Сандиммун® Неорал® раствор 100 мг/мл

1 мл құрамында белсенді зат - циклоспорин 100 мг, қосымша заттар: DL--токоферол, абсолютті этанол, пропиленгликоль, жүгері майы монодиглицеридтері, полиоксил 40 гидрогенделген майсана майы (Cremophor RH 40). Сыртқы түрінің, иісінің, дәмінің сипаттамасы Сарыдан бозғылт сарыға дейінгі немесе қоңыр-сарыдан бозғылт қоңыр-сары түске дейінгі мөлдір ерітінді. Ерітінді құрамында шығу тегі табиғи майлы компоненттер бар, олар төмен температура кезінде қатаяды. Температураның 30С дейін жоғарылауында қалыпқа келетін желе тәрізді масса түзілуі 20С төмен кезде байқалады. Аздаған үлпектері немесе жеңіл шөгінді әлі де байқалуы мүмкін, бірақ бұл препараттың тиімділігі мен қауіпсіздігіне ықпал етпейді және пипетка көмегімен дозаланады. Судағы препарат – сәл бозаңданатын, шөгіндісіз ерітінді.

Трансплантациялық көрсетілімдер Тығыз ағзалар трансплантациясы Тығыз ағзалар трансплантациясынан кейін транспланттың қабылданбай ажырауының алдын алу. Бұрын басқа иммуносупрессиялық препараттар қабылдаған науқастарда трансплантаттың қабылданбай ажырауын емдеу. Сүйек кемігі трансплантациясы Аллогендік сүйек кемігі мен дің жасушалары трасплантациясынан кейін трансплантаттың қабылданбай ажырауының алдын алу. «Қожайынға қарсы трансплантат» ауруының алдын алу және емдеу. Трансплантациялық емес көрсетілімдер Эндогенді увеит Дәстүрлі емдеу әсер етпеген немесе ауыр жағымсыз әсерлер дамыған жағдайларда, көру қабілетіне қауіп төндіретін этиологиясы инфекциялық емес ортаңғы немесе артқы увеитті емдеу. Неврологиялық ауру белгілері жоқ пациенттерде торқабықтың қайталанатын қабыну ұстамалары бар Бехчет увеитін емдеу. Нефроздық синдром Аздаған өзгерістермен нефропатия, ошақтық және сегменттік гломерулосклероз, жарғақшалы гломерулонефрит сияқты шумақтық патологиядан болатын стероидқа тәуелді және стероидқа төзімді нефроздық синдром. Сандиммун Неоралды ремиссияны индукциялау және демеу үшін қолдануға болады. Сондай-ақ стероидтардан туындаған ремиссияны демеу үшін де қолдануға болады, бұл оларды тоқтатуға мүмкіндік береді. Ревматоидты артрит Белсенді ревматоидты артриттің ауыр түрлері. Псориаз Псориаздың ауыр түрлері, дәстүрлі ем тиімсіз немесе мүмкін болмаған кезде Атопиялық дерматит Сандиммун® Неорал® жүйелі ем қажет болған кезде, атопиялық дерматиттің ауыр түрлері бар пациенттерге арналған. Қолдану басталғанға дейін қажетті мәліметтер тізбесі

Әсер ету механизмі Циклоспорин (циклоспорин А ретінде де белгілі) - 11 амин қышқылынан тұратын циклдік полипептид. Жануарларға жүргізілген зерттеулерде циклоспорин терінің, жүректің, бүйректің, ұйқы безінің, сүйек кемігінің, жіңішке ішектің, өкпенің аллогенді трансплантаттарының өмірлік әрекетін үзартатын күшті әсері бар иммунодепрессант екендігі көрсетілген. Зерттеулер көрсеткендей, циклоспорин аллотрансплантатқа қатысты жасушалық реакциялардың дамуын, баяу типті аса жоғары сезімталдық реакцияларын, аллергиялық энцефаломиелитті, Фрейнд адъювантынан туындаған артритті, «қожайынға қарсы трансплантант» (ҚҚТ) реакцияларын, Т-лимфоциттерге тәуелді антиденелердің түзілуін, сондай-ақ интерлейкин-2 (Т-жасушалы өсу факторы, TCGF) қоса, лимфокиндердің түзілуі мен шығарылуын тежейді. Циклоспорин жасушалық циклдің G0 немесе G1фазасындағы тыныштық күйінде лимфоциттерді бөгейді және белсендірілген Т-лимфоциттердің лимфокиндердің антигенге тәуелді босап шығуын басады деген мәлімет бар. Барлық қолжетімді деректер негізінде циклоспорин лимфоциттерге спецификалық және қайтымды әсер етеді деген қорытынды жасауға болады. Цитостатиктерге қарағанда циклоспорин қан түзілу үдерісін бәсеңдетпейді және фагоцитарлық жасушалардың функциясына әсер етпейді. Циклоспоринмен емделген трансплантациядан кейінгі пациенттер басқа иммуносупрессанттармен емделген пациенттерге қарағанда инфекциялардың дамуына бейімі аздау болды. Клиникалық тиімділігі Сандиммун Неорал препаратын адамдарда сүйек кемігін және тығыз ағзаларды ауыстырып қондыру кезінде қабылданбай ажырау мен ҚҚТ ауруының алдын алу және емдеу үшін қолданудың тиімділігі көрсетілді7 Циклоспорин C гепатиті вирусына (СВГ) оң және теріс көрсеткіштері бар пациенттерге бауыр трансплантациясы кезінде сәтті қолданылды. Циклоспорин емінің пайдалы әсері белгілі немесе күдікті аутоиммундық генездің әртүрлі жағдайларында да көрінген. Сандиммун Неорал микроэмульсиялық преконцентрат болып табылады; оның сумен жанасуы кезінде пайда болатын микроэмульсия (ішке немесе асқазан сөліне арналған сұйықтық түрінде) фармакокинетикалық параметрлердің неғұрлым төмен өзгергіштігімен және экспозицияның дозаға желілік тәуелділігімен сипатталады. Трансплантациядан кейінгі Ұлттық жүктілік тізілімінің (NTPR) жарияланған деректері циклоспорин қабылдаған бүйрек (482), бауыр (97) және жүрек (43) трансплантаттары реципиент-әйелдердің жүктілік нәтижелерін сипаттайды. Деректер тірі туылу деңгейімен жүктіліктің сәтті нәтижесін сәйкесінше бүйрек, бауыр және жүрек трансплантаттары реципиент-әйелдерде 76%, 76,9% және 64% көрсетті. Мерзімінен бұрын босану (<37 апта ішінде) сәйкесінше бүйрек, бауыр және жүрек трансплантаттары реципиент-әйелдерде 52%, 35% және 35%-ында тіркелді («Жүктілік» «Фертильділік, жүктілік және лактация» 4.6 тармақшасын қараңыз). Түсік түсу және ауыр туа біткен ақаулар жиілігінің көрсеткіштері жалпы популяцияда байқалатын көрсеткіштермен салыстырарлық түрде болатыны хабарланды. Тізілімдерге және тіркеуден кейінгі қауіпсіздік есептеріне тән шектеулерді ескере отырып, циклоспориннің анасында артериялық гипертензия, преэклампсия, инфекциялар немесе диабет дамуына тікелей әсерін анықтау мүмкін емес. Жатырішілік даму кезеңінде циклоспориннің әсеріне ұшыраған балаларды (7 жасқа дейін) бақылаулар саны шектеулі. Бұл балалардағы бүйрек функциясының көрсеткіштері мен артериялық қысымның көрсеткіштері қалыпты мәндер шегінде болды.

Дозалау режимі Сандиммун® Неорал® препараты циклоспоринді қолдану қажет болатын көптеген клиникалық жағдайларда пероральді қолдануға арналған. Сандиммун® Неорал® препаратының жалпы тәуліктік дозасын әрқашан 2 қабылдауда (таңертең және кешке) қабылдау керек. Егер пациентке капсулаларды (әсіресе дене салмағы төмен пациенттерде) пайдалана отырып, қажетті дозаны беру мүмкін болмаса, препараттың – ішуге арналған ерітінді түрін пайдалану керек. А) Трансплантация Төменде келтірілген дозалау жөніндегі ұсынымдар тек нұсқаулық ретінде берілген. Қандағы циклоспорин деңгейінің стандартты мониторингі үлкен маңызға ие және моноклональді антиденелерді қолдана отырып, радиоиммунды талдау (RIA) әдісімен жүргізілуі мүмкін. Алынған нәтижелер препарат концентрациясының қажетті деңгейіне жету үшін қажетті дозаны анықтауға бағдар береді. 1. Ағзалар трансплантациясы Препараттың бастапқы дозасын – 10-15 мг/кг – трансплантация алдында 12 сағат ішінде екі қабылдаумен енгізу керек. Дәл осы дозаны операциялық араласымнан кейін 1-2 апта бойы ұстап тұрған жөн. Осыдан кейін дозаны қандағы циклоспорин концентрациясын бақылау арқылы тәулігіне 2 қабылдауға болатын 2-6 мг/кг демеуші дозаға жеткенге дейін біртіндеп төмендетуге болады. Бүйрек трансплантациясынан өткен пациенттерде препаратты тәулігіне 3-4 мг/кг төмен дозаларда қолданғанда, қандағы препараттың ең төменгі деңгейі 50-100 нг/мл-ден төмен болғанда, трансплантаттың қабылданбай ажырау қаупі жоғары екені анықталды. Сандиммун Неорал басқа иммунодепрессанттармен бірге тағайындалған жағдайларда (мысалы, кортикостероидтармен бірге немесе үш немесе төрт компоненттік схеманың құрамдас бөлігі ретінде) препараттың неғұрлым төмен дозалары қолданылуы мүмкін (мысалы, бастапқы дозалары тәулігіне 3-6 мг/кг пероральді). Эверолимуспен біріктірілімде бүйрек трансплантациясы Егер циклоспорин эверолимуспен бір мезгілде ұзақ уақыт бойы тағайындалса, циклоспориннің экспозициясын азайтуға әрекет жасаған жөн. Циклоспорин концентрациясының төмендеуін трансплантациядан кейін бір айдан соң бастау керек. Циклоспорин концентрациясының келесі мақсатты диапазондарына назар аудару ұсынылады. [Препаратты енгізгеннен кейін 2 сағаттан кейін өлшенген қандағы циклоспорин деңгейі (С2)]: 0-ші аптадан бастап 4-ші аптаға дейін: 1000-нан 1400 нг/мл дейін; 5-ші аптадан 8-ші аптаға дейін: 700-ден 900 нг/мл дейін; 9-шы аптадан 12-ші аптаға дейін: 550-ден 650 нг/мл дейін; 13-ші аптадан 52-ші аптаға дейін: 350-ден 450 нг/мл дейін. Циклоспорин дозасын азайтар алдында эверолимустың тепе-тең ең төменгі деңгейі (C0) ≥ 3 нг/мл құрайтынына көз жеткізу қажет. Егер циклоспорин экспозициясының азаюы трансплантаттың қабылданбай ажырау белгілерінің пайда болуына әкелсе, эверолимус препаратымен емдеуді жалғастыру туралы мәселені қайта қарау қажет. Емнің тиімсіздігі қаупін азайту үшін қандағы эверолимус пен циклоспорин деңгейінің трансплантациядан кейінгі емдік ауқымнан төмен емес екеніне көз жеткізу керек. Эверолимус дозалары туралы деректер циклоспориннің ең аз деңгейі (C 0) 50 нг/мл-ден кем немесе С2 деңгейі 350 нг/мл-ден кем пациенттерде ұзақ емдеу кезінде (12 айдан астам уақыт бойы) шектелген. Эверолимуспен біріктірілген жүрек трансплантациясы Жүрек трансплантациясын өткерген және бүйрек функциясы бұзылған пациенттерде бүйрек функциясын жақсарту мақсатында демеуші ем фазасында (яғни 3 айдан кейін) циклоспорин дозасын барынша төмендету керек. Егер бүйрек функциясының бұзылуы үдесе немесе есептік креатинин клиренсі <60 мл/мин дейін төмендесе, препарат дозасын түзету керек. Жүрек трансплантациясын өткерген пациенттерде циклоспорин дозасын қандағы циклоспориннің ең төменгі концентрациясын өлшеу негізінде белгілеуге болады (сондай-ақ эверолимусты медициналық қолдану жөніндегі нұсқаулықты қараңыз). Жүрек трансплантациясын өткерген пациенттерде циклоспорин дозасын қандағы циклоспориннің ең төменгі концентрациясын өлшеу негізінде белгілеуге болады (сондай-ақ эверолимусты медициналық қолдану жөніндегі нұсқаулықты қараңыз). Жүрек трансплантациясын өткерген, алғашқы 3 айда циклоспориннің ең төменгі деңгейі (C0) 175 нг/мл-ден төмен, 6 айдан кейін 135 нг/мл-ден төмен және 6 айдан кейін 100 нг/мл-ден төмен пациенттерде препаратты эверолимуспен біріктіріп қолдану туралы деректер шектеулі. Циклоспорин дозасын азайтар алдында эверолимустың тепе-тең ең төменгі деңгейі (C0) ≥ 3 нг/мл құрайтынына көз жеткізу қажет. 2. Сүйек кемігі трансплантациясы Бастапқы дозаны трансплантациядан бір күн бұрын енгізген жөн. Тәулігіне 12,5-15 мг/кг бастапқы доза пероральді енгізгенде ұсынылады. Екі қабылдауға бөлінген демеуші доза тәулігіне шамамен 12,5 мг/кг құрайды, оларды кем дегенде 3-6 ай бойы (дұрысы – 6 ай) қабылдау керек. Осыдан кейін трансплантациядан кейін 1 жыл ішінде толық тоқтатқанға дейін дозаны біртіндеп төмендетуге болады. Сіңудің төмендеуіне әкелетін АІЖ аурулары болған кезде препараттың неғұрлым жоғары дозалары немесе в/і инфузияларын қолдану талап етілуі мүмкін. Кейбір науқастарда циклоспоринді тоқтатқаннан кейін РТПХ дамуы мүмкін, бірақ, әдетте ем қалпына келтірілгеннен кейін қайтады. Мұндай жағдайларда бастапқы дозаны 10-12,5 мг/кг, содан кейін препаратты тоқтатқанға дейін қанағаттанарлық деп танылған күнделікті демеуші дозаны пероральді тағайындау керек. Ауырлығы жеңіл дәрежедегі созылмалы РТПХ емдеу үшін төмен дозаларда циклоспорин тағайындау керек. Б) Трансплантациямен байланысты емес көрсетілімдер үшін Алдын ала түсініктеме: бүйрек функциясы мен АҚ бақылау Сандиммун® Неорал® бүйрек функциясын нашарлатуы мүмкін болғандықтан, ем басталғанға дейін қан сарысуындағы креатинин деңгейін (кемінде екі рет) анықтау қажет. Екі жағдайда да бүйрек функциясының көрсеткіштері қалыпты шектерде болуы керек. Осы мақсатта креатинин клиренсін қан сарысуындағы креатининнің өлшенген мәндеріне сәйкес теңдеуді қолдана отырып есептеуге болады (мысалы, Dettli). Қан сарысуындағы креатинин деңгейін емнің бірінші айы ішінде апта сайын және егер Сандиммун® Неорал® препаратының дозасы ұлғаятын болса, одан әрі айына бір рет өлшеу керек. Егер креатинин деңгейі бастапқы мәннен 20-30%-ға асып кетсе, қайталама талдаулардың көмегімен транзиторлық жоғарылауды (бүйрек функциясымен байланысты емес) жоққа шығару қажет. Егер Сандиммун® Неорал® препаратын емдеу аясында дамитын артериялық гипертензия тиісті гипертензияға қарсы емді қолдану есебінен бақыланбайтын болса, Сандиммун® Неорал® препаратының дозасын азайту немесе қажет болған жағдайда тоқтату керек («Қолдану кезінде қажетті сақтық шаралары» бөлімінде «Артериялық қысымды бақылау» бөлігін қараңыз). 1. Эндогенді увеит Екі дозада тәулігіне 5 мг/кг құрайтын препараттың ұсынылған бастапқы дозасын увеит көріністері азайғанға дейін және көру жітілігі жақсарғанға дейін қолдану керек. Резистентті ағым жағдайларында препарат дозасын уақытша тәулігіне 7 мг/кг дейін арттыруға болады. Жедел ремиссияға және жедел қабынудың элиминациясына қол жеткізу үшін және/немесе Сандиммун® Неорал® бір препараты жеткіліксіз болған жағдайда, емдеуге жүйелі қолдануға арналған кортикостероидты: не преднизолон (тәулігіне 0,2-0,6 мг/кг), не оның аналогын қосуға болады. Егер емнің үш айынан кейін айтарлықтай жақсару байқалмаса, Сандиммун® Неорал® препаратын тоқтату керек. Демеуші ем үшін препарат дозасын ремиссия кезеңі барысында тәулігіне 5 мг/кг-нан аспайтын ең төмен тиімдіге дейін біртіндеп төмендету керек. Егер қан сарысуындағы креатинин деңгейі бір талдаудан артық деректер бойынша бастапқы мәннен 30%-дан асатын болса, тіпті ол әлі де норма шегінде болса да, препараттың тәуліктік дозасын 25-50%-ға төмендету керек («Бүйрек функциясының мониторингі» қараңыз). Егер препарат дозасының төмендеуі аясында бір ай ішінде елеулі әсер байқалмаса, Сандиммун® Неорал® препаратын тоқтатқан жөн. 2. Дерматологиялық көрсетілімдер Айрықша нұсқаулар Емді бастамас бұрын пациентті Сандиммун® Неорал® препаратын қолданудың артықшылықтары мен ықтимал қауіптері туралы және бас тартқаннан кейін қайталанудың жоғары қаупі туралы толық хабардар ету қажет. Сандиммун® Неорал® препаратын бүйрек функциясы бұзылған, бақыланбайтын гипертония, инфекция немесе терінің қатерлі жаңа түзілімдерінен басқа кез келген түрдегі қатерлі жаңа түзілімдері бар пациенттерге тағайындауға болмайды («Псориаз: терінің ісіктері» және «Қолдануға болмайтын жағдайлар» төменнен қараңыз). Препаратты гиперкалиемиясы немесе гиперурикемиясы бар пациенттерге сақтықпен тағайындау керек («Қолдану кезінде қажетті сақтық шаралары» тармағында «Биохимиялық өзгерістер» бөлігін қараңыз). А) Псориаз Ремиссияға қол жеткізу үшін ұсынылатын бастапқы доза 2 қабылдауға тәулігіне 2,5 мг/кг құрайды. Емнің 1 айынан кейін жақсару болмаған кезде тәуліктік доза біртіндеп ұлғайтылуы мүмкін, бірақ тәулігіне 5 мг/кг-нан аспауы тиіс. Тәулігіне 5 мг/кг бастапқы дозасын қолдану жағдайы аса жылдам жақсартуды талап ететін науқастарда ақталған. Демеуші ем барысында дозаны тәулігіне 5 мг/кг-нан аспайтын ең аз жеке тиімді дозаға жеткенге дейін баяу төмендету керек. Тәулігіне 5 мг/кг дозада емнің бір айынан кейін жақсару байқалмайтын псориазбен ауыратын пациенттерде препаратты тоқтату керек. Егер ремиссия 6 ай бойы сақталса, Сандиммун Неорал препаратының дозасын біртіндеп төмендету керек. Алайда, препаратты тоқтатқаннан кейін қайталану қаупі өте жоғары. Терінің ісіктері Сандиммун® Неорал® препаратымен ем қабылдап жүрген псориазбен ауыратын науқастарда, басқа стандартты иммунодепрессанттарды қолдану аясындағы сияқты, қатерлі жаңа түзілімдердің, әсіресе теріде пайда болуы туралы хабарланды. Псориазға тән емес тері зақымданулары болған кезде және олардың қатерлі ісігіне немесе обырға дейінгі жай-күйіне күдік болған кезде Сандиммун® Неорал® препаратымен емдеуді бастағанға дейін биопсия жүргізу керек. Терінің қатерлі жаңа түзілімдері немесе обыр алды жағдайлары анықталған жағдайда Сандиммун® Неорал® препаратын осы ісіктерді түбегейлі емдеуден кейін және басқа әлеуетті тиімді ем болмаған жағдайда ғана тағайындау керек («Қолдануға болмайтын жағдайлар» бөлімін қараңыз). б) Атопиялық дерматит Ересектер мен 16 жас және одан үлкен жасөспірімдер үшін ұсынылатын дозалар ауқымы екі қабылдауға енгізілетін тәулігіне 2,5-тен 5 мг/кг дейін болады. Егер бастапқы доза тәулігіне 2,5 мг/кг 2 апта ішінде қанағаттанарлық жауапқа қол жеткізуге мүмкіндік бермесе, онда тәуліктік дозаны ең жоғары - 5 мг/кг дейін жылдам арттыруға болады. Өте ауыр жағдайларда тәулігіне 5 мг/кг бастапқы дозаны қолдану арқылы ауруды тез және талапқа сай бақылауға қол жеткізуге болады. Атопиялық дерматиті бар, емнің бір айынан кейін тәулігіне 5 мг/кг дозада жақсару байқалмайтын пациенттерде препаратты тоқтату керек. Қазіргі уақытта Сандиммун® Неорал® препаратын атопиялық дерматитке ұзақ уақыт қолдану тәжірибесі шектеулі, сондықтан циклдің ең жоғарғы ұзақтығын 8 аптаға шектеу ұсынылады. Тері инфекциялары Белсенді ағымдағы қарапайым герпес Сандиммун® Неорал® препаратымен емді бастар алдында емделуі керек. Алайда, егер инфекция ауыр болмаса, емдеу процесінде дамитын болса, бұл инфекция препаратты тоқтатудың міндетті себебі болып табылмайды. Алтын түстес стафилококк туындатқан тері инфекциялары Сандиммун® Неорал® препаратын қолдануға мүлдем қолдануға болмайтын жағдай болып табылмайды, бірақ оларды тиісті бактерияға қарсы препараттармен емдеу керек. Эритромицинді бір мезгілде пероральді қолданудан аулақ болу керек, өйткені ол қандағы циклоспорин концентрациясының жоғарылауын туындатуы мүмкін («Басқа дәрілік препараттармен өзара әрекеттесуі» бөлімін қараңыз). Баламалы ем болмаған жағдайда қандағы циклоспорин деңгейін, бүйрек функциясын мұқият бақылау және жағымсыз әсерлердің даму белгілерін атап өту керек. 3. Ревматоидты артрит Айрықша нұсқаулар Емді бастамас бұрын пациентті Сандиммун® Неорал® препаратын қолданудың артықшылықтары мен ықтимал қауіптері туралы және бас тартқаннан кейін қайталанудың жоғары қаупі туралы толық хабардар ету қажет. Сандиммун® Неорал® препаратын бүйрек функциясы бұзылған, бақыланбайтын гипертония, инфекция немесе кез келген түрдегі қатерлі жаңа түзілімдері бар пациенттерге тағайындауға болмайды. Препаратты гиперкалиемиясы немесе гиперурикемиясы бар пациенттерге сақтықпен тағайындау керек («Қолдану кезінде қажетті сақтық шаралары» тармағында «Биохимиялық өзгерістер» бөлігін қараңыз). Емдеудің алғашқы 6 аптасы ішінде ұсынылған доза 2 қабылдауда тәулігіне 3 мг/кг құрайды. Әсері жеткіліксіз болған жағдайда төменде келтірілген ақпаратты ескере отырып, тәуліктік доза біртіндеп 5 мг/кг-ға дейін ұлғайтылуы мүмкін. Ұзақ мерзімді ем жағдайында препараттың дозасын жағымдылығын ескере отырып, әркімге жеке таңдау керек. Егер емнің үш айынан кейін айтарлықтай жақсару байқалмаса, Сандиммун® Неорал® препаратын тоқтату керек. Сандиммун® Неорал® кортикостероидтардың төмен дозаларымен және/немесе қабынуға қарсы стероидты емес препараттармен (ҚҚСП) бірге тағайындауға болады. Сандиммун® Неорал® препаратының тәуліктік дозасын, егер қан сарысуындағы креатинин деңгейі бастапқы орташа мәннен 30% - дан астам асып кетсе, тіпті ол әлі де қалып шегінде болса да, төмендету керек («Бүйрек функциясының мониторингі» қараңыз). Егер деңгей 50%-дан асса, дозаны екі есе азайту керек. Егер препарат дозасының төмендеуі аясында бір ай ішінде елеулі әсер байқалмаса, Сандиммун® Неорал® препаратын тоқтатпаған жөн. Қан сарысуындағы креатининді анағұрлым жиі анықтау ҚҚСД енгізу кезінде немесе олардың дозасы ұлғайған кезде де қажет. Басқа ұзақ иммуносупрессивті емдеудегі сияқты, лимфопролиферативтік аурулардың пайда болу қаупінің жоғарылауын есте сақтау қажет («Қолдану кезінде қажетті сақтық шаралары» тармағында «Лимфопролиферативтік ауруларды және тығыз қатерлі ісіктерді ерте анықтау» бөлігін қараңыз). 4. Нефроздық синдром Ремиссия индукциясы үшін ұсынылатын тәуліктік доза 2 қабылдауға 5 мг/кг – ересектерге және 6 мг/кг – балаларға. Мұндай пациенттерде циклоспоринді, егер креатинин деңгейі ересектерде <200 мкмоль/л және балаларда <140 мкмоль/л болса, қолдануға болады. Бастапқы доза тәулігіне 2,5 мг/кг аспауы тиіс («Қолдануға болмайтын жағдайлар» бөлімін қараңыз). Дозалар тиімділік (протеинурия) және қауіпсіздік (бірінші кезекте – қан сарысуындағы креатинин) көрсеткіштерін ескере отырып, жеке таңдалуы тиіс, бірақ ересектер үшін тәулігіне 5 мг/кг және балаларда тәулігіне 6 мг/кг дозадан аспауы тиіс. Демеуші ем үшін препарат дозасын біртіндеп ең төменгі тиімдіге дейін төмендету керек. Егер қан сарысуындағы креатинин деңгейі бастапқы мәннен 30%-дан асатын болса, препараттың тәуліктік дозасын 25-50%-ға төмендету керек. Егер емнің үш айынан кейін айтарлықтай жақсару байқалмаса, Сандиммун® Неорал® препаратын тоқтату керек. Сандиммун® Неорал® препаратының және пероральді кортикостероидтардың төмен дозаларының біріктірілімін қолдану Сандиммун® Неорал® препаратымен монотерапия тиімділігінің жеткіліксіздігі байқалатын пациенттерге, әсіресе стероид резистентті нефроздық синдром жағдайында ұсынылады. Бүйрек функциясы бастапқы бұзылған пациенттерде (қан сарысуы креатининінің ең жоғары деңгейі ересектерде 200 мкмоль/л және балаларда 140 мкмоль/л) бастапқы доза тәулігіне 2,5 мг/кг аспауы тиіс және мұқият бақылануы қажет. Нефроздық синдромға байланысты бүйрек функциясының өзгеруіне байланысты кейбір науқастарда Сандиммун®Неорал® препаратынан туындаған бүйрек функциясының бұзылуын анықтау қиынға соғады. Бұл Сандиммун® Неорал® препаратымен байланысты кейбір жағдайларда бүйректегі құрылымдық өзгерістер сарысу креатининінің айқын жоғарылауы болмаған кезде байқалғанын түсіндіреді. Сондықтан Сандиммун® Неорал® препаратын бір жылдан астам уақыт бойы қабылдайтын ең аз өзгерістердің стероидқа тәуелді нефропатиясы бар пациенттерде бүйрек биопсиясын жүргізу мүмкіндігін қарастыру керек. Пациенттердің ерекше топтары Балалар Балаларда циклоспоринді қолдану туралы деректер шектеулі. Емшектегі нәрестелерде Сандиммун® Неорал® препаратын қолдану туралы деректер жоқ. Сандиммун® Неорал® препаратының стандартты дозасын алған бір жастан асқан балаларда қандай да бір ерекше патологиялық жағдайлар тіркелмеген. Балаларға қатысты бірқатар зерттеулер балаларға кг дене салмағына циклоспориннің жоғары дозаларын тағайындау керек екенін және ересек пациенттерге қарағанда оларға жақсы төзімді екенін көрсетті. Бауыр функциясы бұзылған пациенттерде қан сарысуындағы креатинин деңгейіне және қандағы циклоспорин концентрациясына мұқият мониторинг жүргізу және дозаны тиісті түзету қажет. Бауыр функциясы бұзылған пациенттер Циклоспорин бауырда қарқынды метаболизденеді. Соңғы жартылай шығарылу кезеңі дені сау адамдарда 6,3 сағаттан бастап бауырдың ауыр аурулары бар пациенттерде 20,4 сағатқа дейін өзгереді. Бауыр функциясының ауыр бұзылулары бар пациенттерде оның қандағы деңгейін ұсынылған мақсатты диапазонда ұстап тұру үшін препараттың дозасын төмендету қажет болуы мүмкін («Қолдану кезінде қажетті сақтық шаралары» бөлімін қараңыз). Егде жастағы пациенттер (65 жас және одан асқан) Егде жастағы пациенттердегі препараттың дозалары бауыр, бүйрек немесе жүрек функциясының бұзылуының, қатар жүретін аурулардың неғұрлым жоғары жиілігін немесе осы топта дәрілік емнің басқа түрлерін қолдануды ескере отырып, сақтықпен таңдалуы тиіс. Емдеу әдетте мүмкін болатын ең төменгі дозадан басталуы керек. Енгізу әдісі мен жолы Ішуге арналған Ішуге арналған Сандиммун® Неорал® ерітіндісін тікелей қолданар алдында стақанда сұйылту қажет. Ең қолайлы сұйылтқыштар - апельсин немесе алма шырыны. Жеке қалауыңызға байланысты басқа алкогольсіз сусындарды да қолдануға болады. Дегенмен, ішектік P450-тәуелді фермент жүйесімен жергілікті өзара әрекеттесу қаупіне байланысты грейпфрут шырынын қолдануға болмайды. Шприц сұйылтқышпен жанаспауы керек. Жақсылап араластырыңыз және бірден ішіңіз. Барлық дозаның қабылданғанына көз жеткізу үшін стақанға еріткішті сәл көбірек құйыңыз, араластырыңыз, содан кейін ішіңіз. Еріткіш ретінде әрқашан бір ғана сұйықтықты пайдалану керек. Капсулаларды/ішуге арналған ерітіндіні дұрыс қолдану бойынша практикалық ұсынымдарды «Қолдану бойынша ұсынымдар» бөлімінен қараңыз. Сандиммун® Неорал® — ішуге арналған ерітіндісін бастапқы пайдалану Металл тығыздағыш сақинаның ортасындағы қақпақты қайыру керек. Тығыздағыш сақинаны түгел жұлып алу керек. Сұр тығынын жұлып алып тастау керек. Ақ тығыны бар түтікті құтының мойына күштеп итеріп кіргізу керек. Тағайындалған дозаға сәйкес келетін ерітінді көлемін ескере отырып шприцті таңдау керек. 1 мл аз немесе тең көлемде 1 мл шприцті пайдаланыңыз. 1 мл асатын көлемде 4 мл шприцті пайдаланыңыз. Өлшеуіш шприцті ақ тығынға енгізу керек. Шприцке ерітіндінің қажетті көлемін (бөлуге дейінгі плунжер сақинасының төменгі бөлігіндегі қалпы белгіленген көлемге сәйкес болады) толтырып алу керек. Белгіленген дозаға сәйкес ерітіндінің көлемі бар шприцті және құтыны ажыратпас бұрын, поршеньді бірнеше рет алға және артқа жылжыта отырып, барлық ірі көпіршіктерден құтылу керек. Өте кішкентай бірнеше көпіршіктің болуы маңызды емес және дозаға ешқандай әсер етпейді. 8. — Дәрілік препаратты шприцтен сұйықтығы бар (грейпфрут шырынынан басқа) стақанға сығымдап құяды. Өлшеуіш шприцінің араластыруға арналған сусынмен жанасуына жол бермеу керек. Препаратты тікелей қабылдау алдында араластырады. Араластырып, барлық қоспаны бірден ішу керек. Араластырғаннан кейін препаратты жылдам ішіп қою қажет. 9. — Өлшеуіш шприцті пайдаланғаннан кейін сыртынан тек құрғақ матамен сүртіп, оны қорғаныш сауытына салу керек. Ақ тығын және түтік құтыда қалуы тиіс. Құтыны қақпақпен жабу керек. Кейінгі пайдалану 5-тармақтан бастау керек. Дәрілік препараттың бір немесе бірнеше дозасын өткізіп алған кезде қажетті шаралар Қатысы жоқ Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Дәрілік препаратты қолдану тәсілі бойынша сұрақтар туындаған жағдайда емдеуші дәрігерге жүгініңіз.

Барлық көрсетілімдер: • циклоспоринге немесе препараттың кез келген қосымша заттарына жоғары сезімталдық. Трансплантациялық емес көрсетілімдер: • бүйрек жеткіліксіздігі, нефроздық синдромы бар және сарысу креатининінің бастапқы мәндерінің орташа жоғарылауы ересектерде ең көбі 200 мкмоль/л және балаларда 140 мкмоль/л пациенттерді қоспағанда. Нефроздық синдром кезінде циклоспоринмен емдеу аясында ауруға байланысты креатининнің жоғары мәндері дұрысталған жағдайда сақтықпен (тәулігіне 2,5 мг/кг аспайтын) тағайындауға рұқсат етіледі. • артериялық гипертензияның жеткіліксіз бақылануы. • жеткіліксіз бақыланатын инфекция. • радикалды емдеуден кейін терінің обыр алдындағы немесе қатерлі зақымдануын қоспағанда, анамнезінде белгілі немесе диагноз қойылған кез келген қатерлі жаңа түзілімдердің болуы.

Циклоспоринді қолданумен байланысты көптеген жағымсыз әсерлер дозаға тәуелді. Жағымсыз әсерлердің ауқымы түрлі көрсетілімдер кезінде бірдей; алайда, трансплантациядан өткен науқастарда жоғары бастапқы дозаны қолдану қажеттілігі және демеуші емнің ұзағырақ болуы салдарынан жағымсыз әсерлер жиі кездеседі және әдетте қолданудың басқа көрсеткіштері бар науқастарға қарағанда анағұрлым айқын болады. Препаратты вена ішіне енгізгеннен кейін анафилактоидты реакциялардың даму жағдайлары байқалды («Қолдану кезінде қажетті сақтық шаралары» бөлімін қараңыз). Инфекциялық және паразиттік аурулар Циклоспоринді қоса алғанда, иммунодепрессанттар қабылдайтын немесе циклоспоринді қамтитын емдеу схемалары тағайындалған пациенттерде вирустық, бактериялық, зеңдік және паразиттік инфекциялардың даму қаупі артады («Қолдану кезінде қажетті сақтық шаралары» бөлімін қараңыз). Жергілікті және жайылған инфекциялар дамуы мүмкін, сонымен қатар бұрын болған инфекциялық аурулардың өршуі мүмкін. Полиомавирустық инфекциялардың реактивациясы полиомавируспен астасқан нефропатияның (PVAN) немесе JC вирусымен (PML) астасқан үдемелі мультифокальді лейкоэнцефалопатияның дамуына әкелуі мүмкін. Ауыр және/немесе өліммен аяқталған жағдайлар туралы хабарланды. Қатерсіз, қатерлі және анықталмаған жаңа түзілімдер (кисталар мен полиптерді қоса алғанда) Иммуносупрессанттарды, соның ішінде циклоспоринді қабылдаған немесе циклоспоринді қамтитын емдеу режимдерін тағайындалған пациенттерде лимфома немесе лимфопролиферативтік бұзылулардың және басқа да, әсіресе терінің қатерлі ісіктерінің даму қаупі артады. Қатерлі жаңа түзілімдердің даму жиілігі емнің қарқындылығы мен ұзақтығының өсуімен артады («Қолдану кезінде қажетті сақтық шаралары» бөлімін қараңыз). Кейбір қатерлі ісіктер өлімге әкелуі мүмкін. Жағымсыз әсерлердің даму жиілігі былайша бағаланды (анағұрлым жиі кездесетіндерден бастап):өте жиі (≥ 1/10); жиі (≥ 1/100 және <1/10); жиі емес (≥ 1/1000 және < 1/100); сирек (≥ 1/10 000 және < 1/1000); өте сирек (<1/10 000). Қан және лимфа жүйесі тарапынан бұзылулар Жиі: лейкопения. Жиі емес: анемия, тромбоцитопения. Сирек: тромбоздық микроангиопатия (тромбоздық тромбоцитопениялық пурпура мен гемолиздік уремиялық синдромды қоса). Метаболизм және тамақтану бұзылулары Өте жиі: гиперлипидемия. Жиі: гипергликемия, анорексия, гиперурикемия, гиперкалиемия, гипомагниемия. Сирек: гипергликемия. Жүйке жүйесі тарапынан бұзылулар Өте жиі: тремор (10-20 %), бас ауыруы — бас сақинасын қоса (15% дейін). Жиі: парестезия. Жиі емес: артқы реверсивті энцефалопатиялық синдромды (PRES) қоса алғанда, энцефалопатияның белгілері, сондай-ақ құрысулар, сананың шатасуы, бағдардан адасу, сезімталдықтың төмендеуі, қозу, ұйқысыздық, көрудің бұзылуы, қыртыстық соқырлық, кома, парездер және мишық атаксиясы сияқты белгілер мен симптомдар. Сирек: моторлы полинейропатия. Өте сирек: қатерсіз бассүйекішілік гипертензияның салдарынан көру қабілетінің бұзылуы мүмкін көру жүйкесі бүртіктерінің ісінуі. Қантамырлар тарапынан бұзылулар Өте жиі: гипертензия (15-40 %). Асқазан-ішектің бұзылулары Өте жиі: жүрек айнуы, құсу, іш тұсының ауыруы, диарея, қызыл иектің гиперплазиясы. Жиі:асқазан ауруы. Сирек: панкреатит. Бауыр және өт шығару жолдары тарапынан бұзылулар Жиі: бауырдың зақымдануы («Айрықша нұсқаулар және қолдану кезіндегі сақтық шаралары» бөлімін қараңыз). Тері және тері асты тіндері тарапынан бұзылулар Өте жиі: гипертрихоз. Жиі: акне, бөртпе. Жиі емес: аллергиялық тері реакциялары. Бұлшықет, қаңқа және дәнекер тін тарапынан бұзылулар Жиі: миалгия, бұлшықеттің түйілуі. Сирек: бұлшықет әлсіздігі, миопатия, аяқ-қолдың ауыруы. Бүйрек және несеп шығару жолдары тарапынан бұзылулар Өте жиі: бүйрек функциясының бұзылуы («Айрықша нұсқаулар мен қолдану кезіндегі сақтық шаралары» бөлімнде «Бүйрек және бауыр функциясының бұзылуы» 4 бөлімін қараңыз; жиілігі көрсетілімге байланысты 10-нан 50%-ға дейін). Ұрпақ өрбіту жүйесі және сүт бездері тарапынан бұзылулар Сирек: етеккір циклінің бұзылуы, гинекомастия. Жалпы бұзылулар мен енгізу орнындағы реакциялар Жиі: қажу, қызба, ісіну. Жиі емес: салмақтың артуы. Тіркеуден кейінгі қолдану процесінде анықталған басқа жағымсыз әсерлер Тіркеуден кейінгі кезеңде циклоспоринді қабылдаған пациенттерде холестазды, сарғаюды, гепатитті және бауыр жеткіліксіздігін қоса, гепатоуыттылық және бауыр функциясының бұзылу жағдайлары тіркелген. Хабарламалардың көпшілігі инфекциялық асқынулар мен ықтимал гепатоуытты препараттарды қатар қолдануды қоса алғанда, әртүрлі бастапқы жағдайлары және басқа да ауырлататын факторларымен ауыр қатар жүретін аурулары бар пациенттерге қатысты болды. Кейбір жағдайларда, негізінен трансплантациядан кейінгі пациенттерде өліммен аяқталған жағдайлар тіркелген («Қолдану кезінде қажетті сақтық шаралары» бөлімін қараңыз). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары мен белгілері Циклоспориннің жедел артық дозалануы бойынша деректер шектеулі. Циклоспоринді 10 г дейінгі (шамамен 150 мг/кг) дозада қабылдаған кезде көп жағдайда құсу, бас айналу, бас ауыруы, тахикардия сияқты аздап айқын клиникалық көріністер байқалды. Кейбір жағдайларда орташа ауырлықтағы бүйрек функциясының қайтымды бұзылыстары байқалды. Алайда циклоспоринмен кездейсоқ парентеральді артық дозалану кезінде шала туылған нәрестелерде неонатальді кезеңде ауыр уытты асқынулардың дамуы туралы хабарланды. Емі Артық дозаланудың барлық жағдайларында симптоматикалық емдеу жүргізілуі және жалпы демеу шаралары тағайындалуы керек. Пероральді қолданудың алғашқы сағаттарында құстыртып, асқазанды шаю керек. Циклоспорин іс жүзінде диализ кезінде және белсендірілген көмір қолданумен гемоперфузия кезінде шығарылмайды.

Жалпы Сандиммун® Неорал® препаратын иммуносупрессивті емді жүргізу тәжірибесі бар дәрігерлер ғана тағайындауы тиіс, олар қажетті кейінгі тексерулерді (тұрақты мұқият физикалық тексерулер, АҚ тексеру, зертханалық зерттеулер) жүргізе алады. Трансплантациядан өткен, Сандиммун® Неорал® қабылдайтын пациенттер тиісті зертханалық зерттеулер жүргізуге болатын, қажетті медициналық жабдықтармен жабдықталған орталықтарда емделуі тиіс. Демеуші емге жауапты дәрігер пациентті емдеуге қатысты толық ақпарат алуы керек. Кальциневрин тежегіштерінің сіңірілуі муковисцидозы бар пациенттерде бұзылуы мүмкін. Сандиммун® Неорал® қабылдайтын пациенттерде терісінің қатерлі түрде өзгеру қаупіне байланысты оларды тиісті қорғаныш заттарынсыз күн сәулесінің шамадан тыс әсеріне ұшырауынан сақтандыру керек. Препаратты балаларда қолдану. Деректер жеткіліксіз болуына байланысты Сандиммун® Неорал® препаратын трансплантациямен байланысты емес көрсетілімдер бойынша (нефроздық синдромнан басқа) 16 жасқа дейінгі пациенттерде қолдану ұсынылмайды. Сандиммун® Неорал® препаратынан циклоспориннің басқа препараттарына ауысу Сандиммун® Неорал® препаратын қолдануды бастағаннан кейін басқа циклоспорин препаратына көшпес бұрын (биожетімділіктегі ықтимал айырмашылықтарды ескере отырып) қандағы циклоспорин деңгейіне, қан сарысуындағы креатинин деңгейіне және артериялық қысымға тиісті мониторинг жүргізу керек. Басқа иммуносупрессанттармен біріктірілімде қолдану Басқа иммуносупрессанттар сияқты, циклоспорин лимфома және басқа да, әсіресе терінің жаңа түзілімдерінің даму қаупін арттырады. Бұл жоғары қауіп нақты дәрілік препараттарды пайдаланумен емес, иммуносупрессияның дәрежесімен және ұзақтығымен байланысты екені анық. Сонымен қатар, құрамында бірнеше иммунодепрессанттар (циклоспоринді қоса) бар емдеу схемаларын сақтықпен қолдану керек, өйткені бұл лимфопролиферативті аурулардың дамуына және өлімге әкеп соғуы мүмкін басқа ағзалардың тығыз ісіктеріне әкелуі мүмкін. Басқа иммунодепрессанттар сияқты, циклоспоринді қолдану көбінесе шартты патогендік микроорганизмдерден туындаған әртүрлі бактериялық, зеңдік, паразиттік және вирустық инфекциялардың дамуына әкелуі мүмкін. Циклоспорин алатын пациенттерде латентті полиомавирустық инфекцияның белсенуі байқалды, ол полиомавируспен (PVAN) байланысты нефропатияның туындауына, атап айтқанда КБ (Кох бацилласы) бар вирустық нефропатияға (BKVN) немесе JC-вирусымен (PML) байланысты үдемелі мультифокальді лейкоэнцефалопатияға әкелуі мүмкін. Бұл жағдайлар көбінесе айқын иммуносупрессияға қатысты салдарлы болып табылады және бүйрек функциясының нашарлауы немесе неврологиялық симптомдары дамыған иммуносупрессиясы бар пациенттерде дифференциальды диагностика кезінде ескерілуі керек. Ауыр және/немесе өліммен аяқталған жағдайлар туралы хабарланды. BKVN трансплантаттың қабылданбай ажырауына әкелуі мүмкін. Тиімді профилактикалық және емдік іс-шараларды, әсіресе біріктірілген иммуносупрессивті емді ұзақ қолдану жағдайларында енгізу қажет. PVAN немесе PML бар пациенттерде жалпы иммуносупрессияны төмендету мүмкіндігін қарастырған жөн, бірақ иммуносупрессия қарқындылығының төмендеуі трансплантаттың кірігу қаупін төндіруі мүмкін. Бүйрек және бауыр функциясының бұзылуы Сандиммун® Неорал® препаратын қолданудың алғашқы бірнеше апталарында байқалатын жиі және ықтимал күрделі асқыну қан сарысуындағы креатинин мен мочевина деңгейінің жоғарылауы болып табылады. Бұл функционалдық өзгерістер дозаға тәуелді және қайтымды болып табылады және доза төмендеген кезде әдетте қалыпты жағдайға оралады. Кейбір пациенттерде ұзақ уақыт қолдану бүйректегі құрылымдық өзгерістерге әкелуі мүмкін (мысалы, интерстициальды фиброз), оны бүйрек трансплантациясы болған пациенттерде созылмалы қабылданбай ажырау белгілерінен ажырату қажет. Сандиммун® Неорал® препараты сондай-ақ билирубин деңгейінің және қан сарысуындағы бауыр ферменттері деңгейінің дозаға тәуелді және қайтымды жоғарылауын туындатуы мүмкін («Қолдану бойынша ұсынымдар» және «Жағымсыз реакциялардың сипаттамасы» бөлімін қараңыз). Бауыр мен бүйрек функциясының тиісті көрсеткіштеріне тұрақты мониторинг жүргізу қажет. Өзгерістер анықталған жағдайда дозаны төмендету қажет болуы мүмкін. Егде жастағы пациенттерде бүйрек функциясын мұқият бақылау қажет. Қандағы циклоспорин деңгейін анықтау Қандағы циклоспорин концентрациясын мүмкіндігінше спецификалық моноклональді антиденені немесе ТЖСХ пайдалана отырып, бастапқы препараттың үлесін өлшеу жолымен бақылау керек. Плазмада немесе сарысуда сандық анықтау кезінде уақыт пен температураның белгілі бір мәндерімен бөлудің стандартты әдісін қолдану қажет. Трансплантацияланған бауыры бар реципиенттерде емнің басында қандағы циклоспорин деңгейін бақылауды тек ерекше моноклональді антиденелердің көмегімен немесе иммуносупрессияның тиісті дәрежесін қамтамасыз ету үшін ерекше және спецификалық емес моноклональді антиденелерді пайдалана отырып, параллельді анықтамалардың көмегімен жүргізу қажет. Қандағы, плазмадағы немесе сарысудағы циклоспорин деңгейі пациенттің клиникалық жағдайына әсер ететін көптеген факторлардың бірі екенін есте ұстаған жөн. Сондықтан осы нәтижелерді басқа да клиникалық және биохимиялық көрсеткіштердің бірқатарын ескере отырып, ұсыным ретінде ғана қарау керек («Қолдану бойынша ұсынымдар» бөліміндегі «Ағзалар трансплантациясы» бөлігін қараңыз). Артериялық қысымды бақылау Сандиммун® Неорал® препаратын қолданған кезде артериялық қысымды (АҚ) үнемі тексеріп отыру керек. АҚ жоғары болған жағдайда АҚ төмендету үшін тиісті ем тағайындау керек. Циклоспориннің фармакокинетикасына әсер етпейтін гипертензияға қарсы препаратқа артықшылық беру керек («Басқа препараттармен өзара әрекеттесуі» бөлімін қараңыз). Биохимиялық өзгерістер Сандиммун® Неорал® препаратын қолдану аясында қандағы липидтер деңгейінің шамалы қайтымды жоғарылау жағдайлары тіркелген, сондықтан қандағы липидтер деңгейін емдеу басталғанға дейін және бір айдан кейін өлшеу керек. Липидтердің жоғары деңгейі анықталған кезде тағаммен бірге май тұтынуды азайту және дозаны азайту туралы мәселені қарастырған жөн. Циклоспоринді қабылдаған кезде, әсіресе бүйрек функциясы бұзылған пациенттерде гиперкалиемияның даму қаупі артады. Циклоспоринді калий жинақтаушы заттармен (мысалы, калий жинақтаушы диуретиктермен, АӨФ тежегіштерімен, ангиотензин II рецепторларының антагонистерімен) немесе құрамында калий бар дәрілік заттармен немесе калийге бай тағам қабылдайтын пациенттерде бір мезгілде қолданғанда сақтық қажет («Басқа дәрілік препараттармен өзара әрекеттесу және өзара әрекеттесудің басқа түрлері» бөлімін қараңыз). Мұндай жағдайларда калий деңгейіне мониторинг жүргізу ұсынылады. Циклоспоринді қабылдау магний клиренсін арттырады. Бұл симптоматикалық гипомагниемияның, бәрінен бұрын перитрансплантация кезеңінде дамуына әкелуі мүмкін. Перитрансплантация кезеңінде қан сарысуындағы магний деңгейін, әсіресе неврологиялық симптомдар болған кезде бақылау ұсынылады. Қажет болса, магний препараттарын қосымша тағайындау керек. Гиперурикемиямен ауыратын науқастарды емдеу кезінде сақ болу керек. Қатар жүретін дәрілік препараттар («Басқа дәрілік препараттармен өзара әрекеттесуі» бөлімін қараңыз) Циклоспоринмен емдеу кезінде вакцинация тиімділігі аз болуы мүмкін; тірі вакциналарды қолданудан аулақ болу керек. Циклоспоринді лерканидипинмен бір мезгілде қолданғанда сақ болу керек («Басқа дәрілік препараттармен өзара әрекеттесуі» бөлімін қараңыз). Циклоспорин плазмадағы концентрацияны және алискирен, дабигатран немесе бозентан сияқты көптеген дәрілік заттардың, р-гликопротеиннің немесе органикалық аниондарды тасымалдаушы ақуыздардың (OAPTS) субстраттары болып табылатын басқа бір мезгілде қолданылатын дәрілік заттардың жағымсыз әсерлерінің дозаға тәуелді қаупін арттыруы мүмкін. Циклоспоринді алискиренмен, дабигатранмен немесе бозентанмен бір мезгілде қолданудан аулақ болу керек («Басқа дәрілік препараттармен өзара әрекеттесуі» бөлімін қараңыз). Псориазбен ауыратын пациенттерге бета-блокаторлармен немесе диуретиктермен қатар ем қабылдауға болмайды. Лимфопролиферативтік аурулар мен тығыз қатерлі жаңа түзілімдерді ерте анықтауға арналған мониторинг Басқа иммунодепрессанттарды (циклоспоринді қоса) қолданғандағыдай, лимфопролиферативтік аурулар мен тығыз ісіктердің (әсіресе терінің) пайда болу қаупінің жоғарылағанын есте сақтау қажет. Сандиммун® Неорал® препаратын ұзақ уақыт қолданғанда пациенттер осы ауруларды ерте анықтау үшін мұқият бақылауда болуы тиіс. Қатерлі ауру немесе обыралды жай-күйі анықталған жағдайда емді тоқтату қажет. УК-жарық әсері Сандиммун® Неорал® қабылдайтын пациенттерде терінің қатерлі өзгерісінің ықтимал қаупіне байланысты оларды тиісті қорғаныссыз күн сәулесінің шамадан тыс әсер етуінен және тиісті ультракүлгін сәулесінің әсерінен немесе ПУВА-емін қолданудан сақтандыру керек. Эндогенді увеит Циклоспорин мен Бехчет синдромының неврологиялық көріністері арасындағы ықтимал байланыс туралы хабарланды. Сондықтан неврологиялық синдромы бар пациенттерге Сандиммун® Неорал® сақтықпен тағайындалуы керек. Арнайы ескертулер Этанол Сандиммун® Неорал® препаратын қауіп тобындағы пациенттерде, әсіресе жүкті немесе бала емізетін әйелдерде, бауыр аурулары немесе эпилепсия бар пациенттерде, алкоголизмге шалдыққан науқастарда немесе балаларда қолданған кезде ішуге арналған ерітіндідегі этанолдың құрамын ескеру керек. Педиатрияда қолдану Балаларда циклоспоринді қолдану туралы деректер шектеулі. Емшектегі нәрестелерде Сандиммун® Неорал® препаратын қолдану туралы деректер жоқ. Сандиммун® Неорал® препаратының стандартты дозасын алған бір жастан асқан балаларда қандай да бір ерекше патологиялық жағдайлар тіркелмеген. Балаларға қатысты бірқатар зерттеулер балаларға кг дене салмағына циклоспориннің жоғары дозаларын тағайындау керек екенін және ересек пациенттерге қарағанда оларға жақсы төзімді екенін көрсетті. Демек, бауыр функциясы бұзылған пациенттерде қан сарысуындағы креатинин деңгейіне және қандағы циклоспорин концентрациясына мұқият мониторинг жүргізу және дозаны тиісті түзету қажет.

Жүкті әйелдерде Сандиммун® Неорал® препаратын тіркеуден кейін қолдану деректері (жарияланған деректерді қоса) шектеулі. Деректер трансплантациядан кейін циклоспоринмен иммуносупрессивті ем алатын немесе циклоспоринді қамтитын емдеу схемалары тағайындалған жүкті әйелдерде мерзімінен бұрын босану (<37 апта мерзімінде) қаупі жоғары екендігін дәлелдейді. Мұндай әйелдерде жалпы популяциядағы көрсеткіштермен салыстырғанда түсік түсу және туа біткен ауыр ақаулардың жоғарылауы байқалмайды. Тізілімдерден және тіркеуден кейінгі қауіпсіздік есептерінен қолжетімді шектеулі ақпаратқа сүйене отырып, циклоспориннің анасында артериялық гипертензияға, преэклампсияға, инфекцияларға немесе диабетке тікелей әсерін жоққа шығаруға болмайды. Құрсақішілік даму кезеңінде циклоспориннің әсеріне ұшыраған балаларда (олар 7 жасқа толғанға дейін) бақылаулардың саны шектеулі (деректер 12 балада алынған). Бұл балалардағы бүйрек функциясы мен АҚ көрсеткіштері қалыпты болды. Осылайша, Сандиммун® Неорал® препаратын, тек болжамды пайдасы ықтимал қауіптен асып кететін жағдайларды қоспағанда, жүктілік кезінде қолдануға болмайды. Препаратты жүкті әйелдерге тағайындаған кезде Сандиммун® Неорал® препаратының құрамында этанол бар екендігі ескерілуі тиіс («Айрықша нұсқаулар мен қолдану кезінде қажетті сақтандыру шаралары» бөлімін қараңыз). Циклоспорин емшек сүтіне енеді. Сандиммун® Неорал®, пероральді қолдануға арналған ерітінді препаратын бала емізетін әйелдерге тағайындағанда осы препараттың құрамындағы этанол мөлшері ескерілуі керек («Қолдану кезінде қажетті сақтық шаралары» бөлімін қараңыз). Емшектегі нәрестелерде ауыр жағымсыз әсерлері қаупін ескере отырып, Сандиммун® Неорал® препаратын қабылдаған аналар баланы емізбеуі тиіс. Циклоспориннің фертильділікке әсері туралы шектеулі деректер бар. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Сандиммун® Неорал® көлік құралдарын және қауіптілігі зор механизмдерді басқару қабілетіне әсер етуі мүмкін. Сандиммун® Неорал® неврологиялық симптомдар пайда болуы мен көру қабілетінің бұзылуын тудыруы ықтимал («Жағымсыз реакциялардың сипаттамасы» бөлімін қараңыз). Көлік құралдарын басқару немесе механизмдермен жұмыс істеу кезінде сақтық қажет.

Тамақпен өзара әрекеттесуі Препаратты грейпфрут шырынымен бір мезгілде қолданғанда циклоспориннің биожетімділігі артады. Дәрілермен өзара әрекеттесуі Циклоспориннің көптеген түрлі дәрілік заттармен өзара әрекеттесуі туралы хабарланды. Төменде жақсы құжатталған және клиникалық тұрғыдан маңызды деп саналатындар келтірілген. Циклоспориннің метаболизмі мен шығарылуына қатысатын бауыр ферменттерін, әсіресе CYP3A4 тежейтін немесе индукциялайтын дәрілік заттар плазмадағы немесе жаңа алынған қандағы циклоспорин деңгейіне тиісті түрде әсер етеді. Циклоспорин мультидәрілік эффлюкс тасымалдаушы Р-гликопротеиннің (Pgp) субстраты болып табылады, сондықтан P gp тежегіштері мен индукторлары циклоспорин концентрациясына әсер етуі мүмкін. Циклоспорин CYP3A4 тежегіші және жоғары қуатты Р-гликопротеин тежегіші (P gp) болып табылады. CYP3A4 немесе P-gp субстраттары болып табылатын дәрілік препараттарды циклоспоринмен бірге қолдану қан плазмасындағы қатарлас препараттар концентрациясының жоғарылауына әкелуі мүмкін. Циклоспорин концентрациясын төмендететін дәрілер Барбитураттар, карбамазепин, окскарбазепин, фенитоин, нафциллин, вена ішіне енгізуге арналған сульфадимидин, рифампицин, октреотид, пробукол, орлистат, триметоприм вена ішіне, шайқурай препараттары, тиклопидин, сульфинпиразон, тербинафин, бозентан. Циклоспорин концентрациясын арттыратын дәрілер Хлорохин, макролидтер тобының антибиотиктері (мысалы, эритромицин, азитромицин және кларитромицин); кетоконазол және қарама-қайшылықты әрі айқын әсері аз флуконазол және итраконазол, вориконазол, дилтиазем, никардипин, верапамил, метоклопрамид, оральді контрацептивтер, даназол, метилпреднизолон (жоғары дозалар), аллопуринол, амиодарон, холий қышқылы және туындылары, протеаза тежегіштері, иматиниб, колхицин, нефазодон, каннабидиол. Басқа маңызды дәрілік өзара әрекеттесулер Циклоспоринді нефроуытты қасиеттерін иеленген басқа дәрілік препараттармен бірге сақтықпен тағайындау керек: аминогликозидтер (гентамицин мен тобрамицинді қоса алғанда), амфотерицин В, ципрофлоксацин, ванкомицин, триметоприм (+ сульфаметоксазол), ҚҚСД (диклофенакты, напроксенді, сулиндакты қоса алғанда), мелфалан, гистаминдік Н2-рецепторлардың антагонистері (мысалы, циметидин, ранитидин), метотрексат. Нифедипинді циклоспоринмен бір мезгілде қолдану циклоспорин монотерапиясымен салыстырғанда қызылиек гиперплазиясы жиілігінің артуына әкелуі мүмкін. Циклоспорин мен лерканидипинді бірге қабылдағаннан кейін қисық астындағы аудан (AUC) лерканидипинде үш есе, ал циклоспорин AUC – 21%-ға ұлғайды. Циклоспориннің фармакокинетикасына әсер етпейтін гипертензияға қарсы препаратқа артықшылық беру керек. Диклофенак пен циклоспоринді бір мезгілде қолдану бүйрек жеткіліксіздігінің даму мүмкіндігі бар диклофенак биожетімділігінің айтарлықтай өсуіне әкеледі, ол қайтымды сипатқа ие. Диклофенактың биожетімділігінің жоғарылауы «алғашқы өту» кезінде оның метаболизмінің төмендеуімен байланысты. Циклоспоринді бірінші өту әсері төмен ҚҚСД-мен (мысалы, ацетилсалицил қышқылы) бірге қолдану, әдетте, олардың биожетімділігінің артуымен байланысты емес. Циклоспорин дигоксин, колхицин, преднизолон, ГМГ-КоА редуктаза тежегіштері (статиндер), этопозид, алискирен, бозентан немесе дабигатран клиренсін төмендетуі мүмкін. Ауыр дигиталис уыттануы дигоксин қабылдаған бірқатар пациенттерде циклоспоринмен емдеу басталғаннан кейін бірнеше күн ішінде байқалды. Сондай-ақ, циклоспориннің колхициннің миопатия және невропатия сияқты уытты әсерлерін, әсіресе бүйрек функциясы бұзылған пациенттерде күшейту қабілеті туралы хабарламалар келіп түсті. Егер осы препараттардың қандай да бірі циклоспоринмен бірге қолданылса, дигоксиннің немесе колхициннің уытты әсер ету белгілерін уақтылы анықтау үшін мұқият клиникалық бақылауды жүзеге асыру және қажет болған жағдайда дозаны азайту немесе препаратты тоқтату қажет. Антрациклин тобы антибиотиктері сіңуінің едәуір артуы (мысалы, доксорубицин, митоксантрон, даунорубицин) онкологиялық науқастарда антрациклин тобының антибиотиктерін және циклоспориннің өте жоғары дозаларын бір мезгілде вена ішіне қолданғанда байқалды. Циклоспоринді бір мезгілде ловастатин, симвастатин, аторвастатин, правастатин, розувастатин, питавастатин және сирек флувастатин қабылдаған пациенттерде қолданғанда бұлшықет ауыруы мен әлсіздікті, миозит пен рабдомиолизді қоса алғанда, миоуыттылықтың даму жағдайлары байқалды. Циклоспоринмен бір мезгілде қолданған кезде көрсетілген статиндердің дозасын медициналық қолдану жөніндегі тиісті нұсқаулықта келтірілген нұсқаулықтарға сәйкес азайту керек. Статиндермен емдеу миопатия симптомдары бар пациенттерде немесе рабдомиолизге қатысты қайталама бүйрек жеткіліксіздігін қоса алғанда, ауыр бүйрек жеткіліксіздігіне бейім қауіп факторлары бар пациенттерде уақытша тоқтатылуы немесе тоқтатылуы тиіс. Эверолимусты немесе сиролимусты және циклоспоринді бір мезгілде қолданғанда қан сарысуындағы креатинин деңгейінің жоғарылауы байқалады. Циклоспорин дозалары азайған кезде бұл әсер жиі қайтымды болады. Эверолимус пен сиролимус циклоспориннің фармакокинетикасына аз ғана әсер етті. Керісінше, қандағы эверолимус пен сиролимус деңгейінің айтарлықтай жоғарылауы байқалды. Циклоспоринді калий жинақтаушы дәрілермен (мысалы, калий жинақтаушы диуретиктермен, АӨФ тежегіштерімен, ангиотензин II рецепторларының антагонистерімен) немесе құрамында калий бар дәрілік заттармен немесе калийге бай тағам қабылдайтын пациенттерде бір мезгілде қолданғанда сақ болған жөн. Циклоспорин сонымен қатар плазмада репаглинид деңгейін жоғарылатып, гипогликемия туындау қаупін арттырады. Дені сау еріктілердегі фармакокинетикалық өзара әрекеттесуді зерттеу бозентанның циклоспорин деңгейін шамамен 35% төмендетуі мүмкін екенін көрсетті, ал бозентан экпозициясы шамамен 2 есе артады. Циклоспорин мен алискиренді бір мезгілде қолданғаннан кейін, алискиреннің Cmax шамамен 2,5 есе, ал AUC – шамамен 5 есе өсті. Дегенмен, циклоспориннің фармакокинетикалық бейіні айтарлықтай өзгерген жоқ. Циклоспорин мен дабигатран этексилатын бір мезгілде қолдану циклоспориннің P-gp тежегіш әсеріне байланысты қан плазмасындағы дабигатран концентрациясының жоғарылауына әкеледі («Қолдану кезінде қажетті сақтық шаралары»). Дабигатранның емдік индексі тар және қан плазмасындағы деңгейінің жоғарылауы қан кету қаупінің жоғарылауымен байланысты болуы мүмкін. Амбрисентан мен циклоспоринді бір мезгілде қолдану амбрисентан экспозициясының шамамен 2 есе өсуіне әкелді, ал циклоспорин экспозициясы шамамен 10%-ға артты. Трансплантация жасалған пациенттерде циклоспорин мен натрий микофенолатын немесе микофенолат мофетилді бір мезгілде қолдану басқа иммуносупрессанттармен салыстырғанда микофенол қышқылының орташа экспозициясын 20%-дан 50%-ға дейін төмендетуі мүмкін. Бұл жайында әсіресе циклоспорин емін тоқтату немесе уақытша тоқтату кезінде есте ұстаған жөн. Циклоспориннің бір реттік дозасын (200 немесе 600 мг) элтромбопагтың бір реттік дозасымен (50 мг) бір мезгілде қолдану плазмадағы элтромбопагтың AUCinf 18-24%-ға, ал Cmax 25-39%-ға төмендетті. Экспозицияның мұндай төмендеуі клиникалық маңызды болып саналмайды. Каннабидиолмен (P gp тежегіші) бірге қабылдаған кезде басқа кальциневрин тежегішінің қанда деңгейінің жоғарылау жағдайлары болған. Бұл өзара әрекеттесу ішектік P-гликопротеинге байланысты эффлюкс әсерінен тежелуіне байланысты болуы мүмкін, бұл кальциневрин тежегіші биожетімділігінің жоғарылауына әкеледі. Сондықтан циклоспорин мен каннабидиолды бірге тағайындағанда сақ болу керек, ал пациенттер жағымсыз құбылыстарға мұқият бақылануы тиіс. Трансплантация өткерген пациенттерде жаңа алынған қанда циклоспорин деңгейін бақылау және қажет болған жағдайда циклоспорин дозасын түзету қажет. Трансплантация жасалмаған пациенттерде қажет болған жағдайда дозасын түзете отырып, қандағы циклоспорин деңгейін бақылау мүмкіндігін қарастырған жөн. Ұсынымдар Егер Сандиммун® Неорал® препаратымен өзара әрекеттесетін дәрілік препараттарды бір мезгілде қолдану қажет болса, мынадай негізгі ұсынымдарды ұстану керек. Циклоспорин деңгейінің жоғарылауын және нефроуыттылықтың күшеюін тудыруы ықтимал дәрілік заттарды бір мезгілде қабылдайтын пациенттерде бүйрек функциясын (атап айтқанда, қан сарысуындағы креатинин деңгейін) мұқият бақылау керек. Бүйректің елеулі бұзылуы жағдайында басқа препараттың дозасын азайту немесе баламалы емдеу мүмкіндігін қарастыру қажет. Пациенттің клиникалық жағдайын мұқият бақылаған жөн. Қандағы циклоспорин деңгейіне мониторинг және циклоспорин дозасына түзету қажет болуы мүмкін. Трансплантациядан өткен пациенттерде фибраттарды (мысалы, безофибрат, фенофибрат) бір мезгілде қабылдағаннан кейін бүйрек функциясының елеулі, бірақ қайтымды бұзылуының (қан сарысуындағы креатинин деңгейінің тиісінше артуымен) бірлі-жарым жағдайлары тіркелген. Сондықтан осы пациенттерде бүйрек функциясын мұқият бақылау қажет. Бүйрек функциясының елеулі бұзылуы жағдайында қатар жүретін препаратты тоқтату керек. Циклоспориннің биожетімділігін төмендететін немесе арттыратын дәрілік препараттар Трансплантациядан өткен пациенттерде қандағы циклоспорин деңгейін, әсіресе басқа дәрілік препараттармен емдеу кезеңінің басында және соңында жиі анықтау керек және қажет болған жағдайда Сандиммун® Неорал® препаратының дозасын түзету керек. Трансплантациямен байланысты емес көрсеткіштер бойынша циклоспоринді қолданған кезде қандағы циклоспоринді анықтаудың маңыздылығы түсініксіз болып қалады, өйткені қандағы циклоспорин деңгейлері мен клиникалық әсерлер арасындағы өзара байланыс онша айқын анықталмаған. Қандағы циклоспорин деңгейін жоғарылататыны белгілі дәрілік препараттарды бір мезгілде қолданған жағдайда бүйрек функциясының жиі мониторингі және Сандиммун® Неорал® препаратының жағымсыз әсерлерінің мұқият мониторингі олардың қандағы деңгейін анықтаудан гөрі ақталған болуы мүмкін. Нифедипин Сандиммун® Неорал® препаратымен емдеу аясында қызылиек гиперплазиясының дамуы байқалған пациенттерде нифедипинді бір мезгілде қолданудан аулақ болу керек. ҚҚСД Сандиммун® Неорал® препаратымен бір мезгілде тағайындау кезінде «алғашқы өтудің» (мысалы, диклофенак) әсері жоғары ҚҚСД-ны неғұрлым төмен дозаларда тағайындау керек. Дигоксин, колхицин, ГМГ-КоА редуктаза тежегіштері. Егер осы препараттардың кез келгені Сандиммун® Неорал® препаратымен бір мезгілде тағайындалса, уытты әсерлерді ерте сатыда анықтауға және дозаны одан әрі төмендетуге немесе препаратты тоқтатуға мүмкіндік беретін мұқият клиникалық мониторинг қажет. Дәрілік өзара әрекеттесу егде жастағы пациенттерде жиі кездеседі.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 15 С-ден 30 °С-ге дейінгі температурада сақтау керек. Балалардың қолы жетпейтін жерде сақтау керек!