Ремантадин® капсулы 100 мг

Бір капсула құрамында белсенді зат – 100 мг римантадин гидрохлориді, қосымша заттар: лактоза моногидраты, картоп крахмалы, стеарин қышқылы, бояғыш: «күн батар түстес» сары FCF (Е 110), Капсула корпусы мен қақпақшасының құрамы: титанның қостотығы (E 171), желатин. Сыртқы түрінің, иісінің, дәмінің сипаттамасы № 0 қатты желатинді капсулалар, ақ түсті корпусы және қақпақшасы бар. Капсула ішінде – реңі жеңіл қызғылттан қоңырға дейінгі, ақ қосылыстары бар қызғылт сары түсті ұнтақ.

- А типті тұмауды ерте сатысында емдеу - эпидемиялық маусым кезеңіндегі А типті тұмау профилактикасы Римантадин тұмауға қарсы вакцинацияны алмастырмайды. А тұмауы вирусының жекелеген серотиптеріне резистенттілік әр жылдары және әлемнің әр аймақтарында ерекшеленуі мүмкін. Тұмауды емдеуге және профилактикасына арналған вирусқа қарсы препараттарды қолдану ресми ұсынымдар негізінде анықталуы тиіс. Римантадинді емдеу және профилактика үшін пайдалануға қатысты шешім қабылдайтын дәрігер айналымдағы тұмау вирустары туралы ақпаратты, сондай-ақ әрбір жыл мезгілі және аймақ үшін вирустардың дәрілік затқа сезімталдығы туралы қолжетімді ақпаратты ескеруі тиіс.

Ремантадин - адамантан туындысы, вирусқа қарсы айқын белсенділікке ие. Препарат тұмау вирусының А типіне қарсы тиімді, В тұмау вирусына қарсы әсері жоқ немесе аздаған әсерге ие. Ремантадин циклдің ерте сатыларында вирус репликациясын тежейді, бұл вирус қабықшасының қалыптасуын бұза отырып жүруі мүмкін. А тұмау вирусына қатысты Ремантадиннің вирусқа қарсы әсерінде вирион гені М2 спецификалық ақуызының мәні маңызды. Ремантадин А – H1N1, H2N2 және H3N2 тұмау вирусының антигендік қосалқы түрлерінің адамда бөлінген үш репликациясын in vitro тежейді. Ремантадин белсенділігі жойылған А тұмауы вакцинасының иммуногенетикалық қасиеттеріне әсер етпейді. Ремантадинге төзімді вирустар Ремантадинді жабық ортада қолданған кезде анықталды.

Дозалау режимі Препаратты қабылдауды тұмаудың алғашқы симптомдары пайда болғаннан кейін бірден бастау керек. Егер қолдану аурудың алғашқы 48 сағаты ішінде басталса, емдік әсері анағұрлым айқын болады. Тұмауды емдеу: ересектерге арналған доза күніне 2 рет 100 мг құрайды. Егде жастағы адамдар (65 жастан асқан): доза күніне бір рет 100 мг құрайды. Емдеу курсының ұзақтығы 5 күнді құрайды. Тұмау профилактикасы: Препаратты қолдануды тұмау эпидемиясы басталысымен бастау керек. Оны тұмау эпидемиясы кезінде қабылдау керек, бірақ 2 аптадан аспауы керек. Ересектерге доза күніне 2 рет 100 мг құрайды. Егде жастағы адамдарға және асқыну қаупі жоғары пациенттерге доза күніне бір рет 100 мг құрайды. Пациенттердің ерекше топтары Бүйрек функциясы бұзылған пациенттер Бүйрек функциясының ауыр бұзылыстарында препаратты қолдануға болмайды. Ауырлық дәрежесі жеңіл немесе орташа бүйрек функциясы бұзылған пациенттерге препаратты қолданар алдында дәрігерден кеңес алу және қажет болса дозаны түзету керек: күніне бір рет 100 мг. Аталған топтың пациенттерін мұқият қадағалау қажет. Бауыр функциясы бұзылған пациенттер Бауыр функциясының ауыр бұзылыстарында препаратты қолдануға болмайды. Ауырлық дәрежесі жеңіл немесе орташа бауыр функциясы бұзылған пациенттерге препаратты қолданар алдында дәрігерден кеңес алу және қажет болса дозаны түзету керек: күніне бір рет 100 мг. Аталған топтың пациенттерін мұқият қадағалау қажет. Енгізу әдісі мен жолы Ремантадинды тамақтан кейін, сумен ішіп қабылдайды.

- адамантан тобының туындыларына немесе препарат компоненттеріне аса жоғары сезімталдық - бауыр функциясының ауыр бұзылулары - бүйрек функциясының ауыр бұзылулары - тиреотоксикоз - 18 жасқа дейінгі балалар мен жасөспірімдер - жүктілік және лактация кезеңі - тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы

Жағымсыз жанама реакциялардың даму жиілігі бойынша жіктелуі: өте жиі (≥1/10); жиі (≥1/100-ден < 1/10-ға дейін); жиі емес (≥ 1/1000-нан < 1/100-ге дейін); сирек (≥1/10 000-нан < 1/1000-ға дейін); өте сирек (< 1/10 000); көріну жиілігі белгісіз (қолда бар деректер бойынша анықтау мүмкін емес ). Жиі • ұйқысыздық • жүрек айнуы, құсу Жиі емес • депрессия, эйфория, елестеулер • бас айналуы, бас ауыруы, қатты қозғыштық, зейін қоюдың бұзылуы, атаксия, ұйқышылдық, гиперкинез, тремор, абдырау, құрысулар, иіс сезудің өзгеруі немесе жоғалуы • құлақтың шыңылдауы • жүрек қағуы, жүрек жеткіліксіздігі, жүрек блокадасы, тахикардия • гипертензия, цереброваскулярлық бұзылыстар, естен тану • ентігу, бронх түйілуі, жөтел • тәбеттің жоғалуы, ауыздың құрғауын сезіну, іштің ауыруы, диарея, диспепсия. • тері бөртпесі • астения, шаршау Жиілігі белгісіз • қышыну, папулезді бөртпе, жайылған бөртпе, есекжем Әсіресе асқазан-ішек жолы және жүйке жүйесі тарапынан болатын жағымсыз әсерлер жиілігі ұсынылған дозадан асырғанда ұлғаяды. Жекелеген жағдайларда, ұсынылған дозадан асырғанда көздің жасаурауы, анағұрлым жиі несеп шығару, қызба, іш қату, терлеу, стоматит, гипестезия, көздің ауыруы байқалды. Әдетте жағымсыз әсерлер дәрілік затты қолдануды тоқтатқаннан кейін кетеді. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: қозу, елестеулер, аритмия. Өлімге әкелуі мүмкін. Емі: улану кезінде тіршілікті қамтамасыз ететін функцияларды қолдау қажет. Орталық жүйке жүйесі тарапынан симптомдарымен артық дозалану кезінде физостигминді вена ішіне енгізу (ересектерге 1-2 мг, қажет болса қайталаумен, бірақ сағатына 2 мг артық емес) тиімді. Ремантадин гемодиализ арқылы шығарылмайды.

Арнайы ескертулер Асқазан-ішек жолдарының аурулары, бауыр және/немесе бүйрек функциясының ауырлығы жеңіл немесе орташа дәрежедегі бұзылулары, жүректің ауыр сипатты аурулары және жүрек ырғағының бұзылулары бар пациенттерге, егде жастағы адамдарға сақ болу керек. Мұндай жағдайларда препарат дозасын төмендету керек. Анамнезінде эпилепсия және құрысуға қарсы ем жүргізілгені көрсетілсе, Ремантадинді қолдану аясында эпилепсия ұстамаларының даму қаупі артады. Мұндай жағдайларда Ремантадин дозасын күніне 100 мг дейін төмендетеді. Егер ұстама дамыса, Ремантадин қабылдауды тоқтатады. Бауыр функциясы бұзылған пациенттер Ремантадин бауыр функциясының ауыр бұзылуларында қолдануға болмайды. Бауыр функциясының жедел немесе созылмалы бұзылулары бар пациенттерге римантадинді қолдану туралы қол жетімді деректер шектеулі. Римантадинді тағайындамас бұрын дәрігер күтілетін пайда мен ықтимал қауіпті, сондай-ақ дозаны түзету қажеттілігін бағалауы керек. Пациентті мұқият бақылау керек, өйткені римантадин бауырда қарқынды метаболизденеді және оның метаболиттерінің жинақталуына байланысты препаратты бірнеше рет қолданғаннан кейін жағымсыз реакциялар пайда болуы мүмкін. Бүйрек қызметі бұзылған пациенттер Ремантадин бүйрек функциясының ауыр бұзылуларында қолдануға болмайды. Жедел немесе созылмалы бүйрек функциясы бұзылған пациенттерге римантадинді қолдану туралы қол жетімді мәліметтер шектеулі. Римантадинді тағайындамас бұрын дәрігер күтілетін пайда мен ықтимал қауіпті, сондай-ақ дозаны түзету қажеттілігін бағалауы керек. Пациентті мұқият бақылау керек, өйткені Ремантадин мен оның метаболиттерінің жинақталуына байланысты препаратты бірнеше рет қолданғаннан кейін жағымсыз реакциялар пайда болуы мүмкін. Лактоза. Бір капсуланың құрамында 148,7 мг лактоза бар. Сирек туа біткен галактоза жақпаушылығы, Lapp (ЛАПП)-лактаза ферментінің тапшылығы, глюкозо-галактоза мальабсорбциясы бар пациенттерге қолдануға болмайды. Дәрілік заттың құрамына аллергиялық реакциялар тудыруы мүмкін күн батар түстес сары (E110) бояғышы кіреді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ремантадин көлік құралын немесе қауіптілігі зор механизмдерді басқару қабілетіне әсер етпейді, бірақ бас айналуы, бас ауыруы немесе орталық жүйке жүйесі тарапынан басқа жағымсыз әсерлер пайда болатын адамдар сақ болуы керек.

Жүктілік кезінде және бала емізу кезеңінде қолдануға болмайды.

Ремантадин эпилепсияға қарсы препараттардың тиімділігін төмендетеді. Адсорбенттер, тұтқыр және бүркемелегіш дәрілер Ремантадиннің сіңуін азайтады. Парацетамол және ацетилсалицил қышқылы Ремантадиннің қан плазмасындағы концентрациясын және тиімділігін төмендетеді. Циметидин организмнен әсер етуші заттың шығарылуын төмендетеді. Алкогольді тұтынуды тоқтату керек, өйткені орталық жүйке жүйесі тарапынан жағымсыз реакциялар пайда болуы мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан және ылғалдан қорғалған жерде, 25 С-ден аспайтын температурада сақтау керек. Балалардың қолы жетпейтін жерде сақтау керек!