Румалон® раствор 1 мл

1 мл препараттың құрамында: белсенді зат - Румалон экстрактісі (құрамында гликозаминогликан-пептидті кешен бар сүйек кемігі экстрактісі мен қабырға шеміршегі экстрактісінің қоспасы) 1.00 мл (2.25 мг-нан кем емес); қосымша заттар: 0.1 М хлорлы сутек қышқылы. Сыртқы түрінің, иісінің, дәмінің сипаттамасы Мөлдір немесе сәл бозаңданатын ерітінді, метакрезолдың иісі бар, ашық-сары түсті қоңыр реңді, механикалық қоспасыз.

Буындардың дегенеративті-дистрофиялық аурулары: гонартроз, саусақаралық буындардың артрозы, коксартроз, спондилез, спондилоартроз, менископатия, тізе-тобықтың хондромаляциясы.

Румалон препаратының құрамында гликозаминогликан-пептидті кешені бар сүйек кемігінен және жас бұзаулардың (6 айға дейін) қабырға шеміршектерінен алынған экстракт қоспасы бар. Ол шеміршек гиалинді тіндердегі бұзылған метаболизмге әсер етеді. Препарат сульфатталған мукополисахаридтердің биосинтезін күшейтеді. Буын шеміршегінің регенерациясын стимуляциялайды және шеміршек тініндегі катаболизмдік процестерді тежейді.

Дозалау режимі Бірінші күні - 0.3 мл, екінші күні-0.5 мл және одан әрі аптасына 3 рет 1 мл-ден. Енгізу әдісі және жолы Препаратты бұлшықет ішіне терең енгізеді. Емдеу ұзақтығы Емдеудің жалпы ұзақтығы 5-6 апта. Қайта емдеу курсы - дәрігердің кеңесінен кейін сол сызба бойынша. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Емдеуді бастар алдында пациент жүйелі аутоиммунды аурулардың (ревматоидты артрит, шорбуындайтын спондилит, жүйелі қызыл жегі, склеродермия) болуын жоққа шығару үшін дәрігерге қаралуы тиіс, бұл жағдайда спецификалық ем тағайындау керек.

- препарат компоненттеріне аса жоғары сезімталдық; - ревматоидты артрит; - 18 жасқа дейінгі балалар мен жасөспірімдер; - жүктілік, бала емізу кезеңі; - контрацепцияның сенімді әдістерін пайдаланбайтын ұрпақ өрбіту жасындағы әйелдерде қолдану.

Жағымсыз реакциялардың жиілігін анықтау мынадай критерийлерге сәйкес жүргізіледі: өте жиі (≥1/10), жиі (≥1/100, < 1/10), жиі емес (≥1/1000, <1/100), сирек (≥1/10000, <1/1000), өте сирек (<1/10000), белгісіз (қолда бар деректер негізінде бағалау мүмкін емес). Иммундық жүйе тарапынан: Сирек: аллергиялық реакциялар, соның ішінде анафилактоидты реакциялар, анафилаксиялық шок. Осы нұсқаулықта сипатталмаған жағымсыз әсерлер пайда болған кезде препаратты қабылдауды тоқтатып, бұл туралы емдеуші дәрігерге хабарлау керек. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Осы уақытқа дейін артық дозалану жағдайлары тіркелген жоқ.

Тікелей емес антикоагулянттармен, антиагрегантты дәрілермен және фибринолитиктермен бір мезгілде қолданған кезде қанның ұю көрсеткіштерін жиі бақылау қажет. Препаратты қолдану жоғары зейін қоюды және психомоторлық реакциялардың жылдамдығын талап ететін потенциалды қауіпті қызмет түрлерін орындау қабілетіне әсер етпейді (көлік құралдарын басқару, қозғалатын механизмдермен жұмыс, диспетчер мен оператордың жұмысы). Румалон® препаратының құрамында аллергиялық реакциялар тудыруы мүмкін метакрезол бар. Арнайы ескертулер Педиатрияда қолдану Румалон® препараты 18 жасқа дейінгі балалар мен жасөспірімдерде қолдану үшін ұсынылмайды, өйткені қауіпсіздігі мен тиімділігі туралы деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Препаратты жүктілік кезінде және емшек емізу кезеңінде қолдануға болмайды (препаратты пациенттердің осы топтарында қолдану туралы мәліметтердің болмауына байланысты).

Румалон® препаратын қабынуға қарсы стероидты емес препараттармен және глюкокортикостероидтармен бір мезгілде қолдануға болады. Тікелей емес антикоагулянттармен, антиагрегантты дәрілермен және фибринолитиктермен бір мезгілде қолданғанда олардың әсері күшеюі мүмкін.

Сақтау мерзімі 5 жыл. Жарамдылық мерзімі өткеннен кейін қолдануға болмайды. Сақтау шарттары 25С-ден аспайтын температурада жарықтан қорғалған жерде. Балалардың қолы жетпейтін жерде сақтау керек!