Ровахол® капсулы

Бір капсуланың құрамында белсенді заттар: α-пинен 13,6 мг, β-пинен 3,4 мг, левоментол 32,0 мг, ментон 6,0 мг, борнеол 5,0 мг, камфен 5,0 мг, цинеол 2,0 мг, қосымша зат – зәйтүн майы, капсула қабығының құрамы: желатин, глицерин 85%, натрий этилпарагидроксибензоаты (E 215), натрий пропилпарагидроксибензоаты (Е 217), натрий мыс хлорофиллині (100% суда еритін) Сыртқы түрінің, иісінің, дәмінің сипаттамасы Ішінде күшті хош иісті жасылдау-сары сұйықтығы бар, сфералық, жұмсақ, желатинді, ішекте еритін жасыл түсті капсулалар.

Дәрігер белгілі бір диагноз қойған кезде, әсіресе балаларда, жұмыс істеп тұрған өт қабында рентген өткізетін тастарды еріту үшін.

Ровахол өт тастарын ерітетін/бұзатын препарат болып табылады. Ровахол холестериндік тастарды ерітеді және холестеринге қатысты өтті десатурациялайды. Препарат өт секрециясын күшейтетін және өт іркілісін жоятын өт айдаушы дәрі болып табылады. Ровахол спазмолитикалық әсер көрсетеді, түйіліп ауыруды әлсіретеді. Препараттың ГМГ КоА-редуктаза тежейтін белсенділігі өттің сатурация индексін төмендете отырып, осылайша, холестриндік тастарды ерітуге ықпал ете отырып және тастардың ары қарайғы шөгуінің алдын алады, эндогенді холестериннің өндірілуін әлсіретеді.

Дозалау режимі Ересектер мен 14 жастан асқан жасөспірімдер: 1-2 капсуладан тәулігіне үш рет тамаққа дейін. 6-дан 14 жасқа дейінгі балалар: 1 капсуладан тәулігіне екі рет тамаққа дейін. Енгізу жолы және тәсілі Ішке, тамаққа дейін. Емдеу ұзақтығы Емдеу курсының ұзақтығы аурудың ағымына байланысты дәрігермен жеке анықталады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Егер сізде препаратты қолдану бойынша қосымша сұрақтар туындаса, дәрігерге немесе фармацевтке жүгініңіз.

Препараттың компоненттеріне және препараттың қосымша заттарына жоғары сезімталдық.

Жағымсыз әсерлер жүйелік-ағзалық кластар бойынша бөлінген. Жиілігі келесі деректердің көмегімен анықталады: өте жиі (≥1 / 10), жиі (≥1 / 100-ден 1/10 дейін), жиі емес (≥1/1000-нан 1/100 дейін), сирек (≥1 /10 000-нан 1/1000 дейін), өте сирек (1/10 000), белгісіз (қолда бар деректердің негізінде бағалау мүмкін емес). Бастапқы кезеңде жалбыздың жеңіл дәмі туындауы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бір де бір артық дозалану жағдайы тіркелмеген.

Препаратты тек антикоагулянттарды немесе метаболизмі және шығарылуы бауыр жағдайына байланысты препараттарды қабылдайтын пациенттерде ғана сақтықпен қолдану керек. Осы өнімді қабылдау алдында басқа ықтимал ауруларды жоққа шығару үшін рентгенөткізгіш өт тастарының бар болуын анықтау қажет. Өт-тас ауруларын консервативті емдеу кезінде тастар механикалық сарғаю, жедел холангит, сепсис, жедел панкреатит сияқты күрделі клиникалық асқынуларға (әсіресе жалпы өт түтігінің бітелуі) әкелуі мүмкін екенін ескеру керек. Дәрігер тиісті шаралар қабылдау үшін тиісті ақпарат алу қажеттігін (әсіресе егде жастағы пациенттер жағдайында) түсінуі тиіс. Ровахол® капсулаларының мына ингредиенттері аллергиялық реакциялар тудыруы мүмкін (мүмкін, баяу түрдегі): натрий этилпарагидроксибензоаты (E 215), натрий пропилпарагидроксибензоаты (E 217).

Препаратты әйелдерде жүктілік кезінде қолдану туралы деректер жоқ. Алайда, кейбір ингредиенттер плацента арқылы ене алады деген ақпарат бар. Препаратты жүктілік және бала емізу кезеңінде қолдану болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ровахол® капсулаларының автокөлікті және басқа механизмдерді басқару қабілетіне әсер етуі туралы деректер жоқ.

Антикоагулянттарды немесе бауыр арқылы метаболизденетін және шығарылатын препараттарды қабылдайтын пациенттерде Ровахол® капсулаларын сақтықпен қолдану керек.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары 25° C-ден аспайтын температурада, тығыз жабылған қаптамада сақтау керек. Балалардың қолы жетпейтін жерде сақтау керек!