РинГлар® 300 раствор 300 единиц действия/мл

Бір мл ерітіндінің құрамында белсенді зат – инсулин гларгин 10,91 мг (бұл 300 ӘБ инсулин гларгинге сәйкес келеді), қосымша заттар: глицерол (85 %), метакрезол, мырыш хлориді, сұйылтылған хлорсутек қышқылы 10% және/немесе натрий гидроксиді ерітіндісі 10 %, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе түссіз дерлік сұйықтық.

- ересектерде, жасөспірімдерде және 6 жастан асқан балаларда қант диабетін емдеу

Әсер ету механизмі Инсулиннің, соның ішінде инсулин гларгиннің негізгі функциясы, глюкоза метаболизмін реттеу болып табылады. Инсулин мен оның аналогтары глюкозаның шеткері тіндерге, әсіресе қаңқа бұлшықеттері мен май тіндеріне сіңірілуін стимуляциялау арқылы, сондай-ақ бауырда глюкозаның түзілуін басу есебінен қандағы глюкоза концентрациясын төмендетеді. Инсулин адипоциттердегі липолизді тежейді, протеолизді бәсеңдетеді және ақуыз синтезін күшейтеді. Фармакодинамикалық әсерлер Инсулин гларгин бейтарап рН кезінде ерігіштігі төмен болатындай етіп әзірленген, адам инсулинінің аналогы болып табылады. pH 4 кезінде инсулин гларгин толығымен ериді. Тері асты шелмайына инъекциядан кейін, қышқыл ерітінді бейтараптанады, бұл преципитаттардың түзілуіне алып келеді, олардан инсулин гларгиннің азғантай мөлшерлері үздіксіз босап шығады. Эугликемиялық клэмп-зерттеулерде 1-типті қант диабеті бар пациенттерде, инсулин гларгин 300 ӘБ/мл препаратының глюкозаны төмендететін әсері тері астына енгізгеннен кейін 100 ӘБ/мл инсулин гларгинмен салыстырғанда, тұрақты және ұзақ болды. 1-суретте инъекциядан кейін ең көп дегенде 36 сағат өткен, 1-типті қант диабетіне шалдыққан 18 пациенттің қатысуымен жүргізілген айқаспалы зерттеу нәтижелері көрсетілген. Инсулин гларгин 300 ӘБ/мл препаратының әсері клиникалық тиісті дозада 24 сағаттан артық (36 сағатқа дейін) созылды. Инсулин гларгиннің 300 ӘБ/мл инсулин гларгин препаратының преципитатынан біртіндеп бөлінуі инсулин гларгин 100 ӘБ/ мл- мен салыстырғанда инъекция көлемінің үштен екісіне азаюына байланысты, бұл преципитат беткейінің азаюына әкелді. 1-сурет: 36 сағаттық эугликемиялық клэмп-зерттеуде 1-типті қант диабетіне шалдыққан пациенттерде тұрақты жағдайдағы белсенділік бейіні. GIR* (мг/(кг * мин)) ТА енгізгеннен кейінгі уақыт (сағ) Емдеу: — РинГлар 300 0,4 ӘБ/кг — Инсулин гларгин (100 ӘБ/мл) 0,4 ӘБ/ кг * GIR: глюкоза инфузиясының жылдамдығы плазмадағы глюкозаның тұрақты деңгейін ұстап тұру үшін енгізілген глюкоза мөлшері ретінде анықталады (орташа сағаттық мәндер). Бақылау кезеңі 36 сағатты құрады. Инсулин гларгин М1 және М2 екі белсенді метаболитіне дейін метаболизденеді (5.2-бөлімді қараңыз). Инсулиндік рецепторлармен байланысуы: in vitro зерттеулерінде инсулин гларгин мен оның М1 және М2 метаболиттерінің адамның инсулин рецепторларына аффиндігі адам инсулиніне ұқсас екендігі анықталды. ИФР-1 рецепторларымен байланысуы (1 инсулинтәрізді өсу факторы): Инсулин гларгиннің адамның ИФР-1 рецепторларына аффинділігі адам инсулинімен салыстырғанда шамамен 5-8 есе жоғары (бірақ ИФР-1-ге қарағанда 70-80 есе төмен), сонымен бірге М1 және М2 метаболиттерінің ИФР-1 рецепторына адам инсулинімен салыстырғанда біршама аз аффинділігі бар. 1-типті қант диабеті бар пациенттерде инсулиннің (инсулин гларгин және оның метаболиттерінің) жалпы емдік концентрациясы ИФР-1 рецепторларымен жартылай ең жоғары байланыс жасау және ИФР-1 рецепторлары арқылы іске қосылатын митогенді-пролиферативті жолды одан әрі белсендіру үшін талап етілгеннен әлдеқайда төмен болды. ИФР-1 физиологиялық концентрациялары митогенді-пролиферативті жолды белсендіруі мүмкін; алайда, инсулин гларгин 300 ӘБ/мл препаратымен емдеуді қоса алғанда, инсулинотерапия кезіндегі инсулиннің емдік концентрациялары ИФР-1 жолын белсендіру үшін қажетті фармакологиялық концентрациялардан едәуір төмен. Клиникалық-фармакологиялық зерттеуде инсулин гларгиннің және адам инсулинінің бірдей дозаларын вена ішіне енгізгенде эквипотенттік әсері көрсетілді. Басқа инсулиндер сияқты, инсулин гларгиннің әсер ету ұзақтығына физикалық белсенділік және басқа да өзгеретін жағдайлар әсер етуі мүмкін. Клиникалық тиімділігі және қауіпсіздігі Ашық рандомизацияланған, белсенді бақыланатын, ұзақтығы 26 аптаға дейінгі қосарлас зерттеулерде 1-типті қант диабеті бар 546 пациенттің және 2-типті қант диабеті бар 2474 пациенттің қатысуымен күніне бір рет енгізген 300 ӘБ/мл инсулин гларгин препаратының жалпы тиімділігі мен қауіпсіздігі гликемиялық бақылауда 100 ӘБ/мл инсулин гларгин күніне бір рет енгізгенмен салыстырмалы болды (1 және 2-кесте). 300 ӘБ/мл инсулин гларгин препаратының барлық клиникалық зерттеулерінде алынған нәтижелер гликирленген гемоглобин (HbA1c) мәнінің төмендеуі зерттеу соңына қарай инсулин гларгин 100 ӘБ/мл қолданған кезде алынған нәтижелерден кем түспегенін көрсетті. Зерттеу соңында 300 ӘБ/мл инсулин гларгин мен 100 ӘБ/мл инсулин гларгин қолданған кезде қан плазмасындағы глюкоза концентрациясының төмендеуі ұқсас болды, бірақ бұл ретте 300 ӘБ/мл инсулин гларгинмен емдеген кезде дозаны іріктеу кезеңінде біртіндеп төмендеу байқалды. 300 ӘБ/мл инсулин гларгинін таңертең күніне бір рет немесе кешке бір рет енгізген кезде гликемиялық бақылау ұқсас болды. Гликозилденген гемоглобин көрсеткішінің жақсаруы жынысқа, этностық тиесілігіне, жасына, диабеттің ұзақтығына (<10 жыл немесе ≥10 жыл), гликирленген гемоглобиннің бастапқы мәніне (<8% немесе ≥8%) немесе зерттеудің басында дене салмағының индексіне (ДСИ) тәуелді болмады. Мақсатты мәндерге қол жеткізгенге дейін жүргізілетін зерттеулер аяқталғанда популяцияға және ілеспелі емдеуге байланысты 300 ӘБ/мл инсулин гларгин тобында салыстыру тобымен салыстырғанда 10-18% - ға жоғары доза талап етілді (1 және 2-кесте). Клиникалық зерттеулердің нәтижелері расталған гипогликемия жиілігі (күн мен түннің кез келген уақытында) инсулиндік емес гипогликемиялық препараттармен немесе инсулинмен біріктірілімде ем қабылдаған 2-типті қант диабеті бар пациенттерде ас ішу кезінде 300 ӘБ/мл инсулин гларгин қабылдаған пациенттерде 100 ӘБ/мл инсулин гларгин қабылдаған пациенттерден төмен болғанын көрсетті. Түнгі уақытта расталған гипогликемияның даму қаупінің төмендеуіне қатысты 300 ӘБ/мл инсулин гларгиннің 100 ӘБ/мл инсулин гларгинмен салыстырғанда артықшылығы базальды инсулинді инсулиндік емес гипогликемиялық препараттармен (қатердің 18% - ға төмендеуі) немесе тамақтану кезінде инсулинмен (қатердің 21% - ға төмендеуі) біріктірілімде қабылдаған 2-типті қант диабеті бар пациенттерде 9 аптадан бастап зерттеу аяқталғанға дейінгі кезең ішінде байқалды. Жалпы гипогликемияның даму қаупіне мұндай әсер 300 ӘБ/мл инсулин гларгин тобында жасына, жынысына, ДСИ-ге және диабеттің ұзақтығына (<10 жыл немесе ≥10 жыл) қарамастан, 100 ӘБ/мл инсулин гларгинмен ем қабылдаған пациенттермен салыстырғанда үнемі байқалып отырды. РинГлар 300 препаратымен ем қабылдаған 1-типті қант диабетіне шалдыққан пациенттерде және 100 ӘБ/мл инсулин гларгин қабылдаған пациенттерде гипогликемия жиілігі ұқсас болды (3-кесте). 1-кесте: 1-типті қант диабетіне шалдыққан пациенттердегі клиникалық зерттеулердің нәтижелері 26 апта емдеу Инсулин гларгин 300 ӘБ/мл — Инсулин гларгин 100 ӘБ/мл Біріктірілімде емдеу — Прандиал инсулиннің аналогы Пациенттер саны (mITTa) — 273 — 273 HbA1c Бастапқы (орташа) — 8.13 — 8.12 Орташаның бастапқыдан түзетілген өзгерісі — -0.40 — -0.44 Түзетілген орташа айырмашылығыb — 0.04 [-0.098 0.185 дейін] Базальді инсулиннің дозасыc (ӘБ/кг) Бастапқы (орташа) — 0.32 — 0.32 Орташаның бастапқыдан өзгерісі — 0.15 — 0.09 Дене салмағы d (кг) Бастапқы (орташа) — 81.89 — 81.80 Орташаның бастапқыдан өзгерісі — 0.46 — 1.02 a mITT: тағайындалған ем бойынша модификацияланған популяция b Емдеу айырмашылығы: 300 ӘБ/мл инсулин гларгин - 100 ӘБ/мл инсулин гларгин; [95% сенімді аралық] c Бастапқыдан 6-айға дейінгі өзгеріс (байқалатын жағдай) d 6 айлық емнің бастапқыдан соңғы негізгі мәніне дейін өзгеруі 2-кесте: 2-типті қант диабетіне шалдыққан пациенттердегі клиникалық зерттеулердің нәтижелері 26 апта емдеу Бұрын базальды инсулин қабылдаған пациенттер — Бұрын базальды инсулин қабылдаған пациенттер — Бұрын инсулин қабылдамаған пациенттер Біріктірілімде емдеу — Прандиал инсулиннің аналогы + / - метформин — Инсулиндік емес антигипергликемиялық дәрілік заттар Гларгин 300 — Гларгин 100 — Гларгин 300 — Гларгин 100 — Гларгин 300 — Гларгин 100 Пациенттердің саныа — 404 — 400 — 403 — 405 — 432 — 430 HbA1c Бастапқы (орташа) Орташаның бастапқыдан түзетілген өзгерісі Түзетілген орташа айырмашылығыb — 8.13 -0.90 — 8.14 -0.87 — 8.27 -0.73 — 8.22 -0.70 — 8.49 -1.42 — 8.58 -1.46 -0.03 [-0.144 - 0.083 дейін] — -0.03 [-0.168 - 0.099 дейін] — 0.04 [-0.090 - 0.174 дейін] Базальді инсулиннің дозасыc (ӘБ/кг) Бастапқы (орташа) Орташаның бастапқыдан өзгерісі — 0.67 0.31 — 0.67 0.22 — 0.64 0.30 — 0.66 0.19 — 0.19 0.43 — 0.19 0.34 Дене салмағы d (кг) Бастапқы (орташа) Орташаның бастапқыдан өзгерісі — 106.11 0.93 — 106.50 0.90 — 98.73 0.08 — 98.17 0.66 — 95.14 0.50 — 95.65 0.71 a mITT: тағайындалған ем бойынша модификацияланған популяция b Емдеу айырмашылығы: РинГлар 300 - 100 ӘБ/мл инсулин гларгин; [95% сенімді аралық] c Бастапқыдан 6-айға дейінгі өзгеріс (байқалатын жағдай) d 6 айлық емнің бастапқыдан соңғы негізгі мәніне дейін өзгеруі 3-кесте: 1 және 2-типті қант диабетіне шалдыққан пациенттердегі клиникалық зерттеулердің деректері бойынша гипогликемия эпизодтарының түйіндемесі Пациенттердің популяциясы — 1-типті қант диабеті Бұрын базальды инсулин қабылдаған пациенттер — 2-типті қант диабеті Бұрын базальды инсулин қабылдаған пациенттер — 2-типті қант диабеті Бұрын инсулин қабылдамаған немесе базальды инсулин қабылдаған пациенттер Біріктірілімде емдеу — Прандиал инсулиннің аналогы — Прандиал инсулиннің аналогы + / - метформин — Инсулиндік емес антигипергликемиялық препараттар Гларгин 300 — Гларгин 100 — Гларгин 300 — Гларгин 100 — Гларгин 300 — Гларгин 100 Ауыр а гипогликемияның жиілігі ( % ) (n/жалпы саны N) Зерттеудің барлық кезеңі d — 6.6 — 9.5 — 5.0 — 5.7 — 1.0 — 1.2 (18/274) — (26/275) — (20/404) — (23/402) — (8/838) — (10/844) ТҚ*: 0.69 [0.39; 1.23] — ТҚ: 0.87 [0.48; 1.55] — ТҚ: 0.82 [0.33; 2.00] Расталған b гипогликемияның жиілігі ( % ) (n/ жалпы саны N) Барлық кезең — 93.1 — 93.5 — 81.9 — 87.8 — 57.6 — 64.5 (255/274) — (257/275) — (331/404) — (353/402) — (483/838) — (544/844) зерттеу ТҚ: 1.00 [0.95; 1.04] — ТҚ: 0.93 [0.88; 0.99] — ТҚ: 0.89 [0.83; 0.96] Расталған түнгі с гипогликемияның жиілігі ( % ) (n/жалпы саны N) 9-аптадан зерттеу кезеңі аяқталғанға дейін — 59.3 — 56.0 — 36.1 — 46.0 — 18.4 — 22.5 (162/273) — (153/273) — (146/404) — (184/400) — (154/835) — (188/835) ТҚ: 1.06 [0.92; 1.23] — ТҚ: 0.79 [0.67; 0.93] — ТҚ: 0.82 [0.68; 0.99] a Ауыр гипогликемия: көмірсулар, глюкагон енгізу немесе басқа реанимациялық шараларды қолдану үшін басқа адамның көмегін қажет ететін эпизод. b Расталған гипогликемия: плазмадағы глюкоза деңгейінің мәнімен расталған кез келген ауыр гипогликемия және/немесе гипогликемия ≤3,9 ммоль/л. c Түнгі гипогликемия: 00:00-ден 05: 59-ға дейін болған эпизод. d 6 айлық емдеу кезеңі * ТҚ: тәуекелдердің есептік қатынасы; [95% сенімді аралық] Препаратты енгізу уақытының икемділігі 300 ӘБ/мл инсулин гларгин препаратын қолдану қауіпсіздігі мен тиімділігі белгіленген немесе икемді дозалау режимінде енгізген кезде 3 ай бойы жалғасатын екі ашық рандомизацияланған клиникалық зерттеуде расталған. 2-типті қант диабеті бар пациенттер (n=194) 300 ӘБ/мл инсулин гларгинді күніне бір рет кешке бір мезгілде (бекітілген енгізу кестесі) немесе әдеттегі енгізу уақытына дейін 3 сағат ішінде немесе енгізу уақытынан кейін 3 сағат ішінде (икемді енгізу кестесі) алды. Препаратты енгізудің икемді кестесі гликемияны бақылаудың тиімділігіне және гипогликемияның даму жиілігіне әсер еткен жоқ. Антиденелер 300 ӘБ/мл инсулин гларгин мен 100 ӘБ/мл инсулин гларгинді салыстырмалы зерттеу нәтижелері базальды инсулиннің тиімділігінде, қауіпсіздігінде немесе дозасында инсулинге антиденелердің түзілуімен байланысты айырмашылықтарды көрсеткен жоқ. Дене салмағы 300 ӘБ/мл инсулин гларгин препаратымен ем қабылдаған пациенттерде 6 айлық зерттеу кезеңінің соңында дене салмағының 1 кг-дан кем орташа өзгеруі байқалды (1 және 2-кестені қараңыз). Диабеттік ретинопатияның үдеуіне қатысты зерттеудің нәтижелері Диабеттік ретинопатияның дамуына 100 ӘБ/мл инсулин гларгиннің (күніне бір рет) әсері көз түбінің фотосурет деректеріне сәйкес ETDRS шкаласы бойынша 3 және одан да көп ретинопатияның үдеу дәрежесі бар 2-типті қант диабетіне шалдыққан 1024 пациентте НПХ инсулинімен салыстырылған (күніне екі рет қолданылған) ашық 5 жылдық зерттеуде бағаланды. НПХ инсулинімен салыстырғанда 100 ӘБ/мл инсулин гларгинмен емдеу кезінде диабеттік ретинопатияның өршуінде елеулі айырмашылықтар байқалған жоқ. Ұзақ мерзімді тиімділігі және қауіпсіздігі ORIGIN (Outcome Reduction with Initial Glargine INtervention) зерттеуі - жүрек-қантамыр ауруларының жоғары даму қаупі тобына кіретін, ашқарынға гликемияның бұзылуы немесе глюкозаға деген төзімділігі бұзылған (қатысушылардың 12%-ы) немесе ерте сатыда 2-типті қант диабеті бар (≤1 диабетке қарсы препаратты пероральді қабылдаған) (88% пациент) 12537 пациенттің қатысуымен өткен 2Х2 факториалды дизайнмен көп орталықты рандомизацияланған зерттеу болып табылады. Пациенттер қан плазмасында глюкозаның мақсатты деңгейіне жеткенге дейін дозаны титрлеу ≤ 95 мг/дл (5.3 ммоль/л) арқылы 100 ӘБ/мл инсулин гларгинді (n = 6264) ашқарынға қолданатын немесе стандартты ем алатын (n = 6273) топтарға кездейсоқ бөлінген (1:1). Тиімділікті бағалаудың құрамдастырылған бастапқы соңғы нүктесі жүрек-қантамыр ауруы себебінен қайтыс болғанға дейінгі уақытты, фатальді емес миокард инфарктісінің немесе фатальді емес инсульттің дамуын, сондай-ақ аталған оқиғалар басталғанға дейінгі уақытты, реваскуляризация емшарасын (коронарлық артериялар, күретамыр немесе шеткері артериялар) жүргізуді немесе жүрек функциясының жеткіліксіздігінің дамуы себебінен ауруханаға жатқызуды қамтиды. Екінші соңғы нүктелер кез келген себептерден болған өлім мен микротамырлы асқынулардың дамуын қамтыды. 100 ӘБ/мл инсулин гларгинмен емдеу стандартты еммен салыстырғанда жүрек-қантамыр ауруларының (ЖҚА) және ЖҚА-дан болған өлімнің даму қаупіне әсер етпеді. Инсулин гларгин мен стандартты ем арасында біріктірілген бастапқы соңғы нүкте бойынша, соңғы нүктелердің әрбір компоненті бойынша жеке, кез келген себептерден болатын өлім бойынша, сондай-ақ микротамырлы асқынулардың дамуы бойынша айырмашылықтар болған жоқ. Зерттеу соңында100 ӘБ/мл инсулин гларгиннің орташа дозасы 0,42 ӘБ/кг құрады. Бақылаудың барлық кезеңінде пациенттердің гликирленген гемоглобинінің бастапқы орташа мәні 6,4 %-ды, ал емдеу кезіндегі орташа мәні - 100 ӘБ/мл инсулин гларгин тобында 5,9-дан 6,4 % - ға дейін және стандартты ем алатын топта 6,2% - дан 6,6 % - ға дейін құрады. Ауыр гипогликемияның даму жиілігі (100 пациентке шаққанда қатысушылар саны) 100 ӘБ/мл инсулин гларгин тобында 1,05 -ті және стандартты ем тобында 0,30-ды құрады, жеңіл дәрежедегі расталған гипогликемия жиілігі 100 ӘБ/мл инсулин гларгин тобында 7,71-ді және стандартты ем тобында 2,44-ті құрады. 6 жылдық зерттеу кезеңінде 100 ӘБ/мл инсулин гларгин тобындағы пациенттердің 42%-ы гипогликемия көріністерін бастан өткермеген. Осы зерттеу шеңберінде соңғы келу кезінде 100 ӘБ/мл инсулин гларгин тобында бастапқы көрсеткіштермен салыстырғанда дене салмағының орташа 1,4 кг - ға артуы, ал стандартты ем тобында - орташа 0,8 кг-ға төмендеуі байқалды. Балалар 300 ӘБ/мл инсулин гларгин препаратының тиімділігі мен қауіпсіздігін бағалау 26 апта бойы (n=463) 1-типті қант диабеті бар балалар мен жасөспірімдердің қатысуымен өткен рандомизацияланған бақыланатын ашық клиникалық зерттеу шеңберінде жүргізілді. 300 ӘБ/мл инсулин гларгин тобына <12 жастағы 73 пациент және ≥12 жастағы 160 пациент кірді. 300 ӘБ/мл инсулин гларгинді күніне бір рет қабылдаған пациенттерде 100 ӘБ/мл инсулин гларгин қабылдаған пациенттермен салыстырғанда 26-аптадағы бастапқы мәндермен салыстырғанда гликирленген гемоглобин деңгейінің және ашқарынға плазмадағы глюкоза деңгейінің осыған ұқсас төмендеуі байқалды. Доза-жауап тәуелділігін талдау титрлеудің бастапқы кезеңінен кейін дене салмағы бойынша түзетілген балалардағы инсулиннің дозалары тұрақты жағдайдағы ересек пациенттерге қарағанда жоғары болғанын көрсетті. Кез келген санаттағы пациенттерде гипогликемияның пайда болуының жалпы жиілігі екі емдеу тобында да ұқсас болды: 300 ӘБ/мл инсулин гларгин препаратымен емдеу тобындағы пациенттердің 97,9% - ы және 100 ӘБ/мл инсулин гларгинмен емдеу тобындағы пациенттердің 98,2% - ы гипогликемияның кем дегенде бір көрінісі туралы хабарлады. Сондай-ақ түнгі гипогликемияның даму жиілігі 300 ӘБ/мл инсулин гларгинді және 100 ӘБ/мл инсулин гларгинді қабылдаған топтарда салыстырмалы болды. Ауыр гипогликемия туралы хабарлаған пациенттердің саны 300 ӘБ/мл инсулин гларгинмен емдеу тобында 100 ӘБ/мл инсулин гларгинмен емдеу тобымен салыстырғанда пайыздық көріністе төмен, тиісінше 6% және 8,8% болды. Кетозбен гипогликемия дамыған пациенттердің саны пайыздық көріністе, 100 ӘБ/мл инсулин гларгин тобымен салыстырғанда 300 ӘБ/мл инсулин гларгинмен емдеу тобында төмен, тиісінше, 6,4% және 11,8% болды. 300 ӘБ/мл инсулин гларгин препараты үшін жағымсыз құбылыстар мен қауіпсіздіктің стандартты параметрлерінің дамуына қатысты қауіпсіздіктің қандай да бір мәселелері анықталған жоқ. Антиденелердің пайда болуы сирек жағдайларда байқалды және клиникалық маңызды әсер етпеді. 2-типті қант диабеті бар балаларды емдеудің тиімділігі мен қауіпсіздігі 1-типті қант диабеті бар жасөспірімдер мен ересек пациенттер және 2-типті қант диабеті бар ересек пациенттер үшін тиімділік пен қауіпсіздік деректерінен экстраполяцияланған. Нәтижелер 2-типті қант диабеті бар балаларды емдеу үшін 300 ӘБ/мл инсулин гларгинді қолдану мүмкіндігін растайды.

Дозалау режимі РинГлар® 300 күннің кез келген уақытында тәулігіне 1 рет, дұрысы күн сайын бір уақытта енгізуге арналған базальды инсулин. Дозалау режимі (дозасы және енгізу уақыты) пациенттің жеке реакциясына сәйкес түзетілуі тиіс. 1 типті қант диабеті кезінде РинГлар® 300 препараты тамақтану кезінде инсулинге деген қажеттілікті жабу үшін қысқа/ультрақысқа әсер ететін инсулинмен біріктірілуі керек. 2 типті қант диабетімен ауыратын пациенттерде РинГлар® 300 препаратын қантты төмендететін басқа дәрілік препараттармен біріктірілімде қолдануға болады. Бұл дәрілік препараттың белсенділігі бірліктерде көрінеді. Бұл бірліктер РинГлар® 300 препаратына ғана тән және инсулиннің басқа аналогтарының әсер ету күшін білдіру үшін қолданылатын халықаралық бірліктермен (ХБ) немесе бірліктермен бірдей емес. Препаратты енгізу уақытының икемділігі Қажет болса, пациенттер РинГлар® 300 препаратын әдеттегі енгізу уақытынан 3 сағат бұрын немесе 3 сағаттан кейін енгізе алады. Дозаны енгізуді өткізіп алған пациенттерге қандағы глюкоза концентрациясын тексеріп, содан кейін препаратты қабылдаудың әдеттегі режимін күніне бір рет қайта бастауға кеңес беру керек. Пациенттер өткізіп алған (ұмытып кеткен) дозаның орнын толтыру үшін препараттың қос дозасын енгізуге болмайтыны туралы хабардар болуы тиіс. Емдеуді бастау 1- типті қант диабеті бар пациенттер РинГлар® 300 препаратын тәулігіне 1 рет тамақтану кезінде енгізілетін инсулинмен бірге қолдану керек және дозаны әр адамға жеке таңдауды қажет етеді. 2- типті қант диабеті бар пациенттер Препараттың ұсынылатын бастапқы дозасы дозаны әр адамға жеке таңдай отырып, күн сайын 0,2 ӘБ/кг құрайды. 100 ӘБ/мл гларгин инсулинінен РинГлар® 300 препаратына ауысу және керісінше 100 ӘБ/мл инсулин гларгин және РинГлар® 300 препараты биоэквивалентті емес және бір-бірін тікелей алмастырмайды: - 100 ӘБ/мл гларгин инсулинінен РинГлар® 300 препаратына ауысқан кезде ауысу бірлікке бірлік есебінен жүргізілуі мүмкін. Бірақ қан плазмасындағы глюкоза концентрациясының мақсатты диапазонына жету үшін РинГлар® 300 препаратының жоғары дозасы қажет болуы мүмкін (шамамен 10-18 %). - РинГлар® 300 препаратынан 100 ӘБ/мл инсулин гларгинге ауысқан кезде гипогликемияның даму қаупін азайту үшін дозаны азайту керек (шамамен 20 %). Осы препараттардың бірінен екіншісіне ауысқан кезде және алғашқы апталарда мұқият метаболизмдік мониторинг ұсынылады. Басқа базальды инсулиндерден РинГлар® 300 препаратына ауысу Орташа немесе ұзақ әсер ететін инсулиндермен емдеу сызбасынан РинГлар® 300 препаратымен емдеу сызбасына ауысқан кезде базальды инсулин дозасын өзгерту және бір мезгілде жүргізілетін қантты төмендететін терапияны түзету (қысқа әсер ететін инсулиндерді немесе инсулиннің жылдам әсер ететін аналогтарының дозаларын немесе инсулиндік емес гипогликемиялық препараттардың дозалары мен енгізу уақытын өзгерту) талап етілуі мүмкін. - Бір тәулік ішінде базальды инсулиндерді бір рет енгізуден РинГлар® 300 препаратын бір тәулік ішінде бір рет енгізуге көшу базальды инсулиннің бұрын енгізілген дозасының бірлігіне бірлік есебінен жүргізілуі мүмкін. - Тәулік ішінде базальды инсулиндерді екі рет енгізуден РинГлар® 300 препаратын бір рет енгізуге ауысқан кезде РинГлар® 300 препаратының ұсынылатын бастапқы дозасы емдеу тоқтатылатын базальды инсулиннің жалпы тәуліктік дозасының 80%-ын құрайды. Инсулиннің жоғары дозаларын қабылдайтын пациенттер адам инсулиніне антиденелердің болуына байланысты РинГлар® 300 препаратына жақсартылған реакцияны сезінуі мүмкін. РинГлар® 300 препаратына ауысу кезінде және одан кейін бірнеше апта ішінде метаболизмдік мұқият мониторинг ұсынылады. Инсулинге сезімталдықтың жоғарылауына әкелетін метаболизмдік бақылаудың жақсаруымен дозалау режимін одан әрі түзету қажет болуы мүмкін. Дозалау режимін түзету қажет болуы мүмкін, мысалы, пациенттің дене салмағының немесе өмір сүру салты өзгергенде, инсулин дозасын енгізу уақыты өзгерген кезде немесе гипо- немесе гипергликемияның дамуына бейімділікті арттыратын басқа жағдайлар туындаған кезде. РинГлар® 300 препаратынан басқа базальды инсулиндерге ауысу РинГлар® 300 препаратынан басқа базальды инсулиндерге ауысу кезінде және одан кейін бірнеше апта ішінде медициналық бақылау және метаболизмдік мұқият мониторинг ұсынылады. Пациент ауыстырылатын дәрілік препаратты қолдану жөніндегі нұсқаулыққа жүгініңіз. Пациенттердің ерекше топтары РинГлар® 300 препаратын егде жастағы пациенттерге, бүйрек және бауыр функциясының жеткіліксіздігі бар пациенттерге және 6 жастан асқан балалар мен жасөспірімдерге қолдануға болады. Балалар РинГлар® 300 препаратын ересек пациенттерді емдеу үшін қолданылатын қағидаттарды басшылыққа ала отырып, жасөспірімдер мен 6 жастан асқан балаларды емдеу үшін пайдалануға болады. Базальды инсулиннен РинГлар® 300 препаратына ауысу кезінде гипогликемияның даму қаупін азайту мақсатында жеке реакцияны ескере отырып, базальды және болюсті инсулиннің дозасын төмендетуді қарастыру қажет. РинГлар® 300 препаратының 6 жасқа дейінгі балалардағы қауіпсіздігі мен тиімділігі анықталмаған. Қолжетімді деректер жоқ. Егде жастағы пациенттер (≥65 жас) Егде жастағы пациенттерде бүйрек функциясының үдемелі нашарлауы инсулинге деген қажеттіліктің тұрақты төмендеуіне әкелуі мүмкін. Бауыр функциясының жеткіліксіздігі бар пациенттер Бауыр функциясының жеткіліксіздігі бар пациенттерде глюконеогенез қабілетінің төмендеуіне және инсулин метаболизмінің баяулауына байланысты инсулинге деген қажеттілік төмендеуі мүмкін. Бүйрек функциясының жеткіліксіздігі бар пациенттер Бүйрек функциясының жеткіліксіздігі бар пациенттерде инсулин метаболизмінің баяулауына байланысты инсулинге деген қажеттілік азаюы мүмкін. Енгізу әдісі мен жолы РинГлар® 300 препараты тек тері астына енгізуге арналған. РинГлар® 300 препараты іш, жамбас аймағына немесе дельта тәрізді бұлшықетке инъекция арқылы тері астына енгізіледі. Липодистрофия мен тері амилоидозының даму қаупін азайту үшін инъекция аймағын әрдайым бір аймақта өзгерту керек. РинГлар® 300 препаратын вена ішіне енгізуге болмайды. РинГлар® 300 препаратының ұзартылған әсері тері асты шелмайына енгізілгенде ғана байқалады. Қалыпты тері асты дозасын вена ішіне енгізу ауыр гипогликемияны тудыруы мүмкін. РинГлар® 300 препараты инсулиндік инфузиялық помпаларда пайдалануға арналмаған. Geropharm® Pen алдын ала толтырылған шприц-қаламның көмегімен дозаны 1 бірлікке ұлғайту қадамымен инъекцияға 1-ден 80 бірлікке дейінгі дозаларды енгізуге болады. Дозаларды есептеу терезесі РинГлар® 300, препаратының енгізілетін бірліктерінің санын көрсетеді. Алдын ала толтырылған Geropharm® Pen шприц-қаламы РинГлар® 300 препараты үшін арнайы әзірленген, сондықтан дозаны ешқандай қосымша есептеу қажет емес. РинГлар® 300 препаратын ешқашан шприц-қалам картриджінен шприцке алуға болмайды, әйтпесе ауыр артық дозалану орын алуы мүмкін. Әрбір инъекция алдында жаңа стерильді инені жалғау керек. Инелерді қайта пайдалану олардың бітелу қаупін арттырады, бұл аз дозаны енгізуге немесе артық дозалануға әкелуі мүмкін. Аурулардың қан арқылы берілуін болдырмас үшін, инсулиндік шприц-қаламдар ешқашан бір пациенттен басқасына, тіпті инесі ауыстырылған жағдайда да, пайдаланылмауы тиіс. Geropharm® Pen шприц-қаламды қолданар алдында қаптамаға салынған қолдану жөніндегі нұсқаулықты мұқият оқып шығу керек. Дәрілік препараттың бір немесе бірнеше дозасын өткізіп алған кезде қажетті шаралар Қажет болса, РинГлар® 300 препаратын әдеттегі енгізу уақытынан 3 сағат бұрын немесе одан кейін енгізуге болады. РинГлар® 300 препаратының дозасын өткізіп алған немесе препараттың жеткіліксіз мөлшерін енгізген жағдайда қандағы қант деңгейінің айтарлықтай жоғарылауы (гипергликемия) мүмкін. Бұл жағдайда өткізіп алған дозаны толтыру үшін инсулиннің қос дозасын енгізуге болмайды. Қандағы қант деңгейін тексеру және келесі дозаны әдеттегі уақытта енгізу керек. Гипергликемияны емдеу туралы ақпарат алу үшін шұғыл түрде емдеуші дәрігермен кеңесу керек. Тоқтату симптомдары қаупінің болуын көрсету Ринглар® 300 препаратын емдеуші дәрігердің келісімінсіз тоқтату ауыр гипергликемияға (қандағы қанттың өте жоғары деңгейі) және кетоацидозға әкелуі мүмкін. Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар Осы препаратты қолдануға қатысты қандай да бір сұрақтар туындаған жағдайда емдеуші дәрігеріңізбен хабарласыңыз. РинГлар® 300 ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар Өте жиі - гипогликемия Жиі - липогипертрофия - инъекция орнындағы реакциялар Жиі емес - липоатрофия Сирек - аллергиялық реакциялар - көру қабілетінің бұзылуы, ретинопатия - ісінулер Өте сирек - дисгевзия - миалгия Белгісіз (қолда бар деректердің негізінде бағалау мүмкін емес) - тері амилоидозы Жекелеген жағымсыз реакциялардың сипаттамасы Зат алмасу және тамақтану тарапынан бұзылулар Егер инсулин дозасы инсулинге деген қажеттілікпен салыстырғанда тым жоғары болса, инсулинотерапия кезінде анағұрлым жиі кездесетін жағымсыз реакция - гипогликемия пайда болуы мүмкін. Ауыр гипогликемия көріністері, әсіресе қайталанатын, неврологиялық бұзылуларға әкелуі мүмкін. Ұзақ немесе ауыр гипогликемия жағдайлары өмірге қауіп төндіруі мүмкін. Көптеген пациенттерде нейрогликопения белгілері мен симптомдарының адренергиялық қарсы реттеліс белгілері ізашар болады. Жалпы алғанда, қандағы глюкоза мөлшері неғұрлым едәуір және тезірек төмендеген сайын, қарсы реттеліс феномені мен оның симптомдары соғұрлым айқын көрінеді. Иммундық жүйенің тарапынан бұзылулар Инсулинге жылдам түрдегі аллергиялық реакциялар сирек дамиды. Инсулинге (инсулин гларгинді қоса) мұндай реакциялар немесе препараттың қосымша заттары, мысалы жайылған тері реакцияларымен, ангионевроздық ісінумен, бронх түйілуімен, артериялық қысымның төмендеуімен және шокпен қатар жүріп, өмірге қауіп төндіруі мүмкін. 300 ӘБ/мл дозада инсулин гларгинді клиникалық зерттеулерде ересек пациенттерде аллергиялық реакциялардың туындау жиілігі 300 ӘБ/мл инсулин гларгинмен ем қабылдаған (5,3%) пациенттер мен 100 ӘБ/мл инсулин гларгинмен ем қабылдаған (4,5%) пациенттерде ұқсас болды. Көру мүшесі тарапынан бұзылулар Гликемия бақылауының елеулі өзгерісі тургордың және көзбұршақтың сыну коэффициентінің уақытша бұзылуы салдарынан көру қабілетінің уақытша нашарлауын туғызуы мүмкін. Гликемиялық бақылаудың ұзақ мерзімді жақсаруы диабеттік ретинопатияның өршу қаупін төмендетеді. Алайда, инсулинмен емдеудің гликемиялық бақылаудың жақсаруымен жүретін интенсификациясы диабеттік ретинопатияның уақытша нашарлауымен астасуы мүмкін. Пролиферативтік ретинопатиясы бар пациенттерде, әсіресе фотокоагуляциямен емдеу болмаған жағдайда, ауыр гипогликемия көріністері өтпелі соқырлыққа алып келуі мүмкін. Тері және тері асты тіндері тарапынан бұзылулар Тері липодистрофиясы мен амилоидозы инъекция орнында пайда болуы және инсулиннің жергілікті сіңуін кешіктіруі мүмкін. Инъекцияға арналған ұсынылған аумақтар шеңберінде инъекция орнын үнемі өзгерту бұл реакцияларды азайтуға немесе алдын алуға көмектеседі. Жалпы бұзылулар және енгізу орнындағы реакциялар Препаратты енгізген жердегі реакциялар қызаруды, ауыруды, қышуды, есекжемді, ісінуді немесе қабынуды қамтиды. Инъекция орнындағы инсулинге реакциялардың көпшілігі әдетте бірнеше күн немесе аптадан кейін өтеді. 300 ӘБ/мл дозада инсулин гларгин препаратын ересек пациенттердің қатысуымен жүргізілген клиникалық зерттеулерде енгізу орнындағы реакциялардың даму жиілігі инсулин гларгин 300 ӘБ/мл (2,5%) қабылдаған пациенттерде және инсулин гларгин 100 ӘБ/мл (2,8%) алған пациенттерде ұқсас болды. Инсулин сирек жағдайда ісінуді тудыруы мүмкін, әсіресе инсулинмен қарқынды емдеу арқылы метаболизмді бақылау тиімділігін арттыру мүмкін болған жағдайларда. Балалар Балаларды емдеуге арналған 300 ӘБ/мл дозада инсулин гларгин препаратының қауіпсіздігі мен тиімділігі 6 жастан 18 жасқа дейінгі балалардың қатысуымен жүргізілген зерттеулерде расталды. Қант диабеті бар пациенттердің жалпы популяциясындағы балалар жасындағы пациенттер жағымсыз реакциялардың жиілігі, типі және ауырлығы бойынша айырмашылықтарына нұсқаулар жоқ. 6 жасқа толмаған балаларда препаратты қолданудың қауіпсіздігіне қатысты клиникалық зерттеулердің қолжетімді деректері жоқ. Пациенттердің ерекше топтары Клиникалық зерттеулер нәтижесінде алынған деректерге сүйене отырып, инсулин гларгин 300 ӘБ/мл препаратының егде жастағы пациенттерде және бүйрек функциясының жеткіліксіздігі бар пациенттердегі қауіпсіздік бейіні жалпы популяциядағы пациенттердегіге ұқсас болды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

- осы дәрілік препараттың әсер етуші затына немесе қосымша заттардың кез келгеніне аса жоғары сезімталдық - 6 жасқа дейінгі балалар

Нұсқаулықта көрсетілмеген.

Симптомдары Инсулиннің артық дозалануы ауыр, кейде ұзақ және өмірге қауіп төндіретін гипогликемияға әкелуі мүмкін. Емі Орташа гипогликемия көріністерін әдетте көмірсуларды ішке қабылдау арқылы тоқтатуға болады. Препараттың дозасын, тамақ қабылдау режимдерін түзету немесе физикалық жаттығуларды орындау қажет болуы мүмкін. Комамен, құрысулармен немесе неврологиялық бұзылулармен байқалатын анағұрлым ауыр жағдайларды, глюкагонды бұлшықет ішіне/тері астына енгізу немесе концентрацияланған глюкоза ерітіндісін вена ішіне енгізу арқылы тоқтатуға болады. Көмірсулардың демеуші дозасын қабылдау және қадағалау қажет болуы мүмкін, себебі айқын клиникалық сауығудан кейін гипогликемияның даму жағдайлары қайталануы мүмкін.

Қадағалануы Биологиялық дәрілік препараттардың қадағалануын жақсарту мақсатында енгізілген препараттың атауы мен партия нөмірін нақты көрсету қажет. РинГлар® 300 препараты диабеттік кетоацидозды емдеу үшін таңдалатын инсулин болып табылмайды. Бұл жағдайда қысқа әсер ететін инсулинді вена ішіне енгізуге басымдық беру керек. Қандағы глюкоза концентрациясы жеткіліксіз бақыланған жағдайда, сондай-ақ гипогликемияның немесе гипергликемияның даму үрдісі болса, дозалау режимін түзетуге кіріспес бұрын, пациенттің тағайындалған емдеу сызбасын дәл орындағанын, препаратты енгізу орындарына қатысты нұсқаулардың сақталғандығын, теріастылық инъекциялар техникасының дұрыстығын тексеру, сондай-ақ мұндай жағдайларды туғызуға қабілетті барлық басқа факторларды ескеру керек. Терінің липодистрофиясы мен амилоидозының даму қаупін азайту үшін пациенттерге инъекция орнын үнемі өзгерту қажеттігі туралы ескерту қажет. Осы реакциялар орындарында инсулин инъекцияларынан кейін инсулиннің сіңуінің кешігу және гликемиялық бақылаудың әлеуетті нашарлау қаупі бар. Инъекция орнын өзгерту және терінің зақымданбаған жерлеріне енгізу гипогликемияға әкеледі деп хабарланған. Енгізу орны өзгергеннен кейін қандағы глюкоза деңгейіне мониторинг жүргізу және диабетке қарсы препараттардың дозасын түзету мүмкіндігін қарастыру ұсынылады. Гипогликемия Гипогликемияның даму уақыты пайдаланылатын инсулиндердің әсер ету бейініне байланысты және осылайша, емдеу режимі өзгерген кезде өзгеруі мүмкін. Препаратты гипогликемия көріністері ерекше клиникалық мәнге ие болуы мүмкін пациенттерге қолданғанда ерекше сақтық таныту және қолданған кездегі қандағы глюкоза концентрациясына күшейтілген мониторинг жүргізу керек. Мұндай пациенттерге коронарлық артериялардың немесе ми қантамырларының айқын стенозы бар (гипогликемияның кардиалық және церебралдық асқынуларының даму қаупі) пациенттер, сондай-ақ, әсіресе, егер фотокоагуляциямен ем қабылдамаған болса, пролиферативтік ретинопатиясы бар (гипогликемиядан кейін өтпелі көрмей қалу қаупі) пациенттер жатады. Пациенттерге, пациенттердің белгілі бір топтарында гипогликемия дамуының ізашар симптомдары өзгеруі, айқындығы азаюы немесе мүлдем болмауы мүмкін жағдайлар туралы ескертілуі тиіс. Оған: -гликемиялық бақылау елеулі түрде жақсарып келе жатқан; -гипогликемия біртіндеп дамып келе жатқан; -егде жастағы; -жануарлардан алынған инсулиннен адам инсулиніне ауысқаннан кейін; -вегетативтік нейропатиясы бар; -анамнезінде қант диабетінің ұзақ уақыт болуы; -психикалық бұзылулары бар; -кейбір басқа дәрілік препараттармен бір мезгілде ем қабылдап жүрген пациенттер жатады. Мұндай жағдайлар пациент өзінде гипогликемия дамып келе жатқандығын түсінгенге дейін ауыр гипогликемияның дамуына алып келуі мүмкін (естен тануы мүмкін). Инсулин гларгиннің ұзаққа созылатын әсері пациенттің гипогликемия жағдайынан шығуын кешеуілдетуі мүмкін екендігін ескеру керек. Егер гликозилденген гемоглобин көрсеткіштері қалыпты немесе төмен екендігі байқалса, гипогликемияның қайталанатын анықталмаған көріністерінің даму мүмкіндігін ескеру қажет (әсіресе түнгі уақытта). Пациенттердің дозалау және тамақтану режимдерін сақтауы, инсулин инъекциясының дұрыс техникасы және гипогликемияның ізашар симптомдарын білуі гипогликемияның даму қаупінің елеулі төмендеуіне ықпал етеді. Гипогликемияға бейімділікті арттыратын факторлар әсіресе мұқият бақылауды талап етеді және инсулин дозасын түзетуді қажет етуі мүмкін. Бұл факторларға мыналар жатады: -инсулинді енгізу орындарын өзгерту; -инсулинге сезімталдықтың жоғарылауы (мысалы, стресс факторларын жойған кезде); -ерекше, жоғары немесе ұзақ физикалық белсенділік; -интеркуррентті аурулар (мысалы, құсу, диарея); -жеткіліксіз тамақтану; -тамақтануды өткізіп алу; -алкогольді тұтыну; -кейбір компенсацияланбаған эндокриндік бұзылулар (гипотиреоз немесе гипофиздің алдыңғы бөлігінің жеткіліксіздігі немесе бүйрекүсті бездерінің жеткіліксіздігі); -кейбір басқа дәрілік препараттармен бір мезгілде ем қабылдап жүрген пациенттер жатады. 100 ӘБ/мл гларгин инсулинінен РинГлар® 300 препаратына ауысу және керісінше 100 ӘБ/мл инсулин гларгин мен РинГлар® 300 препараты биоэквивалентті және өзара алмастырылатын препараттар болып табылмайтындықтан, бұл препараттардың біреуінен екіншісіне ауысу дозаны өзгерту қажеттілігіне алып келуі мүмкін және қатаң медициналық қадағалау арқылы жүргізілуі тиіс. Басқа инсулиндерден РинГлар® 300 препаратына ауысу және керісінше Пациентті басқа типті немесе басқа өндірушінің инсулинінен РинГлар® 300 препаратына және керісінше ауыстыруды қатаң медициналық қадағалаумен жүргізу керек. Инсулин концентрациясының, өндірушісінің, типінің (тұрақты инсулин, инсулин изофан, инсулин ленте, ұзақ әсер ететін инсулин), шығу тегінің (жануарлардан алынған, адам инсулині, адам инсулинінің аналогы) және/немесе өндіру тәсілінің өзгеруі инсулиннің дозасын өзгерту қажеттілігіне алып келуі мүмкін. Қатарлас аурулар Қатарлас аурулар болған жағдайда қандағы глюкоза концентрациясын анағұрлым қарқынды бақылау талап етіледі. Көптеген жағдайларда несепте кетон денелерінің бар-жоқтығына талдау жүргізу көрсетілген және көбінесе инсулинді дозалау режимін түзету қажет болады. Инсулинге деген қажеттілік жиі артады. 1- типті қант диабеті бар пациенттер кем дегенде тұрақты негізде аз мөлшерде, тіпті олар аз мөлшерде тамақ жеуге қабілетті немесе тамақ жеуге мүлдем қабілетсіз болса да, немесе құсу дамыған жағдайда және т.б. көмірсулар тұтынуды жалғастыруы керек; 1-типті қант диабеті бар пациенттер инсулин енгізуді ешқашан толық өткізіп алмауы керек. Инсулинге антиденелер Инсулинді қолдану оған антиденелердің пайда болуын тудыруы мүмкін. Сирек жағдайларда мұндай антиденелердің болуы гипогликемияның немесе гипергликемияның дамуына бейімділік үрдісін жою мақсатында, инсулиннің дозасын өзгертуді қажет етуі мүмкін. РинГлар® 300 препаратының пиоглитазонмен біріктірілімі Жүрек функциясының жеткіліксіздігі дамыған жағдайлар пиоглитазонды инсулинмен бірге қолданған кезде, әсіресе жүрек функциясы жеткіліксіздігінің даму қаупі факторлары бар пациенттерде сипатталған. Мұны пиоглитазон мен РинГлар® 300 препаратының біріктірілімімен емдеу туралы мәселені қарастырған кезде назарға алған жөн. Бұл біріктірілімді қолданған кезде пациенттер жүрек функциясы жеткіліксіздігінің симптомдары мен белгілерінің дамуы, дене салмағының ұлғаюы және ісінудің пайда болуы тұрғысынан байқалуы тиіс. Кардиалық симптомдардың кез келген нашарлауы кезінде пиоглитазонды қолдануды тоқтату керек. Инсулин препараттарын енгізген кезде қателерді болдырмау Басқа инсулиндер, атап айтқанда ұзақ әсер ететін инсулиндердің орнына қысқа әсер ететін инсулиндер кездейсоқ қате енгізілген жағдайлар туралы хабарланды. Қателерді болдырмау және РинГлар® 300 препаратын басқа инсулиндермен шатастырмау үшін әр инъекция алдында инсулиннің таңбалануын әрдайым тексеру қажет. Дозалау қателіктерін және ықтимал артық дозалануды болдырмау үшін пациенттер ешқашан шприц-қаламнан РинГлар® 300 препаратын алу үшін шприцті пайдаланбауы керек. Әрбір инъекция алдында жаңа стерильді инені жалғау керек. Пациенттерге инелерді қайта пайдалануға жол берілмейтіні туралы нұсқау берілуі тиіс. Инелерді қайта пайдалану олардың бітелу қаупін арттырады, бұл аз дозаны енгізуге немесе артық дозалануға әкелуі мүмкін. Пациенттер шприц-қаламдағы доза индикаторы терезесінде жиналған бірліктердің санын көзбен көріп тексеруі керек. Соқыр пациенттер немесе көзі нашар көретін пациенттер жақсы көретін және инсулин енгізуге арналған құрылғыларды (шприц-қаламдарды) қолдану техникасына үйретілген басқа адамдардан көмек алу қажеттігі туралы нұсқау алуы керек. Қосымша заттар РинГлар® 300 дәрілік препаратының құрамында бір реттік дозада 1 ммольден аз (23 мг) натрий бар және натрийден бос препарат болып саналады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Пациенттердің зейін шоғырландыру мен жылдам реакцияға қабілеттілігі бұзылуы мүмкін, мысалы, гипогликемия немесе гипергликемия дамуының нәтижесінде, немесе мысалы, көру қабілетінің бұзылулары кезінде. Бұл аталған қабілеттер аса маңызды жағдайларда қауіп төндіруі мүмкін (мысалы, автокөлікті басқару немесе басқа механизмдерді пайдалану). Пациенттерге көлік құралдарын басқару кезінде гипогликемияның дамуын болдырмас үшін, сақтық шараларын сақтау ұсынылады. Бұл әсіресе дамып келе жатқан гипогликемияның ізашары болып табылатын симптомдары нашар білінетін немесе мүлдем жоқ пациенттер үшін, немесе гипогликемия жағдайлары жиі туындайтын пациенттер үшін маңызды. Мұндай жағдайларды көлік құралын және қауіптілігі зор механизмдерді басқару мүмкіндігі туралы мәселені шешу кезінде ескерген жөн.

Жүктілік РинГлар® 300 препаратын жүкті әйелдерде қолданудың клиникалық тәжірибесі жоқ. Қазіргі уақытта жүктілік кезіндегі гларгин инсулинінің әсерін зерттейтін бақыланатын клиникалық зерттеулердің деректері жоқ. Препаратты жүкті әйелдерде қолдану туралы мәліметтердің көбі (100 ӘБ/мл инсулин гларгин препаратын қолданған кезде жүктіліктің 1000-нан астам нәтижесі) құрсақішілік дамуға қатысты қандай-да бір спецификалық уыттылығының, фето/неонатальдық уыттылығының жоқтығын көрсетті. Жануарларға жүргізілген зерттеулердің деректері репродуктивті уыттылықтың болуын көрсетпейді. РинГлар® 300 жүктілік кезінде клиникалық көрсетімдер бойынша қолданылуы мүмкін. Бұрын диагноз қойылған немесе гестациялық қант диабеті бар пациент әйелдер үшін жүктіліктің барлық кезеңі бойына, гипергликемиямен байланысты жағымсыз нәтижелердің пайда болуының алдын алу үшін метаболизмдік үдерістердің адекватты реттелуін ұстану маңызды. Инсулинге деген қажеттілік жүктіліктің бірінші триместрінде төмендеуі және тұтас алғанда, екінші және үшінші триместрлерде артуы мүмкін. Босанғаннан кейін бірден инсулинге қажеттілік жылдам азаяды (гипогликемияның даму қаупі артады). Қандағы глюкоза концентрациясын мұқият бақылау қажет. Лактация Инсулин гларгиннің адамның емшек сүтіне шығарылатыны белгісіз. Жаңа туған нәрестеде немесе емшек еметін нәрестеде инсулин гларгиннің метаболизмдік әсерлері күтілмейді, өйткені инсулин гларгин пептид сияқты адамның асқазан-ішек жолында жеке аминқышқылдарына ыдырайды. Бала емізу кезінде әйелдерге инсулинді дозалау режимін және диетаны түзету қажет болуы мүмкін.

Бірқатар дәрілік заттар глюкоза метаболизміне әсер етеді, соның салдарынан, оларды бір мезгілде қолданғанда инсулин гларгиннің дозасын түзету қажет болуы мүмкін. Инсулиннің гипогликемиялық әсерін және гипогликемияның дамуына бейімділікті күшейтуі мүмкін дәрілік заттарға пероральді гипогликемиялық дәрілер, ангиотензинөзгертуші ферменттің тежегіштері (АӨФт), дизопирамид; фибраттар, флуоксетин, моноаминооксидаза (MAO) тежегіштері, пентоксифиллин, пропоксифен, салицилаттар, сульфаниламидтік антибиотиктер жатады. Инсулиннің гипогликемиялық әсерін әлсіретуі мүмкін дәрілік заттарға, глюкокортикостероидтар, даназол, диазоксид, диуретиктер, глюкагон, изониазид, эстрогендер және прогестогендер, фенотиазин туындылары, соматропин, симпатомиметиктер (эпинефрин [адреналин], сальбутамол, тербуталин сияқты); қалқанша без гормондары, атиптік нейролептиктер (мысалы клозапин және оланзапин) және протеазалар тежегіштері жатады. Бета-блокаторлар, клонидин, литий тұздары мен этанол инсулиннің гипогликемиялық әсерін күшейтуі немесе әлсіретуі мүмкін. Пентамидин кейде гипергликемияға ауысатын гипогликемияны тудыруы мүмкін. Сонымен қатар, бета-блокаторлар, клонидин, гуанетидин және резерпин сияқты симпатолитик дәрілердің әсерінен адренергиялық контрреттеліс белгілері азаюы немесе болмауы мүмкін (гипогликемияның дамуына жауап ретінде симпатикалық жүйке жүйесінің белсендірілуі).

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 2 °С-ден 8 °С-ге дейінгі температурада тоңазытқышта сақтау керек. Мұздатып қатыруға, мұздатқыш камераның жанына қоюға болмайды, салқындатқыш элементтермен тікелей байланысудан сақтану керек. Пайдаланып жүрген препаратты жылу мен күн сәулесінің көздерінен алыста, 30 °С-ден аспайтын температурада 4 аптадан асырмай сақтау керек. Пайдаланып жүрген препаратты тоңазытқышта сақтамау керек. Инъекциядан кейін шприц-қаламды инесіз сақтау және тасымалдау керек. Күн сәулесінен қорғау үшін әрбір инъекциядан кейін шприц-қаламға қорғаныш қалпақшасын кигізу керек. Балалардың қолы жетпейтін жерде сақтау керек!