Ротадон порошок 1500 мг

Құрамы: 1 пакеттің ішінде Белсенді зат: 1990.46 мг калий хлориді глюкозамин сульфаты (1500 мг глюкозамин сульфатына баламалы) қосымша заттар: сорбитол, аспартам, сусыз лимон қышқылы, макрогол 6000 Сыртқы түрінің, иісінің, дәмінің сипаттамасы Ақтан ақ дерлік түске дейінгі түйіршіктелген ұнтақ. Дайындалған ерітінді түссіз болуы тиіс.

- кез-келген жерде орналасқан остеоартроздың алдын алу және емдеу үшін (жамбас, тізе, кәрі жілік-білезік артрозы, спондилоартроз, омыртқааралық остеохондроз); - жауырын-иық периартритін, тізе тобығының хондромаляциясын емдеуде.

Әсер ету механизмі/ Фармакодинамикалық қасиеттері Глюкозамин сульфаты Ротадонның белсенді заты болып табылады, шеміршек тінінің қалпына келуін ынталандырады, антикатаболиялық, анаболикалық, хондропротективті, ауыруды басатын, қабынуға қарсы әсері бар. Глюкозамин төмен молекулалық салмағы бар аминосахарид, буын шеміршегінің табиғи компоненті болып табылады. Глюкозамин шеміршек тінінің жасушалары (гиалурон қышқылы және глюкозаминогликандар) синовиальді сұйықтықтың протеогликандарының синтезін белсендіреді, шеміршек тінінің бұзылуын тудыратын ферменттерді тежейді. Глюкозамин простагландиндер синтезін басумен байланысты емес орташа қабынуға қарсы әсерін көрсетеді, ол антиоксиданттық белсенділік (супероксидті радикалдардың пайда болуын тежеу арқылы) және лизосомалық ферменттердің белсенділігін басу арқылы жүзеге асырылады. Глюкозаминнің әсерінен препарат хондроитин күкірт қышқылының түзілуіне күкіртті бекіту процесін бастайды және сүйек тініндегі кальцийдің қалыпты тұндыру процестеріне оң әсерін тигізеді, сондай-ақ, стероидты емес қабынуға қарсы дәрілік заттарды тудыратын гликозаминогликандардың түзілуіне кедергі келтіреді және хондроциттерді кортикостероидтардың зиянды әсерінен қорғайды. Сульфотоптары сонымен қатар глюкозаминогликандар синтезіне және шеміршек тінінің метаболизміне қатысады, ал протеогликандар құрамындағы бүйір тізбектердің сульфоэфирлері шеміршек тінінің серпімділігін сақтауға қатысады, ондағы судың сақталуына ықпал етеді. Ротадон глюкозаминнің эндогендік жетіспеушілігін толтыра отырып, буын капсуласының өткізгіштігін арттырады және буын шеміршегі мен синовиальді жарғақша жасушаларында қалыпты ферментативті процестерді қалпына келтіруге ықпал етеді.

Дозалау режимі Ішке қабылдау үшін ерітінді дайындауға арналған ұнтақ. Бір пакеттің ішіндегісін 200 мл суда ерітеді, тамақтан 20 минут бұрын тәулігіне бір рет 1 пакеттен ішке қабылдайды. Енгізу әдісі және жолы Ішке қабылдау үшін Дәрілік препаратты қабылдамас бұрын дәрігермен немесе фармацевтпен кеңесіңіз ДП-ты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10); жиі (≥ 1/100, бірақ < 1/10); жиі емес (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз (қолда бар деректер бойынша бағалау мүмкін емес). Жиі - іш қату, диарея, метеоризм, жүрек айну, іштің ауыруы, диспепсия - бас ауыру, ұйқышылдық, шаршау; Жиі емес - қышыну, есекжем, эритема, тері бөртпесі Белгісіз - бас айналу - визуалды бұзылулар - демікпе - шаштың түсуі, бауыр ферменттері деңгейінің жоғарылауы Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

- белсенді затына немесе қосымша заттардың кез келгеніне аса жоғары сезімталдық; - құрамында аспартам болуына байланысты фенилкетонурияда; - құрамында сорбитолдың болуына байланысты фруктозаны көтере алмаушылықта; - бүйрек функциясының айқын бұзылуы; - жүктілік және лактация кезеңі; - 18 жасқа дейін - моллюскке аллергия.

Нұсқаулықта көрсетілмеген.

Емі: асқазанды шаю, симптоматикалық ем.

Арнайы сақтандырулар Глюкозаминмен емдеуді бастағаннан кейін демікпе симптомдарының асқыну жағдайлары сипатталған. Бронх демікпесі бар пациенттер препаратты қолданған кезде демікпе симптомдарының нашарлау мүмкіндігі туралы хабардар етілуі тиіс. Препаратты моллюскке аллергиясы бар пациенттерге қабылдауға болмайды, себебі белсенді зат моллюсктерден алынады. Егде жастағы адамдарда қолдану Ешқандай нақты фармакокинетикалық зерттеулер жүргізілген жоқ, бірақ клиникалық тәжірибеге сәйкес егде жастағы адамдарды емдеу кезінде дозаны түзету талап етілмейді. Бүйрек және (немесе) бауыр функциясы бұзылған пациенттер Бауыр және бүйрек жеткіліксіздігі бар пациенттерге дәрігердің қадағалауымен ғана қолдануға болады. Глюкозаға төзімділігі бұзылған пациенттерде қандағы глюкоза деңгейін мониторингтеу қажет және қажет болған жағдайда емдеуді бастар алдында және емдеу кезінде кезең-кезеңімен инсулинге қажеттілікті айқындау ұсынылады. Емдеудің басында қант диабетімен ауыратын науқастар үшін қандағы қант деңгейін бақылау ұсынылады. Жүрек-қан тамырлары аурулары үшін белгілі қауіп факторы бар пациенттерде қандағы липидтердің деңгейін бақылау ұсынылады, себебі гиперхолестеринемия кейбір жағдайларда глюкозамин қабылдаған пациенттерде байқалады. Қосымша заттар 1 пакетте 257,1 мг калий бар. Мұны бүйрек жеткіліксіздігі бар пациенттер немесе калий бақыланатын диетадағы пациенттер ескеруі керек. Балаларда қолдану 18 жасқа дейінгі балаларға қолдануға болмайды, себебі мұндай пациенттер үшін препараттың қауіпсіздігі мен тиімділігі анықталмаған.

Препаратты жүктілік кезінде немесе бала емізу кезінде қолдануға қатысты деректер жоқ.Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың автокөлік жүргізу және механизмдерді басқару қабілетіне әсері туралы зерттеулер жүргізілген жоқ. Ұйқышылдық, шаршау, бас айналу кезінде автокөлік пен механизмдерді басқару ұсынылмайды.

Біріктіріп қолданған кезде глюкозамин тетрациклиндердің сіңуін күшейтеді және пенициллиндер мен хлорамфениколды азайтады. Препарат стероидты емес қабынуға қарсы препараттармен және глюкокортикостероидтармен үйлесімді. Стероидты емес қабынуға қарсы препараттармен бірге қолданғанда, соңғысының қабынуға қарсы және ауырсынуды басатын әсерін күшейтеді. Глюкозаминмен ықтимал дәрілік өзара әрекеттесулер туралы деректер жеткіліксіз, алайда К дәруменінің оральді антагонистерімен бірге қабылдаған кезде ХҚҚ көрсеткішінің артуы туралы деректер бар. Осылайша, К дәруменінің оральді антагонистерін қабылдайтын пациенттер емдеу басталар алдында және глюкозаминмен емдеу аяқталғаннан кейін мұқият тексерілуі тиіс.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 ˚С-ден аспайтын температурада сақтау керек. Балалардың қолы жетпейтін жерде сақтау керек!