Римонал капли 0.2 %

1 мл препараттың құрамында белсенді зат: 2 мг бримонидин тартраты, қосымша заттар: бензалконий хлориді, бор қышқылы, кальций хлориді дигидраты, магний хлориді гексагидраты, калий хлориді, натрий бораты декагидраты, гипромеллоза, натрий хлориді, натрий гидроксиді және/немесе хлорсутек қышқылы, тазартылған су. Сыртқы түрінің, иісінің, дәмінің сипаттамасы Мөлдір сары ерітінді

Ашық бұрышты глаукома немесе көзішілік гипертензиясы бар пациенттерде жоғары көзішілік қысымды төмендету үшін: - көзге тамызатын дәрі түріндегі бета-блокатор препараттарды қолдануға болмайтын пациенттерде монотерапия ретінде - басқа глаукомаға қарсы препараттармен монотерапия кезінде көзішілік қысымның адекватты төмендеуіне қолжеткізілмеген пациенттерде қосымша ем ретінде.

Әсер ету механизмі Препараттың белсенді заты – бримонидин тартраты α2-адренорецепторлардың агонисі болып табылады, α1-адренорецепторларға қарағанда α2-адренорецепторларға үлкен селективтілік көрсетеді. α2-адренорецепторларға іріктеу әсері нәтижесінде препарат мидриаз және тор қабық ксенотрансплантаттарымен астасқан адамдардағы микротамырлардың вазоконстрикциясын туындатпайды. Бримонидин тартратын жергілікті қолдану жүрек-қантамыр және респираторлық жүйеге болмашы әсер еткен кезінде адамдарда көзішілік қысымның төмендеуін тудырады. Көзішілік қысым препаратты қолданғаннан кейін тез төмендей бастайды, ал оның ең жоғары төмендеуі 2 сағаттан соң байқалады. Бримонидин көзішілік сұйықтықтың азаюы және оның увеосклеральді ағынның аздап артуы есебінен көзішілік қысымды төмендетеді.

Дозалау режимі Ересектер мен егде жастағылар: әрбір 12 сағат сайын тәулігіне екі рет зақымданған көзге 1 тамшыдан. Егде жастағы адамдарға тағайындаған кезде препарат дозасын түзету керек емес. Пациенттердің ерекше топтары Бауыр және бүйрек жеткіліксіздігі бар пациенттер. Пациенттердің осы санатында қолдану бойынша деректер жоқ. Қолдану тәсілі Ықтимал жүйелі сіңіруді төмендету үшін көз жасы қапшығы проекциясында көздің ішкі бұрышы аумағын аз уақыт (бір минуттан асырмай) саусақ ұшымен басып тұру ұсынылады. Басқа жергілікті офтальмологиялық дәрілерді бір уақытта пайдаланған кезде инстилляциялар арасындағы аралық 5 минуттан кем болмауы тиіс.

- бримонидин тартратына немесе қосымша заттардың кез келгеніне аса жоғары сезімталдық - моноаминооксидаза тежегіштерімен немесе норадреналиннің босап шығуы арқылы әсер ететін басқа антидепрессанттармен (трициклді антидепрессанттар, миасерин) бір мезгілде қолдану - лактация кезеңі - 18 жасқа дейінгі жасөспірімдер және балалар

Өте жиі - көздің шырышты қабығының тітіркенуі (гиперемия, ашыту және түйілу, қышыну, бөгде затты сезіну, конъюнктива фолликулезі), көрудің бұлғырлануы, көз тарапынан жергілікті аллергиялық реакциялар, аллергиялық блефарит, аллергиялық блефароконъюнктивит, аллергиялық конъюнктивит, фолликулярлық конъюнктивит - бас ауыруы, ұйқышылдық - ауыздың құрғауы - әлсіздік (шаршау сезімі) Жиі - жергілікті тітіркену реакциялары (гиперемия және қабық ісінуі, блефарит, конъюнктива ісінуі және бөлініс, көздің ауыруы, жас ағу), көз қарығуы, эрозия және мөлдір қабықтың боялуы, көздің құрғауы, конъюнктиваның бозаруы, көрудің бұзылуы, конъюнктивит - жоғарғы тыныс алу жолдары аурулары симптомы - асқазан-ішек бұзылыстары - бас айналуы, дәм сезудің бұзылуы - астения Жиі емес - тамыр соғысының жиілеуі, аритмия (брадикардия мен тахикардияны қоса) - мұрынның шырышты қабығының құрғауы - депрессия - жүйелі аллергиялық реакциялар Сирек - диспное Өте сирек - естен тану - ирит, миоз - артериялық гипертензия, артериялық гипотензия - ұйқысыздық Жиілігі белгісіз - көз аурулары, иридоциклит (алдыңғы увеит), қабақтың қышынуы - тері реакциясы (эритема, беттің ісінуі, қышыну, бөртпе, вазодилатация) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препаратты кездейсоқ ішке қабылдаған кезде АҚ төмендеуі, брадикардия, ОЖЖ басылуы, ұйқышылдық, есін жоғалту және басылуы, дене температурасының төмендеуі, тері жабындарының цианозы, апноэ. Емі: симптоматикалық ем, тыныс алу жолдарының өткізгіштігін қамтамасыз ету. Бримонидиннің гемодиализ арқылы шығарылуы туралы деректер жоқ.

Арнайы ескертулер Римоналды ауыр жүрек-қантамыр аурулары, депрессиясы, ми немесе коронарлық қан айналымы бұзылған, ортостаздық гипотензиясы, Рейно синдромы, облитерациялайтын тромбангииті бар пациенттерде сақтықпен пайдалану қажет. Бримонидин тартратының 2 мг/мл офтальмологиялық ерітіндісін бауыр немесе бүйрек жеткіліксіздігі бар пациенттерде қолдану зерттелмеген сондықтан мұндай пациенттерді емдеу кезінде сақтық таныту керек. Баяу дамитын типті аса жоғары сезімталдық реакциялары көзішілік қысымның жоғарылауымен астасуы мүмкін. Күрделі жағымсыз реакциялар немесе аса жоғары сезімталдық пайда болған кезде қолдануды тоқтату керек. Римонал құрамында бензалконий хлориді консерванты бар, ол жұмсақ жанаспалы линзалармен сіңірілуі және көз тіндеріне зақымдайтын әсер көрсетуі мүмкін. Сондықтан жұмсақ жанаспалы линза тағатын пациенттерге тамшыны қолданар алдында оларды шешіп алу және тамызғаннан кейін 15 минут өткен соң бірақ одан ерте емес қайта кию керек. Жұмсақ жанаспалы линзалардың түсін өзгертуі мүмкін. Бауыр және бүйрек жеткіліксіздігі бар науқастарда қолдану жөніндегі деректер жоқ. Балаларда қолдану 18 жасқа дейінгі балалар мен жасөспірімдерде бримонидин тартраты бар көзге тамызатын дәрінің қауіпсіздігі мен тиімділігін растайтын клиникалық зерттеулер жүргізілген жоқ. Қосымша заттар Препарат құрамында бензалконий хлориді бар, ол көздің тітіркенуін тудыруы мүмкін. Жұмсақ жанаспалы линзалармен жанасудан аулақ болу керек, өйткені бензалконий хлориді линзаларға сіңуіне және олардың түсінің өзгеруіне әкелуі мүмкін. Препаратты қолданар алдында линзаларды шешу және тамшыны тамызғаннан кейін 15 минут өткен соң бірақ одан ерте емес қайта кию керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бримонидин шаршауды және/немесе ұйқышылдықты, көздің бұлыңғырлануын және әсіресе жеткіліксіз жарық кезінде, көру түйсігінің бұрмалануын туындатуы мүмкін, сондықтан емдеу кезеңінде көлік құралдарын басқарудан және қауіпті жұмыс түрлерін орындаудан бас тарта тұру керек.

Препаратты жүктілік кезеңінде қолдану жүкті әйел мен шарана үшін пайда/қауіпті ескерумен, абсолюттік көрсетілімдер болған кезде ғана қарастырылуы мүмкін. Бала емізу кезінде әйелдерге қолдануға болмайды.

Препаратты моноаминооксидаза (МАО) тежегіштері мен норадренергиялық беріліске ықпал ететін антидепрессанттарды (трициклді антидепрессанттар, миасерин) бір уақытта қабылдайтын пациенттерге қолдануға болмайды. Бір мезгілде пайдаланған кезде орталық жүйке жүйесін бәсеңдететін дәрілік заттардың (алкоголь, барбитураттар, апиындар, тыныштандыратын препараттар және анестетиктер) әсері күшеюі мүмкін. Трициклді антидепрессанттармен бірге қолданған кезде клонидиннің (альфа2-адреномиметик) гипотензиялық әсердің айқындылығының белгілі азаюына байланысты трициклді антидепрессанттармен қатарлас жүретін емдеу кезінде Римонал препараты тиімділігінің ықтимал төмендеуін жоққа шығаруға болмайды. Препаратты хлорпромазин, метилфенидат, резерпин сияқты айналымдағы аминдердің метаболизміне және сіңірілуіне ықпал ететін препараттарды қабылдайтын пациенттерге сақтықпен тағайындау керек. Альфа-адреномиметиктер тобы препараттарының АҚ және ЖЖЖ төмендету қабілетін ескере отырып, гипотензиялық дәрілік препараттарды және жүрек гликозидтерін бір мезгілде қолданғанда сақ болу керек. Альфа-адреноблокаторлармен (изопреналин, празозин) бір мезгілде қабылдаған кезде сақтық таныту керек.

Сақтау мерзімі 3 жыл Құтыны ашқаннан кейінгі қолдану кезеңі – 28 күн бойы. Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек Балалардың қолы жетпейтін жерде сақтау керек!