Роксера® Плюс таблетки 10 мг/10 мг

Үлбірлі қабықпен қапталған таблетканың құрамында белсенді зат - кальций розувастатині 10,400 мг, 20,800 мг, 41,600 мг (сәйкесінше, 10 мг, 20 мг және 40 мг розувастатинге баламалы); эзетимиб 10 мг, 10 мг, 10 мг қосымша заттар: коллоидты кремнийдің қостотығы сусыз, микрокристалды целлюлоза, лактоза, кросповидон А типі, магний стеараты, маннитол, натрий кроскармеллозасы, повидон К 30, натрий лаурилсульфаты үлбірлі қабық: қабыққа арналған қоспа: лактоза моногидратынан, гипромеллозадан, титанның қостотығынан (Е171), триацетиннен тұратын пайдалануға дайын қоспа; темірдің сары тотығы (Е172) (үлбірлі қабықпен қапталған 10 мг/10 мг таблеткалар үшін), темірдің қызыл тотығы (Е172) (үлбірлі қабықпен қапталған 20 мг/10 мг және 40 мг/10 мг таблеткалар үшін), темірдің қара тотығы (Е172) (үлбірлі қабықпен қапталған 40 мг/10 мг таблеткалар үшін). Сыртқы түрінің, иісінің, дәмінің сипаттамасы Дөңгелек пішінді, екі беті сәл дөңес, ашық-сары немесе ашық-қоңырқай-сары немесе ашық-қоңыр-сары түсті үлбірлі қабықпен қапталған, бір жағында «R2» өрнегі бар таблеткалар (10 мг/10 мг дозасы). Дөңгелек пішінді, екі беті сәл дөңес, ашық-қызғылт түсті үлбірлі қабықпен қапталған, бір жағында «R4» өрнегі бар таблеткалар (20 мг/10 мг дозасы). Дөңгелек пішінді, екі беті сәл дөңес, ашық-сұрғылт-күлгіннен ашық-сұр-күлгін түске дейінгі үлбірлі қабықпен қапталған, бір жағында «R5» өрнегі бар таблеткалар (40 мг/10 мг дозасы).

Роксера® Плюс препараты ересектерде қолдануға арналған. Алғашқы гиперхолестеринемия/гомозиготалы отбасылық гиперхолестеринемия Роксера® Плюс препараты алғашқы гиперхолестеринемиясы (гетерозиготалы отбасылық және отбасылық емес гиперхолестеринемиясы) немесе гомозиготалы отбасылық гиперхолестеринемиясы бар ересек пациенттерге диетаға қосымша ретінде қолданылады: • статиндермен монотерапияда жеткілікті бақыланбағанда; • бекітілген біріктірілімдегідей дозаларда бір мезгілде жеке-жеке қолданылатын розувастатин және эзетимиб препараттарымен талапқа сай бақылау болғанда. Жүрек-қантамыр бұзылуларының профилактикасы Роксера® Плюс препараты анамнезінде жүректің ишемиялық ауруы (ЖИА) және жедел коронарлық синдромы (ЖКС) бар, көп компонентті препараттарды біріктірілген препараттағы сияқты дозаларда бір мезгілде қолдану арқылы ауруды жеткілікті бақылауға қол жеткізілетін пациенттерде орын басу емі ретінде жүрек-қантамырлық асқынулардың қаупін азайту үшін қолданылады.

Әсер ету механизмі және фармакодинамикалық әсерлері Роксера Плюс препараты ішекте ХС және кейбір өсімдік стеролдарының сіңірілуін селективті түрде төмендететін, сонымен қатар ХС эндогендік синтезін басатын гиполипидемиялық препарат болып табылады. Розувастатин/эзетимиб ХС ішекте сіңу және эндогендік синтез нәтижесінде қан плазмасына түседі. Роксера Плюс препаратының құрамында эзетимиб пен розувастатин, әсер ету механизмі бойынша бірін-бірі толықтыратын екі гиполипидемиялық компонент бар. Розувастатин/эзетимиб біріктірілімі қан плазмасындағы жалпы холестериннің (ЖХС), ХС-ТТЛП, аполипопротеин В (Aпo B), ТГ және тығыздығы жоғары емес липопротеиндер холестеринінің (ХС-ТЖЛП емес; ЖХС концентрациясы мен ХС-ТТЛП концентрациясы арасындағы айырмашылық ретінде есептеледі) концентрациясын төмендетеді және қан плазмасындағы тығыздығы жоғары липопротеиндер холестеринінің (ХС-ТЖЛП) концентрациясын ХС сіңірілуін де, ХС синтезін де екі есе тежеу арқылы жоғарылатады. Розувастатин Розувастатин статиндер тобындағы гиполипидемиялық дәрі болып табылады. ГМГ-КоА-редуктазаның – ГМГ-КоА-ны мевалонатқа, ХС ізашарына айналдыратын ферменттің селективті бәсекелес тежегіші. Розувастатин гепатоциттердің беткейіндегі ТТЛП рецепторларының мөлшерін арттырады, бұл ТТЛП қармалуының және катаболизмінің күшеюіне, тығыздығы өте төмен липопротеиндер (ТӨТЛП) синтезінің тежелуіне әкеліп, ТТЛП және ТӨТЛП жалпы концентрациясын азайтады. ХС-ТТЛП, ХС-ТЖЛП-емес, ХС-ТӨТЛП, ЖХС, ТГ, ТГ-ТӨТЛП, Апо В концентрацияларын төмендетеді, ХС-ТТЛП/ХС-ТЖЛП, ЖХС/ХС-ТЖЛП, ХС-ТЖЛП-емес /ХС-ТЖЛП, Апо В/аполипопротеин A1 (Aпo A1) арақатынасын төмендетеді, ХС-ТЖЛП және Aпо A1 концентрацияларын жоғарылатады. Емдік әсері ем басталғаннан кейін 1 аптаның ішінде пайда болады, 2 аптадан кейін ол ең жоғарғысының 90%-на жетеді, 4-ші аптада ол ең жоғарғысына жетеді және одан кейін тұрақты болып қалады. 2-кесте. Бастапқы гиперхолестеринемиясы (Фредриксон жіктемесі бойынша IIа және IIb типі) бар пациенттердегі дозаға тәуелді әсер (бастапқы мәнімен салыстырғандағы орташа түзетілген пайыздық өзгеріс) Доза — Пациенттер саны — ХС-ТТЛП — Жалпы ХС — ХС-ТЖЛП — ТГ — ХС-ТЖЛП-емес — Апо В — Апо А1 Плацебо — 13 — -7 — -5 — 3 — -3 — -7 — -3 — 0 5 мг — 17 — -45 — -33 — 13 — -35 — -44 — -38 — 4 10 мг — 17 — -52 — -36 — 14 — -10 — -48 — -42 — 4 20 мг — 17 — -55 — -40 — 8 — -23 — -51 — -46 — 5 40 мг — 18 — -63 — -46 — 10 — -28 — -60 — -54 — 0 Розувастатин нәсілдік тегіне, жынысына, жасына қарамастан, гиперхолестеринемиясы бар (гипертриглицеридемиямен немесе онсыз) ересек пациенттерде, соның ішінде қант диабеті және отбасылық гиперхолестеринемиясы бар пациенттерде тиімді. Фредриксон бойынша IIa және IIb типті гиперхолестеринемиямен ауыратын пациенттердің 80%-ында (XC-ТТЛП орташа бастапқы концентрациясы – шамамен 4,8% ммоль/л) препаратты 10 мг дозада қабылдау аясында ХС-ТТЛП концентрациясы 3 ммоль/л-ден аз мәндерге жетеді. Розувастатинді 20-80 мг дозада алатын гетерозиготалы отбасылық гиперхолестеринемиясы бар пациенттерде липидтік бейін көрсеткіштерінің оң динамикасы байқалады (435 пациент қатысқан зерттеу). Тәуліктік 40 мг дозаға дейін титрлеуден кейін (12 апталық ем) ХС-ТТЛП концентрациясының 53%-ға төмендеуі байқалады. Пациенттердің 33% -да ХС-ТТЛП концентрациясы 3 ммоль / л-ден азға жетеді. Розувастатинді 20 мг және 40 мг дозада қабылдайтын гомозиготалы отбасылық гиперхолестеринемиясы бар 42 пациенттегі ашық зерттеуде қарқындатылған титрлеу кезінде ХС-ТТЛП концентрациясының орташа төмендеуі 22% құрайды. Эзетимиб Эзетимиб ішекте ХС сіңуін тежейді және ішке қабылдаған кезде тиімді. Эзетимибтің әсер ету механизмі гиполипидемиялық дәрілердің басқа кластарының (мысалы, ГМГ-КоА-редуктаза тежегіштері (статиндер), өт қышқылы секвестранттары, фибраттар және өсімдік станолдары) әсер ету механизмінен ерекшеленеді. Эзетимибтің молекулалық нысанасы ХС мен фитостеролдардың ішекте сіңуіне жауапты тасымалдаушы ақуыз (Niemann-Pick Cl-Like 1, NPC1L1) болып табылады. Эзетимиб аш ішектің жасушаларының түкті көмкермесінде шоғырланады және ХС сіңуіне кедергі жасап, ішектен бауырға ХС келіп түсуінің төмендеуіне әкеледі, соның салдарынан бауырдағы ХС қоры азаяды және ХС қаннан сіңуін артады, ал статиндер бауырда ХС синтезін тежейді. Бұл әртүрлі механизмдер бір-бірін толықтырып, қан плазмасындағы ХС концентрациясының төмендеуіне әкеледі. Гиперхолестеринемиямен ауыратын 18 пациент қатысқан 2 апталық клиникалық зерттеуде эзетимиб плацебомен салыстырғанда аш ішекте ХС сіңірілуін 54%-ға төмендететіні көрсетілді. ХС сіңуін тежеуге қатысты эзетимибтің селективтілігі бірқатар клиникаға дейінгі зерттеулерде анықталды. Эзетимиб 14С-холестериннің сіңуін тежеу ​​қабілетін көрсетті және ТГ, май қышқылдарының, өт қышқылдарының, прогестеронның, этинилэстрадиолдың және майда еритін А және D дәрумендерінің сіңуіне әсер етпеді. Эпидемиологиялық зерттеулердің нәтижелері жүрек-қантамыр аурулары және өлім жағдайлары ЖХС мен ХС-ТТЛП концентрациясына тікелей байланысты әрі ХС-ТЖЛП концентрациясына кері байланысты екенін көрсетті. Эзетимибті статиндермен біріктіріп қолдану анамнезінде ЖИА және жедел коронарлық синдромы (ЖКС) бар пациенттерде жүрек-қантамыр ауруларының даму қаупін төмендету үшін тиімді. Бақыланатын клиникалық зерттеулерде эзетимиб (монотерапияда немесе статинмен біріктірілімде) гиперхолестеринемиясы бар пациенттерде ЖХС, ХС-ТТЛП, Aпo B және ТГ концентрацияларын айтарлықтай төмендетті және ХС-ТЖЛП концентрациясын жоғарылатты. Сонымен қатар, эзетимиб майда еритін A, D және E дәрумендерінің плазмалық концентрацияларына, протромбиндік уақытқа әсер етпеді және гиполипидемиялық дәрілердің басқа түрлерінен айырмашылығы, бүйрек үсті бездерінің қыртысында стероидты гормондардың өндірілуін бұзған жоқ. Клиникалық тиімділігі және қауіпсіздігі Розувастатин/эзетимиб Статиндермен монотерапияның (оның ішінде розувастатинмен емдеудің) тиімділігі жеткілікті болмауы және емге эзетимибті қосудың пайдасы жоғары қауіп тобындағы 1385 пациентте розувастатиннің гиполипидемиялық тиімділігі жоғарылаған клиникалық зерттеуге негізделген. Көп орталықты проспективті обсервациялық, интервенциялық емес ашық зерттеуде 1385 пациенттің 1077-сі жүрек-қантамырлық асқынулар дамуының қаупі өте жоғары санатта болды. Пациенттердің барлық популяциясында 3 айлық емдеу кезеңінде жалпы алғанда ЖХС концентрациясы 25,2%-ға, ХС-ТТЛП концентрациясы 35%-ға, ТГ концентрациясы 21%-ға төмендеді, ал ХС-ТЖЛП концентрациясы 5,1%-ға жоғарылады. Зерттеу аяқталған сәтте ХС-ТТЛП мақсатты көрсеткішіне (100 мг/дл) пациенттердің 58%-ы, ХС-ТЖЛП мақсатты көрсеткішіне (ерлер үшін 40 мг/дл, әйелдер үшін 50 мг/дл) – пациенттердің 67%-ы, ал ТГ мақсатты көрсеткішіне (150 мг/дл) пациенттердің 48%-ы қол жеткізді. Қысқа мерзімді емдеу Розувастатиннің эзетимибпен біріктірілімін тәулігіне 10 мг дозада қолдану ХС-ТТЛП концентрациясының анағұрлым айқын төмендеуін қамтамасыз етті және пациенттердің басым бөлігіне мақсатты ХС-ТТЛП көрсеткіштеріне жетуге мүмкіндік берді. Клиникалық зерттеулер нәтижелері бойынша эзетимиб розувастатинмен біріктірілімде тәулігіне 5 мг немесе 10 мг дозада қан плазмасындағы ХС-ТТЛП концентрациясын 21%-ға төмендетті. Ал розувастатиннің тәуліктік дозасын 10 мг немесе 20 мг дейін жоғарылату ХС-ТТЛП концентрациясын 5,7%-ға төмендетті. Розувастатинді тәулігіне 5 мг дозада эзетимибпен біріктіріп қолдану 10 мг розувастатинді қолдануға қарағанда ХС-ТТЛП концентрациясының айқынырақ төмендеуіне әкелді, ал розувастатинді тәулігіне 10 мг дозада эзетимибпен біріктіріп қолдану тәулігіне 20 мг дозада розувастатинмен монотерапияға қарағанда ХС-ТТЛП концентрациясының көбірек дәрежеде төмендеуіне әкелді. Розувастатин дозасын жоғарылатумен салыстырғанда, эзетимибті қосу барлық пациенттерде ХС-ТТЛП концентрациясының < 70 немесе < 100 мг/дл және < 70 мг/дл жету жиілігінің статистикалық маңызды ұлғаюына әкелді, ЖХС, ХС-ТЖЛП-емес, Апо В сарысудағы концентрацияларының статистикалық тұрғыда маңыздырақ төмендеуіне әкелді, және липидтер алмасуының басқа көрсеткіштеріне қатысты ұқсас әсерлерге әкелді. Розувастатин дозасын екі есе арттырумен салыстырғанда, эзетимиб тәулігіне 10 мг дозада, 5 мг немесе 10 мг тәуліктік дозадағы розувастатинмен бірге липидтер алмасуының айқынырақ жақсаруын қамтамасыз етті. Көп орталықты, рандомизацияланған, салыстырмалы жасырын, плацебо-бақыланатын, параллель, белсенді бақыланатын зерттеу (LPS15021) бастапқы гиперхолестеринемиямен ауыратын және жүрек-қантамыр ауруларының даму қаупі жоғары немесе өте жоғары, липидті модификациялайтын қандай да бір басқа емдеусіз розувастатиннің 10 мг немесе 20 мг тұрақты тәуліктік дозасын немесе эквипотентті (тиімділігі бірдей болатын) статинді қабылдау арқылы тиісті түрде бақыланбайтын 452 пациенттің қатысуымен жүргізілді. Салыстырмалы жасырын режимнің 6 апталық емдеу фазасында: • Жүрек-қантамыр ауруларының даму қаупі жоғары 208 пациент розувастатинді 10 мг дозада және эзетимибті 10 мг дозада бекітілген дозалар біріктірілімінде (БДБ) (Р10/Э10, n = 104) немесе розувастатинді 20 мг дозада (Р20, n = 104) қабылдау үшін рандомизацияланды; • Жүрек-қантамыр ауруларының даму қаупі өте жоғары 244 пациент розувастатинді 20 мг дозада және эзетимибті 10 мг дозада БДБ түрінде (Р20/Э10, n = 82) немесе розувастатинді 40 мг дозада және эзетимибті 10 мг дозада БДБ түрінде (Р40/Э10, n = 79), немесе розувастатинді 40 мг дозада (Р40, n = 83) қабылдау үшін рандомизацияланды. Бастапқы соңғы нүкте модификацияланған ITT популяциясында бастапқы деңгейден 6-аптаға дейін есептелген ХС-ТТЛП деңгейінің пайыздық өзгерісі болды. Жүрек-қантамыр ауруларының даму қаупі өте жоғары пациенттер тобында ХС-ТТЛП орташа өзгерісі (ең кіші квадраттар) 6-аптаға дейінгі бастапқы деңгеймен салыстырғанда мынаны құрады: -34,28 % Р40/Э10 тобы үшін, -26,90 % P20/E10 тобы үшін және -14,62 % Р40 тобы үшін. Ең кіші квадраттардың орташа мәндерінің айырмасында Р40 салыстырғанда БДБ (Р40/Э10 или Р20/Э10) артықшылығы көрсетілді, сәйкесінше -19,66 % (р <0,001) және -12,28 % (р = 0,015). Жүрек-қантамыр ауруларының даму қаупі жоғары пациенттер тобында да 6-аптаға дейінгі бастапқы деңгеймен салыстырғанда ХС-ТТЛП деңгейінің көбірек төмендеуі БДБ үшін байқалды: ХС-ТТЛП орташа өзгерістері (ең кіші квадраттар) -27,02 % Р10/Э10 тобы үшін және -21,82 % Р20 тобы үшін болды. P10/E10 тобында ХС-ТТЛП клиникалық тұрғыдан маңызды төмендеуі байқалды, тіпті P20-мен салыстырғанда P10/E10 статистикалық артықшылығы көрсетілуі мүмкін болмауына қарамастан (ең кіші квадраттардың орташа айырмасы -5,20 %; р = 0,306). P10/E10 тобында шығып кеткен бір қатысушының деректерін алып тастағаннан кейін емдеу топтары арасындағы ХС-ТТЛП пайыздық өзгерісінің айырмашылығы өте жоғары қауіп тобында статистикалық маңызды болды (ең кіші квадраттардың орташа мәндерінің айырмасы: P10/E10 және P20 салыстырғанда: -8,84%, p = 0,026). Барлық үш дозаны қабылдаған пациенттерде зерттеу барысында алынған жалпы қауіпсіздік нәтижелері розувастатин мен эзетимибтің белгілі қауіпсіздік бейініне сәйкес болды. Ұзақ мерзімді әсерлері ХС сіңірілуін және синтезін бір мезгілде тежеу ХС-ТТЛП концентрациясының тұрақты және айқын төмендеуін қамтамасыз етеді. Тәулігіне 10 мг дозадағы аторвастатинмен немесе тәулігіне 2,5 мг дозадағы розувастатинмен емдеуден кейін ХС-ТТЛП > 70 мг/дл болатын ЖИА бар пациенттер екі топқа бөлінді, олардың біреуі тәулігіне 10 мг дозада эзетимиб+статин біріктірілімімен (n = 78), екіншісі – статиндердің қос дозасымен (n = 72) 52 апта бойы емделді. Эзетимиб пен статин біріктірілімімен ем қабылдаған топта ХС-ТТЛП концентрациясының неғұрлым айқын төмендеуі байқалды және 52 аптаға дейін сақталды, ал статиннің қос дозасымен ем қабылдаған топта ХС-ТТЛП концентрациясы 12 аптадан кейін қайтадан жоғарылады.

Дозалану режимі Роксера® Плюс препаратын қабылдауды бастар алдында холестерин деңгейін төмендету үшін диета ұстау және дәл сондай дозада розувастатинмен және эзетимибпен ем қабылдау қажет. Бұл препарат емді бастау үшін жарамды емес. Роксера® Плюс препаратын қабылдау кезінде холестерин деңгейін төмендету үшін диета ұстау керек. Енгізу әдісі және жолы Ұсынылатын доза Роксера® Плюс препаратының пероральді, тәулігіне бір рет бір таблеткасын құрайды. Таблеткаларды сумен ішіп, тұтастай жұту керек. Қабылдау уақыты көрсетілген қолдану жиілігі Ұсынылатын доза Роксера® Плюс препаратының пероральді, тәулігіне бір рет бір таблеткасын құрайды. Таблеткаларды сумен ішіп, тұтастай жұту керек. Емдеу ұзақтығы Роксера® Плюс препаратымен емдеу ұзақтығын емдеуші дәрігер анықтайды. Тоқтату симптомдарының болу қаупі Егер сіз Роксера® Плюс препаратын қабылдауды тоқтатқыңыз келсе, дәрігермен кеңесіңіз. Роксера® Плюс қабылдауды тоқтатқан кезде холестерин деңгейі қайтадан жоғарылауы мүмкін. Дәрілік препаратты қолдану тәсілін түсіну үшін медицина қызметкерінен кеңес алуға жүгіну жөнінде нұсқаулар Осы дәрілік препаратты қолдануға қатысты қосымша сауал туындаған жағдайда, емдеуші дәрігерге немесе фармацевтке жүгіну керек.

• розувастатинге/эзетимибке немесе осы препараттың кез келген басқа компонентіне аса жоғары сезімталдық • жүктілік немесе емшек емізу. Егер сіз Роксера® Плюс қабылдау кезінде жүкті болып қалсаңыз, оны қабылдауды дереу тоқтатыңыз және бұл туралы дәрігерге хабарлаңыз. Әйелдер Роксера® Плюс препаратын қабылдау кезінде контрацепцияның сенімді құралдарын пайдаланып, жүктіліктен аулақ болуға тиіс • бауыр аурулары • бүйрек функциясының ауыр бұзылулары • бұлшықеттердің қайталанатын немесе түсініксіз ауыруы • препараттардың біріктірілімін бірге қабылдау софосбувир/велпатасвир/воксилапревир (С гепатиті деп аталатын, бауырдың вирустық инфекциясын емдеуге пайдаланылады) • циклоспорин препараттарын бірге қабылдау (мысалы, ағзалар трансплантациясынан кейін) Бұдан өзге, Роксера® Плюс 40 мг/10 мг препаратын (ең жоғары доза) қабылдамау керек: • бүйректің орташа жеткіліксіздігінде (күмәнді жағдайда дәрігерге жүгініңіз) • қалқанша бездің жұмысы бұзылғанда • егер сізде бұлшықеттердің қайталанатын немесе түсініксіз ауыруы байқалса, жеке немесе отбасылық анамнезде бұлшықеттердің жұмысында бұзылу бар болса, немесе бұрын холестерин деңгейін төмендететін басқа препараттарды қабылдаған кезде бұлшықеттердің жұмысында бұзылу байқалса • алкогольді көп мөлшерде ұдайы тұтынған кезде • егер сіз азиялық нәсілдің өкілі болсаңыз (жапон, қытай, филиппин, вьетнам, кәріс және үнді) • егер сіз холестерин деңгейін төмендетуге арналған фибраттар деп аталатын басқа препараттарды қабылдап жүрсеңіз Егер сіз жоғарыда келтірілген ақпараттың өзіңізге қатыстылығын нақты білмесеңіз, емдеуші дәрігермен кеңесіңіз.

Егер сізде келесі аллергиялық реакциялардың қандай да біреуі туындаса, Роксера® Плюс қабылдауды тоқтатыңыз және дереу дәрігерге көрініңіз: • Беттің, еріннің, тілдің және/немесе көмейдің ісінуімен немесе онсыз, тыныс алудың қиындауы • Беттің, еріннің, тілдің және/немесе көмейдің ісінуі, ол жұтыну кезінде қиындық туғызуы мүмкін Терінің қатты қышынуы (домбығудың пайда болуымен) Немесе мынадай реакциялар дамыған кезде: • Жегі тәрізді синдром (бөртпені, буындардың ауруларын және қан жасушаларының зақымдануын қоса) • Бұлшықеттердің жыртылуы • Денедегі нысанаға ұқсайтын қызғылттау дақтар немесе дөңгелек дақтар, көбінесе орталық күлдіреуіктері бар, терінің қабыршақтануымен, ауыздың, тамақтың, мұрынның, жыныс ағзаларының және көздің ойық жараларымен. Осы күрделі тері бөртпелерінің алдында қызба және тұмау тәрізді симптомдар болуы мүмкін (Стивенс-Джонсон синдромы) • Таралған бөртпе, дененің жоғары температурасы және лимфа түйіндерінің ұлғаюы (DRESS-синдром немесе дәрілік препараттарға жоғары сезімталдық синдромы) Сонымен қатар, Роксера® Плюс препаратын қабылдауды тоқтатыңыз және дереу дәрігерге көрініңіз, егер сізде бұлшықеттердің әдеттен тыс ауыруы пайда болып, әдеттен тыс ұзаққа созылса. Басқа статиндер жағдайындағы сияқты, адамдардың өте аз санында бұлшықет тарапынан жағымсыз реакциялар байқалған, олар сирек жағдайларда өмірге қауіптілігі зор рабдомиолиз деп аталатын бұлшықет зақымдануына айналған. Жиі • Бас ауыруы • Іштің ауыруы • Іш қату • Жүрек айну сезімі • Бұлықет ауыруы • Әлсіздік сезімі • Бас айналуы • Несептегі ақуыз мөлшерінің артуы – әдетте бұл жағдай Роксера® Плюс препаратын қабылдауды тотатусыз, өздігінен қалпына келеді (40 мг розувастатин дозасы үшін) • Диабет. Егер сізде қандағы қант пен майлардың деңгейі жоғары, шамадан тыс салмақ және жоғары қан қысымы болса, диабеттің пайда болу ықтималдығы артады. Дәрігеріңіз бұл препаратты қабылдау кезінде сіздің жағдайыңызды бақылайтын болады • Бауыр функциясын анықтайтын кейбір зертханалық қан талдауларының (трансаминазалар) көрсеткіштері жоғарылауы • Бұлшықет сезімталдығы немесе әлсіздігі • Диарея • Метеоризм • Шаршау сезімі Жиі емес • Бөртпе, қышыну немесе басқа тері реакциялары. • Несептегі ақуыз мөлшерінің артуы - әдетте бұл жағдай Роксера® Плюс препаратын қабылдауды тоқтатусыз, өздігінен қалпына келеді (5-20 мг розувастатин дозасы үшін) • Шаншу сезімі • Ауыздың құрғауы • Есекжем • Арқаның ауыруы • Бұлшықет әлсіздігі, қол мен аяқтың ауыруы • Ісінулер, әсіресе қол мен аяқтың • Бұлшықеттердің жұмысын анықтайтын кейбір зертханалық қан талдауларының (СК) көрсеткіштері жоғарылауы • Жөтел • Асқазанның қорытпауы • Қыжыл • Буындардың ауыруы • Бұлшықеттердің түйілуі • Мойынның ауыруы • Тәбеттің төмендеуі • Ауыру • Кеуденің ауыруы • Ысыну • Қан қысымының жоғарылауы Сирек • Ауыр аллергиялық реакция - симптомдары беттің, еріннің, тілдің және/немесе көмейдің ісінуін, жұтынудың және тыныс алудың қиындауын, терінің қатты қышынуын қамтиды (домбығудың пайда болуымен). Егер сіз өзіңізде аллергиялық реакция пайда болды деп санасаңыз, Роксера® Плюс қабылдауды тоқтатыңыз және дереу медициналық көмекке жүгініңіз • Ересектерде бұлшықеттердің зақымдануы - егер сізде бұлшықеттердің әдеттен тыс ауыруы пайда болып, әдеттен тыс ұзаққа созылса, сақтық шарасы ретінде Роксера® Плюс препаратын қабылдауды тоқтатыңыз және дереу дәрігерге көрініңіз • Іштің қатты ауыруы (ұйқы безінің қабынуы) • Қан жасушалары мөлшерінің азаюы, ол қанталауларды/қан кетуді туғызуы мүмкін (тромбоцитопения) Өте сирек • Сарғаю (терінің және көздің сарғаюы) • Гепатит (бауырдың қабынуы) • Несептегі қан іздері • Аяқ пен қол жүйкелерінің зақымдануы (мысалы, ұю) • Жадыны жоғалту • Еркектерде кеуденің ұлғаюы (гинекомастия) Белгісіз (қолжетімді деректермен баға беру мүмкін емес) • Ұйқының бұзылулары, ұйқысыздықты және түнгі қорқыныштарды қоса • Жыныстық функцияның бұзылулары • Депрессия • Тыныс алу проблемалары, ұдайы жөтелді және/немесе ентігуді, немесе қызбаны қоса • Сіңірлердің зақымдануы • Тұрақты бұлшықет әлсіздігі • Бауыр функциясының бұзылулары • Қызыл бөртпе, кейде нысана түріндегі зақымданулармен (мультиформалы эритема) • Бұлшықеттердің бұзылуы • Гравис миастениясы • Көз миастениясы - Өттас ауруы немесе өт қабының қабынуы (бұл іштің ауыруын, жүрек айнуын, құсуды туғызуы мүмкін) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлер симптомдарының айқын білінуі. Емі: симптоматикалық, демеуші шаралар қажет. Спецификалық емі жоқ. Бауыр функциясын және КФК деңгейін бақылау қажет. Гемодиализдің тиімділігі аз. Дәрілік препараттың бір немесе бірнеше дозаларын өткізіп алғанда қажет болатын шаралар Егер сіз дозаны қабылдауды ұмытып кетсеңіз, келесісін әдеттегі уақытта қабылдаңыз. Өткізіп алғанның орнын толтыру үшін препарат дозасын екі еселеп қабылдауға болмайды.

Роксера® Плюс қабылдауды бастағанға дейін емдеуші дәрігермен кеңесіңіз. • Бүйрек функциясының бұзылуы бар болғанда; • Бауыр функциясының бұзылуы бар болғанда; • Бұлшықеттердің қайталанатын немесе түсініксіз ауыруында, жеке немесе отбасылық анамнезде немесе бұрын холестерин деңгейін төмендететін басқа препараттарды қабылдаған кезде бұлшықеттердің проблемалары болғанда. Егер сізде бұлшықеттердің түсініксіз ауыруы пайда болса, әсіресе егер сіз өзіңізді нашар сезінсеңіз немесе температураңыз көтерілсе, дереу дәрігерге хабарлаңыз. Сондай-ақ сізде бұлшықеттердің тұрақты әлсіздігі байқалса, дәрігерге немесе фармацевтке хабарлаңыз; • Алкогольді көп мөлшерде ұдайы тұтынған кезде; • Қалқанша бездің жұмысы бұзылғанда; • Холестерин деңгейін төмендетуге арналған фибраттар деп аталатын басқа препараттарды бір мезгілде қабылдағанда. Тіпті егер сіз холестерин деңгейін төмендетуге арналған басқа препараттарды бұрын қабылдаған болсаңыз да, осы кітапшаны мұқият оқып шығуыңызды сұраймыз; • Егер сіз АИТВ-инфекцияны емдеуге арналған препараттарды, мысалы, ритонавирді лопинавирмен және/немесе атазанавирмен қабылдап жүрсеңіз ("Басқа дәрілік препараттармен өзара әрекеттесуі" бөлімін қараңыз); • Егер сіз фузид қышқылы препаратын (бактериялық инфекцияларды емдеуге арналған препарат) пероральді немесе инъекция түрінде қабылдап жүрсеңіз немесе соңғы 7 күннің ішінде қабылдаған болсаңыз. Фузид қышқылы мен Роксера® Плюс біріктірілімі бұлшықеттер жұмысының күрделі бұзылыстарына әкелуі мүмкін (рабдомиолиз); • Егер жасыңыз 70-тен асқан болса (өйткені дәрігер сіз үшін Роксера® Плюс препаратының қолайлы бастапқы дозасын таңдап алуға тиіс); • Ауыр респираторлық жеткіліксіздікте; • Егер сіз азиялық нәсілдің өкілі, яғни жапондық, қытайлық, филиппиндік, вьетнам, кәріс және үнділік болсаңыз. Дәрігеріңіз сіз үшін Роксера® Плюс препаратының қолайлы бастапқы дозасын таңдап алуға тиіс; • Егер розувастатинді және құрамында розувастатин бар басқа препараттарды қабылдағаннан кейін, сізде бір кездерде күшті тері бөртпесі немесе терінің қабыршақтануы, күлдіреуіктер және/немесе ауыздағы ойық жаралар пайда болса. Осы препаратты қабылдау кезінде дәрігер диабеттің немесе оның даму қаупінің бар-жоғына қатысты пациенттің жай-күйін мұқият бақылайтын болады. Егер сізде қандағы қанттың және майлардың жоғары деңгейі, шамадан тыс салмақ және жоғары қан қысымы болса, диабеттің даму қаупіне ұшырайсыз. Кейбір адамдарда статиндер бауырға ықпал етуі мүмкін. Мұны қандағы бауыр ферменттері деңгейінің жоғарылауын анықтайтын қарапайым талдаудың көмегімен білуге болады. Сол себептен дәрігер әдетте Роксера® Плюс препаратымен емдеуге дейін және емдеу кезінде осы қан талдауын (бауыр функциясының көрсеткіштерін талдау) жүргізеді. Розувастатинмен емдеуге байланысты Стивенс-Джонсон синдромын және эозинофилиямен және жүйелі симптомдармен дәрілік реакцияны (DRESS) қоса, тері тарапынан күрделі реакциялар туралы хабарланды. Егер сіз «Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімінде сипатталған симптомдардың кез келгенін анықтасаңыз, Роксера® Плюс препаратын қолдануды тоқтатыңыз және дереу медициналық көмекке жүгініңіз. Статиндерді қолдану немесе бұрыннан бар гравис миастениясының немесе миастенияның көз түрінің өршуінен туындаған гравис миастениясының дебютінің бірнеше жағдайлары туралы хабарланды «Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар». Симптомдар нашарлаған жағдайда, Роксерa® Плюс қолдануды тоқтату керек. Сол немесе басқа статинді қайта қолданғанда гравис миастениясының қайталануының дамуы туралы хабарланды. Арнайы сақтандырулар Балалар мен жасөспірімдер Роксера® Плюс препаратын 18 жасқа дейінгі балалар мен жасөспірімдерде қолдану ұсынылмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Розувастатиннің көлік құралын және қауіптілігі зор механизмдерді басқару қабілетіне ықпал етуіне зерттеулер жүргізілмеген. Автомобильді басқарғанда немесе механизмдермен жұмыс істегенде ем кезінде бас айналудың пайда болуы мүмкін екенін ескеру керек.

• Роксера® Плюс препаратын жүктілік немесе емшек емізу кезінде қабылдамаған жөн. Егер сіз Роксера® Плюс қабылдап жүрген кезде жүкті боллып қалсаңыз, оны қабылдауды дереу тоқтатыңыз және бұл туралы дәрігерге хабарлаңыз. Әйелдер Роксера® Плюс препаратын қабылдау кезінде контрацепцияның тиісті құралдарын пайдаланып, жүктіліктен аулақ болуға тиіс. Қандай да бір дәрілік препараттарды қабылдаудан бұрын дәрігерден немесе фармацевтен кеңес алыңыз.

Егер сіз келесі препараттардың қандай да біреуін қабылдап жүрсеңіз, емдеуші дәрігерге хабарлаңыз: • циклоспорин (мысалы, ағзалар трансплантациясынан кейін пайдаланылады), • варфарин, клопидогрель немесе тикагрелор (немесе қанды сұйылтуға арналған кез келген басқа препарат, мысалы фенпрокумон, аценокумарол немесе флуиндион), • фибраттар (мысалы, гемфиброзил, фенофибрат) немесе холестерин деңгейін төмендететін кез келген басқа препараттар (мысалы, эзетимиб), • асқазанның қорытпауын емдейтін дәрілер (асқазан қышқылын бейтараптандыруға пайдаланылады), • эритромицин (антибиотик), • оральді контрацептивтер (таблеткалар), • орын басатын гормондық ем, • регорафениб (обырды емдеу үшін пайдаланылады), • даролутамид (обырды емдеу үшін пайдаланылады), • АИТВ-инфекцияны немесе С гепатитін қоса, вирустық инфекцияларды емдеуге арналған келесі препараттардың кез келгені монотерапия ретінде немесе біріктірілімде ("Қолдану кезіндегі қажетті сақтандыру шаралары" бөлімін қараңыз): ритонавир, лопинавир, атазанавир, софосбувир, воксилапревир, омбитасвир, паритапревир, дасабувир, велпатасвир, гразопревир, элбасвир, глекапревир, пибрентасвир, • колестирамин (холестерин деңгейін төмендетуге арналған препарат), өйткені ол эзетимибтің әсеріне ықпал етеді, • егер бактериялық инфекцияны емдеу үшін сізге пероральді фузид қышқылын қабылдау қажет болса, бұл препаратты қабылдауды уақытша тоқтатуыңызға тура келеді. Дәрігер сізге Роксера® Плюс препаратын қабылдауды қашан қайта жаңғыртуға болатынын хабарлайды. Роксера® Плюсті фузид қышқылымен бірге қабылдау сирек жағдайларда бұлшықет әлсіздігіне, бұлшықеттердің сезімталдығына немесе ауыруына (рабдомиолиз) әкелуі мүмкін. рабдомиолиз туралы толығырақ ақпаратты «Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімінен қараңыз.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 25 ºС-ден аспайтын температурада сақтау керек. Балалардың қолы жетпейтін жерде сақтау керек!