Респеро Миртол форте кишечнорастворимые 300 мг

Ішекте еритін бір капсуланың құрамында белсенді зат - эвкалипт, тәтті апельсин, мирт және лимонның ректификацияланған эфир майлары қоспаларының дистилляты, 300 мг. қосымша заттар - рафинадталған рапс майы; капсула қабығы: желатин, глицерин 85%, сорбит, ерітінді (кристалданбайтын), тұз қышқылы (13%); капсула жабыны: гипромеллоза ацетат сукцинаты, триэтилцитрат, натрий лаурилсульфаты, тальк, декстрин, аммоний глицирризинаты. Сыртқы түрінің, иісінің, дәмінің сипаттамасы Сопақ пішінді, түссізден сары түске дейінгі мөлдір жұмсақ желатинді капсулалар.

Бұл препарат секретолитикалық ем үшін және жедел мен созылмалы бронхит кезінде жөтелуді жеңілдету үшін, параназальді синусит кезінде секретолитикалық ем үшін қолданылады. Респеро Миртол форте синуситтің (мысалы, бет аумағының ауыруы, мұрын бітелуі) және бронхиттің (мысалы, жөтел) негізгі симптомдарын жеңілдетеді. Препарат тұтқыр қақырықты сұйылтады, клиренсті арттырады, қақырықтың бөлінуіне ықпал етеді және қабынуға қарсы әсер етеді.

Әсер ету механизмі Респеро Миртол форте хлорид иондарының эффлюксін көтермелеу арқылы өзінің секретолитикалық әсерін көрсетеді, бұл судың пассивті ағып кетуіне әкеледі. Сонымен қатар, ол жыпылықтағыш эпителийдің кірпікшелерінің соғу жиілігін ұлғайтады, бұл мукоцилиарлы клиренстің жоғарылауына әкеледі. Оған қоса, Респеро Миртол форте дәлелденген микробқа қарсы және қабынуға қарсы әсерге ие. Бұл тыныс алу жолдарының инфекцияларының бактериялық қоздырғыштарының көпшілігінің өсуін тежейді және липоксигеназаның белсенділігін тежейді. Ол сондай-ақ ІНФ-α (ісік некрозының факторы альфа), ГМ-КСФ (гранулоциттік-макрофагиялық колония-стимуляциялаушы фактор), ИЛ-6 және ИЛ-8 жасушаішілік босап шығуын айтарлықтай азайтады. Тыныс алу жолдарының ең жақсы қорғанысы препараттың антиоксиданттық әсерімен қамтамасыз етіледі, бұл созылмалы түрге немесе шиеленіске өту қаупін азайтады. Фармакодинамикалық әсерлері Респеро Миртол форте секретолитикалық және секретомоторлы әсерге ие, бұл қақырықты сұйылтуға, мукоцилиарлы эпителийдің іске қосылуына және қақырықтың қарқынды шығуына әкеледі. Жануарларға жүргізілген зерттеулерде препаратты секретолитикалық дәрі ретінде емдік қолдануды негіздей отырып, клиникалық жағдайларда қабылдауға ұқсас пероральді қабылдағаннан кейін шырыш түзілуінің активациясы байқалды. Секретолитикалық әсерден басқа, жануарларға жүргізілген қосымша эксперименттер және in vitro жағдайындағы зерттеулер жоғары дозаларда қолданғанда бактерияға қарсы әсерін көрсетті. Тиісті модельдерде қабынуға қарсы әсері де көрсетілді. Жалпы, бұл әсерлер Респеро Миртол форте капсулаларының емдік қолданылуын негіздейді. Клиникалық тиімділік және қауіпсіздік 676 пациенттен тұратын когортада көп орталықты рандомизацияланған салыстырмалы жасырын плацебо бақыланған зерттеу барысында плацебо және параметрлерінің тұтас қатары бойынша зерттелген жедел бронхитті емдеудегі белсенді бақылау препараттарымен салыстырғанда Респеро Миртол форте препаратының басымдығы мен өте жоғары жағымдылық дәрежесі көрсетілді. Препараттың тиімділігі 413 пациенттің қатысуымен жедел бронхиттің жақында жүргізілген зерттеуінде қайтадан расталды. Жөтелдің жиілігі едәуір қысқарып қана қоймай, қақырықты шығару қабілеті де едәуір жақсарды. Респеро Миртол форте препаратын қолдану кезіндегі жағымсыз құбылыстардың жиілігі плацебо қабылдағанға қарағанда жоғары болған жоқ. 246 пациенттің когортында көп орталықты рандомизацияланған салыстырмалы жасырын плацебо бақыланатын зерттеу барысында Респеро Миртол форте препаратын қолдану созылмалы бронхиттің өршу қарқындылығы мен жиілігін азайту және антибиотиктерге қажеттілікті азайту арқылы плацебоға қарағанда өмір сүру сапасын жақсартуға мүмкіндік беретіні көрсетілді. Респеро Миртол форте препаратын қолдану плацебо және 331 пациенттің когортында белсенді бақылаумен көп орталықты салыстырмалы жасырын зерттеу барысында жедел синуситті емдеу кезінде де сенімді клиникалық нәтижелер алуға мүмкіндік берді. Белсенді препаратты қабылдау тобындағы пациенттерде симптомдарды жеңілдету плацебо тобына қарағанда әлдеқайда тез және айқын болды. Алынған нәтижелердің клиникалық маңыздылығы жанама критерийлермен расталады (антибиотиктерге қажеттіліктің төмендігі, жұмысқа қабілетсіздіктің аз ұзақтығы).

Дозалау режимі Егер өзгеше тағайындалмаса, препаратты келесі дозаларда қолдану ұсынылады: Аурудың жедел түрі кезінде: 6-12 жастағы балалар 1 капсуладан тәулігіне 1-3 рет қабылдауы тиіс; аурудың созылмалы түрі кезінде: 1 капсуладан тәулігіне 1-2 рет. Аурудың жедел түрі кезінде: 12 жастан асқан жасөспірімдер мен ересектер тәулігіне 1 капсуладан 3-4 рет қабылдауы тиіс; аурудың созылмалы түрі кезінде: 1 капсуладан тәулігіне 2-3 рет. Енгізу жолы және тәсілі Респеро Миртол форте капсулалары шайнамай, тамақ ішкенге дейін жарты сағат бұрын, көп мөлшерде суық сұйықтық ішкен жөн. Ұйқы алдында соңғы дозаны қабылдауға болады. Емдеу ұзақтығы Респеро Миртол форте препаратын қабылдау ұзақтығы симптомдарға байланысты. Тыныс алу жолдарының созылмалы ауруы болған жағдайда ұзақ емдеуге болады. Дәрілік препараттың бір немесе бірнеше дозасын жіберіп алған кезде қажетті шаралар Жіберіп алған дозаны өтеу үшін қосарлы дозаны қабылдамаңыз. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Бұл препаратты осы қосымша парақтың нұсқауларына немесе дәрігердің немесе фармацевтің нұсқауларына сәйкес қатаң түрде қабылдау керек. Егер сізде осы препаратты қолдану туралы қосымша сұрақтарыңыз болса, дәрігерге немесе фармацевтке хабарласыңыз.

-белсенді затқа немесе осы препараттың қосымша заттарының кез келгеніне аса жоғары сезімталдық -асқазан-ішек жолдарының және өт шығару жолдарының қабыну аурулары, немесе бауырдың ауыр аурулары -6 жасқа дейінгі балалар -тұқым қуалайтын фруктоза жақпаушылық.

Жиі - іш аймағында немесе іштің жоғарғы бөлігінде жайсыздық Жиі емес - гастрит немесе гастроэнтерит, жүрек айнуы, құсу немесе диарея, ас қорытудың бұзылуы, дәмнің өзгеруі - аса жоғары сезімталдық реакциялары (мысалы, тері бөртпесі, қышыну, беттің ісінуі, ентігу, есекжем) - бас ауыруы немесе бас айналуы Өте сирек - бүйрек тастарының қозғалуы - өт қабындағы тастардың қозғалуы Белгісіз - ауыр анафилаксиялық реакциялар. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Эвкалипт майының көп мөлшерін қабылдау асқазан-ішек жолдарының бұзылуына әкелуі мүмкін (жүрек айнуы, іштің ауыруы, құсу және диарея), ентігу және орталық жүйке жүйесі тарапынан симптомдар (бас ауыруы, ұйқышылдық, бас айналуы, сөйлеу бұзылыстары, кейде құрысулар). Қатты уланудың белгілері бұл беткейлік, жүйесіз тыныс алу, жүрек-қантамыр коллапсы және кома. Бір пациентте 30 мл эвкалипт майын қабылдағаннан кейін жүрек ырғағының өткінші бұзылуы байқалғаны хабарланды, басқа жағдайда 120-220 мл эвкалипт майын қабылдау ануриямен, гематуриямен және альбуминуриямен қатар жүретін бүйректің өткінші зақымдануын тудырды. Спецификалық антидоттар белгісіз. Аспирация қаупіне байланысты құстыру ұсынылмайды. Көп мөлшерде сұйықтық ішу ұсынылады (сүт пен алкогольдік сусындарды қоспағанда, өйткені олар абсорбцияны күшейтеді). Көмек көрсету бойынша қабылданатын шаралардың сипаты заттың қабылданған мөлшеріне және клиникалық симптоматикаға байланысты. Симптомдардың болмауымен немесе пациентте тек құсу, ұйқышылдық болуымен қатар жүретін препараттың аз мөлшерін қабылдаған кезде пациенттің жағдайын бірнеше сағат бойы бақылау жеткілікті. Үлкен дозаларды қабылдаған және ауыр клиникалық симптомдары болған жағдайда эндотрахеальді интубациядан кейін асқазанды шаю, белсендірілген көмірді енгізу, құрысу ұстамалары кезінде диазепамды қолдану көрсетіледі; сондай-ақ бүйрек функциясының мониторингі қажет. Ауыр жағдайларда гемоперфузияны ион алмасу шайырларының (XAD 4) көмегімен жүргізуге болады.

Егер симптомдар жоғалмаса немесе күшеймесе, немесе егер сізде ентігу немесе қызба пайда болса, немесе егер сізде қанмен немесе іріңмен бірге қақырықты жөтел басталса, дереу дәрігерге қаралу қажет. Егер сіз бронх демікпесімен, көкжөтел немесе тыныс алу жүйесінің айқын жоғары сезімталдығымен қатар жүретін тыныс алу жолдары ауруларымен зардап шегетін болсаңыз, сіз бұл препаратты тек дәрігермен кеңескеннен кейін қабылдай аласыз. Арнайы ескертулер Педиатрияда қолдану Осы препаратты 6 жасқа толмаған балаларға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Респеро Миртол форте көлік құралдарын басқару және механизмдермен жұмыс істеу қабілетіне әсер етпейді немесе аздап әсер етеді.

Жүкті әйелдерде осы препаратты қолдану тәжірибесі жоқ болғандықтан, оны дәрігер орындаған қауіп пен пайданы мұқият бағалағаннан кейін ғана қабылдау керек. Жүктілік кезінде Респеро Миртол форте препаратын қолданған кезде сақ болу керек. Бұл препараттың майда еру қабілетін ескере отырып, оның емшек сүтіне ену мүмкіндігі жоғары. Сондықтан емшек емізу кезінде бұл препаратты дәрігер орындаған қауіп пен пайданы мұқият бағалағаннан кейін қабылдауға болады. Қосымша заттар туралы ерекше ақпарат Бұл препараттың құрамында сорбитол (E 420) бар. Тұқым қуалайтын фруктоза жақпаушылығы бар пациенттерге бұл препаратты қабылдауға болмайды.

Басқа дәрілік препараттарды бір мезгілде қолданған жағдайда емдеуші дәрігермен кеңесу керек.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында ылғалдан қорғалған жерде 25 °С-ден аспайтын температурада сақтау керек. Балалардың қолы жетпейтін жерде сақтау керек.