Риномарис® Адванс спрей 0,05%

1 мл ерітіндінің құрамында белсенді зат – ксилометазолин гидрохлориді, 0.5 мг немесе 1.0 мг, қосымша заттар: тазартылған теңіз суы, натрий гиалуронаты, калий дигидрофосфаты, тазартылған су. Сыртқы түрінің, иісінің, дәмінің сипаттамасы Мөлдір түссіз ерітінді.

- ринит немесе синуситтен туындаған мұрынның бітелуін симптоматикалық емдеу.

Әсер ету механизмі Имидазолин туындысы ксилометазолин альфа-адренергиялық әсері бар симпатомиметик болып табылады. Препараттың тамыр тарылтатын әсері бар және осылайша шырышты қабықтың ісінуін азайтады, тыныс алуды және шырышты шығаруды жеңілдетеді. Әсері әдетте 5-10 минуттан кейін басталады, ықпалы 10 сағатқа дейін созылады; мұрын шырышты қабығының ісінуін азайту арқылы мұрынмен дем алуды жеңілдетеді және шырышты шығаруды жақсаруына әкеледі. Гиалурон қышқылы мұрынның шырышты қабығындағы ылғалды сақтайды және сауығу процесіне қажетті оңтайлы жағдай жасайды.

Дозалау режимі Дозалау пациенттің жеке сезімталдығына және клиникалық әсеріне байланысты. Препаратты ұсынылғаннан асатын дозаларда қолдануға болмайды. Риномарис® Адванс, мұрынға арналған дозаланған спрей, 0.05 % 2 жастан 12 жасқа дейінгі балаларға 2 жастан 12 жасқа дейінгі балаларға арналған доза препаратты әрбір мұрын жолына тәулігіне 3 ретке дейін 1 бүркуді құрайды. Риномарис® Адванс, мұрынға арналған дозаланған спрей, 0.05 %, нәрестелерде және 2 жасқа дейінгі балаларда қолдануға болмайды. Препараттың тиімділігі мен қауіпсіздігі 2 жасқа дейінгі балаларда анықталмаған. Риномарис® Адванс, мұрынға арналған дозаланған спрей, 0.1 % Ересектер және 12 жастан асқан балалар Ересектер мен 12 жастан асқан балалардың дозасы препаратты әрбір мұрын жолына тәулігіне 3 ретке дейін 1 бүркуді құрайды. Балалар Риномарис® Адванс, мұрынға арналған дозаланған спрей, 0.1%, 12 және одан үлкен жастағы балаларда қолдану үшін көрсетілген. Бұл препаратты 12 жасқа дейінгі балаларға қолдануға болмайды, өйткені осы жас тобы үшін басқа дозаны қолдану ұсынылады. Емнің ұзақтығы Риномарис® Адванс, мұрынға арналған дозаланған спрей, 5 күннен артық қолдануға болмайды. Ұзақ уақыт қолдану шырышты қабықтың айқын ісінуіне (дәрі-дәрмектік ринит) және мұрын қуысының шырышты қабығының атрофиясына әкелуі мүмкін. Препаратты балаларда қолданар алдында дәрігермен кеңесу керек. Терапия аяқталғаннан кейін препаратты бірнеше күннен кейін ғана қайта қолдануға болады. Ұзақ қолдану мұрынның шырышты қабығының атрофиясына әкелуі мүмкін, сондықтан созылмалы ринит жағдайында препаратты тек дәрігердің бақылауымен қолдануға болады. Енгізу әдісі және жолы Препарат мұрын ішіне қолдануға арналған. Спрейді алғаш қолданар алдында біркелкі дозаға қол жеткізу үшін бүріккіш құрылғыны ауаға қарай бірнеше рет басып алу (5 рет) қажет. Егер препарат бірнеше күн пайдаланылмаса препараттың біркелкі түсуін қамтамасыз ету үшін бүріккішті бір рет басу қажет. Препаратты қолданар алдында мұрын жолдарын тазарту керек (сіңбіріп тазалау). Қолданғаннан кейін бүріккіш құрылғыны таза құрғақ қағаз сүрткімен мұқият сүртіп және қорғағыш қалпақшамен жабу қажет. Гигиеналық себептерден және инфекцияның таралуына жол бермеу үшін әрбір адам жеке-жеке құты пайдалануы тиіс.

- ксилометазолин гидрохлоридіне немесе қосымша заттардың кез келгеніне аса жоғары сезімталдық - транссфеноидальді гипофизэктомиядан немесе мидың қатты қабығына әсер ететін басқа трансназальді немесе трансоральді хирургиялық араласулардан кейінгі жай-күйлер - жабық бұрышты глаукома - құрғақ ринит (rhinitis sicca) - атрофиялық ринит - 2 жасқа дейінгі балалық жас (0.05 % ерітінді үшін) -12 жасқа дейінгі балалық жас (0.1 % ерітінді үшін)

Жиі (≥1/100, <1/10) - бас ауыруы - мұрынның шырышты қабығының құрғауы немесе жайсыздығы - жүрек айнуы - енгізген жердің ашытып шымылдауы Жиі емес(≥1/1000, <1/100) - мұрыннан қан кету Өте сирек (< 1/10000) - аса жоғары сезімталдық реакциялары (ангионевроздық ісіну, терінің бөртуі, қышыну) - көрудің уақытша нашарлауы - тұрақсыз немесе жиі жүрек қағуы - балалар мен жаңа туған нәрестелердегі апноэ Белгісіз (қолда бар деректер бойынша бағалау мүмкін емес): - мұрын және тамақ аймағында ашытып шымылдауы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Артық дозалану назальді және пероральді қолданғанда туындауы мүмкін Балалардағы артық дозалану орталық жүйке жүйесінің айқын бәсеңдеуін туындатуы мүмкін. Имидазолин туындыларымен уыттанудан кейінгі клиникалық көрініс орталық жүйке жүйесінің, жүрек-қантамыр және тыныс алу жүйелерінің аса белсенділігі және бәсеңдеуі кезеңдерінің кезектесуінен қарама-қайшылықты болуы мүмкін. Артық дозалану, әсіресе балаларда, құрысулар, кома, брадикардия, апноэ, сондай-ақ гипотензиямен алмасуы мүмкін гипертензия туындата отырып, орталық жүйке жүйесіне басымды ықпал етеді. Орталық жүйке жүйесінің стимуляциясы үреймен, қозумен, елестеумен және құрысумен көрініс табады. Орталық жүйке жүйесінің бәсеңдеуін растауы мүмкін симптомдар: дене температурасының төмендеуі, летаргия, ұйқышылдық және коматозды жай-күй болады. ОЖЖ бәсеңдеуі кезінде туындайтын басқа да ықтимал симптомдар миозды, мидриазды, тершеңдікті, қызбаны, бозаруды, цианозды, апноэні және пальпитацияны қамтуы мүмкін. Орталық жүйке жүйесіне елеулі ықпал ету жағдайында жүрек айнуы, құсу, тахикардия, брадикардия, аритмия, жүректің тоқтап қалуы, гипертензия, шокты гипотензия, өкпе ісінуі, респираторлық бұзылыстар және апноэ байқалуы мүмкін. Емі Белсендірілген көмір (адсорбент) және натрий сульфатын (іш жүргізгіш) қолдануды, сондай-ақ күрделі артық дозалану жағдайында мүмкіндігінше асқазанды шаюды шұғыл орындау қажет, өйткені ксилометазолиннің жылдам сіңірілуі орын алуы мүмкін. Ауыр артық дозалану кезінде қарқынды емдеу бөлімшесіне жатқызу көрсетілген. Артериялық қысымын төмендету үшін антидот ретінде селективті емес альфа-адреноблокаторлар, мысалы, фентоламин қолдануға болады. Вазопрессорлар қолдануға болмайды. Қажет болса, температураны төмендету, құрысуға қарсы ем және өкпені жасанды желдету сияқты шаралар қабылдануы мүмкін.

Емді бастар алдында мына пациенттерде пайда мен қаупінің арақатынасын мұқият бағалау қажет: - моноаминооксидаза (МАО) тежегіштерін, трициклдық немесе тетрациклдық антидепрессанттарды немесе артериялық қысымды көтеретін басқа дәрілік препараттар қабылдайтын - α немесе β –блокаторлар қабылдайтын - көзішілік қысымы жоғары, әсіресе, жабық бұрышты глаукома кезінде - ауыр жүрек-қантамыр аурулары бар (мысалы, жүректің ишемиялық ауруы, артериялық гипертензия) - феохромоцитомасы бар - қуық асты безінің гипертрофиясы бар - порфириясы бар - зат алмасуы бұзылған (мысалы, гипертиреоз, диабет) Ксилометазолин қабылдайтын, QT аралығының ұзару синдромы бар пациенттер ауыр қарыншалық аритмия дамуының жоғары қаупіне ұшырауы мүмкін. Мұрын қуысы шырышты қабығының атрофиясы қаупіне байланысты осы препаратты мұрын қуысы шырышты қабығы созылмалы қабынған пациенттерге дәрігердің қадағалауымен ғана қолдануға рұқсат етіледі. Симпатомиметикалық деконгестанттарды ұзақ уақыт қолдану және артық дозалану мұрын шырышты қабығының реактивті гиперемиясына әкелуі мүмкін. «Кері әсер» деп аталатыны («рикошет әсері») жоғарғы тыныс жолдарының обструкциясына және нәтижесінде препаратты қайта немесе тұрақты қолдану қажеттілігіне әкелуі мүмкін. Нәтижесінде, мұрынның созылмалы бітелуі (дәрі-дәрмектік ринит) және мұрын шырышты қабығының атрофиясы (озена) дамуы мүмкін. Аурудың жеңіл түрлерінде мұрынмен тыныс алуды ішінара сақтау мақсатында симпатомиметикті қолдануды алдымен бір мұрын жолында және симптомдар жойылғаннан кейін екінші мұрын жолында тоқтату ұсынылады. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Дәрілік препаратты ұзақ қолданғанда немесе ұсынылған дозаларды асыра қолданғанда жүрек-қантамыр жүйесінің қызметіне жүйелі әсер етуі мүмкін.

Ксилометазолинді жүктілік кезінде қолдануға болмайды, өйткені препараттың ұрыққа әсері туралы тиісті деректер жоқ. Ксилометазолиннің емшек сүтімен бөлінетіні белгісіз. Сондықтан, бұл препаратты бала емізу кезінде қолдануға болмайды.

Бұл препаратты ксилометазолиннің гипертензиялық әсері болуы мүмкіндігіне байланысты гипертензияға қарсы дәрілермен (мысалы, метилдопа) үйлесімде қолдануға болмайды. Сонымен қатар, ксилометазолинді α - және β-блокаторларымен бір мезгілде қолдану күрделі өзара әрекеттесуге әкелуі мүмкін және гипотензияны немесе гипертензияны, тахикардияны немесе брадикардияны тудыруы мүмкін. Ксилометазолинді моноаминоксидаза тежегіштерімен (мысалы, трианилципроминді типі), трициклді немесе тетрациклді антидепрессанттармен немесе әлеуетті гипертензиялық әсері бар басқа дәрілік препараттармен (мысалы, доксапрам, эрготамин, окситоцин) бір мезгілде қолдану көрсетілген препараттардың жүрек-қантамыр жүйесіне әсер етуі нәтижесінде артериялық қысымның жоғарылауына әкелуі мүмкін. Осы себепті бұл препараттарды бір мезгілде қабылдау ұсынылмайды.

Сақтау мерзімі 3 жыл. Құтыны ашқаннан кейін 6 ай бойы пайдалануға болады. Жарамдылық мерзімі өткеннен кейін қолдануға болмайды. Сақтау шарттары 30 С-ден аспайтын температурада сақтау керек. Балалардың қолы жетпейтін жерде сақтау керек!