Релипоэтин раствор 2000 МЕ/0.5 мл

Бір шприцтің ішінде белсенді зат - 2000 ХБ, 4000 ХБ, 10000 ХБ эпоэтин альфа қосымша заттар: динатрий фосфат додекагидраты, натрий дигидрофосфат дигидраты, глицин, полисорбат 20, натрий хлориді, инъекцияға арналған су Сипаттамасы Бөлшектерден бос түссіз, мөлдір сұйықтық

- гемодиализдегі 1-ден 18 жасқа дейінгі балаларда және ересектерде және перитонеальді диализдегі ересектерде созылмалы бүйрек жеткіліксіздігімен байланысты (СБЖ) симптоматикалық анемияда - диализсіз бүйрек функциясының жеткіліксіздігі бар ересек пациенттерде клиникалық симптомдармен қатар жүретін ауыр дәрежедегі анемияда - химиотерапия қабылдап жүрген немесе пациенттің жалпы статусына (мысалы, жүрек-қантамыр статусы, химиотерапияның бас кезінде қатар жүретін анемия) баға беруге сай трансфузия қаупі бар топтағы, ауқымды ісіктері, қатерлі лимфомасы немесе көптеген миеломасы бар ересек пациенттерде анемияны емдеу және гемотрансфузиялар қажеттілігін азайту үшін - операция алдында аутологиялық қан дайындау бағдарламасы шегінде үлкен көлемде (әйелдер үшін 4 немесе одан көбірек бірлікте немесе еркектер үшін 5 немесе одан көбірек бірлікте) қан құюды қажет ететін ауқымды хирургиялық араласым алдында қанға қол жетпеген немесе қанды сақтау шаралары жеткіліксіз болған жағдайда, ауырлығы орташа дәрежедегі (Hb 10-13 г/дл [6,2 – 8,1 ммоль/л] темір тапшылығынсыз) анемиясы бар ересек пациенттерге жасалатын ауқымды жоспарлы хирургиялық араласым алдында

Әсер ету механизмі Эритропоэтин гипоксияға жауап ретінде ең алдымен бүйрек арқылы өндіріліп шығатын гликопротеин гормоны және эритроциттердің түзілуінің негізгі реттеушісі болып табылады. Эритропоэтин эритроидтардың барлық даму кезеңдеріне қатысады және эритроидтық ізашар деңгейінде негізгі әсер береді. Эритропоэтин жасуша беткейінің рецепторларымен байланысады, апоптозға кедергі жасайтын сигналдардың берілу жолын белсенді етеді және эритроидтық жасушалардың пролиферациясын стимуляциялайды. Қытай атжалманының аналық жасушаларынан жасалатын адамның рекомбинантты эритропоэтинінде (эпоэтин альфа) несептегі адамның эритропоэтиніне ұқсас бірізділікпен 165 амин қышқылы бар; олардың 2-уін функциональді талдау барысында ажырату қиын. Эритропоэтиннің болжамды молекулалық массасы 32000-нан 40000 дальтонға дейінді құрайды. Эритропоэтин ең алдымен эритроциттердің өндірілуін стимуляциялайтын өсу факторы болып табылады. Эритропоэтиннің рецепторлары әртүрлі ісік жасушаларының бетінде экспрессиялануы мүмкін. Фармакодинамикалық әсерлері Эпоэтин альфаның бір реттік (20000 - 160000 ХБ тері астына) дозасынан кейін, зерттелетін мына: ретикулоциттер, эритроциттер және гемоглобин сияқты фармакодинамикалық маркерлер арасынан дозаға байланысты жауап байқалды. Ретикулоциттер пайызы өзгерген кезде ең жоғары шегімен және бастапқы деңгейіне оралуымен білінетін концентрация – уақыт бейіні байқалды. Азырақ білінетін бейін эритроциттерде және гемоглобинде байқалды. Барлық фармакодинамикалық маркерлер дозаға байланысты ретпен жоғарылады және ең жоғары доза деңгейінде ең жоғары баға беруге жетті. Әрі қарайғы фармакодинамикалық зерттеулер, аптасына 3 рет 150 ХБ/кг дозамен салыстырғанда, аптасына бір рет 40000 ХБ енгізуді зерттеді. Концентрация–уақыт бейініндегі айырмашылыққа қарамастан, фармакодинамикалық жауап (ретикулоциттер, гемоглобин, эритроциттер пайызының және эритроциттердің жалпы мөлшерінің өзгеруі ретінде өлшенеді) осы режимдер арасында ұқсас болды. Қосымша зерттеулерде эпоэтин альфа препаратының аптасына бір рет 40000 ХБ дозасы тері астына енгізілетін 2 аптада бір рет 80000-нан 120000 ХБ дейінгі дозалармен салыстырылды. Фармакодинамикалық зерттеулер нәтижелері бойынша, аптасына бір рет 40000 ХБ дозалау режимі кезінде екі аптада бір рет енгізуге қарағанда, аптасына бір рет және екі аптада бір рет енгізгенде ретикулоциттерді өндіруге ұқсас болғанына қарамастан, эритроциттерді өндіру үшін өте тиімді болып табылды. Бүйректің созылмалы жеткіліксіздігі Эпоэтин альфа БСЖ анемиясы бар, соның ішінде диализде жүрген және диализге дейін пациенттердегі эритропоэзді стимуляциялайды. Эпоэтин альфа препаратына жауаптың алғашқы белгісі ретикулоциттердің 10 күн ішінде артуы, әрі қарай эритроциттердің, гемоглобиннің және гематокриттің, әдеттегідей, 2-ден бастап 6 аптаға дейінгі шекте көбеюі болып табылады. Гемоглобиннің жауабы пациентке байланысты және темір қорына және қатар жүретін медициналық жағдайларға байланысты болуы мүмкін. Химиялық емнен болатын анемия Химиотерапия қабылдап жүрген, анемиясы бар онкологиялық пациенттерге аптасына 3 рет немесе аптасына бір рет енгізілетін эпоэтин альфа емдеудің алғашқы айынан кейін гемоглобинді арттырады және құю қажеттілігін азайтады. Емдеу режимі салыстырылатын зерттеуде: дені сау субъектілерде және анемиясы бар онкологиялық пациенттерде аптасына 3 рет 150 ХБ/кг және аптасына бір рет 40000 ХБ дозада ретикулоциттердің, гемоглобиннің пайызындағы және эритроциттердің жалпы мөлшеріндегі өзгерулердің уақытша бейіндері дені сау субъектілерде және анемиясы бар онкологиялық пациенттерде дозалаудың екі режимі арасында ұқсас болды. Дені сау еріктілерде және анемиясы бар онкологиялық пациенттерде тиісті фармакодинамикалық параметрлердің AUC мәні аптасына 3 рет 150 ХБ/кг және аптасына бір рет 40000 ХБ дозалау режимдері арасында ұқсас болды. Операция алдында аутологиялық қан дайындау бағдарламасына қатысатын ересек пациенттер Жоспарлы операция тағайындалған ересек пациенттерде эпоэтин альфа аутологиялық қан мөлшерін арттыру, сондай-ақ гемоглобиннің төмендеуін шектеу мақсатында эритроциттердің өндірілуін стимуляциялайды және операциядан кейінгі кезеңде қанға толық қажеттілік бар деп күтілмейді. Өте үлкен әсерлер гемоглобин деңгейі төмен (≤ 13 г/дл) пациенттерде байқалады. Жоспарлы ауқымды ортопедиялық операция тағайындалған ересек пациенттерді емдеу Жоспарлы ауқымды ортопедиялық операция тағайындалған, гемоглобиннің бастапқы деңгейі > 10-нан - ≤ 13 г/дл дейін болған пациенттерде эпоэтин альфа аллогенді қан құйылулар қабылдау қаупін азайтады және эритроциттердің қалпына келуін (гемоглобиннің, гематокриттің және ретикулоциттердің жоғары деңгейлерін) жылдамдатады.

Дозалау режимі Гемодиализде жүрген бүйректің созылмалы жеткіліксіздігі бар пациенттер үшін препаратты вена ішіне енгізген дұрыс. Гемодиализ алмайтын пациенттерге Релипоэтинді тері астына енгізуге болады. Анемия белгілері мен асқынулары жасқа, жынысқа және қатар жүретін ауруларға қарай өзгеруі мүмкін, сондықтан дәрігер аурудың клиникалық ағымын және пациенттің жай-күйін бағалауы қажет. Релипоэтин гемоглобинді көтеру үшін көрсетілімді, бірақ 12 г/дл дейіннен көп емес (7.5 ммоль/л). Төрт апталық кезеңде гемоглобинді 2 г/дл-ден артық (1.25 ммоль/л) асырмау керек. Егер бұл орын алса, дозаны тиісінше түзету қажет. Пациенттің жеке ерекшеліктеріне қарай, әртүрлі гемоглобин мәндерін байқауға болады, яғни гемоглобин көзделген деңгейден жоғары немесе төмен болуы мүмкін. Гемоглобин деңгейі гемоглобин 10 г/дл-ден (6.2 ммоль/л) 12 г/дл (7.5 ммоль/л) дейінгі диапазонда болатын дозаға байланысты болуы мүмкін. Балаларда ұсынылатын гемоглобиннің нысаналы диапазоны 9.5 және 11 г/дл (5.9-6.8 ммоль) арасында ауытқиды. Гемоглобиннің ұзақ уақыт 12 г/дл-ден (7.5 ммоль/л) көп көтерілуіне жол бермеген жөн. Егер гемоглобин айына 2 г/дл-ден (1.25 ммоль/л) артық жоғарыласа немесе гемоглобиннің көбеюі 12 г/дл-ден (7.5ммоль/л) асып кетсе, эпоэтин альфа дозасы 25% азайтылуы тиіс. Егер гемоглобин 13 г/дл-ден асып кетсе (8.1 ммоль/л), гемоглобин 12 г/дл-ден (7.5 ммоль/л) төмен азайғанша емдеу тоқтатылуы, ал артынан алдыңғы дозасынан 25% аз дозадағы эпоэтин альфамен емдеу қайта жүргізілуі тиіс. Пациенттер Релипоэтин дозасының және анемияны талапқа сай емдеудің сәйкестігі тұрғысынан тұрақты қадағалануы тиіс. Темір деңгейі емдеуге дейін және ем кезінде анықталады. Қажет болса, темір тапшылығы жағдайында құрамында темір бар препараттар тағайындалады. Бұдан бөлек, эпоэтин альфа тағайындалғанша B12 дәруменінің жетіспеуі немесе фолий қышқылының тапшылығы сияқты анемияның басқа себептері жоққа шығарылуы тиіс. Эпоэтин альфамен емдеуге төзімділікті анықтау қажет. Себептері мыналар болуы мүмкін: темір тапшылығы, фолий қышқылы тапшылығы немесе B12 дәруменінің тапшылығы, алюминиймен уыттану, интеркуррентті инфекциялар, қабыну немесе жарақаттану көріністері, жасырын қан жоғалту, тромбоциттердің төмен мөлшері, шығу тегі кез келген сүйек кемігі фиброзы. Гемодиализде жүрген ересек пациенттер Вена ішіне қолданылатын гемодиализ алатын пациенттерге препаратты вена ішіне енгізу ұсынылған. Емдеу 2 сатыда жүргізіледі: Түзету фазасы. Релипоэтин аптасына 3 рет дене салмағына 50 ХБ/кг есебінен енгізіледі. Қажет болса, дозаны түзету төрт апта ішінде біртіндеп жүргізіледі. Дозаны әр жолы арттырғанда немесе азайтқанда ол гемоглобиннің оңтайлы деңгейіне жеткенше аптасына 3 рет дене салмағына 25 ХБ/кг құрауы тиіс. Демеуші фаза: Гемоглобин мәндерін қажетті деңгейде сақтап тұру үшін әдеттегі доза аптасына үш рет дене салмағына 25-100 ХБ/кг арасын құрауы тиіс. Аптасына ұсынылатын жалпы доза 75-тен 300 ХБ/кг дейін құрауы тиіс. Гемодиализде жүрген балалар Емдеу 2 сатыға бөлінеді: Түзету фазасы: Релипоэтин аптасына 3 рет 50 ХБ/кг есебінен вена ішіне енгізіледі. Доза біртіндеп түзетіледі және қалаулы әсеріне жеткенше 4 апталық аралықпен аптасына 3 рет 25 ХБ/кг құрауы тиіс. Демеуші фаза Дозаны түзету гемоглобин мәндерін 9.5-тен 11 г/дл дейінгі (5.9 - 6.8 ммоль/л) қалаулы деңгейде сақтап тұру үшін қажет. Салмағы 30 кг дейінгі балаларға салмағы 30 кг-ден көп балалар мен ересектердегіден едәуір жоғары демеуші дозалар қажет болады. Мысалы, кестеде берілген демеуші дозалар клиникалық зерттеулер кезінде 6 ай емделуден кейін енгізілді. Дозалау (3 апта ішінде енгізілген ХБ/кг) Салмағы (кг) — Орташа — Әдеттегі демеуші доза <10 — 100 — 175-150 10-30 — 75 — 60-150 >30 — 33 — 30-100 Перитонеальді диализде жүрген ересек пациенттер Перитонеальді диализде жүрген пациенттер де Релипоэтин препаратын вена ішіне де, тері астына да енгізу тәсілі мүмкін болады. Түзету фазасында препарат аптасына екі рет дене салмағына 50 ХБ/кг есебінен енгізіледі. Қажет болса, дозаны дене салмағына 25 ХБ/кг сатылап (4 аптада бір реттен жиі емес) арттыруға болады. Демеуші фаза: гемоглобиннің оңтайлы деңгейін сақтап тұру үшін әдеттегі доза аптасына екі рет дене салмағына 25-50 ХБ/кг құрайды. Диализ алмайтын ересек пациенттер Диализ алмайтын СБЖ бар пациенттерде Релипоэтин препаратын вена ішіне те, тері астына да енгізу тәсілі мүмкін болады. Түзету фазасы: Релипоэтин аптасына үш рет дене салмағына 50 ХБ/кг есебінен енгізіледі. Қажет болса, дозаны гемоглобиннің оңтайлы деңгейіне жеткенше аптасына үш рет дене салмағына 25 ХБ/кг (4 аптада бір реттен жиі емес) арттыруға болады. Демеуші фазада Релипоэтин аптасына 3 рет енгізіледі. Тері астына енгізу жағдайында препарат аптасына 1 рет немесе екі аптада 1 рет енгізіледі. Гемоглобиннің жетуге тиісті концентрациясы 10-нан 12 г/дл дейін (6,2-7,5 ммоль/л) құрауы тиіс. Аралықтардың ұзаруы дозаны арттыруды талап етуі мүмкін. Ең жоғары доза аптасына 3 рет 150 ХБ/кг-ден, аптасына 1 рет 240 ХБ/кг-ден (ең жоғарысы 20000 ХБ), әр 2 аптада 1 рет 480 ХБ/кг-ден (ең жоғарысы 40000 ХБ) аспауы тиіс. Енгізу әдісі және жолы Препарат тері астына немесе вена ішіне енгізіледі. Вена ішіне енгізу. Енгізу ұзақтығы – кемінде 1-5 минут. Препараттың енгізілуіне тұмау тәрізді синдромы білінетін пациенттер үшін баяулау енгізу дұрыс. Препаратты венаішілік инфузия түрінде енгізуге немесе оны басқа дәрілік заттармен араластыруға рұқсат етілмейді. Гемодиализде жүрген пациенттерге диализ кезінде сәйкес келетін веналық түтік арқылы вена ішіне сорғалатып енгізеді. Баламалы түрде, инъекцияны диализдің соңында веналық тамшылатқыш инесі арқылы фистулаға енгізіп, әріқарай жалғағыш түтіктерді жуып-шаю үшін, сондай-ақ препараттың инъекциядан кейін айналым жүйесіне қанағаттанарлық енгізілуін қамтамасыз ету үшін 10 мл изотониялық ерітінді енгізуге болады. Тері астына енгізу. Тері астына салынатын бір инъекцияның ең жоғары көлемі 1 мл-ден аспауы тиіс, көп көлемдер енгізу қажет болса, бірнеше енгізу нүктесін пайдалану керек. Препарат иық, сан, алдыңғы құрсақ қабырғасы терісінің астына енгізіледі. Енгізу тәсілін өзгерткенде препаратты бұрынғы дозасында енгізеді, қажет болса, артынан дозаны түзетеді (тері астына енгізу кезінде емдік әсеріне жету үшін вена ішіне енгізілуінен 20-30% аз доза қажет болады). Препаратты алдын ала толтырылған шприц көмегімен өз бетінше енгізу техникасы. 1. Тоңазытқыштан шприцті алыңыз. Ерітіндіні бөлме температурасына дейін жеткізу қажет. Әдетте, ол 15-30 минут уақыт алады. 2. Шприцтің дұрыс дозалануын, сақтау мерзімін, бүлінген тұстарының бар-жоғын, сондай-ақ ерітіндінің мөлдірлігін тексеріңіз. 3. Инъекция орынын таңдаңыз. Инъекция үшін ыңғайлы орындар - санның жоғарғы бөлігі және, кіндік маңы аумағынан басқа, алдыңғы құрсақ қабырғасы. Инъекция салатын жерлерді күнделікті ауыстырыңыз. 4. Қолыңызды жуыңыз. Инъекция орынын оны дезинфекциялайтын антисептикке шыланған тампонмен сүртіңіз. 5. Шприцтің корпусынан ұстап тұрып, шприц қаптамасын алып тастаңыз. Поршенді басуға, инеге тиіп кетуге немесе шприцті сілкуге тыйым салынады. 6. Бас бармақ пен сұқ саусақ арасындағы тері қатпарына инені енгізіңіз. 7. Қан тамырының тесіліп кету ықтималдығын айқындаңыз. Бұл үшін поршенді сәл тартыңыз. Егер шприцке қан түсіп кетсе, инені шығарып алып, басқа жерден шаншып көріңіз. 8. Ерітіндіні түгел инъекциялау үшін поршенді түбіне дейін басыңыз. Инені қорғау құрылғысы толық доза енгізілгенше іске қосылмайды. 9. Инені шығарып, тері қатпарын жазыңыз. 10. Бас бармағыңызды поршеннен алыңыз. Иненің қорғағыш қондырғымен толық жабылғанша жылжуына мүмкіндік беріңіз. 11. Антисептикпен тампонды инъекция салған жерге бірнеше секунд басып тұрыңыз. 12. Өзіңіз пайдаланған шприцті қауіпсіз контейнерге тастаңыз. Әр шприцтен бір дозадан ғана пайдаланыңыз. Егер инъекциядан кейін шприцте ерітінді қалса, бәрібір шприцті оны қайта пайдаланбай-ақ тастау қажет.

- препараттың кез келген компонентіне жоғары сезімталдық - бақыланбайтын артериялық гипертензия - қандай да бір эритропоэтинмен бұрын жүргізілген емнен кейінгі парциальді қызыл жасушалы аплазия - жүктілік және лактация кезеңі - темір тапшылықты жай-күйлер - коронарлық, ұйқы, ми және шеткері тамырлардың ауыр патологиясы, таяуда өткерген миокард инфарктісі, тұрақсыз стенокардия - терең веналар тромбозы мен тромбоэмболия қаупінің, әсіресе, аутогемотрансфузияларға тән жоғарылауы - гемодиализдегі СБЖ бар 1 жасқа дейінгі балаларға

Релипоэтинмен емдеу кезінде ең жиі кездесетін жанама әсер қан қысымының дозаға байланысты жоғарылауы немесе бар гипертензияның нашарлауы болып табылады. Эпоэтин альфа қолданғанда жоғары сезімталдық (қабыну, қан тамырларынан сұйықтықтың ісіну пайда болуымен қоршаған тіндерге ағуы) және аллергиялық реакциялар (тері бөртпесі, экзема, есекжем, қышу), анафилактикалық реакциялар және ангионевротикалық ісіну (Квинке ісінуі) дамуы мүмкін. Төменде пациенттерде байқалған жағымсыз реакциялар берілген. Өте жиі (≥1/10) - бас ауыру (онкологиялық пациенттер) - артралгия (БСЖ бар пациенттер) - жүрек айну - қызба (онкологиялық пациенттер) Жиі (≥1/100, <1/10) - құрысулар (БСЖ бар пациенттер) - бас ауыру (БСЖ бар пациенттер) - терең веналар тромбозы, артериялық гипертензия (гипертониялық криз) - өкпе артериясының эмболиясы (онкологиялық пациенттер) - құсу, диарея (онкологиялық пациенттер) - тері бөртпесі - артралгия (онкологиялық пациенттер), сүйектердің ауыруы, аяқ-қолдың ауыруы - көбінесе емдеудің басында тұмау тәрізді синдром туындауы мүмкін - аневризманың артерия-веналық шунт тромбозы, стеноз, аневризма (онкологиялық пациенттер) - жөтел Жиі емес (≥1/1000, <1/100) - тромбоцитемия (онкологиялық пациенттер) - мидан қан кету - құрысулар (онкологиялық пациенттер) - диарея (БСЖ бар пациенттер) - миалгия (онкологиялық пациенттер) - гиперкалиемия1 Жиілігі белгісіз - эритропоэтиндік антиденелерде шоғырланған парциальді қызыл жасушалы аплазия, тромбоцитемия (БСЖ бар пациенттер) - анафилаксиялық реакция - цереброваскулярлық жағдайлар, гипертониялық энцефалопатия (бас ауруы, сананың бұзылуы және жалпыланған тоник-клоникалық құрысулар, тіпті эпоэтин альфа еміне дейін қалыпты қан қысымы болған ауыр науқастарда, кенеттен, жедел мигрен тәрізді бас ауруы түрінде прекурсор симптомы болуы мүмкін), транзиторлы ишемиялық шабуыл - торқабық тамырларының тромбозы - өкпе артериясының эмболиясы (БСЖ бар пациенттерде өліммен аяқталған жағдайлар орын алды) - ангионевроздық ісіну, есекжем - миалгия (онкологиялық пациенттер) - порфирия - емнің тиімсіз болуы - шеткері ісіну - қызба (БСЖ бар пациенттер) - препарат енгізілген жердегі әлсіз немесе орташа ауырсыну (тері астына енгізу кезінде жиірек) - эритропоэтинге антиденелердің түзілуі Жекелеген жағдайларда - диализ жүргізілмейтін бүйрек жеткіліксіздігі бар ересек пациенттерде мұрын қуысының бітелуі түрінде жоғарғы тыныс жолдары тарапынан іркілісті құбылыстарды байқауға болады. 1 Жалпы диализде Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Эпоэтин альфаның емдік диапазоны өте кең ауқымды, алайда емге берілетін жеке жауапқа назар аудару керек. Эпоэтин альфамен артық дозалану шамадан тыс эритропоэз, гемоглобин деңгейінің 13 г/дл-ден жоғары аса күрт көтерілуі, тромбоцитоз сияқты әсерлерге әкелуі мүмкін. Емі: гемоглобиннің өте жоғары деңгейлерінде қан шығаруды қолдануға болады. Қажет болса, қосымша демеуші ем тағайындалады. Әсері болмаған жағдайда препаратты тоқтату қажет.

Эпоэтин альфаның емдік диапазоны өте кең ауқымды, алайда емге берілетін жеке жауапқа назар аудару керек. Арнайы сақтандырулар Эпоэтин альфа алатын барлық пациенттерге артериялық қысым бақылауы қажет. Эпоэтин альфа соңына дейін емделмеген немесе емге нашар берілетін гипертония болғанда абайлап пайдаланылуы тиіс. Мүмкін, гипотензиялық емді қосу немесе түзету қажет болады. Егер артериялық қысым емдеумен немесе гипотензиялық препараттармен бақыланбайтын болса, Релипоэтинмен емдеу тоқтатылуы тиіс. Эпоэтин альфа, сонымен қатар, анамнездегі құрысулармен эпилепсия бір мезгілде және бүйректің созылмалы жеткіліксіздігі болғанда сақтықпен пайдаланылуы тиіс. Бауыр функциясының бұзылулары бар пациенттерде препараттың қауіпсіздігі анықталмады. Релипоэтин препаратын қолдану кезінде бауыр функциясының бұзылуы бар пациенттерде метаболизмнің төмендеуі салдарынан эритропоэз күшеюі мүмкін. Пациенттердің бәрінде, егер гемоглобин концентрациясы қолдануға көрсетілімді диапазоннан жоғары болса, тромбоэмболиялық зардаптардың және өліммен аяқталулардың көбею қаупін ескеріп, гемоглобин деңгейін бақылап отыру қажет. Қалып шегіндегі тромбоциттер санының дозаға тәуелді орташа артуы болуы мүмкін. Ол емді жалғастыруға қарай азаяды. Қалып шегінен шығып кеткен тромбоцитемия да болды. Емнің алғашқы 8 аптасы ішінде тромбоциттер санына жүйелі мониторинг өткізу ұсынылады. Эпоэтин альфамен емдеуді бастар алдында анемияның басқа себептерінің бәрін де (темір тапшылығы, гемолиз, қан жоғалту, B12 дәруменінің жетіспеуі немесе фолий қышқылының тапшылығы) ескеру қажет. Көпшілік жағдайларда ферритин деңгейінің мәндері гематокриттің артуымен бір мезгілде төмендейді. Эпоэтин альфамен емге оңтайлы жауапты қамтамасыз ету үшін темір деңгейін арттыру қажет: - сарысудағы ферритин деңгейлері 100 нг/мл-ден төмен бүйректің созылмалы жеткіліксіздігімен науқастарға темір препараттары, мысалы, 200-300 мг/күн (балаларға 100-200 мг/күн) пероральді ұсынылады; - трансферриннің қанығу көрсеткіші 20%-дан төмен бар онкологиялық аурулары бар пациенттердің бәріне 200-300 мг/тәуліктен бастап пероральді темір препараттары ұсынылады. Анемияның осы аддитивті факторларының бәрін обырмен науқастарда Релипоэтин дозасын арттыру туралы шешім қабылдағанда ескеру керек. Эритропоэзді көтермелейтін дәрілік заттарды жақсы ажырату үшін қолданылатын дәрілік заттың саудалық атауы (эритропоэз стимуляторы) пациенттің ілеспе құжаттарында анық жазылуы тиіс. Пациенттер эритропоэздің бір стимуляторынан қолданудан басқа біріне тек маманның қатаң бақылауымен ғана ауысуы тиіс. Сүйек кемігінің нағыз эритроцитарлық аплазиясы Антиденелерде шоғырланған нағыз эритроцитарлық аплазия (НЭА) бір айдан бір жылға дейін созылған эпоэтин альфамен емдеуден кейін өте сирек хабарланды. Гемоглобин азаюы түрінде (айына 1-2 г/дл) тиімділіктің төмендеуі дамыған пациенттерде гемотрансфузияларға қажеттілік артады, осы орайда ретикулоциттер санын айқындау және жауаптың төмендеу себептерін (мысалы, темірдің, фолаттың жетіспеуі немесе B12 дәрумені тапшылығы, алюминиймен уыттану, инфекциялар немесе қабынулар, қан жоғалту және гемолиз) анықтау қажет. Егер анемияны ескерумен түзетілген ретикулоциттер саны (ретикулоцитарлық «индекс») төмен (<20 000/мм3 немесе <20 000/мкл немесе <0,5%), ал тромбоциттер мен лейкоциттер саны қалыпты болса, ал егер препарат әсерін төмендеткен басқа себептер анықталмаса, эритропоэтинге антиденелер деңгейін айқындап, сондай-ақ НЭА диагностикалау мақсатында сүйек кемігін зерттеу мүмкіндігін қарастыру керек. Егер антиденелерде шоғырланған НЭА антиэритропоэтиніне күмән туындаса, Релипоэтинмен емдеу дереу тоқтатылуы тиіс. Айқаспалы реакция қаупінің салдарынан қандай да бір эритроцитопоэздік емдеу талап етілмейді. Бүйректің созылмалы жеткіліксіздігі бар ересектер мен балаларда симптоматикалық анемияны емдеу. Бүйректің созылмалы жеткіліксіздігімен науқастарда артериялық қысымның көтерілу қауіптерін жоққа тән азайту үшін гемоглобиннің арту көрсеткіші айына 1 г/дл жуық (0.62 ммоль/л) құрауы және айына 2 г/дл-ден аспауы (1.25 ммоль/л) тиіс. Бүйректің созылмалы жеткіліксіздігі бар пациенттер де гемоглобин концентрациясы гемоглобиннің нысаналы концентрациясының жоғарғы шегінен аспауы тиіс. Клиникалық зерттеулерде 12 г/дл-ден артық (7.5 ммоль/л) гемоглобинге жету үшін эритропоэзді көтермелейтін препараттармен емделгенде өмірге зор қатерлер төнуі және ауыр жүрек-қантамыр зақымданулары байқалды. Эритропоэз көтермелеуші препараттарды тері астына қабылдайтын бүйректің созылмалы жеткіліксіздігімен науқастар тиімділіктің төмендеуі, яғни бұрын осындай емдеуге жауабы болған пациенттерде эритропоэзді көтермелейтін препараттармен емдеуге жауаптың болмауы немесе төмендеуі тұрғысынан жүйелі тексерілуі тиіс. Бұл, препарат дозасын арттыруға қарамастан, гемоглобиннің ұзақ уақыт төмендеуімен сипатталады. Шунт тромбоздары, әсіресе, гипотонияға бейімділігі бар немесе артерия-веналық фистулалар асқынулар туындатқан (мысалы, стеноздар, аневризмалар және т.б.) гемодиализдік пациенттерде байқалады. Шунтты тексеру және ацетилсалицил қышқылын енгізу арқылы тромбоз профилактикасын жүргізу маңызды. Гиперкалиемия бірлі-жарым жағдайларда байқалды. Бүйректің созылмалы жеткіліксіздігі бар пациенттерде анемияны емдеу тәбеттің артуына және ақуыз бен калий тұтынылуына әкелуі мүмкін. Диализдің қолданылуын мочевина, креатинин және калийді қажетті диапазонда сақтап тұру үшін мезгіл-мезгіл түзету қажет. Бүйректің созылмалы жеткіліксіздігі бар пациенттерде сарысудағы электролиттерді зерттеу қажет. Сарысуда калий деңгейі көбейген жағдайда эпоэтин альфамен емдеу гиперкалиемияның жойылуына дейін тоқтатылуы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Рэлипоэтин автокөлікті басқару немесе аса қауіпті механизмдермен жұмыс істеу қабілетіне ықпалын тигізбейді.

Нұсқаулықта көрсетілмеген.

Эпоэтин альфаны циклоспоринмен бір мезгілде қолдану соңғысының дозасын оның эритроциттермен байланысуының артуы салдарынан түзету қажеттілігін туындатуы мүмкін. Препаратты басқа дәрілік препараттардың ерітінділерімен араластыруға болмайды. Эпоэтин альфамен емдеудің басқа препараттар метаболизмін өзгертетініне қандай да бір дәлелдер жоқ. Алайда, циклоспорин эритроциттермен байланысатындықтан, дәрілік өзара әрекеттесу қаупі туындайды. Егер эпоэтин альфа циклоспоринмен бірге енгізілсе, қандағы циклоспорин деңгейлері тексерілуі, ал егер гематокрит көтерілсе, кейіннен циклоспорин дозасы түзетілуі тиіс. Релипоэтин препаратының әсері темір тапшылықты жай-күйлерде темір сульфаты сияқты препараттарды бір мезгілде тағайындаумен күшеюі мүмкін. Эритропоэзді бәсеңдететін препараттар Релипоэтин препаратының тиімділігін төмендетуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 2оС-ден 8оС-ге дейінгі температурада сақтау керек. Балалардың қолы жетпейтін жерде сақтау керек!