Санорин спрей 0,1%

Бір құтының (10 мл) ішінде белсенді зат: нафазолин нитраты 0,010 г; қосымша заттар: бор қышқылы, метилпарагидроксибензоат, этилендиамин, тазартылған су. Сыртқы түрінің, иісінің, дәмінің сипаттамасы Көрінетін бөлшектері жоқ және иіссіз мөлдір, түссіз сұйықтық.

- жедел ринит - синусит - диагностикалық және емдік араласымдар кезінде мұрын шырышты қабығының ісінуін жеңілдету үшін

Әсер ету механизмі Санорин құрамында альфа-адренорецепторларға әсер ететін жүйелік симпатомиметик нафазолин бар. Шырышты қабықтардың қантамырларына айқын және ұзақ жалғасатын тамыр тарылтатын әсер береді. Мұрын ішіне қолдану кезінде нафазолин қантамырларды тарылтады, экссудацияны азайтады, осылайша мұрын арқылы тыныс алуды жеңілдетеді және жоғарғы тыныс алу жолдарының қабынуы кезінде шырышты ісінуді азайтады.

Дозалау режимі Ересектер мен 15 жастан асқан жасөспірімдерге әр мұрын жолына 1-3 бүркуден, күніне 2-3 рет, кемінде 6 сағат аралықпен. Енгізу әдісі мен жолы Спрейді алғаш қолданған кезде дозалау құрылғысын аэрозольдің шағын бұлты пайда болғанша бірнеше рет басу ұсынылады. Тікелей қолданар алдында қорғаныш қалпақшасын алып, препараты бар құтыны тік күйінде ұстап тұрып, дозалау құрылғысының ұштық бөлігін мұрын жолына енгізу керек, содан кейін аппликаторға тез әрі жылдам басу керек. Бүркуден кейін бірден мұрын арқылы жеңіл тыныс алу ұсынылады. Препаратты қолданғаннан кейін аппликаторды қорғаныш қалпақшасымен жабу керек. Емдеу ұзақтығы 3 күннен асырмай қолдану керек. Қайта қолданар алдында бірнеше күн үзіліс жасау керек.

- препарат компоненттеріне жоғары сезімталдық - артериялық гипертония, тахикардия, айқын атеросклероз - көздің ауыр аурулары - гипертиреоидизм - несеп шығарудың бұзылуы - қант диабеті - жабық бұрышты глаукома - қуықасты безінің аурулары - құрғақ ринит - созылмалы ринит (атрофиялық типі) - 15 жасқа дейінгі балалар

Ұсынылған дозаларда қолданған кезінде препараттың әдетте жағымдылығы жақсы. Нафазолинді қолдануға байланысты жағымсыз реакциялардың жиынтық кестесі Реакция туындау жиілігі — Жағымсыз реакция қатты терлеу, тремор, Психикалық бұзылыстар: Өте сирек: — күйгелектік Жүйке жүйесі тарапынан бұзылулар: Өте сирек: — бас ауыруы, қатты терлеу, тремор, Жүрек және қан тамырлары тарапынан бұзылулар: Өте сирек: — артериялық қысымның жоғарылауы, жүректің соғуы, пульстің жиілеуі, тахикардия Жалпы бұзылыстар және енгізу орнындағы бұзылулар: Жиі: — мұрын шырышты қабығының ашытуы және құрғауы, нафазолиннің әсері тоқтағаннан кейін реактивті гиперемиядан туындаған мұрынның «бітелуін» сезінудің артуы 5 күннен артық немесе жиі қолданғаннан кейін жаққаннан соң көп ұзамай шырышты қабықтың қарқынды ісінуімен саноринизм - әдет қалыптастыру мүмкіндігі бар. Препаратты ұзақ уақыт қолдану шырышты қабықтың эпителийіне зақым келтіруі мүмкін, кірпікшелердің белсенділігі бәсеңдейді және құрғақ ринит кезінде шырышты қабықтың қайтымсыз зақымдануы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препаратты кездейсоқ тұтыну күйгелектік, қатты терлеу, бас ауыруы, тремор, тахикардия, жүректің қағуы немесе гипертония сияқты жүйелік жағымсыз реакциялардың туындауына әкеп соғуы мүмкін. Артық дозаланудың мүмкін симптомдары жүрек айнуы, цианоз, қызба, құрысу, жүректің тоқтап қалуы, өкпенің ісінуі және тыныс алу немесе психиатриялық кінәраттармен білінеді. Сонымен қатар, орталық жүйке жүйесінің депрессиясын байқауға болады, ұйқышылдық, дене температурасының төмендеуі, брадикардия, терлеу, шок тәрізді гипотензия, апноэ немесе кома. Емі: симптоматикалық. Балаларда артық дозалану қаупі жоғары, өйткені олар ересектерге қарағанда жағымсыз әсерлерге анағұрлым сезімтал болып келеді.

Ұзақ қолданған кезде тамыр тарылтатын әсердің ауырлығы біртіндеп төмендейді (тахифилаксия құбылысы), осыған байланысты препаратты 3 күннен асырмай қолдану ұсынылады. Ұсынылатын дозадан асырмау керек. Сақтықпен - жүктілік және лактация кезеңі (тек дәрігердің тағайындалуы бойынша, тек шұғыл қажет болған жағдайда). Арнайы ескертулер Препаратты жүрек-қантамыр жүйесі аурулары (гипертония, жүректің ишемиялық ауруы), феохромоцитома кезінде немесе әлеуетті гипертензиялық препараттармен аса сақтықпен тағайындау қажет. Бронх демікпесі бар науқастарда миокардтың симпатомиметиктерге (мысалы, галотанға) сезімталдығын арттыратын анестетиктердің көмегімен жалпы наркоз кезінде сақ болу керек. Ұзақ уақыт қолданудан және артық дозаланудан аулақ болу керек. Шырышты қабықтың ісінуін басуға арналған дәрілік заттарды ұзақ уақыт қолдану ісінуге және мұрынның шырышты қабығының кейінгі атрофиясына әкелуі мүмкін. Бұл дәрілік заттың құрамында метилпарабен бар, ол аллергиялық реакцияларды туындатуы ықтимал (мүмкін, баяулатылған түрі). Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлікті немесе қауіптілігі зор механизмдерді басқару қабілетіне әсер етпейді.

Нафазолиннің плацента арқылы өту және емшек сүтіне шығу мүмкіндігі туралы ақпарат жеткіліксіз. Сондықтан препаратты жүкті немесе бала емізетін әйелдерге енгізгенге дейін емдеудің ықтимал қауіптері мен артықшылықтарын қарастыру, препаратты шұғыл қажет болған жағдайда ғана тағайындау қажет.

Препаратты моноаминоксидаза тежегіштерімен, трициклді антидепрессанттармен және мапротилинмен бір мезгілде қолдануға болмайды, себебі жүрек ырғағының бұзылуы және артериялық қысымның жоғарылауы мүмкін.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 оС-ден аспайтын температурада сақтау керек. Балалардың қолы жетпейтін жерде сақтау керек!