Роксера® таблетки 5 мг

Бір таблетканың құрамында белсенді зат - 5,21 мг, 10,42 мг, 20,83 мг, немесе 41,66 мг кальций розувастатині (тиісінше, 5 мг, 10 мг, 20 мг және 40 мг розувастатинге баламалы) қосымша заттар: микрокристалды целлюлоза, лактоза, кросповидон, сусыз коллоидты кремнийдің қостотығы, магний стеараты үлбірлі қабық: бутилденген метакрилаттың негізгі сополимері, макрогол 6000, титанның қостотығы (Е171), лактоза моногидраты Сыртқы түрінің, иісінің, дәмінің сипаттамасы Дөңгелек пішінді, екі беті сәл дөңес, бір жағында «5» таңбасы және ойығы бар, ақ түсті үлбірлі қабықпен қапталған таблеткалар (5 мг доза үшін). Дөңгелек пішінді, екі беті сәл дөңес, бір жағында «10» таңбасы және ойығы бар, ақ түсті үлбірлі қабықпен қапталған таблеткалар (10 мг доза үшін). Дөңгелек пішінді, ойығы бар, ақ түсті үлбірлі қабықпен қапталған таблеткалар (20 мг доза үшін). Капсула пішінді, екі беті дөңес, ақ түсті үлбірлі қабықпен қапталған таблеткалар (40 мг доза үшін).

- алғашқы гиперхолестеринемия (IIа типі, отбасылық гетерозиготалы гиперхолестеринемияны қоса) немесе аралас дислипидемияда (IІb типі) диета және басқа да дәрі-дәрмектік емес емдеу әдістері (мысалы, дене жаттығулары, дене салмағын төмендету) жеткіліксіз болғанда, диетаға толықтыру ретінде - отбасылық гомозиготалы гиперхолестеринемияда диетаға және басқа да липидті төмендету еміне толықтыру ретінде (мысалы, ТТЛП-аферез) немесе осындай ем пациентке сай келмейтін жағдайларда - жалпы холестерин (ЖХС) мен ТТЛП ХС деңгейлерін мақсатты деңгейлерге дейін төмендетуге арналған емнің бір бөлігі ретінде ересек пациенттерде атеросклероз үдеуін баяулату үшін диетаға толықтыру ретінде - атеросклероздық жүрек-қантамыр ауруының даму қаупі жоғары ересек пациенттердегі жүрек-қантамыр асқынуларының профилактикасында қосымша ем ретінде

Роксера – липид төмендететін препарат, А З-гидрокси-3-метилглутарилкоэнзимін холестерин ізашары – мевалонатқа айналдыратын фермент – HMG-CoA редуктазаның селективті бәсекелес тежегіші болып табылады. Розувастатиннің негізгі әсер ету орны гипохолестериндік емнің нысана-ағзасы – бауыр болып табылады. Роксера ТТЛП қармауы мен катаболизмін арттыра отырып, жасушалар беткейінде тығыздығы төмен липопротеиндердің (ТТЛП) бауыр рецепторларының санын көбейтеді, өз кезегінде, бұл тығыздығы өте төмен липопротеиндер (ТӨТЛП) синтезінің тежелуіне әкеліп, сол арқылы жалпы ТТЛП және ТӨТЛП санын азайтады. Роксера ТТЛП-холестерин, жалпы холестерин, триглицеридтердің (ТГ) жоғары мөлшерін төмендетеді, тығыздығы жоғары липопротеиндердің холестерин (ТЖЛП-ХС) мөлшерін арттырады. Ол аполипопротеин В (АпоВ), ТЖЛП-ХС, ТӨТЛП-ХС, ТӨТЛП-ТГ мөлшерін төмендетеді және аполипопротеин A-I (АпоА-I) деңгейін арттырады. Роксера ТТЛП-ХС/ТЖЛП-ХС, жалпы ХС/ТЖЛП-ХС және ТЖЛПемес-ХС/ТЖЛП-ХС арақатынасын және АпоВ/АпоА-I арақатынасын төмендетеді. 3 кесте: Бастапқы гиперхолестеринемия (IIа және IIb типі) бар пациенттердегі дозаға тәуелді реакция (бастапқы деңгеймен салыстырғанда, түзетілген орташа пайыздық өзгеріс) Доза — Саны — ТТЛП-ХС — Жалпы ХC — ТЖЛП-ХС — TГ — ТЖЛПемес-ХС — AпoB — AпoA-I Плацебо — 13 — -7 — -5 — 3 — -3 — -7 — -3 — 0 5 — 17 — -45 — -33 — 13 — -35 — -44 — -38 — 4 10 — 17 — -52 — -36 — 14 — -10 — -48 — -42 — 4 20 — 17 — -55 — -40 — 8 — -23 — -51 — -46 — 5 40 — 18 — -63 — -46 — 10 — -28 — -60 — -54 — 0 Емдік әсеріне емдеу басталған соң алғашқы аптаның ішінде жетеді, 2 апта емделуден соң мүмкін болатын ең жоғары 90% әсеріне жетеді. Ең жоғары емдік әсеріне, әдетте, 4-ші аптада жетеді және осыдан кейін сақталады. Клиникалық тиімділігі және қауіпсіздігі Розувастатин нәсіліне, жынысына немесе жасына қарамастан гипертриглицеридемиямен немесе онсыз гиперхолестеринемия бар ересектерде, сондай-ақ қант диабеті бар пациенттер немесе отбасылық гиперхолестеринемиясы бар пациенттер сияқты пациенттердің ерекше топтарында тиімді. III фаза зерттеулерінің біріктірілген деректеріне сай, розувастатин IIа және IIb типті гиперхолестеринемиясы бар (ТТЛП-ХС орташа бастапқы деңгейі 4,8 ммоль/л жуық) пациенттердің көпшілігінде холестерин деңгейін Еуропалық атеросклероз қоғамының (EAS; 1998) нұсқаулығында белгіленген мақсатты мәндерге дейін тиімді төмендететіні көрсетілген; розувастатинді 10 мг дозада қабылдап жүрген пациенттердің шамамен 80%-да EAS (< 3 ммоль/л) бойынша ТТЛП-ХС нормативтік нысаналы деңгейлеріне сәтті жетуге болады. Ауқымды зерттеуде гетерозиготалы отбасылық гиперхолестеринемия бар 435 пациент күшейтілген титрлеу режимінде 20-дан 80 мг дейінгі дозаларда розувастатин қабылдады. Барлық дозалар липид алмасу көрсеткіштеріне және емдеудің мақсатты көрсеткіштеріне қол жеткізуге оң ықпалын тигізді. Тәуліктік 40 мг дозаға дейін титрлеуден кейін (12 емдеу аптасы) ТТЛП-ХС деңгейі 53% төмендеді. Пациенттердің отыз үш пайызы (33%) EAS ұсынған ТТЛП холестерин деңгейлеріне (< 3 ммоль/л) жетті. Гомозиготалы отбасылық гиперхолестеринемиямен 42 пациентте (оның ішінде 8 балада) күшейтілген титрлеу режимінде жүргізілген ашық зерттеу барысында розувастатинді 20-40 мг дозада қабылдауға болатын реакция бағаланды. Жалпы қауымда ТТЛП холестерин деңгейінің орташа төмендеуі 22% құрады. Пациенттер саны шектеулі клиникалық зерттеулерде розувастатиннің фенофибратпен біріктірілімде қолдану кезіндегі триглицеридтер деңгейін төмендетуде және никотин қышқылымен біріктірілімде қолданғанда ТЖЛП-ХС деңгейін жоғарылатуда қосымша тиімділігі болатыны көрсетілген (4.4 бөлімін қараңыз). Көп орталықтық салыстырмалы жасырын плацебо-бақыланатын клиникалық зерттеуге (METEOR) жүректің ишемиялық ауруының даму қаупі төмен (10 жыл ішінде < 10% Фремингем қаупі ретінде анықталған) 45-тен 70 жасқа дейінгі 984 пациент қатысты, ТТЛП-ХС 4,0 ммоль/л (154,5 мг/дл) орташа деңгейімен, бірақ қосалқы клиникалық атеросклерозбен (Carotid Intima Media Thickness (CIMT) - ұйқы артериялары астар қабығының қалыңдығымен анықталған) 2 жыл бойы тәулігіне бір рет 40 мг розувастатин немесе плацебо қабылдау үшін рандомизацияланды. Розувастатин, плацебомен салыстырғанда, ұйқы артерияларының 12 бөлігінің ең жоғары CIMT үдеу жылдамдығын - 0,0145 мм/жылға айтарлықтай баяулатты [95% сенім аралығы - 0,0196, - 0,0093; р < 0,0001]. Бастапқы деңгеймен салыстырмалы өзгерісі, плацебо үшін +0,0131 мм/жыл (1,12%/жыл (p < 0,0001)) үдеумен салыстырғанда, розувастатин үшін - 0,0014 мм/жыл (-0,12%/жыл (бұл мәнді емес)) құрады. Қазіргі сәтте CIMT төмендеуі мен жүрек-қантамырлық асқынулар қаупінің төмендеуі арасында тікелей өзара байланыс әзірге көріністелмеген. METEOR зерттеуінің шеңберінде зерттелген қауымда жүректің ишемиялық ауруының даму қаупі төмен және 40 мг дозада розувастатинмен емдеуге арналған пациенттердің мақсатты тобы болып табылмайды. Жүрек-қантамыр асқынуларының жоғары даму қаупімен ауыр гиперхолестеринемия бар пациенттерге ғана 40 мг дозаны қолдану керек (4.2 бөлімін қараңыз). Бастапқы профилактика үшін статиндерді қолдану негіздемесінде, розувастатинді бағалаудың интервенциялық зерттеуі (Justification for the Use of Statins in Primary Prevention: An Intervention Trial Evaluating Rosuvastatin (JUPITER)) шеңберінде розувастатиннің 17 802 ер адам (≥ 50 жас) мен әйелде (≥ 60 жас) атеросклероз аясындағы негізгі атеросклероздық жүрек-қантамыр ауруларының даму жиілігіне әсерін бағалау жүргізілді. Зерттеу қатысушылары тәулігіне бір рет 20 мг дозада розувастатин (n = 8901) немесе плацебо (n = 8901) топтарына рандомизацияланды және, орта есеппен, 2 жыл бойы қадағалауда болды. ТТЛП холестерин деңгейі, плацебо тобымен салыстырғанда, розувастатин тобында 45% (p < 0,001) төмендеді. Фрэмингем бойынша қауіптің бастапқы көрсеткіші > 20% пациенттердің (1558 адам) қауіп жоғары болатын қосалқы тобын ретроспективті талдауда, плацебомен салыстырғанда, розувастатинмен емдегенде жүрек-қантамыр аурулары нәтижесінде өлімге ұшырауды, инсульт және миокард инфарктісін (p = 0,028) қамтитын біріктірілген соңғы нүктенің едәуір төмендеуі білінді. 1000 пациент-жылына асқынулардың даму қаупінің абсолютті төмендеуі 8,8 құрады. Осы жоғары қауіп тобындағы жалпы өлім көрсеткіші өзгермеді (р = 0,193). SCORE шкаласы бойынша бойынша бастапқы қаупі 5% жоғары пациенттердің қосалқы тобын (барлығы 9302 адам) ретроспективті талдауда (65 жастан асқан пациенттерді қосу үшін кеңейтілген), плацебомен салыстырғанда, розувастатинмен емдеу кезінде жүрек-қантамыр аурулары нәтижесінде өлімге ұшырауды, инсульт және миокард инфарктісін (p = 0,0003) қамтитын біріктірілген соңғы нүктенің едәуір төмендеуі білінді. Асқынулардың даму қаупінің абсолютті төмендеуі 1000 пациент-жылына 5,1 құрады. Осы жоғары қауіпті тобындағы жалпы өлім көрсеткіші өзгермеді (р = 0,076). JUPITER зерттеуі шеңберінде розувастатин қабылдаған пациенттердің 6,6% және плацебо қабылдаған пациенттердің 6,2% бөлігі жағымсыз құбылыстардың дамуына байланысты зерттелетін препаратты қабылдауды тоқтатты. Емдеуді тоқтатуға әкелген ең көп жиі жағымсыз құбылыстар: миалгия (0,3% розувастатин, 0,2% плацебо), іштің ауыруы (0,03% розувастатин, 0,02% плацебо) және бөртпе (0,02% розувастатин, 0,03% плацебо) болды. Плацебо тобындағы жиіліктен асып кеткен немесе онымен теңескен ең көп жиі жағымсыз құбылыстар: несеп шығару жолдарының инфекциялары (8,7% розувастатин, 8,6% плацебо), назофарингит (7,6% розувастатин, 7,2% плацебо), арқаның ауруы (7,6% розувастатин, 6,9% плацебо) және миалгия (7,6% розувастатин, 6.6% плацебо) болды. Балалар Салыстырмалы жасырын, рандомизацияланған, көп орталықтық, плацебо-бақыланатын 12 апталық зерттеуде (n = 176, 97 ұл және 79 қыз), одан кейін 40 апталық (n = 173, 96 ұл және 77 қыз) розувастатин дозасын титрлеудің ашық фазасын алатын гетерозиготалы отбасылық гиперхолестеринемиямен 10-нан 17 жасқа дейінгі пациенттер (Таннер II-V шкаласы бойынша кезең, қыздар, менарх басталуынан кейін кемінде 1 жастағы қыз балалар) розувастатинді 12 апта бойы күнделікті 5, 10 немесе 20 мг дозада немесе плацебо қабылдады, ал артынан барлығы 40 апта бойы күнделікті розувастатин қабылдады. Зерттеуге қосылу сәтінде пациенттердің 30% шамасы 10-нан 13 жасқа дейін болды, ал шамамен 17%, 18%, 40% және 25% бөлігі, тиісінше, Таннер шкаласы бойынша II, III, IV және V сатыларда болды. Розувастатинді 5, 10 және 20 мг дозада қабылдағанда ТТЛП холестерин деңгейі, плацебо қабылдау кезіндегі 0,7%-бен салыстырғанда, 38,3%, 44,6% және 50,0% төмендеді. Тәулігіне бір рет ең жоғары 20 мг дозамен 40 апталық ашық титрлеу фазасының соңында 173 пациенттің 70-і (40,5%) ТТЛП холестеринінің 2,8 ммоль/л-ден аз нысаналы деңгейіне жетті. Зерттелетін емдеудің 52 аптасынан кейін бойға, дене салмағына, ДСИ немесе жыныстық жетілуге әсері анықталмады (4.4 бөлімін қараңыз). Бұл зерттеу (n = 176) препаратты қабылдаумен байланысты сирек жағымсыз құбылыстарды салыстыруға сай келмеді. Розувастатин зерттеуі, сонымен қатар, гетерозиготалы отбасылық гиперхолестеринемиямен 6-дан 17 жасқа дейінгі 198 баланың (88 ұл және 110 қыз, Таннер шкаласы бойынша < II-V кезең) қатысуымен нысаналы көрсеткіштерді таңдауға дейін титрлеудің 2 жылдық ашық зерттеуі шеңберінде жүргізілді. Барлық пациенттер үшін розувастатиннің бастапқы дозасы 5 мг құрады. 6-дан 9 жасқа дейінгі пациенттер (n = 64) розувастатинді тәулігіне бір рет ең жоғары 10 мг дозасына дейін, ал 10-нан 17 жасқа дейінгі пациенттер (n = 134) тәулігіне бір рет ең жоғары 20 мг дозасына дейін қабылдай алады. Розувастатинмен 24 ай емделуден кейін, бастапқы мәнмен салыстырғанда, ТТЛП-ХС концентрациясы төмендеуінің орташа пайыздық мәні (ең аз квадраттар (ЕКӘ) әдісімен алынған) 43% құрады (бастапқы деңгей: 236 мг/дл, 24-ші ай: 133 мг/дл). Әр жас тобы үшін, бастапқы мәнмен салыстырғанда, ТТЛП-ХС концентрациясы төмендеуінің орташа пайыздық мәні (ЕКӘ кезінде алынған), тиісінше, 6-дан 10 жасқа дейінгі, 10-нан 14 жасқа дейінгі және 14-тен 18 жасқа дейінгі жас топтарында - 43% (бастапқы деңгей: 234 мг/дл, 24-ші ай: 124 мг/дл), - 45% (бастапқы деңгей: 234 мг/дл, 24-ші ай: 124 мг/дл) және - 35 % (бастапқы деңгейі: 241 мг/дл, 24-ші ай: 153 мг/дл) құрады. Розувастатин 5, 10 және 20 мг дозада липидтер мен липопротеиндердің келесі екіншілік көрсеткіштері: ТЖЛП-ХС, жалпы холестерин, ТЖЛПемес-ХС, ТТЛП-ХС/ТЖЛП-ХС, жалпы холестерин/ТЖЛП-ХС, жалпы триглицерид/ТЖЛП-ХС, ТЖЛП-ХС/ТЖЛП-ХС, АпоB, АпоB/Апо-I үшін бастапқы деңгейден статистикалық мәнді орташа өзгерістерге жетті. Бұл өзгерістер липид алмасу көрсеткіштерін жақсартуға бағытталды және 2 жыл бойы сақталды. Зерттелетін препаратпен 24 ай емделуден кейін бой, салмақ, дене салмағы индексіне және жыныстық жетілуге әсері анықталмады (4.4 бөлімін қараңыз). Рандомизацияланған, салыстырмалы жасырын, көп орталықтық айқаспалы плацебо- бақыланатын зерттеу шеңберінде гомозиготалы отбасылық гиперхолестеринемиямен 14 бала мен жасөспірімнің (6-дан 17 жасқа дейінгі) қатысуымен, плацебомен салыстырғанда, тәулігіне бір рет 20 мг дозада розувастатин зерттеуі жүргізілді. Зерттеуде пациенттер 10 мг дозада розувастатин қабылдаған диетаның белсенді 4-апталық кіріспе фазасы, алдыңғы немесе кейінгі 6-апталық плацебо қабылдау кезеңімен 20 мг дозада розувастатинмен 6-апталық емдеу кезеңінен тұратын айқаспалы фаза, барлық пациенттер 20 мг дозада розувастатин қабылдаған 12-апталық демеуші фаза қамтылды. Эзетимиб немесе аферез емі бойынша зерттеулерге қосылған пациенттер бүкіл зерттеу барысында розувастатин зерттеуіне қатысуды жалғастырды. Статистикалық маңызды (р = 0,005) ТТЛП-ХС деңгейінің төмендеуі (22,3%, 85,4 мг/дл немесе 2,2 ммоль/л), плацебомен салыстырғанда, 20 мг дозада розувастатинмен 6 апта емделуден соң байқалды. Жалпы холестерин (20,1%, р = 0,003), ТЖЛПемес-ХС (22,9 %, р = 0,003) және АпоВ (17,1 %, р = 0,024) деңгейлерінің де статистикалық мәнді төмендеуі байқалды. Сонымен қатар, плацебомен салыстырғанда, 20 мг розувастатин дозасымен 6 апта емдеуден кейін тетраглициридтер, ТТЛП-ХС/ТЖЛП-ХС, жалпы холестерин/ТЖЛП-ХС, ТЖЛПемес-ХС/ТЖЛП-ХС және АпоB/АпоA-I деңгейлерінің төмендеуі байқалды. Розувастатиннің 20 мг дозасымен 6 апта емдеуден кейін және плацебомен 6 апта емдеуден кейін ТТЛП-ХС деңгейінің төмендеуі үздіксіз емнің 12 аптасы бойы сақталды. Бір пациентте дозаны арттырудан кейін 40 мг дозада 6 апта емделуден соң ТТЛП-ХС (8,0%), жалпы холестерин (6,7%) және ТЖЛПемес-ХС (7,4%) деңгейлерінің одан әрі төмендеуі байқалды. Ұзақ уақыт бойы ашық емдеу кезінде 90 аптаға дейінгі уақыт бойы 20 мг розувастатинмен ем қабылдаған осы пациенттердің 9-да ТТЛП-ХС деңгейінің төмендеуі - 12,1-ден - 21,3% дейінгі диапазонда сақталды. Гомозиготалы отбасылық гиперхолестеринемиядан зардап шегіп жүрген күшейтілген титрлеу режимінде ашық зерттеуден бағаланған 7 бала мен жасөспірімде (8-ден 17 жасқа дейін) розувастатинмен 20 мг дозада 6 апта емделуден кейін бастапқы деңгейден ТТЛП-ХС (21,0%), жалпы холестерин (19,2%) және ТЖЛПемес-ХС (21,0%) деңгейінің төмендеу пайызы гомозиготалы отбасылық гиперхолестеринемия бар балалар мен жасөспірімдерде жоғарыда аталған зерттеуде байқалғандарына сәйкес келді.

Дозалау режимі Роксера® қабылдамас бұрын өз дәрігеріңізбен сөйлесіңіз. Препаратпен ем басталар алдында пациент холестерин мөлшері төмен стандартты диетада болуы және емделу кезеңінде осы диетаны ұстануды жалғастыруы тиіс. Препарат дозасы ем мақсатына, пациенттің емдеуге жауабына қарай әркімге жеке белгіленеді. Сізде миастения немесе анамнезде миастения жағдайлары (кейбір жағдайларда тыныс алу бұлшықеттерін қоса, жалпы бұлшықет әлсіздігі бар аурулар) немесе көз миастениясы (көз бұлшықеттерінің әлсіздігі) болса, статиндерді қабылдау кейде жай-күйді нашарлатуы немесе миастения туындауына әкелуі мүмкін. Гиперхолестеринемия Ұсынылатын бастапқы тәуліктік доза 5 мг-ден 10 мг дейін құрайды және күніне бір рет қабылданады. Дозасы статиндерді алғаш рет қабылдап жүрген пациенттер үшін де, HMG-CoA редуктазаның басқа тежегішімен емнен ауысқандар үшін де бірдей. Старттық дозаны таңдағанда холестериннің бастапқы жеке деңгейі мен бұрыннан бар жүрек-қантамырлық қауіпті, сондай-ақ жағымсыз реакциялардың ықтималды даму қаупін ескеру қажет. Қажет болса, дозаны 4 аптадан соң арттыруға болады. Төменірек дозаларымен салыстырғанда, 40 мг дозасын қабылдау кезінде жағымсыз реакциялар туралы хабарламалар жиілігінің арта түскенін ескеріп, тәуліктік дозасын 40 мг дейін арттыру тек ауыр гиперлипидемия бар және жүрек-қантамырлық қаупі жоғары (атап айтқанда, отбасылық гиперхолестеринемияда), 20 мг дозасын қабылдағанда липидтердің мақсатты деңгейлеріне жету мүмкін болмайтын және қадағалауда болатын пациенттер үшін қарастырылуы тиіс. Дозасын 40 мг дейін арттыру тек дәрігердің қадағалауымен ғана мүмкін болады. Жүрек-қантамырлық асқынулар профилактикасы Жүрек-қантамыр жүйесі тарапынан бұзылулар қаупінің төмендеуін зерттеуде препарат тәулігіне 20 мг дозада қолданылды. Балалар Препаратты балаларда қолдануды тек маман жүргізуі тиіс. 6 жастан 17 жасқа дейінгі балалар мен жасөспірімдер (< II-V Таннер сатысы) Гетерозиготалы отбасылық гиперхолестеринемия Гетерозиготалы отбасылық гиперхолестеринемиямен балалар мен жасөспірімдерде әдеттегі бастапқы дозасы күніне 5 мг құрайды. • гетерозиготалы отбасылық гиперхолестеринемия бар 6-дан 9 жасқа дейінгі балаларда әдеттегі дозалар диапазоны тәулігіне бір рет пероральді 5-10 мг құрайды. Осы қауымда 10 мг-ден көп дозаларының қауіпсіздігі мен тиімділігі зерттелмеген. • Гетерозиготалы отбасылық гиперхолестеринемиямен 10-нан 17 жасқа дейінгі балалар үшін әдеттегі дозалар диапазоны тәулігіне бір рет пероральді 5-20 мг құрайды. Осы қауымда 20 мг-ден көп дозаларының қауіпсіздігі мен тиімділігі зерттелмеген. Дозасын арттыру балаларды емдеу жөніндегі нұсқаулар бойынша баланың жеке реакциясына және препарат жағымдылығына сәйкес жүргізілуі тиіс. Розувастатинмен емдеуді бастар алдында балалар мен жасөспірімдерге розувастатинмен емделу кезінде де ұстану керек болатын стандартты гипохолестеринемиялық диета тағайындау керек,. Гомозиготалы отбасылық гиперхолестеринемия Гомозиготалы отбасылық гиперхолестеринемиямен 6-дан 17 жасқа дейінгі балаларда ұсынылатын ең жоғары доза тәулігіне бір рет 20 мг құрайды. Жас шамасына, салмаққа және осының алдында статиндер қабылдауға байланысты күніне бір рет 5-тен 10 мг дейінгі бастапқы дозасы ұсынылады. Дозаны тәулігіне бір рет ең жоғары 20 мг дозасына дейін арттыру және балаларды емдеу жөніндегі нұсқаулар бойынша баланың жеке реакциясына және препарат жағымдылығына сәйкес жүргізілуі тиіс. Розувастатинмен емдеу басталар алдында балалар мен жасөспірімдер розувастатинмен емделу кезінде де қадағалау керек болатын стандартты гипохолестеринемиялық диета ұстану керек. Пациенттердің осы тобында, 20 мг-ден өзге, басқа дозаларын қолдану тәжірибесі шектеулі. 40 мг таблеткалар балаларда қолдануға арналмаған. Пациенттердің ерекше топтары 6 жасқа толмаған балалар 6 жасқа толмаған балаларда қолдану қауіпсіздігі мен тиімділігі зерттелмеген. Сондықтан Роксера® препаратын 6 жасқа толмаған балаларда қолдану ұсынылмайды. Егде жастағыларда қолдану 70 жастан асқан пациенттерге препаратты 5 мг дозасынан бастап қабылдау ұсынылады. Препарат дозасын жас шамасына қарай түзету қажет емес. Бүйрек жеткіліксіздігі бар пациенттерде дозалау Бүйрек жеткіліксіздігінің ауырлығы жеңіл немесе орташа дәрежедегі пациенттерде дозасын түзету қажет емес, препараттың ұсынылатын бастапқы дозасы - 5 мг. Бүйрек функциясының орташа бұзылулары бар (креатинин клиренсі 60 мл/минуттан аз) пациенттерде - препаратты 40 мг дозада қолдану қарсы көрсетілімді. Бүйрек жеткіліксіздігі айқын пациенттерде (креатинин клиренсі 30 мл/минуттан аз) Роксера® препаратын қолдану қарсы көрсетілімді. Бауыр жеткіліксіздігі бар пациенттерде дозалау Бауыр жеткіліксіздігі Чайлд-Пью шкаласы бойынша 7 және/немесе одан аз балл болып бағаланған пациенттерде розувататин жүйелі экспозициясының ұлғаюы анықталмады, дозасын түзету қажет емес. Алайда, бауыр жеткіліксіздігі Чайлд-Пью шкаласы бойынша 8 және 9 балл болып бағаланғанр пациенттерде жүйелі экспозициясының ұлғаюы болған. Аталған пациенттерде бүйрек функциясын бағалау мақсатқа сай. Препаратты Чайлд-Пью шкаласы бойынша балл 9-дан жоғары пациенттерде қолдану тәжірибесі жоқ. Роксера® препараты белсенді фазадағы бауыр аурулары бар пациенттерге қарсы көрсетілімді. Нәсіл Азиялық нәсілді пациенттерде розувастатин жүйелі концентрациясының артуы болды. Азиялық нәсілді пациенттерге ұсынылатын бастапқы доза 5 мг құрайды. Азиялық нәсілді пациенттерде препарат 40 мг дозада қарсы көрсетілімді. Генетикалық полиморфизм. Генетикалық полиморфизмнің белгілі бір типтері розувастатин экспозициясының жоғарылауына алып келуі мүмкін. Осындай полиморфизм типтерінің бар екені белгілі пациенттерге Роксера® препаратының төменірек дозасын қолдану ұсынылады. Миопатияға бейімділігі бар пациенттерде дозалау Миопатия дамуына бейімдейтін факторлары бар пациенттерге ұсынылатын бастапқы доза 5 мг құрайды. Осындай пациенттерге 40 мг дозасы қарсы көрсетілімді. Бір мезгілде қолдану Розувастатин түрлі тасымалдаушы ақуыздардың (мысалы, ОАТР1В1 және BCRP) субстраты болып табылады. Роксераны қан плазмасында розувастатин концентрациясын арттыруы мүмкін кейбір дәрілік заттармен бір мезгілде қолданғанда, аталған тасымалдаушы ақуыздармен (мысалы, циклоспоринмен және кейбір протеаза тежегіштерімен, оның ішінде ритонавирдің атазанавир, лопинавир және/немесе типранавирмен біріктірілімдерімен өзара әрекеттесуі салдарынан, миопатия (оның ішінде рабдомиолиз) қаупі арта түседі. Мүмкіндігінше, баламалы дәрілік заттарды қолдануды, ал қажет болған жағдайда, Роксера® препаратымен емдеуді уақытша үзуді қарастыру керек. Аталған дәрілік заттарды Роксерамен бір мезгілде қолданбауға болмайтын жағдайларда қатарлас қолданудың пайдасы мен қаупін мұқият саралау және Роксера® препаратының дозасын түзету керек. Енгізу әдісі және жолы Ішке қабылдау үшін. Ас ішуге байланыссыз күннің кез келген уақытында Роксера® қабылдауға болады. Қабылдау уақытының көрсетілуімен қолдану жиілігі Тәулігіне бір рет. Емдеудің ұзақтығы Роксера® препаратымен емдеу ұзақтығын емдеуші дәрігер белгілейді. Дәрілік препараттың бір немесе бірнеше дозасын өткізіп алу кезіндегі қажетті шаралар Егер сіз дозаны қабылдауды ұмытып кетсеңіз, келесісін әдеттегі уақытта қабылдаңыз. Өткізіп алғанының орнын толтыру үшін препараттың екі есе дозасын қабылдауға болмайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Осы дәрілік препаратты қолдану бойынша қосымша сұрақтар туындағанда дәрігерге немесе фармацевтке қаралу керек.

5 мг, 10 мг және 20 мг дозалары үшін - розувастатинге немесе препараттың қосымша заттарының кез келгеніне аса жоғары сезімталдық - белсенді фазадағы бауыр аурулары, сарысулық трансаминазалар белсенділігінің тұрақты жоғарылауы және қан сарысуындағы трансаминазалар белсенділігінің, қалыптың жоғарғы шегімен салыстырғанда, 3 еседен көп кез келген жоғарылауы - бүйрек функциясының айқын бұзылулары (КК 30 мл/минуттан аз) - миопатия - софосбувир/велпатасвир/воксилапревир біріктірілімін бір мезгілде қолдану - циклоспоринді бір мезгілде қабылдау - миоуытты асқынулардың дамуына бейімділік - жүктілік және лактация кезеңі - бала туу жасындағы әйелдерде контрацепцияның тиімді әдістері болмағанда 20 мг-ден жоғары және 40 мг дейінгі дозалары үшін қосымша қарсы көрсетілімдер: • миопатия немесе миопатияның/рабдомиолиздің дамуына бейімдейтін факторлар, жеке немесе отбасылық анамнездегі тұқым қуалайтын миопатиялар • бүйрек функциясының орташа бұзылулары (КК < 60 мл/мин) • гипотиреоз • HMG-CoА редуктазаның басқа тежегіштерін немесе фибраттарды қабылдау кезіндегі миоуытты құбылыстардың анамнезде көрсетілуі • алкогольге тәуелділік • препараттың плазмалық концентрациялары жоғарылауы мүмкін жағдайлар • азиялық нәсілді пациенттер • фибраттарды бір мезгілде қабылдау Барлық дозалары үшін • тұқым қуалайтын галактоза жақпаушылығы, LAPP-лактаза ферментінің тапшылығы, глюкоза-галактоза мальабсорбциясы

Жиі ( 1/100-ден <1/10 дейін) - бас ауыру, бас айналу - жүрек айну, іштің ауыруы, іш қатулар - миалгия - астения - қант диабеті1 Жиі емес ( 1/1000-ден <1/100 дейін) - қышыну, бөртпе, есекжем Сирек ( 1/10 000-нан <1/1000 дейін) - аса жоғары сезімталдық реакциялары, ангионевроздық ісінуді қоса - панкреатит - миопатия (миозитті қоса), рабдомиолиз, жегі тәрізді синдром, бұлшықеттердің жыртылуы - бауыр трансаминазалары деңгейінің жоғарылауы, тромбоцитопения Өте сирек (<1/10 000) - сарғаю, гепатит - артралгия - полинейропатия, есте сақтаудың төмендеуі - гематурия - гинекомастия Белгісіз (қолжетімді деректерден бағалау мүмкін емес): - депрессия - шеткері нейропатия - ұйқының бұзылуы (оның ішінде ұйқысыздық және түнгі шым-шытырық түстер) - диарея - Стивенс-Джонсон синдромы - жөтел, ентігу - ісінулер - сіңір тарапынан кейде үзілумен асқынған бұзылулар • иммунитет арқылы некроздаушы миопатия • миастения гравис (жалпы бұлшықеттің, кейбір жағдайларда тыныс алу бұлшықеттерінің әлсіздігін тудыратын ауру) • миастения көздегі түрі (көз бұлшықеттерінің әлсіздігін тудыратын ауру) • эозинофилиямен және жүйелік симптомдармен (DRESS) болатын дәріге реакция 1 Жиілігі қауіп факторларының болуына байланысты (аш қарындағы глюкоза деңгейі ≥ 5,6 ммоль/л, ДСИ > 30 кг/м2, триглицеридтердің жоғары деңгейлері, анамнездегі артериялық гипертензия). Басқа ГМГ-КоА тежегіштерін қолдану кезіндегі сияқты, жағымсыз реакциялар жиілігінің дозаға тәуелді болу үрдісі бар. Егер сіз қолыңызда немесе аяғыңызда белсенділік кезеңінен кейін күшейетін әлсіздікті сезінсеңіз, көзге қос көріну немесе қабақтың түсіп кетуі, жұтыну кезінде қиналу немесе ентігу болса, дәрігерге қаралу қажет. Бүйрекке әсері Тест-жолақтар бойынша талдау нәтижесінде және көбінесе өзекшелік шығу тегінде анықталған протеинурия розувастатин алған пациенттерде байқалды. Несептегі ақуыз мөлшерінің нөлден немесе іздерден бастап, ++ немесе одан көп мәндерге дейінгі өзгерістері препаратты 10 және 20 мг дозада қолдану барысында кейбір уақыт нүктелерінде пациенттердің <1%-да, ал 40 мг дозада шамамен 3%-да білінді. Мөлшерінің нөлден немесе іздерден бастап, + мәніне дейін өзгеру жиілігінің мардымсыз артуы 20 мг дозада байқалды. Көптеген жағдайларда протеинурия емді жалғастыру кезінде өздігінен азайды немесе жоғалды. Клиникалық зерттеулер мен маркетингтен кейінгі қадағалау деректері бойынша бүгінгі таңда протеинурия мен бүйректің жедел немесе үдемелі ауруы арасында себеп-салдарлы байланыс анықталмады. Розувастатинді қолдану аясында гематурия жағдайлары білінді; клиникалық зерттеулер деректері бойынша жиілігі төмен болып табылады. Қаңқа бұлшықетіне әсері Миалгия, миопатия (оның ішінде миозит) сияқты қаңқа бұлшықеттерінің зақымдануы және бүйректің жедел жеткіліксіздігімен (БЖЖ) немесе онсыз сирек рабдомиолиз розувастатиннің кез келген дозаларын қолданғанда, әсіресе, >20 мг дозаларында білінді. Розувастатинді қабылдаған пациенттерде креатинин клиренсі (КК) деңгейінің дозаға тәуелді жоғарылауы байқалды; көптеген жағдайда құбылыс әлсіз, симптомсыз және уақытша болды. Егер КК деңгейлері жоғары (қалыптың жоғарғы шегінен (ҚЖШ) > 5 есе жоғары) болса, емдеуді тоқтату керек. Бауырға әсері Басқа ГМГ-КоА-редуктаза тежегіштерін қолдану кезіндегі сияқты, розувастатинді қабылдаған пациенттердің аз санында трансаминазалар деңгейінің дозаға тәуелді жоғарылауы білінді; көптеген жағдайда құбылыс әлсіз, симптомсыз және уақытша болды. Розувастатинді қолдану кезінде HbA1c деңгейінің жоғарылауы да білінді. Кейбір статиндерді қолдану аясында келесі жағымсыз әсерлер білінді: Сексуалдық дисфункция Өкпенің интерстициальді ауруының, әсіресе, ұзақ уақыт қолдану кезіндегі жекелеген жағдайлары. Рабдомиолиз, бүйрек және бауыр тарапынан күрделі бұзылулар (көбінесе, бауыр трансаминазалары белсенділігінің жоғарылауы) туралы хабарламалар жиілігі препаратты 40 мг дозада қолдану кезінде жоғары. БалаларКреатинкиназа (КК) деңгейінің ҚЖШ >10 есе артық жоғарылауы және дене жүктемесінен немесе жоғары дене белсенділігінен кейінгі бұлшықет тарапынан симптомдар, ересектермен салыстырғанда, балалар мен жасөспірімдердің қатысуымен 52-апталық клиникалық зерттеуде жиірек байқалды. Алайда, балалар мен жасөспірімдердегі розувастатин қауіпсіздік бейіні ересектердегісіне ұқсас болды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлері симптомдарының айқын білінуі. Емі: симптоматикалық, демеуші іс-шаралар қажет. Спецификалық емдеу жүргізілмейді. Бауыр функциясын және КФК деңгейін бақылау қажет. Гемодиализ тиімділігі аз.

Бүйрекке әсері Розувастатиннің жоғары дозаларын (атап айтқанда, 40 мг) қабылдаған пациенттерде тубулярлық протеинурия байқалды, ал көпшілік жағдайларда мезгіл-мезгіл немесе қысқа мерзімді сипатта болды. Препаратты 30 немесе 40 мг дозада қабылдап жүрген пациенттерде емдеу кезінде бүйрек функциясының көрсеткіштерін бақылау (3 айда бір реттен сирек емес) ұсынылады. Қаңқа бұлшықеттеріне әсері Розувастатинді барлық дозаларында қолданғанда, әсіресе, 20 мг-ден асатын дозаларын қабылдағанда тірек-қимыл аппаратына келесі әсерлері жөнінде хабарланды: миалгия, миопатия, сирек жағдайларда - рабдомиолиз. HMG-CoА редуктаза тежегіштері мен эзетимибті бір мезгілде қабылдағанда рабдомализдің өте сирек жағдайлары білінген. Фармакодинамикалық өзара әрекеттесуін жоққа шығаруға болмайды, сондықтан розувастатиннің эзетимибпен біріктірілімі сақтықпен қолданылуы тиіс. HMG-CoА редуктазаның басқа тежегіштері жағдайындағы сияқты, препаратты 40 мг дозада маркетингтен кейін қолдану кезінде рабдомиолиз жиілігі жиірек байқалады. Креатинфосфокиназаны өлшеу Креатинфосфокиназаны (КФК) қарқынды дене жүктемелерінен соң және КФК деңгейі жоғарылауының басқа болжамды себептері болғанда анықтауға болмайды; бұл алынған нәтижелердің дұрыс түсіндірілмеуіне әкелуі мүмкін. Егер КФК бастапқы деңгейі едәуір (қалыптың жоғарғы шегінен 5 есе көп) жоғарылаған жағдайда, 5-7 күннен соң қайта өлшеу жүргізген жөн. Егер қайта өткізілген тест КФК бастапқы деңгейін (қалыптың жоғары шегімен салыстырғанда, 5 еседен көп жоғары) растаса, емді бастауға болмайды. Емдеу алдында HMG-CoА редуктазаның басқа тежегіштері сияқты, Роксера® препараты миопатия/рабдомиолиздің қауіп факторлары бар пациенттерге сақтықпен тағайындалуы тиіс. Ондай факторларға жататындар: - бүйрек зақымдануы - гипотиреоз - дербес немесе отбасылық анамнездегі тұқым қуалайтын миопатиялар - HMG CoА редуктазаның басқа тежегіштерін немесе фибраттарды қабылдау кезіндегі миоуытты құбылыстардың анамнезде көрсетілуі • алкогольге тәуелділік • 70 жастан асқан кезең • препараттың плазмалық концентрациялары жоғарылауы мүмкін жағдайлар - фибраттарды бір мезгілде қабылдау Ондай пациенттерде емнің қаупін және болжамды пайдасын бағалау қажет. Сондай-ақ, клиникалық мониторинг өткізу ұсынылады. Егер бастапқы КФК деңгейі, қалыптың жоғарғы шегімен салыстырғанда, 5 еседен көп жоғары болса, препаратпен емді бастауға болмайды. Емдеу үдерісінде Препаратпен ем кезеңінде пациентті күтпеген жерден бұлшықеттердің ауыруы, бұлшықет әлсіздігі немесе түйілуі пайда болған, әсіресе, дімкәстанумен және қызбамен біріккен жағдайлары жөнінде дереу дәрігерге мәлімдеу қажеттілігінен хабардар ету керек. Ондай пациенттерде КФК деңгейін анықтап алу керек. Егер КФК деңгейі едәуір (тіпті, егер деңгейі, қалыптың жоғарғы шегімен салыстырғанда, 5 еседен көп) жоғарыласа немесе егер бұлшықеттер тарапынан симптомдар күрт білінсе және күнделікті жайсыздық тудырса (тіпті, егер КФК деңгейі, қалыптың жоғарғы шегімен салыстырғанда 5 есе аз болса да), ем тоқтатылуы тиіс. Егер симптомдары жоғалып, КФК деңгейі қалыпқа түсетін болса, пациентті мұқият қадағалаумен Роксераны немесе басқа HMG-CoА редуктаза тежегіштерін аздаған дозаларда қайта тағайындау мәселесін қарастыру керек. Симптомдары болмаса, КФК деңгейін дағдылы бақылау мақсатқа сай емес. Клиникалық зерттеулерде розувастатин мен қатарлас емді қабылдағанда қаңқа бұлшықеттеріне әсерінің арту белгілері білінбеді. Алайда, HMG-CoА редуктазаның басқа тежегіштерін фибрин қышқылының туындыларымен (мысалы, гемфиброзил), циклоспоринмен, никотин қышқылымен, зеңге қарсы азол дәрілерімен, протеазалар тежегіштерімен және макролидті антибиотиктермен біріктіріп қабылдаған пациенттерде миозит және миопатия жағдайлары санының көбеюі хабарланды. Гемфиброзил HMG-CoА редуктазаның кейбір тежегіштерімен бір мезгілде тағайындалғанда миопатияның туындау қаупін арттырады. Сол себепті, Роксера мен гемфиброзилді бір мезгілде тағайындау ұсынылмайды. Роксераны фибраттармен немесе ниацинмен (никотин қышқылымен) біріктіріп қолдану кезінде липидтер деңгейлерінің әріқарай өзгеру артықшылықтары, болжамды қаупін ескере отырып, мұқият саралануы тиіс. Фибраттармен біріктірілген ем үшін 40 мг доза қарсы көрсетілімді. Роксераны фузидий қышқылының жүйелі препараттарымен бір мезгілде немесе фузидий қышқылымен емдеуді тоқтатудан кейін 7 күн бойы қолдануға болмайды. Фузидий қышқылын жүйелі қолдану қажет болып саналған пациенттерде, фузидий қышқылымен емдеудің бүкіл кезеңі бойына статиндермен емдеуді тоқтату керек. Фузидий қышқылын статиндермен біріктірілімде қабылдаған пациенттерде рабдомиолиз жағдайлары (өліммен аяқталған кейбір оқиғаларды қоса) хабарланды. Пациенттерге бұлшықет әлсіздігінің, ауыруының немесе ауырсынудың кез келген симптомдары пайда болғанда дереу дәрігерге жүгінуге кеңес беру керек. Статиндермен емді фузидий қышқылының соңғы дозасынан кейін 7 күннен соң жаңғыртуға болады. Фузидий қышқылын ұзақ уақыт бойы жүйелі қабылдау, мысалы, ауыр инфекцияларды емдеу үшін талап етілетін айрықша жағдайларда Роксера мен фузид қышқылын бір мезгілде қолдану қажеттілігін тек әркімге жеке және мұқият медициналық қадағалаумен қарастыру керек. Роксераны миопатияға алып келуі мүмкін жағдайда немесе рабдомиолиз салдарынан бүйрек жеткіліксіздігінің дамуына бейімдейтін жағдайда (мысалы, сепсис, гипотензия, ауқымды хирургиялық араласулар, жарақаттар, ауыр метаболизмдік, эндокриндік және электролиттік бұзылулар немесе бақыланбайтын құрысулар) жүрген пациенттерге тағайындауға болмайды. Терінің ауыр жағымсыз реакциялары Розувастатинді қолдану кезінде Стивенс-Джонсон синдромы (SJS) және эозинофилиямен және жүйелік симптомдармен (DRESS) дәрілік реакцияны қоса, өмір үшін қауіпті немесе өліммен аяқталуы мүмкін терінің ауыр жағымсыз реакциялары туралы хабарланды. Препаратты тағайындау кезінде пациенттерге терінің ауыр реакцияларының белгілері мен симптомдары туралы хабарлау және олар мұқият қадағалауда болу керек. Осындай реакцияны көрсететін белгілер мен симптомдар пайда болғанда Роксераны қабылдауды дереу тоқтату және баламалы емдеуді қарастыру керек. Егер пациентте Роксераны қолдануға СДС немесе DRESS сияқты күрделі реакция дамыса, Роксерамен емдеуді бұл пациентте кез келген уақытта жаңғыртуға болмайды. Бауырға әсері HMG-CoА редуктазаның басқа тежегіштері жағдайындағы сияқты, Роксера® препараты шамадан тыс мөлшерде алкоголь тұтынатын және/немесе анамнезінде бауыр ауруы бар пациенттерде сақтықпен қолданылуы тиіс. Чайлд-Пью шкаласы бойынша балл 9-дан жоғары пациенттерде препаратты қолдану тәжірибесі жоқ. Бауыр функциясының көрсеткіштерін анықтауды емнің басталуына дейін және ем басталуынан кейін 3 айдан соң жүргізу ұсынылады. Егер қан сарысуындағы трансаминазалар белсенділігінің деңгейі қалыптың жоғарғы шегінен 3 есе асып кетсе немесе тұрақты жоғарылауы білінсе, Роксера® препаратын қабылдауды тоқтату немесе препарат дозасын азайту керек. Гипотиреоз немесе нефроздық синдром салдарынан болған гиперхолестеринемия бар пациенттерде Роксера® препаратымен емдеу басталғанша негізгі аурулардың емі жүргізілуі тиіс. Нәсіл Розувастатиннің жүйелі концентрациясы, еуропалықтармен салыстырғанда, азиялық нәсілді пациенттерде жоғары. Протеаза тежегіштері Ритонавирмен біріктіріп розувастатин мен әртүрлі протеаза тежегіштерін бір мезгілде қабылдаған пациенттерде розувастатиннің жүйелі әсерінің артуы байқалды. Розувастатин тағайындалғанда протеаза тежегіштерін қабылдап жүрген АИТВ инфекциясын жұқтырған пациенттерде розувастатинді қолдану кезінде липидтер деңгейін төмендетудің артықшылығын да, розувастатин дозасының басында және арттырылғанда плазмадағы розувастатин концентрациясының жоғарылау мүмкіндігін де ескеру керек. Розувастатин дозасына түзету орындалатын сәтке дейін протеаза тежегіштерімен бір мезгілде қолдану ұсынылмайды. Протеазалар тежегіштерімен бір мезгілде қолдану ұсынылмайды. Өкпенің интерстициальді аурулары Кейбір статиндер қабылданғанда, әсіресе, ұзақ ем кезінде ентігу, қақырықсыз жөтел және жалпы денсаулық жағдайының нашарлауы (шаршау, салмақ жоғалту және қызба) түрінде көрініс беретін өкпенің интерстициальді ауруларының айрықша жағдайлары тіркелді. Егер пациентте өкпенің интерстициальді ауруының дамуына күмән туындаса, статиндермен ем тоқтатылуы тиіс. Қант диабеті Кейбір деректер статиндердің класс ретінде қандағы глюкоза деңгейін арттыратынын айғақтайды, ал келешекте диабеттің даму қаупі жоғары кейбір пациенттерде диабетті ресми емдеу қажет болатын гипергликемияны тудыруы мүмкін. Алайда, статинмен емдеу кезінде тамыр ауруларының қаупін төмендету глюкоза деңгейінің жоғарылау қаупінен асып түседі, сондықтан статинмен емдеуді тоқтатуға себеп болмауы тиіс. Қауіп тобындағы пациенттер (аш қарындағы глюкоза 5,6-дан 6,9 ммоль/л дейін, ДСИ > 30 кг/м2, триглицеридтердің жоғары деңгейі, артериялық гипертензия) ұлттық нұсқауларға сәйкес клиникалық және зертханалық бақылауда болуы тиіс. JUPITER зерттеуінің шеңберінде, негізінен, аш қарындағы глюкоза деңгейі 5,6-дан 6,9 ммоль/л дейінгі пациенттерде қант диабетінің жалпы жиілігі розувастатин тобында 2,8% және плацебо тобында 2,3% құрады. Балалар Розувастатин қабылдап жүрген 6-дан 17 жасқа дейінгі балалардағы ұзына бойы өсуді (бой), дене салмағын, ДСИ (дене салмағы индексін) және Таннер шкаласы бойынша жыныстық жетілудің екінші сипаттамаларын бағалау екі жылдық кезеңмен шектеледі. Екі жыл бойы зерттелген емдеуді қабылдаудан кейін бойға, дене салмағына, ДСИ немесе жыныстық жетілуге әсері анықталмады. Розувастатин қабылдаған балалар мен жасөспірімдердің қатысуымен 52 аптаға созылған клиникалық зерттеуде КК (креатинкиназа) деңгейінің жоғарылауы қалыптың жоғарғы шегінен (ҚЖШ) > 10 есе жоғарылауы және дене жүктемесінен немесе жоғары дене белсенділігінен кейінгі бұлшықет симптомдары, ересектер қатысқан клиникалық зерттеулерге қарағанда, жиірек байқалды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Розувастатиннің көлік құралын және қауіптілігі зор механизмдерді басқару қабілетіне әсер ету зерттеулері жүргізілмеген. Автокөлікті басқару немесе механизмдермен жұмыс істеу барысында ем кезінде бас айналу туындауы мүмкін екенін ескеру керек.

Роксера® препаратын жүктілік пен лактация кезеңінде қолдану қарсы көрсетілімді. ЖүктілікҰрпақ өрбіту жасындағы әйелдер контрацепцияның тиімді әдістерін қолдану керек. Холестерин мен холестерин биосинтезінің басқа қосылыстарының шарана дамуы үшін маңызы зор болғандықтан, шарана үшін ГМГ-КоА-редуктазаның ықтималды тежелу қаупі препаратты жүктілік кезінде қолдану артықшылығынан асып түседі. Жануарларда жүргізілген зерттеулер тұқым өрбіту қабілетіне уыттылығының шектеулі дәлелдерін ұсынады. Ем үдерісінде жүкті болып қалған жағдайда препаратты қолдану дереу тоқтатылуы тиіс. Бала емізу Розувастатин егеуқұйрықтар сүтімен бөлінеді. Розувастатиннің адам емшек сүтімен бөлінуіне қатысты деректер жоқ.

Бір мезгілде қолданылатын дәрілік препараттардың розувастатинге әсері Тасымалдаушы ақуыздардың тежегіштері Розувастатин, ОАТР1В1 және BCRP (тиісінше, бауырда сіңуіне және шығарылуына ықпал ететін) қоса, кейбір тасымалдаушы ақуыздар үшін субстрат болып табылады. Роксераны осы тасымалдаушы ақуыздардың тежегіштері болып табылатын дәрілік заттармен бір мезгілде қолдану плазмадағы розувастатин концентрациясының жоғарылауына және миопатияның жоғары даму қаупіне әкелуі мүмкін («Қолдану жөніндегі нұсқаулар», «Қолдану кезіндегі қажетті сақтандыру шаралары» бөлімдерін және төменнен 1 кестені қараңыз). Циклоспорин Розувастатин мен циклоспоринді бір мезгілде қолданғанда розувастатин AUC мәні («концентрация - уақыт» қисығы астындағы ауданы), орта есеппен, 7 есе артады. Роксера® циклоспоринді бір мезгілде қабылдап жүрген пациенттерге қарсы көрсетілімді. Бірге қолдану циклоспориннің плазмалық концентрациясына ықпал етпейді. Протеазалар тежегіштері Өзара әрекеттесудің нақты механизмі белгісіз болса да, протеазалар тежегіштерін бір мезгілде қабылдау розувастатиннің жүйелі концентрацияларын едәуір арттыруы мүмкін. Бір мезгілде 20 мг розувастатин мен құрамында екі протеаза тежегіші (400 мг лопинавир/100 мг ритонавир) бар біріктірілген препаратты қабылдау кезінде розувастатиннің тепе-тең AUC және Cmax мәндерінің, тиісінше, 3 және 7 есе артуы хабарланды. Розувастатин экспозициясының күтілетін жоғарылауын ескеріп, Роксера дозасын мұқият түзетуден кейін Роксера мен протеаза тежегіштерінің кейбір біріктірілімдерін бір мезгілде қолдануды қарастыруға болады. Гемфиброзил және липид төмендететін басқа дәрілер Розувастатин мен гемфиброзилді бір мезгілде қабылдау розувастатин Сmах және AUC мәндерінің екі есе артуына алып келді. Өзара әрекеттесуін зерттеу деректерін негізге алғанда, фенофибраттармен фармакокинетикалық тұрғыда маңызды өзара әрекеттесуі күтілмейді, дегенмен де, фармакодинамикалық өзара әрекеттесу мүмкіндігін толықтай жоққа шығаруға болмайды. Гемфиброзил, фенофибрат, басқа фибраттар мен ниациннің (никотин қышқылының) липид төмендететін дозалары (1 г/ тәуліктен бастап және одан көп дозалар) HMG-CoА редуктаза тежегіштерімен бір мезгілде қолданғанда миопатияның туындау қаупін арттырды, оның монотерапия түрінде қолдану кезіндегі миопатияның туындау мүмкіндігі есебінен болуы ықтимал. Гемфиброзилмен және липид төмендететін басқа дәрілермен бір мезгілде қолданғанда 40 мг дозасы қарсы көрсетілімді. Аталған пациенттерде де ем 5 мг дозадан басталуы тиіс. Эзетимиб Бір мезгілде 10 мг розувастатин мен 10 мг эзетимибті қолдану гиперхолестеринемия бар пациенттерде розувастатин AUC 1,2 есе жоғарылауына алып келді (1 кесте). Алайда, розувастатин мен эзетимиб арасындағы жағымсыз реакциялармен көрініс беретін фармакодинамикалық өзара әрекеттесуін жоққа шығаруға болмайды. Антацидтер Розувастатин мен құрамында алюминий және магний гидроксиді бар антацидтер суспензиясын бір мезгілде қолдану плазмалық розувастатин концентрациясының шамамен 50% төмендеуіне алып келеді. Егер антацидтер Роксера қабылдаудан кейін 2 сағаттан соң қолданылса, осы әсері аз білінеді. Осындай өзара әрекеттесудің клиникалық мәні зерттелмеген. Эритромицин Розувастатин мен эритромицинді бір мезгілде қолдану розувастатин AUC 20% және розувастатин Сmах 30% азаюына алып келеді. Осындай өзара әрекеттесу эритромицин қабылдаудан болатын ішек моторикасының күшеюінен туындауы мүмкін. Тикагрелор Тикагрелор розувастатиннің жинақталу қаупін арттыра отырып, розувастатиннің бүйрек экскрециясына әсер етуі мүмкін. Нақты механизмі белгісіз болса да, кейбір жағдайларда тикагрелор мен розувастатинді бір мезгілде қолдану бүйрек функциясының төмендеуіне, КФК деңгейінің жоғарылауына және рабдомиолизге әкелді. P450 цитохромының ферменттері In vivo және in vitro зерттеулерінің нәтижелері розувастатиннің Р450 цитохромы ферменттерінің тежегіші де, индукторы да емес екенін көрсетті. Бұдан бөлек, розувастатин осы ферментер үшін әлсіз субстрат болып табылады. Сол себепті, P450 цитохромы арқылы жүретін метаболизмі нәтижесінде дәрілердің өзара әрекеттесуі күтілмейді. Розувастатин мен флуконазол (CYP2C9 және CYP3A4 тежегіші) немесе кетоконазол (CYP2A6 және CYP3A4 тежегіші) арасында клиникалық мәнді өзара әрекеттесу білінбеді. Розувастатин дозасын түзетуді талап ететін өзара әрекеттесулер (1 кестені де қараңыз): егер Роксераны розувастатин экспозициясын ұлғайтуға қабілетті басқа дәрілік препараттармен бір мезгілде қолдану қажет болса, Роксера дозасын түзету керек. Егер экспозициясының күтілген ұлғаюы (AUC) шамамен 2 есе немесе одан жоғары болса, емдеуді Роксераның күнделікті 5 мг дозасынан бастау керек. Роксераның ең жоғары тәуліктік дозасы розувастатиннің күтілетін экспозициясы препаратпен өзара әрекеттесетін дәрілік заттарды қолданусыз Роксераның 40 мг тәуліктік дозасынан аспайтындай түзетілуі тиіс, мысалы, гемфиброзилмен қолданылғанда Роксера дозасы 20 мг құрайды (экспозициясының 1,9 есе ұлғаюы), ритонавир/атазанавир біріктірілімімен бір мезгілде қолдану кезінде Роксера дозасы 10 мг құрайды (3,1 есе жоғарылауы). Егер розувастатин AUC 2 еседен кем жоғарылауы байқалса, препараттың бастапқы дозасын азайту қажет емес, бірақ розувастатин дозасын 20 мг-ден жоғары арттырғанда сақ болу керек. 1 кесте. Жарияланған клиникалық зерттеулер деректері бойынша бір мезгілде қолдану кезіндегі дәрілік заттардың розувастатин экспозициясына әсері (AUC; мәндерінің кему ретімен) Розувастатин AUC 2 есе немесе одан көп жоғарылауы Өзара әрекеттесетін препаратты дозалау режимі — Розувастатинді дозалау режимі — Розувастатин AUC* өзгеруі Софосбувир/велпатасвир/воксилапревир (400 мг-100 мг-100 мг) + воксилапревир (100 мг) тәулігіне бір рет, 15 күн — бір реттік доза 10 мг — 7,4 есе Циклоспорин 75 мг BID 200 мг дейін, 6 ай — 10 мг OD, 10 күн — 7,1 есе Даролутамид 600 мг BID, 5 күн — бір реттік доза 5 мг — 5.2 есе Регорафениб 160 мг, OD, 14 күн — бір реттік доза 5 мг — 3.8 есе ↑ Атазанавир 300 мг/ритонавир 100 мг OD, 8 күн — бір реттік доза 10 мг — 3.1 есе Велпатасвир 100 мг OD — бір реттік доза 10 мг — 2.7 есе Омбитасвир 25 мг/паритапревир 150 мг/ритонавир 100 мг OD/ дасабувир 400 мг BID, 14 күн Терифлуномид — бір реттік доза 5 мг қатысты емес — 2.6 есе 2.5 есе Гразопревир 200 мг/элбасвир 50 мг OD, 11 күн — бір реттік доза 10 мг — 2.3 есе Глекапревир 400 мг/пибрентасвир 120 мг OD, 7 күн — 5 мг OD, 7 күн — 2.2 есе Лопинавир 400 мг/ритонавир 100 мг BID, 17 күн Капматиниб 400 мг BID — 20 мг OD, 7 күн бір реттік доза 10 мг — 2.1 есе 2.1 есе Клопидогрел 300 мг жүктемелік доза, одан кейін 24 сағаттан соң 75 мг. Фостаматиниб күніне екі рет 100 мг Фебуксостат 120 мг OD — бір реттік доза 20 мг бір реттік доза 20 мг бір реттік доза 10 мг — 2 есе 2.0 есе 1.9 есе Розувастатин AUC 2 еседен кем артуы Өзара әрекеттесетін препаратты дозалау режимі — Розувастатинді дозалау режимі — Розувастатин AUC* өзгеруі Гемфиброзил 600 мг BID, 7 күн — бір реттік доза 80 мг — 1.9 есе Элтромбопаг 75 мг OD, 5 күн — бір реттік доза 10 мг — 1.6 есе Дарунавир 600 мг/ритонавир 100 мг BID, 7 күн — 10 мг OD, 7 күн — 1.5 есе Типранавир 500 мг/ритонавир 200 мг BID, 11 күн — бір реттік доза 10 мг — 1.4 есе Дронедарон 400 мг BID — қатысты емес — 1.4 есе Интраконазол 200 мг OD, 5 күн — бір реттік доза 10 мг — 1.4 есе ** Эзетимиб 10 мг OD, 14 күн — 10 мг, OD, 14 күн — 1.2 есе ** Розувастатин AUC төмендеуі Өзара әрекеттесетін препаратты дозалау режимі — Розувастатинді дозалау режимі — Розувастатин AUC* өзгеруі Эритромицин 500 мг QID, 7 күн — бір реттік доза 80 мг — 20% Байкалин 50 мг TID, 14 күн — бір реттік доза 20 мг — 47% * Х-есе өзгеріс түрінде ұсынылған деректер розувастатинді басқа препараттармен бір мезгілде қабылдау мен тек розувастатинді қабылдау арасындағы қарапайым арақатынас түрінде болады. % өзгеріс түрінде ұсынылған деректер, тек розувастатинді қабылдаумен салыстырғанда, % айырма түрінде болады. Жоғарылауы «» белгісімен, азаюы – “” белгісімен белгіленеді. ** Розувастатиннің әртүрлі дозаларында бірнеше өзара әрекеттесу зерттеуі жүргізілді, кестеде ең маңызды арақатынас көрсетілген; AUC = қисық астындағы аудан; OD = тәулігіне бір рет; BID = тәулігіне екі рет; TID = тәулігіне үш рет; QID = тәулігіне төрт рет Келесі дәрілік препараттар/біріктірілімдер бір мезгілде қолдану кезінде розувастатиннің AUC арақатынасына клиникалық мәнді әсер етпеді: алеглитазар 0,3 мг, 7 күн бойы; фенофибрат 67 мг 7 күн тәулігіне үш рет; флуконазол 200 мг 11 күн тәулігіне 1 рет; фосампренавир 700 мг/ритонавир 100 мг 8 күн тәулігіне екі рет; кетоконазол 200 мг 7 күн тәулігіне екі рет; рифампицин 450 мг 7 күн тәулігіне 1 рет; силимарин 140 мг 5 күн тәулігіне үш рет. Бір мезгілде қолдану кезіндегі розувастатиннің дәрілік препараттарға әсері K дәруменінің антагонистері HMG-CoА редуктазаның басқа тежегіштері жағдайындағы сияқты, К дәруменінің антагонистерін (мысалы, варфарин) бір мезгілде қабылдап жүрген пациенттерде Роксера® препаратымен емнің басталуы немесе препарат дозасын арттыру протромбин уақытының ұзаруына алып келуі мүмкін. Ондай жағдайларда халықаралық қалыптасқан қатынасты (ХҚҚ) мониторингтеу ұсынылады. Пероральді контрацептивтер/гормондық орын басу емі (ГОЕ) Розувастатин мен пероральді контрацептивтерді бір мезгілде қолдану этинилэстрадиол AUC және норгестрил AUC, тиісінше, 26% және 34% арттырады. Плазмалық концентрациясының осылай жоғарылауы пероральді контрацептивтер дозасын таңдау кезінде ескерілуі тиіс. Бір мезгілде розувастатин мен ГОЕ қабылдап жүрген пациенттерде препараттар фармакокинетикасы жөнінде деректер жоқ, сондықтан ондай әсерін жоққа шығаруға болмайды. Алайда, біріктірілім әйелдерде клиникалық зерттеулер аясында кеңінен қолданылған және жағымдылығы жақсы болған. Басқа дәрілік препараттар Дигоксин Арнайы зерттеулер деректері бойынша розувастатиннің дигоксинмен клиникалық мәнді өзара әрекеттесуін күту керек емес. Фузидий қышқылы Розувастатин мен фузидий қышқылының өзара әрекеттесуіне зерттеулер жүргізілмеген. Фузидий қышқылының жүйелі препараттарын және статиндерді бір мезгілде қолданғанда, рабдомиолизді қоса, миопатия қаупі артуы мүмкін. Осы өзара әрекеттесу механизмі (фармакодинамикалық немесе фармакокинетикалық, немесе екеуі де) әзірге белгісіз. Аталған препараттарды бір мезгілде қабылдаған пациенттерде рабдомиолиз дамыған жағдайлар (өліммен аяқталған кейбір оқиғаларды қоса) хабарланды. Фузидий қышқылының жүйелі препараттарын қолдану қажет болған жағдайда фузид қышқылымен емдеудің бүкіл кезеңі бойына Роксера қабылдауды тоқтату керек. Балалар: өзара әрекеттесу зерттеулері тек ересек қауымда жүргізілді. Педиатриялық қауымда өзара әрекеттесу дәрежесі белгісіз. Айрықша нұсқаулар Қосымша заттар туралы арнайы ақпарат Үлбірлі қабықпен қапталған Роксера® таблеткалары құрамында лактоза бар. Сирек тұқым қуалайтын галактоза жақпаушылық кінәраттары, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттер бұл препаратты қабылдамауы тиіс.

Сақтау мерзімі • 3 жыл. • Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 30 °С-ден аспайтын температурада, жарықтан қорғалған жерде сақтау керек. Балалардың қолы жетпейтін жерде сақтау керек!