Рофилас таблетки 0.5 мг

Бір таблетканың құрамында белсенді зат - рофлумиласт 0.500 мг, қосымша заттар: маннитол (Pearlitol SD 100), маннитол (Pearlitol 25C), микрокристалды целлюлоза (Vivapur 102), 2-пропанол, метиленхлорид, коллоидты кремнийдің қостотығы (Aerosil 200), магний стеараты Сыртқы түрінің, иісінің, дәмінің сипаттамасы Дөңгелек пішінді, бір жағында 'H' және екінші жағында 'I' өрнегі бар жиектері жалпақ қиғашталған, ақ немесе ақ дерлік түсті таблеткалар

- созылмалы бронхитпен астасқан ауыр ағымды өкпенің созылмалы обструкциялық ауруын (ӨСОА) емдеу кезіндегі демеуші ем (бір минут ішінде қарқынды дем шығарудың постбронходилатациялық көлемі (ҚДШ1) есептелген тиісті көрсеткіштің 50%-ынан кем болуы тиіс), анамнезінде бронходилатациялық емге қосымша жиі асқынулары бар ересек пациенттерде Қолдану басталғанға дейін қажетті мәліметтер тізбесі

Рофлумиласт - бұл фосфодиэстераза-4 (PDE4) тежегіші, өкпенің созылмалы обструкциялық ауруымен (ӨCOА) байланысты қабыну процестерін жоюға бағытталған қабынуға қарсы стероидты емес дәрі. Әсер ету механизмі негізгі циклдік аденозинмонофосфаты (цАМФ)-метаболиздейтін фермент фосфодиэстераза-4 тежелуінен тұрады, ол қабыну процестеріне қатысатын және ӨСОА патогенезінде маңызды болып табылатын жасушаларда болады. Рофлумистаттың әрекеті негізінен наномолярлық диапазонда ұқсас потенциалы бар PDE4A, PDE4 В және PDE4С-қа бағытталған. PDE4С типіне афинділік 5-10 есе төмен. Бұл әсер ету механизмі мен селективтілігі рофлумистаттың негізгі белсенді метаболиті болып табылатын N-оксидке де қолданылады. PDE4 тежелуі цАМФ жасушаішілік деңгейінің жоғарылауына және ӨСОА-мен байланысты лейкоциттердің, тыныс алу жолдары мен өкпе тамырлары тегіс бұлшықет жасушаларының, эндотелий жасушалары мен тыныс алу жолдары эпителий жасушаларының, сондай-ақ фибробласттардың төмендеуіне әкеледі. Адам нейтрофилдерін, моноциттерді, макрофагтарды немесе лимфоциттерді (in vitro) ынталандыру рофлумиласт және рофлумиласт N- оксиді В4 лейкотриені, оттегінің белсенді формалары, α, интерферон γ және гранзим В ісіктерінің некроз факторы сияқты қабыну медиаторларының шығарылуын тежейді. ӨСОА бар пациенттерде рофлумиласт қақырықтағы нейтрофилдердің құрамын төмендетеді, сондай-ақ эндотоксин қабылдаған дені сау еріктілердің тыныс жолдарына нейтрофилдер мен эозинофилдердің көшуін төмендетеді. Осы препаратты тағайындаған кезде өкпе функциясының жақсарғаны және ӨСОА бар пациенттерде асқыну жиілігінің төмендегені байқалады.

Ересектерге Ұсынылатын доза – күніне бір рет 500 мкг (1 таблетка). Таблеткаларды тамақ ішуге қарамастан, күн сайын бір уақытта сумен ішіп қабылдау керек. Емдеу ұзақтығы Рофлумиласт ұзақ уақыт қолданылады. Емдік әсерге қол жеткізу үшін бірнеше апта бойы емдеу қажет болуы мүмкін. Рофлумиласт қабылдаудың бір жылға дейінгі ұзақтығы туралы деректер бар. Пациенттердің ерекше топтары Балалар ӨСОА бар 18 жасқа дейінгі балалар мен жасөспірімдерде рофлумиласт қолдану бойынша тиісті деректер жоқ. Егде жастағы пациенттер (65 жас және одан асқан) Дозаны түзету қажет емес. Бауыр жеткіліксіздігі бар пациенттер Бүйрек аурулары бар пациенттерге дозаны түзету қажет емес. Бүйрек жеткіліксіздігі бар пациенттер Чайлд-Пью бойынша А класының бауыр функциясы бұзылған пациенттерде рофлумиласт қолдану туралы деректер дозаны түзету бойынша ұсынымдар беру үшін жеткіліксіз, сондықтан препаратты осындай пациенттерді емдеу кезінде сақтықпен қолдану керек. Бауырдың орташа ауыр және ауыр жеткіліксіздігі бар пациенттер (Чайлд- Пью бойынша В және С класы) рофлумиласт қолданбауы тиіс. Қолдану тәсілі Пероральді

- рофлумиластқа немесе препараттың кез келген басқа компонентіне аса жоғары сезімталдық - бауыр жеткіліксіздігінің ауырлығы орташа немесе ауыр түрі (Чайлд-Пью жіктемесі бойынша В және С) • жүктілік және лактация кезеңі - 18 жасқа дейінгі балалар мен жасөспірімдер • Р450 цитохромының қуатты индукторларымен (рифампицин, фенобарбитал, карбамазепин, фенитоин) бірге қолдану • теофиллинмен бірге қолдану (өзара әрекеттесу туралы клиникалық деректердің болмауы салдарынан) • қолданудың жеткілікті тәжірибесі болмауы салдарынан: елеулі иммун тапшылығы аурулары (АИТВ-инфекциясы, шашыраңқы склероз, жүйелі қызыл жегі, үдемелі мультифокальді лейкоэнцефалопатия және басқалары), күрделі жедел инфекциялық аурулар (мысалы, туберкулез, жедел гепатит), қатерлі ісіктер (терінің қатерлі ісігінің баяу өрбіп келе жатқан типті базальді-жасушалық карциномадан басқа), 3-4 функционалдық класс созылмалы жүрек жеткіліксіздігі (NYHA-Нью-Йорк кардиологиялық қауымдастығы) • қолданудың жеткілікті тәжірибесінің болмауы салдарынан: метотрексат, азатиоприн, инфликсимаб, этанерцепт сияқты иммуносупрессивті препараттармен емдеу, сондай-ақ пероральді глюкокортикостероидтармен тұрақты демеуші ем алатын адамдарда • суицидтік ниет пен мінез-құлықтың пайда болуымен байланысты депрессия Сақтықпен • анамнездегі психикалық бұзылыстар • CYP1A2/3А4 цитохром изофермент тежегіші эноксацинмен немесе CYP1A2/2С19/3A4 тежегіштері флувоксаминмен және циметидинмен емдеу • бауыр жеткіліксіздігінің жеңіл түрі (Чайлд-Пью бойынша А класы)

Ең жиі кездесетін шағымдар – диарея (5,9%), дене салмағының төмендеуі (3,4%), жүрек айнуы (2,9%), іштің ауыруы (1,9%) және бас ауыруы (1,7%). Осы жағымсыз жағымсыз реакциялардың көпшілігі жеңіл және орташа сипатта болады. Мұндай жағымсыз реакциялар, негізінен, емдеудің алғашқы апталарында пайда болады және көптеген жағдайларда емдеу жалғасқан сайын жоғалады. Қолайсыз жағымсыз реакциялар кездесу жиілігіне қарай жіктеледі: неғұрлым жиі (≥1/10); жиі (≥1/100 <1/10 дейін); жиі емес (≥1/1,000 <1/100 дейін); сирек (≥1/10,000 <1/1,000 дейін); өте сирек (<1/10,000), белгісіз (қолда бар деректер негізінде бағалау мүмкін емес). Жиі - салмақтың төмендеуі, тәбеттің төмендеуі - диарея, жүрек айнуы, іштің ауыруы - бас ауыруы - ұйқысыздық Жиі емес - препарат компоненттеріне аса жоғары сезімталдық* - бөртпе - үрейлену - тремор, бас айналу, вертиго, - дімкәстік, астения, қажу - пальпитация (жүректің қатты соғуы) - гастрит, құсу, гастроэзофагеальді рефлюкс ауруы, диспепсия - бұлшықеттің түйілуі және бұлшықет әлсіздігі, миалгия, арқаның ауыруы Сирек - ангионевроздық ісіну - гинекомастия - депрессия, күйгелектік, үрейлі шабуылдар, суицидтік ойлар мен мінез-құлық** - дисгевзия (дәм сезуінің төмендеуі) - тыныс алу жолдарының инфекциялары (пневмонияны қоспағанда) - гематохезия (қанды нәжіс), іш қату - бауыр ферменттері белсенділігінің жоғарылауы: гамма-глутамил-трансферазалар, аспартатаминотрансферазалар - қандағы креатинфосфокиназа белсенділігінің жоғарылауы - есекжем * Егер ауыр аллергиялық реакциялар пайда болса, препаратты қабылдауды тоқтатып, дереу дәрігерге қаралу керек. ** Клиникалық зерттеулер жүргізу кезінде және постмаркетингтік кезеңде суицидтік ойлау мен мінез-құлықтың сирек жағдайлары (оның ішінде аяқталған суицид) туралы хабарламалар алынды. Пациенттерге суицидтік ойлардың барлық көріністері туралы дәрігерге хабарлау қажеттілігі туралы нұсқау беру керек. Пациенттердің басқа да ерекше топтары Рофлумиласт қабылдау нәтижесінде ұйқының бұзылуы (негізінен ұйқысыздық) 75 жастан асқан егде пациенттерде жиі байқалды. Ұйқының бұзылуы (ұйқысыздық) дене салмағы 60 кг кем пациенттерде рофлумиласт қабылдау аясында жиі кездеседі. Ұзақ әсер ететін мускариндік рецепторлардың антагонистерімен қатар емдеу (LAMA) ICS және LABA үйлесімінде рофлумиласт қабылдаған пациенттермен салыстырғанда ингаляциялық кортикостероидтармен (ICS) және ұзақ әсер ететін В2 –агонистерімен (LABA) үйлестіре отырып, рофлумиластпен және ұзақ әсер ететін мускариндік рецепторлардың (LAMA) антагонисттерімен қатар ем қабылдаған пациенттерде салмақ пен тәбеттің, бас ауруының, депрессияның төмендеу жиілігі байқалды. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: бас ауыруы, асқазан-ішек бұзылыстары, жүрек қағуының жиілеуі, бас айналу, сананың бұлыңғырлануы, тершеңдік және артериялық гипотензия. Емі: тиісті симптоматикалық ем. Рофлумиласт плазма ақуыздарымен едәуір дәрежеде байланысатындықтан, гемодиализ оны шығарудың тиімді әдісі болып табылмайды. Рофлумиласт перитонеальді диализге беріле ме, жоқ па деген деректер жоқ.

Барлық пациенттер Рофилас қабылдау кезінде ықтимал қауіптер және препаратты қауіпсіз қолданудың сақтық шаралары туралы хабардар болуы тиіс, сондай-ақ емделуді бастамас бұрын пациенттің карточкасын беру керек. Жылдам көмектесетін препараттар Рофилас жедел бронх түйілуін басуға жылдам көмектесетін препараттарға жатпайды. Салмақтың төмендеуі Плацебо қабылдаған пациенттермен салыстырғанда рофлумиласт қабылдаған пациенттерде дене салмағының төмендеуі жиі байқалды. Рофлумиласт қабылдауды тоқтатқаннан кейін пациенттердің көпшілігі дене салмағын 3 ай ішінде қалпына келтірген. Дене салмағы жеткіліксіз пациенттерде дәрігерге барған сайын салмақты бақылап отыру керек. Пациенттерге дене салмағын үнемі бақылап отыруға кеңес берілуі керек. Түсініксіз және клиникалық маңызды салмақ жоғалту жағдайында (диетамен немесе жаттығулармен байланысты емес) рофлумиласт қабылдауды тоқтату және пациенттің салмақ жинау динамикасын қадағалау қажет. Айрықша клиникалық жағдайлар Жеткілікті тәжірибенің болмауы салдарынан Рофилас препаратымен емдеуді бастамаған жөн немесе Рофилас қолдануды ауыр иммунологиялық аурулары бар пациенттерде (АИТВ инфекциясы, шашыраңқы склероз, жүйелі қызыл жегі, үдемелі мультифокальді лейкоэнцефалопатия сияқты), жедел ауыр инфекциялық аурулармен, қатерлі ісіктермен (базальді-жасушалық карциномадан басқа) немесе иммуносупрессанттармен ем қабылдайтын пациенттерде (метотрексат, азатиоприн, инфликсимаб, этанерсепт, кортикостероидтарды ұзақ пероральді қабылдау кортикостероидтарды қысқа мерзімді қабылдауды қоспағанда) тоқтату қажет. Туберкулез, вирустық гепатит, герпес инфекциясы және белдемелі теміреткі сияқты жұқпалы аурулардың жасырын түрлерімен ауыратын пациенттерді емдеу тәжірибесі шектеулі. Жүректің ауыр жеткіліксіздігі бар пациенттерде рофлумиласт қауіпсіздігі мен тиімділігі зерттелмеген (NYHA жіктемесі бойынша 3 және 4 функционалдық класы), сондықтан науқастардың осы тобында қолдану ұсынылмайды. Психикалық бұзылыстар Рофилас препаратын қолдану ұйқысыздық, үрейлену, ашушаңдық және депрессия сияқты психикалық бұзылулардың жоғарлау қаупімен байланысты. Суицидтік ойлау мен мінез-құлықтың сирек жағдайлары, оның ішінде аяқталған суицид анамнезінде депрессиясы бар немесе жоқ пациенттерде, әдетте, емдеудің алғашқы апталарында байқалған. Сондықтан, егер пациенттер бұрын байқалған психикалық симптомдар туралы хабарласа немесе мұндай симптомдар қазіргі уақытта оларда байқалса, немесе егер психикалық бұзылулардың пайда болу ықтималдығына байланысты басқа дәрілік заттармен қатар емдеу жоспарланса, Рофилас препаратымен емдеудің басталуына немесе жалғасуына байланысты қауіптер мен пайдасына мұқият бағалау жүргізу керек. Мінез-құлқы, көңіл-күйіндегі кез келген өзгерістер немесе кез келген сипаттағы суицидтік ойлардың пайда болуы туралы емдеуді тағайындаған дәрігерді хабардар ету қажеттігі туралы пациенттер мен олардың қамқоршыларына нұсқау беру керек. Рофиласты анамнезінде суицидтік ойлау мен мінез-құлықтың пайда болуымен астасқан депрессиямен пациенттерде қолдануға ұсынылмайды. Егер пациент жаңа немесе бұрынғы психикалық симптомдардың өршуіне ұшырып немесе суицидтік ойлар немесе өзіне-өзі қол жұмсау әрекеттері анықталса, рофлумиластпен емдеуді тоқтату ұсынылады. Тұрақты төзімсіздік Диарея, жүрек айну, іштің ауыруы және бас ауыруы сияқты жағымсыз реакциялар негізінен емдеудің алғашқы апталарында пайда болатынына және көп жағдайда емді жалғастырғанда қайтатынына қарамастан, тұрақты төзімсіздік жағдайында Рофилас препаратымен емдеу туралы мәселені қайта қарау керек. Пациенттердің ерекше топтары жоғары бейімділікпен тұрақты төзбеушілікті дамытуға, атап айтқанда, терісі қара темекі шекпейтін әйелдер немесе CYP1A2/2С19/3А4 тежегіштері флувоксамин және циметидинмен немесе CYP1A2/3A4 тежегіші эноксацинмен бір мезгілде ем алатын пациенттер бейім. Дене салмағы 60 кг кем пациенттер Бастапқы дене салмағы 60 кг-нан кем, рофлумиластпен ем алатын пациенттер осы науқастарда табылған жалпы PDE4 - тежегіш белсенділігі жоғары болуына байланысты ұйқы бұзылуының (ұйқысыздықтың) даму қаупі жоғары болады («Жағымсыз әсерлер» бөлімін қараңыз). Теофиллин Демеуші ем үшін теофиллинмен бір мезгілде қолдану мүмкіндігін растайтын деректер жоқ. Сондықтан рофлумиластпен және теофиллинмен біріктірілген ем ұсынылмайды. Арнайы ескертулер Бала туу жасындағы әйелдер Бала туатын жастағы әйелдерге рофлумиластпен емдеу кезінде контрацепцияның тиімді әдісін пайдалану керек. Рофилас контрацептивтерді пайдаланбайтын бала туу жасындағы әйелдерге ұсынылмайды. Жүктілік Жүкті әйелдерде рофлумиласты қолдану бойынша деректер шектеулі. Рофлумиласт плацентарлы бөгет арқылы өтеді. Жануарларға жүргізілген зерттеулер препараттың репродуктивті уыттылығын көрсетті. Рофиласты жүкті әйелдерге қабылдау ұсынылмайды. Емшекпен емізу Жануарлардан алынған фармакокинетикалық деректер сүтке рофлумиласттың немесе оның метаболиттерінің бөлінуін көрсетті. Бала организміне рофлумиласттың түсу қаупін жоққа шығаруға болмайды. Сондықтан препаратты лактация кезінде қолдану ұсынылмайды. Фертильділік Адамның сперматогенезін зерттеу кезінде 500 мкг дозада рофлумиласт емнің 3 айы ішінде және емді тоқтатқаннан кейін кейінгі 3 ай кезеңінде шәуһет параметрлеріне немесе жыныстық гормондарға әсер еткен жоқ.

Нұсқаулықта көрсетілмеген.

Рофлумиласт метаболизмінің негізгі кезеңі CYP3A4 және CYP1A2 цитохромы көмегімен рофлумиласт N-оксидіне рофлумиласт N-тотығуы болып табылады. Рофлумиласт та, рофлумиласт N-оксиді де PDE4 ішкі тежегіш белсенділігіне ие, Рофлумиласттың да, рофлумиласттың N–оксидінің де PDE4 ішкі ингибиторлық белсенділігі бар, сондықтан, рофлумиласт қабылдағаннан кейін PDE4 жалпы тежегіштік белсенділігі рофлумиласттың да, рофлумиласт N–оксидінің де жалпы әсерін білдіреді. CYP 3A4 цитохромы тежегіштерімен, эритромицинмен және кетоконазолмен өзара әрекеттесудің клиникалық зерттеулері PDE4 жалпы тежегіштік белсенділігінің 9%-ға артқанын көрсетті (яғни, рофлумиласт пен рофлумиласт N–оксидінің жалпы экспозициясы). CYP1A2/3А4 тежегіші - эноксацинмен және CYP1A2/2С19/3A4 тежегіштері циметидин және флувоксаминмен өзара әрекеттесуді зерттеу PDE4 жалпы тежегіштің белсенділігінің сәйкесінше 59%, 25% және 47% өскенін көрсетті. Рофлумиласт тестіленген дозасы 50 мг болды. Рофилас препаратын осы белсенді заттармен бірге қолдану әсердің күшеюіне және тұрақты төзімсіздікке әкелуі мүмкін. Бұл жағдайда Рофилас препаратымен емдеу туралы мәселені қайта қарау қажет. Рифампицин P450 цитохромы индукторын қабылдау PDE4 жалпы тежегіштік белсенділігінің шамамен 60%-ға төмендеуіне әкеледі, сондықтан P450 цитохромының қуатты индукторларын (мысалы, фенобарбитал, карбамазепин, фенитоин) қолдану рофлумиласт емдік тиімділігінің төмендеуіне әкелуі мүмкін. Осылайша, рофлумиласты Р450 цитохромының қуатты индукторларын қабылдайтын пациенттерге тағайындау ұсынылмайды. Теофиллинмен бір мезгілде қабылдау PDE4 жалпы тежегіштік белсенділігінің 8%-ға артуына әкелді. Құрамында гестоден және этинилэстрадиол бар пероральді контрацептивтермен өзара әрекеттесуді зерттеу кезінде PDE4 жалпы тежегіштік белсенділігі 17%-ға артты. Осы белсенді заттарды алатын пациенттерде дозаны түзету талап етілмейді. Ингаляциялық препараттармен ешқандай өзара әрекеттесу байқалған жоқ: сальбутамолмен, формотеролмен, будесонидпен және пероральді препараттармен: монтелукаст, дигоксин, варфарин, сильденафил және мидазоламмен ешқандай өзара әрекеттесу байқалған жоқ. Антацидті препараттармен бір мезгілде қабылдау (алюминий гидроксиді мен магний гидроксидінің біріктірілімі) сіңіру көрсеткіштерін немесе рофлумиласт немесе рофлумиласт N–оксидінің фармакокинетикалық қасиеттерін өзгертпеді.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25С-ден аспайтын температурада сақтау керек. Балалардың қолы жетпейтін жерде сақтау керек!