Ронколейкин® раствор 0,25 мг/мл (250000 МЕ)

Бір мл ерітіндінің құрамында белсенді зат - 0,25 мг, 0,5 мг немесе 1,0 мг адамның рекомбинантты интерлейкині-2. қосымша заттар – маннитол, натрий лаурилсульфаты, дитиотреитол, аммоний гидрокарбонаты, инъекцияға арналған су. Сыртқы түрінің, иісінің, дәмінің сипаттамасы Мөлдір түссіз немесе ашық сары түсті сұйықтық.

Ересектерде кешенді ем құрамында: • әдеттегі ауытқымалы иммундық тапшылық • біріктірілген иммундық тапшылық • жедел перитонит • жедел панкреатит • остеомиелит • эндометрит • ауыр пневмония • сепсис • босанғаннан кейінгі сепсис • өкпе туберкулезі • басқа жайылған және ауыр шоғырланған инфекциялар • инфекцияланған термиялық және химиялық күйіктер • бүйрек-жасушалық обырдың диссеминацияланған және жергілікті таралған түрлері 0 жастан бастап балалардағы кешенді емде: • әдеттегі ауытқымалы иммундық тапшылық • біріктірілген иммундық тапшылық • жедел перитонит • жедел панкреатит • остеомиелит • ауыр пневмония • жаңа туған нәрестелердегі бактериялық сепсис • сепсис • басқа жайылған және ауыр шоғырланған инфекциялар

ATХ коды L03AC Әсер ету механизмі Ронколейкин белсендірілген CD4+ және CD8+ жасушаларымен эндогендік интерлейкин-2 синтезін қалпына келтіреді және оның тапшылығын өтейді. Туа біткен және жүре пайда болған иммунитет механизмдерін реттеуді және өзара әрекеттесуді жүзеге асырады. Иммунитеттің жасушалық, сондай-ақ гуморальдық топтарына әсер ете отырып, антигенге тәуелді және тәуелсіз иммундық реакцияны жүзеге асыруды стимуляциялайды. Фармакодинамикалық әсерлері Ронколейкиннің (рИЛ-2) биологиялық әсерлері әртүрлі жасушалық нысаналарда көрінетін оның спецификалық рецепторлармен байланысуы арқылы жүзеге асады. рИЛ-2 Т- және В-лимфоциттердің, моноциттердің, макрофагтардың, олигодендроглиальді жасушалардың, Лангерганс жасушаларының өсуіне, дифференцациялануына және белсенділенуіне бағытты әсер етеді. Th1/Th2 теңгерімін реттейді. Иммунологиялық төзімділікті жояды, белсендірілген Т-жасушаларын мерзімінен бұрын қырылудан сақтайды. Оның бар болуына табиғи киллерлердің және цитоуытты Т-лимфоциттердің цитолитикалық белсенділігінің дамуы тәуелді. рИЛ-2 лимфокин-белсенділендірілген киллерлер түзілуін туындатады және ісікті инфильтрациялайтын жасушаларды белсендіреді. Эффекторлық жасушалардың лизирлейтін әсерінің ауқымы кеңеюі әртүрлі патогендік микроорганизмдердің, инфекция жұқтырған және малигнизацияланған жасушалардың элиминациясын шарттайды, бұл ісік жасушаларына, сондай-ақ вирустық қоздырғыштар, бактериялық және зеңдік инфекцияларға қарсы бағытталған иммундық қорғанысты қамтамасыз етеді. Жедел перитонит кезінде Жедел перитонит кезіндегі Ронколейкиннің иммунотропты әсері лимфоциттердің абсолютті және салыстырмалы санының жоғарылауымен, CD3+, CD4+, CD8+, CD16+, CD25+, HLA-DR+ субпопуляцияларының арақатынасының қалыпқа келуімен, IgА, IgM, IgG жоғарылауымен, лейкоциттердің уыттану индексінің төмендеуімен сипатталады. Ронколейкинді қолдану операциядан кейінгі асқынулар жиілігінің төмендеуіне, ауруханада болу ұзақтығының қысқаруына және өлім-жітімнің төмендеуіне әкеледі. Жедел панкреатит кезінде Жедел панкреатитті кешенді емдеу құрамында Ронколейкинді қолдану IgА, IgM, IgG, CD3+, CD4+, CD8+ лимфоциттерін қалыпқа келтіруге, иммунорегуляторлық индекстің, фагоцитарлық индекстің жоғарылауына ықпал етеді. Айналымдағы иммундық кешендер деңгейінің және иммунокомпетентті жасушалардың апоптоз пайызының төмендеуі байқалады. Ронколейкинді перипанкреатиттік инфильтрат сатысында қолдану іріңді асқынулардың, сепсистің даму жиілігінің және өлім-жітім деңгейінің төмендеуіне әкеледі. Жедел деструктивті панкреатиттің дамыған іріңді-сепсистік асқынулары кезінде Ронколейкинді қолдану сепсистік шок кезіндегіні қоса, өлім-жітімнің төмендеуіне әкеледі. Остеомиелит кезінде Остеомиелитпен ауыратын науқастарды кешенді емдеуге Ронколейкинді қосқанда CD3+, CD4+, CD8+лимфоциттердің популяциясы қалыпқа келеді, ИЛ-2-ге рецепторды тасымалдайтын жасушалар саны, Fas-рецепторы бар жасушалар саны артады. Ронколейкинмен жүргізілетін ем сынықтарды шоғырландыруға және сүйектердегі іріңді процесті жоюға, операциядан кейінгі жараны емдеу процестерін жеделдетуге және қайталануды азайтуға көмектеседі. Эндометрит және босанғаннан кейінгі сепсис кезінде Ронколейкинмен жүргізілетін цитокинотерапия HLA-DR+моноциттердің ұлғаюына, лимфоциттердің абсолютті санының артуына, Т-жасушаларының пролиферативті белсенділігінің күшюіне және лимфоциттер мен моноциттердің апоптоз деңгейінің төмендеуіне әкеледі. Ронколейкинді созылмалы эндометритті кешенді емдеу сызбасына қосу аурудың аутоиммунды компонентін жеңілдетуге ықпал етеді. Уыттану регрессі, қабыну белгілерінің жоғалуы байқалады. Реанимациялық науқастарда қатер шегіндегі жағдайдың клиникалық жай-күй белгілерінің регрессі байқалады. Ронколейкинді қолдану операциядан кейінгі асқынулар мен қайталанатын операциялардың ықтималдығын азайтады, антибиотиктерді қолдануды шектеуге және ауруханаға жатқызу ұзақтығын қысқартуға мүмкіндік береді. Созылмалы эндометритпен ауыратын науқастардың иммунотерапиясы эндометрийдің жақсаруына әкеледі. Ауыр пневмония кезінде Ронколейкинмен иммунотерапия жүргізу кезінде жетілген CD3+, CD4+, CD8+ Т-лимфоциттердің абсолютті саны артады, иммунорегуляторлық индекстің мәні қалыпқа келеді, гранулоциттердің фагоцитарлық белсенділігі артады, айналымдағы иммундық кешендердің төмендеуі байқалады. Ронколейкинді қолдану уыттану симптомдарының, аурудың объективті физикалық белгілерінің анағұрлым ерте басылуына, анағұрлым жылдам оң рентгенологиялық динамикаға, клиникалық-зертханалық ремиссияға қол жеткізу мерзімдерінің, қалдық көріністеулер жиілігінің төмендеуіне әкеледі; аурудың қайталану ықтималдығы мен созылмалы түрлерінің азаюына ықпал етеді; антибиотикотерапия мерзімдері мен ауруханаға жатқызу ұзақтығының қысқаруына ықпал етеді. Сепсис кезінде Ронколейкинмен жүргізілетін цитокинотерапия лимфоциттердің пролиферативті белсенділігін арттырады, лимфоциттердің субпопуляциялық құрамын қалыпқа келтіруге, эндогендік ИЛ-2 мөлшерінің жоғарылауына, Т-жасушаларының белсендіру апоптозының әлсіреуіне ықпал етеді. Хирургиялық, жарақаттан кейінгі, күйік, панкреатогендік, акушерлік-гинекологиялық емдеу кезінде 28 күндік өлім-жітім деңгейінің төмендеуі байқалды. Ауқымды күйік кезінде Ауқымды күйіктерде Ронколейкинмен жүргізілетін емдеу кезінде CD3+ жасушаларының абсолютті және салыстырмалы санының жоғарылауы, IgА, IgМ, IgG жоғарылауы, лейкоцитоздың төмендеуі, айналымдағы иммундық кешендер саны, қабынуға қарсы цитокиндер мен жедел фазалық ақуыздар деңгейінің төмендеуі байқалды. Ронколейкинді енгізу уыттану көріністеулерін азайтады, эпителизацияны және жаралардың жазылуын жеделдетеді, бактерияға қарсы ем мерзімдерін қысқартады және іріңді-қабыну асқынуларының дамуын болдырмайды, жараларды аутодермопластикаға дайындау уақытын қысқартуға, терең күйіктен зардап шеккендерді емдеу мерзімін қысқартуға, трансплантацияланған аутодермогрансплантаттардың лизисі және инфекцияның жайылуы түріндегі жергілікті асқынулардың жиілігін азайтуға мүмкіндік береді. Жаралардың бактериялық себілудің төмендеуі байқалады, қайталанатын операциялар саны азаяды. Біріктірілген жарақат кезінде Біріктірілген жарақат кезінде Ронколейкинді қолдану пациенттер жағдайының жалпы жақсаруы аясында жүйелік қабыну реакциясы синдромының клиникалық белгілерінің ауырлығының төмендеуі, Т-лимфоциттердің, оның ішінде белсендірілген Т-хелперлердің абсолютті және салыстырмалы санының артуы, Т-лимфоциттердің апоптоз деңгейінің төмендеуі, гуморальдық иммунитет көрсеткіштерінің жақсаруы байқалады. Бассүйек-ми жарақаты кезінде Ронколейкинді қолдану нейроиммундық өзара әрекеттесуді түзетуге мүмкіндік береді, бұл созылмалы неврологиялық патологияның даму қаупін азайтады. Шоғырланған ауыр инфекциялар кезінде Диабеттік табан синдромында Ронколейкинді диабеттік табан синдромын кешенді емдеуге қосу Т- және В-лимфоциттердің клондық пролиферациясын стимуляциялауға, бұл СD3+, CD4+, CD8+ лимфоциттерінің абсолютті және салыстырмалы санының артуына және олардың субпопуляцияларының арақатынасын қалыпқа келтіруге әкеледі; фагоцитарлық саны мен фагоцитарлық көрсеткіштің жоғарылауына ықпал етеді. Ронколейкинмен емдеу гликемия деңгейін төмендетуге және коморбидті патологияның ағымын жақсартуға көмектеседі. Аяқтың гангренасы кезінде Ронколейкинді қолдану кейбір науқастарда аяқ-қолдың тірек функциясын сақтауға мүмкіндік береді, операциядан кейінгі асқынулардың санын азайтады, оның ішінде жамбас деңгейіндегі ампутация кезінде және антибиотикотерапияның қайталанатын курстарының қажеттілігін азайтады. Тілме қабынуы кезінде Ронколейкинді тілме қабынуы кезінде қолданғанда лейкоциттердің жалпы саны, лимфоциттердің салыстырмалы және абсолютті құрамы, CD3+, CD4+ субпопуляциялары, CD16+ жасушаларының абсолютті саны, В- лимфоциттерінің салыстырмалы саны артады; IgG жоғарылауы, IgM төмендеуі байқалды. Ронколейкинмен жүргізілетін ем гемостаз көрсеткіштерінің жақсаруына ықпал етеді. Ронколейкинді қолдану уыттану, қабыну, ісіну және ауырсыну белгілерінің ерте жойылуына ықпал етеді; тілме қабынуының қайталану жиілігі төмендейді. Өкпе туберкулезі кезінде Спецификалық химиотерапия аясында Ронколейкинді пайдалану иммунитеттің жасушалық буынына иммунокорригациялық әсер етеді: лимфоциттердің потенциалды пролиферативті және функционалдық белсенділігі артады, CD4+лимфоциттер саны артады, интерлейкин-2 рецепторлары (CD25+) және CD95+апоптоз рецепторларының экспрессия деңгейі төмендейді. Өкпенің инфильтрациялық туберкулезімен ауыратын науқастардың көпшілігінде иммунологиялық көрсеткіштердің жақсаруы аясында емдеудің 6-шы айына дейін толық клиникалық әсерге қол жеткізіледі (абацилдену+ ыдырау қуыстарының жабылуы). Үдемелі фиброзды-кавернозды туберкулезбен ауыратын науқастарда өкпенің үдемелі фиброзды-кавернозды туберкулезін хирургиялық емдеу нәтижелеріне Ронколейкиннің оң әсері CD3+Т-лимфоциттердің салыстырмалы мөлшерінің жоғарылауына, CD95+ апоптоз рецепторларының деңгейінің төмендеуіне, лимфоциттердің функционалдық белсенділігінің жоғарылауына, интерлейкин-2 индукцияланған өнліру деңгейінің жоғарылауына, сондай-ақ IgA және IgM қалыпқа келуіне байланысты. Клиникалық жақсару бактериялардың бөлінуін тоқтатумен және оң клиникалық-рентгенологиялық динамикамен қатар жүреді. Ронколейкинмен жүргізілетін операция алдындағы ем операциядан кейінгі спецификалық плевра-өкпе асқынуларын азайтуға, өлім-жітімді азайтуға мүмкіндік береді. Диссеминацияланған және жергілікті-таралған бүйрек-жасуша обыры кезінде Ронколейкин ісік жасушаларына цитоуытты лимфоциттер жүйесі, табиғи киллер жасушалары және эндогендік интерферон синтезі арқылы жанама түрде, сондай-ақ және ісік жасушаларының пролиферациясы мен дифференциация процестеріне тікелей де араласа отырып, әсер етеді. Диссеминацияланған және жергілікті-таралған БЖО шалдыққан науқастарды емдеу сызбаларына Ронколейкинді енгізу пациенттердің өмір сүру сапасын жақсартуға және ұзақтығына, метастаздану мен қайталану жиілігін төмендетуге, операциядан кейінгі асқыну жиілігін қысқартуға ықпал етеді, химиотерапияға жақсы көтерімділікті қамтамасыз етеді. Вирустық (қайталанатын герпестік және аденовирустық инфекция) және бактериялық (созылмалы тонзиллит, созылмалы бронхит, пиодермия/қайталанатын фурункулёз) ауруларымен жиі және ұзақ мерзімді ауыратын пациенттерде, папилломавирустық инфекцияның (АПВ) әртүрлі клиникалық нұсқаларына шалдыққан пациенттерде біріктірілген иммунтапшылығы кезінде интерлейкин-2 тапшылығын жою талапқа сай иммундық жауапқа әкеледі және патогеннің элиминациясын анықтайды. Жиі және ұзақ ауыратын пациенттерде Ронколейкинмен жүргізілетін иммунотерапия Т-реттеуші жасушалардың салыстырмалы және абсолютті мөлшерін қалыпқа келтіруге ықпал етеді, Т-хелпер лимфоциттердің субпопуляцияларының тепе-теңдігін түзетуді қамтамасыз етеді. АПВ-инфекциясының ағымы әртүрлі науқастарда Ронколейкинмен жүргізілетін иммунотерапия жасушалық және гуморальдық иммунитеттің қалыпқа келуіне және байқалған иммунологиялық төзімділікті еңсеруге әкеледі. Жаңа туған нәрестелердегі бактериялық сепсис кезінде Жаңа туған нәрестелердегі бактериялық сепсис кезінде Ронколейкинді қолданғанда жетілген Т-лимфоциттердің, цитоуытты лимфоциттердің, табиғи киллер жасушалардың, Т-лимфоцит-хелперлердің абсолютті және салыстырмалы санының өсуі байқалады. Сонымен бірге абсолютті лимфопения, нейтрофилёз, сегментті ядролық гранулоциттердің салыстырмалы саны және интерлейкин-8 азаяды. Инфузиялық және бактерияға қарсы емнің ұзақтығы қысқарады, тұрақты энтеральді тамақтану мүмкіндігі ертерек жүзеге асырылады. ЖҚЕБ-да болу мерзімі қысқарады, 28 күндік өміршеңдік деңгейі жоғарылайды. Балалардағы ауыр пневмония Балалардағы ауыр пневмония кезінде Ронколейкинмен жүргізілетін ем Т- және В-лимфоциттердің белсенділігін арттыруға, лейкоцитозды, ЭШЖ, интерлейкин-6, С-реактивті ақуыз және сиал қышқылдарының төмендеуіне ықпал етеді. ӨЖЖ ұзақтығы, ЖҚЕБ-да және стационарда болу мерзімі қысқарады, өлім-жітім азаяды. Балалардағы басқа жайылған және шоғырланған ауыр инфекциялар кезінде Балалардағы энцефалиттер кезінде Аурудың жедел, жеделге жуық және созылмалы ағымы кезінде Ронколейкинді қолданғанда Т - және В-лимфоциттердің, соның ішінде Т-хелпер жасушалардың абсолютті саны артады, CD4+/CD8+ шамасы қалыпқа келеді, табиғи киллер жасушалардың саны артады, миелиннің негізгі ақуызына сенсибилизация көрсеткіші төмендейді. ОЖЖ саногенезі тезірек жүреді, церебро-спинальді сұйықтықтағы қабыну өзгерістерінің ұзақтығы азаяды. Ронколейкинмен жүргізілетін ем нейроглия пролиферациясы мен дифференциациясын стимуляциялауға және нейрондық жасушалардың қалпына келуіне ықпал етеді, орталық афферентті өткізудің сипатына әсер етеді, ОЖЖ өткізгіш жолдарының ремиелинизация дәрежесін арттырады. Балалардағы менингиттер кезінде Балалардағы менингиттер кезінде Ронколейкинмен жүргізілетін емнің әсері белгілі бір қабынуды басу, Т-лимфоциттер үлесінің жоғарылауы және Т-хелпер лимфоциттер арасындағы қалыпты тепе-теңдікті қалпына келтіру, қабынуға қарсы цитокиндер концентрациясының төмендеуі арқылы анықталады. Балалардағы серозды және іріңді менингит кезінде Ронколейкинді қолдану жалпы инфекциялық, жалпы ми және менингеальді симптомдарды азайтуға мүмкіндік береді, цереброспинальді сұйықтықтың тез қалпына келуіне ықпал етеді, реконвалесценция процесін жеделдетеді және аурудың нәтижелерін жақсартады. Балалардағы тыныс алу ағзаларының созылмалы қайталанатын зақымдануымен біріктірілген иммунтапшылығы кезінде Ронколейкинді қолдану CD3+лимфоциттер санын, CD4+/CD8+ арақатынасын қалыпқа келтіруге, фагоцитоз және гуморальдық иммунитет көрсеткіштерінің жақсаруына, интерлейкин-6, интерлейкин-8 және интерлейкин-10 төмендеуіне ықпал етеді. Ронколейкин курстарын өткізгеннен кейін жедел респираторлық аурулардың саны және инфекцияның созылмалы ошақтарының өршу саны азаяды.

Ронколейкин® тәулігіне 1 рет тері астына немесе вена ішіне 1-3 күн аралықпен 0,5 - 1,0 мг тамшылатып енгізіледі, курста - 1-3 енгізу. Вена ішіне енгізу үшін препаратты ампуладан алып инъекцияға арналған натрий хлоридінің 400 мл изотониялық ерітіндісіне қосады. Ерітіндінің барлық көлемі 4-6 сағат бойы инфузия арқылы тамшылатып енгізіледі. Препарат ерітіндісі мөлдір, түссіз және құрамында бөгде қосылыстарсыз болуы тиіс. Ронколейкин® иммундық терапиясы негізгі аурудың/жарақаттың, санацияның және инфекциялық ошақтың талапқа сай дренаждаудың өмірге қауіп төндіретін салдарын жоюға бағытталған шұғыл және жедел хирургиялық араласулар аяқталғаннан кейін жүргізіледі. Ауыр сепсисті емдеу кезінде Ронколейкиннің® бірден үш курсқа дейін жүргізіледі. Курс күніне 0,5 мг дозада 2 в/і инфузияны қамтиды. Ронколейкиннің® екінші және үшінші курстарын тағайындаудың критерийі емдеу кезінде сақталатын лимфопения (абсолютті және/немесе салыстырмалы) болып табылады. Өкпенің алғаш анықталған инфильтрациялық деструктивті туберкулезінде - спецификалық полихимиотерапия аясында 48 сағат аралықпен 0,5 мг дозадағы Ронколейкин® 3 в/і инфузиясы. Өкпенің үдемелі фиброзды-кавернозды туберкулезінде (ФКТ) операция алдындағы дайындық үшін спецификалық полихимиотерапия аясында: біржақты ФКТ – Ронколейкинді® 48 сағат аралықпен 1 мг-ден 3 в/і енгізу; екі жақты ошақтық диссеминациясымен өкпенің таралған ФКТ-де – Ронколейкин® 7 в/і енгізу: бірінші апта ішінде 1 мг-ден 48 сағат аралықпен 3 енгізу, әріқарай екі апта бойына аптасына екі рет 1 мг-ден. Иммунотерапияның ұсынылатын курсы операциялық араласым алдында 7-10 күн бұрын аяқталуы тиіс. Өкпе туберкулезіне Ронколейкин® тағайындау дене салмағының 30%-дан астам тапшылығында орынсыз. Бүйрек-жасушалы обырының кең таралған және жергілікті таралған түрлеріндегі Ронколейкинмен® емдеу курсы мыналарды қамтиды: - операциядан 24 сағат бұрын 0,5 мг дозада препаратты бір реттік т/а немесе в/і енгізу; - емнің алғашқы төрт аптасы ішінде күнара 8-апталық иммунохимиотерапия курсы құрамында в/і 2,0 мг-ден. Қайталанатын курстар 1-2 айдан кейін жүргізіледі. Балаларда Ронколейкин® вена ішіне тамшылатып қолданылады. Қолдану сызбалары ересектердегіге сәйкес келеді. Препаратты инъекцияға арналған натрий хлоридінің 0,9% изотониялық ерітіндісінде сұйылтады. Препараттың бір реттік дозасы және изотониялық ерітіндісінің көлемі балаларда жас шамасына байланысты: - 0-ден 1 айға дейін – 30-50 мл ерітіндіде 0,1 мг; - 1 айдан бастап 1 жасқа дейін – 100 мл ерітіндіде 0,125 мг; - 1 жастан 7 жасқа дейін – 200 мл ерітіндіде 0,25 мг; - 7 жастан асқан – 200 мл ерітіндіде 0,5 мг; - 14 жастан асқан – 400 мл ерітіндіде 0,5 мг.

Анамнездегі интерлейкин-2 немесе препараттың кез келген компонентіне жоғары сезімталдық, ашытқыларға аллергия, жүктілік, аутоиммундық аурулар, III сатыдағы жүрек жеткіліксіздігі, III сатыдағы өкпе-жүрек жеткіліксіздігі, мидың метастазалық зақымдануы, бүйрек-жасушалы обырдың терминалдық сатысы. Бүйректің созылмалы жеткіліксіздігінде, декомпенсацияланған бауыр жеткіліксіздігінде сақтықпен.

Жекелеген жағдайларда Ронколейкин® енгізу процесінде қысқа мерзімді қалтырау және дене температурасының жоғарылауы пайда болуы мүмкін, ол әдеттегі емдік дәрілермен басылады және препаратты енгізуді, сондай-ақ емдеу курсын тоқтатуға негіз болмайды. Препарат тері астына енгізілгенде инъекция салған жердің ауырсынуы, тығыздануы, қызаруы - жергілікті реакциялар анықталды. Бұл реакциялардың ауырлығы жеңіл дәрежеде сипатталады, әдетте, өздігінен басылады, қажет болса, симптоматикалық ем қолданылады. Жағымсыз реакциялар туралы хабарлама Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану көріністері қызба, жүрек ырғағының бұзылуы, гипотония, дерматологиялық аллергиялық реакциялар түрінде 7 мг-ден жоғары бір реттік Ронколейкин® дозасында байқалады. Аталған жағымсыз құбылыстар препарат енгізуді тоқтатудан кейін басылады, қажет болса, симптоматикалық ем жүргізіледі.

Ерітіндінің барлық көлемі 4-6 сағат бойы инфузия арқылы тамшылатып енгізіледі. Ронколейкин® қолдану жаңа туған нәрестелерді тамақтандырумен үйлесімді. Арнайы ескертулер Ронколейкин® иммундық терапиясы негізгі аурудың/жарақаттың, санацияның және инфекциялық ошақтың талапқа сай дренаждаудың өмірге қауіп төндіретін салдарын жоюға бағытталған шұғыл және жедел хирургиялық араласулар аяқталғаннан кейін жүргізіледі. 1 мл препараттың құрамында натрий лаурилсульфаты 1,0 мг/мл дозада 10 мг/мл; 0,5 мг/мл дозада 5 мг/мл; 0,25 мг/мл дозада 2,5 мг/мл). Сондықтан тұзсыз диетаны ұстанатын адамдарға тағайындау кезінде абай болу керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері. Препараттың көлік құралдарын басқару және күрделі жабдықты пайдалану қабілетіне әсері туралы арнайы зерттеулер жүргізілген жоқ. Көру мүшесі тарапынан жағымсыз реакциялар және/немесе зейін қою қабілетінің және реакция шапшаңдығының төмендеуі дамыған жағдайда пациенттерге атап көрсетілген жағымсыз реакциялар басылғанша көлік құралдарын басқарудан және механизмдермен жұмыс істеуден бас тарту ұсынылады.

Нұсқаулықта көрсетілмеген.

Ронколейкин® препаратымен емдеуді барабар бактерияға қарсы, дезинтоксикациялық және симптоматикалық емнің барлық басқа дәрілік заттармен біріктіруге болады. Ронколейкин® препаратын глюкокортикостероидтар препараттарымен ұзақ ем аясында қолданған кезде препараттың әсер ету белсенділігі төмендеуі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 2 °С-ден 8 °С-ге дейінгі температурада тоңазытқышта сақтау керек. 10 тәулік бойына 9°С-ден 25°С-ге дейінгі температурада тасымалдауға болады. Балалардың қолы жетпейтін жерде сақтау керек!