Ринофлуимуцил спрей

100 мл ерітіндінің құрамында белсенді заттар: 1 г ацетилцистеин, 0,5 г туаминогептан сульфаты, қосымша заттар: бензалконий хлориді, гипромеллоза, динатрий эдетаты, натрий дигидрофосфаты моногидраты, натрий гидрофосфаты додекагидраты, дитиотреитол, сұйық сорбитол, жалбыз хош иістендіргіші, этанол 96%, натрий гидроксиді, тазартылған су. Сыртқы түрінің, иісінің, дәмінің сипаттамасы Өзіне тән жалбыз иісі бар мөлдір, түссіз дерлік сұйықтық.

- қою, бөлінуі қиын іріңді-шырышты секретпен жедел және жедел алды ринит - созылмалы ринит және мұрын шырышты қабығында қыртыстардың түзілуімен ринит - вазомоторлы ринит - синусит

ATХ коды R01AB08 Әсер ету механизмі Дәрілік заттың муколитикалық және тамырды тарылтатын белсенділігі препараттың әсер етуші заттарының фармакологиялық қасиеттерінің көрінісі болып табылады. Ацетилцистеин мұрын-жұтқыншақ бөлінісін сұйылта отырып, мукопротеидтердегі дисульфидті байланыстарды бұзатын бос сульфгидрильді топтың болуы есебінен муколитикалық белсенділікке иеленген. Туаминогептан сульфаты тамырды тарылтатын әсерге ие, жергілікті қолданғанда айқын жүйелік әсерлері жоқ симпатомиметикалық амин болып табылады.

Дозалау режимі Ересектерге: күніне 3-4 рет әр мұрын жолына 2 дозадан (клапанды 2 рет басу). Балаларға: күніне 3-4 рет әр мұрын жолына 1 дозадан (клапанды 1 рет басу). Енгізу әдісі және жолы Препаратты мұрын қуысына арнайы бүріккіштің көмегімен спрей түрінде енгізеді. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер Сізге дәрілік препаратты қолдану тәсілі түсініксіз болса, медициналық қызметкерден кеңес алуды ұсынамыз.

- әсер етуші затқа немесе қосымша заттардың кез келгеніне аса жоғары сезімталдық - феохромоцитома - жабық бұрышты глаукома - басқа мұрынішілік деконгенстанттарды қоса, басқа симпатомиметикалық дәрілерді бір мезгілде қолдану - препаратты моноаминоксидаза (МАО) тежегіштерімен емдеу кезінде және емдеу аяқталғаннан кейін 2 апта ішінде қолданбаған жөн - гипофизді алып тастау немесе мидың қатты қабығына қол жеткізу арқылы жасалған операциялар - гипертиреоз - 12 жасқа дейінгі балалар - гипертонияны қоса, жүрек-қантамыр аурулары - анамнезінде цереброваскулярлық аурулар, оның ішінде негізгі қауіп факторларының болуы (альфа-симпатомиметикалық белсенділік салдарынан) - анамнезінде құрысулар

Барлық дәрілік препараттар сияқты, Ринофлуимуцил препараты барлығында бірдей пайда бола қоймайтын жағымсыз реакцияларды туындатуы мүмкін. Препарат «рикошет» (емдеуді тоқтатқаннан кейін симптомдардың қайта пайда болуы) деп аталатын әсердің нәтижесінде жергілікті аллергиялық реакцияларды (сенсибилизация) және мұрын шырышты қабығының гиперемиясын тудыруы мүмкін. Препаратты жоғары дозада жиі қолдану симпатомиметикалық сипаттағы (қозудың жоғарылауы, жүрек соғуының жиілеуі, тремор және т.б.) жағымсыз әсерлерді тудыруы мүмкін. Кейде мұрын мен тамақтың құрғауы және безеу пайда болуы мүмкін. Бұл әсерлер препаратты қолдануды тоқтатқаннан кейін жоғалады. Сондай-ақ, препарат пайда болу жиілігі белгісіз келесі жағымсыз реакцияларды тудыруы мүмкін (қолда бар деректер негізінде бағалау мүмкін емес): - аса жоғары сезімталдық, - артериялық қысымның жоғарылауы (артериялық гипертензия), – жүрек айнуы, – есекжем, – бөртпе, - несептің іркілуі. Әсіресе препаратты ұзақ және/немесе жиі қолданған кезде пайда болуы мүмкін: - үрейлену, - елестеулер, - сандырақ, - бас ауыруы, - мазасыздық, - қозу, - ұйқысыздық, - тремор, - жүректің жиі соғуы (тахикардия), - жүрек ырғағының бұзылуы (аритмия), - мұрын мен тамақтың құрғауы, − мұрында жайсыздық сезімі, − мұрын бітелуі, - енгізу орнындағы тітіркену, - әдеттену. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ересек пациенттерде артериялық гипертензия, жарықтан қорқу, қатты бас ауыруы, кеуде қуысының қысылу сезімі дамуы мүмкін; балаларда – сананың айқын бәсеңдеуімен гипотермия. Емдеу: симптоматикалық.

Артериялық гипертензия, тахикардия, пальпитация, аритмия, жүрек айну немесе қандай да бір неврологиялық белгілер мен симптомдар (мысалы, препаратты қабылдағаннан кейін пайда болған бас ауыруы немесе дәрілік затты пайдаланғанға дейін болған бас ауыруының күшеюі) пайда болған кезде емдеуді тоқтату қажет. Арнайы сақтандырулар Тек мұрын ішіне қолдануға арналған. Келесі аурулар кезінде сақтықпен қолдану керек: - шеткері артериялардың окклюзиялық аурулары - қант диабеті - бронх демікпесі Сондай-ақ, β-адреноблокаторларды қабылдайтын пациенттер препаратты сақтықпен пайдалануы тиіс. Құрамында тамырды тарылтатын дәрілер бар препараттарды ұзақ уақыт қолдану мұрын жолдары мен мұрынның қосалқы қуыстарының шырышты қабығының қалыпты функциясын бұзуы мүмкін, дәрілік тәуелділікті туындатуы мүмкін. Сондықтан тамырды тарылтатын дәрілік заттарды ұзақ уақыт бойы жиі қолдану зиянды болуы мүмкін. Препаратты несептің іркілу қаупіне байланысты простата гипертрофиясы бар егде жастағы пациенттер сақтықпен қолдануы тиіс. Жергілікті қолдануға арналған дәрілік заттарды пайдалану (әсіресе ұзақ мерзімді) сенсибилизацияны тудыруы мүмкін. Бұл жағдайда емдеуді тоқтату керек, дәрігермен кеңесіп, қажет болған жағдайда тиісті емдеуді бастау керек. Толық емдік әсер болмаған жағдайда бірнеше күн бойы дәрігермен кеңесу керек; емдеу ұзақтығы 7 күннен аспауы тиіс. Дәрігердің шешімі бойынша препаратты қолдануды тиісті бактерияға қарсы еммен біріктіруге болады. Туаминогептан сульфаты допинг-тесттің оң нәтижесін беруі мүмкін. Бұл препарат офтальмологиялық қолдануға арналмаған. Дәрілік заттың құрамында бір дозада 0,005 мг бензалконий хлориді (клапанды бір рет басу) бар. Препаратты ұзақ уақыт қолдану мұрынның шырышты қабығының ісінуін туындатуы мүмкін. Препараттың құрамына кіретін жалбыз хош иістендіргішінде аллергиялық реакциялар тудыруы мүмкін D-лимонен бар. Аллергенге сезімтал пациенттердегі аллергиялық реакциялардан басқа, сезімтал емес пациенттерде сезімталдық дамуы мүмкін. Педиатрияда қолдану Препарат 12 жасқа дейінгі балаларда қолдануға қарсы көрсетілімді ескере отырып, балаларда сақтықпен қолданылуы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Деректер жоқ. Пациенттер препаратты қолдану кезінде елестеулер жағдайлары туралы хабарламалар бар екенін ескеруі керек.

Жүктілік кезінде осы дәрілік затты қабылдаған пациенттердің шектеулі саны туралы деректер ацетилцистеиннің жүктілік барысына немесе шарананың/жаңа туған нәрестенің денсаулығына жағымсыз әсерін көрсетпейді. Бүгінгі күні басқа тиісті эпидемиологиялық деректер жоқ. Жануарларға жүргізілген зерттеулер репродуктивті уыттылыққа қатысты ацетилцистеиннің тікелей немесе жанама зиянды әсерін көрсетпейді. Туаминогептанды немесе жүктілік кезінде ацетилцистеинді туаминогептанмен біріктіріп қолдану және жануарларды зерттеу туралы деректер жоқ. Бұл дәрілік затты жүктілік кезінде қолдану ұсынылмайды. Емшек сүтіне ацетилцистеин немесе туаминогептанның бөлінуі туралы ақпарат болмаса да, емшек еметін нәрестелер үшін қауіпті жоққа шығаруға болмайды. Бұл дәрілік затты бала емізу кезінде қолдану ұсынылмайды.

Мұрын ішіне қолдану кезінде туаминогептанның жүйелік сіңірілуінің төмен деңгейіне қарамастан келесі потенциалды өзара әрекеттесулерді ескеру қажет: Моноаминоксидаза тежегіштері (MAOТ), соның ішінде қайтымды моноаминоксидаза тежегіштері (қМАОТ) – гипертониялық криздің даму қаупі артуы мүмкін. Гипертензияға қарсы дәрілер (адренергиялық нейрондық блокаторлар және β-блокаторларды қоса) – гипотензиялық әсерді төмендеуі мүмкін. Жүрек гликозидтері - аритмияның даму қаупі артуы мүмкін. Қастауыш алкалоидтары-эрготизмнің даму қаупі артуы мүмкін. Паркинсонға қарсы дәрілер – жүрек-қантамыр уыттылығының даму қаупі артуы мүмкін. Окситоцин-артериялық гипертензияның даму қаупі артуы мүмкін.

Сақтау мерзімі 2,5 жыл. Құтыны ашқаннан кейін ішіндегісі 20 күн ішінде пайдаланылуы мүмкін. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!