РЕКРЕОЛ® мазь 50 мг/г

1 г жақпамайдың құрамында белсенді зат – 50 мг декспантенол, қосымша заттар: стеарил спирті; цетил спирті; араның ақ балауызы; ПРОТЕГИН XN; бадам майы; жұмсақ ақ парафин; сұйық парафин; ланолин (қой майы); тазартылған су – 1 г дейін. Сыртқы түрінің, иісінің, дәмінің сипаттамасы Өзіне тән иісі бар гомогенді сарғыш жақпамай.

• нәрестелердегі базданудың профилактикасы және емдеу • бала емізу кезеңінде сүт бездеріне күтім жасау: «құрғақтық» пен емізік сызаттарын емдеу • кішкентай жарақаттар, сызаттар, сыдырылулар, терінің тітіркенуі, жөргек эритемасы, жеңіл күйіктер, созылмалы ойық жаралар, тесілулер, теріні ауыстырып орналастыруда, анус сызаттары және жатыр мойны эрозиясында терінің жазылу процесін жеделдету (белсендіру) үшін • тері құрғақтығының профилактикасы және емдеу, оның жабындарының тұтастығы бұзылған кезде, соның ішінде кортикостероидты препараттарды пайдалану кезінде. Қолдану басталғанға дейін қажетті мәліметтер тізбесі

ATХ коды D03AX03 Декспантенол тіндерде А коферментінің (CoA) құрамдас бөлігі болып табылатын пантотен қышқылына айналады және эпителий функциясын қалыпты ұстап тұруда, фибробластар пролиферациясын ұлғайтуда және жаралардың жазылу үрдісінде тері регенерациясын тездетуде демеуші рөл атқарады. Жасушалардың бөліну және терінің жаңа тіндері қалыптасуының бұл үрдісі терінің серпімділігін қалпына келтіреді және жаралардың жазылуын көтермелейді.

Дозалау режимі Жақпамайды терінің зақымданған аймағына қажет болғанда күніне бір немесе бірнеше рет жұқалап жағады. Емдеу ұзақтығы емнің көрсетілімдеріне және тиімділігіне байланысты Пациенттердің ерекше топтары Балалар Нәрестеге күтім жасау: жақпамай жөргекті (жөргекті) ауыстырған сайын қолданылады. Бала емізетін аналардың сүт бездеріне күтім жасау: жақпамай әр тамақтандырудан кейін емізікке жағылады. Келесі емізу алдында жақпамайдың қалдықтарын сүрткімен немесе жұмсақ матамен сүртіп алу керек. Енгізу әдісі мен жолы Сыртқа қолдануға арналған. Қабылдау уақыты көрсетілген қолдану жиілігі Қажеттілігі бойынша күніне бір немесе бірнеше рет. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Сұрақтар туындаған жағдайда емдеуші дәрігерге қаралыңыз.

• Декспантенолға немесе препараттың қандай да бір басқа қосымша затына жоғары сезімталдық; • декспантенолды қан кету қаупінің жоғары болуына байланысты гемофилиясы бар пациенттерге жараға қолдануға болмайды. Егер сізде жоғарыда аталған жағдайлардың бірі болса, препаратты қолданар алдында осы жайында дәрігерге хабарлаңыз.

Барлық дәрілер сияқты, бұл дәрі жағымсыз әсерлер тудыруы мүмкін, бірақ олар бәрінде біліне бермейді. Өте сирек (10 000 адамның 1-ден азында пайда болуы мүмкін): • аллергиялық реакциялар, • терідегі аллергиялық реакциялар, • жанаспалы дерматит, • аллергиялық дерматит, • қышыну, • терінің қызаруы, • экзема, • бөртпелер, • есекжем, • терінің тітіркенуі және ойық жаралары. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары адамдарға қолжетімсіз. Декспантенолдың шамадан тыс мөлшерін қолданған жағдайдың өзінде оның уыттылығы төмен және пациенттің денсаулығына қауіп төндіретін жағымсыз әсерлер тудырмайды.

Декспантенолдың кездейсоқ көзге түсуін болдырмаған жөн. Аллергиялық реакция белгілері пайда болған жағдайда декспантенол қолдануды тоқтату керек. Пациенттер, егер олар өздерін жақсы сезінбесе немесе қолдану басталғаннан кейін 14 күн өткен соң өздерін нашар сезінсе, дәрігермен кеңесу керек. Арнайы ескертулер Жүктілік, бала емізу кезеңі және фертильділік Жүктілік Жүктілік кезіндегі қауіптерді көрсететін фактілер жоқ. Дегенмен, жүктілік кезінде декпантенолды тек дәрігердің нұсқауы бойынша қолдану керек. Бала емізу РЕКРЕОЛ® жақпамай препараты бала емізу кезеңінде қолданылады. Емізік сызаттарын емдеу кезінде тамақтандыру процедурасынан бұрын жақпамай қалдықтарын сүртіп алу керек. Фертильділік Декспантенолдың адам фертильділігіне әсер етуіне зерттеулер жүргізілген жоқ. Шарананың дамуына әсері белгісіз. Егер сіз жүкті болсаңыз немесе бала емізіп жүрсеңіз, онда бұл туралы дәрігерге хабарлаңыз. Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Әсер етпейді. Қосымша заттар РЕКРЕОЛ® жақпамайының құрамында ланолин, стеарил спирті және цетил спирті бар, олар жергілікті тері реакцияларын (мысалы, жанаспалы дерматит) тудыруы мүмкін.

Нұсқаулықта көрсетілмеген.

Декспантенолдың өзара әрекеттесуіне зерттеу жүргізілген жоқ. Өзара әрекеттесуі белгісіз. Декспантенолдың кез келген басқа дәрілермен өзара әрекеттесуіне дәлелдер жоқ.

Сақтау мерзімі 2,5 жыл Жарамдылық мерзімі өткеннен кейін қолдануға болмайды! Сақтау шарттары 25С-ден аспайтын температурада сақтау керек. Балалардың қолы жетпейтін жерде сақтау керек!