РИКОФЕН балаларға арналған суспензия 100 мг/5 мл

5 мл суспензияның құрамында белсенді зат – 100 мг ибупрофен, қосымша заттар: сукроза, натрий метилгидроксибензоаты, натрий пропилгидроксибензоаты, полисорбат-80, сусыз коллоидты кремнийдің қостотығы, сұйық сорбитол (70% кристалданбайтын), натрий бензоаты, ксантанды шайыр, глицерин, қара жүзімнің сұйық эссенциясы, натрий цитраты, тазартылған су. Сыртқы түрінің, иісінің, дәмінің сипаттамасы Ақтан ақшыл сары түске дейінгі суспензия.

Келесі жағдайларда 3 айдан 12 жасқа дейінгі балаларға ыстықты түсіретін және ауырсынуды басатын (ауырлығы әлсіз және орташа дәрежедегі ауыру синдромында) симптоматикалық дәрі ретінде: - жедел респираторлық аурулар (суық тию, тұмау) - егуден кейінгі реакцияларды қоса, дене температурасының жоғарылауымен жүретін инфекциялық-қабыну аурулары - бастың және тістің ауыруы - тамақтың ауыруы және тістің жарып шығуы кезіндегі ауыру - созылу және ауырсынудың басқа түрлері кезіндегі ауыру Қолдану басталғанға дейін қажетті мәліметтер тізбесі

Әсер ету механизмі Ибупрофен пропион қышқылының туындысы болып табылады, ол ыстықты түсіретін, анальгетикалық және қабынуға қарсы әсер етеді. Ибупрофеннің әсер ету механизмі простагландин циклооксигеназасының белсенділігін тежеу арқылы простагландиндердің синтезі мен шығарылуын тежеуге негізделген, ол арахидон қышқылының простагландиндерге айналуын катализдейді, бірақ басқа механизмдер жоққа шығарылмайды. Фармакодинамикалық әсерлері Ибупрофен тромбоциттердің агрегациясын қайтымды тежейді. Ибупрофен, егер осы препараттар бір мезгілде қолданылса, ацетилсалицил қышқылы төмен дозаларының тромбоциттер агрегациясына әсерін бәсеңдетуі мүмкін. Ибупрофеннің ыстықты түсіретін және анальгетикалық әсері препаратты қабылдаған сәттен бастап 30 минут ішінде басталады. Эксперименттік деректер ибупрофен ацетилсалицил қышқылының төмен дозаларының тромбоциттер агрегациясына әсерін оларды бірге қолданған жағдайда бәсекелі түрде тежеуі мүмкін екендігін көрсетеді. Бірнеше фармакодинамикалық зерттеулерде ибупрофенді 400 мг бір реттік дозада 8 сағат бұрын немесе ацетилсалицил қышқылын қабылдағаннан кейін 30 минут ішінде тез арада босатудың дәрілік түрінде (81 мг дозада) қабылдаған кезде ацетилсалицил қышқылының тромбоксан түзілуіне немесе тромбоциттер агрегациясына әсерінің төмендегені байқалды. Осы деректерді клиникалық практикаға экстраполяциялауға қатысты белгісіздік болғанына қарамастан, ибупрофенді тұрақты, ұзақ уақыт қолдану ацетилсалицил қышқылы төмен дозаларының кардиопротекторлық әсерін төмендетуге қабілетті болу ықтималдығын жоққа шығаруға болмайды. Ибупрофенді сирек қолданған кезде ешқандай тиісті клиникалық әсер мүмкін емес.

Тек қысқа мерзімді қолдануға арналған. Егер препаратты қысқа уақыт аралығында, симптомдарды жою үшін қажетті ең аз тиімді дозада қабылдаса, жағымсыз әсерлердің пайда болу қаупін барынша азайтуға болады. Дозалау режимі РИКОФЕН балаларға арналған препаратының тәуліктік дозасы әр 6-8 сағат сайын (қабылдау арасындағы ең аз аралық 4 сағатты құрайды) бөлшектенген дозалармен дене салмағына 20-30 мг/кг құрайды. Дозалау үшін өлшеуіш қалпақшаны пайдаланыңыз. Баланың жасы (Дене салмағы) — Мөлшері және қолдану тәсілі 3-6 ай (5-7,6 кг) — 2,5 мл-ден тәулігіне 3 рет 6-12 ай (7,7 – 9 кг) — 2,5 мл-ден тәулігіне 3-4 рет 1-3 жас (10-16 кг) — 5,0 мл-ден тәулігіне 3 рет 4-6 жас (17 – 20 кг) — 7,5 мл-ден тәулігіне 3 рет 7-9 жас (21 – 30 кг) — 10 мл-ден тәулігіне 3 рет 10 - 12 жас (31 - 40 кг) — 15 мл-ден тәулігіне 3 рет Егуден кейінгі реакциялар (постиммунизациялық қызба) 2,5 мл (бір доза) 1 жасқа дейінгі балаларға. 1 жастан асқан балаларға, қажет болған жағдайда, 6 сағаттан кейін тағы 2,5 мл (бір доза). 24 сағат ішінде 5 мл-ден артық қолданбаңыз! Егер температура төмендемесе, дәрігерге қаралыңыз. 3 айдан кіші балаларға және дене салмағы 5 кг кем балаларға қабылдау ұсынылмайды. Емдеу ұзақтығы Ыстық түсіретін дәрі ретінде 3 күннен асырмау керек. Мынадай жастағы балалар үшін медициналық көмекке жүгіну керек: 3-6 ай - баланың жағдайы нашарлаған жағдайда (және 24 сағаттан кешіктірмей), егер симптомдар жалғаса берсе; 6 айдан асқан - егер симптомдар жалғаса берсе, баланың жағдайы нашарлаған жағдайда (және 3 тәуліктен кешіктірмей). Пациенттердің ерекше топтары Бауыр жеткіліксіздігі бар пациенттер Жеңіл немесе орташа бауыр жеткіліксіздігі бар пациенттерде дозаны төмендету талап етілмейді (бауырдың ауыр жеткіліксіздігі бар пациенттер үшін «Қолдануға болмайтын жағдайлар» бөлімін қараңыз). Бүйрек жеткіліксіздігі бар пациенттер Жеңіл немесе орташа бүйрек жеткіліксіздігі бар пациенттерде дозаны төмендету талап етілмейді (бүйректің ауыр жеткіліксіздігі бар пациенттер үшін «Қолдануға болмайтын жағдайлар» бөлімін қараңыз). Енгізу әдісі мен жолы Пероральді. Асқазанның сезімталдығы жоғары пациенттерге препаратты тамақтану кезінде қабылдау ұсынылады.

- ибупрофенге немесе қосымша заттардың кез келгеніне аса жоғары сезімталдық - ацетилсалицил қышқылын немесе басқа қабынуға қарсы стероидты емес препараттарды (ҚҚСП) қабылдауға жауап ретінде бұрын аса жоғары сезімталдық реакциялары (мысалы, демікпе, ринит, ангионевроздық ісіну немесе есекжем) болған пациенттерге - анамнезінде ҚҚСП емімен байланысты асқазан-ішектен қан кетуі немесе тесілуі бар пациенттерге - белсенді фазада немесе анамнезде қайталанатын пептикалық ойық жарасы/қан кетуі бар пациенттерге (анамнезде расталған ойық жара ауруының немесе қан кетудің екі немесе одан да көп айқын көріністері) - жүректің ауыр жеткіліксіздігі бар пациенттерге (NYHA жіктемесі бойынша IV функционалдық класы) - бауырдың ауыр жеткіліксіздігі немесе бүйректің ауыр жеткіліксіздігі бар пациенттерге - жүктіліктің соңғы триместрі -тұқым қуалайтын фруктоза жақпаушылығы, глюкоза-галактоза мальабсорбциясы, сукраза-изомальтаза ферментінің тапшылығы бар адамдарға

Жағымсыз құбылыстардың туындау жиілігін бағалау мынадай критерийлер негізінде жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (<1/10000), белгісіз (қолда бар деректер негізінде бағалау мүмкін емес) Жиі емес - аллергиялық реакциялар, есекжем, терінің қышынуы, әртүрлі тері бөртпелері - іштің ауыруы, жүрек айнуы, диспепсия - бас ауыруы - бронх демікпесі, бронх демікпесінің өршуі және бронх түйілуі Сирек - құсу, метеоризм, диарея, іштің қатуы Өте сирек - гемоглобин деңгейінің төмендеуі - ауыр дәрежедегі аса жоғары сезімталдық реакциялары: беттің, тілдің және көмейдің ісінуі, ентігу, тахикардия, артериялық гипотензия (анафилаксия, Квинке ісінуі немесе ауыр шок) - пептидтік ойық жара, ойық жараның тесілуі немесе асқазан-ішек жолынан (АІЖ) қан кету, мелена, қан құсу (кейде өліммен аяқталатын, әсіресе егде пациенттерде), ойық жаралы стоматит, гастрит, ойық жаралы колиттің өршуі және Крон ауруы - қан сарысуындағы мочевинаның жоғарылауымен және ісінумен астасқан жедел бүйрек жеткіліксіздігі, папиллонекроз (әсіресе ұзақ қабылдаған кезде) - қан түзудің бұзылуы (анемия, лейкопения, тромбоцитопения, панцитопения, агранулоцитоз). Алғашқы симптомдар: қызба, тамақтың ауыруы, ауыз қуысының беткейлік ойық жаралары, тұмауға ұқсас симптомдар, айқын әлсіздік, түсініксіз қан кету және қанталаудың пайда болуы - бауыр функциясының бұзылуы - терінің ауыр жағымсыз реакциялары (SCARs) (оның ішінде мультиформалы эритема, эксфолиативті дерматит, Стивенс-Джонсон синдромы және уытты эпидермалық некролиз) - бұрын аутоиммундық бұзылулары бар пациенттерде (жүйелі қызыл жегі, дәнекер тіннің аралас ауруы) ибупрофенмен емдеу кезінде желке бұлшықеттерінің сіресуі, бас ауыруы, жүрек айнуы, құсу, қызба немесе бағдардан адасу сияқты асептикалық менингит симптомдарының жекелеген жағдайлары байқалды. Белгісіз - эозинофилиямен және жүйелік симптомдармен (DRESS синдромы) дәрілік реакция, жалпыланған жедел экзантематозды пустулез (AGEP) - ісіну, артериялық гипертензия және жүрек жеткіліксіздігі. Ибупрофенді жоғары дозаларда (тәулігіне≥ 2400 мг) қабылдаған кезде және емнің ұзақ курсы кезінде миокард инфарктісін және инсультті қоса, тромбоздық асқынулардың даму қаупінің шамалы ұлғаюы туралы деректер бар. - кейбір жағдайларда инфекциялардан туындаған қабынудың өршуі мүмкін. Атап айтқанда, желшешек кезінде ҚҚСП қолдану терінің және жұмсақ тіндердің ауыр инфекцияларына әкелуі мүмкін Егер сіз келесі симптомдардың кез келгенін байқасаңыз, препаратты қабылдауды тоқтатыңыз және дереу дәрігерге хабарласыңыз: • денеде қызарған, құрғақ, нысана тәрізді немесе дөңгелек дақтар, көбінесе ортасында күлдіреуіктерімен, терінің қабыршақтануымен, ауыздың, тамақтың, мұрынның, гениталий және көздің жараларымен бірге. Бұл ауыр тері бөртпелерінің алдында қызба және тұмауға ұқсас симптомдар болуы мүмкін [эксфолиативті дерматит, мультиформалы эритема, Стивенс-Джонсон синдромы, уытты эпидермалық некролиз]. • Кең таралған бөртпе, жоғары дене температурасы және лимфа түйіндерінің ісінуі (DRESS синдромы). • Қызбамен қатар жүретін тері асты бұдырларымен және күлдіреуіктермен қызыл, қабыршақты, кең таралған бөртпе. Симптомдар әдетте емдеудің басында пайда болады (жайылған жедел экзантематозды пустулез). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Балалар жасында артық дозалану симптомдары ибупрофенді 400 мг/кг артық қабылдаған кезде пайда болуы мүмкін. Ересектерде дозаға тәуелді әсер аз байқалады. Артық дозаланғанда жартылай шығарылу кезеңі 1,5-3 сағатты құрайды. Симптомдары Артық дозалану симптомдары жүрек айнуын, құсуды, эпигастрийдегі ауырсынуды немесе сирек диареяны қамтуы мүмкін. Құлақтың шуылдауы, бас ауыруы және асқазан-ішектен қан кетуі мүмкін. Анағұрлым ауыр уланудың симптомдары орталық жүйке жүйесі тарапынан ұйқышылдық түрінде, кейде – қозу және бағдардан адасу немесе кома түрінде көрінеді. Кейде құрысулар дамуы мүмкін. Ауыр артық дозаланғанда метаболизмдік ацидоз, сондай-ақ қан ағымында айналымдағы қан ұю факторларымен өзара әрекеттесуі салдарынан, протромбин уақытының ұлғаюы дамуы мүмкін. Жедел бүйрек жеткіліксіздігі және бауырдың зақымдануы байқалуы мүмкін. Бронх демікпесі бар пациенттерде демікпенің өршуі ықтимал. Артық дозалану симптомдарын жою тактикасы Арнайы антидот жоқ. Тыныс алу жолдарының өткізгіштігін, жүрек функциясын және пациенттің жағдайын тұрақтандыруға дейін өмірдің негізгі көрсеткіштері мониторингін қамтамасыз ететін симптоматикалық және демеуші ем болуы тиіс. Ибупрофеннің потенциалды уытты дозасын қабылдағаннан кейін бір сағат ішінде белсендірілген көмірді пероральді қолдану немесе асқазанды шаю ұсынылады. Жиі немесе ұзақ құрысуларды диазепамды немесе лоразепамды вена ішіне енгізу арқылы бәсеңдеткен жөн. Бронхоспазмдық ұстама болған жағдайда бронходилататорларды қолдану ұсынылады.

Симптомдарды бақылау үшін қажетті қысқа уақыт ішінде препаратты ең аз тиімді дозада қолдану жағымсыз әсерлерді барынша азайтуға мүмкіндік береді. Егде жастағы пациенттер: ҚҚСП қабылдағаннан кейін жағымсыз реакциялардың жиілігі егде жастағы адамдарда, әсіресе асқазан-ішектен қан кету немесе перфорация сияқты өліммен аяқталуы мүмкін реакциялар жоғарылаған. Егде жастағы адамдарда жағымсыз реакциялар салдарының даму қаупі жоғары екендігі байқалады. Тыныс алу ағзалары тарапынан бұзылулар Бронх демікпесімен немесе аллергиялық аурулармен ауыратын немесе осылар анамнезінде бар пациенттерде препаратты қабылдау бронх түйілуінің дамуына әкелуі мүмкін. Басқа ҚҚСП Препаратты басқа ҚҚСП-мен, оның ішінде циклооксигеназа-2 селективті тежегіштерімен бірге қолдануға жол берілмейді. Бүйрек жеткіліксіздігі Анальгетиктерді үнемі қабылдау, әсіресе әртүрлі анальгетиктердің біріктірілімін қабылдау, әдетте, бүйрек жеткіліксіздігінің даму қаупімен (анальгетикалық нефропатия) бүйректің тұрақты зақымдалуына әкеледі. Дегидратациясы бар балаларда бүйрек функциясының бұзылу қаупі бар. Бауыр жеткіліксіздігі Бауыр функциясының бұзылу қаупі бар. Жүрек-қантамыр және цереброваскулярлық әсерлер Жүректің ишемиялық ауруымен, шеткергі артериялық аурумен және/немесе цереброваскулярлық аурумен расталған бақыланбайтын гипертензиясы, іркілісті жүрек жеткіліксіздігі (NYHA бойынша II–III класс) бар пациенттерге ибупрофенді аса сақтықпен тағайындау және жоғары дозалардан (тәулігіне 2400 мг) аулақ болу керек. Сондай-ақ, жүрек-қантамырлар асқынуларының қауіп факторлары бар (мысалы, гипертензиямен, гиперлипидемиямен, қант диабетімен, сондай-ақ темекі шегетін) пациенттерге, әсіресе жоғары дозаларды (тәулігіне 2400 мг) қабылдау қажет болған кезде ұзақ ем тағайындау кезінде ерекше сақ болу керек. Асқазан-ішек жолы тарапынан бұзылулар Анамнезінде АІЖ ауруы (мысалы, ойық жаралы колит, Крон ауруы) бар пациенттерде, әсіресе егде жастағы адамдарда ҚҚСП емдеу кезінде ойық жаралардың пайда болуын, қан кетуді және ойық жараның тесілуін (өліммен аяқталуға дейін) қоса алғанда, асқынулардың даму қаупі жоғары, сондықтан мұндай пациенттерге ибупрофенді сақтықпен тағайындау керек. Сонымен қатар, пациенттерде асқынулар АІЖ ауыр асқынулары анамнезінсіз және ескерту симптомдарынсыз дамуы мүмкін. Мұндай пациенттерге емді ең төмен қол жетімді дозада ұсыну керек. Мұндай пациенттерге емнің басында кез келген әдеттен тыс абдоминальді құбылыстар, әсіресе асқазан-ішектен қан кетулердің дамуы туралы манифестациялау жайында хабарлау қажеттігі туралы ескерту керек. Пероральді кортикостероидтар, антикоагулянттар (варфарин, серотонинді кері қармайтын селективті тежегіштер) немесе тромбозға қарсы препараттар (аспирин) сияқты ойық жаралар немесе қан кетулердің даму қаупін арттыратын қатар жүретін дәрілік препараттарды қабылдайтын пациенттерге сақтық таныту ұсынылады. Егер ибупрофенді қабылдау кезінде асқазан-ішектен қан кету немесе ойық жара пайда болса, онда емдеуді тоқтату керек. Тері жабыны тарапынан Ибупрофенмен емдеуге байланысты эксфолиативті дерматит, көп пішінді эритема, Стивенс-Джонсон синдромы, уытты эпидермалық некролиз, эозинофилиямен және жүйелік симптомдармен (DRESS) дәрілік реакциялар және жалпыланған жедел экзантематозды пустулезды (AGEP) қоса, ауыр тері реакциялары туралы хабарланды. «Жағымсыз реакциялар» бөлімінде сипатталған терінің осы ауыр реакцияларымен байланысты симптомдарын байқасаңыз, бұл препаратты қолдануды тоқтатыңыз және дереу медициналық көмекке жүгініңіз. Желшешекке шалдыққан пациенттерде ҚҚСП қолдану терінің және тері асты шелмайының инфекциялық-қабыну ауруларының ауыр іріңді асқынулары даму қаупінің жоғарылауымен байланысты болуы мүмкін. Осыған байланысты препаратты желшешек кезінде қолданбау ұсынылады. Әйел фертильділігінің бұзылуы Циклооксигеназа/ простагландиндер синтезін тежейтін препараттар овуляцияға әсер ету есебінен әйел фертильділігінің бұзылуын тудыруы мүмкін екендігі туралы шектеулі деректер бар. Бұл емдеуді тоқтатқаннан кейін қайтымды болады. Негізгі инфекциялардың симптомдарын бүркемелеу РИКОФЕН балаларға арналған препараты инфекциялық аурудың симптомдарын бүркемелеуі мүмкін, бұл тиісті емді бастаудың кешіктірілуіне әкелуі және сол арқылы аурудың барысын асқындыруы мүмкін. Бұл бактериялық ауруханадан тыс пневмония мен желшешектің бактериялық асқынуларында байқалған. Ибупрофен дене температурасының жоғарылауымен немесе инфекциядағы ауырсынуды жеңілдету үшін қолданылған кезде инфекциялық ауруға мониторинг жүгізу ұсынылады. Медициналық мекемеден тыс емдеу жағдайында, егер симптомдар сақталса немесе күшейсе, пациент дәрігерге қаралуы тиіс. Қосымша заттар бойынша ақпарат Препарат құрамында сукроза, сұйық сорбитол (70% кристалданбайтын) - тұқым қуалайтын фруктоза жақпаушылығы, глюкоза-галактоза мальабсорбциясы, сукраза-изомальтаза ферментінің тапшылығы бар адамдарға қолдануға болмайды. Препарат құрамында натрий метилгидроксибензоаты, натрий пропилгидроксибензоаты бар, олар баяу аллергиялық реакциялар тудыруы мүмкін. Бұл препараттың әрбір 5 мл құрамында 11 мг натрий бар (30 мл ең жоғары тәуліктік доза 66 мг натрийді қамтамасыз етеді). Мұны бақыланатын натрий диетасын ұстанатын пациенттер ескеруі керек. Арнайы ескертулер Педиатрияда қолдану 3 айдан кіші балаларға және дене салмағы 5 кг кем балаларға қабылдау ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік препарат қысқа мерзімді қолдану кезінде бұл көлік жүргізу және механизмдерді басқару қабілетіне әсер етпейді немесе аз ғана әсер етеді.

Жүктілік Жүктіліктің бірінші және екінші триместрі кезінде ибупрофенді өте қажет болған жағдайда ғана тағайындау керек. Егер ибупрофенді жүкті болуға тырысып жүрген әйел немесе жүктіліктің бірінші және екінші триместрінде қабылдаса, препараттың дозасы мен емдеу ұзақтығы ең азы болуы керек. Жүктіліктің үшінші триместрінде простагландин синтезінің кез келген тежегіштері ұрыққа теріс әсер етіп, мына жайттарға әкелуі мүмкін: • кардиопульмональді уыттылық (артериялық түтіктің мерзімінен бұрын жабылуымен және өкпе гипертензиясының дамуымен); • бүйрек функциясының бұзылуы, бүйрек жеткіліксіздігіне және олигогидрамнионға дейін үдейтін. Олигогидрамнион әрдайым емес, емдеуді тоқтатқан кезде жиі қайтымды болады. Ұзақ олигогидрамнионның асқынулары аяқ-қолдардың контрактуралары және өкпе жетілуінің кешеуілдеуін қамтуы мүмкін. Жүктіліктің соңында простагландин синтезінің тежегіштерін қабылдау ана мен жаңа туған нәрестеде келесі жағдайлардың дамуына әкелуі мүмкін: • қан кету уақытының ұлғаюы, тіпті өте төмен дозаларда да агрегацияға қарсы әсердің дамуы; • жатыр бұлшықеттерінің жиырылуын тежеу, бұл босанудың басталуын кешіктіруге және босанудың ұзаққа созылуына әкеледі. Осының нәтижесінде жүктіліктің үшінші триместрінде ибупрофенді қабылдауға болмайды. Лактация Ибупрофен және оның метаболиттері емшек сүтіне елеусіз мөлшерде енеді. Қазіргі уақытта емшек сүтімен қоректенетін нәрестелерге теріс әсер ету туралы деректер жоқ, сондықтан ауырсыну мен қызбаны жеңілдету үшін ұсынылған дозаларды қысқа мерзімді қабылдау кезінде емшек емізуді тоқтатудың қажеті жоқ.

Ибупрофенді мынадай дәрілік заттармен бір мезгілде қолданудан аулақ болу керек: Ацетилсалицил қышқылы (аспирин): бірге қолдану жағымсыз әсерлердің пайда болу қаупін арттыруы мүмкін (дәрігер тағайындаған ацетилсалицил қышқылының төмен дозаларын (тәулігіне 75 мг аспайтын) қоспағанда). Басқа ҚҚСП, атап айтқанда, циклооксигеназа-2 селективті тежегіштері: жағымсыз әсерлер туындау қаупінің ықтимал ұлғаюына байланысты ҚҚСП тобынан екі және одан да көп препаратты бір мезгілде қолданудан аулақ болу керек. Мынадай дәрілік заттармен бір мезгілде сақтықпен қолдану керек: Антикоагулянттар: ҚҚСП антикоагулянттардың, атап айтқанда варфариннің әсерін күшейте алады Гипертензияға қарсы дәрілер мен диуретиктер (АӨФ тежегіштері және ангиотензин II антагонистері): ҚҚСП осы топтар препараттарының тиімділігін төмендетуі мүмкін. Диуретиктер ҚҚСП нефроуыттылығын арттыруы мүмкін. Кортикостероидтар: АІЖ ойық жаралары мен асқазан-ішектен қан кетудің жоғары қаупі. Антиагреганттар және серотонинді кері қармау селективті тежегіштері: асқазан-ішектен қан кету туындауының жоғары қаупі. Жүрек гликозидтері: ҚҚСП және жүрек гликозидтерін бір уақытта тағайындау жүрек жеткіліксіздігінің ушығуына, шумақтық сүзілу жылдамдығының төмендеуіне және қан плазмасындағы жүрек гликозидтері концентрациясының жоғарылауына әкелуі мүмкін. Литий препараттары: ҚҚСП қолдану аясында қан плазмасындағы литий концентрациясының жоғарылау ықтималдығы туралы деректер бар. Метотрексат: ҚҚСП қолдану аясында қан плазмасындағы метотрексат концентрациясының ұлғаю ықтималдығы туралы деректер бар. Циклоспорин: ҚҚСП және циклоспоринді бір мезгілде тағайындағанда нефроуыттылық қаупінің артуы. Мифепристон: ҚҚСП қабылдауды мифепристонды қабылдағаннан кейін 8-12 күннен ерте бастамау керек, өйткені ҚҚСП мифепристонның тиімділігін төмендетуі мүмкін. Такролимус: ҚҚСП және такролимусты бір мезгілде қабылдаған кезде нефроуыттылық қаупінің артуы мүмкін. Зидовудин: ҚҚСП мен зидовудинді бір мезгілде қолдану гематоуыттылықтың жоғарылауына әкелуі мүмкін. Зидовудинмен және ибупрофенмен бірлесіп ем қабылдаған гемофилиясы бар АИТВ жұқтырған пациенттерде гемартроз және гематомалар туындау қаупінің жоғарылауы туралы деректер бар. Хинолон қатарындағы антибиотиктер: ҚҚСП және хинолон қатарындағы антибиотиктермен бірге ем алатын пациенттерде құрысулар туындау қаупі артуы мүмкін.

Сақтау мерзімі 3 жыл. Құтының алғашқы ашылуынан кейін жарамдылық мерзімі 6 ай, 25°С±2°С температурада. Қолданар алдында шайқау керек. Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!