Ротадон Адванс раствор 100 мг/мл

Бір ампуланың ішінде белсенді зат – 200 мг хондроитин натрий сульфаты, қосымша заттар: бензил спирті, натрий гидроксиді, хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Мөлдір ашық сары ерітінді.

Буындар мен омыртқаның дегенеративті-дистрофиялық аурулары: • шеткері буындардың остеоартрозы • омыртқааралық остеоартроз және остеохондроз.

Әсер ету механизмі Препараттың негізгі әсер етуші заттары - хондроитин А және С сульфатының натрий тұздары (орташа молекулалық массасы 11000 дальтон). Хондроитин натрий сульфаты - коллаген талшықтарымен бірге шеміршек матрицасын құрайтын протеогликандардың негізгі компоненті болып табылатын жоғары молекулалы мукополисахарид болып табылады. Препарат қабынуға қарсы және ауырсынуды басатын әсерге ие. Буын шеміршегінің деградациясын туындататын ферменттердің белсенділігін тежейді: металлопротеиназаларды, атап айтқанда лейкоциттер эластазасын тежейді. Гиалуронидазаның белсенділігін төмендетеді. Бос оттегі радикалдарының босап шығуын ішінара бөгейді; хемотаксистің бөгелуіне ықпал етеді. Хондроциттердің протеогликан өндірілуін стимуляциялайды. Қабынуға қарсы және ауырсынуды басатын әсерлерге қабыну мен ауырсыну медиаторларының синовиальды сұйықтыққа шығарылуының төмендеуіне, сондай-ақ лейкотриен В4 және простагландин Е2 секрециясының тежелуіне байланысты қол жеткізіледі. Хондроитин натрий сульфаты шеміршек тінінің қысылуына жол бермейді, буын беткейлерінің амортизаторы рөлін атқарады, буын сұйықтығының өндірілуін қалыпқа келтіреді және ауырсыну қарқындылығын төмендетуге көмектеседі.

Дозалау режимі Ересектер Препаратты күнара бұлшықет ішіне 1 мл-ден (100 мг хондроитин натрий сульфаты) енгізеді. Жақсы көтерімділік кезінде дозаны төртінші инъекциядан бастап 2 мл-ге (200 мг хондроитин натрий сульфаты) дейін арттырады. Емдеу курсы 25-35 инъекцияны құрайды. Қажет болған жағдайда, 6 айдан кейін қайтадан емдеу курстарын өткізуге болады. Енгізу әдісі және жолы Ротадон Адванс препараты бұлшықет ішіне енгізуге арналған. Вена ішіне енгізуге болмайды! Пациенттердің ерекше топтары Балалар Препаратты балаларда қолдануға болмайды. Егде жастағы пациенттер Дозаны түзету қажет емес. Бауыр жеткіліксіздігі бар пациенттер Дозаны түзету қажет емес. Бүйрек жеткіліксіздігі бар пациенттер Дозаны түзету қажеттілігі бойынша ұсынымдар белгіленбеген. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

• әсер етуші затқа немесе қосымша заттардың кез келгеніне аса жоғары сезімталдық • қанталауға бейімділік • тромбофлебиттер • жүктілік және бала емізу кезеңі (емдеу кезінде бала емізуді тоқтату керек) • балалар және 18 жасқа дейінгі жасөспірімдер (тиімділігі мен қауіпсіздігі белгіленбеген). Сақтықпен Қанның ұюы бұзылғанда, қан диабеті кезінде, дене салмағы жоғары адамдарда, тұз мөлшері аз диетаны ұстанатын пациенттерде, балалар мен 18 жасқа дейінгі жасөспірімдерде, бүйрек функциясының бұзылуында, жүктілікті жоспарлап жүрген әйелдерде.

Тері және теріасты тіндері тарапынан: белгісіз - эритема, есекжем, экзема, қышынумен және/немесе ісінумен қатар жүретін немесе жүрмейтін макулопапулезді бөртпе. Асқазан-ішек жолы тарапынан: белгісіз - жүрек айнуы, құсу. Иммундық жүйе тарапынан: өте сирек - ангионевроздық ісіну. Жалпы бұзылыстар және енгізу орнындағы бұзылулар: белгісіз - инъекция орнындағы геморрагиялар. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препарат тіпті айтарлықтай артық дозаланғанда уыттылық көрсетпейді. Симптомдары: аллергиялық реакциялар, инъекция орнындағы геморрагиялар. Кездейсоқ жедел артық дозаланғанда - симптоматикалық емдеу. Барлық іс-шаралар Ротадон Адванс препаратын тоқтату аясында өткізіледі.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Ротадон Адванс препараты көлік құралдарын және қауіптілігі зор механизмдерді басқару қабілетіне әсер етпейді. Препарат сонымен қатар жоғары зейін қоюды талап ететін қауіптілігі зор қызмет түрлерімен айналысуға әсер етпейді.

Жүктілік Препаратты жүктілік кезінде қарсы көрсетілімді. Лактация Препаратты бала емізу кезінде қарсы көрсетілімді.

Қабынуға қарсы стероидты емес дәрілермен бірге қолданған кезде Ротадон Адванс препараты қабынуға қарсы стероидты емес дәрілердің дозасын төмендетуге мүмкіндік береді. Тікелей емес антикоагулянттардың, антиагреганттардың, фибринолитиктердің әсерін күшейтуі мүмкін, бұл бірге қолданған кезде қан ұюының көрсеткіштерін жиі бақылауды қажет етеді. Арнайы ескертурлер Аллергиялық реакциялар немесе геморрагиялар кезінде емдеуді тоқтатқан жөн. Тұрақты клиникалық әсерге қол жеткізу үшін Ротадон Адванс препаратының кем дегенде 25 инъекциясы қажет, алайда емдеу курсы аяқталғаннан кейін көптеген айлар бойы әсер ұзақ сақталады. Асқынулардың алдын алу үшін қайта емдеу курстары көрсетілген. Педиатрияда қолдану Балаларда хондроитин сульфатын қазіргі таңда қолданудың тиімділігі мен қауіпсіздігі туралы деректер жоқ. Препаратты балалар мен 18 жасқа дейінгі жасөспірімдерде қарсы көрсетілімді. Егде жастағы пациенттерде қолдану Егде жастағы пациенттерде дозаны түзету қажет емес. Бауыр жеткіліксіздігі Дозаны түзету қажет емес. Бүйрек жеткіліксіздігі Дозаны түзету қажеттілігі бойынша ұсынымдар белгіленбеген. Қосымша заттар Бір ампула (2 мл) препараттың құрамында 24 мг бензил спирті бар, бұл аллергиялық реакцияларды туындатуы мүмкін 12 мг/мл-ге сәйкес келеді; бауыр немесе бүйрек функциясының бұзылулары бар пациенттерде оның жинақталуы және жағымсыз реакциялардың (метаболизмдік ацидоз) даму қаупі бар. Тікелей емес антикоагулянттардың, антиагреганттардың, фибринолитиктердің әсерін күшейтуі орын алу мүмкін, бұл бірге қолданған кезде қан ұюының көрсеткіштерін жиі бақылауды қажет етеді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25°C-ден аспайтын температурада сақтау керек. Балалардың қолы жетпейтін жерде сақтау керек!