РЕВОТАЗ® порошок 4.5 г

Бір құтының ішінде белсенді заттар: пиперациллин натрий пиперациллинге баламалы 4.0 г, тазобактам натрий тазобактамға баламалы 500.0 мг Сыртқы түрінің, иісінің, дәмінің сипаттамасы Жеңіл сусымалы ақ немесе ақ дерлік ұнтақ.

РЕВОТАЗ® препараты ересектер мен 2 жастан үлкен балаларда келесі инфекцияларды емдеу үшін көрсетілген: Ересектер мен 2 жастан үлкен балалар • ауыр пневмония, ауруханаішілік пневмонияны және өкпені жасанды желдету аппаратымен байланысты пневмонияны қоса • несеп шығару жолдарының асқынған инфекциялары (пиелонефритті қоса) • асқынған құрсақішілік инфекциялар • терінің және жұмсақ тіндердің асқынған инфекциялары (диабеттік табан инфекциясын қоса) • жоғарыда тізбеленген инфекциялардың кез келгенімен біріктірілген немесе олармен байланысы күмән тудыратын бактериялық септицемия • бактериялық инфекция тудырған қызба күмән тудыратын нейтропениясы бар пациенттерді емдеу үшін 2-ден 12 жасқа дейінгі балалар • асқынған құрсақішілік инфекциялар • нейтропения мен жоғары температурасы бар науқастардағы бактериялық инфекция Бактерияға қарсы дәрілерді талапқа сай пайдалану бойынша ресми нұсқаулар ескерілу керек.

Әсер ету механизмі РЕВОТАЗ – бактерияға қарсы біріктірілген препарат. Пиперациллин, әсер ету ауқымы кең жартылай синтетикалық пенициллин қалқаның да, жасушалық жақтаудың да синтезін тежеу жолымен бактерицидті әсерін көрсетеді. Тазобактам, құрылымдық жағынан пенициллинмен тектес бета-лактам көптеген бета-лактамазалар тежегіші болып табылады, әдетте, пенициллиндер мен цефалоспориндерге төзімділік туындатады, бірақ AmpC немесе металл-бета-лактамаза ферменттерін тежемейді. Тазобактам тек пиперациллинге төзімділік иеленетін бета-лактамазаларды өндіретін көптеген бактерияларды қоса, пиперациллиннің әсер ету ауқымын кеңейтеді. Фармакокинетикалық/фармакодинамикалық байланыс Ең төмен тежегіш концентрациясынан (T > MIC) жоғары уақыт пиперациллин тиімділігін айқындайтын негізгі фармакодинамикалық фактор болып саналады. Төзімділік механизмі Пиперациллин/тазобактамға төзімділіктің екі негізгі механизмі: • Тазобактаммен: B, C және D молекулалық класының бета-лактамазаларымен тежелмейтін бета-лактамазалармен пиперациллин компонентін белсенділігінен айыру. Бұдан бөлек, тазобактам А және D молекулалық класы ферменттерінің топтарындағы әсер ету ауқымы кең бета-лактамазалардан (ESBLs) қорғануды қамтамасыз етпейді. • Пенициллин-байланыстырушы ақуыздардың (PBPs) өзгеруі, бұл пиперациллиннің бактериялардағы молекулалық нысанамен тектестігінің төмендеуіне әкеледі. Бұдан бөлек, бактериялық жарғақша өткізгіштігінің өзгерістері, сондай-ақ бірнеше дәрілік заттың кері ағыс сорғыларының экспрессиясы, әсіресе, грамм-теріс бактерияларда пиперациллин/тазобактамға бактериялар төзімділігін тудыруы немесе оған ықпал етуі мүмкін. Бақылау нүктелері Пиперациллин/тазобактам үшін EUCAST Clinical MIC бақылау нүктелері (EUCAST Clinical бақылау нүктелері, 10.0 нұсқа кестесі, 2020-01-01 бастап жарамды). Сезімталдыққа тест өткізу мақсатында тазобактам концентрациясы 4 мг/л деңгейінде белгіленген. Қоздырғыш — Пиперациллин мг/л түрімен (S ≤/ R >) байланысты бақылау нүктелері Enterobacterales (бұрынғы Enterobacteriaceae) — 8/16 Pseudomonas aeruginosa — < 0.001/161 Staphylococcus түрлері — -2 Enterococcus түрлері — -3 Streptococcus A, B, C және G топтары — -4 Streptococcus pneumonia — -5 Streptococcus Viridans топтары — -6 Haemophilus influenzae — 0.25/0.25 Moraxella catarrhalis — -7 Грам-оң анаэробтар (Clostridioides difficile басқа) — 8/16 Грам-теріс анаэробтар — 8/16 Түрмен байланыссыз бақылау нүктелері (ФК/ФД) — 4/16 1 Бірнеше агент үшін EUCAST жабайы типті организмдерді (агентке төзімділігі жүре пайда болған фенотиптік тұрғыда анықталған механизмдерсіз организмдер) «Сезімтал, стандартты дозалау режимінің» орнына «Сезімтал, жоғары әсері (I)» болып жіктелетін бақылау нүктелерін енгізді. Осы организм-агент біріктірілімдері үшін рұқсат етілген бақылау нүктелері ерікті, S ≤ 0,001 мг/л «шкаладан асып кететін» бақылау нүктелері болып бекітілді. 2 Стафилококктардың көпшілігі пенициллиназа өндірушілер болып табылады, ал кейбіреуі метициллинге төзімді. Осы механизмдердің кез келгені оларды бензилпенициллин, феноксиметилпенициллин, ампициллин, амоксициллин, пиперациллин мен тикарциллинге төзімді етеді. Бензилпенициллин мен цефокситинге сезімтал стафилококктарды пенициллиндердің бәріне сезімтал деп тануға болады. Бензилпенициллинге төзімді, бірақ цефокситинге сезімтал стафилококктар β-лактамаза тежегіштерінің біріктірілімдеріне, изоксазолилпенициллиндерге (оксациллин, клоксациллин, диклоксациллин мен флуклоксациллин) және нафциллинге сезімтал. Препараттарды пероральді енгізу кезінде инфекция ошағына жеткілікті әсерін қамтамасыз ету үшін сақ болу керек. Цефокситинге төзімді стафилококктар пенициллиндердің бәріне төзімді. Ампициллинге сезімтал S. saprophyticus mecA-теріс және ампициллин, амоксициллин мен пиперациллинге (бета-лактамаза тежегішінсіз немесе бета-лактамаза тежегішімен) сезімтал болып табылады. 3 Ампициллин, амоксициллин және пиперациллинге сезімталдықты (бета-лактамаза тежегішімен және онсыз) ампициллин бойынша анықтауға болады. Ампициллинге төзімділік E. Faecalis-те сирек кездеседі (ЕБК көмегімен растау), бірақ E. Faecium-де жиі кездеседі. 4 A, B, C және G топтары стрептококктарының пенициллиндерге сезімталдығы, B тобының стрептококктары үшін феноксиметилпенициллин мен изоксазолилпенициллиндерді қоспағанда, бензилпенициллинге сезіиталдығы бойынша айқындалады. A, B, C және G топтарының стрептококктары бета-лактамазаны өндірмейді. Бета-лактамаза тежегішін қосу қосымша клиникалық пайда әкелмейді. 5 Бета-лактамға төзімділік механизмдерін жоққа шығару үшін 1 мкг оксациллинмен дискілік скрининг-тест немесе бензилпенициллинге MIC тест пайдаланылу керек. Скринингтің теріс нәтижесінде (≥ 20 мм оксациллин немесе ≤ 0,06 мг/л бензилпенициллин MIC тежеліс аймағы) «Ескертпе» белгісі қойылған препараттарды қоса, клиникалық бақылау нүктелері қолжетімді болатын барлық бета-лактамды препараттарды әріқарай тест өткізусіз сезімтал деп тануға болады, бұл қатарға хабарлама жағдайында «сезімталдығы, жоғары әсерлері» (I) туралы мәлімдеу керек болатын цефаклор қосылмайды. Streptococcus pneumoniae бета-лактамазаны өндірмейді. Бета-лактамаза тежегішін қосу қосымша клиникалық пайда әкелмейді. Сезімталдығы ампициллин (MIC немесе аймақ диаметрі) бойынша анықталады. 6 Бензилпенициллинге сезімтал изоляттар үшін сезімталдығын бензилпенициллин немесе ампициллин бойынша айқындауға болады. Бензилпенициллинге төзімді изоляттар үшін сезімталдығы ампициллин бойынша анықталады. 7 Сезімталдығы туралы амоксициллин-клавулан қышқылының арақатынасы бойынша саралауға болады. Сезімталдығы Жүре пайда болған төзімділіктің таралуы жекелеген түрлерде географиялық жағынан және уақыт өте өзгеріске түсуі мүмкін, ал әсіресе, ауыр инфекцияларды емдегенде төзімділігі туралы жергілікті ақпаратпен танысқан дұрыс. Қажет болса, жергілікті төзімділік таралымы инфекциялардың, ең болмаса, кейбір типтерінде препараттың пайдалы болуы күмән тудыратындай сипатта болса, сарапшыдан кеңес алу керек. Пиперациллин/тазобактамға сезімталдығына сәйкес тиісті түрлерінің топтамалары ӘДЕТТЕ СЕЗІМТАЛ ТҮРЛЕР Грамм-оң аэробты микроорганизмдер Enterococcus faecalis (тек ампициллин- немесе пенициллинге сезімтал изоляттар) Listeria monocytogenes Staphylococcus aureus (тек метициллинге сезімтал изоляттар) Staphylococcus species, coagulase negative (тек метициллинге сезімтал изоляттар) Streptococcus agalactiae (B тобы streptococci)† Streptococcus pyogenes (A тобы streptococci)† Грамм-теріс аэробты микроорганизмдер Citrobacter koseri Haemophilus influenzae Moraxella catarrhalis Proteus mirabilis Грамм-оң анаэробты микроорганизмдер Clostridium species Eubacterium species Грамм-оң анаэробты коккта𠆆 Грамм-теріс анаэробты микроорганизмдер Bacteroides fragilis тобы Fusobacterium түрлері Porphyromonas түрлері Prevotella түрлері ЖҮРЕ ИЕЛЕНГЕН ТӨЗІМДІЛІГІ ҚИЫНДЫҚ ТУДЫРУЫ МҮМКІН ТҮРЛЕР Грамм-оң аэробты микроорганизмдер Enterococcus faecium Streptococcus pneumoniae† Streptococcus viridans тобы† Грамм-теріс аэробты микроорганизмдер Acinetobacter baumannii Citrobacter freundii Enterobacter виды Escherichia coli Klebsiella pneumoniae Morganella morganii Proteus vulgaris Providencia ssp. Pseudomonas aeruginosa Serratia species БАСЫНАН ТӨЗІМДІ ОРГАНИЗМДЕР Грамм-оң аэробты микроорганизмдер Corynebacterium jeikeium ЖҮРЕ ИЕЛЕНГЕН ТӨЗІМДІЛІГІ ҚИЫНДЫҚ ТУДЫРУЫ МҮМКІН ТҮРЛЕР Грамм-теріс аэробты микроорганизмдер Burkholderia cepacia Legionella виды Ochrobactrum anthropi Stenotrophomonas maltophilia Басқа микроорганизмдер Chlamydophila pneumoniae Mycoplasma pneumoniae $ Аралық өнімдерге табиғи сезімталдық танытатын түрлер † Стрептококктар β-лактамазаны өндіретін бактериялар емес; осы организмдер төзімділігіне пенициллин-байланыстырушы ақуыздардың (PBPS) өзгерістері себеп болады, ал, демек, сезімтал изоляттар тек пиперациллинге сезімтал. Пенициллинге төзімділігі S. Pyogenes үшін тіркелмеді. †† Anaerococcus, Finegoldia, Parvimonas, Peptoniphilus және Peptostreptococcus spp. қоса. Merino сынағы (ESBL продуценттері тудырған қан ағымының инфекциялары) Қатар топтармен проспектілі жарияланған рандомизацияланған клиникалық зерттеуде пиперациллин/тазобактаммен түпкілікті (яғни, in vitro расталған сезімталдығына негізделген) емдеу, меропенеммен салыстырғанда, цефтриаксонға сезімтал емес E. coli немесе K. pneumoniae тудырған қан ағымының инфекциялары бар ересек пациенттерде өлім көрсеткішінің төменірек 30-күндік деңгейіне әкелмеді. Пиперациллин/тазобактам тобына рандомизацияланған 187 пациенттің (12,3%) жалпы жиынтығы, 23-і меропенем тобына рандомизацияланған 191-дің (3,7%) 7-мен салыстырғанда, 30 күн ішінде өлімге ұшырау түріндегі бастапқы соңғы нүктеге қол жеткізді (қауіп айырмасы 8,6% [1-жақты 97,5% СА - ∞ мәнінен 14,5% дейін]; кем түспейтін тиімділігі үшін Р = 0,90). Айырмасы 5% кем түспейтін тиімділік шегіне жетпеді. Нәтижелері хаттама бойынша қауымның талдауында салыстырмалы болды: пиперациллин/тазобактам тобында 170 пациенттің (10,6%) 18-і, меропенем тобындағы 186-ның (3,8%) 7-мен салыстырғанда, бастапқы нәтижеге жетті (қауіп айырмасы 6,8% [біржақты СА 97,5%, - ∞ мәнінен 12,8% дейін]; кем түспейтін тиімділігі үшін Р = 0,76). Клиникалық және микробиологиялық нәтижеге жетуі (салдарлы нәтижелер) 4-ші күнге қарай, меропенем тобында рандомизацияланған 185-тің (74,6%) 138-мен салыстырғанда, пиперациллин/тазобактам тобында 177 пациенттің (68,4%) 121-де басталды (қауіп айырмасы, 6,2% [95% СА − 15,5–3,1%]; P = 0,19). Салдарлы нәтижелер үшін статистикалық тестілер екі жақты болды, осы орайда P < 0,05 мәні маңызды болып саналды. Осы зерттеуде зерттелген топтар арасында өлім көрсеткішінің теңгерімсіздігі анықталды. Пиперациллин/тазобактам тобындағы өліммен аяқталған жағдайлар, қатарлас инфекциямен емес, негізгі аурулармен байланысты болды.

Дозалау режимі РЕВОТАЗ® препаратының дозасы және енгізу жиілігі инфекция мен болжанатын қоздырғыштардың ауырлығына және шоғырлануына байланысты. Ересектер және 12 жастан үлкен балалар Бүйрек функциясы қалыпты ересектер және 12 жастан үлкен балалар үшін әдеттегі вена ішіне доза әр 8 сағат сайын 4 г пиперациллин/500 мг тазобактам құрайды. Ауруханаішілік пневмония мен бактериялық инфекциялар кезінде нейтропениясы бар пациенттерде ұсынылатын доза әр 6 сағат сайын 4 г пиперациллин/500 мг тазобактам құрайды. Бұл режимді атап көрсетілген басқа инфекциялар бар пациенттерде, әсіресе, олар ауыр болған уақытта қолдануға да болады. Келесі кестеде көрсетілімдер немесе жай-күйлер бойынша ересектер және 12 жастан үлкен балалар үшін ұсынылатын доза мен емдеу жиілігі берілген: Емдеу жиілігі — Қолдануға көрсетілімдер Әр 6 сағат сайын — Ауыр пневмония Болжамды түрде бактериялық инфекция тудырған нейтропения мен қызбасы бар ересектер Әр 8 сағат сайын — Несеп шығару жолдарының асқынған инфекциялары (пиелонефритті қоса) Асқынған құрсақішілік инфекциялар Терінің және жұмсақ тіндердің инфекциялары (диабеттік табан инфекциясын қоса) Пациенттердің ерекше топтары 2 жасқа толмаған балалар РЕВОТАЗ® препаратының қауіпсіздігі мен тиімділігі 2 жасқа толмаған балаларда анықталмаған. Бақыланатын клиникалық зерттеулер деректері жоқ. Балалар (2-ден 12 жасқа дейін) Бүйрек функциясы қалыпты балаларға ұсынылатын доза әр 8 сағат сайын кг дене салмағына 100 мг пиперациллин/12.5 мг тазобактам құрайды. Жалпы тәуліктік доза инфекцияның ауырлық дәрежесіне және шоғырлануына байланысты және әр 6 немесе 8 сағат сайын кг дене салмағына енгізілетін 80 мг пиперациллин/10 мг тазобактамнан бастап 100 мг пиперациллин/12.5 мг тазобактамға дейін өзгеріске түсуі мүмкін. Ең жоғары тәуліктік доза 4 г пиперациллин/500 мг тазобактамнан аспауы тиіс. Келесі кестеде, көрсетілімдері немесе жай-күйлеріне қарай, 2-ден 12 жасқа дейінгі балалар үшін дене салмағына есептегенде доза және қолдану жиілігі жөнінде қысқаша деректер берілген: Дене салмағына доза және емдеу жиілігі — Қолдануға көрсетілімдер 80 мг пиперациллин/10 мг тазобактам кг дене салмағына/әр 6 сағат сайын — Бактериялық инфекция тудырған нейтропения мен қызбасы бар балалар 100 мг пиперациллин/ 12.5 мг тазобактам кг дене салмағына/әр 8 сағат сайын — Асқынған құрсақішілік инфекциялар * 30 минут ішінде дозасына 4 г/500 мг ең жоғары дозадан асырмау керек. Бүйрек жеткіліксіздігі бар балалар Вена ішіне дозаны нақты бүйрек жеткіліксіздігінің дәрежесіне сәйкес келесі үлгіде түзету керек (әрбір пациентті заттың уыттылық белгілері тұрғысынан мұқият қадағалау қажет; дәрілік зат дозасын және қабылдаулар арасындағы үзілісті келесі үлгіде түзету керек): Креатинин клиренсі (мл/мин) — Ұсынылған пиперациллин/тазобактам дозасы > 50 — Дозаны түзету қажет емес ≤ 50 — 70 мг пиперациллин/8,75 мг тазобактам кг дене салмағына/әр 8 сағат сайын Гемодиализде жүрген балаларға кг дене салмағына 40 мг пиперациллин/5 мг тазобактамның бір қосымша дозасын әр диализ сеансынан соң енгізу керек. Егде жастағы пациенттер Егде жастағы пациенттерге тек оларда бүйрек функциясының бұзылуы болса ғана дозаны түзету қажет. Бауыр жеткіліксіздігі бар пациенттер Дозаны түзету қажет емес. Бүйрек жеткіліксіздігі бар пациенттер Вена ішіне дозалау бүйрек жеткіліксіздігінің ауырлық дәрежесіне қарай келесі үлгіде түзетіледі (әр пациент заттың уыттылық белгілері тұрғысынан мұқият қадағалауда болуы тиіс; дәрілік заттың дозасы және қабылдаулар арасындағы үзіліс тиісті үлгіде түзетілуі тиіс): Креатинин клиренсі (мл/мин) — Ұсынылған пиперациллин/тазобактам дозасы > 40 — Дозаны түзету қажет емес. 20-40 — 4 г пиперациллин/500 мг тазобактам әр 8 сағат сайын < 20 — 4 г пиперациллин/500 мг тазобактам әр 12 сағат сайын Гемодиализде жүрген пациенттерге 2 г пиперациллин/250 мг тазобактамның бір қосымша дозасы әр диализ сеансынан соң енгізілу керек, өйткені гемодиализ кезінде 4 сағат ішінде пиперациллиннің 30%-50% бөлігі шығарылады. Енгізу әдісі және жолы Препарат жолымен 4 г пиперациллин/500 мг тазобактам дозада вена ішіне инфузия жолымен енгізіледі (30 минут бойы). Ерітіндіні дайындау тәсілі Құтының ішіндегісін (4.5 г препарат) 20 мл еріткіште тұрақты араластыра отырып, препарат толық еріп кеткенше (5-10 минут) ерітеді. Вена ішіне енгізуге арналған ерітіндіні дайындау үшін еріткіштер ретінде натрий хлоридінің 0.9% ерітіндісі, 5% глюкоза ерітіндісі, инъекцияға арналған стерильді су (препараттың 1 дозасын сұйылту үшін ең жоғары ұсынылған көлем – 50 мл). Вена ішіне инфузия үшін алынған ерітіндіні әріқарай атап көрсетілген ерітінділердің бірінің 50-150 мл бөлігінде немесе натрий хлоридінің 0.9% ерітіндісіндегі 6% декстран ерітіндісінде немесе лактатпен Рингер ерітіндісінде (Хартман ерітіндісі) немесе Рингер ацетат/малат ерітіндісінде ерітеді. Ерітіндіні сұйылту және енгізу кезінде стандартты асептика режимін қадағалау керек. Сұйылтылған ерітіндіні қолданар алдында сілкіп алыңыз. Әр құты тек бір рет қолдануға арналған. Дайын ерітінділер мұздатып қатырылмайды. Емдеу ұзақтығы Көрсетілімдердің көпшілігінде емдеу ұзақтығы, орта есеппен, 5-тен 14 күнге дейін созылады. Алайда, емдеу ұзақтығы инфекцияның ауырлық дәрежесіне, ауру қоздырғыштарына, сондай-ақ аурудың клиникалық және бактериологиялық ағымына байланысты. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Препаратты тек нұсқаулықта көрсетілген дозаларда және дәл сол қолдану тәсілі бойынша қолданыңыз. Қажет болған жағдайда, дәрілік препаратты қолданар алдында дәрігермен кеңесуді өтінеміз. Егер жай-күй жақсармаса немесе ол нашарлай түссе, дәрігерге қаралу керек.

• пенициллиндерге, цефалоспориндерге, бета-лактамды антибиотиктердің басқа тежегіштеріне аса жоғары сезімталдық • анамнездегі ауыр қан кетулер • муковисцидоз • жалған жарғақшалы энтероколит • инфекциялық мононуклеоз • бүйректің созылмалы жеткіліксіздігі (креатинин клиренсі 20 мл/мин төмен) • антикоагулянттарды бір мезгілде қабылдау • жүктілік және бала емізу кезеңі • 2 жасқа дейінгі балалар

Өте жиі • Диарея Жиі • кандидозды инфекция • тромбоцитопения, анемия • ұйқысыздық, бас ауыру • іштің ауыруы, құсу, іш қату, жүрек айну, диспепсия • бөртпе, терінің қышынуы • температураның көтерілуі, инъекция орнындағы реакциялар • аланинаминотрансфераза (АЛТ), аспартатаминотрансфераза (ACT)) жоғарылауы • жалпы ақуыздың, қан альбуминінің төмендеуі • оң тіке Кумбс сынамасы • қан сарысуындағы креатинин, сілтілі фосфатаза, мочевина концентрациясының жоғарылауы • ішінара белсенділенген тромбопластин уақытының ұзаруы Жиі емес • лейкопения • гипокалемия • энцефалопатия, құрысулар • гипотония • флебит, тромбофлебит, қан кернеулер • көп пішінді эритема, есекжем, макулопапулезді бөртпе • артралгия, миалгия • қалтырау • қандағы глюкоза деңгейінің төмендеуі • гипербилирубинемия • протромбин уақытының ұзаруы Сирек • жалған жарғақшалы колит • агронулоцитоз • мұрыннан қан кету • стоматит • уытты эпидермалық некролиз Белгісіз • панцитопения, нейтропения, гемолиздік анемия, тромбоцитоз, эозинофилия • анафилактоидты шок, анафилаксиялық шок, анафилактоидты реакция, анафилаксиялық реакция, аса жоғары сезімталдық • Сандырақтау • эозинофилиялық пневмония • гепатит, сарғаю • Стивенс-Джонсон синдромы, эксфолиативті дерматит, эозинофилиямен және жүйелі симптомдармен болатын дәрілік реакция (DRESS), жедел жайылған экзантематозды пустулез (AGEP), буллезді дерматит, пурпура • бүйрек жеткіліксіздігі, тубулоинтерстициальді нефрит • қан кету уақытының ұзаруы • гамма-глутамилтрансфераза белсенділігінің жоғарылауы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлердің көпшілігі, жүрек айну, құсу, диареяны қоса, әдетте ұсынылған пиперациллин/тазобактам дозасын қолдану кезінде байқалды. Ұсынылуынан асып кететін дозаларын вена ішіне енгізгенде (әсіресе, бүйрек жеткіліксіздігі болса) пациенттер жүйке-бұлшықеттің қозу күйін және құрысуларды сезінуі мүмкін. Емдеу: препаратты тоқтату, пациенттің клиникалық көрінісіне сәйкес демеуші және симптоматикалық емдеу. Қан сарысуындағы шамадан тыс пиперациллин/тазобактам концентрацияларын гемодиализ көмегімен төмендетуге боалды. Спецификалық антидот жоқ.

Пиперациллин/тазобактам нақты бір пациентті емдеуге таңдалғанда инфекцияның ауырлығы және бактерияға қарсы басқа сай келетін дәрілерге төзімділіктің таралуы сияқты факторларды ескере отырып, әсер ету ауқымы кең жартылай синтетикалық пенициллинді пайдаланудың мақсатқа сай болуын ескеру керек. Препарат анамнезінде пенициллиндерге, басқа бета-лактамды препараттарға (мысалы, цефалоспориндер, монобактам немесе карбопенем) аллергиялық реакциялары бар пациенттерде сақтықпен қолданылады. Бүйректің орташа немесе ауыр жеткіліксіздігінде дозалау режимін түзетуге кеңес беріледі. Пиперацилин/тазобактамды қоса, пенициллиндерді қолданумен ем алып жүрген науқастарда аса жоғары сезімталдық реакциясының күрделі және кейде өлімге ұшырататын анафилаксиялық/анафилактоидты жағдайлары (шокты қоса) тіркелді. Бұл реакциялар пенициллинге аса жоғары сезімталдық тарихы немесе бірнеше аллергенге сезімталдық тарихы бар тұлғаларда өте ықтималды. Аса жоғары сезімталдықтың күрделі реакциялары антибиотикті тоқтатуды талап етеді және адреналин енгізуді әрі басқа кезек күттірмейтін шараларды талап етуі мүмкін. РЕВОТАЗ® препаратын қабылдаған пациенттерде терінің күрделі реакциялары, мысалы, Стивенс-Джонсон синдромы және уытты эпидермалық некролиз, эозинофилиямен және жүйелі симптомдармен болатын дәрілік реакция, сондай-ақ жедел жайылған экзантематозды пустулез байқалды. Егер пациентте тері бөртпесі дамыса, оның жай-күйін мұқият бақылап отыру, ал егер бөртпе үдеп кетсе, РЕВОТАЗ® препаратымен емдеуді тоқтату қажет. Антибиотиктерден болатын жалған жарғақшалы колит өмірге қатер төндіруі мүмкін ауыр, тоқтаусыз диарея түрінде көрініс беруі мүмкін. Жалған жарғақшалы колит симптомдары бактерияға қарсы емдеу кезінде немесе одан кейін басталуы мүмкін. Бұл жағдайларда РЕВОТАЗ® препаратын тоқтату керек. РЕВОТАЗ® препаратымен емдеу асқын инфекция тудыруы мүмкін орныққан организмдердің пайда болуына әкелуі мүмкін. Бета-лактамды антибиотиктер, оның ішінде пиперациллин қабылдаған кейбір пациенттерде қан кету байқалды. Бұл реакциялар кейде коагуляцияға жасалған сынамалар нәтижелері бойынша анықталған бұзылулармен, мысалы, қан ұю уақытының, тромбоциттер агрегациясының, протромбин уақытының бұзылуларымен байланысты болды. Осындай бұзылулар бәрінен жиірек бүйрек жеткіліксіздігі бар пациенттерде байқалды. Қан кету туындағанда препаратты тоқтату және тиісті емдеуді бастау қажет. Лейкопения және нейтропения, әсіресе, ұзаққа созылатын ем уақытында туындауы мүмкін, сондықтан гематопоэздік функцияны мезгіл-мезгіл бағалауды орындау қажет. Пенициллиндік қатардағы басқа препараттарды қолдану кезіндегі сияқты, препаратпен ем аясында құрысулармен көрініс беретін неврологиялық асқынулар дамуы мүмкін. Аталған реакциялар, әсіресе, бүйрек функциясының бұзылуы бар пациенттерде препаратты жоғары дозаларда қолдану кезінде бәрінен жиірек білінеді. Гемофагоциттік лимфогистиоцитоз (ГЛГ) Пиперациллин/тазобактам немесе пиперациллинмен ем алып жүрген пациенттерде 10 күннен артық емделуден кейін ГЛГ даму жағдайлары жөнінде жиі мәлімделді. ГЛГ – бұл клиникалық белгілерімен және шамадан тыс жүйелі қабыну симптомдарымен (қызба, гепатомегалия мен спленомегалия, гипертриглицеридемия, гипофибриногенемия, қан сарысуындағы жоғары ферритин деңгейі, цитопения және гемофагоцитоз сияқты) сипатталатын иммундық жүйенің өмірге қауіпті патологиялық белсену синдромы. Егер иммундық жүйенің патологиялық белсенуінің бастапқы көріністері дамыса, пациентті дереу тексеруден өткізу керек. ГЛГ диагнозы қойылғанда пиперациллин/тазобактам немесе пиперациллинмен емдеуді тоқтату керек. Бүйрек жеткіліксіздігі Ықтималды нефроуыттылығы салдарынан пиперациллин/тазобактам бүйрек жеткіліксіздігі бар пациенттерде немесе гемодиализде жүрген пациенттерде сақтықпен қолданылу керек. Вена ішіне дозалары мен енгізу аралықтары бүйрек функциясының бұзылу дәрежесіне қарай түзетілу керек. Қатер шегіндегі пациенттерде жиі пайдаланылатын антибиотиктерді енгізуден кейін шумақтық сүзілу жылдамдығы (ШСЖ) зерттелген осы ауқымды көп орталықтық рандомизацияланған бақыланатын зерттеуде пайдаланылған екінші талдауда пиперациллин/тазобактам қолдану шумақтық сүзілу жылдамдығының (ШСЖ) қайтымды төменірек жиілігімен, басқа антибиотиктермен салыстырғанда, жақсаруымен астасты. Бұл екіншілік талдау пиперациллин/тазобактамның осы пациенттерде бүйрек функциясының баяу қалпына келуіне себеп болғанын көрсетті. Пиперациллин/тазобактам мен ванкомицинді бірге қолдану бүйректің жедел зақымдану жиілігінің артуымен байланысты болуы мүмкін. Натрий Дәрілік препарат құрамында құтысына 261 мг натрий бар, бұл ДДҰ ересек адам үшін ұсынған 2 г натрий ең жоғары тәуліктік дозасының 13%-на баламалы. Бұл натрий мөлшері бақыланатын диетада жүрген пациенттер үшін ескерілу керек. Гипокалиемия калий қорлары төмен немесе калий деңгейін төмендететін дәрілік заттарды бір мезгілде қабылдап жүрген пациенттерде туындауы мүмкін; осындай пациенттерде электролиттерді мезгіл-мезгіл анықтауға кеңес беруге болады. Арнайы сақтандырулар Жүктілік Жүкті әйелдерде қолдануға болмайды. Бала емізу Пиперациллин төмен концентрацияларда ана сүтімен бөлінеді; емшек сүтіндегі тазобактам концентрациялары зерттелмеген. Бала емізіп жүрген әйелдерді, егер әйел мен сәби үшін күтілетін пайдасы болуы мүмкін қауіптерден асып кететін жағдайда ғана, емдеу керек. Фертильділік Зерттеулерде фертильділікке немесе ұрпақ өрбіту функциясына әсері анықталмады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Орталық жүйке жүйесі тарапынан патологиялық әсерлердің даму мүмкіндігін ескере отырып, сақтық шарасын қадағалау қажет.

Нұсқаулықта көрсетілмеген.

Деполярланбайтын миорелаксанттар Пиперациллин оны векурониймен бір мезгілде пайдаланғанда векуронийдің нейробұлшықеттік бөгелісінің ұзаруына ықпал етуі мүмкін. Әсер ету механизмінің ұқсастығына орай, пиперациллин әсерімен деполярланбайтын бұлшықеттік релаксанттар тудырған нейробұлшықеттік бөгеліс ұзаққа созылуы мүмкін деп жорамалданады. Антикоагулянттар Гепарин, пероральді антикоагулянттарды және тромбоциттер функциясын қоса, қанның ұю жүйесіне ықпал етуі мүмкін басқа заттарды бір мезгілде қолданғанда қанның ұю жүйесін жиірек бақылап отыру қажет. Метотрексат Пиперациллин метотрексат шығарылуын төмендетуі мүмкін. Сондықтан препараттың уытты әсерін болдырмау үшін пациенттерде қан сарысуындағы метотрексат деңгейлерін бақылап отыру қажет. Пробенецид Басқа пенициллиндер сияқты, пробенецид пен пиперациллин/тазобактамды бір мезгілде енгізу пиперациллин мен тазобактам үшін жартылай ыдырау кезеңінің ұзаруын және бүйректік клиренс төмендеуін туындатады. Дегенмен де, екі заттың да плазмадағы шыңдық концентрациялары өзгермейді. Аминогликозидтер Пиперациллин, өз бетінше де, тазобактаммен бірге де бүйрек функциясы қалыпты және бүйрек жеткіліксіздігінің мардымсыз немесе орташа дәрежесіндегі пациенттерде тобрамицин фармакокинетикасын елеулі өзгертпейді. Тобрамицин енгізуден кейін пиперациллин, тазобактам және М1 метаболитінің фармакокинетикасы елеулі өзгермеді. Бүйрек жеткіліксіздігінің ауыр дәрежесіндегі пациенттерде пиперациллин әсері салдарынан тобрамицин мен гентамицин белсенділігінің бәсеңдеуі байқалды. Ванкомицин Зерттеулерде пиперациллин/тазобактам мен ванкомицин бір мезгілде енгізілген пациенттерде, ванкомицин монотерапиясымен салыстырғанда, бүйректің жедел зақымдануының жоғары жиілігі анықталды. Осы зерттеулердің кейбірінде өзара әрекеттесудің ванкомицин дозасына байланысты екені мәлімделді. Пиперациллин/тазобактам мен ванкомицин арасында ешқандай фармакокинетикалық өзара әрекеттесу болмады. Зертханалық тестілерге әсері Несептегі глюкозаны өлшеудің ферменттік емес әдістері, басқа пенициллиндермен болған жағдайдағы сияқты, жалған-оң нәтижелерге әкелуі мүмкін. Демек, РЕВОТАЗ® препаратымен ем кезінде несептегі глюкозаны ферменттік өлшеу талап етіледі. Несептегі ақуызды өлшеудің бірқатар химиялық әдістері жалған-оң нәтижелерге әкелуі мүмкін. Сипалау арқылы ақуыз мөлшерін өлшеу ықпал етпейді. Тіке Кумбс тестісі оң нәтижелі болуы мүмкін. Bio-Rad Laboratories Platelia Aspergillus EIA тестілері РЕВОТАЗ® препаратын қабылдап жүрген пациенттерде жалған-оң нәтижелер беруі мүмкін. ИФТ бойынша Aspergillus емес полисахаридтермен және Bio-Rad Laboratories Platelia Aspergillus-бен polyfuranoses айқаспалы реакциялары хабарланды. Жоғарыда тізбеленген талдаулардың оң нәтижелері РЕВОТАЗ® препаратын қабылдап жүрген пациенттерде басқа диагностикалық әдістермен расталуы тиіс.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!