Румалайя крем

30 г препараттың құрамында белсенді заттар: майлар: үнді күнжіт майы 220мг ментол майы 100мг камфора майы 50 мг тазартылған терпентин майы 50 мг даршын майы 25мг Өңделген: Nardostachys jatamansi, Inula recemosa, Celastrus paniculatus, Vitex negundo, Ocimum sanctum, Acorus calamus, Hyoscyamus niger, Anacyclus pyrethrum, Calotropis procera, Datura metel, Pluchea lanceolata, Cateria lacca, Berberis aristata, Piper nigrum, Cedrus deodara, Ricinus communis, Rubia cordifolia, Plumbago zeylanica, Nerium odorum және Dashamoola. қосымша заттар: цетостеарил спирті, Ноиген (Noigen) CS1000, лимон майы (лемонграсс), натрий альгинаты, метилпарабен, пропилпарабен, тазартылған су Сыртқы түрінің, иісінің, дәмінің сипаттамасы Өзіне тән камфора иісі бар, бозғылт-сары жартылай қатты крем.

Дәрілік препарат ересектерде келесі ауруларда қолданылады: - ревматоидтық артритте - остеоартрозда

ATХ коды M02AX Әсер ету механизмі Румалайя кремі өсімдіктерден алынған көп компонентті препарат болып табылады, ол қабынуға қарсы және ауырғанды басатын әсерге ие. Румалайя кремінің құрамына кіретін ментол майы мен күнжіт майы люмбаго, артрит және невралгия сияқты түрлі ревматизмдік жай-күйлерде жергілікті-тітіркендіргіш әсерге ие, сондай-ақ, ревматизм кезінде ауырғанды басатын дәрі ретінде қолданылады. Румалайя кремі терінің ауырсыну рецепторларының сезімталдығын бәсеңдетеді және оның әсері тікелей ауыруды әлсіретуге немесе тыюға бағытталған, терінің ауырсыну рецепторларының сезімталдық деңгейлерін төмендетеді және тікелей ауыруды басады. Гидроксипролин, коллагеннің негізгі компоненті, бұл оның тұрақтылығына қатысты елеулі рөл атқарады. Цейлон майы остеоартрит сияқты дегенерациялық аурулар кезінде азаятын, тіндердегі гидроксипролин мөлшерін арттырады, және сол арқылы, шеміршектің қалпына келуі мен жазылуына ықпал етеді. Румалайя кремі қабынған беткейлік тіндердің арасынан өтіп, зақымданған аймаққа қанның ағып келуін күшейтеді және хемомедиаторлардың секрециясын бәсеңдетеді, сонымен қатар қабынуға қарсы күшті әсерге ие.

Дозалану режимі Ересектер Кремнің ұзындығы 1-2 см жолағын теріге зақымданған буын проекциясы аймағына жағады және қарқынды массаж қимылдарымен ысқылайды. Жағылған орындарды жылы ұстау ұсынылады. Кремді 4 апта бойы, тәулігіне 2 рет қолданады. Емдеу курстарын дәрігердің ұсынымы бойынша қайталауға болады. Балалар Балалар мен 18 жасқа дейінгі жасөспірімдерде қолдануға болмайды. Егде жастағы пациентер Дозасын түзету қажет емес. Бауыр жеткіліксіздігі бар пациентер Дозасын түзету қажет емес. Бүйрек жеткіліксіздігі бар пациентер Дозасын түзету қажет емес. Енгізу әдісі және жолы Жергілікті қолдануға арналған. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.

- әсер етуші заттарына немесе қосымша заттарының кез келгеніне аса жоғары сезімталдық - жүктілік және бала емізу кезеңі - балалар мен 18 жасқа дейінгі жасөспірімдерге

Сирек (≥ 1/10000 - < 1/1000 дейін) - аллергиялық реакциялар Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қазіргі уақытқа дейін препаратты қолданғандағы артық дозаланған жағдайлар туралы мәліметтер түспеген.

Тек сыртқа қолдануға арналған. Аллергиялық реакциялар пайда болған жағдайда, препаратты қолдануды тоқтату керек. Крем көзге тиіп кеткен жағдайда, оны сумен шаю керек. Арнайы сақтандырулар Педиатрияда қолданылуы Балалар мен 18 жасқа дейінгі жасөспірімдерде қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдары мен қауіптілігі зор механизмдерді басқару қабілетіне әсер етпейді.

Препаратты жүктілік кезінде және лактация кезеңінде қолдану ұсынылмайды.

Румалайя крем препараты қабынуға қарсы стероидты емес басқа дәрілермен үйлесімді. Румалайя кремінің емдік тиімділігі таблеткалар түріндегі Румалайя Фортемен бірге қолданғанда күшейе түседі.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ жерде, тікелей түсетін күн сәулесінен аулақта, 25˚С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!