Ропивакаин-Санто раствор 10 мг/мл

1 мл препараттың құрамында белсенді зат - ропивакаин гидрохлориді моногидраты (100%-ға шаққанда ропивакаин гидрохлоридіне баламалы) 7.5 мг, 10.0 мг қосымша заттар: натрий хлориді, 0.1 М хлорсутек қышқылы, инъекцияға арналған су Сыртқы түрінің, иісінің, дәмінің сипаттамасы Мөлдір, түссіз ерітінді.

Ропивакаин-Санто 7,5 мг/мл ересектерге және 12 жастан асқан жасөспірімдерге келесіде қолданылады: Хирургиялық араласымдар кезінде анестезияда: • кесарь тілігін қоса, хирургиялық араласымдар кезіндегі эпидуральді анестезия • ірі жүйке өрімдерінің блокадасы • шеткері жүйкелердің блокадасы. Ропивакаин-Санто 10мг/млересектергежәне12жастанасқан жасөспірімдерге келесіде қолданылады: Хирургиялық араласымдар кезінде анестезияда: • хирургиялық араласымдар кезіндегі эпидуральді анестезия

Әсер ету механизмі Ропивакаин-Санто – таза энантиомер болып табылатын, ұзақ әсер ететін, амид типті алғашқы жергілікті анестетик. Анестезиялайтын, сонымен қатар ауыруды басатын да әсері бар. Препараттың жоғары дозалары хирургиялық араласымдар кезінде жергілікті анестезия үшін қолданылады, препараттың төмен дозалары ең аз және үдемелі емес моторлы блокпен аналгезияны (сенсорлы блок) қамтамасыз етеді. Ропивакаинның әсерінен туындаған блокаданың ұзақтығына және қарқындылығына адреналинді қосу ықпалын тигізбейді. Вольтаж-тәуелді натрий өзекшелерін қайтымды бөгей отырып, сезімтал жүйкелердің ұштарында импульстардың генерациясына және жүйке талшықтарымен импульстердің жүруіне кедергі жасайды. Ропивакаинды қолданудан кейін дені сау ерікті адамдар вена ішіне инфузиялар алды, орталық жүйке жүйесі тарапынан уыттылықтың едәуір аз әлеуетін көрсетті. ОЖЖ тарапынан симптомдар осы препараттарда ұқсас, алайда бупивакаинды қолданған кезде олар қан плазмасында өте төмен дозаларда және өте төмен концентрацияларда туындайды, сондай-ақ өте ұзаққа созылады.

Дозалау режимі Ересектер және 12 жастан асқан балалар Берілген кесте анағұрлым жиірек пайдаланылатын блокадаларды жүргізу үшін препаратты дозалау жөнінде бағдар беретін нұсқау болып табылады. Ауырсынуды басатын кезде препараттың төмен дозалары мен концентрациялары ұсынылады. Препараттың дозасын таңдаған кезде пациенттің физикалық статусын ескере отырып клиникалық тәжірибеге сүйену керек. 1-кесте. Ересектер және 12 жастан асқан балалар Препараттың концентрациясы (мг/мл) — Ерітіндінің көлемі (мл) — Дозасы (мг) — Әсерінің басталуы (мин) — Әсер ету ұзақтығы (сағ.) Хирургиялық араласымдар кезіндегі анестезия Бел деңгейіндегі эпидуральді анестезия Хирургиялық араласымдар — 7.5 — 15 - 25 — 113 - 188 — 10 - 20 — 3 - 5 10.0 — 15 - 20 — 150 - 200 — 10 - 20 — 4 - 6 Кесарь тілігі — 7.5 — 15 - 20 — 113 – 1501 — 10 - 20 — 3 - 5 Кеуде деңгейіндегі эпидуральді анестезия Операциядан кейінгі ауыруды сездірмейтін блокада — 7.5 — 5 – 15 (енгізілетін жерге байланысты) — 38 - 113 — 10 - 20 — қ/ж2 Ірі жүйке өрімдерінің блокадасы* Иық өрімдерінің блокадасы — 7.5 — 30 - 40 — 225 – 3003 — 10 - 25 — 6 – 10 Шағын және орташа жүйкелердің блокадасы және инфильтрациялық анестезия — 7.5 — 1 - 30 — 7.5 - 225 — 1 - 15 — 2 - 6 Кестеде көрсетілген дозалар блокаданы сәтті жүргізу үшін жеткілікті деп саналады және ересек пациенттерде қолдану үшін нұсқау ретінде қызмет етуі тиіс, өйткені блокада жүргізу кезінде және оны жалғастырғанда жекелей ауытқулар болады. «Доза» бағанындағы мәндер қажетті дозалардың күтілген орташа ауқымын көрсетеді. Блокада әдістемесіне ықпал ететін факторлар және пациенттердің жекелей ерекшеліктері туралы ақпарат алу үшін стандартты құралдарға жүгіну керек. - Адымдық дозалау пайдаланылуы тиіс, бастапқы доза 100 мг-ге жуық (97.55 мг=13 мл, 105 мг=14 мл) және 3-5 минут ішінде енгізіледі. Қосымша екі доза, жиынтығы қосымша 50 мг, қажет болған кезде енгізілуі мүмкін. - Қ/ж = қатысы жоқ - Өткізгіштік анестезия үшін дозалану қолданылатын орнына және пациенттің жағдайына сәйкес нақтылануы тиіс. Сатылық және бұғанаүсті иық өрімдерінің блокадасы, қолданылатын жергілікті анестезияға байланыссыз, жағымсыз реакциялардың пайда болуының жоғарырақ жиілігіне әкелуі мүмкін. Жалпы алғанда, хирургиялық араласымдарда анестезия үшін (мысалы, эпидуральді түрде енгізгенде) препараттың жоғарырақ дозалары және көбірек концентрацияланған ерітінділері қажет болады; ауыруды сездірмеу үшін (мысалы, жедел ауыру синдромын басу үшін эпидуральді түрде енгізу) препараттың төменірек дозаларын және концентрацияларын пайдалану ұсынылады. Препаратты қолдануға дейін және оны пайдалану кезінде аспирациялық сынама жүргізу ұсынылады. Енгізуді, жүректің соғу жиілігін мезгіл-мезгіл бақылап, пациентпен тұрақты сөйлесу арақатынасын сақтай отырып, баяу, минутына 25–50 мг жылдамдықпен немесе бөлшектеп жүзеге асыру қажет. Эпидуральді анестезия жасаған кезде лидокаинның (лигнокаин) 3–5 мл дозасын адреналинмен (эпинефрин) алдын ала енгізу керек. Кездейсоқ қантамыр ішіне енгізу жүректің жиырылу жиілігінің қысқа мерзімдік артуына, кездейсоқ интратекальді енгізу – жұлын блогына себеп болуы мүмкін. Ропивакаин-Санто енгізу кезінде (оны баяу немесе минутына 25-50 мг жылдамдықпен бірізді енгізілетін препарат дозасын арттыру жолымен жүргізу керек) пациенттің өмірлік маңызды функцияларын мұқият бақылау және олармен сөйлесу арақатынасын сақтау қажет. Уыттану симптомдары пайда болған кезде препарат енгізуді дереу тоқтату керек. Хирургиялық араласым жүргізу үшін эпидуральді блокада кезінде Ропивакаин-Санто препаратын 250 мг-ге дейінгі дозада бір реттік енгізудің әдетте пациенттерге жағымдылығы жақсы болады. Иықөрімдерініңблогындабірреттікдоза300мгқұрадыжәне жағымдылығы жақсы болған пациенттердің шектеулі санына қолданылды. Ұзақ инфузия немесе ауыртатын инъекцияны қайталап жүргізгенде қан плазмасында уытты концентрацияның туындау немесе жергілікті жүйкенің зақымдану қаупін ескерген жөн. Хирургиялық араласымдардағы анестезия кезінде және операциядан кейінгі ауыруды басуда Ропивакаин-Санто 675 мг дейінгі жиынтық дозалары 24 сағат ішінде енгізілді, олардың ересек пациенттерге жағымдылығы жақсы болды. Шектеулі мөлшерде Пациенттердің шектеулі санына препараттың жоғарырақ дозаларын (тәулігіне 800 мг-ге дейін) енгізу салыстырмалы түрде аздаған жағымсыз реакциялар санының пайда болуымен қатар жүрді. Ұзаққа созылатын инфузия немесе қайталанатын инъекция жолымен шеткері жүйкелерге ұзақ блокада жүргізгенде қан плазмасында препараттың уытты концентрацияға жету немесе жергілікті неврологиялық зақымдануға себеп болу қаупін ескерген жөн. Клиникалық зерттеулерде хирургиялық араласым алдында сан жүйкесінің блокадасына концентрациясы 7,5 мг / мл Ропивакаин-Санто 300 мг енгізу жолымен, ал сатыаралық блокадаға концентрациясы 7,5 мг / мл Ропивакаин-Санто 225 мг енгізу жолымен қол жеткізілді. Әрі қарай анальгезия ропивакаин препаратының 2 мг / мл дозасын енгізу арқылы сақталды. 48 сағат бойы сағатына 10-20 мг инфузия жылдамдығы немесе мезгіл-мезгіл инъекция жеткілікті анальгезияны қамтамасыз етті және жағымдылығы жақсы болды. Кесарь тілігінде концентрациясы 7,5 мг / мл-ден көбірек Ропивакаин-Санто эпидуральді түрде қолдану немесе спинальді қолдану құжатталған жоқ. Енгізу әдісі және жолы Енгізу тәсілі: эпидуральді, периневральді және инфильтрациялық. Ропивакаин-Санто аумақтық анестезия жүргізуде жеткілікті тәжірибесі бар мамандар ғана пайдалануы тиіс. Кездейсоқ қантамырішілік инъекцияға жол бермеу үшін үлкен сақтық таныту маңызды. Жалпы дозаның инъекциясына дейін және инъекция кезінде аспирациялық сынаманы мұқият жүргізу ұсынылады. Препаратты енгізу кезінде пациенттің өмірлік маңызды функцияларын мұқият бақылау керек. Уытты әсерлерінің белгілері туындаған жағдайда препаратты енгізуді дереу тоқтату керек. 4 жастан асқан балаларда 3 мг/мл ропивакаин концентрациясында 3 мг / кг дейінгі дозалар зерттелді. Алайда бұл концентрация моторлық блоктың жоғарырақ жиілігімен байланысты. Есептік дозаларды қолдану кезінде препаратты енгізу жолына қарамастан, жалпы дозаны фракциялау ұсынылады. Тоқтату симптомдары қаупінің болуына нұсқау Қатысты емес. Дәрілік препаратты қолдану тәсілін түсіну үшін медицина қызметкерінен кеңес алуға жүгіну жөнінде нұсқаулар Дәрілік препаратты қолданар алдында дәрігерге кеңес алу үшін жүгініңіз.

• әсер етуші зат ропивакаинге немесе қосымша заттардың кез келгеніне, сондай-ақ амид типті басқа жергілікті анестетиктерге аса жоғары сезімталдық • пайдаланылатын жергілікті анестезиялайтын дәрілік заттарға байланыссыз, эпидуральді немесе аумақтық анестезиямен байланысты қарсы көрсетілімдер • вена ішіне аумақтық анестезия • босандыруға көмектесетін парацервикальді анестезия • гиповолемиясы бар пациенттерде эпидуральді және интратекальді анестезия

Ропивакаин-Санто препаратының жағымсыз реакцияларының бейіні ұзақ әсер ететін амид типті жергілікті басқа анестетиктердің жағымсыз реакцияларының бейініне ұқсас. Дәрілік заттарды қолданудан туындаған жағымсыз реакцияларды жүйкелердің блокадасынан және симпатикалық блокададан туындаған физиологиялық әсерлерден, сондай-ақ тікелей инемен пункция кезінде туындаған құбылыстардан (мысалы, спинальді гематома, бас ауыру дуральді кеңістік пункциясынан кейін пайда болды, менингит және эпидуральді абсцесс) айыру қиын. Препаратты периневральді және эпидуральді енгізу кезіндегі жағымсыз реакциялар. Өте жиі • артериялық гипотензияа • жүрек айнуы Жиі • парестезиялар • бас айналуы • бас ауыруы • брадикардия • тахикардия • артериялық гипертензия • құсуb • арқаның ауыруы • несептің іркілуі • температураның жоғарылауы • қалтырау Жиі емес • үрейлену • ОЖЖ-ге уытты әсер ету симптомдары (құрысулар, үлкен эпилепсиялық ұстама, құлау, жеңіл бас айналу, ауыз айналасының парестезиялары, тілдің ұюы, гиперакузия, құлақтың шыңылдауы, көрудің бұзылуы, дизартрия, бұлшықеттердің құрысып қимылдауы, тремор) *, гипестезия • ентігу • гипотермия Сирек • аллергиялықреакциялар(анафилаксиялықреакциялар, анафилаксиялық шок, ангионевроздық ісіну және есекжем) • жүректің тоқтап қалуы • аритмиялар Белгісіз • дискинезия • Горнер синдромы • естен тану а Артериялық гипотензия азырақ таралған болып табылады және балаларда кездеседі (> 1/100). b Құсу балаларда өте жиі таралған (> 1/10). * Бұл симптомдар әдетте препаратты байқаусызда қантамыр ішіне енгізу, артық дозалану немесе тез сіңірілу нәтижесінде туындайды Препаратқа жағымсыз реакциялар класс бойынша топтастырылған: Неврологиялық асқынулар Нейропатия және жұлынның дисфункциясы (мысалы, алдыңғы жұлын артерияларының синдромы, арахноидит, атқұйрық синдромы), олар қайтымсыз зардаптардың дамуына сирек әкелуі мүмкін, қолданылатын жергілікті анестетиктердің типіне қарамастан, жұлын және эпидуральді анестезиямен байланысты болды. Тұтас жұлын блокадасы Тұтас жұлын блокада эпидуральді дозаны байқамай интратекальді енгізген жағдайда дамуы мүмкін. Орталық жүйке жүйесіне уытты әсері Орталық жүйке жүйесіне уытты әсері ауырлық дәрежесінің өсуімен қоса жүретін симптомдары және белгілері бар сатылық реакция болып табылады. Басында жеңіл бас ауыруы, ауыз маңының парестезиясы, тілдің ұюы, гиперакузия, құлақтың шыңылдауы және көрудің бұзылулары сияқты симптомдар байқалады. Дизартрия, бұлшықеттердің сіресуі және бұлшықеттердің құрысып қимылдауы өте күрделі симптомдар болып табылады және жайылған құрысулардың басы болуы мүмкін. Бұл белгілерді невроздық мінез-құлық ретінде қате қабылдамау керек. Осыдан кейін сананың жоғалуы және үлкен эпилепсиялық ұстама байқалуы мүмкін, ол бірнеше секундтан бірнеше минутқа дейін созылуы мүмкін. Құрысулар кезінде оттегінің жеткіліксіздігі және бұлшықет белсенділігінің жоғарылауынан гиперкапния және өкпеде газ алмасу жеткіліксіздігі тез дамиды. Ауыр жағдайларда тіпті тыныс алудың тоқтауы дамуы мүмкін. Ацидоздың, гиперкалиемияның, гипокальциемияның және оттегі тапшылығының дамуы артады және жергілікті анестетиктердің уытты әсері созылады. Сауығу жергілікті анестетиктің метаболизміне және оның орталық жүйке жүйесінен тыс жерге таралуына байланысты. Дәрілік зат өте үлкен мөлшерде енгізілген жағдайларды қоспағанда, бұл тез жүреді. Жүрек-қантамыр жүйесіне уытты әсер етуі Жүрек-қантамыр жүйесіне уытты әсер етуі әдетте күрделірек жағдайдың дамуына себеп болып табылады. Жергілікті анестетиктердің жоғары жүйелі концентрацияларының әсері нәтижесінде артериялық гипотензия, брадикардия, аритмия және тіпті жүректің тоқтап қалуы болуы мүмкін. Еріктілерде ропивакаинның инфузиясының нәтижесінде өткізгіштік пен жиырылудың бәсеңдеу белгілері дамыды. Препараттың орталық жүйке жүйесіне уытты әсерінің даму белгілері, әдетте, препараттың жүрек-қантамыр жүйесіне ықпал етуінің ізашары болып табылады. ОЖЖ тарапынан продромальді симптомдар препаратты жалпы анестезия үшін қабылдап жүрген немесе бензодиазепиндер немесе барбитураттар сияқты күшті седативтік дәрілік заттардың әсерімен жүрген пациенттерде туындамауы мүмкін. Балалар Балалардағы жағымсыз реакциялардың жиілігі, типі және ауырлық дәрежесі, күтілгендей, артериялық гипотензия құбылыстарын қоспағанда, ересектердегідей болады, балаларда сирек (<1/10) кездеседі, ал құсу құбылыстары балаларда жиі (> 1/10) кездеседі. Жергілікті анестетиктердің организмге уытты әсер етуінің белгілерін балаларда анықтау әдетте қиын, өйткені олар бұл белгілерді сипаттап бере алмайды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық жәнефармацевтикалықбақылаукомитеті«Дәрілікзаттармен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Жергілікті анестетиктерді қантамыр ішіне байқамай инъекциялау шұғыл (бірнеше секундтан бірнеше минутқа дейін) жүйелік уытты реакцияларды туындатуы мүмкін. Артық дозалану жағдайында жүйелік уыттылық қанда жергілікті анестетик концентрациясының баяу артуы арқылы кешірек (инъекциядан кейін 1-2 сағаттан соң) көрініс береді. Емі Жедел жүйелі уыттылық белгілері туындаған кезде жергілікті анестетиктерді қолдануды дереу тоқтату керек, ал емдеу оксигенацияны және қан айналымын демеу мақсатында ОЖЖ тарапынан симптомдарды (құрысулар және ОЖЖ бәсеңдеуін) тез тоқтатуға бағытталуы тиіс. Оттегінің жеткізілуін әрдайым қамтамасыз ету және қажет болған жағдайда, өкпеге жасанды желдету жүргізу және құрысуларға қарсы препараттарды енгізу керек. Қан айналымы тоқтап қалған жағдайда жүрек-өкпе реанимациясын жүргізу шараларын дереу бастау керек. Тиісті деңгейде оксигенацияны, өкпені желдетуді және қан айналымын демеу, сондай-ақ ацидозды емдеу өмірлік маңызды мәнге ие. Жүрек функциясы бәсеңдеген кезде (артериялық қысымның түсіп кетуі/ брадикардиялар) сұйықтық, вазопрессорлық дәрілер және/немесе инотропты дәрілер енгізілетін тиісті ем тағайындау туралы мәселені қарастыру керек. Балаларда уыттылық симптомдарын емдегенде олардың жасына және дене салмағына сәйкес келетін дозаларды қолданған жөн. Жүрек тоқтап қалған жағдайда сәтті нәтижеге қол жеткізу үшін ұзақ реанимациялық шаралар қажет болуы мүмкін. Дәрілік препараттың бір немесе бірнеше дозаларын өткізіп алғанда қажет болатын шаралар Ұмытылған дозаның орнын толтыру үшін екі есе дозаны қабылдамаңыз.

Анестезияны арнайы жабдықталған бөлмелерде тәжірибелі мамандар жүргізуі тиіс. Реанимациялық шараларды жүргізу үшін құрал- жабдықтардың және дәрілік препараттардың болуы міндетті түрде. Өткізгіш блокадалар жүргізуді бастағанға дейін пациентке венаішілік катетер енгізілуі тиіс. Маман қантамырішілік енгізуге жол бермеу үшін сақтық шараларымен таныс болуы және оның ықтимал жағымсыз реакцияларды, жүйелі уыттануды және апноэмен және гипотензиямен бірге жұлынның күшті блокадасын туындатуы мүмкін қайтымсыз субарахноидальді енгізу сияқты басқа асқынуларды диагностикалауға және емдеуге қатысты тиісті тәжірибесі болуы тиіс. Құрысулар иық өрімдерінің блокадасынан және эпидуральді блокададан кейін жиі туындайды. Бәрінен де, бұл кездейсоқ қантамыр ішіне енгізудің немесе енгізген жерде тез сіңуінің нәтижесі болуы мүмкін. Қабыну аймағына инъекцияны болдырмау мақсатында сақ болу керек. Жүрек-қантамыр жүйесі Эпидуральді анестезия артериялық қысымның (АҚ) және брадикардияның төмендеуіне әкелуі мүмкін. Қантамырларды тарылтатын препараттарды енгізу және айналымдағы қан көлемін ұлғайту осы сияқты жағымсыз реакциялардың даму қаупін азайтуы мүмкін. Аритмияға қарсы III класс препараттарын (мысалы, амиодарон) қабылдап жүрген пациенттер тұрақты медициналық бақылауда және ЭКГ- мониторингте болуы тиіс, өйткені жүрек-қантамыр жүйесі тарапынан жағымсыз реакциялар туындауы мүмкін. Ропивакаин-Санто препаратын эпидуральді анестезия немесе шеткері жүйкелердің блокадасы үшін, әсіресе препаратты байқамай қантамыр ішіне енгізуден кейін, қолданғанда егде жастағы пациенттерде және қатар жүретін жүрек-қантамыр аурулары бар пациенттерде жүректің тоқтап қалуының сирек жағдайлары туралы мәлімдемелер бар. Бірқатар жағдайларда реанимациялық шараларды жүргізудің қиындықтары болған. Жүректің тоқтап қалуы, әдетте, ұзағырақ реанимациялық шараларды қажет етеді. Бас және мойын аймағындағы блокада Бас пен мойын аймағына инъекция сияқты жергілікті анестетиктерді қолданумен байланысты кейбір емшаралар, қолданылатын жергілікті анестетиктің типіне байланыссыз, күрделі жағымсыз реакциялардың даму жиілігінің жоғарылауымен қоса жүруі мүмкін. Шеткері жүйкелердің ауқымды блокадасы Шеткері жүйкелердің ауқымды блокадасында көбіне ірі қантамырларға жақын орналасқан жоғары васкуляризацияланған аймақтарға жергілікті анестезиялайтын заттарды көп көлемде енгізу алдын ала қарастырылуы мүмкін. Қантамыр ішіне енгізу және/немесе тез жүйелі сіңірілу қаупі жоғарылауы мүмкін, бұл препараттың қан плазмасындағы жоғары концентрациясына әкелуі ықтимал. Аса жоғары сезімталдық Амид типті жергілікті анестезиялайтын басқа заттармен айқаспалы аса жоғары сезімталдық болуы мүмкіндігін ескеру керек. Гиповолемия Гиповолемиясы бар пациенттерде, қолданылатын жергілікті анестезиялайтын заттарға байланыссыз, эпидуральді және интратекальді анестезияларда кенеттен және күшті гипотензия дамуы мүмкін. Жалпы денсаулық жағдайы әлсіреген пациенттер Егде жастағы пациенттер, әлсіреген жағдайдағы пациенттер немесе қатар жүретін ауыр аурулары, соның ішінде жүрекішілік өткізгіштік блокадасы, бауырдың үдемелі аурулары, бауырдың ауыр жеткіліксіздігі, бүйректің созылмалы ауыр жеткіліксіздігі бар пациенттер, осы пациенттер тобы үшін аумақтық анестезия көбіне дұрыс болып табылса да, ерекше көңіл бөлуді қажет етеді. Бауыр жеткіліксіздігі Ропивакаин-Санто бауырда метаболизденетін болғандықтан, препаратты бауырдың ауыр аурулары бар пациенттерге қолданғанда сақтық танытқан жөн; кейбір жағдайларда баяу элиминацияға байланысты, анестетиктің қайтадан енгізілетін дозаларын азайту қажеттілігі туындауы мүмкін. Бүйрек жеткіліксіздігі Әдетте бүйрек жеткіліксіздігі бар пациенттерде препаратты бір рет енгізгенде немесе препаратты аз ғана уақыт кезеңі ішінде пайдаланғанда дозаны түзету қажет болмайды. Алайда бүйректің созылмалы жеткіліксіздігі бар пациенттерде жиі дамитын ацидоз және ақуыздардың қан плазмасындағы концентрацияларының төмендеуі препараттың жүйелі уыттылық әсерінің қаупін ұлғайтуы мүмкін. Жедел порфирия Ропивакаин-Санто – порфириногенді болуы мүмкін және, егер қауіпсіздеу баламалар жоқ болған жағдайда ғана, жедел порфирия диагнозы бар пациенттерге қолданылуы мүмкін. Пациенттерге жоғары сезімталдық жағдайында қажетті сақтық шаралары жасалуы тиіс. Хондролиз Операциядан кейін ұзаққа созылатын буынішілік инфузия қабылдаған пациенттерде хондролиз жағдайлары туралы хабарламалар бар. Осы хабарламалардың басым бөлігі иық буынына қатысты болды. Әртүрлі факторлардың ықпал етуі мүмкін болғандықтан және әдебиеттердегі деректердің қарама-қайшылығына байланысты, нақты себеп-салдарлық байланысы анықталған жоқ. Ропивакаин-Санто ұзаққа созылатын буынішілік инфузия үшін қолданылмайды. Әсер етуі белгілі қосымша заттар Ропивакаин-Санто, 7.5 мг/мл, 10 мг/мл, инъекцияға арналған ерітіндісінің құрамында, бір 10 мл ампуласында сәйкесінше 29.5 мг және 28 мг натрий бар. Мұны тұзсыз диета ұстап жүрген адамдарға тағайындаған кезде ескеру қажет. Ұзақ қолдану Қатарлас флювоксамин және эноксацин сияқты CYP1A2 изоферментінің күшті тежегіштерін қабылдап жүрген пациенттерге Ропивакаин-Санто препаратын ұзақ қолданудан аулақ болу керек. Балаларда қолдану Препаратты жаңа туған нәрестелерге тағайындағанда, оларда белгілі бір ағзаларының және функцияларының жетілмеуі себебінен, ерекше көңіл бөлуді қажет етуі мүмкін. Жаңа туған нәрестелер үшін ұсынылатын дозалар шектеулі клиникалық деректерге негізделеді. Ропивакаин-Санто препаратын осы жас тобында пайдаланғанда жүйелік уыттылық (мысалы, орталық жүйке жүйесіне тигізетін уытты әсер ету белгілерінің, ЭКГ, SpO2 көмегімен) және жергілікті нейроуыттылық белгілеріне (мысалы, қалпына келуінің ұзаққа созылуы) мұқият бақылауды қажет етеді. Мониторингті жаңа туған нәрестелерде организмнен шығарылуы баяу болуы себебінен, инфузияны енгізуден кейін жалғастыру қажет. Ропивакаин-Санто препаратының 7,5 мг/мл, және 10 мг/мл дозасын қолданудың тиімділігі мен қауіпсіздігі 12 жасқа дейінгі балаларда зерттелген жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Қандай да бір деректері жоқ. Дозаға байланысты жергілікті анестетиктер тіпті ОЖЖ-ге айқын уытты әсері жоқ болса да, психикалық функцияларға және қозғалыс үйлесімділігіне аздап ықпалын тигізуі мүмкін, сондай-ақ қимыл-қозғалыс белсенділігін және қырағылықты уақытша нашарлатуы мүмкін. Үйлесімсіздік Сілтілі ерітінділерде тұнба түзілуі мүмкін, себебі ропивакаин pH > 6 кезінде нашар ериді.

Акушерлік тәжірибеде қолданғанда препаратты эпидуральді енгізу туралы деректерден басқа, жүкті әйелдерге препаратты қолдануға қатысты жеткілікті деректер жоқ. Алайда ропивакаин плацента арқылы өтеді және шарананың жүрек соғу жиілігін төмендетіп, брадикардия туындатуы мүмкін. Сондықтан шарананың жүрек соғу жиілігін мұқият бақылау ұсынылады. Емшек сүтіне ропивакаинның өтетін-өтпейтіні қазіргі таңда белгісіз күйінде қалып отыр.

Ропивакаин-Санто препаратын жергілікті анестетиктермен, құрылымы жағынан амид типті жергілікті анестетиктерге ұқсас препараттармен немесе орталық жүйке жүйесін (ОЖЖ) бәсеңдететін дәрілік заттармен бір мезгілде қолдану препараттардың уытты әсерін күшейтуі мүмкін. Ропивакаин-Санто препаратын жалпы анестезиялайтын заттармен немесе апиын препараттарымен бір мезгілде қолдану дәрілік препараттардың жеке алғандағы әрқайсысының жағымсыз құбылыстарын туындатуы мүмкін. Ропивакаин-Санто препаратының және аритмияға қарсы III класс препараттарының (мысалы, амиодарон) өзара әрекеттесуі арнайы зерттелген жоқ, бірақ бірге тағайындаған кезде сақ болған жөн. P450 (CYP) lA2 цитохромы 3-гидрокси-ропивакаинның, негізгі метаболиттің, түзілуіне қатысады. Іn vivo жағдайларында ропивакаинның клиренсі флувоксаминмен, CYP1А2 селективті және күшті тежегішімен бір мезгілде қолданғанда 77%-ға дейінгі шамаға төмендеді. Сондықтан флувоксамин және эноксацин сияқты CYP1А2 күшті әсер ететін тежегіштерін осы препаратпен бір мезгілде қолдану метаболизмдік өзара әрекеттесулерді туындатуы мүмкін, бұл нәтижесінде қан плазмасында ропивакаин концентрациясының жоғарылауына әкеледі. Сонымен, бір мезгілде CYP1А2 тежегіштерімен емделіп жүрген пациенттерде Ропивакаин-Санто препаратын ұзақ қолдануға жол бермеу керек. Іn vivo жағдайларында ропивакаинның клиренсі, оны кетоконазолмен, CYP3A4 селективті және күшті тежегішімен бір мезгілде қолданғанда, 15%-ға төмендеді. Алайда осы ферментті бәсеңдетудің клиникалық маңызы болмауы мүмкін. Іn vitro жағдайларында ропивакаин CYP2D6 бәсекелес тежегіші болып табылады, бірақ клиникалық жағдайларда препаратты қан плазмасында қол жеткен концентрацияларда қолданған кезде, ол бұл изоферментті бәсеңдетпейтін сияқты.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалыққаптамасында,25°С-денаспайтынтемпературадасақтау керек. Балалардың қолы жетпейтін жерде сақтау керек!