Розулип® Плюс капсулы 5 мг/10 мг

Бір 5 мг/10 мг капсуланың құрамында белсенді заттар: 5 мг розувастатин (5,34 мг мырыш розувастатиніне баламалы), 10 мг эзетимиб. Бір 10 мг/10 мг капсуланың құрамында белсенді заттар: 10 мг розувастатин (10,68 мг мырыш розувастатиніне баламалы), 10 мг эзетимиб, Бір 20 мг/10 мг капсуланың құрамында белсенді заттар: 20 мг розувастатин (21,36 мг мырыш розувастатиніне баламалы), 10 мг эзетимиб, қосымша заттар: кремнийлі микрокристалды целлюлоза (микрокристалды целлюлоза, сусыз коллоидты кремнийдің қостотығы), сусыз коллоидты кремнийдің қостотығы, магний стеараты, повидон, натрий кроскармеллозасы, микрокристалды целлюлоза, маннитол, натрий лаурилсульфаты, орын басу дәрежесі төмен гидроксипропилцеллюза, Қатты желатинді капсуланың құрамы (CONI–SNAP 0): темірдің сары тотығы (Е172), титанның қостотығы (Е171), желатин (5 мг/10 мг , 10 мг/ 10 мг дозалар үшін) темірдің қызыл тотығы (Е172), темірдің сары тотығы (Е172), титанның қостотығы (Е171), желатин (20 мг/ 10 мг дозалар үшін) Сыртқы түрінің, иісінің, дәмінің сипаттамасы 5 мг/10 мг капсулалар (розувастатин/ эзетимиб): құрамында екі таблетка бар, ақ түсті корпусы және сары түсті қақпағымен, өздігінен жабылатын, таңбаланусыз, CONI-SNAP 0 қатты желатинді капсулалар. Капсуланың ішінде: 5 мг розувастатин таблеткалары. Ақ немесе ақ дерлік түсті, таблетканың бір жағында таңбасы бедерленіп ойылып жазылған, иіссіз немесе иіссіз дерлік, дөңгелек, екі жағы дөңес таблеткалар. 10 мг эзетимиб таблеткалары. Ақ немесе ақ дерлік түсті, таблетканың бір жағында Е әрпі және екінші жағында 612 нөмірі бедерленіп ойылып жазылған, иіссіз немесе иіссіз дерлік, ойығы бар, дөңгелек, жайпақ таблеткалар. 10 мг/10 мг капсулалар (розувастатин/эзетимиб): құрамында екі таблетка бар, сары түсті корпусы және сары түсті қақпағымен, өздігінен жабылатын, таңбаланусыз, CONI-SNAP 0 қатты желатинді капсулалар. Капсуланың ішінде: 10 мг розувастатин таблеткалары: ақ немесе ақ дерлік түсті, дөңгелек, таблетканың бір жағында таңбасы бедерленіп ойылып жазылған, иіссіз немесе иіссіз дерлік, екі жағы дөңес таблеткалар. Эзетимиб таблеткалары: ақ немесе ақ дерлік түсті, таблетканың бір жағында Е әрпі және екінші жағында 612 нөмірі бедерленіп ойылып жазылған, иіссіз немесе иіссіз дерлік, ойығы бар, дөңгелек жайпақ таблеткалар. 20 мг/10 мг капсулалар (розувастатин/эзетимиб): құрамында екі таблетка бар, сары түсті корпусы және карамель түсті қақпағымен, өздігінен жабылатын, таңбаланусыз, CONI-SNAP 0 қатты желатинді капсулалар Капсуланың ішінде: 20 мг розувастатин таблеткалары: ақ немесе ақ дерлік түсті, дөңгелек, таблетканың бір жағында таңбасы бедерленіп ойылып жазылған, иіссіз немесе иіссіз дерлік, екі жағы дөңес таблеткалар. Эзетимиб таблеткалары: ақ немесе ақ дерлік түсті, таблетканың бір жағында Е әрпі және екінші жағында 612 нөмірі бедерленіп ойылып жазылған, иіссіз немесе иіссіз дерлік, ойығы бар, дөңгелек жайпақ таблеткалар.

Бастапқы гиперхолестеринемия/ отбасылық гомозиготалы гиперхолестеринемия Ересектерде бастапқы гиперхолестеринемияны (отбасылық гетерозиготалы және отбасылық емес) немесе гомозиготалы отбасылық гиперхолестеринемияны емдеуде (диетаға қосымша ретінде): - розувастатинмен монотерапияда ауру жеткілікті бақыланбағанда; - екі жеке затты бекітілген біріктірілімдегідей дозаларда бір мезгілде қолданғанда ауру жеткілікті бақыланатын пациенттерде орын басушы ем ретінде. Жүрек-қантамыр ауруларының профилактикасында Розулип Плюс анамнезінде жүректің ишемиялық ауруы (ЖИА) және жедел коронарлы синдромы (ЖКС) бар ересек пациенттерде жүрек-қан тамырлары оқиғаларының қаупін төмендету үшін розувастатин мен эзетимиб сол дозаларында, бірақ жеке препараттар ретінде бір мезгілде қолданғанда жағдайы талапқа сай бақыланатын ересек пациенттерде орын басушы ем ретінде қолданылады.

Қан плазмасындағы холестерин ішекте сіңу және эндогендік синтез нәтижесінде түзіледі. Розулип Плюс препаратының құрамында әсер ету механизмдері өзар а бірін-бірі толықтыратын екі липидті төмендететін қосылыс - розувастатин мен эзетимиб болады, олар жалпы холестериннің, тығыздығы төмен липопротеин холестеринінің (ТТЛХ), аполипопротеин B (ApoB), триглицеридтердің (ТГ) және тығыздығы жоғары липопротеин емес холестериннің (ТЖЛП-емес) жоғары деңгейін төмендетеді, сондай-ақ холестерин синтезі мен сіңуін қосарлы тежеу есебінен тығыздығы жоғары липопротеин холестерині (ТЖЛП) деңгейін жоғарылатады. Розувастатин Әсер ету механизмі Розувастатин 3-гидрокси-3-метилглутарилкоэнзим А-ны холестериннің ізашары - мевалонатқа айналдыратын фермент – ГМГ-КоА редуктазаның cелективті бәсекелес тежегіші болып табылады. Розувастатиннің негізгі әсер ету нысанасы бауыр болып табылады, онда холестерин (ХС) синтезі жүзеге асады. Розувастатин бауыр жасушаларының беткейінде ТТЛП-рецепторларының санын арттырып, тығыздығы төмен липопротеиндер (ТТЛП) қармалуы мен катаболизмін жақсартады, сондай-ақ ол ТӨТЛП синтезін тежеп, сол арқылы ТӨТЛП және ТТЛП жалпы санын азайтады. Фармакодинамикалық әсерлері Розулип ТТЛП-холестериннің (ТТЛП-ХС), жалпы холестериннің, триглицеридтердің (ТГ) жоғары мөлшерін азайтады, тығыздығы жоғары липопротеиндер холестерині (ТЖЛП-ХС) мөлшерін арттырады, сондай-ақ аполипопротеин В (АпоВ), ТЖЛП емес-ХС, ТӨТЛП-ХС, ТӨТЛП-ТГ мөлшерін төмендетеді және аполипопротеин А-І (АпоА-І) деңгейін арттырады, ТТЛП-ХС/ТЖЛП-ХС, жалпы ХС/ТЖЛП-ХС және ТЖЛП емес-ХС/ТЖЛП-ХС арақатынасын және АпoВ/АпoA-І арақатынасын төмендетеді. 3-кесте. Алғашқы гиперхолестеринемиясы (IIa және IIb типі) бар пациенттерде дозаға тәуелділік (бастапқы деңгейден түзетілген орташа пайыздық өзгеріс) Доза — N — Хс-ТТЛП — Жалпы холестерин — Хс-ТЖЛП — Триглицеридтер — Хс-неТЖЛП — АпоВ — АпоАI Плацебо — 13 — -7 — -5 — 3 — -3 — -7 — -3 — 0 5 мг — 17 — -45 — -33 — 13 — -35 — -44 — -38 — 4 10 мг — 17 — -52 — -36 — 14 — -10 — -48 — -42 — 4 20 мг — 17 — -55 — -40 — 8 — -23 — -51 — -46 — 5 40 мг — 18 — -63 — -46 — 10 — -28 — -60 — -54 — 0 Емдік әсер розувастатинмен емді бастағаннан кейін бір апта ішінде пайда болады және 2 апта емдеуден кейін ең жоғары ықтимал әсердің 90%-на қол жеткізіледі. Ең жоғары емдік әсер, әдетте, 4-аптаға қарай туындайды және жүйелі түрде қабылдау кезінде сақталады. Клиникалық тиімділігі мен қауіпсіздігі Розувастатин этникалық тегіне, жынысына және жасына қарамастан гиперхолестеринемиясы бар, гипертриглицеридемиясы бар және онсыз ересектерде, сондай-ақ диабетиктер немесе отбасылық гиперхолестеринемиямен ауыратын пациенттер сияқты тұрғындардың ерекше топтарында тиімді. III фазаның біріктірілген деректерінде розувастатин Еуропалық атеросклероз қоғамы (EAS; 1998) ұсынған мақсатты деңгейлерге жету үшін IIA және IIb типті гиперхолестеринемиямен ауыратын пациенттердің көпшілігін (ТТЛП орташа бастапқы деңгейі-шамамен 4,8 ммоль/л) емдеуде тиімді болды; 10 мг дозада емделген пациенттердің шамамен 80%-ы ТТЛП -С EAS (< 3 ммоль/л) мақсатты деңгейлеріне қол жеткізді. Үлкен зерттеуде гетерозиготалы отбасылық гиперхолестеринемиямен ауыратын 435 пациент мәжбүрлі титрлеу сызбасы бойынша 20 мг-ден 80 мг-ға дейінгі дозада розувастатин қабылдады. Барлық дозалар липидтік көрсеткіштерге және емдеудің мақсатты міндетіне жағымды әсер етті.Титрлеуден кейін 40 мг тәуліктік дозаға дейін (емдеудің 12 аптасы) ТТЛП деңгейі 53% төмендеді. Пациенттердің отыз үш пайызы (33%) EAS (<3 ммоль/л) ұсынған ТТЛП -C деңгейіне жетті. Гомозиготалы отбасылық гиперхолестеринемиясы бар 42 пациентте мәжбүрлі титрлеу ашық зерттеуінде розувастатинге реакцияны 20-40 мг дозада бағалады. Жалпы популяцияда ТТЛП деңгейінің орташа төмендеуі 22% құрады. Эзетимиб Әсер ету механизмі Эзетимиб-холестериннің және онымен байланысты фитостеролдардың ішектегі абсорбциясын іріктеп бәсеңдететін гиполипидемиялық қосылыстар класының өкілі болып табылады. Әсер ету механизмі гиполипидемиялық дәрілердің басқа тобынан (мысалы, статиндер, өт қышқылдарының секвестранттары, фибраттар мен фитостанолдар) ерекшеленеді. Эзетимибтің молекулярлық нысанасы холестериннің жасушаішілік тасымалдануына қатысатын Ниманн-Пик типті С1 ақуызға ұқсас (NPC1L1- Niemann-PickC1-Like 1), ақуыз болып табылады. Эзетимиб аш ішектің эпителийінің шөткелік жиегінде орналасқан және сол жерде холестериннің сіңуін бәсеңдетеді, ол өз кезегінде холестериннің ішектен бауырға түсуін төмендетеді. Статиндер холестериннің бауырдағы синтезін азайтады. Эзетимиб пен статиндер 2 түрлі механизмдері есебінен холестерин деңгейінің қосымша төмендеуін қамтамасыз етеді. 2 апталық клиникалық зерттеуге қатысқан гиперхолестеринемиясы бар 18 пациентте эзетимиб холестериннің ішектегі сіңуін плацебо тобына қарағанда 54 % көбірек бәсеңдетеді. Фармакодинамикалық әсерлері Бірқатар клиникаға дейінгі зерттеулерде эзетимибтің холестеринді сіңіруін тежеудегі таңдағыштығы зерттелді. Эзетимиб [14C] – холестериннің сіңуін триглицеридтердің май қышқылдарының, өт қышқылдарының, прогестерон, этинилэстрадиол, немесе майда еритін A және D дәрумендерінің сіңуіне әсер етпей бәсеңдетеді. Эпидемиологиялық зерттеу нәтижелері жүрек-қантамыр аурулары мен өлім жағдайы жалпы ХС және ХС-ТЖЛП деңгейлерімен тікелей өзара байланысты және ХС-ТЖЛП деңгейімен кері өзара байланысты екенін көрсетті. Жүректің ишемиялық ауруы және анамнезінде жедел коронарлық синдромы бар пациенттерде статинмен бірге эзетимибті қолдану жүрек-қантамыр ауруларына жағымды әсер етеді. Клиникалық тиімділігі және қауіпсіздігі Бақыланатын клиникалық зерттеулерде эзетимиб монотерапия ретінде немесе статиндермен біріктірілімде ТК, ТТЛП, апо В және ТГ деңгейін айтарлықтай төмендетіп, гиперхолестеринемиямен ауыратын пациенттерде ТЖЛП деңгейін жоғарылатты. Алғашқы гиперхолестеринемия 8 апталық жасырын салыстырмалы, плацебо-бақыланатын зерттеуде статиндік монотерапия алған және Ұлттық холестерин саласындағы білім алу бағдарламасы (National Cholesterol Education Program, NCEP) белгілеген ТТЛП нысаналы деңгейіне жетпеген гиперхолестеринемиясы бар 769 пациент (2,6-дан бастап 4,1 ммоль / л дейінгі [100 - 160 мг / дл], бастапқы сипаттамаларына байланысты), қазіргі статиндік терапияға қосымша 10 мг немесе плацебо дозасында эзетимибті қабылдау тобына рандомизацияланған. Статиндер қабылдаған және бастапқы деңгейде ТТЛП мақсатты деңгейі болмаған пациенттер арасында (шамамен 82%) эзетимибпен емдеу тобына рандомизацияланған пациенттердің едәуір көп бөлігі плацебомен салыстырғанда сәйкесінше 72% және 19% соңғы нүктені талдау сәтінде ТТЛП мақсатты деңгейіне жетті. ТТЛП деңгейінің төмендеуі тиісінше елеулі айырмашылықпен болды (плацебо үшін 4%-бен салыстырғанда эзетимиб үшін 25%). Сонымен қатар, эзетимиб қазіргі статиндік терапияға қосылған кезде ТК, Апо В және ТГ деңгейін айтарлықтай төмендетіп, плацебомен салыстырғанда ТЖЛП-С деңгейін жоғарылатты. Эзетимибтің немесе плацебоның статиндік терапиямен біріктірілімі С-реактивті ақуыздың орташа деңгейін бастапқы деңгеймен салыстырғанда сәйкесінше 10% және 0% төмендетті. Алғашқы гиперхолестеринемиямен ауыратын 1719 пациенттің қатысуымен екі рандомизацияланған жасырын салыстырмалы, плацебо бақыланатын 12 апталық зерттеулерде 10 мг эзетимиб ТК (13%), ТТЛП (19%), апо В (14%) және ТГ (8%) деңгейін плацебомен салыстырғанда айтарлықтай төмендетті және ТЖЛП (3%) деңгейін жоғарылатты. Сонымен қатар, эзетимиб плазмадағы майда еритін A, D және E дәрумендерінің концентрациясына, сондай-ақ протромбин уақытына әсер етпеді және басқа липидтерді төмендететін дәрілер сияқты адренокортикоидты гормондарды өндіруді өзгертпеді. Розувастатин мен эзетимибті бірге қолдану Клиникалық тиімділігі және қауіпсіздігі Параллель топтардағы 6 апталық рандомизацияланған, салыстырмалы жасырын клиникалық зерттеуде розувастатиннің тұрақты дозасымен емге қосылған эзетимибтің (10 мг) қауіпсіздігі мен тиімділігі розувастатин дозасының жоғарылауымен (10-нан 20 мг дейін немесе 5-тен 10 мг дейін) салыстырғанда бағаланды. Зерттеуге Ересектер үшін холестерин жөніндегі ұлттық білім беру бағдарламасы (National Cholesterol Education Program Adult Treatment Panel III) ұсынғаннан асатын жүректің ишемиялық ауруы және ТТЛП-С деңгейінің орташа жоғары/жоғары қаупі бар 440 адам (атеросклероздық қан тамырлары ауруы жоқ орташа жоғары/жоғары қаупі бар адамдар үшін<100 мг/дл немесе атеросклероздық қан тамырлары ауруымен жоғары қаупі бар адамдар үшін<70 мг/дл) енгізілді. Біріктірілген деректер эзетимибті 5 немесе 10 мг розувастатин еміне қосу ТТЛП холестеринін 21% төмендететінін көрсетеді. Осыған керісінше, розувастатин дозасын 10-нан 20 мг дейін арттыру ТТЛП холестеринінің 5,7%-ға төмендеуіне әкелді (топтар арасындағы айырмашылық 15,2%-ға тең, p <0,001). Жекелеген талдау кезінде 5 мг эзетимиб + розувастатин 10 мг розувастатинді қабылдаумен салыстырғанда ТТЛП холестеринін едәуір төмендететіні көрсетілген (айырмашылық 12,3%, p <0,001), ал эзетимиб + розувастатин 10 мг 20 мг розувастатинді қабылдаумен салыстырғанда ТТЛП холестеринін едәуір төмендеткен (айырмашылық 17,5%, p <0,001). 6 апталық рандомизацияланған зерттеу жүректің ишемиялық ауруы (n=469) кезінде жүрек-қантамыр қаупі жоғары пациенттерде 40 мг розувастатиннің (монотерапия ретінде немесе 10 мг эзетимибпен бірге) тиімділігі мен қауіпсіздігін бағалау үшін жоспарланған. ATP III (Adult Treatment Panel – ересектерде гиперхолестеринемияны емдеу жөніндегі сараптамалық топтың 3-ші нұсқаулары) (<100 мг/дл) белгілеген ТТЛП холестеринінің нысаналы деңгейіне қол жеткізу бір ғана розувастатинді қабылдаумен салыстырғанда розувастатин мен эзетимиб қабылдаған пациенттерде анағұрлым жиі болды (тиісінше, 94,0% және 79,1%, p <0,001). Розувастатин 40 мг дозада жоғары қауіпті пациенттердің осы популяциясындағы липидтердің бейінін тиімді жақсартты. Ашық рандомизацияланған 12 апталық зерттеуде емдеу топтарының әрқайсысында ТТЛП төмендеу деңгейі бағаланды (розувастатин 10 мг + эзетимиб 10 мг, розувастатин 20 мг + эзетимиб 10 мг, симвастатин 40 мг + эзетимиб 10 мг, симвастатин 80 мг + эзетимиб 10 мг). Бастапқы деңгейге қатысты холестериннің төмендеуі розувастатиннің төмен дозасымен біріктірілімді қолдану кезінде 59,7%-ды құрады, бұл симвастатиннің төмен дозасымен біріктірілімді қолдану кезіндегіден біршама жоғары: 55,2 % (p<0,05). Розувастатиннің жоғары дозасымен біріктірілімді қолдану холестерин деңгейін 63,5%-ға төмендетті: симвастатиннің жоғары дозасымен біріктірілімді қолдану кезінде 57,4%-ға төмендеуімен салыстырғанда (p<0,001). Параллельді топтармен және белсенді бақылаумен (LPS15021) көп орталықты, рандомизацияланған, жасырын салыстырмалы, қос плацебо бақыланатын зерттеу жүргізілді, оған алғашқы гиперхолестеринемиямен және жүрек-қан тамырлары ауруларының (ЖҚА) даму қаупі жоғары (HR) немесе өте жоғары (VHR), басқа липидті төмендететін ем қабылдамай, 10 мг немесе 20 мг розувастатиннің немесе эквипотентті статиннің тұрақты тәуліктік дозасынан талапқа сай бақыланбаған 452 пациент қатысты. Жасырын салыстырмалы емдеудің 6 апталық фазасында: - қаупі жоғары 208 пациент (HR) 10 мг розувастатин мен 10 мг эзетимибті бекітілген дозада (P10/ Э10, n=104) немесе 20 мг розувастатинді (R20, n=104) қабылдауға рандомизацияланды. -Өте жоғары қаупі бар 244 пациент (VHR) розувастатин 20 мг плюс эзетимиб 10 мг бекітілген доза (P20/ Э 10, n=82) немесе розувастатин 40 мг плюс эзетимиб 10 мг бекітілген доза (P40/Э 10, n=79) немесе розувастатин 40 мг (P40, n = 83) түрінде алу үшін рандомизацияланды. Бастапқы соңғы нүкте хаттамалық талдауға (mITT) енгізілген пациенттердің модификацияланған популяциясындағы бастапқы деңгей мен 6-шы апта арасындағы ТТЛП –С ( % ) есептік деңгейінің өзгеруі болды. Өте жоғары қауіп тобында ТТЛП деңгейінің бастапқы деңгейден 6-шы аптаға дейін ең төмен квадрат (ЕТКӘ) әдісімен орташа өзгеруі P40/Э10 тобы үшін -34,28%, P20/Э10 тобы үшін -26,90% және P40 тобы үшін -14,62% болды. Р40-пен салыстырғанда бекітілген дозамен (Р40/Э10 немесе Р20/Э10) біріктірілімінің артықшылығы көрсетілді: ЕТКӘ -ның орташа өзгерісі сәйкесінше -19,66% (p<0,001) және -12,28% (p=0,015) болды. Жоғары қауіп тобында бастапқы деңгей мен 6-шы апта арасындағы ТТЛП-C деңгейінің едәуір төмендеуі бектілген дозалар біріктірілімін қолдану кезінде де байқалды: ЕТКӘ орташа өзгерісі P10/ Э 10 тобында -27,02% және P20 тобында -21,82% болды. ТТЛП деңгейінің клиникалық маңызды төмендеуі P10/Э10 тобында байқалды, дегенмен P20-мен салыстырғанда P10//Э10 статистикалық артықшылығы көрсетілмеді (ЕТКӘ орташа өзгерісі 5,20%; p=0,306). R10/E10 тобынан бір пациенттің деректерін алып тастағаннан кейін, емдеу топтары арасындағы ТТЛП деңгейінің пайыздық өзгеруіндегі айырмашылық жоғары қауіп тобында статистикалық маңызды болды (ЕТКӘ орташа өзгерісі: P10/ Э10 қарсы P20: -8,84%; p=0,026). Розувастатин+эзетимибтің барлық үш дозасын қабылдаған пациенттерде байқалған жалпыланған қауіпсіздік деректері розувастатин мен эзетимибтің белгілі қауіпсіздік бейініне сәйкес келді. Балалар Еуропадағы дәрілік заттар жөніндегі агенттік бала жасындағы пациенттердің барлық қосалқы топтарында гиперхолестеринемияны емдеу үшін Розулип Плюс зерттеу нәтижелерін ұсыну міндеттемесін алып тастады.

Дозалану режимі Розулип Плюс препаратымен емдеу басталғанша және емдеу кезінде пациент стандартты гиполипидемиялық диета ұстануы тиіс. Розулип Плюс препараты бастапқы емге жарамсыз. - Егер Розулип Плюс препараты тек розувастатинмен бақыланбайтын пациенттерге қолдануға көрсетілсе, Розулип Плюс препаратының дозасы липидтердің нысаналы деңгейіне және пациенттің реакциясына байланысты әркімге жекелей болуы тиіс. - Егер розувастатинмен және эзетимибпен бір мезгілде, бірақ жеке препараттар түрінде сол дозаларында бекітілген біріктірілімде тағайындалуы талапқа сай бақыланатын пациенттерде Розулип Плюс препаратын қолдану көрсетілсе, емдеуді бастау немесе дозаны түзету қажет болған жағдайда әсер етуші заттарын тек жеке-дара пайдалана отырып, жүргізілуі тиіс. Ұсынылатын тәуліктік доза 1 капсула/тәулікті құрайды. Біріктірілген емді немесе дозаны өзгертуді препараттың екі компонентінің де талап етілетін дозасын анықтағаннан кейін ғана бастау керек, содан кейін емдеуді монокомпоненттердің қажетті дозалары бар біріктірілген препаратқа ауыстыруға болады. Тиісті дозадағы бекітілген біріктірілімге ауыспас бұрын сәйкесінше жеке дозаларды анықтау қажет. Пациенттер алдыңғы емге сәйкес келетін дозаны қолдануы тиіс. Розулип Плюс 5 мг/10 мг, 10 мг/10 мг және 20 мг/10 мг капсулалары 40 мг-ге тең розувастатин дозасын қажет ететін пациенттерді емдеуге жарамайды. Өт қышқылының хелаторларымен бірге тағайындау Розулип Плюс өт қышқылдарының секвестрантын қабылдағаннан кемінде 2 сағат бұрын немесе қабылдағаннан кейін кемінде 4 сағат өткен соң қабылдану керек. Пациенттердің ерекше топтары Балалар мен жасөспірімдер 18 жасқа толмаған балалар мен жасөспірімдерде Розулип Плюс препаратының қауіпсіздігі мен тиімділігі әлі анықталмаған. Тиісті деректер 4.8, 5.1 және 5.2 бөлімдерінде ұсынылған, алайда осы деректер негізінде осы жас тобы үшін дозалау режимін ұсынуға болмайды. Егде жастағы пациенттер 70 жастан асқан пациенттерде розувастатиннің ұсынылатын бастапқы дозасы 5 мг құрайды. Препараттардың бұл біріктірілімі бастапқы ем ретінде жарамсыз. Біріктірілген емді немесе дозаны өзгертуді препараттың екі компонентінің немесе розувастатиннің де талап етілетін дозасын анықтағаннан кейін ғана бастау керек, содан кейін емдеуді монокомпоненттердің қажетті дозалары бар біріктірілген препаратқа ауыстыруға болады. Бүйрек функциясының жеткіліксіздігі бар пациенттер Бйүрек функциясының ауырлығы жеңіл немесе орташа дәрежелі жеткіліксіздігі бар пациенттерде дозаны реттеу қажет емес. Бүйрек функциясы орташа бұзылған пациенттерге (креатинин клиренсі 60 мл/мин) розувастатинді қабылдауды 5 мг дозадан бастау ұсынылады. Дозалардың бекітілген біріктірілімін бастапқы ем ретінде қолдануға болмайды. Біріктірілген емді немесе дозаны өзгертуді екі компоненттің немесе розувастатин дозасы сәйкес келетін дозаларын таңдағаннан кейін бастау керек. Бүйрек функциясының жеткіліксіздігі айқын пациенттерге (креатинин клиренсі 30 мл/мин аз) Розулип Плюс препаратын қолдану қарсы көрсетілімде. Бауыр функциясының жеткіліксіздігі бар пациенттер Бауыр функциясы ауырлығы жеңіл дәрежеде бұзылған пациенттерде (Чайлд-Пью шкаласы бойынша 5–6 балл) дозаны түзету талап етілмейді. Бауыр функциясы орташа (Чайлд-Пью шкаласы бойынша 7–9 балл) немесе бауыр функциясы ауыр бұзылған (Чайлд-Пью шкаласы бойынша >9 балл) пациенттерде Розулип Плюс препаратын қолдану ұсынылмайды. Розулип Плюс препараты белсенді сатыдағы бауыр ауруы бар пациенттерге қарсы көрсетілімді. Этностық шығу тегі Жоғары жүйелік әсер азиялық нәсілді пациенттерде байқалған. Шығу тегі азиялық пациенттерде розувастатиннің ұсынылған бастапқы дозасы - 5 мг. Дозалардың бекітілген біріктірілімі бастапқы ем ретінде жарамсыз. Емді бастау үшін монокомпоненттерді пайдалану керек. Біріктірілген емді немесе дозаны өзгертуді розувастатиннің немесе екі компоненттің сәйкес келетін дозасын таңдағаннан кейін бастау керек. Генетикалық полиморфизм Генетикалық полиморфизмдердің кейбір спецификалық түрлері розувастатиннің жүйелік әсерін арттыратыны белгілі. Полиморфизмнің кейбір типтерінің бары анықталған пациенттерде Розулип Плюс препаратының төменірек тәуліктік дозасын қолдану ұсынылады. Миопатияға бейім пациенттер Миопатияға бейім пациенттерде розувастатиннің бекітілген бастапқы дозасы - 5 мг құрайды. Дозалардың бекітілген біріктірілімі бастапқы ем ретінде жарамсыз. Біріктірілген емді немесе дозаны өзгертуді розувастатиннің немесе екі компоненттің сәйкес келетін дозасын таңдағаннан кейін бастау керек. Қатарлас емдеу Розувастатин түрлі тасымалдағыш ақуыздардың (мысалы, OATP1B1 және BCRP) субстраты болып табылады. Миопатияның (рабдомиолизді қоса) даму қаупі Розулип Плюс препаратын тасымалдағыш ақуыздармен өзара әрекеттесу салдарынан қан плазмасындағы розувастатин мөлшерін арттыра алатын дәрілік препараттармен (солардың ішінде циклоспорин және протеаза тежегіштері, ритонавир мен атазанавир, лопинавир және/немесе типанавир біріктірілімдерін қоса) бірге қабылдаған кезде жоғарылайды. Мүмкіншілігіне қарай, балама препараттарды қолдану немесе Розулип Плюс препаратымен емді уақытша тоқтату жолын қарастыру керек. Осы дәрілік препараттарды Розулип Плюс препаратымен бірге қолданбау мүмкін емес болған жағдайларда, осылай бірге емдеудің пайдасы мен қаупін мұқият бағалау және розувастатин дозасын түзету керек. Енгізу әдісі және жолы Ішке қабылдауға арналған капсулалар. Қабылдау уақыты көрсетілген қолдану жиілігі Розулип Плюс препаратын ас ішуге қарамастан, күніне 1 рет, тәуліктің кез келген уақытында (мүмкіндігінше белгілі бір уақытында) қабылдау керек. Капсуланы бүтіндей жұтып, стақан сумен ішу керек. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты дәрiгердiң қатаң тағайындауы бойынша қолданады! Егер сізде осы препаратты қолдану туралы қосымша сұрақтар туындаса, дәрігеріңізге хабарласыңыз.

• әсер етуші заттарға (розувастатин, эзетимиб) немесе қосымша заттардың кез келгеніне аса жоғары сезімталдық • бауырдың белсенді фазадағы аурулары, трансаминазалардың сарысулық белсенділігінің тұрақты жоғарылауын және қан сарысуындағы трансаминазалар белсенділігінің кез келген жоғарылауын қоса (қалыптың жоғары шегімен (ҚЖШ) салыстырғанда 3 еседен көп) • жүктілік және бала емізу кезеңі • контрацепцияның тиімді әдісін пайдаланбайтын, ұрпақ өрбіту жасындағы әйелдерде • бүйрек функциясының ауыр бұзылулары (креатинин клиренсі 30 мл/мин) • миопатиялар • софосбувирді/велпатасвирді/воксилапревирді бір мезгілде қабылдау • бір мезгілде ледипасвир/софосбувира қабылдау • циклоспоринді бір мезгілде қабылдау.

Розулип Плюс препаратын қабылдаған кезде туындайтын жағымсыз құбылыстар жалпы жеңіл және уақытша сипатқа ие болады. Жиі (>1/100 <1/10 дейін) - қант диабеті1,2 - бас ауыруы2,3, бас айналуы2 - іш қатуы2, жүрек айнуы2, іш ауыруы2,3 - диарея3, метеоризм3 - миалгия2,3 - астения2, қажу3 - АЛТ және/немесе АСТ жоғарылауы3 Жиі емес (>1/1000 <1/100 дейін) - тәбеттің төмендеуі3 - парестезия3 - ысынулар3, артериялық гипертензия3 - жөтел - диспепсия3, гастроэзофагеальді рефлюксті ауру3, жүрек айнуы3, ауыздың құрғауы3, гастрит3 - қышуыну2,3 бөртпесі2,3, есекжем2,3 - артралгия3, бұлшықет түйілуі3, мойын ауыруы3, арқа ауыруы, бұлшықет әлсіздігі3, қол-аяқтың ауыруы - кеуде қуысының ауыруы3, ауыру3, астения3, шеткері ісінулер3 - АЛТ және/немесе АСТ белсенділігінің жоғарылауы3; қанда КФК белсенділігінің жоғарылауы3, γ-глутамил-трансфераза белсенділігінің жоғарылауы 3, бауыр функциясы биохимиялық көрсеткіштерінің ауытқуы3 Сирек (1/10,000 <1/1000 дейін) - тромбоцитопения2 - аса жоғары сезімталдық реакциясы, ангионевроздық ісінуді2 қоса - панкреатит2 - бауыр трансаминазалары белсенділігінің жоғарылауы2 - миозитті қоса миопатия2, рабдомиолиз2, жегі тәрізді синдром2, бұлшықет үзілуі2 Өте сирек (<1/10000) - полинейропатия2, жадыны жоғалту2 - сарғаю2, гепатит2 - артралгия2 - гематурия2 - гинекомастия2 Белгісіз (қолда бар деректер негізінде бағалау мүмкін емес) - тромбоцитопения3 - сезімталдық реакциялары (оның ішінде тері бөртпесі, есекжем, анафилаксия және ангионевроздық Квинке)3 - депрессия2,3 - шеткері нейропатия2, ұйқының бұзылуы (оның ішінде ұйқысыздық және түнгі қорқынышты түстер)2, бас айналуы3, парестезия3, миастения гравис - көз миастениясы - жөтел2, ентігу2,3 - диарея2 , панкреатит3, іш қатуы3 - гепатит3 , холелитиаз3, холецистит3 - Стивенс-Джонсон синдромы2, эозинофилиямен және жүйелік симптомдармен дәрілік реакция (DRESS)2, көп формалы эритема5 - иммунитетпен байланысты некрозданатын миопатия2, сіңір тарапынан бұзылулар 2, артралгия3, миалгия, миопатия және рабдомиолиз3 - ісіну2 , астения3 1 Жиілігі қауіп факторларының бар немесе жоқ болуына байланысты (ашқарынға қандағы глюкоза деңгейі ≥ 5,6 ммоль/л, ДМИ > 30 кг/м2, триглицеридтердің жоғары деңгейі, анамнезіндегі гипертензия). 2 Клиникалық зерттеулерден және ауқымды тіркеуден кейінгі қолданудан алынған деректерге негізделген розувастатиннің жағымсыз реакцияларының бейіні. 3 Эзетимибтің клиникалық зерттеулері барысында (монотерапия ретінде немесе статинмен бірге қолданған кезде) немесе эзетимибті тіркеуден кейінгі кезеңде монотерапия ретінде немесе статинмен бірге қолданғанда байқалған жағымсыз реациялар. Эзетимибті қабылдаған пациенттерде (n=2396), және плацебо қабылдауға қарағанда (n=1159) көбірек жиілікпен байқалған жағымсыз реациялар. ГМГ-КоА-редуктазаның басқа тежегіштерін қолдану кезіндегідей, жағымсыз әсерлердің туындау жиілігі дозаға тәуелді сипатта болады. Жекелеген жағымсыз реакциялардың сипаттамасы Розувастатиннің бүйрекке әсері Тест-жолақтардың көмегімен анықталатын протеинурия, көбінесе тубулярлық протеинурия розувастатин препаратын қабылдаған пациенттерде байқалған. Несептегі ақуыз мөлшерінің болмауынан немесе іздік белгілерінен ++ немесе одан артық мәнге дейін өзгеруі препараттың 10 және 20 мг қабылдаған соң біраз уақыттан кейін < 1% пациенттерде және 40 мг дозада қабылдаған пациенттердің шамамен 3% -да байқалды. Нөлден немесе іздік белгілерден + мәніне дейін сәл жоғарылау препараттың 20 мг қабылдағанда байқалған. Көп жағдайда протеинурия емді жалғастырған кезде азаяды немесе жоғалып кетеді. Клиникалық сынақтардың және тіркеуден кейінгі бақылаулардың бүгінгі таңда қолжетімді деректеріне шолу протеинурия мен бүйректің жедел немесе үдемелі ауруы арасында себеп-салдарлық байланысты таппады. Розувастатин препаратын қабылдаған пациенттерде гематурия байқалған және клиникалық деректерге сәйкес бұл құбылыстың туындау жиілігі төмен. Розувастатиннің қаңқа бұлшықеттеріне әсері Розулип Плюс препаратымен барлық дозада, әсіресе, > 20 мг дозада ем қабылдаған пациенттерде қаңқа бұлшықеттеріне әсері, соның ішінде миалгия, миопатия (миозитті қоса) және сирек жағдайда бүйрек функциясының жедел жеткіліксіздігімен немесе онсыз байқалатын рабдомиолиз туралы хабарланған. Розувастатин қабылдайтын пациенттерде креатинкиназаның дозаға тәуелді жоғарылауы туралы хабарланған, бұл ретте оқиғалардың көбісі жеңіл ауырлық дәрежесіне ие, симптомсыз және қайтымды болған. Креатинкиназа деңгейі жоғарғы қалып шегінен 5 еседен астам жоғарылаған жағдайда, Розулип Плюс препаратымен емдеуді тоқтату қажет. Розувастатиннің бауырға әсері ГМГ-КоА-редуктазаның басқа тежегіштерін қолдану кезіндегідей, розувастатин қабылдайтын пациенттердің аз бөлігінде трансаминазалар белсенділігінің дозаға тәуелді жоғарылағаны байқалған, бұл ретте оқиғалардың көбісі жеңіл ауырлық дәрежесінде, симптомсыз және қайтымды болған. Статиндер тобына жататын басқа препараттарды қолданған кезде мынадай жағымсыз құбылыстар туралы хабарланған: -Жыныстық функцияның бұзылуы. -Өкпенің интерстициялық ауруының сирек оқиғалары, әсіресе, статиндермен ұзақ уақыт емдеген кезде. Зертханалық көрсеткіштер Монотерапия бойынша бақыланатын клиникалық зерттеулерде сарысу трансаминазалары белсенділігінің клиникалық елеулі жоғарылау жиілігі (АЛТ және/немесе АСТ ≥ 3 ҚЖШ) эзетимиб (0,5 %) және плацебо (0,3%) топтарында ұқсас болды. Препараттар біріктірілімін зерттеуде жоғарылау жиілігі эзетимиб + статин қабылдаған пациенттерде 1,3%-ды және тек статин қабылдаған пациенттерде 0,4%-ды құрады. Жоғарылаудың бұл эпизодтары әдетте асимптоматикалық емес, холестазбен байланысты емес және трансаминазалардың мәні емдеуді тоқтатқаннан кейін немесе жалғасып жатқан емдеу аясында бастапқы деңгейге оралды. Клиникалық зерттеулерде КФК >10 ҚЖШ жоғарылауы тек эзетимиб қабылдаған 1674 (0,2 %) пациенттің 4-інде, плацебо қабылдаған 786 (0,1 %) пациенттің 1-інде, эзетимиб + статин қабылдаған 917 пациенттің 1-інде (0,1%) және тек статин қабылдаған 929 пациенттің 4-інде (0,4%) байқалды. Тиісті бақылау тобымен (плацебо немесе статинмен монотерапия) салыстырғанда эзетимибті қабылдау миопатия немесе рабдомиолиз жиілігінің артуымен астасқан жоқ. Балалар мен жасөспірімдер 18 жасқа толмаған пациенттерде қазіргі уақытта Розулип Плюс препаратының қауіпсіздігі мен тиімділігі анықталмаған. Розувастатин. Креатинфосфокиназа деңгейінің қалыптың жоғарғы шегінен 10 есе артуы, сондай-ақ жаттығулардан немесе дене жүктемесінің жоғарылауынан кейінгі бұлшықетке қатысты симптомдар ересектермен салыстырғанда балалар мен жасөспірімдерді 52 апталық клиникалық зерттеу кезінде жиі байқалды. Басқа көрсеткіштер бойынша балалар, жасөспірімдер мен ересектердегі розувастатиннің қауіпсіздігін зерттеу нәтижелері сәйкес келеді. Эзетимиб. 6 - 17 жастағы балалар мен жасөспірімдер Тұқым қуалайтын гетерозиготалы немесе тұқым қуаламайтын гиперхолестеринемиясы бар (n = 138) 6-10 жастағы балалардың қатысуымен жүргізілген зерттеуде плацебо тобындағы 0% -бен салыстырғанда эзетимиб алған пациенттердің 1,1 %-ында (1 пациент) АСТ және/немесе АЛТ (≥3X ҚЖШ) жоғарылауы байқалды. ШСЖ деңгейінің жоғарылауы (≥ 10 есе ҚЖШ) байқалған жоқ. Миопатия жағдайы туралы хабарланбады. Гетерозиготалы отбасылық гиперхолестеринемиясы (n = 248) бар жасөспірімдердің (10-17 жас) қатысуымен жүргізілген жеке зерттеуде АЛТ және/немесе АСТ (≥3 ВГН) жоғарылау эпизодтары симвастатинмен монотерапия тобындағы 2% -бен (2 адаммен) салыстырғанда эзетимиб және симвастатин қабылдаған пациенттердің (4 адам) 3%-ында байқалды. КФК ≥ 10 ҚЖШ жоғарылауына келетін болсақ, бұл мәндер тиісінше 2 % (2 адам) және 0% құрады. Миопатия жағдайлары байқалмады. Бұл зерттеулер сирек жағымсыз реакцияларды салыстыру үшін жарамсыз болды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: розувастатиннің артық дозалануы туралы деректер жоқ. Клиникалық зерттеулерде 15 дені сау қатысушылардың тәулігіне 50 мг дозада 14 күнге дейін немесе бастапқы гиперхолестеринемиясы бар 18 пациенттің тәулігіне 40 мг дозада 56 күнге дейін эзетимиб қабылдауы әдетте жағымды өтті. Эзетимибті бір рет пероральді қабылдаудан кейін жануарларда уыттылығы байқалмады (егеуқұйрықтар мен тышқандарда 5000 мг/кг және иттерде 3000 мг/кг). Эзетимибтің бірнеше артық дозалану жағдайлары туралы хабарланды: олар әдетте жағымсыз құбылыстардың дамуымен астаспады. Хабарланған жағымсыз құбылыстар күрделі болған жоқ. Емі: Розувастатиннің артық дозалану жағдайында спецификалық емі жоқ. Артық дозалану жағдайында симптоматикалық және демеуші іс-шаралар жасалуы тиіс. Бауыр функциясын және КФК белсенділігін бақылау қажет. Гемодиализдің тиімді болу ықтималдығы аз.

Миопатия/рабдомиолиз қауіпітілігі – бүйрек жеткіліксіздігі, гипотиреоз, жеке немесе отбасылық анамнездегі бұлшық еттердің тұқым қуалайтын аурулары және бұрын анамнезінде басқа ГМГ-КоА-редуктаза тежегішін немесе фирбартты қолданған кезде бұлшықеттерге уыттылық әсері; алкогольді шамадан тыс қолдану; жасы 65-тен жоғары; розувастатиннің плазмалық концентрациясының жоғарылауы байқалған кезіндегі жағдайы; нәсілділік (азиялық нәсіл); фибраттармен бір мезгілде тағайындау; анамнездегі бауыр ауруы; сепсис; артериялық гипотензия; кең көлемді хирургиялық араласулар, жарақаттар, ауыр метоболизмдік, эндокриндік немесе су-электролиттік бұзылулар немесе бақыланбайтын құрысу ұстамалары. Тікелей емес антикоагулянттармен бір мезгілде қолданған кезде сақ болу керек (варфарин және флуиндионды қоса). Эзетимиб және фенофибратты бір мезгілде қолданған пациенттер өт қабы ауруының даму қаупі бар екенін білу керек. Балалар мен жасөспірімдер Розулип Плюстің 18 жасқа толмаған балалардағы тиімділігі әлі анықталмаған, сондықтан да препаратты бұл жас тобында қолдану ұсынылмайды. Бауыр функциясының жеткіліксіздігі бар пациенттер Чайлд-Пью шкаласы бойынша 9 баллдан жоғары пациенттерде препаратты қолдану мәліметтері және қолдану тәжірибесі жоқ. Арнайы сақтандырулар Бүйрек функциясына әсері Тест-жолақтардың көмегімен анықталатын протеинурия, көбінесе тубулярлық протеинурия розувастатинның жоғары дозаларын, атап айтқанда, 40 мг дозасын қабылдаған пациенттерде байқалған, алайда көп жағдайда ол уақытша сипатқа ие болған. Протеинурия бүйректің жедел немесе үдемелі ауруының болжамалы факторы болып табылмайды. Қаңқа бұлшықеттеріне тигізетін әсері Розувастатинмен барлық дозада, әсіресе, > 20 мг дозада ем алған пациенттерде қаңқа бұлшықеттеріне әсері, соның ішінде миалгия, миопатия (миозитті қоса) және сирек жағдайда бүйрек функциясының жедел жеткіліксіздігімен немесе онсыз рабдомиолиз жағдайлары туралы хабарланған. Тіркеуден кейінгі кезеңде эзетимиб қолданғанда миопатия және рабдомиолиз жағдайлары туралы хабарланды. Эзетимибпен монотерапияда, сондай-ақ эзетимибты рабдомиолиздың жоғары қаупімен астасқан басқа дәрілік заттарға қосқанда өте сирек жағдайларда рабдомиолиз байқалды. Миопатияға (бұлшықеттер тарапынан симптомдар немесе креатинфосфокиназаның белсенділігі жоғары болуы негізінде) күдіктенгенде эзетимибті қабылдауды, барлық статиндерді және рабдомиолиздің жоғары қаупімен байланысы анықталған қандай да болсын дәрілік заттарды дереу тоқтату керек. Емнің басында барлық пациенттерді бұлшықеттердегі себепсіз ауырудың бүкіл көріністері, бұлшықет аурушаңдығы немесе әлсіздігі туралы уақытылы хабарлау керектігі туралы хабардар ету керек. Статиндерді қолдану немесе бұрыннан бар миастения грависінің немесе миастенияның көздегі түрінің өршуі түрткі болған миастения грависі дебютінің бірнеше жағдайлары туралы хабарланды. Симптомдар нашарлаған жағдайда Розулип Плюс препаратын қолдануды тоқтату керек. Сол немесе басқа статинді қайта қолданғанда миастения гравис рецидивінің дамитыны туралы хабарланды. Креатининкиназа (КК) белсенділігін анықтау Қарқынды дене жүктемелерінен кейін немесе алынған нәтижелерді дұрыс емес талдауға әкеле алатын КК белсенділігі жоғарылауының басқа ықтимал себептері бар болған кезде КК белсенділігін өлшемеген жөн. Егер 5–7 күннен кейін КК бастапқы деңгейі айтарлықтай жоғары болса (жоғарғы қалып шегінен 5 есе жоғары), қайта өлшеуді жүргізген жөн. Егер қайталама тест КК бастапқы деңгейін (жоғарғы қалып шегімен салыстырғанда 5 еседен астам жоғары) растаса, емді бастамаған жөн. Емдеуді бастамас бұрын Сақтықпен ГМГ–КоА – редуктазаның басқа тежегіштері сияқты, Розулип Плюс препараты да миопатияға/рабдомиолизге бейім пациенттерге сақтықпен тағайындалуы тиіс. Бейімдегіш факторлар келесілер: - бүйрек функциясының бұзылуы, -гипотиреоз, -бұлшықеттің туа біткен бұзылыстарына жеке немесе генетикалық бейімділік, - анамнезіндегі ГМГ–КоА – редуктазаның басқа тежегіштерін немесе фибраттарды пайдаланған кездегі бұлшықеттік уыттылық болуы, - алкогольді қабылдау, - > 70 жас шамасы, - розувастатин плазмалық концентрациясының артуына әкелуі мүмкін жай-күйлер, - фибраттардың қатар қолданылуы болып табылады. Бұндай пациенттерде препаратпен емді пайдасы мен қаупін бағалау негізінде қарастыру керек, клиникалық мониторинг жүргізу ұсынылады. Егер КК белсенділігі елеулі жоғары болса (бастапқы деңгейде қалыптың жоғарғы шегіне қарағанда 5 есе жоғары болса) емдеуді бастамаған жөн. Ем кезінде Бұлшықеттердің ауыруы, бұлшықет әлсіздігі немесе түйілуі, әсіресе, дімкәстікпен және қызбамен бірге кенет туындаған жағдайда дереу дәрігерге жүгіну қажет екенін пациентке хабарлау керек. Бұндай пациенттерде КК деңгейінің мониторингін жүргізу керек. Егер КК деңгейі айтарлықтай (жоғарғы қалып шегімен салыстырғанда 5 еседен астам) жоғарыласа немесе бұлшықеттер тарапынан симптомдар айқын білінсе және күнделікті жайсыздық тудырса (тіпті, КФК деңгейі жоғарғы қалып шегімен салыстырғанда 5 есе аз болса да), ем тоқтатылуы тиіс. Егер симптомдар кетіп, КК деңгейі қалпына келсе, Розулип Плюс препаратын немесе ГМГ-КоА-редуктазаның басқа тежегіштерін аздау дозаларда және пациентті мұқият бақылағанда қайта тағайындау мәселесін қарастырған жөн. Симптомдар болмаған кезде дағдылы КК бақылауы мақсатқа сай келмейді. Емделу кезінде немесе статиндер, соның ішінде розувастатин қабылдауды тоқтатқанда кейін қан сарысуындағы КК белсенділігінің жоғарылауы және проксимальді бұлшықеттердің тұрақты әлсіздігі түрінде клиникалық көрініс беретін иммунитетке байланысты некроздаушы миопатияның өте сирек оқиғалары болған. Бұлшықет және жүйке жүйелеріне қосымша зерттеулер, серологиялық зерттеулер жүргізу, сондай-ақ иммунодепрессиялық дәрілермен емдеу қажет болуы мүмкін. Клиникалық зерттеулерде Розулип Плюс пен қатарлас емді қабылдау кезінде қаңқа бұлшықетіне әсерінің арту белгілері байқалмаған. Алайда ГМГ-КоА-редуктазаның басқа тежегіштерін гемфиброзил, циклоспорин, никотин қышқылы, зеңге қарсы азолды дәрілер, протеаза тежегіштері және макролидті антибиотиктер қамтылатын фибрин қышқылының туындыларымен біріктіріп қабылдаған пациенттерде миозит және миопатия оқиғалары санының көбейгені хабарланған. Гемфиброзил ГМГ-КоА-редуктазаның кейбір тежегіштерімен бірге тағайындалған кезде миопатияның туындау қаупін арттырады. Осылайша, Розулип Плюс препараты мен гемфиброзилді бір мезгілде тағайындау ұсынылмайды. Розулип Плюс препараты мен фибраттарды немесе ниацинді бірге қолданған кезде болжамды пайдасы мен қаупінің арақатынасы тиянақты таразылануы тиіс. Розулип Плюс препаратын миопатияны бағамдайтын немесе рабдомиолизге қатысты салдарлы болып табылатын (мысалы, сепсис, гипотония, ауыр операция, жарақат, ауыр метаболизмдік, эндокриндік және электролиттік бұзылыстар немесе бақыланбайтын құрысулар) бүйрек функциясы жеткіліксіздігінің дамуына итермелейтін шұғыл ауыр аурулары бар пациенттерге қабылдауға болмайды. Фузид қышқылы Розулип Плюс препаратын жүйелік әсері бар фузид қышқылының препараттарымен бірге қабылдаудың немесе осындай препараттармен емдеу тоқтатылғаннан кейін 7 күн ішінде қарсы көрсетілімі бар. Жүйелік әсері бар фузид қышқылының препараттарымен емдеу қажетті деп танылған пациенттерде статиндермен емдеу фузид қышқылымен ем уақытында тоқтатылуы тиіс. Фузид қышқылы мен статиндер біріктірілімін қабылдаған пациенттерде рабдомиолиз оқиғалары (өліммен аяқталған бірнеше оқиғаны қоса) тіркелген. Бұлшықет әлсіздігі, ауырсыну немесе ауыртатын сезімталдық симптомдары туындағанда пациенттерге дереу медициналық көмек алу ұсынылады. Статиндермен емдеуді фузид қышқылының соңғы дозасын қабылдаған соң 7 күннен кейін жаңартуға болады. Жүйелік әсері бар фузид қышқылымен ұзақ емдеу талап етілетін айрықша жағдайларда, мысалы, ауыр инфекцияларды емдеу үшін, Розулип Плюс препараты мен фузид қышқылын бірге қабылдау қажеттілігін әрбір жеке жағдайда және мұқият медициналық бақылаумен қарастырған жөн. Тері тарапынан ауыр жағымсыз реакциялар Розувастатинді қолдану кезінде Стивенс-Джонсон синдромын (SJS) және эозинофилиямен және жүйелік симптомдармен (DRESS) өмірге қауіпті болуы немесе өліммен аяқталуы мүмкін дәрілік реакцияларды қоса алғанда, ауыр дәрежедегі терінің жағымсыз реакциялары тіркелді. Розулип Плюс препаратын тағайындау кезінде пациенттер кейіннен осы пациенттерді мұқият қадағалай отырып, терінің ауыр жағымсыз реакцияларының белгілері мен симптомдары туралы хабардар етілуі тиіс. Осындай жағымсыз реакцияларды көрсететін белгілер мен симптомдар пайда болған кезде Розулип Плюс препаратын дереу тоқтатып, баламалы ем тағайындау қажет. Егер пациентте Стивенс-Джонсон синдромы немесе Розулип Плюс қолданған кезде эозинофилиямен және жүйелік симптомдармен дәрілік реакция сияқты күрделі жағымсыз реакция дамыған болса, осы пациентте Розулип Плюс препаратымен емдеуді дереу тоқтату керек. Бауырға тигізетін әсері Эзетимиб пен статинді бірге қабылдайтын пациенттердің бақыланатын зерттеулері барысында трансаминазалар деңгейінің жоғарылауы (қалыптың жоғары шегінен 3 еседен артық) туралы хабарламалар келіп түсті. Емді бастағанға дейін және емді бастаған соң 3 айдан кейін бауыр функциясы көрсеткіштерін анықтау ұсынылады. Егер қан сарысуындағы трансаминазалар белсенділігінің деңгейі жоғарғы қалып шегінен 3 есе астам болса, Розулип Плюс препаратын қабылдауды тоқтату немесе оның дозасын азайту керек. Гипотиреоз немесе нефроздық синдром салдарынан болған гиперхолестеринемиясы бар пациенттерде негізгі ауруларды емдеу Розулип Плюс препаратымен емдеу басталғанша жүргізілуі тиіс. Эзетимиб пен статинді бірге қабылдағанда трансаминазалардың (қалыптың жоғары шегінен [ҚЖШ] ≥3) бірізді жоғарылауы байқалды. Эзетимиб әсерінің жоғарылауының ықпалы белгісіз болуы салдарынан бауыр функциясы орташа және ауыр бұзылған пациенттерде Розулип Плюс препаратын қолдану ұсынылмайды. Бауыр аурулары және алкоголь пайдалану Басқа ГМГ КоА редуктаза тежегіштері жағдайындағы сияқты, алкогольді шамадан тыс тұтынатын және/немесе анамнезінде бауыр ауруы бар пациенттер Розулип Плюс препаратын сақтықпен қабылдауы тиіс. Бүйрекке әсері Розувастатиннің жоғары дозаларын, әсіресе 40 мг дозада қабылдаған пациенттерде, несептегі тест арқылы анықталған және шығу тегі тубулярлық протеинурия байқалды; көп жағдайда ол өтпелі немесе мерзімді болды. Протеинурия бүйректің жедел немесе үдемелі ауруының болжамды белгісі екендігі дәлелденбеген. Этникалық шығу тегі Фармакокинетикалық зерттеулер барысында еуропалық нәсілді адамдарға қарағанда шығу тегі азиялық адамдарда розувастатиннің жүйелік әсерінің артатыны анықталған. Протеаза тежегіштері Розувастатиннің жоғары жүйелік әсері оны ритонавирмен біріктірілімде түрлі протеаза тежегіштерімен бір мезгілде қабылдайтын пациенттерде байқалады. Розулип Плюс препаратын АИТВ-ға шалдыққан, протеаза тежегіштерін қабылдайтын пациенттерге тағайындаған кезде липидтер деңгейінің төмендеуінен болатын пайданы да, бастапқы кезде және Розулип Плюс препаратының дозаларын титрлеген кезде қан плазмасындағы розувастатин концентрациясының жоғарылауы үшін туындайтын потенциалды да ескерген жөн. Розулип Плюс препаратының дозасы түзетілмейінше протеаза тежегіштерін қатар қабылдау ұсынылмайды. Өкпенің интерстициялық ауруы Статиндер қолданылғанда, әсіресе, ем ұзақ уақыт жүргізілгенде өкпенің интерстициялық ауруларының ерекше жағдайлары жөнінде хабарланған. Сипатталған белгілерге ентігуді, құрғақ жөтелді және жағдайдың жалпы нашарлауын (шаршау, салмақ жоғалту және қызба) жатқызуға болады. Егер пациентте өкпенің интерстициялық ауруларының дамуына күдіктер бар болса, статиндермен емдеуді тоқтату керек. Қант диабеті Кейбір деректер статиндер класс ретінде қандағы глюкоза деңгейін жоғарылатынын және қант диабетінің даму қаупі жоғары кейбір пациенттерде кейіннен диабетті емдеуді талап ететін гипергликемия туындауы мүмкіндігін айғақтайды. Алайда статиндермен емдеген кездегі қантамыр аурулары қаупінің азаюы глюкоза деңгейінің жоғарылау қауіпнен жоғары, сондықтан статиндермен емдеуді тоқтатуға себеп болып табылмайды. Қауіп тобына жататын пациенттерге (ашқарынға глюкозаның концентрациясы 5.6-6.9 ммоль/л, дене салмағының индексі >30 кг/м2, триглицеридтер деңгейінің жоғарылауы, гипертония), қолданыстағы ұлттық ұсыныстарға сәйкес клиникалық және биохимиялық мониторинг жүргізу керек. JUPITER зерттеуінің аясында тіркелген қант диабетінің жалпы туындау жиілігі көбінесе ашқарынға қандағы глюкоза деңгейі 5,6 бастап 6,9 ммоль/л дейінгі пациенттерде розувастатин қолданылған топта 2,8%-ды және плацебо қабылданған топта 2,3%-ды құрады. Фибраттар Эзетимиб пен фибраттарды бір мезгілде қабылдаудың қауіпсіздігі мен тиімділігі анықталған жоқ. Егер Розулип Плюс және фенофибрат қабылдайтын пациентте өт қабының ауруы дамуына күдік туындаса, өт қабына зерттеу жүргізу және аталған емді тоқтату керек. Антикоагулянттар Егер Розулип Плюс варфаринмен, басқа кумариндік антикоагулянтпен немесе флуиндионмен емге қосылған болса, халықаралық қалыптасқан қатынасқа (ХҚҚ) сәйкес мониторинг қажет болады. Циклоспорин Қолдануға болмайтын жағдайлар, басқа дәрілік препараттармен өзара әрекеттесуі бөлімдерін қараңыз. Балалар мен жасөспірімдер Розулип Плюстің 18 жасқа толмаған адамдардағы қауіпсіздігі мен тиімділігі әлі анықталмаған, сондықтан да препаратты бұл жас тобында қолдану ұсынылмайды. Розулип Плюс препаратының құрамында натрий бар Препараттың құрамында 1 ммольден аз (23 мг) натрий бар, яғни шын мәнінде натрий жоқ. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Розулип Плюс көлік құралдарын немесе қауіптілігі зор механизмдерді басқару қабілетіне әсер етпейді немесе мардымсыз әсер етеді. Розувастатин және/немесе эзетимибтің аталған қабілетке әсері туралы деректер жоқ. Көлік басқарғанда немесе механизмдермен жұмыс істегенде емделу кезінде бас айналу туындауы мүмкін екенін ескеру керек.

Жүктілік Розулип Плюс препаратын жүктілік кезеңінде әйелдерге қолдануға болмайды. Эзетимиб Жүктілік кезінде эзетимибті қолдану туралы клиникалық деректер жоқ. Эзетимибті монотерапия ретінде қолданудың эксперименттік деректерінде жүктілік ағымына, эмбриофетальды дамуға, босануға және босанғаннан кейінгі дамуға тікелей немесе жанама әсері анықталмады. Розувастатин Холестерин мен холестерин биосинтезінің өнімдері шарананың дамуы үшін маңызды рөл атқаратындықтан, жүктілік кезеңінде ГМГ-КоА- редуктазаны потенциалды тежеу қаупі емнің артықшылығынан асып түседі. Жануарларға жасалған зерттеулер барысында ұрпақ өрбіту жүйесі үшін уыттылықтың сенімді дәлелдері алынған. Егер жүктілік осы препаратты қабылдаған кезде басталса, емдеуді дереу тоқтату қажет. Бала емізу Розулип Плюс препаратын бала емізу кезеңінде әйелдерге қолдануға болмайды. Розувастатин егеуқұйрықтардың сүтімен бірге бөлінеді. Розувастатиннің және эзетимибтің адамның емшек сүтімен бөлінуі туралы мәліметтер жоқ. Фертильділік Розувастатин Бала туу жасындағы әйелдер контрацепцияның тиісті әдістерін қолдануы тиіс. Розувастатин жоғары дозасында маймылдар мен иттерде тестикулярлық уыттылықты көрсетті. Эзетимиб Эзетимиб егеуқұйрықтардың аналығы мен аталығының фертильділігіне әсер етпеді. Эзетимиб пен розувастатиннің адамның фертильділігіне әсері туралы клиникалық зерттеулердің деректері жоқ.

Басқа препараттардың розувастатиннің және эзетемибтің бір мезгілде қолданғандағы әсеріне әсері Қолдануға болмайтын біріктірілімдер Циклоспорин. Розувастатинмен бір мезгілде қолдану кезінде розувастатиннің AUC көрсеткіштері дені сау тұлғаларға препаратпен монотерапия кезіндегіге қарағанда, шамамен 7 есе жоғары болған. Розувастатин мен циклоспоринді бiр мезгілде қолдану циклоспориннің плазмалық концентрациясына ықпал етпейдi. Розулип Плюс препараты циклоспорин қабылдайтын пациенттерге қарсы көрсетілімді. Циклоспориннің тұрақты дозасын қабылдау кезінде креатинин клиренсі >50 мл/мин 8 пациентте жүргізілген зерттеуде 10 мг эзетимибтің бір рет қабылдау тек эзетимибті (n=17) қабылдаған басқа зерттеуден (бақылаудан) дені сау популяциядағы AUC-мен салыстырғанда эзетимибтің орташа мәнінің 3,4 есе (2,3-тен 7,9 есе) артуына алып келді. Тағы бір зерттеуде бүйректің ауыр жеткіліксіздігі бар бүйрек трансплантациясынан кейінгі пациент циклоспорин және басқа да көптеген дәрілік заттар қабылдады. Бұл пациентте тек эзетимиб қабылдаған бақылау қатысушыларымен салыстырғанда эзетимибтің жалпы әсерінің 12 есе жоғарылағаны байқалды. Дені сау он екі қатысушыда жүргізілген екі сатылы айқаспалы зерттеуде 8 күн ішінде 20 мг эзетимибті күнделікті қабылдау + күніне 100 мг циклоспоринді бір рет қабылдау тек 100 мг циклоспоринді бір рет қабылдаумен салыстырғанда циклоспорин AUC орташа алғанда 15%-ға (мәндер диапазоны: 10%-ға төмендеуден 51%-ға дейін) жоғарылауына әкелді. Бүйрек трансплантациясынан кейін пациенттерде эзетимиб пен циклоспоринді бірге қабылдаудың соңғысының әсеріне ықпалы бақыланатын зерттеулер жүргізілмеген. Софосбувир/велпатасвир/воксилапревир: Бір мезгілде розувастатин мен софосбувир/ велпатасвир/ воксилапревирді қолдануға болмайды. Дені сау еріктілердегі дәрілік өзара әрекеттесудің клиникалық зерттеуі софосбувир/велпатасвир/ воксилапревирді бірнеше рет бір рет қабылдау розувастатиннің әсерін 7,4 есе арттыратынын көрсетті (1 кестені қараңыз), бұл миопатияның, соның ішінде рабдомиолиздің даму қаупінің жоғарылауымен байланысты. Ледипасвир/софосбувир Розувастатин мен ледипасвир / софосбувирді бір мезгілде қабылдау розувастатин концентрациясын едәуір арттыруы мүмкін (AUC-пен салыстырғанда бірнеше есе), бұл миопатияның, соның ішінде рабдомиолиздің даму қаупінің жоғарылауымен байланысты. Ұсынылмайтын біріктірілімдер Протеаза тежегіштері Нақты өзара әрекеттесу механизмі белгісіз болғанына қарамастан, протеаза тежегіштерін бірге қабылдау розувастатин экспозициясының елеулі мөлшерде артуын туындатады (1 кестені қараңыз). 10 мг розувастатинді құрамында протеазалардың екі тежегіші бар (300 мг атазанавир/100 мг ритонавира) біріктірілген препаратпен бір мезгілде қолдану бойынша жүргізілген фармакокинетикалық зерттеу дені сау еріктілерде розувастатиннің AUC (0–24) («концентрация-уақыт» қисығы астындағы ауданы) және (Сmax) (қан плазмасындағы ең жоғары концентрациясы) мәндерінің, тиісінше, шамамен үш есе немесе жеті есе артуын туындатқан. Розувастатин әсерінің болжамды артуы негізінде Розулип препаратының дозасын мұқият таңдағаннан кейін ғана Розулип Плюс препараты мен протеаза тежегіштерінің кейбір біріктірілімдерімен бірге қабылдауға болады. Дозалардың аталған біріктірілімі бірінші желі емі ретінде жарамайды. Біріктірілген емді розувастатиннің немесе екі компоненттің де сәйкес келетін дозасын таңдағаннан кейін бастау керек. Гемфиброзил және басқа гиполипидемиялық препараттар Дәрігерлер эзетимиб пен фенофибрат қабылдайтын пациенттерде өттас ауруының және өт қабы ауруының даму қаупі бар екенін білуі тиіс. Эзетимиб пен фенофибрат қабылдайтын пациенттерде холестаздың дамуына күдік болғанда, өт қабын тексеру, сондай-ақ осы емді тоқтату керек. Фенофибрат пен гемфиброзилді бір мезгілде қолданғанда эзетимибтің қосынды концентрациясының (сәйкесінше шамамен 1,5 және 1,7 есе) орташа жоғарылауы байқалды. Эзетимибті басқа фибраттармен бір мезгілде қолдану зерттелген жоқ. Фибраттар холестериннің өтпен экскрециясын жоғарылатуы мүмкін, ол өттас ауруына әкеледі. Жануарларға жүргізілген зерттеулерде эзетимиб кейде өт қабындағы холестерин деңгейін жоғарылатқан, бірақ бұл барлық түрлерінде емес. Эзетимибті емдік қабылдаудың өттас ауруының даму қаупімен астасуын жоққа шығаруға болмайды. Розулип Плюс препараты мен гемфиброзилді бірге қабылдау розувастатиннің Cmax және AUC екі есе артуын туындатқан. Спецификалық өзара әрекеттесу зерттеулерінен алынған деректер негізінде, фенофибратпен елеулі фармокинетикалық клиникалық өзара әрекеттесу күтілмейді, алайда фармакодинамикалық өзара әрекеттесу орын алуы мүмкін. Гемфиброзил, фенофибрат, басқа фибраттар мен ниациннің (никотин қышқылының) гиполипидемиялық дозалары (> немесе 1 г/күн тең) ГМГ-КоА-редуктазаның тежегіштерімен бірге қабылданғанда миопатияның пайда болу қаупін арттырады, бұның себебі олар монотерапия ретінде қабылданса, миопатия тудыра алатыны болуы мүмкін. Мұндай пациенттерге емді розувастатиннің 5 мг дозасынан бастау керек. Сонда да осылай бірге қабылдауды қажет ететін пациенттер үшін розувастатиннің бастапқы дозасы 5 мг-ны құрауы тиіс. Ақуыз тасымалдағыштарының тежегіштері Розувастатин OATP1B1 бауырдың қармау тасымалдағышы мен BCRP эффлюксті тасымалдағышын қоса, ақуыздың белгілі бір тасымалдағыштарына арналған субстрат болып табылады. Розулип Плюс препараты мен осы ақуыз тасымалдағыштарының тежегіштері болып табылатын дәрілік препараттарды бір мезгілде қабылдау қан плазмасында розувастатин концентрацияларының жоғарылауын және миопатия даму қаупінің артуын туындатуы мүмкін. Фузид қышқылы Розувастатин мен фузид қышқылы арасындағы өзара әрекеттесу зерттеулері жүргізілген жоқ. Миопатия қаупі, рабдомиолизді қоса, жүйелік әсері бар фузид қышқылының препараттарын статиндермен бір мезгілде қабылдаған кезде артуы мүмкін. Осы өзара әрекеттесу (фармакодинамикалық немесе фармакокинетикалық немесе екеуі бірдей) механизмі қазіргі кезде белгісіз. Бұл біріктірілімді қабылдаған пациенттерде рабдомиолиз (өліммен аяқталған бірнеше оқиғаны қоса) туралы хабарламалар тіркелген. Егер жүйелік әсері бар фузид қышқылымен емдеу қажет болса, Розулип Плюс препаратымен емдеу фузид қышқылымен ем уақытында тоқтатылуы тиіс. Басқа да өзара әрекеттесулер Антацидтер Бір мезгілде антацидтерді қабылдау эзетимибтің сіңу жылдамдығын төмендетеді, бірақ оның биожетімділігіне әсер етпейді, сондықтан клиникалық мәні жоқ деп саналады. Розулип Плюс препараты мен құрамында алюминий мен магний гидроксиді бар антацидтер суспензияларын бір мезгілде қолдану розувастатиннің плазмалық концентрациясын шамамен 50%-ға төмендетеді. Осы әсер, егер антацидтер розувастатин қабылдағаннан кейін 2 сағаттан соң қолданылса, аздап білінеді. Бұл өзара әрекеттесудің клиникалық мәні анықталмаған. Эритромицин Розулип Плюс препараты мен эритромицинді бір мезгілде қолдану розувастатиннің AUC (0 – t) 20%-ға және розувастатиннің Сmax 30%-ға азаюын туындатады. Бұндай өзара әрекеттесу эритромицинді қабылдау салдарынан ішек моторикасының күшеюі нәтижесінде туындауы мүмкін. Р450 цитохромының ферменттері In vitro және in vivo зерттеулерінің нәтижелері розувастатин Р450 цитохромы ферменттерінің тежегіші де, индукторы да еместігін көрсетті. Бұған қоса, розувастатин бұл ферменттер үшін әлсіз субстрат болып табылады. Осылайша, Р450 цитохромының метаболизмімен байланысты өзара әрекеттесу күтілмейді. Розувастатин, флуконазол (CYP2C9 және CYP3А4 тежегіші) және кетоконазол (CYP2А6 CYP3А4 тежегіші) арасында клиникалық маңызды өзара әрекеттесу байқалған жоқ. Розувастатин мен итраконазолды (CYP3A4 тежегіші) қатар қолдану розувастатиннің AUC 28%-ға жоғарылауымен қатар жүрді. Осындай өзгерістердің клиникалық мәні бар деп саналмайды.Осылайша, Р450 цитохромына байланысты метаболизміне қатысты өзара әрекеттесу күтілмейді. Клиникаға дейінгі зерттеулерде эзетимиб дәрілік заттарды метаболиздейтін P450 цитохром ферменттерін индукцияламайтыны көрсетілген. Эзетимиб пен P450 цитохромымен: 1A2, 2D6, 2C8, 2C9, 3A4 – немесе N-ацетилтрансферазамен метаболизденетін препараттар арасында клиникалық маңызды фармакокинетикалық өзара әрекеттесулер байқалмады. Тикагрелор Тикагрелор розувастатиннің бүйрек арқылы шығарылуына әсер етуі мүмкін, бұл розувастатиннің жиналу қаупін арттырады. Бұл әсердің механизмі белгісіз болса да, кейбір жағдайларда тикагрелор мен розувастатинді бірге қолдану бүйрек функциясының нашарлауына, КФК белсенділігінің жоғарылауына және рабдомиолизге әкелді. Клопидогрел Клопидогрел пациенттерде розувастатиннің экспозициясын 300 мг клопидогрел қабылдағаннан кейін 2 есе (AUC) және 1,3 есе (Cmax) және 75 мг клопидогрел дозасын қайта қабылдағаннан кейін Cmax әсер етпестен 1,4 есе (AUC) арттыратыны көрсетілген. Холестирамин. Бір мезгілде холестирамин қабылдау жалпы эзетимиб үшін (эзетимиб + эзетимиб глюкурониді) фармакокинетикалық қисық астындағы ауданды (орташа AUC) шамамен 55 %-ға азайтады. Эзетимибтің холестираминмен өзара әрекеттесуі тығыздығы төмен липопротеидтер холестеринінің (ТТЛП-ХС) төмендеуін туындатуы мүмкін. Статиндер Эзетимибті аторвастатинмен, симвастатинмен, правастатинмен, ловастатинмен, флувастатинмен немесе розувастатинмен бір мезгілде қолданғанда клиникалық мәні бар фармакокинетикалық өзара әрекеттесу байқалған жоқ. Басқа дәрілік заттар Эзетимиб бірге қолданғанда дапсон, декстрометорфан, дигоксин, глипизид, толбутамид, мидазоламның фармакокинетикасына әсер еткен жоқ. Циметидинді эзетимибпен бір мезгілде қабылдау эзетимибтің биожетімділігіне әсер етпейді. Розувастатин/эзетимиб Гиперхолестеринемиясы бар пациенттерде 10 мг розувастатинді және 10 мг эзетимибті бір мезгілде қабылдау розувастатиннің AUC 1,2 есе ұлғаюына әкелді (1 кесте). Жағымсыз реакциялардың дамуы тұрғысынан розувастатин мен эзетимиб арасындағы фармакодинамикалық өзара әрекеттесуді жоққа шығаруға болмайды. Розувастатин дозасын түзетуді қажет ететін өзара әрекеттесулер (1 кестені қараңыз): Егер Розулип Плюс препараты мен оның әсерін күшейтетін басқа дәрілік препараттарды бірге қабылдау қажет болса, Розулип Плюс препаратының дозасын түзету қажет. Егер Розулип Плюс препаратының әсері 2 есе немесе одан жоғары күшейеді деп күтілсе, оның бастапқы дозасы күніне бір рет 5 мг-ны құрауы тиіс. Розулип Плюс препаратының ең жоғары күн сайынғы дозасы розувастатиннің болжамды әсері өзара әрекеттеспейтін дәрілік препараттарсыз қабылданатын 40 мг дозасының әсерінен аспайтындай түзетілуі керек, мысалы, гемфиброзилмен біріктірілімдегі Розулип Плюс препаратының 20 мг дозасы (артуы 1.9 есе) және атазанавирмен/ритонавирмен біріктірілмдегі Розулип Плюс препаратының 10 мг дозасы (жоғарылауы 3.1 есе). Егер AUC розувастатиннің 2 еседен аз артуы байқалса, препараттың бастапқы дозасын азайтудың қажеті жоқ, бірақ Розулип Плюс препаратының дозасын 20 мг-ден жоғары арттырған кезде сақ болу керек. 1-кесте. Жарияланған клиникалық зерттеулерден бірге қолданған кезде дәрілік препараттардың розувастатин әсеріне тигізетін әсері (AUC; шамасының кему тәртібімен) Өзара әрекеттесетін дәрілік препараттарды дозалау сызбасы — Розувастатиннің дозалау сызбасы — Розувастатиннің AUC* өзгерістері Розувастатиннің AUC екі есе немесе одан да көп артуы Софосбувир/велпатасвир/воксилапревир (400 мг/100 мг/100 мг) + воксилапревир (100 мг) күніне 1 рет, 15 күн бойы — 10 мг, бір реттік доза — 7,4 есе ↑ Циклоспорин 75–200 мг күніне 2 рет, 6 ай — 10 мг, күніне 1 рет, 10 күн — 7,1 есе ↑ Даролутамид 600 мг күніне 2 рет, 5 күн — 5 мг, бір реттік доза — 5,2 есе ↑ Белумосудил 200 мг; күніне 1 рет, 4 күн, — 10 мг; бір реттік доза — 4,6 рет ↑ Регорафениб 160 мг күніне 1 рет, 14 күн — 5 мг, бір реттік доза — 3,8 есе ↑ Атазанавир 300 мг + ритонавир 100 мг күніне 1 рет, 8 күн — 10 мг, бір реттік доза — 3,1 есе ↑ Велпатасвир 100 мг күніне 1 рет — 10 мг бір реттік доза — 2,7 есе ↑ Омбитасвир 25 мг /паритапревир 150 мг /ритонавир 100 мг күніне 1 рет /дасабувир 400 мг күніне 2 рет, 14 күн — 5 мг, бір реттік доза — 2,6 есе ↑ Гразопревир 200 мг /элбасвир 50 мг күніне 1 рет — 10 мг бір реттік доза — 2,3 есе ↑ Глекапревир 400 мг/пибрентасвир 120 мг күніне 1 рет, 7 күн — 5 мг күніне 1 рет, 7 күн — 2,2 есе ↑ Лопинавир 400 мг + ритонавир 100 мг күніне 2 рет, 17 күн — 20 мг күніне 1 рет, 7 күн — 2,1 есе ↑ Клопидогрел 300 мг бір рет және 75 мг 24 сағаттан кейін — 20 мг, бір реттік доза — 2 есе ↑ Клопидогрел 300 мг жүктеме доза, содан кейін және 75 мг күніне 1 рет. 7 күн; — 40 мг, бір реттік доза; — 2 рет ↑ 1,4 рет ↑ Розувастатиннің AUC 2 еседен аз артуы Гемфиброзил 600 мг күніне 2 рет, 7 тәулік — 80 мг, бір реттік доза — 1,9 есе ↑ Элтромбопаг 75 мг күніне 1 рет, 10 тәулік — 10 мг, бір реттік доза — 1,6 есе ↑ Дарунавир 600 мг + ритонавир 100 мг күніне 2 рет, 7 күн — 10 мг күніне 1 рет, 7 тәулік — 1,5 есе ↑ Типранавир 500 мг + ритонавир 200 мг күніне 2 рет, 11 күн — 10 мг, бір реттік доза — 1,4 есе ↑ Дронендарон 400 мг күніне 2 рет — - — 1,4 есе ↑ Итраконазол 200 мг күніне 1 рет, 5 күн — 10 мг, бір реттік доза — 1,4 есе ↑** Эзетимиб 10 мг, күніне 1 рет, 14 күн — 10 мг күніне 1 рет, 14 күн; — (**)↑ x 1,2 Розувастатиннің AUC төмендеуі Эритромицин 500 мг күніне 4 рет, 7 күн — 80 мг, бір реттік доза — 20 % ↓ Баикалин 50 мг күніне 3 рет, 14 күн — 20 мг, бір реттік доза — 47 % ↓ * X-еселік өзгеріс түрінде берілген деректер розувастатинді басқа препараттармен бірге қабылдау және жалғыз розувастатинді ғана қабылдау арасындағы қарапайым арақатынас болып табылады. % өзгеріс түрінде берілген деректер жалғыз розувастатинді ғана қабылдауға қатысты пайыздық айырмашылық болып табылады. Арту – «­» ретінде, кему – «» ретінде ** Розувастатиннің әртүрлі дозалары кезіндегі өзара әрекеттесуге қатысты бірнеше зерттеу жүргізілген, кестеде ең маңызды арақатынастар берілген. Бір мезгілде қолданған кезде мынадай дәрілік препараттар/біріктірілімдер AUC розувастатиннің арақатынасына клиникалық маңызды әсер еткен жоқ: Алеглитазар 0.3 мг 7 күн ішінде; Фенофибрат 67 мг күніне 3 рет, 7 күн ішінде; Флуконазол 200 мг күніне 1 рет; Фосампренавир 700 мг/ритонавир 100 мг күніне 2 рет, 8 күн ішінде; Кетоконазол 200 мг күніне 2 рет 7 күн ішінде; Рифампин 450 мг күніне 1 рет 7 күн ішінде; Силимарин 140 мг күніне 3 рет 5 күн ішінде. Біріктірілген препарат бірінші желідегі ем үшін жарамайды. Біріктірілген емдеуді розувастатиннің немесе препараттың екі компонентінің де қажетті дозаларын анықтағаннан кейін ғана бастау немесе, егер қажет болса, дозасын өзгерту керек, содан кейін емдеуді құрамында монокомпоненттердің қажетті дозалары бар біріктірілген препаратқа ауыстыруға болады. Розувастатиннің және эзетемибтің бірге қолданылатын дәрілік препараттарға тигізетін әсері К дәруменінің антагонистері Дені сау 12 еркектің қатысуымен жүргізілген зерттеулерде бір мезгілде 10 мг дозадағы эзетимибпен тәулігіне бір рет емдеу варфарин биожетімділігі мен протромбиндік уақытқа әсер еткен жоқ. Алайда, тіркеуден кейінгі кезеңде эзетимибті варфаринге, басқа кумаринді антикоагулянттарға немесе флуиндион қабылдауға қосқанда пациенттерде ХҚҚ жоғарылағаны туралы хабарлар бар. Розулип Плюс препаратын варфаринмен, басқа антикоагулянттармен немесе флуиндионмен бірге қабылдағанда ХҚҚ мониторингілеу керек. ГМГ-КоА-редуктазаның басқа тежегіштерімен туындайтын жағдайда сияқты, К дәруменінің антагонистерін (мысалы, варфаринді немесе кумарин қатарындағы басқа антикоагулянт) бір мезгілде қабылдайтын пациенттерде Розулип Плюс препаратымен емді бастау немесе оның дозасын арттыру (ХҚҚ) көбеюін туындатуы мүмкін. Розувастатинді тоқтату немесе препарат дозасын азайту ХҚҚ азаюын туындатуы мүмкін. Мұндай жағдайларда ХҚҚ мониторингін жүргізу ұсынылады. Пероральді контрацептивтер/гормон орын басу емі Розувастатин мен пероральді контрацептивтерді бір мезгілде қолдану этинилэстрадиолдың AUC және норгестрелдің AUC тиісінше 26%-ға және 34%-ға арттырады. Плазмалық концентрацияның осылай артатынын пероральді контрацептивтерді таңдаған кезде ескеру қажет. Алайда бұндай біріктірілім клиникалық зерттеулер жүргізілген кезде кеңінен қолданылып, пациенттер жақсы көтерімді болды. Эзетимиб этинилэстрадиол мен левоноргестрелді қамтитын пероральді контрацептивтердің фармакокинетикасына әсер еткен жоқ. Басқа препараттар Дигоксин Розувастатиннің дигоксинмен клиникалық маңызды өзара әрекеттесуі күтілмейді. Клиникалық өзара әрекеттесу зерттеулерінде эзетимиб бірге қабылданған дапсон, декстрометорфан, дигоксин, глипизид, толбутамид немесе мидазоламның фармакокинетикасына әсер етпеді. Эзетимибпен бірге қабылданған циметидин эзетимибтің биожетімділігіне әсер етпеді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 30 °С-ден аспайтын температурада сақтау керек. Балалардың қолы жетпейтін жерде сақтау керек!