Роксим порошок 750 мг

Бір құтының ішінде: белсенді зат – стерильді натрий цефуроксимі цефуроксимге баламалы 750.0 мг Сыртқы түрінің, иісінің, дәмінің сипаттамасы Ақтан бозғылт-сары түске дейінгі ұнтақ.

Роксим ересектер мен балалардағы, соның ішінде жаңа туған нәрестелердегі (туылғаннан бастап) төмендегі инфекцияларды емдеу үшін көрсетілген • Ауруханадан тыс пневмония • Созылмалы бронхиттің өршуі • Несеп шығару жолдарының асқынған инфекциялары, пиелонефритті қоса • Жұмсақ тіндердің инфекциясы: теріастылық флегмона, тілмелі қабыну және жарақаттық инфекциялар; • Құрсақішілік инфекциялар (4.4 бөлімді қараңыз) • Асқазан-ішек жолындағы (өңешті қоса) операциялар, ортопедиялық, жүрек-қантамырлық және гинекологиялық хирургиялық араласулар (кесарь тілігін қоса) кезінде инфекциялардың профилактикасы Анаэробты флораның қосылу ықтималдығы жоғары инфекцияларды емдеу және профилактикасы үшін цефуроксимді тиісті қосымша антибактериялық дәрілік заттармен бірге енгізу керек. Бактерияға қарсы препараттарды дұрыс қолдану бойынша ресми ұсыныстарды ескеру қажет.

Әсер ету мeханизмі Цефуроксим пенициллинді байланыстыратын ақуыздармен (ПБА) байланысқаннан кейін бактериялық жасуша қабырғасының синтезін тежейді. Бұл жасуша қабырғасының биосинтезінің үзілуіне әкеледі (нәтижесінде бактерия жасушасының лизисі және өлуі). Төзімділік механизмдері Цефуроксимге төзімділіктің дамуының бірнеше механизмдері бар: • бактериялардың кейбір аэробты грамтеріс түрлерінде индукциялануы немесе тұрақты дерепрессиялануы мүмкін кең ауқымды бета-лактамазалар (КАБЛ) мен Аmp-С ферменттерін қоса (бірақ олармен шектелмей), бета-лактамазалармен гидролиздену; • пенициллинді байланыстыратын ақуыздарға цефуроксимнің тектестігінің төмендеуі; • цефуроксимнің пенициллинді байланыстыратын ақуыздармен байланысуына кедергі жасайтын грамтеріс бактерияларының сыртқы жарғақшасының өтімсіздігі; • бактериялардың эффлюкс сорғылары. Басқа инъекциялық цефалоспориндерге төзімділікке ие болған микроорганизмдер де цефуроксимге төзімді болуы мүмкін. Резистенттіліктің даму механизміне байланысты пенициллиндерге жүре пайда болған резистентті микроорганизмдер цефуроксимге сезімталдықтың төмендеуін немесе төзімділік көрсетуі мүмкін. Цефуроксим натрийінің шекті мәндері Төмендегі кестеде антибиотиктерге сезімталдықты анықтау жөніндегі Еуропалық комитеті (EUCAST - European Committee for Antimicrobial Susceptibility Testing) қабылдаған цефуроксим үшін ең төмен тежегіш концентрация (ЕТТК) шекті мәндері көрсетілген: Микроорганизмдер — ЕТТК, сұйылту әдісімен анықталған (мг/л) Сезімтал — Төзімді Enterobacteriaceae1 — ≤ 82 — > 8 Staphylococcus spp. — Ескертпе3 — Ескертпе 3 Streptococcus spp. (A, B, C және G топтары) — Ескертпе 4 — Ескертпе 4 Streptococcus pneumoniae — ≤ 0,5 — > 1 Streptococcus (басқалары) — ≤0,5 — >0,5 Haemophilus influenzae — ≤ 1 — > 2 Moraxella catarrhalis — ≤ 4 — > 8 Спецификалық емес шектік мәндері — ≤ 45 — > 85 11 Enterobacteriaceae үшін цефалоспориннің шектес мәндері (КАБЛ және плазмидтері себепті AmpC қамтылатын) төзімділіктің барлық клиникалық мәнді механизмдерін анықтауға мүмкіндік береді. Бета-лактамазаларды өндіретін кейбір штаммдар 3-ші немесе 4-ші буын цефалоспориндеріне сезімталдыққа немесе аралық сезімталдыққа ие болады және анықталу шамасына қарай хабарлануы тиіс, яғни КАБЛ болуы немесе болмауы өз алдына сезімталдық санаттарын анықтауға ықпал етпейді. Көптеген салаларда КАБЛ анықтамасы мен сипаттамасы ұсынылады немесе инфекциялық бақылау мақсаттары үшін міндетті болып табылады. 2 Шектес мән тек 1,5 г × 3 дозаларына және E.coli, P.mirabilis мен Klebsiella spp. түрлеріне қатысты. 3 Стафилокктардың цефалоспориндерге сезімталдығы туралы қорытынды шектес мәндері болмайтын және стафилококк инфекцияларында қолданылмауы тиіс цефтазидим, цефиксим және цефтибутенді қоспағанда, метициллинге сезімталдыққа негізделеді. 4 A, B, C және G топтарының бета-гемолиздік стрептококктарының бета-лактамдарына сезімталдық туралы қорытынды бензилпенициллинге сезімталдығына негізделеді. 5 Шектес мәндер 750 мг × 3 тәуліктік дозаға және вена ішіне енгізу кезінде кемінде 1,5 г × 3 жоғары дозаға қатысты. Микробиологиялық сезімталдық Жүре пайда болған төзімділіктің таралуы географиялық тұрғыда және таңдалған түрлер үшін уақыт бойынша өзгешеленуі мүмкін, сондықтан төзімділікке қатысты жергілікті ақпараттың, әсіресе, ауыр инфекцияларды емдеу кезінде болғаны дұрыс. Егер төзімділіктің жергілікті таралуы препаратты инфекциялардың ең болмаса кейбір типтерінде қолдану кезіндегідей таласты болса, қажет болғанда, сарапшылардың кеңесіне жүгінген жөн. Цефуроксим әдетте in vitro келесі микроорганизмдерге қатысты белсенді. Көбінесе сезімтал түрлер Грамоң аэробтар: Staphylococcus aureus (метициллин-сезімталдар) $ Streptococcus pyogenes Streptococcus agalactiae Грамтеріс аэробтар: Haemophilus parainfluenzae Moraxella catarrhalis Цефуроксимге жүре пайда болған резистенттілігі болуы мүмкін бактериялар Грамоң аэробтар: Streptococcus pneumonia Streptococcus mitis (viridans тобы) Грамтеріс аэробтар: Citrobacter spp., C. Freundii қоспағанда Enterobacter spp., E. aerogenes және E. Cloacae қоспағанда Escherichia coli Haemophilus influenza Klebsiella pneumonia Proteus mirabilis Proteus spp. P. penneri және P. Vulgaris қоспағанда Providencia spp. Salmonella spp. Грамоң анаэробтар: Peptostreptococcus spp. Propionibacterium spp. Грамтеріс анаэробтар: Fusobacterium spp. Bacteroides spp. Цефуроксимге табиғи төзімді бактериялар Грамоң аэробтар: Enterococcus faecalis Enterococcus faecium Грамтеріс аэробтар: Acinetobacter spp. Burkholderia cepacian Campylobacter spp. Citrobacter freundii Enterobacter aerogenes Enterobacter cloacae Morganella morganii Proteus penneri Proteus vulgaris Pseudomonas aeruginosa Serratia marcescens Stenotrophomonas maltophilia. Грамоң анаэробтар: Clostridium difficile Грамтеріс анаэробтар: Bacteroides fragilis Басқа: Chlamydia spp. Mycoplasma spp. Legionella spp. $ Барлық метициллинге төзімді S. aureus цефуроксимге төзімді In vitro зерттеулерінде цефуроксимді аминогликозидтермен біріктіру аддитивті әсерлерді, ал жекелей жағдайларда синергизмнің дәлелдерін көрсетті.

Дозалану режимі Кесте 1. Ересектер мен ≥ 40 кг балалар Көрсетілім — Доза Ауруханадан тыс пневмония және созылмалы бронхит өршуі — 750 мг әр 8 сағат сайын (вена ішіне немесе бұлшықет ішіне) Жұмсақ тіндер инфекциялары: теріастылық флегмона, тілмелі қабыну және жарақаттық инфекциялар Құрсақішілік инфекциялар Несеп шығару жолдарының асқынған инфекциялары, пиелонефритті қоса — 1,5 г әр 8 сағат сайын (вена ішіне немесе бұлшықет ішіне) Ауыр инфекциялар — 750 мг әр 6 сағат сайын (вена ішіне) 1,5 мг әр 8 сағат сайын (вена ішіне) Асқазан-ішек жолы аумағына жасалған операциялар кезіндегі, гинекологиялық (кесарь тілігін қоса) және ортопедиялық хирургиялық инфекциялар профилактикасы — Анестезияның басталуымен бір сәтте 1,5 г 8 және 16 сағаттан соң 750 мг екі дозамен (бұлшықет ішіне) толықтыруға болады Жүрек-қантамыр операциялары мен өңеш аумағына араласулар кезіндегі профилактика — Анестезияның басталуымен бір сәтте 1,5 г кейіннен әр 8 сағат сайын 24 сағат бойы 750 мг (бұлшықет ішіне) енгізумен 2 кесте. < 40 кг балалар Сәбилер және >3 апталық ерте жастағы балалар және <40 кг балалар — Сәбилер (туғаннан бастап 3 аптаға дейінгі) Ауруханадан тыс пневмония — 3 немесе 4 рет қабылдауға 30-дан 100 мг/кг/тәулікке дейін (вена ішіне); 60 мг/кг/тәулік доза инфекциялардың көпшілігіне сай келеді — 2 немесе 3 рет қабылдауға 30-дан 100 мг/кг/ тәулікке дейін (вена ішіне) Несеп шығару жолдарының асқынған инфекциялары, пиелонефритті қоса Жұмсақ тіндер инфекциялары: теріастылық флегмона, тілмелі қабыну және жарақаттық инфекциялар Құрсақішілік инфекциялар Бүйрек жеткіліксіздігі Цефуроксим негізінен бүйрек арқылы шығарылады. Сондықтан, барлық ұқсас антибиотиктер сияқты, бүйрек функциясының айқын бұзылуы бар пациенттерге оның баяу экскрециясының орнын толтыру үшін Роксим дозасын азайту ұсынылады. Кесте 3. Бүйрек функциясының бұзылуы кезінде ұсынылатын Роксим дозалары Креатинин клиренсі — Т1/2 (сағ) — Дозасы (мг) > 20 мл/мин/1,73 м2 — 1,7-2,6 — Стандартты дозаны азайту (750 мг-ден 1,5 г дейін тәулігіне 3 рет) қажет емес 10-20 мл/мин/1,73 м2 — 4,3-6,5 — 750 мг тәулігіне екі рет <10 мл/мин/1,73 м2 — 14,8-22,3 — 750 мг тәулігіне бір рет Гемодиализде жүрген пациенттер — 3,75 — Әріқарайғы 750 мг дозаны әр диализдің соңында вена ішіне немесе бұлшықет ішіне енгізу керек; парентеральді қолдануға қосымша натрий цефуроксимін перитонеальді диализге арналған сұйықтыққа қосуға болады (әдетте диализге арналған сұйықтықтың әр 2 литріне 250 мг) Қарқынды ем бөлімшелерінде тұрақты артерия-веналық гемодиализде (ТАВГ) немесе жоғары көлемді гемофильтрацияда (ЖКГФ) жүрген бүйрек жеткіліксіздігі бар пациенттер — 7,9-12,6 (ТАВГ) 1,6 (ЖКГФ) — 750 мг тәулігіне екі рет; төмен көлемді гемофильтрацияда бүйрек функциясының бұзылуында ұсынылған дозаны қадағалаңыз Бауыр жеткіліксіздігі бар пациенттер Цефуроксим негізінен бүйрек арқылы шығарылады. Бауыр функциясы бұзылған пациенттерде цефуроксимнің фармакокинетикасына әсер етпейді деп күтіледі. Қолдану тәсілі мен жолы Роксимді вена ішіне инъекция арқылы тікелей венаға 3-5 минут, тамшылатқыш түтік немесе инфузия арқылы 30-60 минут немесе терең бұлшықетішілік инъекция арқылы қолдану керек. Бұлшықет ішіне инъекциялар салыстырмалы түрде үлкен бұлшықетке терең енгізілуі керек және бір жерге 750 мг-нан артық енгізбеу керек.1,5 г-нан асатын дозалар үшін вена ішіне енгізуді қолдану керек. Препаратты қалпына келтіру жөніндегі нұсқаулық Кесте 4. Бөлшек дозаларды енгізу қажет болған кезде қосымша көлемдер мен концентрациялар. Бөлшек дозаларды енгізу қажет болған кезде қосымша көлемдер мен концентрациялар Құты көлемі — Енгізу жолы — Физикалық күйі — Қосылатын су мөлшері (мл) — Цефуроксимнің жуық концентрациясы (мг / мл)** Инъекция немесе инфузия үшін ерітінді дайындауға арналған 750 мг ұнтақ 750 мг — бұлшықет ішіне енгізу — суспензия — 3 мл — 216 вена ішіне сорғалатып енгізу — ерітінді — кемінде 6 мл — 116 венаішілік инфузия — ерітінді — кемінде 6 мл* — 116 *50 немесе 100 мл қалпына келтірілген ерітіндіні үйлесімді инфузиялық сұйықтыққа қосу керек(төмендегі үйлесімділік туралы ақпаратты қараңыз) **Қалпына келтіру ортасында алынған цефуроксим ерітіндісінің көлемі мг/мл көрсетілген концентрацияға әкелетін дәрілік затты ығыстыру факторына байланысты ұлғаяды. Үйлесімділігі Натрий цефуроксимін (5 мг/мл) 5% в/і немесе 10% салмақ/көл. ксилит инъекциясы үшін қолдануға болады. Натрий цефуроксимі құрамында 1% лидокаин гидрохлориді бар сулы ерітінділермен үйлесімді. Натрий цефуроксимі төмендегі инфузиялық ерітінділермен үйлесімді: натрий хлориді БФ инъекциясына арналған 0,9% салм/көл. ерітіндісі декстроза БФ инъекциясына арналған 5% ерітінді 0,18% салм/көл. натрий хлориді ерітіндісі + декстроза БФ инъекциясына арналған4% ерітінді 5% декстроза ерітіндісі және натрий хлориді БФ инъекциясына арналған 0,9% ерітіндісі 5% декстроза ерітіндісі және натрий хлориді инъекциясына арналған 0,45% ерітінді 5% декстроза ерітіндісі және натрий хлориді инъекциясына арналған 0,225% ерітінді декстроза инъекциясына арналған 10% ерітінді АҚШФ инъекциясына арналған Рингер-лактат ерітіндісі инъекцияға арналған 6М натрий лактаты ерітіндісі БФ инъекциясына арналған натрий лактаты ерітіндісі (Гартман ерітіндісі). Натрий хлориді БФ инъекциясына арналған және инъекцияға арналған 5% декстроза 0,9% салмақ/көл. ерітіндісіндегі натрий цефуроксимінің тұрақтылығына, натрий гидрокортизоны фосфатының болуы әсер етпейді. Натрий цефуроксимі IV инфузиялық ерітіндісіне қосылған кезде үйлесімді: гепарин (10 және 50 бірлік/мл) 0,9% салмақ/көл. натрий хлориді БФ инъекциялық ерітіндісінде; калий хлориді (10 және 40 мЭк/л) 0,9% салмақ/көл натрий хлориді БФ инъекциялық ерітіндісінде. Пайдаланылмаған кез-келген дәрілік заттар немесе қалдықтар жергілікті талаптарға сәйкес жойылуы керек.

- цефуроксимге, цефалоспориндер тобындағы басқа антибиотиктерге аса жоғары сезімталдық. - анамнезде бета-лактамды басқа антибиотиктерге (пенициллиндер, монобактамдар, карбапенемдер) айқын білінетін ауыр сезімталдық реакцияларының (мысалы, анафилаксиялық реакциялар) болуы

Ең жиі кездесетін жағымсыз реакциялар нейтропения, эозинофилия және бауыр ферменттерінің немесе билирубиннің өтпелі жоғарылауы болып табылады, әсіресе бауыр ауруы бұрыннан бар пациенттерде, бірақ бауыр үшін зияны және инъекция орнындағы реакциялар туралы деректер жоқ. Төменде келтірілген жағымсыз реакцияларға берілген жиілік санаттары шамамен берілген, өйткені көптеген реакциялар үшін пайда болу жиілігін есептеу үшін қолайлы деректер жоқ. Сонымен қатар, натрий цефуроксимімен байланысты жағымсыз реакциялардың жиілігі көрсетіліміне байланысты өзгеруі мүмкін. Клиникалық зерттеулерден алынған деректер өте жиі және сирек кездесетін жағымсыз реакциялардың жиілігін анықтау үшін пайдаланылды. Барлық басқа жағымсыз реакцияларға тағайындалған жиіліктер (яғни, жиілігі <1/10 000 болатын) негізінен маркетингтен кейінгі деректерді пайдалана отырып анықталды және шынайы жиіліктерге емес, хабарланған жиіліктерге сілтеме жасайды. Барлық дәрежедегі емдеуге байланысты жағымсыз реакциялар төменде MedDRA дене жүйесінің ағзалар класы, жиілігі және ауырлығы бойынша тізімделген. Жиіліктің жіктелуі келесі критерийлер бойынша жүргізіледі: өте жиі ≥ 1/10; жиі ≥ 1/100 - < 1/10; жиі емес ≥ 1/1000 - < 1/100; сирек ≥ 1/10 000 - < 1/1000; өте сирек < 1/10 000 және белгісіз (қолда бар деректер бойынша бағалау мүмкін емес). Жүйелік-ағзалық класс — Жиі — Жиі емес — Белгісіз Инфекциялар және инвазия — шектен тыс Candida көбеюі, шектен тыс Clostridium difficile көбеюі Қан және лимфа жүйесі тарапынан бұзылулар — нейтропения, эозинофилия, гемоглобин концентрациясының төмендеуі — лейкопения, Кумбс сынамасының оң нәтижесі — тромбоцитопения, гемолиздік анемия Жүрек тарапынан бұзылулар — Коунис синдромы Иммундық жүйе тарапынан бұзылулар — дәрілік қызба, интерстициальді нефрит, анафилаксия, тері васкулиті Асқазан-ішек бұзылулары — асқазан-ішек бұзылыстары — жалған жарғақшалы колит (4.4 бөлімді қараңыз) Бауыр және өт шығару жолдары тарапынан — бауыр ферменттерінің қысқа мерзімді жоғарылауы — билирубиннің қысқа мерзімді жоғарылауы Тері және тері асты шелмайы бұзылулары — тері бөртпесі, есекжем және қышыну — мультиформалы эритема, уытты эпидермалық некролиз және Стивенс-Джонсон синдромы, ангионевроздық ісіну, эозинофилиямен және жүйелік симптомдармен дәрілік реакция (DRESS) Бүйрек және несеп шығару жолдары тарапынан бұзылулар — сарысу креатинині деңгейінің жоғарылауы, қандағы мочевина азоты деңгейінің жоғарылауы және креатинин клиренсінің төмендеуі (4.4 бөлімді қараңыз) Жалпы бұзылулар және енгізген орнындағы реакциялар — ауырсыну мен тромбофлебитті қамтуы мүмкін инъекция орнындағы реакциялар Кейбір жағымсыз реакциялар сипаттамасы Цефалоспориндер класс ретінде эритроциттер жарғақшаларының бетінде сіңірілуге және препаратқа қарсы антиденелермен реакцияға түсуге бейім, бұл Кумбс сынамасының оң нәтижесін береді (ол қан үйлесімділігіне жасалатын айқаспалы сынамаға әсер етуі мүмкін), әрі өте сирек гемолиздік анемияға әкеледі. Қан сарысуындағы бауыр ферменттері немесе билирубин деңгейінің уақытша жоғарылауы байқалады, әдетте, ол қайтымды болады. Өте жоғары дозаларында бұлшықетке инъекция жасайтын жерде ауырсыну болуы аса ықтималды. Алайда, оның емдеуді тоқтату үшін себеп болуы өте сирек Педиатриялық популяция Балаларда натрий цефуроксимінің қауіпсіздік бейіні ересектердегі бейініне сәйкес келеді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану неврологиялық бұзылуларға, соның ішінде энцефалопатияға, құрысуларға және комаға әкелуі мүмкін. Бүйрек жеткіліксіздігі бар пациенттерде дозаны төмендетпесе, артық дозалану симптомдары дамуы мүмкін. Қан сарысуындағы цефуроксим деңгейін гемодиализ немесе перитонеальді диализ арқылы төмендетуге болады. Дәрілік препаратты қалай қолдану керектігін түсіндіру үшін медицина қызметкерінен кеңес алу бойынша ұсыныстар Осы дәрілік препаратты қолдану туралы қандайда-бір қосымша сұрақтарыңыз болса, өз дәрігеріңізден сұраңыз.

Аса жоғары сезімталдық реакциялары Барлық бета-лактамды бактерияға қарсы препараттар сияқты, ауыр және кейде өліммен аяқталатын аса жоғары сезімталдық реакциялары туралы хабарланған. Коунис синдромына (миокард инфарктісіне әкеп соғуы мүмкін жедел аллергиялық коронарлық артериоспазм) дейін өршіген жоғары сезімталдық реакциялары туралы хабарламалар болды. Аса жоғары сезімталдықтың ауыр реакциялары туындаған жағдайда цефуроксиммен емдеуді дереу тоқтатып, тиісті шұғыл шаралар қабылдау қажет. Емдеуді бастар алдында пациенттің анамнезінде цефуроксимге, басқа цефалоспориндерге немесе бета-лактамды препараттың кез келген басқа типіне аса жоғары сезімталдықтың ауыр реакциялары болған-болмағанын анықтау керек. Егер цефуроксим анамнезінде басқа бета-лактамды препараттарға ауыр емес аса жоғары сезімталдығы бар пациенттерге тағайындалса, сақтық шарасын қадағалау қажет. Терінің ауыр жағымсыз реакциялары (SCARS) Цефуроксиммен емдеуге байланысты,Стивенс-Джонсон синдромын (SJS), уытты эпидермалық некролизді (TEN) және өмірге қауіп төндіретін немесе өліммен аяқталуы мүмкін эозинофилиямен және жүйелік симптомдармен (DRESS) дәрілік реакцияларды қоса, терінің ауыр жағымсыз реакциялар туралы хабарланған. Препаратты тағайындау кезінде пациенттерді белгілер мен симптомдар туралы хабардар ету және тері реакцияларын мұқият бақылау қажет. Егер осы реакцияларды болжайтын белгілер мен симптомдар пайда болса, цефуроксимді дереу тоқтатып, балама емді қарастыру керек. Егер пациент цефуроксимді қолдану кезінде SJS, TEN немесе DRESS сияқты ауыр реакцияларды сезінсе, бұл пациент үшін цефуроксиммен емдеуді ешқашан қайта бастауға болмайды. Күшті әсер ететін диуретиктермен немесе аминогликозидтермен қатарлас емдеу Цефалоспоринді антибиотиктердің жоғары дозасын фуросемид немесе аминогликозидтер сияқты күшті диуретиктермен бір мезгілде қабылдап жүрген пациенттерге сақтықпен тағайындау керек. Осы біріктірілімдерді қолданғанда бүйрек жеткіліксіздігі жағдайлары хабарланған. Егде жастағы және бұрыннан бүйрек жеткіліксіздігі бар пациенттерде бүйрек функциясын бақылау керек. Сезімтал емес микроорганизмдердің шамадан тыс көбеюі Цефуроксимді қолдану Candida шамадан тыс өсуіне әкелуі мүмкін. Ұзақ қолдану сонымен қатар басқа сезімтал емес микроорганизмдердің (мысалы, энтерококктар және Clostridioides difficile) шамадан тыс көбеюіне әкелуі мүмкін, бұл емдеуді тоқтатуды талап етуі мүмкін Цефуроксимді қолданғанда бактерияға қарсы дәрі-дәрмекпен байланысты жалған жарғақшалы колит байқалды және ауырлығы жеңілден өмірге қауіп төндіретінге дейін өзгеруі мүмкін. Бұл диагнозды цефуроксимді ағымдағы немесе кейінгі енгізу кезінде диареясы бар пациенттерде ескеру керек. Цефуроксиммен емдеуді тоқтату және Clostridioides difficile үшін спецификалық емдеуді қарастыру керек. Перистальтиканы басатын дәрілік заттарды қолдануға болмайды. Көз камерасымен енгізу және көру қабілетінің бұзылуы Роксим көз камерасы ішіне инъекцияға арналмаған. Вена ішіне/бұлшықет ішіне енгізуге рұқсат етілген, құтылардан алынып жасалған бекітілмеген цефуроксим натрийін камера ішіне қолданудан кейін көз тарапынан ауыр жағымсыз реакциялардың жекелеген жағдайлары мен топтары туралы хабарланды. Бұл реакцияларға макулярлы ісіну, торқабықтың ісінуі, көздің тор қабығының ажырауы, тор қабығының уытты зақымдануы, көру қабілетінің нашарлауы, көру жітілігінің төмендеуі, бұлыңғыр көру, мөлдір қабықтың бұлыңғырлығы және мөлдір қабықтың ісінуі жатады. Құрсақішілік инфекциялар Өзінің әсер ету ауқымына орай, цефуроксим ферменттелмейтін грам-теріс бактериялардан туындаған инфекцияларды емдеуге жарамайды. Диагностикалық сынақтарға әсері Цефуроксимді қолданумен байланысты Кумбс сынамасының оң нәтижесі қан үйлесімдігіне жасалған айқаспалы сынамаға кедергі келтіруі мүмкін. Мысты қалпына келтіру әдістеріне (Бенедикт сынамасы, Фелинг реактиві, Клинитест) болымсыз әсерін байқауға болады. Алайда, бұл оның кейбір басқа цефалоспориндермен болуы мүмкін екені сияқты жалған оң нәтижелерге әкелмеуі тиіс. Феррицианидті тест жалған теріс нәтиже беруі мүмкін болғандықтан, натрий цефуроксимін қабылдап жүрген пациенттерде қандағы/плазмадағы глюкоза деңгейлерін анықтау үшін глюкозооксидаза немесе гексокиназа әдістерін пайдалану ұсынылады. Натрий туралы маңызды ақпарат: Бұл дәрілік зат құрамында құтысына 42 мг натрий бар, ол 2 г мөлшеріне тең ересек адам үшін ДДҰ ұсынған натрийдің ең жоғары тәуліктік дозасының 2,1%-на баламалы. Арнайы ескертулер Аса жоғары сезімталдық реакциялары Барлық бета-лактамды бактерияға қарсы препараттар сияқты, ауыр және кейде өліммен аяқталатын аса жоғары сезімталдық реакциялары туралы хабарланған. Коунис синдромына (миокард инфарктісіне әкелуі мүмкін жедел аллергиялық коронарлық артериоспазм) дейін өршитін аса жоғары сезімталдық реакциялары туралы хабарламалар бар. Аса жоғары сезімталдықтың ауыр көріністері дамыған жағдайда цефуроксиммен емдеуді дереу тоқтатып, тиісті шұғыл шараларды дереу қабылдау керек. Емдеуді бастар алдында пациенттің анамнезінде цефуроксимге, басқа цефалоспориндерге немесе бета-лактамды препараттардың кез келген басқа түріне ауыр жоғары сезімталдық реакцияларының бар-жоғын анықтау керек. Анамнезінде басқа бета-лактамдық препараттарға жеңіл жоғары сезімталдығы бар пациенттерге цефуроксимді тағайындағанда сақтық танытқан жөн. Терінің ауыр жағымсыз реакциялары (SCARS) Цефуроксиммен емдеуге байланысты,Стивенс-Джонсон синдромын (SJS), уытты эпидермалық некролизді (TEN) және өмірге қауіп төндіретін немесе өліммен аяқталуы мүмкін эозинофилиямен және жүйелік симптомдармен (DRESS) дәрілік реакцияларды қоса, терінің күрделі жағымсыз реакциялар туралы хабарланған. . Пациенттерге препаратты тағайындау кезінде белгілері мен симптомдары туралы хабардар ету және тері реакцияларын мұқият бақылау қажет. Егер осы реакцияларды көрсететін белгілер мен симптомдар пайда болса, цефуроксимді дереу тоқтатып, балама емді қарастыру керек. Егер пациентте цефуроксимді қолдану кезінде SJS, TEN немесе DRESS сияқты ауыр реакциялар дамыса, бұл пациентке цефуроксиммен емдеуді ешқашан қайта бастауға болмайды. Күшті әсер ететін диуретиктермен немесе аминогликозидтермен қатар емдеу Цефалоспориндік антибиотиктердің жоғары дозасын фуросемид немесе аминогликозидтер сияқты күшті диуретиктермен қатар ем қабылдап жүрген пациенттерге сақтықпен тағайындау керек. Осы біріктірілімдерді қолданғанда бүйрек жеткіліксіздігі жағдайлары хабарланған. Егде жастағы және бұрыннан бүйрек жеткіліксіздігі бар пациенттерде бүйрек функциясын бақылау керек. Сезімтал емес микроорганизмдердің шамадан тыс көбеюі Цефуроксимді қолдану Candida шамадан тыс өсуіне әкелуі мүмкін. Ұзақ қолдану сонымен қатар басқа сезімтал емес микроорганизмдердің (мысалы, энтерококктар және Clostridioides difficile) шамадан тыс өсуіне әкелуі мүмкін, бұл емдеуді тоқтатуды қажет етуі мүмкін. Цефуроксимді қолданғанда бактерияға қарсы препараттармен байланысты жалған жарғақшалы колит байқалды және оның ауырлығы жеңілден өмірге қауіп төндіретінге дейін өзгеруі мүмкін. Бұл диагнозды цефуроксимді ағымдағы немесе кейінгі тағайындау кезінде диареясы болған пациенттерде ескеру қажет. Цефуроксиммен емдеуді тоқтату және Clostridioides difficile үшін спецификалық емдеуді қарастыру керек. Перистальтиканы басатын дәрілік заттарды қолдануға болмайды. Көз камерасына енгізу және көру қабілетінің бұзылуы Роксим көз камерасына енгізуге арналмаған. Вена ішіне/бұлшықет ішіне енгізуге рұқсат етілген, құтылардан алынып жасалған бекітілмеген цефуроксим натрийін камера ішіне қолданудан кейін көз тарапынан ауыр жағымсыз реакциялардың жекелеген жағдайлары мен топтары туралы хабарланды. Бұл реакцияларға макулярлы ісіну, торқабықтың ісінуі, көздің тор қабығының ажырауы, тор қабығының уытты зақымдануы, көру қабілетінің нашарлауы, көру жітілігінің төмендеуі, бұлыңғыр көру, мүйізді қабықтың бұлыңғырлығы және мүйізді қабықтың ісінуі жатады. Құрсақішілік инфекциялар Өзінің әсер ету ауқымына орай, цефуроксим ферменттелмейтін грам-теріс бактериялардан туындаған инфекцияларды емдеуге жарамайды. Диагностикалық сынақтарға әсері Цефуроксимді қолданумен байланысты Кумбс сынағының оң нәтижесі кросс-сәйкестендіруге кедергі келтіруі мүмкін. Цефуроксимді қолданумен байланысты Кумбс сынамасының оң нәтижесі қан үйлесімдігіне жасалған айқаспалы сынамаға кедергі келтіруі мүмкін. Мысты қалпына келтіру әдістеріне (Бенедикт сынамасы, Фелинг реактиві, Клинитест) болымсыз әсерін байқауға болады. Алайда, бұл оның кейбір басқа цефалоспориндермен болуы мүмкін екені сияқты жалған оң нәтижелерге әкелмеуі тиіс. Феррицианидті тест жалған теріс нәтиже беруі мүмкін болғандықтан, натрий цефуроксимін қабылдап жүрген пациенттерде қандағы/плазмадағы глюкоза деңгейлерін анықтау үшін глюкозооксидаза немесе гексокиназа әдістерін пайдалану ұсынылады. Натрий туралы маңызды ақпарат: Бұл дәрілік зат құрамында құтысына 42 мг натрий бар, ол 2 г мөлшеріне тең ересек адам үшін ДДҰ ұсынған натрийдің ең жоғары тәуліктік дозасының 2,1%-на баламалы. Препараттың көлік құралын немесе қауіптілігі жоғары механизмдерді басқару қабілетіне әсер ету ерекшеліктері Цефуроксимнің автомобильді басқару және механизмдерді пайдалану қабілетіне зерттеу жүргізілген жоқ. Алайда, белгілі жағымсыз реакцияларға сүйене отырып, цефуроксимнің автомобильді басқару және механизмдермен жұмыс істеу қабілетіне әсер ету ықтималдығы аз.

Жүктілік Жүкті әйелдерде цефуроксимді қолдану туралы деректер шектеулі. Жануарларға жүргізілген зерттеулер ұрпақты болу жүйесіне уыттылық танытпады. Роксимді жүкті әйелдерге пайдасы қауіптен басым болған жағдайда ғана тағайындау керек. Цефуроксимнің плацента арқылы өтетіні және анасына бұлшықет ішіне немесе вена ішіне енгізгеннен кейін қағанақ су мен кіндік қанында емдік деңгейге жететіні көрсетілген. Лактация Цефуроксим аз мөлшерде емшек сүтіне бөлінеді. Терапиялық дозаларда жағымсыз реакциялар күтілмейді, дегенмен диарея және шырышты қабықтың зеңдік инфекциясы қаупін жоққа шығаруға болмайды. Бала үшін емшек емізудің пайдасын және әйел үшін емнің пайдасын ескере отырып, емшек емізуді тоқтату немесе цефуроксиммен емдеуді тоқтату/бас тарту туралы шешім қабылдау керек. Фертильділік Цефуроксимнің адамның фертильділігіне әсері туралы деректер жоқ. Жануарлардағы репродуктивті зерттеулер фертильділікке әсер ететінін көрсетпеді.

Цефуроксим ішек флорасына әсер етуі мүмкін, бұл эстрогеннің кері сіңірілуінің төмендеуіне және біріктірілген пероральді контрацептивтер тиімділігінің төмендеуіне әкеледі. Цефуроксим шумақтық сүзілу және өзекшелік секреция арқылы шығарылады. Пробенецидпен бір мезгілде қабылдау ұсынылмайды. Пробенецидті қатарлас қабылдау антибиотиктің шығарылуын ұзартады және сарысуда жоғары шектік деңгейдің жоғарылауын туындатады. Потенциалды нефроуытты препараттар және ілмектік диуретиктер Цефалоспориндердің жоғары дозаларымен емдеуді күшті әсер ететін диуретиктерді (мысалы, фуросемид) немесе потенциалды нефроуытты препараттарды (мысалы, аминогликозидті антибиотиктерді) қабылдайтын пациенттерге сақтықпен жүргізген жөн, өйткені осындай біріктірілімдердің салдарынан бүйрек функциясының бұзылуын жоққа шығаруға болмайды. Басқа өзара әрекеттесулер Қанда/плазмадағы глюкоза деңгейін анықтау. Пероральді антикоагулянттарды бір мезгілде қолдану халықаралық қалыптасқан қатынастың (ХНҚ) жоғарылауына әкелуі мүмкін.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!