Реплагал концентрат 1 мг/мл

Бір мл құрамында белсенді зат – агалcидаза альфа*, 1.0 мг, қосымша заттар: натрий дигидрофосфат моногидраты, полисорбат 20, натрий хлориді, натрий гидроксиді, инъекцияға арналған су. *Агалcидаза альфа адамның Көлемі 3.5 мл концентраты бар әрбір құтыда 3.5 мг агалcидаза альфа бар. Сыртқы түрінің, иісінің, дәмінің сипаттамасы Көрінетін механикалық қоспалардан бос мөлдір түссіз ерітінді. Сақтау кезінде ұсақ қатты бөлшектердің аздаған мөлшерде түзілуіне жол беріледі.

• Фабри ауруы (a-галактозидаза А тапшылығы расталған

Әсер ету механизмі Фабри ауруы лизосомалық альфа-галактозидаза А жеткіліксіздігі нәтижесінде дамитын Х-тіркескен рецессивті лизосомалық жинақталу аурулары тобына жатады, бұл глоботриаосилцерамидтің (Gb3 немесе GL-3, сондай-ақ церамтидтригексоксид (ЦТГ) ретінде де белгілі), осы фермент үшін гликосфинголипид субстратының жинақталуына әкеледі. Агалсидаза альфа галактозаның терминальді қалдықтарын молекуладан бөлшектеп әкете отырып, Gb3 гидролизін катализдейді Агалсидаза альфамен орын басушы ем көптеген жасушаларда, оның ішінде эндотелийлік және паренхиматоздық жасушаларда Gb3 жинақталуының азаюына әкеледі. Агалсидаза альфа адамның жасушалар желісінде өндіріледі. Ферменттің табиғи бейініне ұқсас гликозилдену бейіні, агалсидаза альфаның нысана-жасушалар беткейінде манноза-6-фосфат рецепторларымен өзіндік байланысуына мүмкіндік береді. Тіркелген клиникалық зерттеулер үшін 0,2 мг/кг (40 минут бойы енгізілетін) таңдау манноза-6-фосфат рецепторларының бауырда агалсидаза альфаға интернализациялану қабілетін уақытша қанықтыруға және ферменттің ағзаның басқа сәйкес тіндеріне таралуына жол ашуға арналды. Пациенттерге қатысты мәліметтер фармакодинамикалық жауапқа жету үшін, кем дегенде, 0,1 мг/кг қажет екенін көрсетеді. Клиникалық тиімділікгі мен қауіпсіздігі Реплагал препаратының қауіпсіздігі мен тиімділігіне екі рандомизацияланған салыстырмалы жасырын плацебо-бақыланатын зерттеулерде және ашық кеңейтілген зерттеулерде, клиникалық және биохимиялық деректер негізінде Фабри ауруы диагнозы бар жалпы мөлшері қырық пациенттің қатысуымен баға берілді. Пациенттер Реплагал препаратының ұсынылған 0,2 мг/кг дозасын алды. Жиырма бес пациент алғашқы зерттеуді аяқтап, кеңейтілген зерттеуге қатысты. 6 ай емдеуден кейін, ауыруға баға берудің қысқаша сауалнамасының (ауыруды өлшеудің валидизацияланған шкаласы) нәтижесі бойынша, Реплагал препаратымен емделген топта плацебомен салыстырғанда (р = 0,021) ауырудың едәуір төмендеуі байқалды. Бұл созылмалы невропатиялық ауыру кезінде дәрі пайдаланудың және ауырғанды басатын дәріні қолданған күндер санының елеулі төмендеуімен байланысты болды. Одан кейінгі зерттеулерде, 7 жастан асқан ұл балаларда Реплагал препаратының көмегімен 9 және 12 ай емнен кейін, емдеуге дейінгі бастапқы деңгеймен салыстырғанда ауырудың азаюы байқалды. Ауырудың бұлай азаюы 9 пациентте (7 - 18 жастағы пациенттерде) Реплагал препаратымен 4 жыл бойы емдегенде сақталды. Реплагал препаратының көмегімен 12-ден 18 айға дейін емдеу өмір сапасының жақсаруына әкелді. Реплагал препаратымен 6 ай емдегеннен кейін бүйрек функциясының плацебо қолданған пациенттер тобындағы төмендеумен салыстырғанда тұрақтануы байқалды. Бүйрек биопсиясының үлгілері Реплагалды қабылдаған пациенттерде плацебо қабылдаған пациенттердегіге қарағанда қалыпты шумақтар үлесінің едәуір артқанын және мезангиальді ұлғаюы бар шумақтардың үлесі едәуір азайғанын көрсетті. Реплагал бүйрек функциясын шумақтық сүзілу жылдамдығын (ШСЖ) инулин негізінде өлшеу бойынша 8,7 ± 3,7 мл/мин-ге (р = 0,030) жақсартты. Бұдан ұзағырақ ем (48-54 ай) бастапқы ШСЖ (≥ 90 мл/мин/1,73 м2) қалыпты және жеңілден орташа дәрежеге дейінгі (ШСЖ 60 - <90 мл/мин-ге дейін/1,73 м2) бүйрек дисфункциясы бар еркек жынысты пациенттерде ШСЖ тұрақтануына, сондай-ақ Фабри ауруы бар еркек жынысты пациенттерде біршама ауыр бүйрек дисфункциясында (ШСЖ 30 - <60 мл/мин дейін/1,73 м2) бүйрек функциясының төмендеу қарқынының және бүйрек ауруының терминалдық сатысының үдеуінің баяулауына әкелді. Екінші зерттеуде, сол жақ қарыншаның гипертрофиясы бар он бес пациент 6 айлық плацебо-бақыланатын зерттеуді аяқтады және кеңейтілген зерттеуге қатысты Реплагал препаратымен емдеу бақыланатын зерттеуде магниттік–резонанстық томография (МРТ) көмегімен өлшеу арқылы сол жақ қарынша салмағының 11,5 г азаюына әкелді, ал бұл кезде плацебо қабылдайтын пациенттерде сол жақ қарынша салмағының 21,8 г дейін ұлғаюы байқалды. Бұдан басқа, 25 пациент қатысқан бірінші зерттеуде, Реплагал 12-18 ай демеуші емнен кейін (р <0,001) жүрек салмағының елеулі төмендеуіне әкелді. Реплагал сонымен қатар миокардтың жиырылғыштығының жақсаруымен, QRS кешенінің орташа ұзақтығының төмедеуімен және эхокардиографияда септальді қалыңдықтың қатарлас төмендеуімен байланысты болды. Гис шоғырының оң жақ тармағының блокадасы бар екі пациентте жүргізілген зерттеулерде, Реплагал препаратымен емдегеннен кейін жай-күйлері қалыпқа келген. Одан кейінгі ашық зерттеулер Фабри ауруы бар еркек және әйел пациенттерде де қосылу сатысымен салыстырғанда Реплагал препаратымен 24 - 36 ай бойы емдеген кезде эхокардиография мәліметтері бойынша сол жақ қарынша салмағының едәуір азаюын көрсетті. Фабри ауруы бар еркек және әйел пациенттерде де Реплагал препаратымен 24 - 36 ай бойы емдеген кезде эхокардиография кезінде байқалған сол жақ қарынша салмағының едәуір азаюы, зерттеуге қосылу кезеңінде Фабри ауруы және ауыр жүрек жеткіліксіздігі немесе стенокардия симптомдары бар пациенттерде NYHA және CCS көмегімен өлшеу арқылы симптомдардың едәуір жақсаруымен байланысты болды. Плацебомен салыстырғанда, Реплагал препаратымен емдеу Gb3 жинақталуын да азайтты. Алғашқы 6 ай емнен кейін шамамен 20 - 50% орташа төмендеуі қан плазмасында, несеп шөгіндісінде, бауырдың, бүйрек пен жүректің биопсия үлгілерінде байқалды. 12 – 18 ай емдеуден кейін плазмада және несеп шөгіндісінде 50 - 80% азаюы байқалды. Сонымен қатар, метаболизмдік әсерлер салмақтың клиникалық мәні бар ұлғаюымен, тершеңдікпен және энергияның артуымен астасты. Реплагалдың клиникалық әсерлеріне сәйкес, ферментпен емдеу бүйректің гломерулярлық және өзекшелік эпителиальді жасушаларын, бүйректің капиллярлық эндотелиальді жасушаларын (кардиальді және дермальді капиллярлық эндотелиальді жасушалар талданған жоқ) және кардиомиоциттерді қоса, жасушалардың көптеген типтерінде Gb3 жинақталуын төмендетті. Фабри ауруы бар пациент ұл балаларда Реплагал препаратымен 0,2 мг/кг дозада 6 ай емдеуден кейін плазмадағы Gb3 40-50%-ға төмендеді және бұл төмендеу емдеуден кейін 11 пациентте 4 жыл бойы сақталды. Реплагал препаратымен инфузияны жақсы көтеретін пациенттерге үйде жүргізуге болады. Педиатриялық бейіндегі пациенттер Фабри ауруы бар ≥ 7 жастағы пациент ұл балаларда, гиперфильтрация бұл ауру кезінде бүйрек зақымдануының ерте көрінісі болуы мүмкін. Олардың шамадан тыс есептік шумақшалық сүзілу жылдамдығының (еШСЖ) төмендеуі Реплагал препаратымен емді бастағаннан кейін 6 айдың ішінде байқалды. Агалсидаза альфаны әр екі апта сайын 0,2 мг/кг дозада қолдану арқылы бір жыл емдегеннен кейін, бұл қосалқы топта әдеттен тыс жоғары еШСЖ 143,4 ± 6,8-ден 121,3 ± 5,6 мл/мин/1,73 м2 дейін төмендеді және осы еШСЖ Реплагал препаратымен 0,2 мг/кг дозада 4 жыл бойы емдегенде гиперфильтрация байқалмаған пациенттердегі еШСЖ сияқты қалыпты диапазонға тұрақтады. ≥ 7 жастағы пациент ұл балаларда, жүрек ырғағының құбылмалылығы бастапқы деңгейде қалыптан тыс болды және Реплагал препаратымен 6 ай емдегеннен кейін 15 ұл балада жақсарды, және жақсаруы 0,2 мг/кг Реплагал препаратымен 6,5 жыл бойы емдегенде ашық ұзақ кеңейтілген зерттеуде 9 ұл балада сақталды. Сол жақ қарыншаның салмақ индексі (СҚСИ) бастапқы деңгейде 2.7 дәрежеде өсуіне балалар үшін қалыпты диапазон шегіндегі (ұл балаларда <39 г/м2.7) 9 ұл балада, СҚСИ сол жақ қарынша гипертрофиясының (СҚГ) шектік мәнінен төмен деңгейлерде 6,5 жыл емдеу бойы тұрақты болып қалды. Екінші зерттеуде, ≥ 7 жастағы 14 пациентте, жүрек ырғағының құбылмалылығына қатысты нәтижелер алдыңғы нәтижелермен үйлесімді болды. Бұл зерттеуде, тек бір пациентте ғана қосылу кезінде СҚГ болды және ұзақ уақыт бойы тұрақты болып қалды. 0-ден 7 жасқа дейінгі пациенттер үшін, шектеулі деректер қауіпсіздіктің нақты мәселелерінің жоқтығын көрсетеді. Агалсидаза бетадан Реплагалға (агалсидаза альфаға) ауысатын пациенттердегі зерттеу 100 пациент [(ем қабылдамаған (n = 29), немесе бұдан бұрын агалсидаза бета қабылдап, Реплагалға ауысқан (n = 71)) ашық, бақыланбайтын зерттеуде 30 ай бойы емделді. Талдау көрсеткендей, зерттеу басталғанға дейін ешқандай ем алмағандардағы 31,0%-бен салыстырғанда, күрделі жағымсыз құбылыстар агалсидаза бетадан ауысқан пациенттердің 39,4%-да тіркелді. Агалсидаза бетадан Реплагалға ауысқан пациенттерде, басқа клиникалық тәжірибеде бақыланғанмен салыстырмалы қауіпсіздік бейіні болды. Дәрілік затты ауыстырған топтағы 27 пациентпен (38,0%) салыстырғанда, бұған дейін ешқандай ем алмағандардан (31,0%) инфузиялық реакцияларды 9 пациент бастан өткерді. Әртүрлі дозалау режимдерін зерттеу Рандомизацияланған ашық зерттеуде әр екі апта сайын вена ішіне 0,2 мг/кг қолданып 52 апта бойы емделген (n = 20) ересек пациенттер мен апта сайын 0,2 мг/кг қабылдаған пациенттердің (n = 19) арасында қосылу кезеңінен немесе басқа ақырғы нүктелерден (жүректің функциональді жай-күйі, бүйрек функциясы және фармакодинамикалық белсенділік) СҚМИ орташа өлшемінде ешқандай статистикалық мәні бар айырмашылық болған жоқ. Әрбір емдеу тобында, зерттеудегі бүкіл емдеу кезеңінде СҚМИ тұрақты болып қалды. Күрделі жағымсыз құбылыстардың (КЖҚ) емдеу топтары бойынша жалпы жиілігі емдеу сызбасының КЖҚ бейініне әртүрлі емдеу топтарында ешқандай айқын ықпалын көрсеткен жоқ. Иммуногенділік Агалсидаза альфаға антиденелердің қауіпсіздікке (мысалы, инфузиялық реакцияларға) немесе тиімділікке қандай да бір клиникалық мәні бар әсерлермен байланысты екені көрсетілген жоқ.

Дозалау режимі Реплагал препаратын дене салмағына 0,2 мг/кг дозада 2 аптада 1 рет вена ішіне 40 минут бойы енгізу керек. Пациенттердің ерекше топтары Егде жастағы пациенттер 65 жастан асқан пациенттерде клиникалық зерттеулер жүргізілмеген және науқастардың бұл санаты үшін қазіргі уақытта дәрілік затты қабылдаудың ешқандай сызбасын ұсыну мүмкін емес, өйткені препараттың қауіпсіздігі мен тиімділігі әлі анықталған жоқ. Бауыр функциясы бұзылған пациенттер Бауыр жеткіліксіздігі бар пациенттердің қатысуымен клиникалық зерттеулер жүргізілмеген. Бүйрек функциясы бұзылған пациенттер Бүйрек жеткіліксіздігі бар пациенттерде препарат дозасын түзету талап етілмейді. Бүйректің ауқымды зақымдануында (шумақтық сүзілудің есептік жылдамдығы < 60 мл/мин) ферменттің орнын басушы еміне бүйректік жауап шектеулі болуы мүмкін. Диализдегі немесе бүйрек трансплантациясынан кейінгі пациенттерде шектеулі деректер бар, дозаны түзету ұсынылмайды. Педиатрияда қолдану 0-6 жастағы балалар үшін Реплагал препаратының қауіпсіздігі мен тиімділігі анықталмаған, сондықтан дозалау бойынша ешқандай ұсыныстар жоқ. Екі аптада бір рет 0,2 мг/кг дозада Реплагал препараты тағайындалған 7-18 жас аралығындағы балаларда күтпеген жағымсыз реакциялар анықталмады. Енгізу әдісі мен жолы Тек вена ішіне инфузия үшін. • Реплагал препаратының дозасын және қажетті құтылар санын есептеу керек. • Реплагал концентратының жалпы қажетті көлемін инфузияға арналған 9 мг/мл концентрациядағы (0,9%) натрий хлоридінің 100 мл ерітіндісінде сұйылтады. Реплагал препаратының құрамында ешқандай консерванттар немесе бактериостатикалық заттар болмайтындықтан, дайындалған ерітінділердің стерильділігін қамтамасыз етуге тырысу керек; асептика әдістерін пайдалану қажет. Сұйылтқаннан кейін ерітіндіні сілкімей, абайлап араластыру қажет. • Препарат құрамында ешқандай консерванттар жоқ болғандықтан, сұйылтқаннан кейін енгізуді мүмкіндігінше тезірек бастау ұсынылады. • Ерітіндіні қолданғанға дейін қатты бөлшектердің бар-жоғын және түссізденуін көзбен қарап тексеру керек. • Бір рет пайдалануға ғана арналған. Кез келген пайдаланылмаған өнімді немесе қалдықтарды жергілікті талаптарға сәйкес утилизациялау керек. Инфузияға арналған ерітіндіні ішіне сүзгі орнатылған вена ішіне енгізуге арналған жүйе арқылы 40 минут бойы енгізу керек. Реплагал препаратын вена ішіне енгізуге арналған бір жүйе арқылы басқа дәрілік заттармен бірге енгізбеу керек. Емдеу жақсы жағымды болғанда Реплагал препаратының қайта енгізу мүмкіндігін үй жағдайында, медицина қызметкерінің бақылауымен қарастыруға болады. Пациентті үй жағдайындағы инфузияға ауыстыру туралы шешім емдеуші дәрігердің мұқият бағалауынан және ұсынысынан кейін қабылдануы керек. Инфузия дозасы мен жылдамдығы үйде тұрақты болуы керек және емдеуші дәрігердің кеңесінсіз өзгертілмеуі тиіс. Егер пациенттерде үй жағдайында инфузия кезінде қандай да бір жағымсыз құбылыстар пайда болса, енгізуді тоқтату керек және пациент өз дәрігерімен байланысуы керек. Кейінгі инфузиялар клиникалық жағдайда жүргізу қажет болуы мүмкін. Препараттың химиялық және физикалық тұрақтылығы қолдану процесінде 25°С температурада 24 сағат ішінде көрсетілді. Микробиологиялық тұрғыдан препаратты дереу қолдану керек. Егер препарат дереу енгізілмесе, тұтынушы, 2-8°C температурада 24 сағаттан аспауға тиіс пайдалануға дейінгі сақтау уақыты мен сақтау шарттарының орындалуына жауап береді, егер сұйылту бақыланатын және валидацияланған асептикалық жағдайларда жүзеге асырылмаса. Дәрілік препаратты қолдану тәсілін түсіндіру үшін медицина қызметкерінен кеңес алу бойынша ұсынымдар Реплагал препаратын енгізуді Фабри ауруын немесе басқа тұқым қуалайтын метаболизм бұзылыстары бар пациенттерді емдеу тәжірибесі бар дәрігердің қатаң бақылауымен жүргізу қажет.

• Әсер етуші затқа немесе қосымша заттардың кез келгеніне аса жоғары сезімталдық

Өте жиі • шеткері ісіну • бас ауыруы, бас айналуы, нейропатиялық ауырсыну, тремор, гипостезия, парестезия • құлақтың шуылдауы • жүректің қағуы • ентігу, жөтел, назофарингит, фарингит • құсу, жүрек айнуы, іштің ауыруы, диарея • бөртпе • артралгия, аяқ-қолдардағы ауырсыну, миалгия, арқадағы ауырсыну • кеуде қуысының ауыруы, қалтырау, қызба, ауырсыну, әлсіздік, шаршау Жиі • дәм сезудің бұрмалануы, гиперсомния • көз жасының көп ағуы • құлақ шуылдауының күшеюі • тахикардия, жүрекшелердің фибриляциясы • артериялық қысымның жоғарылауы, артериялық қысымның төмендеуі, ысынулар • тамақтағы кернеу, дауыстың қарлығуы, ринорея • іштегі жайсыздық • есекжем, эритема, қышыну, безеу, гипергидроз • бұлшықеттер мен сүйектерде жайсыздықты сезіну, буындардың ісінуі • аса жоғары сезімталдық • кеудеде ауырлықты сезіну, әлсіздіктің күшеюі, ыстықты сезіну, суықты сезіну, тұмауға ұқсас синдром, жайсыздықты сезіну, дімкәстік Жиі емес • паросмия • корнеальді рефлекстердің төмендеуі • тахиаритмия • оттегімен қанығудың төмендеуі, ауыз-жұтқыншақ секрециясының жоғарылауы • ангионевроздық ісіну, торлы ливедо (livedo reticularis) • ауырлықты сезіну • анафилаксиялық реакция • инъекция орнындағы бөртпе Белгісіз (жиілігін қолда бар деректер негізінде бағалау мүмкін емес) • миокард ишемиясы, жүрек жеткіліксіздігі, қарыншалық экстрасистола Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Қадағалау Биологиялық дәрілік препараттардың қадағалануын жақсарту үшін енгізілетін препараттың атауы мен серия нөмірін нақты жазу керек. Препаратты енгізумен байланысты идиосинкразиялық реакциялар Реплагал препаратын клиникалық зерттеулерде қабылдаған ересек пациенттердің 13,7%-да препаратты енгізумен байланысты идиосинкразиялық реакциялар байқалды. Клиникалық зерттеулерге қатысқан ≥ 7 жастағы балалар пациенттерінің 17 (23,5%) төртеуінде және ≤ 7 жастағы педиатриялық пациенттердің 8 (37,5%) үшеуінде 4 жылдан астам емдеу кезеңінде кемінде бір инфузиялық реакция байқалды. Ең жиі симптомдары қалтырау, бас ауыру, жүрек айну, гипертермия, қан тебу және қажу болды. Ауыр инфузиялық реакциялар сирек байқалды және қызба, қалтырау, тахикардия, есекжем, жүрек айну/құсу, тамақтағы қысылу сезімімен, стридормен және тілдің ісінуімен ангионевроздық ісіну түрінде білінді. Инфузияға байланысты басқа симптомдар бас айналуын және тершеңдікті қамтуы мүмкін. Жүрек-қантамыр құбылыстарына шолу, инфузиялық реакциялардың гемодинамикалық стресспен байланысты болуы мүмкін екенін көрсетті, бұл Фабри ауруының белгілері жүректе бұрыннан бар пациенттерде жүрек оқиғаларын туындатады. Препаратты енгізумен байланысты реакциялардың пайда болуы, әдетте Реплагал препаратымен емдеу басталғаннан кейін алғашқы 2-4 айдың ішінде орын алды, дегенмен одан кешірек (1 жылдан соң) басталғаны туралы да хабарлар болды. Уақыт өте келе бұл әсерлер азаяды. Әлсіз немесе орташа жедел инфузиялық реакциялар пайда болған кезде науқасқа дереу медициналық көмек көрсету және тиісті шаралар қабылдау қажет. Симптомдар бәсеңдегенше, препаратты енгізуді тоқтата тұруға болады (5-тен 10 минутқа дейін), содан соң, мүмкіндігінше, препаратты енгізуді қайта жалғастыру керек. Жеңіл және қысқа мерзімді реакциялар дәрілік емді немесе инфузияны тоқтатуды қажет етпейді. Бұдан басқа, осы реакциялардың дамуының алдын алу үшін Реплагал препаратыны енгізуден 1-24 сағат бұрын, клиникалық тұрғыдан ақталатын жағдайларда ішке немесе вена ішіне антигистаминдік немесе глюкокортикостероидтық препараттарды тағайындауға болады. Аса жоғары сезімталдық реакциялары Аса жоғары сезімталдық реакциялары туралы хабарланды. Егер аса жоғары сезімталдықтың ауыр реакциялары немесе анафилаксиялық реакциялар туындаса, Реплагал препаратын енгізуді дереу тоқтату және тиісті емдеуді бастау керек. Шұғыл емдеу үшін қолданыстағы медициналық стандарттарды ұстану қажет. Ақуызға антиденелердің өндірілуі Барлық ақуыздық фармацевтикалық препараттардағы сияқты, пациенттерде ақуызға антиденелер түзілуі мүмкін. Реплагал препаратымен емделген шамамен 24% пациент-еркектерде IgG класты антиденелердің төмен титрі анықталды. Шектеулі деректер негізінде бұл пайыздық арақатынас ер жынысты педиатриялық популяциясында төменірек (7%) болғаны анықталды. IgG антиденелері, шамамен, 3-12 ай емдеуден кейін түзілгені айқындалды. 12 - 54 ай емнен кейін, Реплагал препаратыны қолданған 17% пациенттерде, антиденелер бұрынғысынша анықталды, ал бұл кезде 7% пациенттерде иммунологиялық толеранттылықтың даму белгілері байқалды, бұл IgG класты антиденелердің уақыт өткен сайын жоғалуымен расталды. Қалған 76% пациенттерде антиденелер анықталған жоқ. Педиатриялық > 7 жастағы пациенттерде, еркек жынысты 16 пациенттің 1-інде зерттеу барысында агалсидаза альфаға қарсы IgG антиденелердің оң нәтижесі болды. Бұл пациентте жағымсыз әсерлер жиілігінің артуы анықталған жоқ. Педиатриялық < 7 жастағы пациенттерде, еркек жынысты 7 пациенттің бірде-біреуінде агалсидаза альфаға қарсы IgG антиденелердің оң нәтижесі болған жоқ. Пациенттердің өте шектеулі санында клиникалық зерттеулерде анафилаксиямен байланысты емес IgE антиденелердің шектік оң мәндері туралы хабарланды. Бүйрек жеткіліксіздігі Бүйректің ауқымды зақымдануы мүмкін қайтымсыз өзгерістерге байланысты олардың ферменттің орнын басу еміне реакциясын шектеуі мүмкін. Мұндай жағдайларда бүйрек функциясының нашарлауы бұл аурудың күтілетін табиғи үдеуі болып табылады. Натрий Бұл дәрілік препараттың құрамында бір кұтыда 14.2 мг натрий бар, бұл бір реттік дозада 1 ммольден аз (23 мг), сондықтан бұл препарат натрийден бос деп есептеледі. Бұл ересек адам үшін ДДҰ ұсынған 2 г натрийдің ең жоғары тәуліктік дозасының 0.7%-на баламалы. Үйлесімсіздігі Үйлесімділік туралы зерттеулердің болмауына байланысты препаратты басқа дәрілік заттармен араластыруға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Реплагал көлік құралдарын жүргізу және механизмдерді басқару қабілетіне әсер етпейді немесе елеусіз ғана әсер етеді.

Жүкті әйелдерде Реплагал препаратының қолданылуы туралы деректер өте шектеулі. Жүкті әйелдерге тағайындау кезінде абай болу керек. Реплагал әйелдің емшек сүтімен бөлінетін-бөлінбейтіндігі белгісіз. Бала емізетін әйелдерге тағайындаған кезде сақтық таныту керек.

Реплагал препаратыны хлорохинмен, амиодаронмен, беноквинмен немесе гентамицинмен бір мезгілде енгізуге болмайды, өйткені бұл дәрілік заттар альфа-галактозидазаның жасушаішілік белсенділігін тежейді. Альфа-галактозидаза А ферменттік табиғатын ескергенде, оның организмде Р450 цитохромы жүйесі арқылы метаболизденетін препараттармен өзара әрекеттесу ықтималдығы аз. Клиникалық зерттеулер барысында пациенттердің көпшілігі нейропатиялық ауырсынуды емдеуге арналған препараттарды (карбамазепин, фенитоин және габапентин) қабылдады, бұл ретте Реплагал препаратымен дәрілік өзара әрекеттесу белгілері байқалмады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 2 °С-ден 8°С-ге дейінгі температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!