринді енгізумен бірге қолдану гепаринді тері астына немесе вена ішіне бірге енгізумен стрептокиназаны қолданумен салыстырғанда (60 минут ішінде 1,5 млн. б.) 30 күннен кейінгі өлім жағдайының төмендеуіне әкелді. Алтеплазаны қабылдаған пациенттерде тромболизистен кейін 60 және 90 минуттан соң, инфаркт аймағында тамырлардың өткізгіштігінің қалпына келу жиілігі стрептокиназаны қолдану жағдайымен салыстырғанда жоғарылағаны білінгені көрсетілді. Ем басталғаннан кейін 180 минуттан соң және кейінірек, тамырлар саңылауының ашылу жиілігінде айырмашылық байқалған жоқ. Алтеплазаны қабылдаған пациенттердегі 30 күндік өлім жағдайы тромболизистік ем қабылдамаған пациенттермен салыстырғанда төмендейді. Алтеплазаны қолданған кезде альфа-гидроксибутират-дегидрогеназа ферментінің босап шығуы азаяды. Алтеплазаны қабылдаған пациенттерде, тромболизистік ем қабылдамаған пациенттермен салыстырғанда, жүректің сол жақ қарыншасының жалпы функциясының азырақ зақымдалуы және сол жақ қарынша қабырғалары қозғалғыштығының регионарлық бұзылуының айқындығы азаюы байқалады. Жедел миокард инфарктісі бар пациенттер Миокард инфарктісі бар пациенттерде алтеплазаны (100 мг 3 сағат бойы) қолдану (симптомдар пайда болғаннан кейін 6-12 сағат ішінде емді бастаған жағдайда) плацебомен салыстырғанда 30 күн ішінде өлімнің азаюына әкелгені туралы мәліметтер бар. Миокард инфарктісінің айқын белгілері бар пациенттерде симптомдар пайда болғаннан кейін 24 сағат ішінде басталған кезде де емдік әсері байқалуы мүмкін. Өкпе артериясының жедел ауқымды тромбоэмболиясы Өкпе артериясының тұрақсыз гемодинамикамен қатар жүретін жедел ауқымды эмболиясы бар пациенттерде алтеплазаны қолдану тромб көлемдерінің жылдам кішіреюіне және өкпе артериясындағы қысымның төмендеуіне әкеледі. Өлім туралы мәліметтер жоқ. Жедел ишемиялық инсульті бар пациенттер Алтеплазаны қолданып емдеуде пациенттерде оң нәтиже байқалды (мүгедектену болған жоқ немесе өте аз болды). Емді кешірек мерзімде бастаған жағдайда препараттың тиімділігі төмендейді. Инсульт басталғаннан емдеу басталғанға дейінгі уақыттың ұзағырақ болуы өлімнің және симптоматикалық бассүйекішілік қан құйылудың қаупі жоғарылауымен астасатыны туралы мәліметтер бар. Алтеплазаны қолдану 3-4,5 сағаттың ішінде оң клиникалық әсер көрсетті, дегенмен жиынтық мәліметтер алтеплазаны қолданудан кейін 4,5 сағаттан соң клиникалық әсер жағымсыз болатынын көрсетеді. Симптоматикалық бассүйекішілік қан құйылудың жиілігі 3 сағатқа дейінгі кезеңмен салыстырғанда 3-4.5 сағат уақыт кезеңінде жоғары болып шықты. Клиникалық белгілер дамығаннан кейін алғашқы 3 сағаттың ішінде қабылданған еммен салыстырғанда алтеплазаның симптомдары басталғаннан кейін емделуі 3 сағаттан кейін (3-6 сағаттан соң) басталатын пациенттерде тиімділігі азырақ, бұл ретте асқыну қаупі алғашқы жағдайда жоғарырақ, бұл пайда/қауіп арақатынасының қолайсыздығына әкеліп соғады. Егде жастағы пациенттер (> 80 жас) Инсульттің жағымды аяқталу ықтималдығы артты және бұл барлық жастағы топтарда емді ертерек бастаған жағдайда әсері айқындау болуына байланысты болды және жасқа байланысты болмады. Алтеплазамен емнің нәтижесі 80 жастағы және одан кіші пациенттерде және 80 жастан үлкен жастағы пациенттерде ұқсас болды. Балалар 16-дан 17 жасқа дейінгі шектегі жас тобындағы инсульті бар 25 пациентте алтеплазаның орташа дозасы 0,9 мг/кг құрады. 25 пациенттің 23-інде инсульт симптомдары пайда болғаннан кейін ем 4,5 сағат ішінде басталды. Дене салмағы 56-дан 90 кг дейін ауытқыды. Пациенттердің көпшілігінде Ұлттық денсаулық институтының инсульт шкаласына сәйкес орташа бағалануы 9,0 тең болатын орташа-ауыр немесе ауыр инсульттің сипмтомдары анықталды. Бағалануы mRS болуына сәйкес 19/21 (90%-дан астам) пациенттерде 90-шы күні жағымдылығы анықталды. Қалған 2 пациентте орташа-ауыр еңбекке жарамсыздық (mRS=4; n=1) түрінде немесе 7 күн ішінде (n=1) өлім (mRS=6) түрінде аяқталғаны тіркелген. Төрт пациентте 90-шы күні mRS бағалануы хабарланбаған. 16-17 жас санатындағы пациенттердің ешбірінде симптоматикалық бассүйекішілік қан құйылулары (сБСҚҚ, PH2 типті БСҚҚ қан кету) дамымаған. Алтеплаза емінен кейінгі 5 жағдайда ми ісінуі дамыды. Мидың ісінуі бар 4/5 пациенттерде 90-шы күні 0-ден 2-ге дейінгі mRS бағалануы тіркелген немесе емнен кейін 7-ші күні жалпы жақсарғаны анықталды. Бір пациентте 90 күні тіркелген бағасы mRS=4 (орташа ауыр еңбекке жарамсыздық) анықталды. Жағдайлардың ешбірі өліммен аяқталған жоқ.

Дозалау режимі Ревекард® препаратын мынадай аурулардың симптомдары басталған уақыттан бастап мүмкіндігінше ертерек қолдану керек: Жедел миокард инфарктісі а)симптомдар пайда болғаннан кейін емдеуді 6 сағат ішінде бастауға болатын, миокард инфарктісі бар пациенттер үшін 90 минуттық (жеделдетілген) дозалау режимі: 15 мг – вена ішіне сорғалатып, содан соң 50 мг – вена ішіне тамшылатып 30 минут бойы, ізінше 35 мг инфузиямен 60 минут бойы ең жоғарғы 100 мг дозаға жеткенше. Дене салмағы 65 кг-ден аз пациенттерде жиынтық дозаны дене салмағын ескере отырып түзетеді: 15 мг - вена ішіне сорғалатып, содан соң 0,75 мг/кг вена ішіне тамшылатып 30 минут бойы, ізінше 0,5 мг/кг инфузиямен 60 минут бойы. б)симптомдар дамуынан кейін емдеуді 6 және 12 сағат аралығында бастауға болатын пациенттер үшін 3 сағаттық дозалау режимі: 10 мг - вена ішіне сорғалатып, содан соң 50 мг - вена ішіне тамшылатып алғашқы сағат бойы, ізінше вена ішіне 40 мг инфузия түрінде тұрақты жылдамдықпен 2 сағат ең жоғары 100 мг жиынтық дозасына жеткенше. Дене салмағы 65 кг-ден аз пациенттерде: 10 мг вена ішіне сорғалатып, соңынан жылдам енгізумен дене салмағына 1,5 мг/кг ең жоғары жиынтық дозасына жеткенше 3 сағат ішінде вена ішіне инфузия түрінде тұрақты жылдамдықпен. Жедел миокард инфарктісінде ұсынылатын Ревекард® препаратының ең жоғары дозасы - 100 мг. Қосымша ем SТ сегментінің көтерілуімен миокард инфарктісі бар пациенттерге, қолданыстағы халықаралық нұсқауларға сәйкес тромбозға қарсы қосымша ем қолданылады. Өкпе артериясының жедел ауқымды тромбоэмболиясы 100 мг құрайтын жиынтық доза 2 сағат ішінде мынадай режимде енгізілуі тиіс: 10 мг вена ішіне сорғалатып 1-2 минут бойы, содан соң 90 мг вена ішіне тамшылатып тұрақты жылдамдықпен 2 сағат бойы ең жоғары 100 мг жиынтық дозасына жеткенше. Дене салмағы 65 кг-ден аз пациенттерде: 10 мг вена ішіне сорғалатып 1 - 2 минут бойына, соңынан жылдам енгізумен дене салмағына 1,5 мг/кг ең жоғары жиынтық дозасына жеткенше 2 сағат ішінде вена ішіне инфузия түрінде тұрақты жылдамдықпен. Қосымша ем Ревекард® препаратын қолданғаннан кейін, ішінара белсендірілген тромбопластин уақытының (ІБТУ) мәндері қалыптың жоғарғы шегінен екі еседен аз асып кеткен жағдайда гепаринді инфузиялық енгізу басталуы (немесе жалғастырылуы) тиіс. Гепарин дозасы ІБТУ 50-70 секунд аралығында болуын қамтамасыз етуі тиіс (мәндері бастапқыдан 1,5-2,5 есе асуы тиіс). Жедел ишемиялық инсульт Емдеу нейроваскулярлық ауруларды емдеу тәжірибесі бар және арнайы оқытып-үйретілген дәрігердің бақылауымен ғана жүргізілуі тиіс. Ем симптомдар пайда болған соң 4,5 сағат ішінде, мүмкіндігінше ертерек басталуы тиіс. Инсульт симптомдары білінген соң 4,5 сағат өткенде алтеплазаны пайдаланумен байланысты пайда-қауіп арақатынасы теріс болады, сондықтан оны енгізуге болмайды. Алтеплазаның ұсынылатын жиынтық дозасы дене салмағына 0,9 мг/кг (ең жоғары 90 мг) құрайды, жиынтық дозаның 10% шамасын құрайтын препарат дозасын вена ішіне сорғалатып енгізуден бастап, содан кейін дереу жиынтық дозаның қалған бөлігі 60 минут бойы вена ішіне енгізіледі. Жедел ишемиялық инсульт үшін дозалау кестесі Ұсынылатын стандартты концентрация 1 мг/мл пайдаланған кезде енгізілетін көлем (мл) ұсынылатын дозалауға тең (мг) Салмағы (кг) — Жиынтық доза (мг) — В/і сорғалататын доза (мг) — Вена ішіне доза* (мг) 40 — 36.0 — 3.6 — 32.4 42 — 37.8 — 3.8 — 34.0 44 — 39.6 — 4.0 — 35.6 46 — 41.4 — 4.1 — 37.3 48 — 43.2 — 4.3 — 38.9 50 — 45.0 — 4.5 — 40.5 52 — 46.8 — 4.7 — 42.1 54 — 48.6 — 4.9 — 43.7 56 — 50.4 — 5.0 — 45.4 58 — 52.2 — 5.2 — 47.0 60 — 54.0 — 5.4 — 48.6 62 — 55.8 — 5.6 — 50.2 64 — 57.6 — 5.8 — 51.8 66 — 59.4 — 5.9 — 53.5 68 — 61.2 — 6.1 — 55.1 70 — 63.0 — 6.3 — 56.7 72 — 64.8 — 6.5 — 58.3 74 — 66.6 — 6.7 — 59.9 76 — 68.4 — 6.8 — 61.6 78 — 70.2 — 7.0 — 63.2 80 — 72.0 — 7.2 — 64.8 82 — 73.8 — 7.4 — 66.4 84 — 75.6 — 7.6 — 68.0 86 — 77.4 — 7.7 — 69.7 88 — 79.2 — 7.9 — 71.3 90 — 81.0 — 8.1 — 72.9 92 — 82.8 — 8.3 — 74.5 94 — 84.6 — 8.5 — 76.1 96 — 86.4 — 8.6 — 77.8 98 — 88.2 — 8.8 — 79.4 100+ — 90.0 — 9.0 — 81.0 * 1 мг/мл концентрацияда 60 минут ішінде тұрақты жылдамдықпен инфузия түрінде енгізіледі. Қосымша ем Симптомдардың пайда болуынан кейінгі алғашқы 24 сағат ішінде гепаринмен және ацетилсалицил қышқылымен біріктіріп қолданылатын емнің жоғарыда көрсетілген режимінің қауіпсіздігі мен тиімділігі жеткіліксіз зерттелген. Осыған байланысты, Ревекард® препаратымен ем басталған соң алғашқы 24 сағатта ацетилсалицил қышқылын қолданудан немесе гепаринді вена ішіне енгізуден аулақ болу керек. Егер басқа көрсетілімдер бойынша гепарин қолдану қажет болса (мысалы, терең веналар тромбозы профилактикасы үшін), оның дозасы күніне 10000 ХБ-дан аспауы тиіс, бұл кезде препарат тері астына енгізілуге тиіс. Балалар Алтеплаза препаратын балалар мен жасөспірімдерде қолдану тәжірибесі шектеулі. Алтеплазаны балалар мен 16 жастан кіші жасөспірімдердегі жедел ишемиялық инсультті емдеген кезде қолдануға болмайды. 16-17 жастағы жасөспірімдер үшін дозасы ересектерге арналған дозаға ұқсас («Арнайы сақтандырулар» бөлімін қараңыз). Енгізу әдісі және жолы Ревекард® препаратының дайындалған ерітіндісін вена ішіне қолдану қажет. Инфузияға арналған ерітіндіні дайындау асептикалық жағдайларда жүргізілуі тиіс. Құрамында 1,0 мг/мл алтеплаза бар инфузияға арналған ерітіндіні алу үшін лиофилизат бар құтының ішіндегісін (50 мг) қоса берілген еріткіштің (инъекцияға арналған су, 50 мл) толық көлемінде асептика ережелерін сақтай отырып ерітеді. Ұнтақ толық ерігенге дейін құтыны абайлап шайқайды және пайда болған көбіктің шөгуі үшін 5 минутқа жуық ұстайды. Ерітіндінің сыртқы көрінісін көзбен қарап бағалайды. Ол мөлдір, түссіз немесе сарғыш түсті болуы және құрамында көрінетін механикалық қосындылар болмауы тиіс. Дайындалған ерітіндіні дайындаған соң дереу пайдалану керек. Егер инфузия әлдебір себептермен кейінге қалдырылса, дайындалған ерітіндіні, егер ерітіндіні дайындау асептикалық жағдайларда жүргізілсе, 2°С -ден 8°С дейінгі температурада – мұздатып-қатырусыз 24 сағаттан асырмай, 15°С-тен 25°С дейінгі температурада – 8 сағаттан асырмай сақтауға жол беріледі. Дайындалған ерітіндіні инъекцияға арналған натрий хлоридінің стерильді 0,9% ерітіндісімен қосымша сұйылтуға болады, мұндағы алтеплазаның ең аз мөлшері 0,2 мг/мл құрауы тиіс. Назар аударыңыз! Препараттың дайындалған ерітіндісін инъекцияға арналған сумен немесе инфузияға арналған көмірсулар негізіндегі, мысалы, декстроза ерітінділерімен сұйылтуға, сондай-ақ басқа дәрілік заттармен (оның ішінде, гепаринмен) инфузияға арналған құтыда да, вена ішіне енгізуге арналған жалпы жүйеде де араластыруға болмайды. Дайындалған ерітінді бір рет қолдануға ғана арналған. Пайдаланылмаған ерітіндіні немесе қалдықтарды жергілікті талаптарға сәйкес утилизациялау керек.

Ревекард® препаратын әсер етуші затқа (алтеплазаға) немесе препараттың қосымша заттарының кез келгеніне белгілі аса жоғары сезімталдықта қолдануға болмайды. Препаратты жедел миокард инфарктісін және өкпе артериясы эмболиясын, жедел ишемиялық инсультті емдеуге қолданған жағдайда мынадай қарсы көрсетілімдер бар Ревекард® қан кетудің жоғары даму қаупі болатын жағдайларда қолданылмайды: - қазіргі уақыттағы немесе алдыңғы 6 ай ішіндегі қан ұюының елеулі бұзылуы; - анамнездегі геморрагиялық диатез; - ішуге арналған антикоагулянттармен, мысалы, варфаринмен бір мезгілдегі тиімді емдеу (халықаралық қалыптасқан қатынас >1,3); - қазіргі сәттегі немесе таяуда өткерген күрделі немесе қауіпті қан кету; - анамнездегі орталық жүйке жүйесінің аурулары (соның ішінде ми немесе жұлындағы жаңа түзілімдер, аневризма, хирургиялық араласу); - қазіргі уақыттағы немесе анамнездегі бассүйекішілік (соның ішінде субарахноидальді) қан құйылу, геморрагиялық инсульттің болуына күдіктену; - бақыланбайтын ауыр артериялық гипертензия; - алдыңғы 3 ай ішіндегі ауқымды хирургиялық араласу немесе елеулі жарақаттану, таяуда болған бассүйек-ми жарақаты; - ұзаққа созылған немесе жарақаттық жүрек-өкпе реанимациясы (> 2 мин), алдыңғы 10 күн ішіндегі босану; қысылмайтын қан тамырына (мысалы, бұғанаастылық немесе бұғаналық венаға) таяуда жасалған пункция; - бауырдың ауыр аурулары, соның ішінде бауыр жеткіліксіздігі, цирроз, портальді гипертензия (соның ішінде өңеш веналарының варикозды кеңеюі) және белсенді гепатит; - бактериялық эндокардит, перикардит; - жедел панкреатит; - соңғы 3 ай ішінде расталған асқазанның немесе он екі елі ішектің ойық жара ауруы; - артериялық аневризмалар, артериялардың немесе веналардың даму ақаулары; - қан кетудің жоғары даму қаупімен жаңа түзілім. Препаратты жедел миокард инфарктісін және өкпе артериясының жедел тромбоэмболиясын емдеуге қолданған жағдайда, жоғарыда аталғандардан тыс, мынадай қарсы көрсетілімдер бар - геморрагиялық инсульт немесе анамнездегі шығу тегі белгісіз инсульт; - соңғы 6 ай ішіндегі ишемиялық инсульт немесе транзиторлы ишемиялық шабуыл, 4,5 сағат ішінде болатын ағымдағы жедел ишемиялық инсультті қоспағанда. Препаратты жедел ишемиялық инсультті емдеуге қолданған жағдайда, жоғарыда аталғандардан бөлек, мынадай қарсы көрсетілімдер бар - мидың КТ деректері бойынша бассүйекішілік қан құйылу белгілері және мидың КТ қалыпты болғандағы бассүйекішілік қан құйылудың клиникалық симптомдары; - инфузияның басталуынан 4,5 сағаттан астам уақыт бұрын ишемиялық инсульт симптомдарының пайда болуы немесе симптомдардың басталу мерзімі жөнінде нақты мәліметтердің болмауы; - жедел ишемиялық инсульт кезіндегі жай-күйдің жылдам жақсаруы немесе инфузияның басталу қарсаңында симптомдардың әлсіз білінуі; - ауыр өтетін инсульт (клиникалық деректер негізіндегі, мысалы, егер NIHSS (National Institutes of Health Stroke Scale) көрсеткіші > 25 болса немесе тиісті визуализация әдістерінің – компьютерлік томографияның немесе магнитті-резонанстық томографияның нәтижелері бойынша); - инсульт басталған кездегі құрысулар; - алдыңғы 3 ай ішінде бастан өткерген инсульт немесе бастың күрделі жарақаты жөніндегі мәліметтер; - қант диабеті бар пациенттерде анамнезінде кез келген этиологиялы инсульттің болуы; - инсульттің басталуына дейін 48 сағат ішінде гепарин қолдану, егер осы сәтте ішінара белсендірілген тромбопластин уақыты (ІБТУ) ұзарған болса; - 100 000/мкл-ден аз тромбоциттер саны; - 185 мм сын. бағ. жоғары систолалық артериялық қысым немесе 110 мм сын. бағ. жоғары диастолалық артериялық қысым немесе артериялық қысымды осы шектерге дейін төмендетуге арналған қарқынды ем (препараттарды вена ішіне енгізу) қолдану қажеттілігі. - қандағы глюкоза мөлшерінің <2,77 немесе >22,20 ммоль/л болуы. Ревекард® препараты балаларда және 16 жасқа дейінгі жасөспірімдерде жедел инсультті емдеуге қолданылмайды (Арнайы сақтандырулар бөлімін қараңыз).

Алтеплаза қолданумен байланысты ең жиі жағымсыз реакция гематокриттің және/немесе гемоглобиннің төмендеуіне алып келетін қан кету болып табылады. Бассүйекішілік қан құйылулардан (инсульт кезіндегі жағымсыз реакция ретінде) және реперфузиялық аритмиялардан (миокард инфарктісі кезіндегі жағымсыз реакция ретінде) тыс, өкпе артериясы эмболиясы және жедел ишемиялық инсульт немесе миокард инфарктісі кезінде оны қолданған жағдайда алтеплазаның жағымсыз әсерлер спектрінде сапалық және сандық айырмашылықтарды жорамалдауға клиникалық негіздер жоқ. Өте жиі: - жедел ишемиялық инсульт кезіндегі негізгі жағымсыз құбылыстар бассүйекішілік қан құйылулар (БСҚҚ) болды, осы тізімде көрсетілген, мысалы БСҚҚ және БСҚҚ еместі қоса, барлық қан құйылулар; - қайталанған ишемия/стенокардия, гипотензия, жүрек жеткіліксіздігі/өкпенің ісінуі. Жиі: - бассүйекішілік қан құйылулар (миға қан құйылу, церебральді гематома, геморрагиялық инсульт, геморрагиялық инсульт трансформациясы, бассүйекішілік гематома, субарахноидальді қан құйылу сияқтылар); жедел миокард инфарктісін және өкпе артериясының жедел ауқымды тромбоэмболиясын емдеу кезіндегі; фарингеальді қан кетулер; асқазан-ішектік қан кетулер (асқазаннан қан кету, асқазанның ойық жарасынан, тік ішектен қан кету, қан аралас құсу, мелена (қара май тәрізді нәжіс), ауыз қуысынан қан кету, қызыл иектерден қан кету сияқтылар); экхимоздар; урогенитальді қан кетулер (гематурия, несеп-жыныс жолынан қан кетулер сияқты); пункция орнынан немесе инъекция орнынан қан кетулер (мысалы, катетер қойылған жердегі гематома, катетер қойылған жерден қан кету); - кардиогенді шок, жүрек қызметінің тоқтауы, қайталанған инфаркт. Жиі емес: - қан түкіру, гемоторакс, тыныс алу жолдарындағы қан құйылу сияқты өкпеден қан кетулер; мұрыннан қан кетулер; есту ағзасындағы геморрагиялар; - реперфузиялық аритмиялар (аритмия, экстрасистолия, жүрекшелер фибрилляциясы, брадикардия, пароксизмалық қарыншалық тахикардия, қарыншалық аритмия, қарыншалар фибрилляциясы, қарыншалық тахикардия), I дәрежеден толық блокадасына дейін атриовентрикулярлы блокада, электромеханикалық диссоциация [EMD], Гис шоғырының оң жақ тармақшасының блокадасы, Гис шоғырының сол жақ тармақшасының артқы бұтағының блокадасы, инфарктен кейінгі ерте стенокардия, жүректің созылмалы жеткіліксіздігі ағымының нашарлауы, митральді жеткіліксіздік, өкпе артериясының тромбоэмболиясы, басқа да жүйелі эмболиялар/церебральді эмболия, қарыншааралық қалқа ақауы; - артериялық қысымның төмендеуі; Сирек: - көз алмасына қан құйылу; ішперде артындағы қан кету (мысалы, ішперде артындағы гематома); перикардиальді қан кету; - аса жоғары сезімталдық реакциялары / анафилактоидтық реакциялар: бөртпені, есекжемді қоса, аллергиялық реакциялар, бронх түйілуі, ангионевроздық ісіну, гипотензия, шок немесе кез келген басқа аллергиялық реакциялар*; - эмболиялар (тромбоздық эмболия), олар әсер еткен ішкі ағзалар тарапынан сәйкес салдарлармен қатар жүруі мүмкін; - жүрек айну, Өте сирек: - күрделі анафилаксиялар. - көбінесе қатарлас ишемиялық немесе геморрагиялық цереброваскулярлық бұзылумен біріккен жүйке жүйесінің бұзылуымен байланысты жай-күйлер (эпилепсия ұстамасы, құрысу, афазия, сөйлеудің бұзылуы, делирий, жедел ми синдромы, қозу, сананың шатасуы, депрессия, психоз). Белгісіз***: - паренхиматозды ағзаларға қан кетулер (мысалы, бауырдан қан кетулер); - құсу; - дене температурасының жоғарылауы; - сәйкес ағзалардың зақымдануына әкелуі мүмкін май эмболиясы (холестерин кристалдарымен эмболизация); - трансфузиялардың қажеттілігі. * Сирек жағдайларда алтеплазаға төмен титрлі антиденелердің уақытша түзілуі байқалды, алайда бұл нәтиженің клиникалық мәнін анықтау мүмкін емес. ** Басқа да тромболитиктерді қолданғандағы сияқты, жоғарыда тиісті бөлімде сипатталған құбылыстар миокард инфарктісінің және/немесе тромболитиктер енгізудің асқынуы ретінде тіркелген. Бұл жүрек құбылыстары өмір үшін қауіпті болуы мүмкін және өліммен аяқталуға әкелуі мүмкін. *** Бұл жағымсыз реакция тіркеуден кейінгі кезеңде байқалды. 95% ықтималдықпен, жиілік санаты «сиректен» көбірек, бірақ төмен де болуы мүмкін. Дәл жиілігін бағалау мүмкін емес, өйткені дәрілік препаратқа жағымсыз реакция клиникалық зерттеулер кезінде болмаған. Өліммен аяқталған және мүгедектікке ұшыратқан жағдайлар инсульт (бассүйекішілік қан кетуді қоса) және басқа күрделі қан кетулерді бастан өткерген пациенттерде байқалды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: егер ең жоғары ұсынылатын дозасынан асып кетсе, бассүйекішілік қан кету қаупі артады. Алтеплазаның фибринге әсерінің салыстырмалы спецификалығына қарамастан, артық дозалану фибриноген деңгейінің және қан ұюдың басқа факторларының клиникалық мәнді төмендеуіне әкелуі мүмкін. Емі: көпшілік жағдайларда Ревекард® препаратын енгізуді тоқтату және осы факторлардың физиологиялық қалпына келуін күту жеткілікті. Алайда, егер күрделі қан кету дамыса, жаңа мұздатып қатырылған плазманың немесе жаңа алынған қанның инфузиялары ұсынылады; қажет болса, фибринолизге қарсы синтетикалық дәрілер тағайындауға болады.

Арнайы сақтандырулар Қадағалануы Биологиялық дәрілік препараттарды қолдануды бақылауды жақсарту мақсатында пациенттің медициналық картасында қолданылатын препараттың саудалық атауы және серия нөмірі құжатталуы тиіс. Ревекард® препараты тағайындалғанда қолдану саласын мұқият зерттеу керек. Тромболизистік және фибринолизистік ем кезінде мұқият қадағалау талап етіледі. Ревекард® препаратымен емдеуді тромболизистік ем жүргізу тәжірибесі және оның тиімділігін бақылау мүмкіндігі бар дәрігер жүргізуі тиіс. Ревекард® препаратын қолданғанда, басқа да тромболизистік препараттар сияқты, стандартты реанимациялық құрал-жабдықты және тиісті дәрілік заттарды қол астында ұстау ұсынылады. Аса жоғары сезімталдық Ревекард® препаратын енгізуден болатын иммунитетке байланысты аса жоғары сезімталдық реакциялары алтеплазадан немесе қосымша заттарының кез келгенінен туындауы мүмкін. Алтеплазаның бір реттік инфузиясынан кейін адамның рекомбинантты тіндік плазминоген активаторына антиденелердің тұрақты түзілуі байқалған жоқ. Алтеплазаны қайталап қолданудың жүйеленген тәжірибесі жоқ. Сондай-ақ иммунологиялық емес механизмнен болатын аса жоғары сезімталдық реакциялары даму қаупі бар. Ангионевроздық ісіну Ревекард® препаратын қолдану кезінде ең жиі тіркелетін аса жоғары сезімталдық реакциясы болып табылады. Бұл қауіп «жедел ишемиялық инсульт» көрсетілімі бойынша қолданғанда және/немесе АӨФ тежегіштерімен қатарлас емдегенде жоғарылауы мүмкін. Кез келген тіркелген көрсетілім бойынша бұрын ем алған пациенттер инфузиядан кейінгі 24 сағат бойы ангионевроздық ісінуге бақылауда болуы тиіс. Аса жоғары сезімталдықтың ауыр реакциялары (мысалы, ангионевроздық ісіну) туындағанда инфузияны тоқтату және тиісті емді дереу бастау керек. Оған интубация жатуы мүмкін. Қан кету Алтеплазамен емнің ең жиі асқынуы қан кету болып табылады, оған гепаринді бір мезгілде қолдану себеп болуы мүмкін. Алтеплаза фибринді ерітетіндіктен, жақында пункция жасалған орындардан қан кетуі пайда болуы мүмкін. Сондықтан тромболизистік ем ықтимал қан кету аймақтарын (катетерді енгізу орындарын, артериялық немесе веналық пункцияларды, инъекцияларды немесе тіліктерді қоса) мұқият бақылауды қажет етеді. Ревекард® препаратымен емдеу кезінде қатты катетерлерді, бұлшықет ішіне инъекцияларды және негізделмеген инвазиялық манипуляцияларды пайдаланудан аулақ болу керек. Ауыр, әсіресе церебральді қан кету туындаған жағдайда фибринолизистік ем, сондай-ақ гепаринді қолдану дереу тоқтатылуы тиіс. Жартылай шығарылу кезеңі қысқа және жүйелі ұю факторларына әсері тым аз болғандықтан, коагуляциялық орын басу емі қажет емес. Қан кету болған пациенттердің көпшілігінде жүргізіледі: тромболизистік және антикоагулянттық емді тоқтата тұру, айналымдағы қан көлемін қалпына келтіру және қан кетуді тоқтату шараларын жүргізу. Егер қан кету басталғанға дейін 4 сағат ішінде гепарин қолданылса, оны протамин сульфатымен алмастырудың мақсатқа сай болу мәселесін қарастыру керек. Жоғарыда көрсетілген консервативтік шаралар тиімсіз болып, қан кету жалғасатын сирек жағдайларда қан препараттарын құю қолданылуы мүмкін. Криопреципитатты, жаңа мұздатып қатырылған плазманы және тромбоцитарлы массаны енгізуді әр енгізуден кейін қайта анықталған клиникалық және зертханалық көрсеткіштерге сәйкес тағайындауға болады. Криопреципитат инфузиясын 1 г/л фибриноген концентрациясына жеткенше жүргізген дұрыс. Фибринолизге қарсы дәрілер қолдану мүмкіндігін қарастыруға болады. Бассүйекішілік қан құйылу қаупі егде жастағы пациенттерде артуы мүмкін. Егде жастағы пациенттерде пайда-қауіп арақатынасын мұқият бағалау қажет. Басқа тромболитиктер пайдалану кезіндегідей, Ревекард® препаратын тағайындау кезінде болжамды пайдасы мен қан кетудің ықтимал қаупінің дәрежесін мына жағдайларда мұқият бағалау керек: - таяуда жасалған бұлшықетішілік инъекция немесе биопсия, ірі тамырлар пункциясы, реанимация кезіндегі жүрекке массаж сияқты таяуда жасалған шағын араласулар; - қан кету қаупі жоғарылаған (қарсы көрсетілімдер тізімінде аталмаған) жағдайлар. Ішу арқылы антикоагулянттық ем алатын пациенттер Егер дозалау режимі немесе антикоагулянттарды соңғы қабылдаудан кейінгі уақыт қан ұю жүйесіне клиникалық мәнді әсерін тигізбейтін дәрілік заттардың антикоагулянттық белсенділігіне тиісті тестілер көмегімен антикоагулянттармен емдеудің қалдық тиімділігін растауға мүмкіндік бермесе (мысалы, К дәрумені антагонистері үшін ХҚҚ <1,3 немесе басқа ішуге арналған антикоагулянттарға арналған өзге де тиісті тестілер қалыптың жоғарғы шектерінде болса), Ревекард® препаратын қолдануды қарастыруға болады. Жедел миокард инфарктісін емдегенде келесі айрықша сақтандырулар және алдын ала сақтану шаралары қосымша ескерілу керек Аритмиялар Коронарлы тромболизис реперфузиямен байланысты аритмияға әкелуі мүмкін. Реперфузиялық аритмиялар кейбір жағдайларда жүректің тоқтауына әкелуі, өмірге қауіп төндіруі және жалпыға мәлім аритмияға қарсы ем қолдануды қажет етуі мүмкін. Тромбоэмболиялар Тромболизистік дәрілерді қолдану жүректің сол жақ бөліктерінің тромбозы бар пациенттерде, мысалы, митральді стенозда немесе жүрекшелер фибрилляциясында тромбоэмболия қаупін арттыруы мүмкін. Жедел миокард инфарктісін және өкпе артериясының жедел эмболиясын емдегенде келесі айрықша сақтандырулар және алдын ала сақтану шаралары қосымша ескерілу керек Бассүйекішілік қан құйылудың жоғары қаупіне байланысты 100 мг-ден асатын дозада Ревекард® препаратын қолдануға болмайды. Сондықтан «Қолдану жөніндегі нұсқаулар» бөлімінде баяндалған дозалау режимін қадағалау маңызды. Систолалық артериялық қысым > 160 мм сын. бағ. болатын пациенттерде және егде жастағы ми ішіне қан құйылуының қаупі ұлғаюы мүмкін пациенттерде болжанатын пайдасы мен ықтимал қауіп дәрежесі мұқият бағалануы керек. Сондай-ақ егде жастағы пациенттерде емдік пайдасы да оң болуына байланысты, қаупі мен пайдасын бағалау сақтықпен жүргізілуі тиіс. IIb/IIIa гликопротеин антагонистері IIb/IIIa гликопротеин антагонистерін бір мезгілде қабылдау қан кетудің даму қаупін арттырады. Жедел ишемиялық инсультті емдеуде келесі айрықша сақтандырулар және алдын ала сақтану шаралары қосымша ескерілу керек Емдеуді нейровизуализациялық зерттеулердің бүкіл кешенін жүргізу мүмкіндігі бар мамандандырылған бөлім жағдайында қарқынды неврологиялық көмек көрсету біліктілігі мен тәжірибесі бар дәрігер жүргізуі тиіс. Бассүйекішілік қан құйылу жедел ишемиялық инсультті емдегенде (жалпы өлімнің қандай да бір артуынсыз және жалпы өлім жағдайының және ауыр мүгедектіктің бірге алғанда қандай да бір елеулі артуынсыз, пациенттердің 15%-на дейін, яғни Ранкин шкаласы бойынша модификацияланған көрсеткіш [mRS] 5 және 6) негізгі жағымсыз реакция болып табылады. Жедел ишемиялық инсульт бар пациенттерде Ревекард® препаратын қолдану, осы препаратты басқа көрсетілімдер бойынша пайдаланумен салыстырғанда, жоғары бассүйекішілік қан құйылу қаупінің елеулі жоғарылауымен қатар жүреді, өйткені қан кету көбінесе некроздық аумақта жүреді. Бұған келесі жағдайларда ерекше көңіл бөлу керек: - «Қолдануға болмайтын жағдайлар» бөлімінде аталған барлық жай-күйлер және жалпы жоғары қан кету қаупімен сипатталатын барлық жағдайлар; - емдеудің инсульт симптомдарының даму уақытынан кеш басталуы клиникалық әсерін төмендетеді және бұрын ем алған пациенттермен салыстырғанда, бассүйекішілік қан құйылудың жоғары қаупімен және өліммен аяқталумен байланысты болуы мүмкін. Осылайша, Ревекард® препаратын енгізуді кейінге қалдыруға болмайды; - бұрын ацетилсалицил қышқылымен немесе басқа да антиагреганттық дәрілермен ем жүргізілген пациенттерде, әсіресе, егер Ревекард® препаратын қолдану кешірек мерзімдерде басталса, миішілік қан құйылу қаупі жоғары болуы мүмкін; - емдік әсері бұрын инсульт өткерген пациенттерде немесе бақыланбайтын қант диабеті болғанда төмендейді. Ондай пациенттерде пайдасы қаупінен жоғары болса да, пайда/қауіп арақатынасының қолайлылығы азырақ болып саналады; - ауырлығы жеңіл дәрежедегі инсульті бар пациенттерде қауіп күтілетін пайдасынан асып кетеді, сондықтан Ревекард® препаратын қолдану ұсынылмайды. Инсульттің ауыр түрі бар пациенттерде бассүйекішілік қан құйылу және өліммен аяқталу қаупі жоғары, бұл жағдайларда Ревекард® препаратын қолданбау керек; - ауқымды инфарктілері болған пациенттерде жайсыз аяқталу, соның ішінде миішілік айқын қан құйылу және өліммен аяқталу қаупі жоғары болады. Ондай жағдайларда ем жүргізудің қаупі мен пайдасын мұқият бағалау керек; - инсультті бастан өткерген пациенттерде емдеу нәтижесінің қолайлы болу ықтималдығы симптомдар білінуінен емдеу басталғанға дейінгі уақыттың артуымен, жас ұлғаюымен, сондай-ақ инсульттің ауырлық дәрежесінің артуына қарай және қандағы глюкоза деңгейі жоғарылағанда азаяды. Сонымен қатар, әрекетке қабілеттіліктің күрделі бұзылуларының және өліммен аяқталудың немесе симптоматикалық елеулі бассүйекішілік қан кетулердің ықтималдығы емдеуге байланыссыз артады; - егде жастағы пациенттердегі (80 жастан үлкен) жасырақ пациенттермен салыстырғанда емдеуге байланыссыз неғұрлым қолайсыздау нәтиже болуы мүмкін. Сондай-ақ тромболизис жүргізгендегі жеңілдеу инсульттермен немесе тромболизис жүргізілмеген пациенттермен салыстырғанда оларда тромболизис жүргізген жағдайда ми ішіне қан құйылудың неғұрлым жоғары абсолюттік қаупіне байланысты ауырлығы басым инсульттер туындау ықтималдығы жоғары. Қолда бар деректер 80 жастан үлкен пациенттерде жасырақ пациенттермен салыстырғанда алтеплазаның әсері азырақ болатынын айғақтаса да, Ревекард® препаратын 80 жастан үлкен пациенттерде нақты пациент үшін пайдасы мен қаупін бағалау негізінде қолдануға болады. Егде жастағы пациенттер жалпы денсаулық жай-күйін, сондай-ақ неврологиялық статусын ескерумен өте мұқият таңдалуы тиіс. Емдеу негізінен төмендегілерге негізделген пайда/қаупінің жағымсыз арақатынасына байланысты симптомдар пайда болғаннан кейін 4,5 сағаттан кешігіп басталмауы тиіс: - емдеудің оң әсерлері уақыт өте келе төмендейді; - көбіне ацетилсалицил қышқылымен осының алдында емделген пациенттерде өлім жағдайы артады; - симптоматикалық қан кетулердің жоғары қаупі. Ревекард® препаратын енгізу кезінде және ол аяқталған соң 24 сағат бойы артериялық қысымды (АҚ) бақылау қажет. Систолалық АҚ 180 мм сын. бағ. жоғары немесе диастолалық АҚ 105 мм сын. бағ. жоғары көтерілгенде вена ішіне гипертензияға қарсы препараттар енгізу ұсынылады. Басқа да айрықша нұсқаулар Ишемияланған аумақ реперфузиясы инфаркт аймағында ми ісінуіне әкелуі мүмкін. Жоғары геморрагия қаупіне орай, антиагреганттарды алтеплаза препараты көмегімен тромболизис жүргізуден кейінгі алғашқы 24 сағат ішінде тағайындауға болмайды. Педиатрияда қолдану Қазіргі сәтте балалар мен жасөспірімдерде алтеплаза қолданудың шектеулі тәжірибесі ғана бар. Тиісті түрде таңдалған жасы ≥16 жастағы жасөспірімдерде жедел ишемиялық инсультті емдеу үшін Ревекард® препаратын қолдануды қарастырғанда нақты пациент үшін пайдасы мен қаупін мұқият таразылау, сондай-ақ мұны тиісті жағдайларда пациентпен және ата-анасымен/қамқоршымен талқылау қажет. Жасы ≥16 жастағы жасөспірімдер инсультқа ұқсас жай-күйлерді жоққа шығару үшін және неврологиялық тапшылыққа сәйкес келетін артерия окклюзиясын растау үшін тиісті әдістердің көмегімен көзбен шолып тексергеннен кейін ересек пациенттер үшін қолдану нұсқаулығына сәйкес ем алуы тиіс. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Қатысты емес.

Жүктілік кезеңінде алтеплазаны қолдану туралы деректер өте шектеулі. Клиникаға дейінгі зерттеулерде алтеплаза адамда тағайындалуынан асып кететін дозаларда пайдаланылғанда препараттың фармакологиялық белсенділігіне қатысты салдарлы болатын шарананың жетілмеуі және/немесе эмбриоуыттылық белгілері көрініс берді. Алтеплазаның тератогендік қасиеттері бар деп қарастырылмайды. Өмірге тікелей қатер төндіретін ауруларда пайда мен әлеуетті қауіп арасындағы арақатынасты саралау қажет. Алтеплазаның емшек сүтіне өту мәселесі зерттелмеген.

Әдетте жедел миокард инфарктісінде қолданылатын басқа дәрілік препараттармен алтеплазаның өзара әрекеттесуіне арнайы зерттеулер жүргізілмеген. Қан ұюына ықпал ететін немесе тромбоциттер функциясын өзгертетін кумарин туындылары, ішуге арналған антикоагулянттар, тромбоциттер агрегациясының тежегіштері, фракцияланбаған гепарин немесе төмен молекулалық гепарин сияқты дәрілік заттарды қолдану (алтеплазамен емнің басталуына дейін, ем кезінде немесе одан кейін алғашқы 24 сағат ішінде) қан кету қаупін арттыруы мүмкін. АӨФ тежегіштерін бір мезгілде қолдану анафилактоидтық реакциялар қаупін арттыруы мүмкін. Бір мезгілде IIb/IIIa гликопротеин антагонистерін қолдану қан кету қаупін арттырады.

Сақтау мерзімі Лиофилизатты – 3 жыл, еріткішті – 3 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек! Дәріханадан босатылу шарттары Рецепт арқылы