Роноцит раствор 500мг/4мл

Бір ампуланың ішінде белсенді зат - натрий цитиколині 522.52 мг және 1045.04 мг (500.00 мг және 1000.00 мг цитиколинге баламалы), қосымша заттар: 1 М хлорсутек қышқылы* немесе 1 М натрий гидроксиді ерітіндісі*, инъекцияға арналған су * - 1 М натрий гидроксиді ерітіндісі немесе 1 М хлорсутек қышқылы пайдаланылады. Сыртқы түрінің, иісінің, дәмінің сипаттамасы Мөлдір түссіз немесе қоңырлау сары түсті ерітінді.

• жедел және жеделге жуық фазалардағы цереброваскулярлық аурулармен байланысты неврологиялық және когнитивті бұзылыстарды емдеу • бассүйек жарақатымен байланысты неврологиялық және когнитивті бұзылыстарды емдеу

Цитиколин нейрондар жарғақшалардың құрылымдық фосфолипидтерінің биосинтезін стимуляциялайды, бұны магниттік-резонанстық спектроскопияны қолдану арқылы жүргізілген зерттеулер дәлелдейді. Осының арқасында цитиколин дұрыс нейротрансмиссияны қамтамасыз ететін ион алмасу сорғылары және жарғақшалық рецепторлар сияқты жарғақшалық механизмдердің жұмысын жақсартады. Жарғақшаға тұрақтандырушы әсер ететін цитиколин мидың ісінуін жоюға көмектеседі. Эксперименттік зерттеулер цитиколиннің кейбір фосфолипазалардың (A1, A2, C және D) белсенділенуін тежейтінін, бос радикалдардың түзілуін азайтатынын, осылайша жарғақшалық жүйелердің бұзылуын болдырмайтынын және глутатион сияқты антиоксидантты қорғаныс жүйелерін сақтайтынын көрсетті. Цитиколин нейронды энергетикалық резервті сақтайды, апоптозды тежейді және ацетилхолин синтезін стимуляциялайды. Сондай-ақ, цитиколиннің мидың ошақтық ишемиясының модельдерінде профилактикалық нейропротекторлық әсері бар екендігі экспериментальді түрде дәлелденді. Клиникалық зерттеулер цитиколиннің жедел цереброваскулярлық ишемиялық ұстамасы бар пациенттердің функционалдық жағдайын айтарлықтай жақсартатынын көрсетті, бұл нейробейнелеу сынағы кезінде мидың ишемиялық зақымдануының азырақ айқын өсуімен сәйкес келеді. Бассүйек-ми жарақаты бар пациенттерде цитиколин қалпына келуді тездетеді және комадан кейінгі синдромның ұзақтығы мен қарқындылығын азайтады. Цитиколин зейін мен сана деңгейін жақсартады, сонымен қатар амнезияға және ми ишемиясымен байланысты когнитивті және неврологиялық бұзылуларға пайдалы әсер етеді.

Дозалау режимі Ересектер Ұсынылатын доза жағдайдың ауырлығына байланысты тәулігіне 500 мг бастап 2000 мг дейін болады. Пациенттердің ерекше топтары Егде жастағы пациенттер Осы жас тобы үшін дозаны қандай да бір нақты түзету қажет емес. Балалар Балаларда қолдану тәжірибесі шектеулі. Сондықтан, егер күтілетін пайда кез келген ықтимал қаупінен асып түскенде ғана препаратты қолдану керек. Енгізу әдісі мен жолы Препаратты бұлшықет ішіне, вена ішіне баяу (дозаға байланысты 3-тен 5 минутқа дейін) немесе вена ішіне тамшылатып инфузия түрінде енгізуге болады. Вена ішіне тамшылатып инфузия түрінде енгізген кезде перфузия жылдамдығы минутына 40-тан 60 тамшыға дейін болуы тиіс. Ампуладағы бұлшықет ішіне және вена ішіне енгізуге арналған ерітінді бір рет қолдануға арналған. Ампула ашылғаннан кейін ерітіндіні дереу пайдалану керек. Пайдаланылмаған препарат лақтырып тасталуы тиіс. Препарат венаішілік изотониялық ерітінділердің барлық түрлерімен үйлесімді. Оны глюкозаның гипертониялық ерітіндісімен араластыруға болады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

• әсер етуші затқа (заттарға) немесе қосымша заттардың кез келгеніне аса жоғары сезімталдық • парасимпатикалық жүйке жүйесінің гипертониясы бар пациенттер

Өте сирек (жеке жағдайларды қоса) Психика тарапынан Өте сирек • елестеулер Жүйке жүйесі тарапынан Өте сирек • бас ауыруы, бас айналуы Қантамырлары тарапынан Өте сирек • артериялық гипертензия, артериялық гипотензия Тыныс алу жүйесі, кеуде және көкірек ортасы ағзалары тарапынан Өте сирек • демікпе Асқазан-ішек жолы тарапынан Өте сирек • жүрек айнуы, құсу, диарея Тері және тері асты тіндері тарапынан Өте сирек • қызару, есекжем, экзантема, пурпура Жалпы бұзылыстар және енгізу орнындағы бұзылулар Өте сирек • қалтырау, ісіну Жағымсыз дәрілік реакциялар туындаған кезде медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Препараттың уыттылығы төмен болғандықтан, тіпті емдік дозадан асып түскен жағдайда да уыттану жағдайлары күтілмейді. Кездейсоқ артық дозаланғанда симптоматикалық ем тағайындалады.

Арнайы ескертулер Вена ішіне баяу (дозаға байланысты 3-тен 5 минутқа дейін) енгізілуі тиіс. Вена ішіне тамшылатып инфузия түрінде енгізген кезде перфузия жылдамдығы минутына 40-тан 60 тамшыға дейін болуы тиіс. Персистирлеуші бас сүйек ішіне қан құйылу жағдайында вена ішіне өте баяу енгізе отырып (минутына 30 тамшы) күніне 1000 мг дозадан аспауы керек. Қосымша заттар Роноцит (цитиколин 500 мг) құрамында бір ампулада 1,023 ммоль натрий (23,54 мг) бар, бұл ересек адам үшін ДДҰ ұсынған тәуліктік ең жоғары дозадан 2,0 г натрийдің 1,177% - на тең. Роноцит (цитиколин 1000 мг) құрамында бір ампулада 2,047 ммоль натрий (47,09 мг) бар, бұл ересек адам үшін ДДҰ ұсынған тәуліктік ең жоғары дозадан 2,0 г натрийдің 2,35% - на тең. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлікті жүргізу және психомоторлық реакциялардың жоғары жылдамдығын талап ететін механизмдерді басқару қабілетіне әсер етпейді.

Жүктілік кезінде және лактация кезеңінде цитиколинді қолдану туралы жеткілікті деректер жоқ. Препаратты жүктілік кезінде және бала емізу кезеңінде тағайындауға болмайды, тек ана үшін күтілетін пайдасы ұрық үшін ықтимал қауіптен асып түсетін жағдайларды қоспағанда.

Цитиколин құрамында леводопа бар препараттардың әсерін күшейтеді. Препаратты құрамында центрофеноксин немесе меклофеноксат бар дәрілік заттармен бір мезгілде тағайындауға болмайды.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!