Ромазик таблетки 5 мг

Бір таблетканың құрамында белсенді зат: кальций розувастатині 5.20 мг, 10.40 мг немесе 20.80 мг (5.00 мг, 10.00 мг немесе 20.00 мг розувастатинге баламалы), қосымша заттар: лактоза моногидраты (1 тип), лактоза моногидраты (2 тип), микрокристалды целлюлоза, натрий цитраты, кросповидон В типі, сусыз коллоидты кремнийдің қостотығы, магний стеараты; үлбірлі қабық - Опадри II ақ 33G28523: гипромеллоза 2910 (6 сР), лактоза моногидраты, макрогол 3350, триацетин, титанның қостотығы (Е171). Сыртқы түрінің, иісінің, дәмінің сипаттамасы Дөңгелек пішінді, беті екі дөңес, бір жағында «5» нақыштамасы бар ақ немесе ақ дерлік түсті үлбірлі қабықпен қапталған таблеткалар (5 мг доза үшін). Дөңгелек пішінді, беті екі дөңес, бір жағында «10» нақыштамасы бар ақ немесе ақ дерлік түсті үлбірлі қабықпен қапталған таблеткалар (10 мг доза үшін). Дөңгелек пішінді, беті екі дөңес, бір жағында «20» нақыштамасы бар ақ немесе ақ дерлік түсті үлбірлі қабықпен қапталған таблеткалар (20 мг доза үшін).

Гиперхолестеринемия емі • ересектерде, жасөспірімдер мен 6 және одан жоғары жастағы балаларда бастапқы гиперхолестеринемияда (IIa типі, отбасылық гетерозиготалы гиперхолестеринемияны қоса) немесе аралас дислипидемияда (IIb типі) диета және басқа дәрі-дәрмектік емес емдеу әдістері (мысалы, дене жаттығулары, дене салмағын азайту) жеткіліксіз болған кезде диетаға толықтыру ретінде • ересектерде, жасөспірімдер мен 6 және одан жоғары жастағы балаларда отбасылық гомозиготалы гиперхолестеринемия, диетаға және липид төмендететін басқа да емге (мысалы, ТТЛП-аферез) толықтыру ретінде немесе осындай ем пациентке сай келмеген жағдайларда Жүрек-қантамыр ауруларының профилактикасы • жүрек-қантамыр жағдайының туындау қаупі жоғары ересек пациенттерде жүрек-қантамыр асқынуларының профилактикасы басқа қауіп факторларын түзетуге/емдеуге қосымша ретінде.

Әсер ету механизмі Розувастатин 3-гидрокси-3-метилглутарилкоэнзим А-ны холестериннің ізашары – мевалонатқа айналдыратын фермент – ГМГ-КоА редуктазаның cелективті бәсекелес тежегіші болып табылады. Розувастатиннің негізгі әсер ету нысанасы - бауыр, мұнда холестерин (ХС) синтезі жүзеге асады. Розувастатин бауыр жасушаларының бетіндегі ТТЛП-рецепторлардың санын арттыра отырып, тығыздығы төмен липопротеиндердің (ТТЛП) қармауын және катаболизмін жақсартады, сондай-ақ ол ТТЛП синтезін тежейді, осылайша ТТЛП мен ТӨТЛП жалпы санын қысқартады. Фармакодинамикалық әсерлері Розутор 10 ТТЛП-холестериннің (ТТЛП-ХС), жалпы холестериннің, триглицеридтердің (ТГ) жоғары мөлшерін азайтады, тығыздығы жоғары липопротеиндер холестерині (ТЖЛП-ХС) мөлшерін ұлғайтады, сондай-ақ аполипопротеин В (АпоВ), ТЖЛП емес-ХС, ТӨТЛП-ХС, ТӨТЛП-ТГ мөлшерін төмендетеді және аполипопротеин А-І (АпоА-І) деңгейін арттырады, ТТЛП-ХС/ТЖЛП-ХС, жалпы ХС/ТЖЛП-ХС және ТЖЛП емес-ХС/ТЖЛП-ХС арақатынасын және АпoВ/АпoA-І арақатынасын төмендетеді. 3-кесте. Бастапқы гиперхолестеринемиясы бар пациенттерде дозаға тәуелділік (IIa және IIb түрі) (бастапқы деңгейден түзетілген орташа пайыздық өзгеріс) Доза — Саны — ТТЛП-ХС — Жалпы холестерин — ТЖЛП-ХС — Тригли-церид — ТЖЛП емес-ХС , — АпоB — АпоA-I Плацебо — 13 — –7 — –5 — 3 — –3 — –7 — –3 — 0 5 — 17 — –45 — –33 — 13 — –35 — –44 — –38 — 4 10 — 17 — –52 — –36 — 14 — –10 — –48 — –42 — 4 20 — 17 — –55 — –40 — 8 — –23 — –51 — –46 — 5 40 — 18 — –63 — –46 — 10 — –28 — –60 — –54 — 0 Емдік әсері розувастатинмен емдеу басталғаннан кейін бір апта ішінде білінеді, 2 апта емдегеннен кейін 90% ең жоғары әсер ету мүмкіндігіне жетеді. Ең жоғары емдік әсеріне әдетте 4-ші аптада жетеді және ұдайы қабылдау кезінде сақталып тұрады. Клиникалық тиімділігі мен қауіпсіздігі Розувастатин нәсіліне, жынысына немесе жасына байланыссыз гипертриглицеридемиямен немесе онсыз гиперхолестеринемиясы бар ересек пациенттерде және пациенттердің ерекше топтары үшін, мысалы, қант диабеті бар пациенттер немесе отбасылық гиперхолестеринемиясы бар пациенттерде тиімді. Зерттеудің III кезеңінің біріктірілген деректеріне сәйкес, розувастатин IIA және IIB типті гиперхолестеринемиямен ауыратын пациенттердің көпшілігін емдеуде тиімділігін көрсетті (орташа бастапқы ТТЛП-ХС шамамен 4,8 ммоль/л) олар Еуропадағы атеросклерозды зерттеу қоғамының (EAS; 1998) мақсатты нұсқаулары болып табылады. Препаратпен 10 мг дозада ем алған пациенттердің шамамен 80%-ы ТТЛП-ХС (< 3 ммоль/л) деңгейлері үшін EAS мақсатты көрсеткіштеріне қол жеткізді. 435 пациенттің қатысуымен өткен ірі зерттеуде гетерозиготалы отбасылық гиперхолестеринемиясы бар пациенттер күшейтілген титрлеу режимінде 20-дан 80 мг-ға дейінгі дозада розувастатин қабылдады. Барлық дозалар нысаналы көрсеткіштерге қол жеткізу үшін липид параметрлеріне және емдеуге оң әсерін көрсетті. Титрлеуден кейін 40 мг (емдеудің 12 аптасы) күнделікті дозаланғанға дейін ТТЛП-ХС деңгейі 53% төмендеді. Пациенттердің 33 %-ы ТТЛП-ХС (< 3 ммоль/л) деңгейі үшін EAS басшылығымен регламенттелетін көрсеткіштерге қол жеткізді. Күшейтілген титрлеу арқылы ашық зерттеу шеңберінде гомозиготалы отбасылық гиперхолестеринемиямен зардап шегетін 42 пациентте (бала жасындағы 8 пациентті қоса) 20-дан 40 мг-ға дейінгі дозадағы розувастатинге жауапты бағалау жүргізілді. Жалпы популяцияда ТТЛП-ХС деңгейінің орташа төмендеуі 22 % құрады. Пациенттердің саны шектеулі клиникалық зерттеулер барысында розувастатин фенофибратпен бірге пайдаланған кезде триглицеридтер деңгейі төмендегенде және ТЖЛП-ХС деңгейлері ниацинмен бірге жоғарылаған кезде қосымша тиімділіктің болуын көрсетті. Көп орталықты салыстырмалы жасырын плацебо-бақыланатын клиникалық зерттеуде (METEOR) жүректің ишемиялық ауруының даму қаупі төмен (10 жыл бойы < 10% Қауіпті бағалау Фрамингем шкаласы бойынша анықталады), ТТЛП-ХС орташа деңгейі 4,0 ммоль/л (154,5 мг/дл), бірақ субклиникалық атеросклерозға (интим-медиалды қабатының қалыңдығы бойынша анықталатын) шалдыққан, 45 жастан 70 жасқа дейінгі 984 пациент розувастатинді күніне бір рет 40 мг дейінгі дозада қолданатын топқа және 2 жыл бойы плацебо қабылдайтын топқа рандомизацияланған. Плацебомен салыстырғанда розувастатин ұйқы артериясының 12 аймағының интим-медиа кешенінің максималды қалыңдығының үдеу жылдамдығын жылына 0,0145 мм (СА 95% - 0,0196, – 0,0093; Р < 0,0001) айтарлықтай баяулатты. Бастапқы деңгеймен салыстырғанда өзгеріс плацебо тобында жылына 0,0014 мм (– 0,12 %/жыл, бұл айтарлықтай болып саналмайды) розувастатин тобында жылына + 0,0131 мм үдеумен салыстырғанда (1,12 %/жыл (p < 0,0001) құрады. Қазіргі уақытта интим-медиа кешені қалыңдығының азаюы мен жүрек-қантамыр ауруларының пайда болу қаупінің төмендеуі арасында тікелей корреляция анықталған жоқ. METEOR зерттеу аясында зерттелетін популяция жүректің ишемиялық ауруы қаупі төмен аймақта орналасқан және 40 мг дозада розувастатинмен емдеуге арналған нысаналы популяция болып табылмайды. 40 мг доза жүрек-қантамыр ауруларының қаупі жоғары, ауыр гиперхолестеринемиясы бар пациенттерге ғана тағайындалуы тиіс. Алғашқы алдын алу үшін статиндерді пайдалану негіздемесі ретінде розувастатинді бағалауды интервенциялық зерттеу (JUPITER) шеңберінде 17802 ер адамдар (≥50 жас) мен әйелдерде (≥60 жас) атеросклероз аясында жүрек-қантамыр ауруларының негізгі құбылыстарының туындауына розувастатиннің әсеріне бағалау жүргізілді. Зерттеуге қатысушылар кездейсоқ тәртіппен плацебо қабылдау тобына (n = 8901) және розувастатинді күніне бір рет 20 мг дозада (n = 8901) қолданатын топқа бөлінді және пациенттердің осы топтарын бақылау орта есеппен 2 жыл бойы жүргізілді. Плацебо қабылдау тобымен салыстырғанда розувастатинді қолданған топта ТТЛП холестеринінің концентрациясы 45% (p < 0,001) төмендеді. Қаупі жоғары және Фрэмингем бойынша қауіптің базалық көрсеткіші >20% (1558 субъект) бар пациенттердің тобының ретроспективті талдауында плацебомен салыстырғанда розувастатинмен емдеу кезінде жүрек-қантамыр ауруларынан, инсульттен және миокард инфарктісінен (р=0,028) болатын өлімнің біріктірілген соңғы нүктесіне қол жеткізудің едәуір төмендегені байқалды. 1000 пациентке шаққандағы жағдайлар жиілігіне қауіптің абсолюттік төмендеуі 8,8-ді құрады. Жалпы өлім жағдайы осы жоғары қауіп тобында өзгеріссіз қалды (p=0,193). Жоғары қаупі бар (барлығы 9302 пациент) және SCORE шкаласы бойынша (10 жыл ішінде өлімге әкеп соғатын жүрек-қантамыр ауруының қаупін бағалау үшін әзірленген шкала) ≥5% (65 жастан асқан субъектілерді қосу үшін кеңейтілген) пациенттер тобын ретроспективті талдауда плацебомен салыстырғанда розувастатинмен емдеу кезінде жүрек-қантамыр ауруларынан, инсульттан және миокард инфарктісінен (р=0,0003) болатын біріктірілген соңғы өлім нүктесінің едәуір төмендеуі байқалды. 1000 пациентке шаққандағы жағдайлар жиілігіне қауіптің абсолюттік төмендеуі 5,1-ді құрады. Жалпы өлім жағдайы осы жоғары қауіп тобында өзгеріссіз қалды (p=0,076). JUPITER зерттеуі шеңберінде розувастатин қабылдау тобынан субъектілердің 6,6%-ы және плацебо қабылдау тобынан субъектілердің 6,2%-ы жағымсыз реакциялардың дамуына байланысты емді тоқтатты. Емді тоқтатуға әкелген, анағұрлым көп таралған қолайсыз құбылыстар: миалгия (розувастатин тобында 0,3%, плацебо тобында 0,2%), іштің ауыруы (розувастатин тобында 0,03%, плацебо тобында 0,02%) және бөртпе (розувастатин тобында 0,02%, плацебо тобында 0,03%) болды. Плацебодан асатын немесе тең мөлшерде анағұрлым көп таралған қолайсыз құбылыстар: несеп шығару жолдарының инфекциялары (розувастатин тобында 8,7%, плацебо тобында 8,6%), ринофарингит (розувастатин тобында 7,6%, плацебо тобында 7,2%), арқаның ауыруы (розувастатин тобында 7,6%, плацебо тобында 6,9%) және миалгия (розувастатин тобында 7,6%, плацебо тобында 6,6%) болды. Балалар Салыстырмалы жасырын рандомизацияланған көп орталықты плацебо-бақыланатын 12 апталық зерттеуде (n=176, 97 ер жынысты және 79 әйел жынысты), кейіннен розувастатинді титрлеудің 40 апталық (n=173, 96 ер жынысты және 77 әйел жынысты) фазасымен, гетерозиготалы отбасылық гиперхолестеринемиясы бар 10-нан 17 жасқа дейінгі пациенттер (ІІ–V Таннер шкаласы, әйел жынысты, бірінші етеккір басталғаннан кейін кемінде 1 жыл) розувастатинді күнделікті 12 апта бойы 5, 10 немесе 20 мг дозаларында немесе плацебо алды, содан кейін барлығы розувастатинді күн сайын 40 апта бойы қабылдады. Зерттеуге енгізілген мезетте пациенттердің шамамен 30%-ы 10-дан 13 жасқа дейін және шамамен 17, 18, 40 және 25%-ы II, III, IV және V Таннер шкаласына сәйкес келді. Плацебо алу кезіндегі 0,7 %-бен салыстырғанда розувастатинді 5, 10 және 20 мг дозада қабылдаған кезде ТТЛП-ХС деңгейлері тиісінше 38,3, 44,6 және 50,0 % төмендеді. 40-апталық ашық титрлеу аяқталғаннан кейін күніне бір рет 20 мг ең жоғары дозаға қол жеткізу үшін 173 пациенттің 70-і (40,5 %) ТТЛП-ХС 2,8 ммоль/л-ден кем деңгейіне жетті. Зерттелетін препаратты 52 апта қабылдаған соң өсуге, салмаққа, дененің салмақ индексіне және жыныстық жетілуге ешқандай әсері анықталмады. Бұл зерттеу (n = 176) сирек жағымсыз реакцияларды салыстыру үшін сай болмады. Розувастатинді зерттеу 6 жастан 17 жасқа дейінгі (88 ер жынысты және 110 әйел жынысты пациент, Таннер бойынша кезең < II-V) гетерозиготалы отбасылық гиперхолестеринемиясы бар 198 баланың қатысуымен нысаналы көрсеткіштерді іріктеуге дейін 2 жылдық ашық титрлеуді зерттеу шеңберінде жүргізілді. Барлық пациенттер үшін розувастатиннің бастапқы дозасы 5 мг құрады. 6 жастан 9 жасқа дейінгі (n=64) пациенттер розувастатинді күніне бір рет 10 мг ең жоғары дозаға дейін және 10 жастан 17 жасқа дейінгі (n=134) пациенттер күніне бір рет 20 мг ең жоғары дозаға дейін ала алады. Розувастатинмен 24 айдан кейін ТТЛП-ХС концентрациясы төмендеуінің орташа пайыздық мәні (ең аз квадраттар әдісімен (ЕАКӘ) алынған) бастапқы мәнмен салыстырғанда 43% құрады (бастапқы деңгей: 236 мг/дл, 24-ші ай: 133 мг/дл). 6-дан 10 жасқа дейінгі, 10-нан 14 жасқа дейінгі және тиісінше 14-тен 18 жасқа дейінгі жас топтарында әрбір жас тобы үшін бастапқы мәнмен салыстырғанда ТТЛП-ХС-концентрациясы төмендеуінің орташа пайыздық мәні (ЕАКӘ кезінде алынған) 43% (бастапқы деңгей: 234 мг/дл, 24-ші ай: 124 мг/дл), – 45% (бастапқы деңгей: 234 мг/дл, 24-ші ай: 124 мг/дл) және – 35% (бастапқы деңгей: 241 мг/дл, 24-ші ай: 153 мг/дл) құрады. Розувастатин 5, 10 және 20 мг дозада келесі қайталама липидті және липопротеинді айнымалылар үшін бастапқы деңгейден статистикалық мәнді орташа өзгерістерге қол жеткізді: ТЖЛП-ХС, жалпы холестерин/ТЖЛП емес-ХС, ТТЛП-ХС/ТТЛП-ХС, жалпы холестерин/ТЖЛП-ХС, жалпы триглицерид/ТЖЛП-ХС, ТЖЛП емес-ХС/ТЖЛП-ХС, АпоВ, АпоB/Апо-I. Бұл өзгерістер липидтік реакцияларды жақсартуға бағытталған және 2 жыл бойы сақталған. Зерттелетін препаратты 24 ай бойы қабылдаған соң өсуге, салмаққа, дененің салмақ индексіне және жыныстық жетілуге әсері анықталмады. Рандомизацияланған, салыстырмалы жасырын, көп орталықты айқаспалы плацебо-бақыланатын зерттеу шеңберінде гомозиготалы отбасылық гиперхолестеринемиямен ауыратын, 14 балалар мен жасөспірімдердің (6 жастан 17 жасқа дейін) қатысуымен плацебомен салыстырғанда күніне бір рет 20 мг дозада розувастатинді сынау жүргізілді. Зерттеу 4-апталық диетаның белсенді кіріспе фазасын, оның барысында пациенттер розувастатинді 10 мг дозада алды, плацебо қабылдаудың алдындағы немесе кейінгі 6 апталық кезеңімен 20 мг дозада розувастатинмен емдеудің 6 апталық кезеңінен тұратын айқаспалы фазаны, барлық пациенттер розувастатинді 20 мг-дан алған 12 апталық демеуші кезеңін қамтыды. Эзетимибпен немесе аферезбен емдеу бойынша зерттеулерге енгізілген пациенттер зерттеу бойына розувастатинді зерттеуге қатысуын жалғастырды. Статистикалық мәнді (р=0,005) ТТЛП-ХС (22,3%, 85,4 мг/дл немесе 2,2 ммоль/л) деңгейінің төмендеуі плацебомен салыстырғанда 20 мг дозада розувастатинмен 6 апталық емдеуден кейін байқалды. Сондай-ақ, жалпы холестерин деңгейінің (20,1%, p=0,003), ТЖЛП емес-ХС (22,9%, p=0,003) және АпоВ (17,1%, p=0,024) статистикалық мәнді төмендеуі байқалды. Плацебомен салыстырғанда 20 мг розувастатин дозасымен 6 апталық емдеуден кейін тетраглицидтердің, ТТЛП-ХС/ТЖЛП-ХС, жалпы холестерин/ТЖЛП-ХС, ТЖЛП емес-ХС/ТЖЛП-ХС және АпоB/АпоA-I деңгейінің төмендеуі байқалды. 20 мг розувастатин дозасымен 6 апталық емдеуден кейін және плацебомен 6 апталық емдеуден кейін ТТЛП-ХС деңгейінің төмендеуі үздіксіз емнің 12 аптасына бойы сақталған. Бір пациентте дозаны арттырғаннан кейін 40 мг дозада 6 апталық емдеуден кейін ТТЛП-ХС (8,0 %), жалпы холестерин (6,7%) және ТЖЛП емес-ХС (7,4%) деңгейлерінің одан әрі төмендеуі байқалды. Кеңейтілген ашық емдеу барысында 20 мг розувастатинмен 90 аптаға дейін ем қабылдаған осы пациенттердің 9-да х-ТТЛП деңгейінің төмендеуі -12,1-ден -21,3% дейінгі ауқымда сақталған. Гомозиготалы отбасылық гиперхолестеринемиямен ауыратын, күшейтілген титрлеумен ашық зерттеудегі бағаланатын 7 балалар мен жасөспірімдерде (8 жастан 17 жасқа дейін) 20 мг розувастатинмен 6 апталық емдеуден кейін бастапқы деңгейден ТТЛП-ХС (21,0%), жалпы холестерин (19,2%) және ТЖЛП емес-ХС (21,0%) деңгейінің төмендеу пайызы гомозиготалы отбасылық гиперхолестеринемиясы бар балалар мен жасөспірімдерде жоғарыда аталған зерттеудегі бақыланатын деңгейге сәйкес келді. Еуропалық дәрілік заттар жөніндегі агенттік гомозиготалы отбасылық гиперхолестеринемияны, алғашқы аралас (біріккен) дислипидемияны емдеуде және жүрек-қантамыр ауруларының профилактикасы кезінде балалар жасындағы пациенттердің барлық топтарында розувастатинмен жүргізілген зерттеулер нәтижелерін ұсыну міндеттемесінен бас тартты.

Ромазик препаратымен емдеу басталғанша және ем кезінде пациент стандартты гиполипидемиялық диетаны ұстануы тиіс. Дозалау режимі Препарат дозасы ем мақсатына және емдеуге берілетін жауапқа қарай әркімге жекелей таңдалуы тиіс. Гиперхолестеринемияны емдеу Препарат қабылдай бастаған пациенттер үшін немесе ГМГ-КоА- редуктазаның басқа тежегіштерін қабылдаудан көшірілген пациенттер үшін ұсынылатын Ромазик препаратының бастапқы дозасы тәулігіне 1 рет 5 немесе 10 мг құрауы тиіс. Бастапқы дозаны таңдағанда холестерин мөлшерінің деңгейін басшылыққа және жүрек-қантамырлық асқынулардың болжамды қаупін назарға алып, сонымен қатар жағымсыз реакциялардың потенциалды даму қаупін бағалау қажет. Қажет болғанда, препаратты 4 апта қабылдағаннан кейін дозаны көбейтуге болады. Препараттың дозасын біртіндеп арттырыңыз. 40 мг дозаны қабылдау кезінде жағымсыз реакциялардың дамуы мүмкін екеніне орай, дозаны ең жоғары 40 мг дейін арттыру гиперхолестеринемиясы ауыр және жүрек-қантамырлық асқынулар қаупі жоғары (әсіресе, отбасылық гиперхолестеринемиясы бар пациенттерде), 20 мг доза қабылдағанда қалаулы емдік нәтижеге жетпеген пациенттерде ғана қарастыруға болады. Препаратты 40 мг дозада қабылдайтын пациенттерді бақылау ұсынылады. Жүрек-қантамыр ауруының даму қаупі жоғары ересек пациенттерде қосымша ем ретінде жүрек-қантамырлық асқынулардың профилактикасы Ұсынылатын доза - тәулігіне бір рет 20 мг. Препаратты бұрын қабылдамаған пациенттерге 40 мг дозаны тағайындау ұсынылмайды. 2-4 апталық емнен кейін және/немесе Ромазик препаратының дозасын арттырғанда липидтік алмасу көрсеткіштерін бақылау қажет (қажет болса, дозаны реттеу керек). Пациенттердің ерекше топтары Бала жасындағы пациенттер Балаларда тек дәрігердің бақылауымен ғана қолдануға болады. Балалар мен 6 жастан 17 жасқа дейінгі жасөспірімдер (Таннер шкаласы< II-V) Гетерозиготалы отбасылық гиперхолестеринемия Гетерозиготалы отбасылық гиперхолестеринемиясы бар балалар мен жасөспірімдер үшін стандартты бастапқы доза 5 мг құрайды. • гетерозиготалы отбасылық гиперхолестеринемиясы бар 6 жастан 9 жасқа дейінгі балаларда стандартты доза күніне бір рет ішке 5-10 мг құрайды. 10 мг-дан асатын дозалардың тиімділігі мен қауіпсіздігі осы пациенттер тобында зерттелмеген. • гетерозиготалы отбасылық гиперхолестеринемиясы бар 10 жастан 17 жасқа дейінгі балаларда стандартты доза күніне бір рет ішке 5-20 мг құрайды. 20 мг-дан асатын дозалардың тиімділігі мен қауіпсіздігі осы пциенттер тобында зерттелмеген. Титрлеуді балаларды емдеу жөніндегі ұсынымдарға сәйкес балалар жасындағы пациенттерде жеке жауап пен жағымдылығына сәйкес жүргізу керек. Балалар мен жасөспірімдер розувастатинмен емдеу басталғанға дейін және емдеу кезінде стандартты гипохолестеринемиялық диетаны ұстануы тиіс. Гомозиготалы отбасылық гиперхолестеринемия Гомозиготалы отбасылық гиперхолестеринемиясы бар 6 жастан 17 жасқа дейінгі балалар мен жасөспірімдер үшін ұсынылған ең жоғары дозасы күніне бір рет ішке 20 мг құрайды. Ұсынылған бастапқы доза жасына, дене салмағына және статиндердің алдыңғы қабылдануына байланысты күніне бір рет 5-тен 10 мг-ға дейін құрайды. Күніне бір рет 20 мг ең жоғары дозаға дейін титрлеуді балалар жасындағы пациенттерде жеке жауап пен жағымдылыққа сәйкес жүргізу керек. Балалар мен жасөспірімдер розувастатинмен емдеу басталғанға дейін және розувастатинмен емдеу кезінде стандартты гипохолестеринемиялық диетаны ұстануы тиіс. Белгілі бір популяцияда 20 мг-нан басқа розувастатиннің басқа дозаларын қолданудың шектеулі тәжірибесі бар. 6 жасқа дейінгі балалар 6 жасқа толмаған балаларда қауіпсіздік пен тиімділікке зерттеу жүргізілген жоқ, осыған байланысты Ромазик препараты 6 жасқа толмаған балаларда қабылдау үшін ұсынылмайды. Егде пациенттер Дозаны түзету қажет емес. 70 жастан асқан пациенттерге препараттың бастапқы дозасы 5 мг ұсынылады. Бүйрек жеткіліксіздігі бар пациенттер Ауырлық дәрежесі жеңіл немесе орташа бүйрек жеткіліксіздігі бар пациенттерге дозаны реттеу қажет емес, препараттың бастапқы ұсынылатын дозасы 5 мг. Ауырлығы орташа бүйрек жеткіліксіздігі бар пациенттерде (креатинин клиренсі 60 мл/мин кем) - препаратты 40 мг дозада қолдануға болмайды. Бүйрек жеткіліксіздігі айқын пациенттерге (креатинин клиренсі 30 мл/мин аз) Ромазик препаратын қолдануға болмайды. Бауыр жеткіліксіздігі бар пациенттер Чайлд-Пью шкаласы бойынша балы 7 және одан жоғары пациенттерде розувастатиннің жүйелі әсері байқалмады. Алайда Чайлд-Пью шкаласы бойынша балы 8 және 9 болатын пациенттерде жоғары жүйелі әсер ету байқалды. Пациенттердің бұл тобы үшін бүйрек функциясына бағалау жүргізілуі тиіс. Чайлд-Пью шкаласы бойынша балы 9-дан жоғары пациенттерде препаратты қолдану тәжірибесі жоқ. Ромазик препараты бауыр ауруы белсенді сатыдағы пациенттерге қолдануға болмайды. Ерекше популяциялар. Этникалық топтар Азиялық пациенттерде жүйелі әсердің жоғарылауы байқалды. Азиялық нәсілді пациенттер үшін ұсынылатын бастапқы доза 5 мг құрайды. Пациенттердің бұл тобына 40 мг дозаны қолдануға болмайды. Генетикалық полиморфизмдер SLCO1B1 (OATP1B1) c.521CC және ABCG2 c.421AA генотиптері бар пациенттер розувастатиннің (СКМ) SLCO1B1 c.521TTT және ABCG2 c.421CC салыстырғанда жоғарылауына байланысты. c.521CC немесе c.421AA генотиптері бар пациенттерге күніне 1 рет ең төменгі күнделікті дозада Ромазик препаратын қабылдау ұсынылады. Миопатияға бейім пациенттер Миопатияның дамуына бейімділік факторлары бар пациенттерге 40 мг дозада препаратты тағайындауға болмайды. Пациенттердің осы тобы үшін ұсынылатын бастапқы доза 5 мг құрайды. Қатарлас емдеу Розувастатин әртүрлі ақуыз тасымалдаушылардың (мысалы, OATP1B1 және BCRP) субстраты болып табылады. Миопатияның даму қаупі (рабдомиолизді қоса) Ромазик препаратын транспортер ақуыздарымен өзара әрекеттесуі салдарынан қан плазмасындағы розувастатиннің мөлшерін арттыруы мүмкін, дәрілік препараттармен (оның ішінде циклоспорин және протеаза тежегіштері, ритонавир мен атазанавир, лопинавир және/немесе типанавир біріктірілімдерін қоса) бірге қабылдаған кезде жоғарылайды. Мүмкіндігінше, баламалы препараттарды қолдануды немесе Ромазик препаратымен емдеуді уақытша тоқтату мүмкіндігін қарастыру керек. Осы дәрілік препараттарды Ромазик препаратымен бірге қабылдау сөзсіз болған жағдайда, осындай бірлескен емдеудің пайдасы мен қаупін және дозаларды түзетуді де мұқият бағалау қажет. Енгізу жолы және тәсілі Ішке. Таблетканы шайнамай және ұсақтамай, сумен ішіп, бүтіндей жұтады. Препаратты ас ішуге қарамастан қабылдауға болады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Препаратты қолдану туралы сұрақтар туындаған жағдайда емдеуші дәрігерге қаралыңыз.

• розувастатинге немесе препарат компоненттерінің кез келгеніне жоғары сезімталдық • белсенді фазадағы бауыр аурулары, трансаминазалардың сарысулық белсенділігінің тұрақты жоғарылауын және қан сарысуындағы трансаминазалар белсенділігінің кез келген жоғарылауын қоса (жоғарғы қалып шегімен салыстырғанда 3 еседен көп) • бүйрек функциясының айқын бұзылуы (креатинин клиренсі 30 мл/мин кем) • миопатия • софосбувир/велпатасвир/воксилапревирді бір мезгілде қабылдау • циклоспоринді бір мезгілде қабылдау • жүктілік, лактация кезеңі, контрацепцияның талапқа сай әдістерінің болмауы • тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы 40 мг доза үшін: мынадай миопатияның дамуына және рабдомиолизге бейімділік факторлары бар адамдарға қолдануға болмайды • ауырлығы орташа дәрежедегі бүйрек жеткіліксіздігі (креатинин клиренсі 60 мл/мин) • гипотиреоз • анамнездегі бұлшықет аурулары, туа біткен бұлшықет бұзылуларына жеке немесе генетикалық бейімділік • анамнезінде ГМГ-КоА-редуктазаның басқа тежегіштерін немесе фибраттарды қабылдау аясындағы миоуыттылық • розувастатиннің плазмалық концентрациясының жоғарылауына әкелуі мүмкін жағдайлар • фибраттарды бір мезгілде қабылдау • азиялық нәсілді пациенттер • алкогольді шамадан тыс тұтыну

Ромазик препаратын қабылдағанда жағымсыз құбылыстар жалпы жеңіл әрі уақытша сипатқа ие. Жиі • қант диабеті • бас ауыруы, бас айналуы • іш қату, жүрек айнуы, іш аумағының ауыруы • миалгия • астениялық синдром Жиі емес • қышыну, бөртпе, есекжем Сирек • тромбоцитопения • жоғары сезімталдық реакциялары, оған қоса ангионевроздық ісіну • панкреатит, бауыр трансаминазалары деңгейлерінің жоғарылауы • миопатия (миозитті қоса), рабдомиолиз, қызыл жегі тәрізді синдром, бұлшықеттің жыртылуы • өкпенің интерстициальді аурулары Өте сирек • полинейропатия • естен айрылу • сарғаю, гепатит • артралгия • гематурия • гинекомастия Жиілігі белгісіз • депрессия • шеткері полиневропатия • ұйқының бұзылуы (ұйқысыздық пен қорқынышты түстерді қоса) • миастения • көз миастениясы • жөтел, ентігу • диарея • Стивенс-Джонсон синдромы, эозинофилиямен және жүйелі симптомдармен жүретін дәрілік реакциялар • байламдық аппарат тарапынан бұзылулар, кейде жыртылуымен асқынған, иммунитетпен-байланысты некроздық миопатия • жыныстық дисфункция • ісіну. Ромазик қабылдаған пациенттерде протеинурия анықталуы мүмкін. Көптеген жағдайларда протеинурия емдеу процесінде азаяды немесе жоғалады және жедел немесе бұрыннан бар бүйрек ауруының өршуін білдірмейді. ГМГ-КоА-редуктазаның басқа тежегіштерін қолдану кезіндегідей, жағымсыз әсерлердің туындау жиілігі дозаға тәуелді сипатта болады. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ромазик қабылдаған пациенттерде жағымсыз реакциялардың айқын симптомдары болуы мүмкін. Емі: препаратпен артық дозалану жағдайында специификалық емдеу жүргізілмейді. Артық дозалануға күдік туындаған жағдайда симптоматикалық емдеу және демеу шараларын бастау керек. Бауыр функциясы мен КФК деңгейін бақылау қажет. Гемодиализдің тиімді болуы екіталай.

Препарат дәрігердің нұсқауымен қолданылады. Препаратты тағайындар алдында және препаратпен емдеу кезеңінде дәрігерге келесі жағдайларда хабарлау керек: • бүйрек функциясының бұзылуы • бауыр функциясының бұзылуы • қалқанша без функциясының бұзылуы • анамнезінде холестерин деңгейін төмендету үшін басқа дәрілік препараттарды қабылдағанда қайталанатын немесе түсініксіз бұлшықет ауруы • тұрақты бұлшықет босаңдығы • бұрын Ромазик препаратын немесе басқа да тектес дәрілік препараттарды қабылдағаннан кейін терінің бөртпесі, терінің қабыршақтануы, ауызда күлдіреуік және/немесе жаралар пайда болуы сияқты реакциялардың болуы • 70 жастан асқан • тыныс алудың бұзылуы (декомпенсацияланған тыныс алу жеткіліксіздігі) • азиялық нәсілді пациент • алкогольді шамадан тыс тұтыну • циклоспорин, эритромицин қабылдау • варфарин, клопидогрел немесе кез келген басқа антикоагулянтты қабылдау • фибраттар тобының дәрілік препараттарын (мысалы, гемфиброзил, фенофибрат) немесе қандағы холестеринді төмендету үшін қолданылатын кез келген басқа препаратты (мысалы, эзетимиб) қабылдау • АИТВ инфекциясын немесе С гепатитін емдеуге арналған дәрілік препараттарды (мысалы, ритонавир, лопинавир, атазанавир, софосбувир, воксилапревир, омбитасвир, паритапревир, дасабувир, велпатасвир, гразавир, элбасвир, глекапревир, пибрентасвир) жеке немесе біріктірілімде қабылдау • соңғы 7 күн ішінде фузид қышқылы препараттарын қабылдау • оральді контрацептивтерді қабылдау • регорафениб, даролутамид, капматиниб қабылдау • ағымдағы гормональді орын басу терапиясы • фостаматиниб, фебуксостат, терифлуномид қабылдау. Арнайы ескертулер Пациентте миастения немесе анамнезінде миастения (жалпы бұлшықет әлсіздігі бар аурулар, оған қоса кейбір жағдайларда тыныс алу бұлшықеті) жағдайлары немесе көз миастениясы (көз бұлшықетінің әлсіздігі) болса, статиндерді қабылдау кейде жағдайды нашарлатуы немесе миастенияның пайда болуына әкелуі мүмкін. Бүйрек функциясына әсері Тест-жолақтардың көмегімен анықталатын протеинурия көбінесе тубулярлы, Ромазик препаратының жоғары дозасын, атап айтқанда 40 мг дозада алған пациенттерде байқалды, алайда көп жағдайда ол уақытша немесе өтпелі сипатта болды. Протеинурия бүйректің жедел немесе үдемелі ауруларының болжамдық факторы болып табылмайды. Тіркеуден кейінгі кезеңде бүйректің ауыр аурулары жағдайларының коэффициенті 40 мг-ға тең дозада жоғары болады. Препаратты 40 мг дозада алатын пациенттерге бүйрек функциясының бағалауы жүргізілуі тиіс. Қаңқа бұлшықеттеріне әсері Егер сіз белсенділік кезеңінен кейін күшейетін қолдағы немесе аяқтағы әлсіздік, қосарланған көру немесе қабақтың түсуі, жұтынудың қиындауы немесе ентігу болса, дәрігерге қаралуыңыз керек. Қаңқа бұлшықетіне әсер ету, оның ішінде миалгия, миопатия (миозитті қоса) және сирек жағдайларда, барлық, әсіресе > 20 мг дозаларда Ромазик препаратымен ем қабылдаған пациенттерде жедел бүйрек жеткіліксіздігімен немесе онсыз рабдомиолиз туралы хабарланған. Эзетимибті ГМГ-КоА-редуктаза тежегіштерімен біріктіріп қабылдаған кезде рабдомиолиздің өте сирек жағдайлары туралы хабарламалар бар. Препараттардың осы топтарының фармакодинамикалық өзара әрекеттесуін жоққа шығаруға болмайды және оларды бірлесіп қолдану кезінде ерекше назар аудару керек. ГМГ-КоА-редуктазаның басқа да тежегіштеріндегідей, Ромазик препаратын қабылдау аясында рабдомиолиздің жағдай коэффициенті тіркеуден кейінгі кезеңде 40 мг-ға тең дозада жоғары болады. Креатининкиназаны анықтау (КК) КК қарқынды физикалық жүктемеден кейін немесе алынған нәтижелердің дұрыс түсіндірілмеуіне әкелуі мүмкін КК ұлғаюының басқа ықтимал себептері болған кезде өлшенбеуі керек. Егер КК бастапқы деңгейі 5-7 күннен кейін айтарлықтай жоғарылаған жағдайда (норманың жоғарғы шегіне қарағанда 5 есе жоғары) қайта өлшеу жүргізу керек. Егер қайталама тест КК бастапқы деңгейін растаса (норманың жоғарғы шегімен салыстырғанда 5 еседен жоғары) емді бастауға болмайды. Сақтықпен Ромазик препараты, ГМГ-КоА-редуктазаның басқа тежегіштері сияқты, миопатияға/рабдомиолизге бейімділігі бар пациенттерге сақтықпен тағайындалуы тиіс. Бүйрек функциясының бұзылуы, гипотиреоз, туа біткен бұлшықет бұзылыстарына жеке немесе генетикалық бейімділік, ГМГ-КоА-редуктазаның басқа тежегіштерін немесе фибраттарды пайдалану кезінде анамнезінде бұлшықет уыттылығының болуы, алкоголь тұтыну, > 70 жас, розувастатиннің плазмалық концентрациясының жоғарылауына алып келуі мүмкін жағдайлар, фибраттарды қатар қолдану секілді бұзылулар бейімділік факторлары болып табылады. Мұндай пациенттерге препаратпен емдеуді пайдасы мен қаупін бағалау негізінде қарастырған жөн, клиникалық мониторинг жүргізу ұсынылады. Егер КК мәндері бастапқы деңгейде норманың жоғарғы шегіне қарағанда 5 есе жоғары болса, емдеуді бастауға болмайды. Бұлшықеттің ауыруы, бұлшықеттің босаңдығы немесе түйілуі, әсіресе дімкәстік пен қызба ұштасқан, күтпеген жағдайлар туындаған кезде дәрігерге шұғыл қаралу қажеттілігі туралы пациентті хабардар еткен жөн. Мұндай пациенттерде КК деңгейіне мониторинг жүргізу керек. Егер КК деңгейі айтарлықтай ұлғайған болса (норманың жоғарғы шегімен салыстырғанда 5 еседен артық) немесе бұлшықет тарапынан симптомдар айқын білінсе және күнделікті жайсыздық туғызса (тіпті, егер КФК деңгейі норманың жоғарғы шегімен салыстырғанда 5 есе кем болса да) ем тоқтатылуы тиіс. Егер симптомдар жоғалса және КК деңгейі нормаға қайтарылса, Ромазик препаратын немесе ГМГ-КоА-редуктазаның басқа тежегіштерін аз мөлшерде қайта тағайындау және пациентті мұқият бақылау туралы мәселені қараған жөн. Симптомдар болмаған кезде КК деңгейін күнделікті бақылау орынды емес. Емдеу кезінде немесе статиндерді, оның ішінде розувастатинді қабылдауды тоқтатқаннан кейін қан сарысуындағы КК деңгейінің жоғарылауы және проксимальді бұлшықеттердің тұрақты босаңдығы түріндегі клиникалық көріністері бар иммунитетке байланысты некрозданған миопатияның өте сирек жағдайлары атап өтілді. Бұлшықет және жүйке жүйелеріне қосымша зерттеулерді, серологиялық зерттеулерді жүргізу, сондай-ақ иммунодепрессивті дәрілермен емдеу қажет болуы мүмкін. Ромазик препаратын және қатарлас емді қабылдаған кезде қаңқа бұлшықетіне әсердің ұлғаю белгілері байқалған жоқ. Алайда, гемфиброзилді, циклоспоринді, никотин қышқылын, азолды зеңге қарсы дәрілерді, протеаза тежегіштерін және макролидті антибиотиктерді қоса алғанда, фиброй қышқылының туындыларымен біріктірілімде ГМГ-КоА-редуктазаның басқа тежегіштерін қабылдаған пациенттерде миозит пен миопатия жағдайлары санының артуы хабарланған. Гемфиброзилді ГМГ-КоА-редуктазаның кейбір тежегіштерімен бірге тағайындағанда миопатияның пайда болу қаупін арттырады. Осылайша, Ромазик препаратын және гемфиброзилді бір мезгілде тағайындау ұсынылмайды. Ромазик препаратын фибраттармен немесе ниацинмен бірге қолданған кезде ықтимал пайда мен қауіптің арақатынасы мұқият өлшенуі тиіс. 40 мг дозадағы розувастатинді фибраттармен қатарлас қолдануға болмайды. Ромазик препаратын жүйелі әсер ететін фузид қышқылы препараттарымен бірге немесе осындай препараттармен емдеуді тоқтатқаннан кейін 7 күн ішінде қабылдауға болмайды. Жүйелі әсер ететін фузид қышқылы препараттарымен емдеу қажет деп танылған пациенттерге фузид қышқылымен емдеу кезінде статиндермен емдеу тоқтатыла тұруы тиіс. Фузид қышқылы мен статиндердің біріктірілімін қабылдаған пациенттерде рабдомиолиз жағдайлары (өліммен аяқталған бірнеше жағдайларды қоса) тіркелді. Бұлшықет босаңдығы, ауыру немесе ауыру сезімталдық белгілері пайда болған кезде пациенттерге дереу дәрігерге жүгіну ұсынылады. Статиндермен емдеуді фузид қышқылының соңғы дозасын қабылдағаннан кейін жеті күннен кейін қайта бастауға болады. Жүйелі әсер ететін фузид қышқылымен ұзақ уақыт емдеу қажет болған ерекше жағдайларда, мысалы, күрделі инфекцияларды емдеу үшін Ромазик препаратын және фузид қышқылын бірге қабылдау қажеттілігін әрбір жеке жағдайда және мұқият медициналық бақылаумен қарау керек. Ромазик препаратын миопатияны болжайтын немесе рабдомиолизге қатысты қайталама болып табылатын (мысалы, сепсис, гипотония, күрделі операция, жарақат, ауыр метаболизмдік, эндокриндік және электролиттік бұзылулар немесе бақыланбайтын құрысулар) бүйрек жеткіліксіздігінің дамуына бейім жедел күрделі ауруларға шалдыққан пациенттерге қабылдауға болмайды. Тері тарапынан ауыр жағымсыз реакциялар Розувастатинді қолдану кезінде ауыр дәрежедегі терінің жағымсыз реакциялары, оған қоса Стивенс-Джонсон синдромы (SJS) және эозинофилиямен және жүйелі симптомдармен (DRESS) дәрілік реакциялар тіркелді, олар өмірге қауіп төндіруі немесе өлімге әкелуі мүмкін. Ромазик препаратын тағайындау кезінде пациенттерге терінің ауыр жағымсыз реакцияларының белгілері мен симптомдары туралы хабарлау керек, содан кейін осы пациенттерді мұқият бақылау керек. Стивенс-Джонсон синдромы әдетте, көбіне орталығында күлдіреуік, терінің қабыршықтануы, ауызда, тамақта, мұрын тесігінде, гениталийде және көзде ойықжара пайда болумен бірге денеде қызылдау дөңгелек дақтардың көрініс табуымен сипатталады. Бұл күрделі тері бөртпелерінің алдында қызба және тұмауға ұқсас симптомдар болуы мүмкін. DRESS синдромы немесе препаратқа аса жоғары сезімталдық синдромы жалпы бөртпенің пайда болуымен, дене температурасының жоғарылауымен және лимфа түйіндерінің ісінуімен сипатталады. Егер осындай жағымсыз реакцияларды көрсететін белгілер мен симптомдар пайда болса, Ромазик препаратын дереу тоқтатып, альтернативті ем тағайындау керек. Егер пациент Стивенс-Джонсон синдромы немесе розувастатин қолданған кезде эозинофилиямен және жүйелі белгілермен дәрілік реакция сияқты күрделі жағымсыз реакцияны дамытса, Ромазик препаратымен берілген пациентте тұрақты негізде терапияны тоқтату керек. Бауырға әсері ГМГ-КоА-редуктазаның басқа тежегіштері жағдайындағыдай, алкогольдің шамадан тыс мөлшерін тұтынатын және/немесе анамнезінде бауыр ауруы бар пациенттер Ромазик препаратын сақтықпен қабылдауы тиіс. Емдеуді бастағанға дейін және ем басталғаннан кейін 3 айдан соң бауыр функциясының көрсеткіштерін анықтау ұсынылады. Егер қан сарысуындағы трансаминазалардың белсенділік деңгейі қалыптың жоғарғы шегінен 3 есе артық болса, Ромазик препаратын қабылдауды тоқтату немесе оның дозасын азайту керек. 40 мг дозаны қабылдағанда бауыр функциясының елеулі бұзылу (негізінен трансаминазалар деңгейінің жоғарылауын қоса) жағдайларын анықтау жиілігі. Гипотиреоз немесе нефроздық синдром салдарынан гиперхолестеринемиясы бар пациенттерде негізгі ауруларды емдеу Ромазик препаратымен емдеуді бастағанға дейін жүргізілуі тиіс. Этникалық топтар Розувастатиннің еуропалықтарға қарағанда моңғолоидтық нәсілге әсерінің артуы жоғары екендігі туралы деректер бар. Протеаза тежегіштері Розувастатиннің жоғары жүйелік әсері оны ритонавирмен біріктірілімде әртүрлі протеаза тежегіштерімен бір мезгілде алатын пациенттерде байқалады. Ромазик препаратын протеаза тежегіштерін қабылдайтын АИТВ бар пациенттерге тағайындағанда, басында және Ромазик препаратының дозасын титрлеу кезінде липидтер деңгейінің төмендеуінен пайдасын да, қан плазмасындағы розувастатин концентрациясының жоғарылау потенциалын де ескеру керек. Ромазик препаратының дозасын түзету орындалғанға дейін протеаза тежегіштерін қатар қабылдау ұсынылмайды. Өкпенің интерстициальді ауруы Статиндер қолданылғанда, әсіресе, ем ұзақ уақыт жүргізілгенде өкпенің интерстициальді ауруының бір реттік жағдайлары жөнінде хабарланған. Сипатталған белгілерге ентігу, құрғақ жөтел және жағдайдың жалпы нашарлауын (шаршаңдық, салмақ жоғалту және қызба) жатқызуға болады. Егер пациентте өкпенің интерстициальді ауруының дамуына күдіктер бар болса, статиндермен емдеуді тоқтату керек. 2 типті қант диабеті Кейбір деректер статиндер класс ретінде қандағы глюкоза деңгейін арттыратыны және кейбір пациенттерде диабеттің болашақта даму қаупін жоғарылататыны туралы растайды, диабетті емдеу бастамаған кезде гипергликемия пайда болуы мүмкін. Алайда, статиндермен емдеу кезінде тамырлық аурулар қаупінің төмендеуі глюкоза деңгейінің артуы қаупінен асып түседі, сондықтан статиндермен емдеуді тоқтатуға себеп болмайды. Аш қарынға қандағы глюкоза деңгейі 5,6-6,9 ммоль/л пациенттерде розувастатинмен емдеу қант диабетіне шалдығу қаупінің жоғарылауымен байланыстырылды. Педиатриялық практикада қолдану Розувастатинді қабылдайтын 6-17 жасар балалардағы сызықтық өсуді (бойы), дене салмағын, ДСИ (дене салмағының индексі) және Таннер шкаласы бойынша жыныстық жетілудің екінші реттік сипаттамаларын бағалау екі жылдық кезеңмен шектеледі. Препаратты екі жыл қабылдаған соң өсуге, салмаққа, ДСИ және жыныстық жетілуге әсері анықталмады.

Ромазик препаратын жүктілік кезінде және емшек емізу кезінде әйелдерге қолдануға болмайды. Қосымша заттар Препарат құрамында лактоза бар. Сирек тұқым қуалайтын галактоза жақпаушылығы аурулары, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттер бұл препаратты қабылдамауы тиіс. Препараттың құрамында үлбірлі қабықпен қапталған бір таблеткада 1 ммольден (23 мг) аз натрий бар, яғни оның «құрамында натрий жоқ» деп саналады. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлік басқарғанда немесе механизмдермен жұмыс істегенде емделу кезінде бас айналу болуы мүмкін екенін ескеру керек.

Біріктіріп қолданған кезде басқа дәрілік препараттардың әсеріне розувастатиннің әсері Ақуыз транспортерлерінің тежегіштері Розувастатин-OATP1B1 бауыр қармау транспортерін және BCRP эффлюкс транспортерін қоса, транспортерлерінің белгілі бір ақуыздары үшін субстрат болып табылады. Ромазик препаратын және транспортерлердің осы ақуыздардың тежегіштері болып табылатын дәрілік препараттарды бір мезгілде қабылдау қан плазмасындағы розувастатин концентрациясының жоғарылауына және миопатияның даму қаупінің артуына әкелуі мүмкін. Циклоспорин Бірге қолдану қан плазмасында розувастатин концентрациясының 7 есе ұлғаюына әкеледі және циклоспориннің плазмалық концентрациясына әсер етпейді. Ромазик препаратын циклоспорин қабылдайтын пациенттерге қолдануға болмайды. Протеаза тежегіштері Өзара әрекеттесудің нақты механизмінің белгісіз екеніне қарамастан, протеаза тежегіштерін бірге қабылдау розувастатин экспозициясының едәуір ұлғаюына әкелуі мүмкін. Ромазик препаратын және протеаза тежегіштерінің кейбір біріктірілімдерін бірге қабылдау розувастатин әсерінің күтілетін ұлғаюының негізінде Ромазик препаратын дозалауды мұқият таңдағаннан кейін ғана жүзеге асырылуы мүмкін. Гемфиброзил және басқа гиполипидемиялық препараттар Розувастатин мен гемфиброзилді бірге қолдану розувастатиннің Cmax және AUC екі есе өсуіне әкелді. Алынған деректер негізінде ешқандай клиникалық релевантты өзара әрекеттесу күтілмейді, алайда фармакодинамикалық өзара әрекеттесуі орын алуы мүмкін. Гемфиброзил, фенофибрат, басқа фибраттар және ниациннің (никотин қышқылы) гиполипидемиялық дозалары (> немесе күніне 1 г-ге тең) ГМГ-КоА-редуктаза тежегіштерімен бірге қабылдаған кезде миопатияның даму қаупін арттырады, себебі оларды жеке қабылдаған жағдайда, олар миопатияны тудыруы мүмкін. Розувастатиннің 40 мг дозасын фибраттармен бірге қолдануға болмайды. Розувастатиннің бастапқы дозасы осындай бірлескен қабылдау қажет болатын пациенттер үшін 5 мг құрауы тиіс. Эзетимиб 10 мг дозада розувастатина препаратын және 10 мг эзетимибті бірге қабылдау гиперхолестеринемиясы бар пациенттерде розувастатиннің AUC 1,2 есе ұлғаюына әкелді. Жағымсыз реакциялардың пайда болуы тұрғысынан розувастатин мен эзетинимибтің арасындағы фармакодинамикалық өзара әрекеттесуін жоққа шығаруға болмайды. Антацидтер Розувастатинді және құрамында алюминий мен магний гидроксиді бар антацидтер суспензияларын бір мезгілде қолдану розувастатиннің плазмалық концентрациясын шамамен 50% төмендетеді. Осы әсер, егер антацидтер розувастатин қабылдағаннан кейін 2 сағаттан соң қолданылса, әлсіз білінеді. Эритромицин Розувастатин мен эритромицинді бір мезгілде қолдану розувастатин AUC(0-t) 20% және розувастатин Сmax 30% азаюына әкеледі. Осындай өзара әрекеттесу эритромицин қабылдаудан болатын ішек моторикасының күшеюі нәтижесінде туындауы мүмкін. Тикагрелор Тикагрелорды қабылдау розувастатиннің бүйрекпен шығарылуына әсер етуі мүмкін және оның организмде жиналу қаупін арттырады. Нақты әсер ету механизмі белгісіз болғанымен, кейбір жағдайларда тикагрелор мен розувастатинді бірге қабылдау бүйрек функциясының төмендеуіне, КФК деңгейінің жоғарылауына және рабдомиолиздің дамуына әкелді. Р450 цитохром ферменттері Розувастатин Р450 цитохромы ферменттерінің тежегіші де, индукторы да болып табылмайды. Бұдан басқа, розувастатин осы ферменттер үшін әлсіз субстрат болып табылады. Осылайша, Р450 цитохромы метаболизмімен байланысты өзара әрекеттесу күтілмейді. Розувастатин, флуконазол (CYP2C9 және CYP3А4 тежегіші) және кетоконазол (CYP2А6, CYP3А4 тежегіші) арасында клиникалық елеулі өзара әрекеттесу болмаған. Розувастатин дозасын түзетуді талап ететін өзара әрекеттесуі Егер розувастатинді және оның әсерін күшейтетін басқа дәрілік препараттарды бірлесіп қабылдау қажет болса, Ромазик препаратының дозасын түзету қажет. Егер Ромазик препаратының шамамен екі есе немесе одан жоғары әсері күтілсе, оның бастапқы дозасы күніне бір рет 5 мг болуы керек. Ромазик препаратының күнделікті ең жоғары дозасы розувастатиннің күтілетін әсері өзара әрекеттесетін дәрілік препараттарсыз қабылданатын 40 мг дозаның әсерінен аспайтындай етіп, түзетілуі тиіс, мысалы, мысалы, гемфиброзилмен бірге Ромазик препаратының 20 мг дозасы (1,9 есе ұлғайған) және атазанавирмен/ритонавирмен біріктірілімде Ромазик препаратының 10 мг дозасы (3,1 есе артқан). Егер Ромазик препаратының AUC жоғарылауы 2 еседен аз байқалса, препараттың бастапқы дозасын азайтудың қажеті жоқ, бірақ розувастатиннің дозасын 20 мг жоғары арттырған кезде сақ болу керек. 1-кесте. Біріктіріп қолдану кезінде дәрілік препараттардың розувастатиннің (AUC; шаманың кему тәртібінде) әрекетіне әсері Өзара әрекеттесетін дәрілік препараттардың дозалау схемасы — Розувастатинді дозалау схемасы — Розувастатиннің AUC-тегі өзгерістер* Розувастатин AUC екі есе немесе одан артық ұлғаюы Софосбувир/велпатасвир/воксилапревир (400 мг/100 мг/100 мг) + воксилапревир (100 мг) 15 күн ішінде 1 к/р — 10 мг, бір реттік доза — 7,4 есе Циклоспорин 75 мг 2 к/р 200 мг 2 к/р дейін, 6 ай — 10 мг 1 к/р, 10 күн — 7,1 есе Даролутамид 600 мг 2 к/р, 5 күн — 5 мг, бір реттік доза — 5,2 есе Регорафениб 160 мг 1 к/р, 14 күн — 5 мг, бір реттік доза — 3,8 есе Атазанавир 300 мг/ритонавир 100 мг 1 к/р, 8 күн — 10 мг, бір реттік доза — 3,1 есе Велпатасвир 100 мг 1 к/р — 10 мг, бір реттік доза — 2,7 есе Омбитасвир 25 мг/паритапревир 150 мг/ритонавир 100 мг 1 к/р/дасабувир 400 мг 2 к/р, 14 күн — 5 мг, бір реттік доза — 2,6 есе Терифлуномид — Қол жетімсіз — 2,6 есе Гразопревир 200 мг/элбасвир 50 мг 1 к/р, 11 күн — 10 мг, бір реттік доза — 2,3 есе Глекапревир 400 мг/пибрентасвир 120 мг күніне бір рет, 7 күн — 5 мг, 1 к/р, 7 күн — 2,2 есе Лопинавир 400 мг/ритонавир 100 мг күніне екі рет, 17 күн — 20 мг 1 к/р, 7 күн — 2,1 есе Капматиниб, 400 мг 2 к/р — 10 мг, бір реттік доза — 2,1 есе Клопидогрелдің жүктеме дозасы 300 мг, содан кейін 24 сағаттан соң 75 мг — 20 мг, бір реттік доза — 2 есе Фостаматиниб, 100 мг 2 к/р — 20 мг, бір реттік доза — 2 есе Фебуксостат, 120 мг 1 к/р — 10 мг, бір реттік доза — 1,9 есе Гемфиброзил 600 мг 2 к/р, 7 күн — 80 мг, бір реттік доза — 1,9 есе Розувастатин AUC 2 еседен кем ұлғаюы Элтромбопаг 75 мг 1 к/р, 5 күн — 10 мг, бір реттік доза — 1,6 есе Дарунавир 600 мг /ритонавир 100 мг 2 к/р, 7 күн — 10 мг 1 к/р, 7 күн — 1,5 есе Типранавир 500 мг/ритонавир 200 мг 2 к/р, 11 күн — 10 мг, бір реттік доза — 1,4 есе Дронедарон 400 мг 1 к/р, 5 күн — Қол жетімсіз — 1,4 есе Итраконазол 200 мг, 1 к/р, 5 күн — 10 мг, бір реттік доза — 1,4 есе Эзетимиб 10 мг 1 к/р, 14 күн — 10 мг, 1 к/р, 14 күн — 1,2 есе Розувастатин AUC төмендеуі Эритромицин 500 мг 4 к/р, 7 күн — 80 мг, бір реттік доза — 20% Баикалин 50 мг 3 к/р, 14 күн — 20 мг, бір реттік доза — 47% * х есе өзгеріс түрінде ұсынылған деректер розувастатинді басқа препараттармен бірлесіп қабылдау және тек бір розувастатинді қабылдау арасындағы қарапайым арақатынасты білдіреді. % өзгеріс түрінде ұсынылған деректер тек бір розувастатинді қабылдауға қатысты пайыздық айырмашылықты білдіреді. Ұлғаю – «», азаю — «». ** Розувастатиннің әртүрлі дозаларында өзара әрекеттесудің бірнеше зерттеулері жүргізілді, кестеде анағұрлым маңызды арақатынастар берілген. AUC — фармакокинетикалық қисық астындағы аудан; 1 к/р — күніне бір рет; 2 к/р — күніне екі рет; 3 к/р — күніне үш рет; 4 к/р — күніне төрт рет. Келесі дәрілік препараттар/біріктірілімдер бір мезгілде қолданған кезде розувастатиннің AUC қатынасына клиникалық маңызды әсер етпеді: Алеглитазар 0,3 мг 7 күн ішінде; Фенофибрат 67 мг 3 к/р 7 күн ішінде; Флуконазол 200 мг 1 к/р; Фосампренавир 700 мг/ритонавир 100 мг 2 к/р 8 күн ішінде; кетоконазол 200 мг 2 к/р 7 күн ішінде; Рифампин 450 мг 1 к/р 7 күн ішінде; Силимарин 140 мг 3 к/р 5 күн ішінде. Розувастатиннің біріктіре қолданылатын дәрілік препараттарға әсері К дәруменінің антагонистері Сонымен қатар, ГМГ-КоА-редуктазаның басқа тежегіштерінің жағдайындағыдай, Ромазик препаратымен емдеуді бастау немесе бір мезгілде К дәруменінің антагонистерін (мысалы, варфарин немесе кумаринді қатардағы басқа антикоагулянт) алатын пациенттерде оның дозасын арттыру протромбиндік уақыттың халықаралық қалыпты қатынасының (ХҚҚ) ұлғаюына әкелуі мүмкін. Розувастатинді тоқтату немесе препарат дозасын төмендету ХҚҚ азаюына әкелуі мүмкін. Мұндай жағдайларда ХҚҚ мониторингін жүргізу ұсынылады. Пероральді контрацептивтер/орын басу гормоналды емі Розувастатин мен пероральді контрацептивтерді бір мезгілде қолдану этинилэстрадиол AUC және норгестрил AUC мәндерін, тиісінше, 26% және 34% арттырады. Плазмалық концентрацияның осылай ұлғаюы пероральді контрацептивтер дозасын таңдағанда ескерілуі тиіс. Мұндай біріктірілімді пациенттер жақсы қабылдағаны туралы деректер бар. Дигоксин Розувастатиннің дигоксинмен клиникалық мәнді өзара әрекеттесуі күтілмейді. Фузид қышқылы Розувастатин мен фузид қышқылының өзара әрекеттесуі туралы деректер жоқ. Рабдомиолизді қоса, миопатия қаупі статиндермен жүйелі әсер ететін фузид қышқылы препараттарын бір мезгілде қабылдағанда ұлғайтылуы мүмкін. Осы өзара әрекеттесудің механизмі (фармакодинамикалық немесе фармакокинетикалық немесе екеуі де) қазіргі сәтте белгісіз. Осы біріктірілімді қабылдаған пациенттерде рабдомиолиз туралы хабарламалар (өліммен аяқталған бірнеше жағдайларды қоса алғанда) тіркелді. Егер жүйелі әсер ететін фузид қышқылымен емдеу талап етілсе, фузид қышқылымен емдеу кезінде Ромазик препаратымен емдеу тоқтатылуы тиіс.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында жарықтан қорғау үшін 30°С-ден аспайтын температурада сақтау керек. Балалардың қолы жетпейтін жерде сақтау керек!