Роксардио® таблетки 5 мг

Үлбірлі қабықпен қапталған бір таблетканың құрамында белсенді зат - розувастатин (кальций розувастатині түрінде), 5 мг, 10 мг, 20 мг, 40 мг қосымша заттар: сусыз лактоза, сусыз коллоидты кремнийдің қостотығы, силикатталған микрокристалды целлюлоза (Prosolv SMCC90), кепкен жүгері крахмалы, тальк, натрий стеарил фумараты; үлбірлі қабығы: гипромеллоза (2910), маннитол, макрогол 6000, титанның қостотығы (Е 171), темірдің сары тотығы (Е 172), темірдің қызыл тотығы (Е 172), тальк. Сыртқы түрінің, иісінің, дәмінің сипаттамасы Қоңыр түсті, үлбірлі қабықпен қапталған, дөңгелек пішінді таблеткалар (5 мг доза үшін). Қоңыр түсті, үлбірлі қабықпен қапталған, дөңгелек пішінді, бір жақ бетінде «RSV 10» өрнегі бар таблеткалар (10 мг доза үшін). Қоңыр түсті, үлбірлі қабықпен қапталған, дөңгелек пішінді, бір жақ бетінде «RSV 20» өрнегі бар таблеткалар (20 мг доза үшін). Қоңыр түсті, үлбірлі қабықпен қапталған, дөңгелек пішінді, бір жақ бетінде «RSV 40» өрнегі бар таблеткалар (40 мг доза үшін).

Гиперхолестеринемия емі - ересектер, жасөспірімдерде мен 6 жастағы және одан үлкен балалардағы бастапқы гиперхолестеринемия (IIа типі: отбасылық гетерозиготалы гиперхолестеринемияны қоса) немесе аралас дислипидемияда (IIb типі), диета және басқа дәрі-дәрмектік емес емдеу әдістері (мысалы, дене жаттығулары, дене салмағын азайту) жеткіліксіз болғанда диетаға толықтыру ретінде - ересектер, жасөспірімдер мен 6 жастағы және одан үлкен балалардағы отбасылық гомозиготалы гиперхолестеринемияда диетаға және липид төмендететін басқа емге (мысалы, ТТЛП-аферез) толықтыру ретінде немесе осындай ем пациентке сай келмеген жағдайларда Жүрек-қантамыр ауруларының профилактикасы - жүрек-қантамыр оқиғаларының туындау қаупі жоғары ересек пациенттерде жүрек-қантамыр асқынуларының профилактикасында басқа қауіп факторларын түзетуге/емдеуге толықтыру ретінде.

Әсер ету механизмі Розувастатин А 3-гидрокси-3-метилглутарилкоэнзимін холестерин ізашары - мевалонатқа айналдыратын фермент – ГМГ-КоА редуктазаның cелективті бәсекелес тежегіші болып табылады. Розувастатиннің негізгі әсер ету нысанасы бауыр болып табылады, онда холестерин (ХС) синтезі жүзеге асады. Розувастатин бауыр жасушаларының беткейінде ТТЛП-рецепторларының санын арттырып, тығыздығы төмен липопротеиндер (ТТЛП) қармалуы мен катаболизмін жақсартады, сондай-ақ ол ТӨТЛП синтезін тежеп, сол арқылы ТӨТЛП және ТТЛП жалпы санын қысқартады. Фармакодинамикалық әсерлері Розувастатин ТТЛП-холестерин (ТТЛП-ХС), жалпы холестерин, триглицеридтердің (ТГ) жоғары мөлшерін төмендетеді, тығыздығы жоғары липопротеиндер холестерині (ТЖЛП-ХС) мөлшерін арттырады, сондай-ақ аполипопротеин В (АпоВ), ТЖЛП емес-ХС, ТӨТЛП-ХС, ТӨТЛП-ТГ мөлшерін төмендетеді және аполипопротеин А-І (АпоА-І) деңгейін арттырады, ТТЛП-ХС/ТЖЛП-ХС, жалпы ХС/ТЖЛП-ХС және ТЖЛП емес-ХС/ТЖЛП-ХС арақатынасын және АпoВ/АпoA-І арақатынасын төмендетеді. 3 кесте. Алғашқы гиперхолестеринемия (IIa және IIb типі) бар пациенттерде дозаға тәуелділік (бастапқы деңгейден түзетілген орташа пайыздық өзгеріс) Доза — Саны — ТТЛП-ХС — Жалпы холестерин — ТЖЛП-ХС — Тригли-церид — ТЖЛП емес- ХС — АпоВ — АпоА-I Плацебо — 13 — –7 — –5 — 3 — –3 — –7 — –3 — 0 5 — 17 — –45 — –33 — 13 — –35 — –44 — –38 — 4 10 — 17 — –52 — –36 — 14 — –10 — –48 — –42 — 4 20 — 17 — –55 — –40 — 8 — –23 — –51 — –46 — 5 40 — 18 — –63 — –46 — 10 — –28 — –60 — –54 — 0 Емдік әсер розувастатинмен ем басталған соң бір апта ішінде пайда болады және 2 апта емдеуден кейін ең жоғары болжамды әсерінің 90%-на жетеді. Ең жоғары емдік әсеріне, әдетте, 4-ші аптаға қарай жетеді және жүйелі қабылдағанда сақталады. Клиникалық тиімділігі және қауіпсіздігі Розувастатин нәсіліне, жынысына немесе жасына байланыссыз гипертриглицеридемиямен немесе онсыз гиперхолестеринемия бар ересек пациенттерде және пациенттердің ерекше топтары, мысалы, қант диабеті бар пациенттер немесе отбасылық гиперхолестеринемиямен пациенттер үшін тиімді. Зерттеулердің III фазасының біріктірілген деректеріне сай, розувастатин Еуропалық атеросклерозды зерттеу жөніндегі қоғамның (EAS; 1998) мақсатты бағдарлары болып табылатын IIa және IIb типті (ТТЛП-ХС орташа бастапқы мәні 4,8 ммоль/л жуық) гиперхолестеринемия бар пациенттердің көпшілігін емдегенде тиімділігін көрсетті. Препаратпен 10 мг дозада ем қабылдаған пациенттердің 80% жуығы ТТЛП-ХС деңгейлері үшін (< 3 ммоль/л) EAS мақсатты көрсеткіштеріне қол жеткізді. Гетерозиготалы отбасылық гиперхолестеринемия бар 435 пациенттің қатысуымен ірі зерттеуде пациенттер розувастатинді күшейтілген титрлеу режимінде 20-дан 80 мг дейінгі дозада қабылдады. Барлық дозалар липидтер параметрлеріне және нысаналы көрсеткіштерге жету үшін емдеуге жағымды әсерін көріністеді. Күнделікті 40 мг дозасына дейін (12 апта емдеу) титрлеуден кейін ТТЛП-ХС деңгейі 53% төмендеді. Пациенттердің 33%-ы ТТЛП-ХС деңгейлері үшін (< 3 ммоль/л) EAS нұсқаулығымен регламенттелген көрсеткіштерге жетті. Күшейтілген титрлеумен ашық зерттеу аясында 42 пациентте (балалар жасындағы 8 пациентті қоса) 20 мг-ден 40 мг дейінгі дозада розувастатинге берілген жауапты бағалау жүргізілді. Жалпы қауымда ТТЛП-ХС деңгейінің орташа төмендеуі 22% құрады. Пациенттердің шектеулі санына жүргізілген клиникалық зерттеулер барысында розувастатин фенофибратпен біріктіріп пайдаланғанда триглициридтер деңгейін төмендетуде және ниацинмен біріктіргенде ТЖЛП-ХС деңгейлерін жоғарылатуда қосымша тиімділігінің болатынын көрсетті. Гипертриглицеридемиясы бар пациенттерде 273 мг/дл-ден 817 мг/дл дейінгі ТГ бастапқы концентрациясы 6 апта ішінде тәулігіне 1 рет 5 мг-дан 40 мг дейінгі дозада розувастатин алғанда қан плазмасындағы ТГ айтарлықтай төмендеді. Аддитивті әсер Хс-ТЖЛП концентрациясына липид азайтатын дозаларда никотин қышқылына қатысты және ТГ концентрациясына қатысты фенофибратпен біріктірілімде байқалады. Мультиорталықтық салыстырмалы жасырын плацебо-бақыланатын клиникалық зерттеуде (METEOR) жүректің ишемиялық ауруының даму қаупі төмен (Фрамингем қауіп шкаласы бойынша 10 жыл бойы < 10% анықталады), ТТЛП-ХС орташа деңгейі 4,0 ммоль/л (154,5 мг/дл), бірақ субклиникалық атеросклероз бар (күретамырдың интима-медиалық қабат қалыңдығы бойынша анықталады) 45-тен 70 жасқа дейінгі 984 пациент розувастатинді күніне бір рет 40 мг дейінгі дозада қолданған топқа және 2 жыл бойы плацебо қабылдайтын топқа рандомизацияланды. Розувастатин, плацебомен салыстырғанда, күретамыр артериясының 12 аймағының интима-медиа кешенінің ең қалың қабатының үдеу жылдамдығын – 0,0145 мм/жыл (СА 95% – 0,0196, – 0,0093; Р < 0,0001) едәуір баяулатты. Бастапқы деңгеймен салыстырғанда өзгеріс, плацебо тобындағы + 0,0131 мм/жыл (1,12%/жыл (p < 0,0001)) үдеумен салыстырғанда, розувастатин тобында – 0,0014 мм/жыл (– 0,12%/жыл, бұл елеусіз болып табылады). Қазіргі таңда интима-медиа кешені қалыңдығының жұқаруы мен жүрек-қантамыр ауруларының туындау қаупінің төмендеуі арасында тікелей өзара байланыс анықталмады. METEOR зерттеуінің аясында зерттелетін қауым жүректің ишемиялық ауруына шалдығу қаупі төмен аймақта болады және 40 мг дозадағы розувастатинмен емдеу үшін мақсатты қауым болып табылмайды. 40 мг доза жүрек-қантамыр ауруларының қаупі жоғары болғанда ауыр гиперхолестеринемия бар пациенттерге ғана тағайындалуы тиіс. Статиндерді бастапқы профилактикада пайдалануды негіздеу үшін розувастатин бағалауын интервенциялық зерттеу (JUPITER) шеңберінде 17 802 ер (≥ 50 жас) және әйелде (≥ 60 жас) атеросклероз аясында жүрек-қантамыр ауруларының негізгі құбылыстарының туындауына розувастатиннің әсер етуіне баға берілді. Зерттеуге қатысушылар кездейсоқ ретпен плацебо қабылдайтын топқа (n = 8901) және күніне бір рет 20 мг дозада розувастатин қолданатын топқа (n = 8901) бөлініп, осы пациенттер топтарына, орта есеппен, 2 жыл қадағалау жүргізілді. Плацебо қабылдау тобымен салыстырғанда, розувастатин қолданатын топта ТТЛП холестеринінің концентрациясы 45% (p < 0,001) төмен болды. Жоғары қауіп пен Фрэмингем бойынша > 20% базалық қауіп көрсеткіші бар пациенттердің қосалқы тобын (1558 субъект) ретроспективті талдауда, плацебомен салыстырғанда, розувастатинмен ем кезінде жүрек-қантамыр ауруларынан, инсульт пен миокард инфарктісінен (р = 0,028) өлімге ұшыраудың біріктірілген соңғы нүктесіне жетудің едәуір төмендеуі аталды. Қауіптің оқиғалар жиілігіне қатысты абсолютті төмендеуі 1000 пациент-жылға 8,8 құрады. Жалпы өлімге ұшырау осы жоғары қауіп тобында өзгеріссіз қалды (p = 0,193). Жоғары қауіп (барлығы 9302 пациент) пен SCORE шкаласы (өлімге соқтыратын жүрек-қантамыр ауруларының қаупін 10 жыл бойы бағалау үшін әзірленген шкала) бойынша ≥ 5% базалық қауіп мәні бар (65 жастан асқан субъектілерді қосу үшін кеңейтілген) пациенттердің қосалқы тобын ретроспективті талдауда розувастатинмен ем кезінде, плацебомен салыстырғанда, жүрек-қантамыр ауруларынан, инсульт пен миокард инфарктісінен (р = 0,0003) өлімге ұшыраудың біріктірілген соңғы нүктесінің едәуір төмендеуі аталды. Қауіптің оқиғалар жиілігіне қатысты абсолютті төмендеуі 1000 пациент-жылға 5,1 құрады. Жалпы өлімге ұшырау осы жоғары қауіп тобында өзгеріссіз қалды (p = 0,076). JUPITER зерттеуінің аясында розувастатин қабылдау тобынан 6,6% субъект және плацебо қабылдау тобынан 6,2% субъект жағымсыз құбылыстар дамуына байланысты емделуін тоқтатты. Емді тоқтатуға әкелген ең көп таралған жағымсыз құбылыстар: миалгия (розувастатин тобында 0,3%, плацебо тобында 0,2%), іштің ауыруы (розувастатин тобында 0,03%, плацебо тобында 0,02%) және бөртпе (розувастатин тобында 0,02%, плацебо тобында 0,03%) болды. Саны жағынан плацебодан асып кететін немесе оған тең ең көп таралған жағымсыз құбылыстар: несеп шығару жолдарының инфекциялары (розувастатин тобында 8,7%, плацебо тобында 8,6%), ринофарингит (розувастатин тобында 7,6%, плацебо тобында 7,2%), арқаның ауыруы (розувастатин тобында 7,6%, плацебо тобында 6,9%) және миалгия (розувастатин тобында 7,6%, плацебо тобында 6,6%) болды. Балалар Салыстырмалы жасырын рандомизацияланған көп орталықтық плацебо-бақыланатын 12-апталық зерттеуде (n = 176, 97 ер жынысты және 79 әйел жынысты) розувастатинді титрлеудің 40-апталық фазасымен (n = 173, 96 ер жынысты және 77 әйел жынысты) жалғасып, гетерозиготалы отбасылық гиперхолестеринемиясы бар 10-нан 17 жасқа дейінгі пациенттер (II–V Таннер шкаласы, әйел жыныстылар алғашқы етеккір басталуынан кейін кемінде 1 жыл) 5, 10 немесеи 20 мг дозаларда розувастатин немесе 12 апта бойы күнделікті плацебо қабылдады, ал артынан барлығы 40 апта бойы күнделікті розувастатин қабылдады. Зерттеуге қосылған сәтте пациенттердің 30% жуығы 10-нан 13 жасқа дейін болды, ал тиісінше 17, 18, 40 және 25% шамасы II, III, IV және V Таннер шкаласына сәйкес келді. Розувастатин 5, 10 және 20 мг дозаларда қабылданғанда, тиісінше, плацебо алу кезіндегі 0,7 %-бен салыстырғанда, ТТЛП-ХС деңгейлері 38,3, 44,6 және 50,0% төмендеді. Күніне бір рет ең жоғары 20 мг дозаға жету үшін 40-апталық ашық титрлеу аяқталғанда 173 пациенттің 70-і (40.5 %) 2.8 ммоль/л мөлшерінен аз ТТЛП-ХС деңгейіне жетті. Зерттелетін препаратты 52 апта қабылдаудан кейін бой, салмақ, дене салмағы индексіне және жыныстық жетілуге ешқандай ықпалы анықталмады. Аталған зерттеу (n = 176) сирек жағымсыз реакцияларды салыстыруға сай келмеді. Розувастатин зерттеуі, сонымен қатар, гетерозиготалы отбасылық гиперхолестеринемия бар 6-дан 17 жасқа дейінгі (88 ер жынысты және 110 әйел жынысты пациент, Таннер бойынша сатысы < II–V) 198 баланың қатысуымен мақсатты көрсеткіштер таңдалғанша титрлеудің ашық 2 жылдық зерттеу аясында жүргізілген. Барлық пациенттер үшін розувастатиннің бастапқы дозасы 5 мг құрады. 6-дан 9 жасқа дейінгі пациенттерге (n = 64) розувастатинді күніне бір рет 10 мг ең жоғары дозасына дейін, ал 10-нан 17 жасқа дейінгі пациенттерге (n = 134) күніне бір рет 20 мг ең жоғары дозасына дейін қабылдау мүмкін болды. Розувастатинмен 24 ай емдеуден кейін ТТЛП-ХС концентрациясы төмендеуінің (ең аз квадраттар әдісімен (ЕКӘ) алынған) орташа пайыздық мәні, бастапқы мәнмен салыстырғанда, 43% құрады (бастапқы деңгей: 236 мг/дл, 24-ші ай: 133 мг/дл). Әр жас тобы үшін ТТЛП-ХС концентрациясы төмендеуінің орташа пайыздық мәні (ЕКӘ кезінде алынған), бастапқы мәнмен салыстырғанда, 6-дан 10 жасқа дейінгі, 10-нан 14 жасқа дейінгі және 14-тен 18 жасқа дейінгі жас топтарында, тиісінше, – 43% (бастапқы деңгей: 234 мг/дл, 24-ші ай: 124 мг/дл), – 45% (бастапқы деңгей: 234 мг/дл, 24-ші ай: 124 мг/дл) және – 35% (бастапқы деңгей: 241 мг/дл, 24-ші ай: 153 мг/дл) құрады. Розувастатин 5, 10 және 20 мг дозада мынадай екіншілік липидтік және липопротеиндік ауыспалы мәндер үшін бастапқы деңгейден статистикалық маңызды орташа өзгерістерге жетті: ТЖЛП-ХС, жалпы холестерин, ТЖЛП емес-ХС, ТТЛП-ХС/ТТЛП-ХС, жалпы холестерин/ТЖЛП-ХС, жалпы триглицерид/ТЖЛП-ХС, ТЖЛП емес-ХС/ТЖЛП-ХС, АпоB, АпоB/Апо-I. Бұл өзгерістер липидтік реакцияларды жақсартуға бағытталған және 2 жыл бойы сақталған. Зерттелетін препаратты 24 ай қабылдаудан кейін бой, салмақ, дене салмағы индексіне және жыныстық жетілуге әсері анықталмады. Рандомизацияланған, салыстырмалы жасырын, мультиорталықты айқаспалы плацебо-бақыланатын зерттеу аясында гомозиготалы отбасылық гиперхолестеринемиядан зардап шегіп жүрген 14 бала мен жасөспірімнің қатысуымен (6-дан 17 жасқа дейінгі), плацебомен салыстырғанда, күніне бір рет 20 мг дозада розувастатин сынағы өткізілді. Зерттеуде пациенттер 10 мг дозада розувастатин қабылдаған диетаның белсенді 4 апталық кіріспе фазасы, оған дейінгі немесе одан кейінгі 6 апталық плацебо қабылдау кезеңімен 20 мг дозада розувастатинмен емдеудің 6 апталық кезеңінен тұратын айқаспалы фаза, барлық пациенттер 20 мг розувастатин қабылдаған 12 апталық демеуші саты қамтылды. Эзетимибпен немесе аферезбен емдеу зерттеуге енгізілген пациенттер бүкіл зерттеу бойы розувастатин зерттеуіне қатысуды жалғастырды. Плацебомен салыстырғанда, 20 мг дозада розувастатинмен 6 апта емдеуден кейін ТТЛП-ХС деңгейінің статистикалық мәнді (р = 0,005) төмендеуі (22,3%, 8,4 мг/дл немесе 2,2 ммоль/л) байқалды. Сондай-ақ жалпы холестерин (20,1%, p = 0,003), ТЖЛП емес-ХС (22,9%, p = 0,003) және АпоB (17,1%, p = 0,024) деңгейлерінің статистикалық мәнді төмендеуі байқалған. Сонымен қатар, плацебомен салыстырғанда, 20 мг дозада розувастатинмен 6 апта емдеуден кейін тетраглициридтер, ТТЛП-ХС/ТЖЛП-ХС, жалпы холестерин/ТЖЛП-ХС, ТЖЛП емес-ХС/ТЖЛП-ХС және АпоB/АпоA-I деңгейлерінің төмендеуі байқалды. Розувастатинмен 20 мг дозада 6 апта емдеуден кейін және плацебомен 6 апта емдеуден кейін ТТЛП-ХС деңгейінің төмендеуі үздіксіз емнің 12 аптасы бойы сақталды. Бір пациентте дозаны арттырған соң 40 мг дозамен 6 апта емдеуден кейін ТТЛП-ХС (8,0%), жалпы холестерин (6,7%) және ТЖЛП-ХС (7,4%) деңгейлерінің одан әрі төмендеуі байқалған. Осы пациенттердің ішінде 90 аптаға дейінгі уақыт бойы 20 мг розувастатинмен емделген 9 пациентте кеңейтілген ашық емдеу кезінде ТТЛП-х деңгейінің төмендеуі –12,1-ден –21,3% дейінгі диапазонда сақталды. Күшейтілген титрлеумен ашық зерттеуде бағаланған гомозиготалы отбасылық гиперхолестеринемиядан зардап шегіп жүрген 7 бала мен жасөспірімде (8-ден 17 жасқа дейінгі) ТТЛП-ХС (21,0%), жалпы холестерин (19,2%) және ТЖЛП емес-ХС (21,0%) деңгейінің бастапқы деңгейден төмендеу пайызы 20 мг дозадағы розувастатинмен 6 апта емдеуден кейін жоғарыда аталған зерттеуде гомозиготалы отбасылық гиперхолестеринемия бар балалар мен жасөспірімдерде байқалған мәндерге сәйкес болды. Еуропаның дәрілік заттар жөніндегі агенттігі гомозиготалы отбасылық гиперхолестеринемияны, алғашқы біріктірілген (аралас) дислипидемияны емдеу кезде және жүрек-қантамыр ауруларының профилактикасында балалар жасындағы пациенттердің барлық қосалқы топтарында розувастатинмен жүргізілген зерттеулердің нәтижелерін ұсыну міндеттемесінен бас тартты.

Роксардио® препаратымен емдеудің басталуына дейін және ем кезінде пациент стандартты гиполипидемиялық диетаны қадағалауы тиіс. Дозалау режимі Препарат дозасы ем мақсаттарына және емдеуге берілетін жауапқа қарай әркімге жеке таңдалуы тиіс. Гиперхолестеринемияны емдеу Препарат қабылдай бастаған пациенттер үшін немесе ГМГ-КоА редуктазаның басқа тежегіштерін қабылдаудан көшірілген пациенттер үшін ұсынылатын бастапқы доза Роксардио® препаратының тәулігіне 1 рет 5 немесе 10 мг дозасын құрауы тиіс. Бастапқы дозаны таңдағанда холестерин мөлшерінің деңгейін жетекшілікке алу және жүрек-қантамыр асқынуларының болжамды қаупін ескеру, сондай-ақ жағымсыз әсерлерінің ықтималды даму қаупін бағалау қажет. Қажет болған жағдайда препаратты 4 апта қабылдаудан кейін дозаны арттыруға болады. Препарат дозасын біртіндеп арттыру керек. 40 мг дозаны қабылдау кезінде жағымсыз әсерлерінің дамуы мүмкін екеніне байланысты, дозаны ең жоғары 40 мг дейін арттыруды, тұрақты медициналық тексеру жүргізу шартымен 20 мг дозаны қабылдағанда көзделген емдік нәтижеге жетпеген ауыр гиперхолестеринемиямен және жүрек-қантамыр асқынуларының қаупі жоғары пациенттерде ғана (әсіресе, отбасылық гиперхолестеринемиясы бар пациенттерде) қарастыруға болады. Препаратты 40 мг дозада алып жүрген пациенттерді қадағалауға кеңес беріледі. Қосымша ем ретінде атеросклероздық жүрек-қантамыр ауруының даму қаупі жоғары ересек пациенттердегі жүрек-қантамыр асқынуларының профилактикасы Ұсынылатын доза - тәулігіне бір рет 20 мг. Бұрын препаратты қабылдамаған пациенттерге 40 мг дозаны тағайындау ұсынылмайды. 2-4 апталық емнен кейін және/немесе Роксардио® дозасын арттырғанда липидтік алмасу көрсеткіштерін бақылау қажет (қажет болса, дозаны түзету қажет болады). Пациенттердің ерекше топтары Балалар жасындағы пациенттер Балаларда тек дәрігердің қадағалауымен қолдану керек. 6-дан 17 жасқа дейінгі балалар мен жасөспірімдер (Таннер шкаласы < II-V) Гетерозиготалы отбасылық гиперхолестеринемия Гетерозиготалы отбасылық гиперхолестеринемия бар балалар мен жасөспірімдер үшін стандартты бастапқы доза 5 мг құрайды. - гетерозиготалы отбасылық гиперхолестеринемия бар 6-дан 9 жасқа дейінгі балаларда стандартты доза күніне бір рет ішке 5-10 мг құрайды. 10 мг-ден артық дозалар тиімділігі мен қауіпсіздігі осы қауымда зерттелмеген. - гетерозиготалы отбасылық гиперхолестеринемия бар 10-нан 17 жасқа дейінгі балаларда стандартты доза күніне бір рет ішке 5-20 мг құрайды. 20 мг-ден артық дозалар тиімділігі мен қауіпсіздігі зерттелмеген. Балалар жасындағы пациенттерде, балаларды емдеу жөніндегі ұсынымдарға сай, титрлеуді емге жеке жауабына және оның жағымдылығына сәйкес жүргізген жөн. Балалар мен жасөспірімдер розувастатин қабылдаудың басталуына дейін және онымен емдеу барысында стандартты гипохолестеринемиялық диетаны ұстануы тиіс. Гомозиготалы отбасылық гиперхолестеринемия Гомозиготалы отбасылық гиперхолестеринемия бар 6-дан 17 жасқа дейінгі балалар мен жасөспірімдерге ұсынылған ең жоғары доза күніне бір рет ішке 20 мг құрайды. Ұсынылған бастапқы доза жас шамасына, дене салмағына және алдыңғы статиндерді қабылдауға қарай күніне бір рет 5-тен 10 мг дейін құрайды. Балалар жасындағы пациенттерде күніне бір рет ең жоғары 20 мг дозасына дейін титрлеуді жеке жауабына және жағымдылығына сәйкес жүргізу керек. Балалар мен жасөспірімдер розувастатинді қабылдау басталуына дейін және розувастатинмен бүкіл емдеу барысында стандартты гипохолестеринемиялық диетаны ұстануы тиіс. Аталған қауымда 20 мг-ден өзге розувастатиннің басқа дозаларын қолдану тәжірибесі шектеулі. 6 жасқа толмаған балалар 6 жасқа толмаған балаларда қауіпсіздігі мен тиімділігіне зерттеу жүргізілмеген, осыған байланысты, Роксардио® препараты 6 жасқа толмаған балаларда қабылдауға ұсынылмайды. Егде жастағы пациенттер Дозаны түзету қажет емес. 70 жастан асқан пациенттерге препараттың бастапқы дозасы 5 мг ұсынылады. Бүйрек жеткіліксіздігі бар пациенттер Бүйректің ауырлығы жеңіл немесе орташа дәрежедегі жеткіліксіздігі бар пациенттерде дозаны түзету қажет емес, препараттың бастапқы ұсынылатын дозасы – 5 мг. Бүйрек функциясының орташа бұзылулары бар пациенттерде (креатинин клиренсі 60 мл/мин аз) препаратты 40 мг дозада қолдану қарсы көрсетілімді. Бүйрек жеткіліксіздігі айқын пациенттерде (креатинин клиренсі 30 мл/мин аз) Роксардио® препаратын қолдану қарсы көрсетілімді. Бауыр жеткіліксіздігі бар пациенттер Чайльд-Пью шкаласы бойынша 7 балл және одан төмен субъектілерде розувастатиннің жүйелік әсері байқалмаған. Алайда, Чайльд-Пью шкаласы бойынша 8 және 9 балл көрсеткіші бар субъектілерде жоғары жүйелік әсері байқалды. Пациенттердің осы тобы үшін бүйрек функциясына бағалау жүргізілуі тиіс. Чайльд-Пью шкаласы бойынша балл 9-дан жоғары пациенттерде препаратты қолдану тәжірибесі жоқ. Роксардио® препараты белсенді сатыдағы бауыр ауруы бар пациенттерге қарсы көрсетілімді. Ерекше қауымдар. Этностық топтар Жоғары жүйелік әсері азиялық тектес пациенттерде байқалды. Азиялық нәсілді пациенттерге ұсынылатын бастапқы доза 5 мг құрайды. 40 мг дозасы осы пациенттер тобына қарсы көрсетілімді. Генетикалық полиморфизм Пациенттерде SLCO1B1 (OATP1B1) c.521CC және ABCG2 c.421AA генотиптерінің болуы SLCO1B1 c.521TT және ABCG2 c.421CC-пен салыстырғанда, розувастатин (СКМ) әсерінің артуымен байланысты. Генотиптері c.521CC немесе c.421AA пациенттерге Роксардио® препаратын күніне 1 рет ең төмен күнделікті дозада қабылдау ұсынылады. Генетикалық полиморфизмдердің нақты типтері розувастатин әсерінің ұлғаюына әкелуі мүмкін екені белгілі. Полиморфизмдердің мұндай спецификалық типтері бар пациенттер үшін, белгілі болғандай, розувастатинді қабылдау ең аз тәуліктік дозада ұсынылады. Миопатияға бейім пациенттер Миопатияның дамуына бейім факторлары бар пациенттерге препаратты 40 мг дозада тағайындауға болмайды. Пациенттердің осы тобына ұсынылатын бастапқы доза 5 мг құрайды. Қатарлас емдеу Розувастатин әртүрлі тасымалдаушы ақуыздар (мысалы, OATP1B1 және BCRP) субстраты түрінде болады. Миопатияның (рабдомиолизді қоса) даму қаупі Роксардио® препаратын тасымалдаушы ақуыздармен өзара әрекеттесу салдарынан қан плазмасындағы розувастатин мөлшерін арттыруы мүмкін дәрілік препараттармен (оның ішінде циклоспорин және протеаза тежегіштері, ритонавир мен атазанавир, лопинавир және/немесе типанавир біріктірілімдерін қоса) бірге қабылдағанда артады. Мүмкіндігінше, баламалы препараттарды қолдануды немесе Роксардио® препаратымен емді уақытша тоқтату мүмкіндігін қарастыру керек. Осы дәрілік препараттарды Роксардио® препаратымен бірге қабылдамауға болмайтын жағдайларда осылай бірге емдеудің пайдасы мен қаупін, сондай-ақ дозаның түзетілуін мұқият бағалау қажет. Енгізу әдісі мен жолы Ішке, таблетканы шайнамай және ұсақтамай, сумен іше отырып, бүтіндей жұту керек. Ас ішуге байланыссыз тағайындауға болады.

- әсер етуші затқа розувастатинге немесе қосымша заттардың кез келгеніне аса жоғары сезімталдық - бауырдың белсенді фазадағы аурулары, трансаминазалардың сарысулық белсенділігінің тұрақты жоғарылауын және қан сарысуындағы трансаминазалар белсенділігінің кез келген (қалыптың жоғарғы шегімен салыстырғанда 3 еседен көп) жоғарылауын қоса - бүйрек функциясының айқын бұзылулары (креатинин клиренсі 30 мл/мин кем) - миопатия - софосбувир/велпатасвир/воксилапревирді бір мезгілде қабылдау - циклоспоринді бір мезгілде қабылдау - жүктілік және бала емізу кезеңі, контрацепцияның талапқа сай әдістері болмағанда - тұқым қуалайтын галактоза жақпаушылығы, Lapp (Lapp)-лактаза ферментінің тапшылығы, глюкоза-галактоза мальабсорбциясы бар адамдар • 6 жасқа дейінгі балалар (5 мг, 10 мг, 20 мг дозалар үшін) • 18 жасқа дейінгі балалар (40 мг доза үшін) 40 мг доза: миопатия мен рабдомиолиздің дамуына мынадай бейімділік факторлары бар адамдарға қолдануға болмайды - ауырлығы орташа дәрежедегі бүйрек жеткіліксіздігі (креатинин клиренсі 60 мл/минуттан аз) - гипотиреоз - анамнездегі бұлшықет аурулары, туа біткен бұлшықет бұзылыстарына жеке немесе генетикалық бейімділік - анамнездегі ГМГ-КоА-редуктазаның басқа тежегіштерін немесе фибраттарды қабылдау аясындағы миоуыттылық - розувастатиннің плазмалық концентрациясының жоғарылауына әкелуі мүмкін жағдайлар - фибраттарды бір мезгілде қабылдау - азиялық нәсілді пациенттер - шамадан тыс алкоголь тұтыну

Роксардио® препаратын қабылдау кезіндегі жағымсыз құбылыстар, жалпы алғанда, жеңіл және уақытша сипатта болады. Жиі - бас ауыру, бас айналу - іш қату, жүрек айну, іш аумағының ауыруы - миалгия - астениялық синдром - қант диабеті Жиі емес - қышыну, бөртпе, есекжем Сирек - тромбоцитопения - аса жоғары сезімталдық реакциялары, ангионевроздық ісінуді қоса - миопатия (миозитті қоса), рабдомиолиз, жегі тәрізді синдром, бұлшықеттердің жыртылуы - бауыр трансаминазалары деңгейінің жоғарылауы, панкреатит Өте сирек - сарғаю, гепатит - полиневропатия - есте сақтай алмау - гематурия - гинекомастия - артралгия Жекеленген жағдайлар - өкпенің интерстициальді аурулары Анықталмаған жиілік - депрессия - шеткері полиневропатия - ұйқының бұзылуы (ұйқысыздық және түнгі қорқынышты түстерді қоса) - миастения - жөтел, диспноэ - диарея - көз миастениясы - Стивенс-Джонсон синдромы, эозинофилиямен және жүйелік симптомдармен дәрілік реакциялар - жыныстық дисфункция - кейде үзілумен асқынатын байламдық аппарат тарапынан бұзылулар, иммунитетке байланысты некроздық миопатия - ісіну Роксардио® қабылдаған пациенттерде протеинурия анықталуы мүмкін. Көптеген жағдайларда протеинурия ем процесінде азаяды немесе кетеді және бүйректің жедел ауруының туындауын немесе үдеуін білдірмейді. ГМГ-КоА-редуктазаның басқа тежегіштерін қолдану кезіндегідей, жағымсыз әсерлердің туындау жиілігі дозаға тәуелді сипатта болады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz Қосымша деректер

Роксардио® қабылдайтын пациенттерде жағымсыз әсерлер симптомдарының айқындылығы. Емі: препаратпен артық дозалану жағдайында спецификалық емі жоқ. Артық дозаланғанға күдік туындаған жағдайда симптоматикалық емдеуді және демеу ісшараларын бастау керек. Бауыр функциясын және КФК деңгейін бақылау қажет. Гемодиализдің тиімді болу ықтималдығы аз.

Препарат дәрігердің нұсқауы бойынша қолданылады. Препаратты тағайындар алдында және препаратпен емдеу кезеңінде дәрігерге келесі жағдайларда хабарлау керек: - бүйрек функциясының бұзылуы - бауыр функциясының бұзылуы - қалқаншабез функциясының бұзылуы - анамнезінде холестерин деңгейін төмендету үшін басқа дәрілік препараттарды қабылдау кезінде бұлшықеттің қайталанатын немесе түсініксіз ауырулары - бұлшықеттің тұрақты әлсіздігі - бұрын Роксардио® препаратын немесе басқа да ұқсас дәрілік препараттарды қабылдағаннан кейін тері бөртпесі, терінің қабыршықтануы, ауызда күлдіреулердің және / немесе ойық жаралардың пайда болуы секілді реакциялардың болуы - 70-тен жоғары жасты - тыныс алудың бұзылуы (декомпенсацияланған тыныс алу жеткіліксіздігі) - азиялық нәсілді пациент - алкогольді шамадан тыс тұтыну - циклоспорин, эритромицин қабылдау - варфарин, клопидогрел немесе кез-келген басқа антикоагулянтты қабылдау - фибраттар тобындағы дәрілік препараттарды (мысалы, гемфиброзил, фенофибрат) немесе қандағы холестеринді төмендету үшін қолданылатын кез келген басқа препаратты қабылдау (мысалы, эзетимиб) - АИТВ инфекциясын немесе С гепатитін емдеу үшін дәрілік препараттарды бөлек немесе біріктіріп қабылдау (мысалы, ритонавир, лопинавир, атазанавир, софосбувир, воксилапревир, омбитасвир, паритапревир, дасабувир, велпатасвир, гразавир, элбасвир, глекапревир, пибрентасвир) - фузид қышқылы препараттарын соңғы 7 күн ішінде қабылдау - оральді контрацептивтерді қабылдау - регорафениб немесе даролутамидті қабылдау - ағымдағы гормондарды алмастыратын ем Арнайы сақтандырулар Статиндерді қолдану немесе бұрыннан бар миастения гравис немесе миастения көз формасының өршуінен туындаған миастения гравис дебютінің бірнеше жағдайлары туралы хабарланды. Симптомдар нашарласа, Роксардио® қабылдауды тоқтату керек. Бір немесе басқа статинді қайталап қолданғанда миастения грависінің қайталануы хабарланды. Бүйрек функциясына әсері Тест-жолақшалар арқылы анықталатын протеинурия, бәрінен жиірек тубулярлық түрі Роксардио® препаратының жоғары дозаларын, атап айтқанда, 40 мг дозада қабылдаған пациенттерде байқалды, алайда көпшілік жағдайда ол уақытша сипатта болды. Протеинурия бүйректің жедел немесе үдемелі ауруы болжанатын фактор болып табылмайды. Тіркеуден кейінгі кезеңде бүйректің күрделі аурулары жағдайларының коэффициенті тағайындалған 40 мг тең дозада жоғары Препаратты 40 мг дозда қабылдап жүрген пациенттерде бүйрек функциясына бағалау жүргізілуі тиіс. Қаңқа бұлшықеттеріне әсері Роксардио® препаратымен барлық дозада, әсіресе, > 20 мг дозаларында ем қабылдаған пациенттерде қаңқа бұлшықеттеріне әсері, оның ішінде миалгия, миопатия (миозитті қоса) және сирек жағдайларда бүйректің жедел жеткіліксіздігімен немесе онсыз рабдомиолиз туралы хабарланды. ГМГ-КоА-редуктаза тежегіштерімен біріктірілімде эзетимиб қабылдағанда рабдомиолиздің өте сирек жағдайлары жөнінде хабарламалар бар. Аталған препараттар топтарының фармакодинамикалық өзара әрекеттесуін жоққа шығаруға болмайды, ал оларды бірге қолдану кезінде ерекше көңіл бөлу керек. ГМГ-КоА-редуктазаның басқа тежегіштері кезіндегі сияқты, тіркеуден кейінгі кезеңде Роксардио® препаратын қабылдау аясындағы рабдомиолиз жағдайларының коэффиценті тағайындалған 40 мг доза тұсында жоғары. Креатининкиназаны анықтау Қарқынды дене жүктемелерінен кейін немесе алынған нәтижелердің дұрыс түсіндірілмеуіне әкелуі мүмкін КК жоғарылауының басқа болжамды себептері болса, КК өлшеуге болмайды. Егер КК бастапқы деңгейі 5-7 күн өткен соң едәуір жоғары болған жағдайда (қалыптың жоғарғы шегінен 5 есе жоғары) қайта өлшеу жүргізген жөн. Егер қайталама тест КК бастапқы деңгейін (қалыптың жоғарғы шегімен салыстырғанда, 5 еседен астам жоғары) растаса, емді бастауға болмайды. Роксардио® препараты, ГМГ-КоА-редуктазаның басқа да тежегіштері сияқты, миопатия/рабдомиолизге бейімділігі бар пациенттерге сақтықпен тағайындалуы тиіс. Бейімдейтін факторлар бүйрек функциясының бұзылуы, гипотиреоз, туа біткен бұлшықет бұзылыстарына жеке немесе генетикалық бейімділік, ГМГ-КоА-редуктазаның басқа тежегіштерін немесе фибраттарды пайдалану кезіндегі бұлшықеттік уыттылықтың анамнезде болуы, алкоголь тұтыну, > 70 жас шамасы, розувастатин плазмалық концентрациясының жоғарылауына әкелуі мүмкін жай-күйлер, фибраттарды қатарлас қолдану болып табылады. Осындай пациенттерде препаратпен емдеу пайдасы мен қаупін бағалау негізінде қарастырылу керек, клиникалық мониторинг өткізу ұсынылады. Егер КК деңгейлері бастапқы деңгейінен қалыптың жоғарғы шегінен 5 есе жоғары елеулі көтерілсе, емдеуді бастауға болмайды. Бұлшықеттердің ауыруы, бұлшықет әлсіздігі немесе түйілуі, әсіресе, дімкәстанумен және қызбамен бірігіп күтпеген жерден пайда болған жағдайларда дереу дәрігерге қаралу қажеттілігінен пациентті хабардар ету керек. Ондай пациенттерде КК деңгейіне мониторинг өткізу керек. Егер КК деңгейі едәуір (қалыптың жоғарғы шегімен салыстырғанда, 5 еседен көп) жоғарыласа немесе егер бұлшықеттер тарапынан симптомдар күрт білінсе және күнделікті жайсыздану тудырса (тіпті, егер КФК деңгейі, қалыптың жоғарғы шегімен салыстырғанда, 5 есе аз болса да), ем тоқтатылуы тиіс. Егер симптомдар жоғалса және КК деңгейі қалып шегіне оралса, Роксардио® препаратын немесе ГМГ-КоА-редуктазаның басқа тежегіштерін азырақ дозаларда және пациентті мұқият қадағалаумен қайта тағайындау мәселесін қарастыру керек. Симптомдар болмаса, КК деңгейін дағдылы бақылау мақсатқа сай емес. Емделу кезінде немесе статиндерді, оның ішінде розувастатин қабылдауды тоқтатудан кейін қан сарысуында КК деңгейінің жоғарылауы және проксимальді бұлшықеттердің тұрақты әлсіреуі түріндегі клиникалық көріністерімен иммунитет арқылы некрозданатын миопатияның өте сирек жағдайлары аталды. Бұлшықет және жүйке жүйелеріне қосымша зерттеулер, серологиялық зерттеулер жүргізу, сондай-ақ иммунодепрессиялық дәрілермен емдеу қажет болуы мүмкін. Роксардио® препаратын қабылдау және қатарлас ем кезінде қаңқа бұлшықеттеріне әсердің арту белгілері білінбеді. Алайда, ГМГ-КоА-редуктазаның басқа тежегіштерін гемфиброзил, циклоспорин, никотин қышқылын, зеңге қарсы азол дәрілерін, протеаза тежегіштерін және макролидті антибиотиктерді қоса, фиброй қышқылының туындыларымен біріктіріп қабылдаған пациенттерде миозит және миопатия жағдайларының саны жағынан көбеюі хабарланды. Гемфиброзил ГМГ-КоА-редуктазаның кейбір тежегіштерімен бірге тағайындалғанда миопатияның туындау қаупін арттырады. Осылайша, Роксардио® препараты мен гемфиброзилді бір мезгілде тағайындау ұсынылмайды. Роксардио® препаратын фибраттар немесе ниацинмен бірге қолдану кезінде болуы мүмкін пайдасы мен қаупінің арақатынасы тиянақты таразылануы тиіс. Розувастатин 40 мг дозада фибраттармен қатарлас қолдану кезінде қарсы көрсетілімді. Роксардио® препаратын жүйелік әсері бар фузид қышқылының препараттарымен бірге немесе осындай препараттармен емдеуді тоқтатудан кейін 7 күн ішінде қабылдау қарсы көрсетілімді. Жүйелік әсері бар фузид қышқылының препараттарымен емдеу қажет деп танылған пациенттерде статиндермен емдеу фузид қышқылымен ем уақытында тоқтатылуы тиіс. Фузид қышқылы мен статиндер біріктірілімін қабылдаған пациенттерде рабдомиолиз жағдайлары (өліммен аяқталған бірнеше оқиғаны қоса) тіркелді. Бұлшықет әлсіздігі, ауыру немесе ауырсындыратын сезімталдық симптомдары туындағанда пациенттерге кідіріссіз медициналық жәрдемге жүгінуге кеңес беріледі. Статиндермен емді фузид қышқылының соңғы дозасын қабылдаудан кейін жеті күн өткен соң жаңғыртуға болады. Жүйелік әсері бар фузид қышқылымен ұзақ уақыт емдеу қажет болатын айрықша жағдайларда, мысалы, күрделі инфекцияларды емдеу үшін Роксардио® препараты мен фузид қышқылын бірге қабылдау қажеттілігін әр жеке жағдайда және мұқият медициналық қадағалаумен қарастыру керек. Миопатия жорамалданатын немесе рабдомиолизге қатысты салдарлы болатын бүйрек жеткіліксіздігінің дамуына бейімдейтін жедел ауыр аурулары (мысалы, сепсис, гипотония, ауыр операция, жарақат, ауыр метаболизмдік, эндокриндік және электролиттік бұзылулар немесе бақыланбайтын құрысулар) бар пациенттерге Роксардио® қабылдауға болмайды. Тері тарапынан ауыр жағымсыз реакциялар Розувастатинді қолдану кезінде өмірге қауіпті болуы немесе өліммен аяқталуы мүмкін Стивенс-Джонсон синдромын (SJS) және эозинофилиямен және жүйелік симптомдармен (Drug reaction with eosinophilia and systemic symptoms (DRESS)) дәрілік реакцияларды қоса, ауыр дәрежедегі терінің жағымсыз реакциялары тіркелді. Роксардио® препараты тағайындалғанда пациенттер терінің ауыр жағымсыз реакцияларының белгілері мен симптомдарынан хабардар болуы, кейіннен осы пациенттер мұқият қадағалануы тиіс. Стивенс-Джонсон синдромы, әдетте, дене бойында қызғылт дөңгелек дақтардың пайда болуымен, көбінесе ортасында күлбіреуіктермен, терінің қабыршықтануымен, ауызда, тамақта, мұрын жолдарында, гениталий мүшелерінде және көзде ойық жаралардың пайда болуымен сипатталады. Терідегі осы күрделі бөртпелердің алдында қызба мен тұмау тәрізді симптомдар болуы мүмкін. DRESS синдромы немесе дәрілік препаратқа аса жоғары сезімталдық синдромы таралып кеткен бөртпенің пайда болуымен, жоғары дене температурасымен және лимфа түйіндерінің ұлғаюымен сипатталады. Осындай жағымсыз реакцияларды көрсететін белгілер мен симптомдар туындағанда Роксардио® препаратын дереу тоқтату және баламалы емдеуді тағайындау қажет. Егер пациентте Роксардио® қолдану кезінде Стивенс-Джонсон синдромы сияқты күрделі жағымсыз реакция немесе эозинофилиямен және жүйелік симптомдармен дәрілік реакция дамыса, осы пациентте Роксардио® препаратымен тұрақты негізде емдеуді тоқтату керек. Бауырға әсері ГМГ-КоА-редуктазаның басқа тежегіштері жағдайындағы сияқты, шамадан тыс мөлшерде алкоголь тұтынған және/немесе анамнезінде бауыр ауруы болған пациенттер Роксардио® препаратын сақтықпен қабылдауы тиіс. Емнің басталуына дейін және ем басталуынан кейін 3 ай өткен соң бауыр функциясының көрсеткіштерін анықтау ұсынылады. Егер қан сарысуындағы трансаминазалар белсенділігінің деңгейі қалыптың жоғарғы шегінен 3 есе артық болса, Роксардио® препаратын қабылдауды тоқтату немесе оның дозасын азайту керек. Бауыр функциясының күрделі бұзылу жағдайларын (негізінен трансаминазалар деңгейінің жоғарылауын қоса) анықтау жиілігі 40 мг дозасын қабылдағанда жоғары. Гипотиреоз немесе нефроздық синдром салдарынан болған гиперхолестеринемиясы бар пациенттерде негізгі ауруларды емдеу Роксардио® препаратымен емдеу басталғанша жүргізілуі тиіс. Этностық топтар Фармакокинетикалық зерттеулер барысында, еуропалық нәсілге қарағанда, монғол нәсіліне розувастатин әсерінің артуы аталған. Протеаза тежегіштері Розувастатиннің жоғары жүйелік әсері оны ритонавирмен біріктірілімде әртүрлі протеаза тежегіштерімен бір мезгілде қабылдап жүрген пациенттерде байқалады. Роксардио® препараты протеаза тежегіштерін қабылдап жүрген АИТВ бар пациенттерге тағайындалғанда бастапқыда және Роксардио® препаратының дозаларын титрлегенде липидтер деңгейінің төмендеуінен болатын пайданы да, қан плазмасындағы розувастатин концентрациясын жоғарылату қуатын да ескеру керек. Роксардио® препаратының дозасын түзету жасалатын сәтке дейін протеаза тежегіштерін қатарлас қабылдау ұсынылмайды. Лактоза жақпаушылығы Галактоза жақпаушылығының сирек тұқым қуалайтын аурулары, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттер осы дәрілік препаратты қабылдамауы тиіс. Өкпенің интерстициальді ауруы Статиндерді қолданғанда, әсіресе, ем ұзақ уақыт жүргізілгенде өкпенің интерстициальді ауруының бір реттік жағдайлары хабарланды. Сипатталған белгілер ентігу, құрғақ жөтел және жалпы жай-күй нашарлауын (шаршау, салмақ жоғалту және қызба) қамтуы мүмкін. Егер пациентте өкпенің интерстициальді ауруының дамуына күмән болса, статиндермен емді тоқтату керек. 2-типті қант диабеті Кейбір деректер класс ретінде статиндердің қандағы глюкоза деңгейін жоғарылатуын, ал кейбір пациенттерде келешекте диабеттің даму қаупін арттыруын, диабетті емдеу басталып кетпесе, гипергликемия туындауы мүмкін екенін айғақтайды. Алайда, статиндермен емдеу кезінде тамыр аурулары қаупінің төмендеуі глюкоза деңгейінің жоғарылау қаупінен басым болады, сондықтан да статиндермен емдеуді тоқтатуға себеп бола алмайды. Ашқарында қандағы глюкоза деңгейі 5,6 – 6,9 ммоль/л пациенттерде розувастатинмен емдеу қант диабетіне шалдығудың жоғары қаупімен байланыстырылды. JUPITER зерттеуінің аясында тіркелген қант диабетінің жалпы туындау жиілігі көбінесе ашқарында глюкоза деңгейінің 5,6-дан 6,9 ммоль/л дейінгі көрсеткіші бар пациенттерде розувастатин қолданылған топта 2,8% және плацебо қабылдау тобында 2,3% құрады. Педиатриялық практикада қолдану Препаратты 18 жасқа дейінгі балаларда қолданудың тиімділігі мен қауіпсіздігі анықталмаған. Қажет болған жағдайда Роксардио® басқа дозада (5 мг) қолданылады. Розувастатин қабылдап жүрген 6-дан 17 жасқа дейінгі балаларда Таннер шкаласы бойынша ұзына бой өсуін (бой), дене салмағын, ДСИ (дене салмағы индексін) және жыныстық жетілудің екіншілік сипаттамаларын бағалау екі жылдық кезеңмен шектеледі. Зерттелетін препаратты екі жыл алудан кейін бой, салмақ, ДСИ және жыныстық жетілуге ешқандай ықпалы анықталмады.

Роксардио® препараты әйелдерге жүктілік кезінде және бала емізу кезеңінде қарсы көрсетілімді. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті басқару немесе механизмдермен жұмыс істеу барысында ем кезінде бас айналу болуы мүмкін екенін ескеру керек.

Бірге қолдану кезінде басқа дәрілік препараттардың розувастатин әсеріне ықпалы Ақуыз тасымалдаушыларының тежегіштері Розувастатин, OATP1B1 бауырлық қармау тасымалдағышын және BCRP эффлюксті тасымалдағышын қоса, белгілі бір ақуыз тасымалдаушыларына тән субстрат түрінде болады. Роксардио® препараты мен осы ақуыз тасымалдаушыларының тежегіштері болып табылатын дәрілік препараттарды бір мезгілде қабылдау қан плазмасында розувастатин концентрацияларының жоғарылауына және миопатия даму қаупінің артуына әкелуі мүмкін. Циклоспорин Бірге қолдану қан плазмасында розувастатин концентрациясының 7 есе жоғарылауына алып келеді және циклоспориннің плазмалық концентрациясына ықпал етпейді. Роксардио® препаратын циклоспорин қабылдайтын пациенттерге қолдануға болмайды. Протеаза тежегіштері Нақты өзара әрекеттесу механизмінің белгісіз екеніне қарамастан, протеаза тежегіштерін бірге қабылдау розувастатин экспозициясының едәуір ұлғаюына алып келуі мүмкін. Роксардио® препараты мен протеаза тежегіштерінің кейбір біріктірілімдерін бірге қабылдауды розувастатин әсерінің күтілетін артуы негізінде Роксардио® препаратының дозаларын мұқият таңдаудан кейін ғана жүзеге асыруға болады. Гемфиброзил және басқа гиполипидемиялық препараттар Роксардио® препараты мен гемфиброзилді бірге қабылдау розувастатин Cmax және AUC екі есе артуына алып келді. Cпецификалық өзара әрекеттесу зерттеулерінен алынған деректер негізінде фенофибратпен ешқандай клиникалық релевантты өзара әрекеттесулер күтілмейді, алайда фармакодинамикалық өзара әрекеттесу орын алуы мүмкін. Гемфиброзил, фенофибрат, басқа фибраттар мен ниациннің (никотин қышқылының) гиполипидемиялық дозалары (> немесе күніне 1 г тең) ГМГ-КоА-редуктаза тежегіштерімен бірге қабылданғанда миопатияның даму қаупі артады, өйткені, ықтималды түрде, егер олар бөлек қабылданса, миопатияны тудыруы мүмкін. Розувастатиннің 40 мг дозасы фибраттармен қатарлас қолданылғанда қарсы көрсетілімді. Сонда да осылай бірге қабылдау қажет болатын пациенттер үшін розувастатиннің бастапқы дозасы 5 мг құрауы тиіс. Эзетимиб Роксардио® препаратын 10 мг дозада және 10 мг эзетимибті бірге қабылдау гиперхолестеринемия бар пациенттерде розувастатин AUC 1.2 есе артуына алып келеді. Жағымсыз әсерлер туындауы тұрғысынан Роксардио® препараты мен эзетинимиб арасындағы фармакодинамикалық өзара әрекеттесуін жоққа шығаруға болмайды. Антацидтер Роксардио® препараты мен құрамында алюминий және магний гидроксиді бар антацидтер суспензияларын бір мезгілде қолдану розувастатин плазмалық концентрациясының шамамен 50% төмендеуіне әкеледі. Осы әсер, егер антацидтер розувастатин қабылдаудан кейін 2 сағаттан соң қолданылса, әлсіз білінеді. Эритромицин Роксардио® препараты мен эритромицинді бір мезгілде қолдану розувастатин AUC (0 – t) 20% және розувастатин Сmax 30% азаюына әкеледі. Осыған ұқсас өзара әрекеттесуі эритромицин қабылдаудан болатын ішек моторикасының күшеюі нәтижесінде туындауы мүмкін. Р450 цитохромы ферменттері Розувастатин Р450 цитохромы ферменттерінің тежегіші де, индукторы да емес. Сонымен қатар, розувастатин бұл ферменттер үшін әлсіз субстрат болып табылады. Осылайша, P450 цитохромы метаболизмімен байланысты әрекеттесуі күтілмейді. Розувастатин, флуконазол (CYP2C9 және CYP3A4 тежегіші) және кетоконазол (CYP 2A6 және CYP 3A4 тежегіші) арасында клиникалық мәнді өзара әрекеттесу болмады. Тикагрелор Тикагрелор бүйрек жеткіліксіздігін тудыруы және розувастатиннің бүйрекпен шығарылуына әсер етуі мүмкін, бұл розувастатиннің жинақталу қаупін арттырады. Кейбір жағдайларда тикагрелор мен розувастатинді бір мезгілде қабылдау бүйрек функциясының төмендеуіне, креатинкиназа (КФК) және рабдомиолиз деңгейінің жоғарылауына әкелді. Тикагрелор мен розувастатинді бір мезгілде қолданған кезде бүйрек функциясын және креатинкиназа (КФК) деңгейін бақылау ұсынылады. Розувастатин дозасын түзетуді қажет ететін өзара әрекеттесулер Егер Роксардио® препараты мен оның әсерін күшейтетін басқа дәрілік препараттарды бірге қабылдау қажеттілігі болса, Роксардио® препаратының дозасын түзету қажет. Егер Роксардио® препараты әсерінің шамамен екі есе немесе одан жоғары күшеюі күтілсе, оның бастапқы дозасы күніне бір рет 5 мг құрауы тиіс. Роксардио® препаратының ең жоғары күнделікті дозасы розувастатиннің күтілетін әсері өзара әрекеттеспейтін дәрілік препараттарсыз қабылданатын 40 мг дозасының әсерінен аспайтын үлгіде түзетілуі тиіс, мысалы, гемфиброзилмен Роксардио® препаратының 20 мг дозасы (артуы 1.9 есе) және атазанавир/ритонавирмен біріктірілген Роксардио® препаратының 10 мг дозасы (жоғарылауы 3,1 есе). Егер розувастатин AUC 2 еседен аз артуы байқалса, препараттың бастапқы дозасын азайту қажеттілігі жоқ, бірақ Роксардио® препаратының дозасын 20 мг-ден жоғары арттырғанда сақ болу керек. 1-кесте. Жарияланған клиникалық зерттеулерде бірге қолдану кезінде дәрілік препараттардың розувастатин әсеріне (AUC; шамасының кему ретімен) ықпалы Өзара әрекеттесуге түсетін дәрілік препараттарды дозалау сызбасы — Розувастатинді дозалау сызбасы — Розувастатин AUC* өзгерістері Розувастатиннің AUC екі есе немесе одан да көп артуы Софосбувир/велпатасвир/ воксилапревир (400 мг-100 мг-100 мг) + воксилапревир (100 мг) 1 р/к, 15 күн бойы — 10 мг, бір реттік доза — 7.4 рет Циклоспорин 75 мг 2 р/к 200 мг 2 р/к дейін, 6 ай — 10 мг 1 р/к, 10 күн — 7.1 рет Даролутамид 600 мг 2 р/к, 5 күн — 5 мг, бір реттік доза — 5.2 рет Регорафениб 160 мг 1 р/к, 14 күн — 5 мг, бір реттік доза — 3.8 рет Атазанавир 300 мг/ритонавир 100 мг 1 р/к, 8 күн — 10 мг, бір реттік доза — 3.1 рет Симепревир 150 мг 1 р/к, 7 күн — 10 мг, бір реттік доза — 2,8 рет ↑ Велпатасвир 100 мг 1 р/к — 10 мг, бір реттік доза — 2.7 рет Омбитасвир 25 мг/паритапревир 150 мг/ритонавир 100 мг 1 р/күн /дасабувир 400 мг 2 р/ к, 14 күн — 5 мг, бір реттік доза — 2.6 рет Гразопревир 200 мг/эльбасвир 50 мг 1 р/к, 11 күн — 10 мг, бір реттік доза — 2.3 рет Глекапревир 400 мг /пибрентасвир 120 мг күніне бір рет, 7 күн — 5 мг, 1 р/к, 7 күн — 2.2 рет Лопинавир 400 мг /ритонавир 100 мг күніне екі рет, 17 күн — 20 мг 1 р/к, 7 күн — 2.1 рет Клопидогрелдің жүктемелік дозасы 300 мг, содан кейін 24 сағаттан соң 75 мг — 20 мг, бір реттік доза — 2 рет Гемфиброзил 600 мг 2 р/к, 7 күн — 80 мг, бір реттік доза — 1.9 рет Розувастатиннің AUC 2 аздау ұлғаюы Элтромбопаг 75 мг 1 р/к, 5 күн — 10 мг, бір реттік доза — 1.6 рет Дарунавир 600 мг/ритонавир 100 мг 2 р/к, 7 күн — 10 мг 1 р/к, 7 күн — 1.5 рет Типранавир 500 мг/ритонавир 200 мг 2 р/к, 11 күн — 10 мг, бір реттік доза — 1.4 рет Дронедарон 400 мг 1 р/к, 5 күн — Қолжетімсіз — 1.4 рет Итраконазол 200 мг, 1 р/к, 5 күн — 10 мг, бір реттік доза — 1.4 рет Эзетимиб 10 мг 1 р/к, 14 күн — 10 мг, 1 р/к, 14 күн — 1.2 рет Розувастатиннің AUC төмендеуі Эритромицин 500 мг 4 р/к, 7 күн — 80 мг, бір реттік доза — 20 % Баикалин 50 мг 3 р/к, 14 күн — 20 мг, бір реттік доза — 47 % * X-еселік өзгеріс түрінде берілген деректер розувастатинді басқа препараттармен бірге қабылдау және тек бір ғана розувастатинді қабылдау арасындағы қарапайым арақатынас түрінде болады. % өзгеріс түрінде берілген деректер тек бір розувастатинді ғана қабылдауға қатысты пайыздық айырмасы түрінде болады. Арту – «↑» ретінде ** Розувастатиннің әртүрлі дозаларында бірнеше өзара әрекеттесу зерттеуі жүргізілді, кестеде ең көп мәнді арақатынастар ұсынылған. AUC — қисық астындағы аудан, 1 р/к — күніне бір рет; 2 р/к — күніне екі рет; 3 р/к — күніне үш рет; 4 р/к — күніне төрт рет. Бір мезгілде қолдану кезінде мынадай дәрілік препараттар/біріктірілімдер розувастатин AUC арақатынасына клиникалық мәнді ықпалын тигізбеді: Алеглитазар 7 күн бойы 0.3 мг; Фенофибрат 7 күн бойы 67 мг 3 р/к; Флуконазол 11 күн бойы 200 мг 1 р/к; Фосампренавир 700 мг/ритонавир 100 мг 2 р/к 8 күн бойы; Кетоконазол 200 мг 2 р/к 7 күн бойы; Рифампин 450 мг 1 р/к 7 күн бойы; Силимарин 140 мг 3 р/к 5 күн бойы. Розувастатиннің бірге қолданылатын дәрілік препараттарға әсері К дәруменінің антагонистері Сонымен қатар, ГМГ-КоА-редуктазаның басқа тежегіштері жағдайындағы сияқты, К дәруменінің антагонистерін (мысалы, варфарин немесе кумарин қатарындағы басқа антикоагулянт) бір мезгілде қабылдап жүрген пациенттерде Роксардио® препаратымен емді бастау немесе оның дозасын арттыру протромбин уақытының халықаралық қалыптасқан қатынасының (ХҚҚ) артуына әкелуі мүмкін. Розувастатинді тоқтату немесе препарат дозасын төмендету ХҚҚ азаюына алып келуі мүмкін. Осындай жағдайларда ХҚҚ мониторингін өткізу ұсынылады. Пероральді контрацептивтер/гормон алмастыру емі Розувастатин мен пероральді контрацептивтерді бір мезгілде қолдану этинилэстрадиолдың AUC және норгестрил AUC, тиісінше, 26% және 34% арттырады. Плазмалық концентрацияның осылай жоғарылауы пероральді контрацептивтер дозасын таңдағанда ескерілуі тиіс. Алайда, осындай біріктірілім клиникалық зерттеулер жүргізілу кезінде кеңінен пайдаланылды және пациенттерге жағымдылығы жақсы болды. Дигоксин Розувастатиннің дигоксинмен клиникалық мәнді өзара әрекеттесуі күтілмейді. Фузид қышқылы Розувастатин мен фузид қышқылының арасында өзара әрекеттесу зерттеулері жүргізілмеді. Миопатия қаупі, рабдомиолизді қоса, жүйелік әсері бар фузид қышқылының препараттарын статиндермен бір мезгілде қабылдағанда артуы мүмкін. Осы өзара әрекеттесу (фармакодинамикалық немесе фармакокинетикалық немесе екеуі бірдей) механизмі ағымдағы сәтте белгісіз. Аталған біріктірілімді қабылдаған пациенттерде рабдомиолиз туралы хабарламалар (өліммен аяқталған бірнеше жағдайын қоса) тіркелген. Егер жүйелік әсері бар фузид қышқылымен емдеу қажет болса, Роксардио® препаратымен емдеу фузид қышқылымен ем уақытында тоқтатылуы тиіс.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Ылғалдан қорғау үшін түпнұсқалық қаптамада, 25 °С-ден аспайтын температурада сақтау керек. Балалардың қолы жетпейтін жерде сақтау керек!