Ротацеф порошок 1 г

Бір құтының ішінде: белсенді зат – 1.193 г натрий цефтриаксоны (1.0 г цефтриаксонға баламалы). Еріткіш: 1 мл еріткіш құрамында: белсенді зат – 35.000 мг лидокаин гидрохлориді (37.234 мг лидокаин гидрохлориді моногидраты түрінде) қосымша заттар: натрий гидроксидінің рН 5.0 – 7.0 дейінгі 1 М ерітіндісі, 3.5 мл дейінгі инъекцияға арналған су. Сыртқы түрінің, иісінің, дәмінің сипаттамасы Бұлшықет ішіне енгізу үшін ерітінді дайындауға арналған ұнтақ еріткішпен жиынтықта (1% лидокаин гидрохлоридінің 3.5 мл ерітіндісі). Ақтан сары түске дейінгі сәл гигроскопиялы кристалданған ұнтақ. Еріткіш - мөлдір, түссіз ерітінді.

Ротацеф ересектерде және балаларда, мерзіміне жетіп туған нәрестелерді (туғаннан бастап) қоса, келесі инфекцияларды емдеу үшін көрсетілген: - бактериялық менингит - ауруханадан тыс пневмония - ауруханалық пневмония - жедел ортаңғы отит - құрсақішілік инфекциялар - несеп шығару жолдарының асқынған инфекциялары (пиелонефритті қоса): - сүйектер мен буындардың инфекциялары - терінің және жұмсақ тіндердің асқынған инфекциялары - соз - мерез - бактериялық эндокардит. Ротацефті қолдануға болады: - ересектердегі өкпенің созылмалы обструкциялық ауруының өршулерін емдеу үшін - ересектерде және балаларда, 15 күндік жасынан бастап жаңа туған нәрестелерді қоса, Лайм/боррелиоз ауруының (бастапқы (II) және кейінгі (III) сатылары) диссеминацияланған түрін емдеу үшін - хирургиялық инфекциялардың операция алдындағы профилактикасы үшін - бактериялық инфекциядан туындауы жорамалданатын қызба кезіндегі нейтропения бар пациенттерді емдеу үшін - жоғарыда көрсетілген инфекциялардың қандай да бірінен туындаған/ туындауы жорамалданатын бактериемия бар пациенттерді емдеу үшін. Күмәнді қоздырғыштар арасында цефтриаксонға төзімді микроорганизмдер болуы мүмкін полимикробты инфекциялар жағдайында қосымша антибиотиктер қолдануды қарастыру керек. Бактерияға қарсы дәрілерді талапқа сай қолдану жөніндегі ресми нұсқаулықтарда мазмұндалатын ақпаратты ескеру қажет.

Әсер ету механизмі Цефтриаксон пенициллинді байланыстыратын ақуыздармен (РВР) байланысудан кейін бактериялық жасуша жақтауының синтезін бәсеңдетеді. Бұл жасушалық жақтау (пептидогликан) биосинтезін үзеді, ол бактерия жасуша лизисіне және оның қырылуына алып келеді. Төзімділігі Бактериялардың цефтриаксонға төзімділігі бір немесе одан көп механизм бойынша туындауы мүмкін: • аэробты грам-теріс бактериялардың кейбір түрлерінде индукциялануы немесе тұрақты дерепрессиялануы мүмкін әсер ету ауқымы кең бета-лактамазаны (ӘКБЛ), карбапенемазаларды және Amp C ферменттерін қоса, бета-лактамазалармен гидролиздену; • пенициллинді байланыстыратын ақуыздардың цефтриаксонмен төмен тектестігі; • грам-теріс бактериялардың сыртқы жақтауының өткізбеушілігі; • бактериялық эффлюксті «сорғы». Сезімталдық тестілеріндегі шектес мәндер Ең төмен тежегіш концентрациялардың (ЕТК) келесі шектес мәндерін Еуропалық микробқа қарсы сезімталдықты тестілеу комитеті (EUCAST) белгіледі: Микроорганизм — Сұйылту әдісімен тест (ЕТК, мг/л) Сезімтал — Төзімді Enterobacteriaceae — ≤ 1 — > 2 Staphylococcus spp. — a. — a. Streptococcus spp. (A, B, C және G топтары) — b. — b. Streptococcus pneumoniae — ≤ 0,5c. — > 2 Viridans тобы стрептококтары — ≤ 0,5 — > 0,5 Haemophilus influenzae — ≤ 0,12c. — > 0,12 Moraxella catarrhalis — ≤ 1 — > 2 Neisseria gonorrhoeae — ≤ 0,12 — > 0,12 Neisseria meningitidis — ≤ 0,12 c. — > 0,12 Түрге байланыссыз — ≤ 1d. — > 2 a. Сезімталдығы цефокситинге сезімталдыққа сәйкес анықталған. b. Сезімталдығы пенициллинге сезімталдыққа сәйкес анықталған. c. Цефтриаксон үшін ЕТК сезімталдықтың шектес мәнінен жоғары изоляттар сирек білінеді; олар анықталғанда қайтадан тест өткізу және, нәтиже расталған жағдайда референтті зертханаға жіберу керек. d. Шектес мәндері тәулігіне 1 г венаішілік дозасына және кемінде тәулігіне бір рет 2 г жоғары дозасына қатысты болады. Нақты микроорганизмдерге қатысты клиникалық тиімділігі Таңдамалы түрлердің жүре пайда болған резистенттілігінің жиілігі географиялық жағдайы мен уақытына қарай өзгеруі мүмкін, осыған байланысты, әсіресе, ауыр инфекцияларды емдеу кезінде жергілікті төзімділік туралы ақпарат пайдалы болуы мүмкін. Қажет болса, төзімді штаммдардың таралуы туралы жергілікті ақпарат болса және цефтриаксонды қолданудың пайдасы, кем дегенде, кейбір инфекцияларға қатысты күмән тудырса, сарапшының кеңесіне жүгіну қажет. Әдетте сезімтал түрлері: - грам-оң аэробтар: Staphylococcus aureus (метициллинге сезімтал)£, коагулаза-теріс стафилакокктар (метициллинге сезімтал)£, Streptococcus pyogenes (A тобы), Streptococcus agalactiae (B тобы), Streptococcus pneumoniae, Viridans тобы стрептококтары; - грам-теріс аэробтар: Borrelia burgdorferi, Haemophilus influenza, Haemophilus parainfluenzae, Moraxella catarrhalis, Neisseria gonorrhea, Neisseria meningitides, Proteus mirabilis, Providencia spp., Treponema pallidum. Төзімділігі жүре пайда болуы мүмкін түрлері: - грам-оң аэробтар: Staphylococcus epidermidis+, Staphylococcus haemolyticus+, Staphylococcus hominis+; - грам-теріс аэробтар: Citrobacter freundii, Enterobacter aerogenes, Enterobacter cloacae, Escherichia coli%, Klebsiella pneumoniae%, Klebsiella oxytoca%, Morganella morganii, Proteus vulgaris, Serratia marcescens; - анаэробтар: Bacteroides spp., Fusobacterium spp., Peptostreptococcus spp., Clostridium perfringens. Ішкі төзімділігі бар микроорганизмдер: - грам-оң аэробтар: Enterococcus spp., Listeria monocytogenes; - грам-теріс аэробтар: Acinetobacter baumannii, Pseudomonas aeruginosa, Stenotrophomonas maltophilia; - анаэробтар: Clostridium difficile; - басқалары: Chlamydia spp., Chlamydophila spp., Mycoplasma spp., Legionella spp., Ureaplasma urealyticum. £ Метициллинге төзімді стафилококктардың бәрі цефтриаксонға төзімді болады. + Кем дегенде, бір аумақтағы резистенттілік деңгейі > 50%. % ӘКБЛ өндіретін штаммдар үнемі төзімді болады. Лидокаин Лидокаин (бұлшықетішілік инъекцияларға арналған еріткіш құрамында болатын) амидтік типті жергілікті анестетик болып табылады. Ол жергілікті және өткізгіштік анестезия үшін пайдаланылады. Оның әсер ету механизмінің негізінде натрий иондары үшін жарғақшаның өткізгіштігін азайта жатады. Әсерінің басталуы жылдам жүреді (бұлшықетішілік инъекциядан кейін шамамен 15 минут өткен соң), әсері бұлшықет ішіне енгізуден кейін 60-90 минут жалғасады. Клиникалық зерттеуде цефтриаксонды бұлшықет ішіне қолданғанда сұйылтқыш ретінде 1% лидокаинді пайдаланудың ауыруды әлсіретуге мүмкіндік бергені (инъекциядан кейін 15 минут өткен соң ауыруды бағалау көрсеткішінің 6 еседен артық төмендеуі, р < 0,01) анықталды.

Дозалау режимі Доза инфекцияның ауырлық дәрежесіне, сезімталдығына, орны мен типіне, сондай-ақ пациенттің жасына және бауыр мен бүйрек функциясына байланысты. Келесі кестелерде ұсынылатын дозалар аталған көрсетілімдер кезінде ұсынылатын жалпы дозалар болып табылады. Ерекше ауыр жағдайларда ұсынылған диапазоннан ең жоғары дозаларды қолдану мүмкіндігін қарастыру керек. Ересектер және 12 жастан үлкен балалар (≥ 50 кг) Цефтриаксон дозасы* — Қабылдау жиілігі** — Көрсетілімдер 1-2 г — тәулігіне 1 рет — Ауруханадан тыс пневмония Өкпенің созылмалы обструкциялық ауруының өршуі Құрсақішілік инфекциялар Несеп шығару жолдарының асқынған инфекциялары (пиелонефритті қоса) 2 г — тәулігіне 1 рет — Ауруханалық пневмония Терінің және жұмсақ тіндердің асқынған инфекциялары Сүйектер мен буындар инфекциялары 2-4 г — тәулігіне 1 рет — Бактериялық инфекцияға күмән тудыратын қызба кезіндегі нейтропения бар пациенттерді емдеу Бактериялық эндокардит Бактериялық менингит * Анықталған бактериемияда ұсынылған диапазоннан ең жоғары дозаларды қолдану мүмкіндігін қарастыру керек. ** Тәулігіне 2 г-ден көп дозаларын қолдану кезінде препаратты тәулігіне 2 рет (әр 12 сағат сайын) қолдану мүмкіндігін қарастыру керек. Ерекше емдеу сызбасы талап етілетін ересектер мен 12 жастан үлкен (≥ 50 кг) балалар үшін көрсетілімдер: - Жедел ортаңғы отит Ротацеф препаратының бұлшықет ішіне бір реттік 1-2 г дозасын қолдануға болады. Шектеулі деректер ауыр сипатты ауру жағдайларында немесе алдыңғы емдеудің оң нәтижесі болмағанда Ротацеф бұлшықет ішіне тәулігіне 1-2 г дозада 3 күн бойы қолдану кезінде тиімді болуы мүмкін екенін көрсетеді. - Хирургиялық инфекциялардың операцияға дейінгі профилактикасы Операция алдында 2 г дозада бір рет енгізу. - Соз Бұлшықет ішіне 500 мг дозада бір рет енгізу. - Мерез Ұсынылған дағдылы доза нейромерез кезінде тәулігіне 1 рет 2 г дейін арттырумен тәулігіне 1 рет 500 мг-1 г құрайды; емдеу ұзақтығы 10-14 күн. Нейромерезді қоса, мерез кезінде дозалау жөніндегі нұсқаулар шектеулі деректерге негізделген. Мемлекеттік немесе жергілікті нұсқаулардың ұсынымдарын ескеру керек. - Диссеминацияланған Лайм-боррелиоз (бастапқы (II саты) және кейінгі (III саты)) 14-21 күн бойы тәулігіне 1 рет 2 г. Ұсынылған емдеу ұзақтығы өзгеріп отырады; ұлттық немесе жергілікті ресми нұсқаулардың ұсынымдарын ескеру керек. Балалар Жаңа туған нәрестелер, сәбилер және 15 күннен 12 жасқа дейінгі (<50 кг) балалар Дене салмағы 50 кг және одан жоғары балаларда ересектерге арналған дағдылы дозалар қолданылады. Балаларға арналған лидокаиннің ең жоғары бір реттік дозасы дене салмағына 5 мг/кг-ден аспауы тиіс. Артық салмағы бар балаларға арналған доза олардың жыныс және жас ерекшелігі үшін қалыпты дене салмағы негізінде есептелу керек. Цефтриаксон дозасы* — Қабылдау жиілігі** — Көрсетілімдер 50-80 мг/кг — тәулігіне 1 рет — Құрсақішілік инфекциялар Несеп шығару жолдарының асқынған инфекциялары (пиелонефритті қоса) Ауруханадан тыс пневмония Ауруханалық пневмония 50-100 мг/кг (ең жоғ. 4 г) — тәулігіне 1 рет — Терінің және жұмсақ тіндердің асқынған инфекциялары Сүйектер мен буындар инфекциялары Бактериялық инфекцияға күмән тудыратын қызба кезіндегі нейтропения бар пациенттерді емдеу 80-100 мг/кг (ең жоғ. 4 г) — тәулігіне 1 рет — Бактериялық менингит 100 мг/кг (ең жоғ. 4 г) — тәулігіне 1 рет — Бактериялық эндокардит * Анықталған бактериемияда ұсынылған диапазоннан ең жоғары дозаларды қолдану мүмкіндігін қарастыру керек. ** Тәулігіне 2 г-ден көп дозаларын қолдану кезінде препаратты тәулігіне 2 рет (әр 12 сағат сайын) қолдану мүмкіндігін қарастыру керек. Ерекше емдеу сызбасы талап етілетін 15 күндіктен 12 жасқа дейінгі (< 50 кг) жаңа туған нәрестелер, сәбилер мен балаларға арналған көрсетілімдер: - Жедел ортаңғы отит Жедел ортаңғы отитті бастапқы емдеу үшін Ротацеф препаратының бұлшықет ішіне бір реттік 50 мг/кг дозасын қолдануға болады. Шектеулі деректер бала ауыр науқастанған жағдайларда немесе алдыңғы емдеудің оң нәтижесі болмағанда Ротацеф 3 күн бойы тәулігіне 50 мг/кг дозада бұлшықет ішіне қолдану кезінде тиімді болуы мүмкін екенін көрсетеді. - Хирургиялық инфекциялардың операция алдындағы профилактикасы Операция алдында 50-80 мг/кг дозада бір рет енгізу. - Мерез Ұсынылған дағдылы доза 10-14 күн бойы тәулігіне 1 рет 75-100 мг/кг (ең жоғ. 4 г) құрайды. Нейромерезді қоса, мерез кезінде дозалау жөніндегі нұсқаулар тым шектеулі деректерге негізделген. Мемлекеттік немесе жергілікті нұсқаулардың ұсынымдарын ескеру керек. - Диссеминацияланған Лайм ауруы (бастапқы (II) және кейінгі (III) сатылар) 14-21 күн бойы тәулігіне 1 рет 50-80 мг/кг. Ұсынылған емдеу ұзақтығы өзгеріп отырады; ұлттық немесе жергілікті ресми нұсқаулардың ұсынымдарын ескеру керек. 0-14 күндік жастағы нәрестелер Ротацеф 41 апталық постконцептуальді жасқа дейінгі (гестациялық + постнатальді жас) шала туған нәрестелерге қарсы көрсетілімді. Цефтриаксон дозасы * — Қабылдау жиілігі — Көрсетілімдер 20-50 мг/кг — тәулігіне 1 рет — Құрсақішілік инфекциялар Терінің және жұмсақ тіндердің асқынған инфекциялары Несеп шығару жолдарының асқынған инфекциялары (пиелонефритті қоса) Ауруханадан тыс пневмония Ауруханалық пневмония Сүйектер мен буындар инфекциялары Бактериялық инфекцияға күмән тудырған қызба кезінде нейтропения бар пациенттерді емдеу 50 мг/кг — тәулігіне 1 рет — Бактериялық менингит Бактериялық эндокардит * Анықталған бактериемияда ұсынылған диапазоннан ең жоғары дозаларын қолдану мүмкіндігін қарастыру керек. Ең жоғары тәуліктік дозасын 50 мг/кг-ден асыруға болмайды. Ерекше дозалау сызбасы талап етілетін 0-ден 14 күнге дейінгі жастағы жаңа туған нәрестелер үшін көрсетілімдер: - Жедел ортаңғы отит Жедел ортаңғы отитті бастапқы емдеу үшін Ротацеф препаратының бұлшықет ішіне бір реттік 50 мг/кг дозасын қолдануға болады. - Хирургиялық инфекциялардың операция алдындағы профилактикасы Операция алдында 20-50 мг/кг дозада бір рет енгізу. - Мерез Ұсынылған дағдылы доза 10-14 күн бойы тәулігіне 1 рет 50 мг/кг құрайды. Нейромерезді қоса, мерез кезіндегі дозасы жөніндегі нұсқаулар өте шектеулі деректерге негізделген. Ұлттық немесе жергілікті ресми нұсқаулардың ұсынымдарын ескеру керек. Енгізу әдісі және жолы Ротацефті бұлшықет ішіне терең инъекция арқылы қолдануға болады. Бұлшықет ішіне инъекциялар бір енгізу орнына 1,0 г-ден аспайтын дозада ірі бұлшықетке терең салынуы тиіс. Еріткіш ретінде лидокаин пайдаланылса, алынған ерітіндіні вена ішіне енгізуге болмайды. Препаратты енгізер алдында шприц поршенін тарту арқылы иненің тамырға кездейсоқ түсіп кетпеуін тексеріп отыру керек. Цефтриаксонның кальцийлі тұзы шөгіндісінің түзілу қаупіне байланысты, парентеральді қоректендіруге арналған құрамында кальций бар ерітінділерді қоса, құрамында кальций бар ерітінділерді вена ішіне енгізу қажет болатын (немесе қажет болады деп күтілетін) жаңа туған нәрестелерде (≤ 28 күндік жастағы) цефтриаксон қарсы көрсетілімді. Операциядан кейінгі инфекциялық асқынулардың операция алдындағы профилактикасында цефтриаксон операция басталуынан 30-90 минут бұрын қолданылу керек. Бұлшықет ішіне енгізу үшін препаратты дайындау қағидалары 1 г Ротацеф 3,5 мл лидокаин гидрохлоридінің 1% ерітіндісінде ерітіледі. Алынған ерітінді мөлдір түссіз немесе ашық сары түсті ерітінді түрінде болады. Инъекцияға арналған ерітіндіні сұйылтудан соң бірден пайдалану ұсынылады. Дайындалған ерітінді 2°С - 8°С температурада сақталғанда 24 сағат бойы немесе 15°С - 25°С температурада сақталғанда 6 сағат бойы тұрақты. Түсі өзгеріп кеткен ерітіндіні пайдалануға болмайды. Егер ерітінді дереу пайдаланылмаса, пайдалану алдындағы сақтау мерзімдері мен шарттары үшін жауапкершілік пайдаланушыға жүктеледі. Сақтау ұзақтығы пайдалану кезінде химиялық және физикалық тұрақтылығын, сондай-ақ микробиологиялық тазалығын қамтамасыз ету үшін жоғарыда көрсетілген уақыттан асыруға болмайды. Ротацефті лидокаин гидрохлоридінің 1% ерітіндісінен басқа, қандай да бір өзге препараттармен бір ғана шприцте араластыруға болмайды. Емдеу ұзақтығы Ем ұзақтығы аурудың ағымына тәуелді. Цефтриаксон қолдануды пациенттің дене температурасы қалыпқа түскен соң немесе қоздырғыш эрадикациясының расталуынан кейін 48-72 сағат бойы жалғастыру керек. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Препаратты қолдану жөнінде сұрақтар туындаса, емдеуші дәрігерге хабарласыңыз.

- цефтриаксонға, басқа цефалоспориндерге немесе қосымша заттардың қандай да біріне аса жоғары сезімталдық; - анамнездегі бактерияға қарсы кез келген басқа бета-лактамды дәрілерге (пенициллиндерге, монобактамдарға және карбапенемдерге) ауыр аса жоғары сезімталдық (мысалы, анафилаксиялық реакция); - 41 аптаға дейінгі постконцептуальді жастағы (гестациялық + постнатальді жас) шала туған нәрестелер*. - мерзімі жетіп туған (28 күнге дейінгі жастағы) нәрестелер: • осындай жай-күйлерде билирубин байланысуы бұзылатындықтан, гипербилирубинемия, сарғаю, гипоальбуминемия немесе ацидоз бар*; • кальций цефтриаксоны тұзының шөгу қаупі себебінен кальцийді вена ішіне қолдану немесе құрамында кальций бар инфузияларды жүргізу қажет болғанда (немесе күтілетін қажеттілігінде). * Іn vitro зерттеулері цефтриаксонның қан сарысуы альбуминімен қосылыстардан билирубинді ығыстыруға қабілетті екенін көрсетті, бұл осындай пациенттерде билирубиндік энцефалопатияның ықтималды қаупіне әкеледі. Лидокаин Цефтриаксонды бұлшықет ішіне енгізер алдында лидокаин еріткіш ретінде қолданылғанда лидокаинді қолдануға келесі қарсы көрсетілімдердің болуын міндетті түрде жоққа шығару керек. - лидокаинге немесе басқа амидті анестетиктерге белгілі аса жоғары сезімталдық - жүректің толық блокадасы - гиповолемия Құрамында лидокаин бар цефтриаксон ерітінділерін вена ішіне енгізуге болмайды.

Цефтриаксон үшін ең көп жиі хабарланатын жағымсыз реакциялар эозинофилия, лейкопения, тромбоцитопения, диарея, бөртпе және бауыр ферменттері деңгейінің жоғарылауы болып табылады. Жиі (≥ 1/100, бірақ < 1/10): - эозинофилия, лейкопения, тромбоцитопения - диарея, сұйық нәжіс - бауыр ферменттері деңгейлерінің жоғарылауы - бөртпе Жиі емес (≥ 1/1000, бірақ < 1/100): - гениталийдің зеңді инфекциясы - гранулоцитопения, анемия, коагулопатия - бас ауыру, бас айналу - жүрек айну, құсу - флебит, инъекция орнындағы ауыру, қызба - қанда креатинин деңгейінің жоғарылауы - қышыну Сирек (≥ 1/10000, бірақ < 1/1000): - жалған жарғақшалы колит - бронх түйілуі - гематурия, глюкозурия - ісіну, қалтырау - есекжем - энцефалопатия Жиілігі белгісіз (қолда бар деректер бойынша бағалау мүмкін емес): - Коунис синдромы - асқын инфекция - гемолиздік анемия, агранулоцитоз - анафилаксиялық шок, анафилаксиялық реакция, анафилактоидты реакция, аса жоғары сезімталдық, Яриш-Герксгеймер реакциясы - құрысулар - вертиго - панкреатит, стоматит, глоссит, гепатит, холестаздық гепатит - өт қалтасында шөгінді түзілуі, ядролық сарғаю - Стивенс-Джонсон синдромы, уытты эпидермалық некролиз, көп пішінді эритема, жедел жайылған экзентематозды пустулез, эозинофилиямен және жүйелі симптомдармен дәрілік реакция (DRESS) - олигурия, бүйректе шөгінді түзілуі (қайтымды) - Кумбс сынамасының жалған-оң нәтижесі, галактоземияға тест жалған-оң нәтижесі, глюкозаны анықтау үшін ферменттік емес талдаулардың жалған-оң нәтижелері. Жекелеген жағымсыз реакциялар сипаттамасы Инфекциялар және паразиттік инвазиялар Цефтриаксонмен емдеуден кейінгі диарея туралы хабарламалар Clostridium difficile-мен байланысты болуы мүмкін. Су-электролит алмасуының бұзылуларына тиісінше түзету жүргізген жөн. Цефтриаксонның кальцийлі тұзы преципитаттарының түзілуі Цефтриаксон мен кальцийді вена ішіне қабылдаған шала туған және мерзіміне жетіп туған (< 28 күндік жастағы) нәрестелерде сирек, ауыр және бірнеше жағдайда өлімге ұшырататын жағымсыз реакциялар болды. Цефтриаксонның кальцийлі тұзының преципитаттары сойып тексеру кезінде өкпе мен бүйректен табылды. Жаңа туған нәрестелерде қан көлемінің аздығы және, ересектерге қарағанда, цефтриаксонның жартылай шығарылу кезеңінің ұзағырақ созылуы салдарынан преципитаттың түзілу қаупі жоғары болады. Көбінесе жоғары дозалар (мысалы, тәулігіне ≥ 80 мг/кг немесе 10 г-ден көп жалпы дозалар) қабылдаған және басқа қауіп факторлары (мысалы, сусыздану, төсек режимі) болған балаларда цефтриаксонның несеп шығару жолдарында шөгу жағдайлары хабарланды. Бұл құбылыс симптомдармен қатар жүруі немесе симптомсыз өтуі мүмкін, әрі уретра обструкциясына және бүйректің постреналді жедел жеткіліксіздігіне әкелуі мүмкін, бірақ әдетте цефтриаксонды тоқтатудан кейін қайтымды болып табылады. Цефтриаксонның кальцийлі тұзы преципитаттарының өт қалтасында түзілуі, бәрінен бұрын, ұсынылған стандартты дозасынан асып түсетін дозаларымен емделген пациенттерде байқалды. Жиілігі баяу инфузия кезінде төменірек (20-30 минут) болады. Осы әсері, әдетте, симптомсыз өтеді, преципитаттардың түзілуі ауырсыну, жүрек айну және құсу сияқты клиникалық симптомдармен сирек қатар жүреді. Осындай жағдайларда симптоматикалық емдеу ұсынылады. Преципитаттардың түзілуі, әдетте, цефтриаксонмен емдеуді тоқтатудан кейін қайтымды болады. Енгізген жердегі реакциялар Бұлшықет ішіне инъекция клиникалық тұрғыда ауырсынулы. Инъекция салған жердегі басқа реакциялар инъекция орнындағы эритема, инъекция орнындағы экстравазация, инъекция орнындағы ісіну, инъекция орнындағы бөртпе, инъекция орнының қышынуын, инъекция орнының қабынуын, инъекция орнының қатаюын және инъекция орнындағы гематоманы қамтиды. Инъекция орнындағы инфекция мен инъекция орнындағы абсцесті қоса, асқынулар туралы хабарланды. Лидокаин Төменде ұсынылған деректерде лидокаинді қолдану кезінде байқалған жағымсыз реакциялар сипатталады. Цефтриаксон мен лидокаинді біріктіріп қолдану туралы спецификалық деректер жоқ. Лидокаинге жағымсыз реакциялар, әдетте, тамыр ішіне кездейсоқ енгізу, дозасынан асырып жіберу немесе қанмен мол қамтылған бөліктерден тез сіңірілуі салдарынан немесе аса жоғары сезімталдық, идиосинкразия немесе пациенттегі препарат жағымдылығының төмендеуі салдарынан қан плазмасында оның концентрацияларының жоғарылау нәтижесінде болады. Жүйелі уыттану реакциялары, ең алдымен, орталық жүйке жүйесі және/немесе жүрек-қантамыр жүйесі тарапынан көрініс береді. Иммундық жүйе тарапынан: сирек - аса жоғары сезімталдық реакциялары (аллергиялық немесе анафилактоидты реакциялар және анафилаксиялық шок). Психика тарапынан: жиілігі белгісіз - күйгелектік. Жүйке жүйесі тарапынан: жиілігі белгісіз - бас айналу немесе естен тану алдындағы ахуал, тремор, ауыз айналасының парестезиясы, тілдің ұйып қалуы, ұйқышылдық, құрысулар, кома. Көру мүшесі тарапынан: жиілігі белгісіз - анық көрудің нашарлауы, диплопия, өткінші амавроз. Есту мүшесі тарапынан және құлақ иірінің бұзылулары: жиілігі белгісіз - құлақтағы шуыл, гиперакузия. Жүрек тарапынан: жиілігі белгісіз - брадикардия, миокард бәсеңдеуі, жүрек аритмиясы, жүректің тоқтап қалуы. Тамырлар тарапынан: жиілігі белгісіз - гипотензия, тамырлық коллапс. Тыныс алу жүйесі, кеуде қуысы және көкірек ортасы ағзалары тарапынан: жиілігі белгісіз - ентігу, бронх түйілуі, тыныс тарылуы. Асқазан-ішек жолы тарапынан: жиілігі белгісіз - жүрек айну, құсу. Тері және тері асты тіндері тарапынан: жиілігі белгісіз - бөртпе, есекжем, ісіну (ангионевроздық ісіну мен бет ісінуін қоса). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық дерекқорға тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Цефтриаксон Симптомдары Ротацеф препаратының артық дозалануы кезінде жүрек айну, құсу және диарея туындауы мүмкін. Емдеу Цефтриаксон гемодиализ немесе перитонеальді диализ арқылы шығарылмайды. Спецификалық антидот жоқ. Емдеу - симптоматикалық. Лидокаин Симптомдары Лидокаиннің артық дозалануы орталық жүйке жүйесінің өткінші стимуляциясы ретінде көрініс беруі мүмкін. Алдымен есінеу, мазасыздық, бас айналу, жүрек айну, құсу, дизартрия, атаксия, есту мен көру қабілетінің нашарлауы пайда болуы мүмкін. Орташа уыттану кезінде бұлшықеттердің тартылуы мен құрысулар да туындауы мүмкін. Одан кейін естен тану, тыныс тарылуы және кома туындауы мүмкін. Өте ауыр уыттану кезінде, миокардтың жиырылу қабілетінің төмендеуі мен импульстердің өткізілу кідірісі салдарынан, гипотензия мен жүрек-қантамырлық коллапс дамуынан кейін толық жүрек блокадасы мен жүректің тоқтап қалуы болуы мүмкін. Емдеу Құрысулар, гипотензия және тыныс тарылуы, сондай-ақ жүрек тарапынан құбылыстар медициналық араласуды талап етеді. Емнің басты мақсаттары оттегілендіруді демеу, құрысуларды тоқтату, қан айналымына қолдау көрсету және ацидозды басу (ол дамыған жағдайда) арқылы жүзеге асады.

Емдеуді бастар алдында пациент анамнезінде цефтриаксонға, басқа цефалоспориндерге немесе кез келген басқа бета-лактамды препараттарға аса жоғары сезімталдықтың ауыр реакциялары болған-болмағанын анықтау керек. Цефтриаксон анамнезінде басқа бета-лактамды препараттарға ауыр емес аса жоғары сезімталдығы бар пациенттерге тағайындалғанда сақ болу керек. Лидокаинді 15 жасқа дейінгі балаларға «Цефтриаксон» халықаралық патенттелмеген атауы бар препараттар үшін еріткіш ретінде пайдалануға тыйым салынады. Бұлшықет ішіне енгізуді ірі бұлшықеттерде жасап, бір бұлшықетке 1 г-ден асырмай енгізу керек. Лидокаинді еріткіш ретінде пайдалану кезінде цефтриаксонның алынған ерітіндісін вена ішіне енгізу қарсы көрсетілімді! Лидокаин еріткіш ретінде 15 жастан үлкен тұлғаларда пайдаланылғанда лидокаинге тері ішіне аллергиялық сынама жасау ұсынылады. Лидокаин еріткіш ретінде пайдаланылғанда ерітіндіні енгізер алдында пациентте лидокаин қолдануға қарсы көрсетілімдер бар-жоғын анықтау, сондай-ақ анамнезіндегі лидокаинге аллергиялық реакцияларды ескеру керек. Аса жоғары сезімталдық реакциялары Барлық бета-лактамды бактерияға қарсы заттарды қолдану кезіндегі сияқты, аса жоғары сезімталдықтың күрделі, ал кейде өлімге ұшырататын реакциялары туралы хабарланды. Аса жоғары сезімталдық реакциялары миокард инфарктісіне әкелуі мүмкін күрделі аллергиялық реакция – Коунис синдромына дейін үдеуі де мүмкін. Аса жоғары сезімталдықтың ауыр реакциялары жағдайында цефтриаксонмен емдеуді дереу тоқтатып, тиісінше шұғыл шаралар қабылдау керек. Емдеу басталғанша пациент анамнезінде цефтриаксонға, басқа цефалоспориндерге немесе кез келген басқа бета-лактамды затқа аса жоғары сезімталдықтың ауыр реакцияларының бар-жоғын анықтау керек. Егер цефтриаксон анамнезінде басқа бета-лактамды заттарға ауыр емес жоғары сезімталдық оқиғалары аталған пациенттерге тағайындалған жағдайда сақтық таныту керек. Цефтриаксонмен емдеуге байланысты өмірге қауіпті болуы немесе өлімге ұшыратуы мүмкін тері тарапынан күрделі жағымсыз реакциялар (Стивенс-Джонсон синдромы немесе Лайелл синдромы/уытты эпидермалық некролиз, әрі эозинофилиямен және жүйелі симптомдармен болатын дәрілік реакция (DRESS-синдром)) хабарланды; алайда, бұл құбылыстардың жиілігі белгісіз. Яриш-Герксгеймер реакциясы Спирохетоздар бар кейбір пациенттерде цефтриаксонмен емдеу басталуынан кейін тез арада Яриш-Герксгеймер реакциясы дамуы мүмкін. Осы реакцияның көріністері, әдетте, өздігінен немесе симптоматикалық емдеуден кейін басылады. Осындай реакция туындаған жағдайда антибиотиктермен емдеу тоқтатылмауы тиіс. Құрамында кальций бар өнімдермен өзара әрекеттесуі Жасы 1 айға толмаған шала туған және мерзіміне жетіп туған нәрестелерде өкпе мен бүйректе цефтриаксон кальций шөгінділерінің пайда болуына орай өлімге әкелген реакциялар туындаған жағдайлар сипатталған. Олардың, кем дегенде, біреуіне цефтриаксон мен кальций әртүрлі уақытта және әр алуан тамшылатқыштарды пайдаланумен енгізілді. Ағымдағы ғылыми зерттеулерде цефтриаксон мен құрамында кальций бар ерітінділер, сондай-ақ құрамында кальций бар кез келген басқа өнімдер қолданылған жаңа туған нәрестелерге қатысты жағдайлардан басқа, пациенттерде тамырішілік шөгінділер болуы расталған ешқандай жағдайлар тіркелмеді. Жаңа туған нәрестелерде, басқа жас топтарымен салыстырғанда, цефтриаксонның шөгу қаупі жоғары. Кез келген жастағы пациенттерде қолдану кезінде, тіпті әр алуан инфузиялық жүйелерді пайдаланғанда немесе инфузия әртүрлі жерлерде жүргізілгенде цефтриаксонды вена ішіне енгізу үшін кез келген құрамында кальций бар ерітінділермен араластыруға немесе оны бір мезгілде қолдануға болмайды. Алайда, 28 күндік жастан үлкен пациенттер үшін инфузиялық жүйелерді әртүрлі бөліктерге қолданумен, инфузиялық жүйелерді ауыстырумен немесе шөгінді түзілуін болдырмау үшін инфузиялар жасау аралығындағы кезеңде физиологиялық тұз ерітіндісімен мұқият жуып-шая отырып, цефтриаксон мен құрамында кальций бар ерітінділерді бірінен соң бірін қолдануға болады. Толық парентеральді қоректендіруге арналған құрамында кальций бар ерітінділерді пайдаланумен үздіксіз инфузиялау керек болатын пациенттер үшін осындай шөгінді түзілу қаупін төндірмейтін бактерияға қарсы баламалы дәрілік препараттарды пайдалану мәселесін қарастыру қажет. Егер толық парентеральді қоректендіру жүргізілетін пациентте цефтриаксон қолдану қажет болса, парентеральді қоректендіруге арналған ерітінділер мен цефтриаксонды бір мезгілде, бірақ әр алуан инфузиялық жүйелерді пайдаланумен және әртүрлі жерлерде қолдануға болады. Баламалы нұсқасы цефтриаксон инфузиясын жүргізу кезінде толық парентеральді қоректендіру ерітіндісінің инфузиясын тоқтату және ерітінділерді енгізулер арасындағы үзілістерде инфузиялық жүйелерді жуып-шаю болуы мүмкін. Педиатрияда қолдану «Дозалау және қолдану тәсілі» бөлімінде жаңа туған нәрестелер, сәбилер мен балалар үшін Ротацеф препаратының қауіпсіз және тиімді дозалары белгіленген. Цефтриаксон, кейбір басқа цефалоспориндер сияқты, билирубинді сарысулық альбуминнен ығыстыра алады. Ротацеф билирубиндік энцефалопатияның даму қаупі бар шала туған және мерзіміне жетіп туған нәрестелерге қарсы көрсетілімді. Иммунологиялық себептен болатын гемолиздік анемия Иммунологиялық себептен болатын гемолиздік анемия цефалоспориндер класының бактерияға қарсы препараттарын қолданып жүрген пациенттерде байқалды. Цефтриаксонмен емдеу кезінде ересектер мен балаларда гемолиздік анемияның, оның ішінде өліммен аяқталған ауыр жағдайлары болды. Егер пациентте цефтриаксонды қолдану кезінде анемия дамыса, цефалоспориндер қабылдау аясында оның даму ықтималдығын бағалап, ал цефтриаксон қабылдауды этиологиясының анықталуына дейін тоқтату керек. Ұзақ уақыт емдеу Ұзақ уақыт емдеу кезінде жүйелі қан талдауын өткізу қажет. Колит/сезімтал емес микроорганизмдердің шектен тыс көбеюі Цефтриаксонды қоса, бактерияға қарсы дәрілерді қолданумен байланысты ауырлығы жеңілден өмірге қатерлі дәрежеге дейін өзгеріп отыратын колит пен жалған жарғақшалы колит жағдайлары хабарланды. Сондықтан цефтриаксонды қолдану кезінде немесе одан кейін туындаған диареямен науқастарды емдеу кезінде аталған диагнозды ескеру маңызды. Цефтриаксонмен емдеуді тоқтату және Clostridium difficile тудырған колитке спецификалық емдеу жүргізу қажет. Перистальтиканы тежейтін дәрілік препараттарды қабылдауға болмайды. Бактерияға қарсы басқа дәрілерді қолдану жағдайындағы сияқты, цефтриаксонмен емдеу төзімді микроорганизмдердің пайда болуымен асқын инфекцияға алып келуі мүмкін. Бүйрек және бауырдың ауыр жеткіліксіздігі Бүйрек және бауырдың ауыр жеткіліксіздігінде қауіпсіздігі мен клиникалық тиімділігіне бақылау жүргізуге кеңес беріледі. Серологиялық зерттеулер нәтижелеріне әсері Кумбс сынамасының жалған-оң нәтижелері болуы мүмкін. Цефтриаксон галактоземия зерттеулерінің жалған-оң нәтижелеріне де әкелуі мүмкін. Несептегі глюкозаны анықтаудың ферментативтік емес әдістері жалған-оң нәтижелерге әкелуі мүмкін. Ротацеф препаратымен емдеу кезінде несептегі глюкозаны анықтау ферментативтік әдістермен орындалу керек. Цефтриаксонды қолдану қандағы глюкоза деңгейіне жасалған тест мәнін бұрмалауы (төмендетіп көрсетуі) мүмкін. Тест-жүйелерді қолдану жөніндегі нұсқаулық көрсетілімдерін қадағалау қажет. Қажет болса, баламалы зерттеу әдістерін пайдалану керек. Натрий Ротацеф, инъекция үшін ерітінді дайындауға арналған 1.0 г ұнтақ құрамында бір құтысына 82.8 мг натрий бар, ол ДДҰ ұсынған ең жоғары тәуліктік тұтынудың 4,1% мөлшеріне баламалы (ересек адам үшін 2.0 г натрий). Бактерияға қарсы әсер ету ауқымы Цефтриаксонның бактерияға қарсы белсенділік ауқымы шектеулі. әрі ауру қоздырғышы расталған жағдайларды қоспағанда, оны инфекциялардың кейбір түрлерін емдеу үшін монотерапия ретінде пайдалануға болмайды. Күмән тудыратын ауру қоздырғыштары цефтриаксонға төзімді организмдерді қамтитын полимикробты инфекцияларда қосымша антибиотик тағайындауды қарастыру керек. Лидокаинді қолдану Лидокаин (бұлшықет ішіне инъекцияларға арналған еріткіш құрамында болатын) ауыр миастения, эпилепсия, жүрек өткізгіштігінің бұзылуы, жүректің іркілісті жеткіліксіздігі, брадикардия немесе тыныс тарылуы бар пациенттерде сақтықпен қолданылу керек. Лидокаинмен өзара әрекеттесетін дәрілік заттарды, оның жетімділігін арттырып немесе аддитивті әсерлерін туындата отырып (мысалы, фенитоин) немесе оның шығарылу уақыты ұзарып кететін жай-күйлерде, мысалы, лидокаин метаболиттерінің жиналуы болуы мүмкін бауыр немесе бүйрек жеткіліксіздігінде бірге пайдаланған жағдайларда да сақ болу қажет. Бұлшықет ішіне қолданылатын лидокаин креатинфосфокиназа концентрациясын арттыруы мүмкін, бұл жедел миокард инфарктісінің диагностикасын қиындатуы мүмкін. Лидокаин порфириядан зардап шегіп жүрген тұлғаларда қолданылмау керек. Жаңа туған нәрестелерде құрысулар мен аритмиялар сияқты уыттануды болдырмауға мүмкіндік беретін лидокаиннің оңтайлы сарысулық концентрациясы анықталмаған. Өт-тас ауруы Ультрадыбыстық зерттеуде көлеңкелер пайда болған жағдайда цефтриаксон кальций преципитаттарының болуы мүмкін екенін ескеру керек. Бәрінен жиірек цефтриаксонның тәулігіне 1 г және одан жоғары құрайтын дозаларын қолдану кезінде өт қалтасының эхограммаларынан өт қалтасындағы тастар болып қате қабылданған көлеңкелер табылды. Балаларды емдеу кезінде ерекше зейін таныту керек. Осындай шөгінділер цефтриаксонмен емдеуді тоқтатудан кейін басылады. Билиарлы стаз Цефтриаксонмен емдеуден өткен пациенттерде билиарлы обструкция салдарынан болуы мүмкін панкреатит пайда болған жағдайлар аталды. Пациенттердің көпшілігінде холестаз және билиарлы шөгінді қалыптасуының қауіп факторлары, мысалы, осының алдындағы негізгі ем, ауыр ауру мен толық парентеральді қоректендіру болды. Цефтриаксон қолдану салдарынан триггерлі факторды немесе өт преципитаттары түзілетін кофакторды жоққа шығаруға болмайды. Бүйрек-тас ауруы Цефтриаксонмен емдеуді тоқтатудан кейін қайтымды сипаттағы бүйрек-тас ауруы пайда болған жағдайлар аталды. Симптомикалық жағдайларда УДЗ жүргізген жөн. Анамнезінде бүйрек-тас ауруы немесе гиперкальциурия бар пациенттерге цефтриаксонды тағайындау шешімі нақты пациент үшін қаупі мен пайдасын бағалау негізінде қабылдануы тиіс. Энцефалопатия Цефтриаксонды, әсіресе, ауыр дәрежедегі бүйрек жеткіліксіздігі немесе орталық жүйке жүйесінің аурулары бар егде жастағы пациенттерде қолдану кезінде энцефалопатия дамыған жағдайлар хабарланды. Цефтриаксонмен астасқан энцефалопатияға күмән туындағанда (мысалы, сананың бұзылуы, психикалық күй өзгеруі, миоклонус, ұстамалар) цефтриаксонды тоқтату мүмкіндігін қарастыру керек. Арнайы сақтандырулар Егде жастағы тұлғаларда қолдану Бүйрек және бауыр қалыпты қызмет атқарған жағдайда егде жастағы пациенттер үшін дозаны түзету қажет емес. Бауыр функциясының бұзылуы бар пациенттерде қолдану Қолда бар деректер, бүйрек функциясы қалыпты болған жағдайда, бауыр функциясының жеңіл немесе орташа бұзылуында цефтриаксон дозасын түзету қажеттілігін көрсетпейді. Бауыр жеткіліксіздігі ауыр пациенттерде препараттың қолданылуына зерттеулер жүргізілмеген. Бүйрек функциясының бұзылуы бар пациенттерде қолдану Қолда бар деректер, бауыр функциясы бұзылуы болмаған жағдайда, бүйрек функциясының бұзылулары бар пациенттерде цефтриаксон дозасын түзету қажеттілігін көрсетпейді. Бүйректің терминалдық жеткіліксіздігі (креатинин клиренсі <10 мл/мин) алдындағы жағдайларда цефтриаксон дозасы тәулігіне 2 г-ден аспауы тиіс. Диализде жүрген пациенттерде емшарадан кейін препаратты қосымша енгізу қажет емес. Цефтриаксон перитонеальді диализ немесе гемодиализ арқылы шығарылмайды. Препараттың қауіпсіздігі мен клиникалық тиімділігін мұқият бақылау қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цефтриаксонмен емдеу кезінде жағымсыз әсерлерін (мысалы, бас айналу) байқауға болады, ол автокөлік басқару және механизмдер қызметін көрсету қабілетіне ықпал етуі мүмкін. Сондықтан автокөлік жүргізу немесе механизмдер қызметін көрсету кезінде сақтық шарасын қадағалау көрсетілген.

Цефтриаксон Цефтриаксон плаценталық бөгет арқылы өтеді. Цефтриаксонды жүкті әйелдерде пайдалану туралы шектеулі деректер бар. Цефтриаксон жүктілік кезінде, әсіресе, жүктіліктің I триместрінде, егер тек анасы үшін пайдасы шарана үшін ықтимал қауіпінен артық болса ғана тағайындалу керек. Цефтриаксон ана сүтіне мардымсыз мөлшерде бөлінеді, ал емдік дозаларда қолданғанда жаңа туған нәрестеге немесе емшек еміп жүрген сәбиге ешқандай әсерін көрсетпейді. Алайда, диарея және шырышты қабықтардың зеңдік зақымдану қаупін жоққа шығаруға болмайды. Сенсибилизация мүмкіндігін ескеру керек. Бала емізуді тоқтату немесе цефтриаксонмен емдеуді тоқтату/емнен бас тарту шешімін сәби үшін емшекпен қоректенудің пайдасын және ана үшін емнің пайдасын ескере отырып, қабылдау қажет. Лидокаин Лидокаин жүктіліктің ерте мерзімдерінде тек ана үшін күтілетін пайдасы шарана үшін ықтималды қауіптен асып кететін жағдайларда ғана қолдануға ұсынылады. Лидокаин аздаған мөлшерде емшек сүтіне өтеді. Лидокаинді бала емізетін аналарда қолдану кезінде балаларда аллергиялық, оның ішінде кейіннен білінетін реакциялардың даму ықтималдығы бар.

Тұнба түзілуі мүмкіндігіне орай, Рингер ерітіндісі немесе Хартман ерітіндісі сияқты құрамында кальций бар ерітінділерді Ротацеф препаратын сұйылту немесе вена ішіне енгізу үшін алынған ерітіндіні әріқарай сұйылту үшін қолдануға болмайды. Цефтриаксонның кальций шөгіндісі цефтриаксонды және құрамында кальций бар ерітінділерді вена ішіне енгізу үшін бір ғана жүйені пайдалану кезінде түзілуі мүмкін. Цефтриаксонды Y жалғамы арқылы парентеральді қоректену сияқты, құрамында кальций бар үздіксіз инфузияларды қоса, құрамында кальций бар венаішілік ерітінділермен бір мезгілде қолдануға болмайды. Алайда, жаңа туған нәрестелерден басқа пациенттерге, цефтриаксон мен құрамында кальций бар ерітінділерді бірізділікпен, инфузиялар жүргізу аралығында инфузиялық жүйелерді үйлесімді ерітіндімен мұқият жуып-шаюдан кейін бірінен соң бірін енгізуге болады. Жаңа туған нәрестелерде кальций цефтриаксоны шөгіндісінің жоғары түзілу қаупі болады. Пероральді антикоагулянттармен бір мезгілде қолдану К дәруменіне қатысты антагонистік әсерді күшейтуі және қан кету қаупін арттыруы мүмкін. Цефтриаксонмен емдеу кезінде және одан кейін Халықаралық қалыптасқан қатынасты (ХҚҚ) мониторингтеу және тікелей емес антикоагулянттар дозаларын тиісінше түзету қажет. Цефалоспориндермен бір мезгілде пайдалану кезінде аминогликозидтер нефроуыттылығының арту мүмкіндігі туралы қарама-қайшы деректер бар. Осындай жағдайларда аминогликозидтер деңгейін және бүйрек функциясын мониторингтеу ұсынылады. Хлорамфеникол мен цефтриаксон біріктірілімін қолдану кезінде антагонистік әсерлер байқалды. Аталған зерттеудің клиникалық маңыздылығы белгісіз. Ішке қабылдау кезінде цефтриаксон мен құрамында кальций бар өнімдердің өзара әрекеттесуі туралы немесе бұлшықет ішіне енгізу кезінде цефтриаксон мен вена ішіне енгізуге немесе ішке қабылдауға арналған құрамында кальций бар өнімдердің өзара әрекеттесуі туралы деректер болмады. Цефтриаксонмен емдеуден өткен пациенттерде Кумбс тестісі жалған-оң нәтижелер көрсетуі мүмкін. Цефтриаксон, басқа да антибиотиктер сияқты, галактоземия бар-жоғына тестілердің жалған-оң нәтижелерін алуға әкелуі мүмкін. Бұдан бөлек, несептегі глюкозаны анықтаудың ферменттік емес әдістері жалған-оң нәтижелер беруі мүмкін, сондықтан цефтриаксонмен емдеу аясында несептегі глюкоза деңгейін анықтауды ферменттік әдістермен жүргізу керек. Цефтриаксонның жоғары дозалары мен қуатты диуретиктерді (мысалы, фуросемид) бірге қолдану кезінде бүйрек функциясының бұзылулары байқалмады. Пробенецидті бір мезгілде қолдану цефтриаксон шығарылуын төмендетпейді. Үйлесімсіздігі Әдебиетте атап көрсетілген хабарламалар негізінде цефтриаксон амсакринмен, ванкомицинмен, флуконазолмен және аминогликозидтермен үйлеспейді. Басқа антибиотикті Ротацеф препаратымен бір мезгілде жоспарлы қолдану кезінде препараттар бір шприцте немесе инфузияға арналған бір ғана ерітіндіде жанаспауы тиіс.

Сақтау мерзімі Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Дайындалған ерітінді 2ºС – 8ºС температурада 24 сағат бойы немесе 15ºС – 25ºС температурада 6 сағат бойы тұрақты. Балалардың қолы жетпейтін жерде сақтау керек!