Сафнело® концентрат 150 мг/мл

Бір мл препараттың құрамында белсенді зат - анифролумаб *, 150 мг, * Анифролумаб рекомбинантты ДНҚ технологиясы арқылы тышқанның миелома жасушаларында (NS0) өндірілетін G1 каппа иммуноглобулин тобының (IgG1κ) адам моноклональді антиденесі болып табылады. қосымша заттар: L-гистидин, L-гистидин гидрохлориді моногидраты, L-лизин гидрохлориді, α,α – трегалоза дигидраты, полисорбат 80, инъекцияға арналған су Сыртқы түрінің, иісінің, дәмінің сипаттамасы Түссізден аздап сары түске дейінгі мөлдір немесе бозаңданатын ерітінді, іс жүзінде көрінетін бөлшектерден бос.

Сафнело® препараты стандартты терапияға жауап жеткіліксіз болған кезде аутоантиденелері бар белсенді орташа ауыр және ауыр жүйелі қызыл жегіге (ЖҚЖ) шалдыққан ересек пациенттерді емдеу үшін қосымша терапия ретінде қолданылады.

Әсер ету механизмі Анифролумаб жоғары спецификациялылығы және аффинділігі бар I типті (IFNAR1) интерферон (ИФН) рецепторының 1 суббірлігімен байланысатын G1 каппа иммуноглобулин класының моноклональді адам антиденесі болып табылады. Бұл байланыс I типті ИФН биологиялық белсенділігін бөгей отырып, I типті интерферонның (ИФН) сигнал беруін бәсеңдетеді. Анифролумаб IFNAR1 интернализациясына ықпал етеді, осылайша рецепторды жинауға қолжетімді жасуша бетіндегі IFNAR1 мөлшерін азайтады. I типті ИФН сигналының рецептор арқылы блокадасы ИФН-тәуелді гендердің экспрессиясын, сондай-ақ кейінгі қабыну және иммунологиялық процестерді тежейді. I типті ИФН тежелуі плазмалық жасушалардың дифференциациясын тежейді және шеткері қанның Т-жасушаларының субпопуляциясын қалпына келтіреді, ЖҚЖ кезінде бұзылған жүре пайда болған және туа біткен иммунитет арасындағы теңгерімді қалпына келтіреді. Фармакодинамикалық әсерлері ЖҚЖ бар ересек пациенттерде 4 апта сайын венаішілік инфузия арқылы ≥ 300 мг дозада анифролумабты енгізу қандағы I типті фармакодинамикалық сигнатруаның 21 генінің дәйекті басылуын (≥ 80%) көрсетті. Бұл супрессия терапия басталғаннан кейін 4 аптадан бастап байқалды және емдеудің 52 аптасында сақталды немесе күшейе түсті. ЖҚЖ бар пациенттерде клиникалық зерттеулерде 52 апталық емдеу кезеңінің соңында анифролумаб тоқтатылғаннан кейін қан үлгілеріндегі I типті ИФН фармакодинамикалық сигнатурасы 8-12 апта ішінде бастапқы деңгейге оралды. Анифролумабты вена ішіне 150 мг дозада енгізген кезде емдеудің басында геннің сигнатурасының < 20% басылуы көрсетілді, емдеу кезеңінің соңына қарай < 60% максимумға жетті. Нативті қос тізбекті дезоксирибонуклеин қышқылына (анти-дсДНҚ) антиденелері бар ЖҚЖ бар пациенттерде 52 апта бойы 300 мг анифролумабпен емдеу бастапқыда анти-дсДНҚ деңгейінің сандық төмендеуіне әкелді. Жиынтық жүйесі компоненттерінің (C3 және C4) бастапқы деңгейі төмен пациенттерде анифролумабпен 52 апталық емнен кейін жиынтық жүйесі компоненттерінің деңгейінің жоғарылауы байқалды. Клиникалық тиімділігі Анифролумабтың қауіпсіздігі мен тиімділігі Американың ревматология алқасының жіктеу критерийлеріне сәйкес диагноз қойылған (1997 жылы қайта қаралған) ЖҚЖ бар пациенттерде 52 апталық терапия кезеңі (TULIP 1 және TULIP 2 зерттеулері) бар екі көп орталықты, рандомизацияланған, салыстырмалы жасырын, плацебо бақыланатын III фазадағы зерттеулерде бағаланды. Барлық пациенттер ≥ 18 жаста және орташа ауыр немесе ауыр ЖҚҚ, ЖҚҚ белсенділік индексі 2000 (Systemic Lupus Erythematosus Disease Activity Index 2000, SLEDAI-2K) ≥ 6 балл, жүйелі қызыл жегіні зерттеу жөніндегі Британдық топтың (British Isles Lupus Assessment Group, BILAG) және жалпы дәрігердің бағалауы (Physician Global Assessment, PGA) ≥ 1, бастапқыда бір препараттан немесе пероральді глюкокортикостероидтардың (ГКС), безгекке қарсы препараттардың және/немесе иммунодепрессанттардың кез келген біріктірілімінен тұратын стандартты ЖҚЖ терапиясына қарамастан. Дозасын төмендету хаттамада көзделген пероральді ГКС (преднизон немесе оның баламасы) қоспағанда, пациенттер клиникалық зерттеулерге қатысу кезінде тұрақты дозаларда стандартты ЖҚЖ терапиясы препараттарын алуды жалғастырды. Зерттеулерге ауыр белсенді жегілік нефриті бар пациенттер және ЖҚЖ кезінде орталық жүйке жүйесінің ауыр белсенді зақымдануы бар пациенттер кірмеген. Клиникалық зерттеулерге қатысу кезінде басқа биологиялық препараттар мен циклофосфамидті қолдануға рұқсат етілмеді. Биологиялық терапияның басқа түрлерімен ем алған пациенттер осы препараттардың кем дегенде 5 жартылай шығарылу кезеңіне сәйкес келетін шаю кезеңінен кейін зерттеулерге қосылуы мүмкін. Екі зерттеу де Солтүстік Америка, Еуропа, Оңтүстік Америка және Азия елдерінде жүргізілді. Пациенттер анифролумабты немесе плацебоны 4 апта сайын вена ішіне инфузия түрінде қабылдады. TULIP 1 (N = 457) және TULIP 2 (N = 362) зерттеулерінің дизайны ұқсас. TULIP 1 зерттеуінде бастапқы соңғы нүкте ЖҚЖ бар пациенттердегі жауап көрсеткіші болды (Systemic Lupus Erythematosus Index, SRI-4), бастапқы көрсеткіштермен салыстырғанда 52 аптада келесі критерийлердің әрқайсысына сәйкестік ретінде анықталды: •белсенділік индексінің бастапқы мәнмен салыстырғанда SLEDAI-2K шкаласы бойынша кемінде 4 балға төмендеуі; •бастапқы күймен салыстырғанда 1 немесе одан да көп BILAG A немесе 2 немесе одан да көп BILAG B тармақтарымен анықталғандай жаңа ағза жүйелерін тартудың болмауы; •бастапқы жағдаймен салыстырғанда 3 балдық PGA визуалды-аналогтық шкаласы бойынша индекстің кемінде 0.30 балға ұлғаюымен анықталатын жегінің белсенділігі жоғарылауының болмауы; •қолдану хаттама шарттарымен шектелген дәрілік препараттар хаттамамен рұқсат етілген шектен тыс қолданылмады; •терапия тоқтаған жоқ. TULIP 2 зерттеуінде негізгі соңғы нүкте Британдық жүйелі қызыл жегі зерттеу тобының (British Isles Lupus Assessment Group-based Composite Lupus Assessment, BICLA) 52-ші аптадағы кешенді бағалауына сәйкес жауап болды, ол бастапқы орташа немесе ауыр белсенділігі бар барлық ағза домендерінің жақсаруы ретінде анықталды: •BILAG барлық бастапқы көрсеткіштерінің А-дан B/C/D-ге дейін және BILAG бастапқы көрсеткіштерінің B-ден C/D-ге дейін төмендеуі және басқа ағза жүйелерінде BILAG көрсеткіштерінің нашарлауының болмауы, бұл кем дегенде 1 жаңа BILAG А көрсеткіші немесе кем дегенде 2 жаңа BILAG көрсеткіші ретінде анықталды; •SLEDAI-2K бастапқы деңгейімен салыстырғанда нашарлаудың болмауы, мұнда нашарлау бастапқы деңгейден 0 балдан жоғары өсу ретінде анықталады; •жегі белсенділігінің бастапқы деңгейімен салыстырғанда күшейтудің болмауы, мұнда нашарлау PGA визуалды-аналогтық шкаласының 3 балдық шкаласы бойынша ≥ 0.30 балдың ұлғаюымен анықталады; •қолдану хаттама шарттарымен шектелген дәрілік препараттар хаттамамен рұқсат етілген шектен тыс қолданылмады; •терапия тоқтаған жоқ. Екі зерттеуде де тиімділіктің қайталама соңғы нүктелері пероральді ГКС дозасын төмендетуді және жыл сайынғы өршу жиілігін сақтауды қамтыды. Екі зерттеу де плацебомен салыстырғанда 300 мг анифролумабтың тиімділігін бағалады. TULIP 1 және TULIP 2 зерттеулеріндегі пациенттердің демографиясы жалпы алғанда бірдей болды; орташа жасы 41.3 және 42.1 (18-ден 69 жасқа дейін), 4.4% және 1.7% ≥ 65 жаста, 92% және 93% әйелдер, 71% және 60% еуропалық нәсіл өкілдері, 14% және 12% негроид нәсілділер немесе афроамерикалықтар, ал 5% және 17% моңғолоидтық нәсілдің өкілдері болды. Екі зерттеуде де пациенттердің 72%-ы аурудың белсенділігі жоғары болды (SLEDAI-2K бағасы ≥ 10). TULIP 1 және TULIP 2 зерттеулерінде тиісінше 47% және 49% пациентте – кем дегенде 1 ағзалар жүйесінде ауыр зақымдану (BILAG A), ал 46% және 47% пациентте – 2 кем дегенде 2 ағзалар жүйесінде орташа ауыр зақымдану (BILAG B) байқалды. Бастапқыда тері жабынының және шырышты қабаттардың (TULIP 1 зерттеуі: 87%, TULIP 2 зерттеуі: 85%) және тірек-қимыл аппаратының (TULIP 1 зерттеуі: 89%, TULIP 2 зерттеуі: 88%) зақымдануы жиі байқалды. TULIP 1 және TULIP 2 зерттеулерінде пациенттердің 90%-ы антиядролық антиденелерге қатысты серопозитивті болды (екі зерттеуде де), анти-дсДНҚ қатысты 45% және 44%; пациенттердің 34% және 40% С3 деңгейі төмен, ал 21% және 26% – С4 деңгейі төмен болды. ЖҚЖ бастапқы стандартты терапиясы пероральді ГКС (TULIP 1 зерттеуі: 83%, TULIP 2 зерттеуі: 81%), безгекке қарсы препараттар (TULIP 1 зерттеуі: 73%, TULIP 2 зерттеуі: 70%) және иммунодепрессанттар (TULIP 1 зерттеуі: 47%, TULIP 2 зерттеуі: 48%; оған қоса азатиоприн, метотрексат, микофенолат және мизорибин) қамтыды. Зерттеудің басында пероральді ГКС (преднизон немесе эквивалент) қабылдаған пациенттерде TULIP 1 зерттеуінде орташа тәуліктік доза 12,3 мг және TULIP 2 зерттеуінде 10,7 мг құрады. Егер тек ауру белсенділігінің нашарлауы байқалмаса, 8-40 апта ішінде бастапқыда тәулігіне ≥ 10 мг дозада пероральді ГКС қабылдаған пациенттерге дозаны ≤ 7.5 мг/тәулікке дейін төмендету қажет болды. BICLA және SRI-4 жауабына қатысты 52 аптаға дейін емделуді тоқтатқан пациенттер емделуге жауап бермейтін пациенттер болып саналды. Tulip 1 және TULIP 2 зерттеулерінде тиісінше анифролумаб қабылдаған 35 (19%) және 27 (15%) пациенттер және плацебо қабылдаған 38 (21%) және 52 (29%) пациенттер емдеуді 52 аптаға дейін тоқтатты. Нәтижелер 2-кестеде келтірілген. 2-кесте. TULIP 1 және TULIP 2 зерттеулеріндегі ЖҚЖ бар ересектердегі тиімділік нәтижелері TULIP 1 зерттеуі — TULIP 2 зерттеуі Арифролумаб 300 мг — Плацебо — Арифролумаб 300 мг — Плацебо 52 аптадағы BICLA жауабы* Емдеуге жауаптың жиілігі, % (n /N) — 47.1 (85/180%) — 30.2 (55/184%) — 47.8 (86/180%) — 31.5 (57/182%) %-дық айырмашылық (95% СА) — 17.0 (7.2; 26.8) — 16.3 (6.3; 26.3) BICLA бойынша жауап компоненттері: BILAG бойынша жақсару, n (%)** — 85 (47.2) — 8 (31.5) — 88 (48.9) — 59 (32.4) SLEDAI-2K, n (%) бойынша нашарлаудың болмауы** — 121 (67.2) — 104 (56.5) — 122 (67.8) — 94 (51.6) PGA, n (%) бойынша нашарлаудың болмауы** — 117 (65.0) — 105 (57.1) — 122 (67.8) — 95 (52.2) Емдеуді тоқтатпай, n (%) — 145 (80.6) — 146 (79.3) — 153 (85.0) — 130 (71.4) Хаттамамен рұқсат етілген шектелген пайдалану препараттарын қолданусыз, n (%) — 140 (77.8) — 128 (69.6) — 144 (80.0) — 123 (67.6) 52 аптадағы SRI-4 жауабы* Емдеуге оң жауаптың жиілігі, % (n/N)** — 49.0 (88/180) — 43.0 (79/184) — 55.5 (100/180) — 37.3 (68/182) %-дық айырмашылық (95 % СА) — 6.0 (-4.2; 16.2) — 18.2 (8.1; 28.3) Пероральді ГКС дозасын тұрақты төмендету *** Емдеуге жауаптың жиілігі, % (n/N)** — 49.7 (51/103) — 33.1 (34/102) — 51.5 (45/87) — 30.2 (25/83) %-дық айырмашылық (95% СА) — 16.6 (3.4; 29.8) — 21.2 (6.8; 35.7) Асқынулар жиілігі Асқынудың орташа жылдық жиілігі, (95% СА) — 0.57 (0.43; 0.76) — 0.68 (0.52; 0.90) — 0.43 (0.31; 0.59) — 0.64 (0.47; 0.86) Жиіліктер қатынасы (95% СА) — 0.83 (0.61; 1.15) — 0.48; 0.94) BICLA - BILAG негізінде жегіні кешенді бағалау; BILAG - Британиядағы жүйелі қызыл жегіні зерттеу топтары PGA - дәрігердің жалпы бағалауы; SLEDAI-2K - ЖҚЖ 2000 белсенділік индексі; SRI-4 - ЖҚЖ терапиясына жауап индексі. Барлық пациенттер стандартты ем алды. * BICLA және SRI-4 біріктірілген бағалауға негізделген, мұнда емдеуді тоқтату немесе препараттарды шектеулі қолдану жауап критерийлерінің бөлігі болып табылады. * * Емдеуді тоқтатқан немесе хаттамада рұқсат етілген шектен тыс шектеулі препараттарды қабылдаған пациенттер емдеуге жауап бермеді деп саналды. * * * Бастапқыда тәулігіне ≥ 10 мг дозада пероральді ГКС қабылдаған пациенттер қосалқы тобы. Емдеуге жауап бергендер 40 аптада тәулігіне ≤ 7.5 мг пероральді ГКС дозасын төмендеткен және аурудың 52 аптасына дейін төмендетілген дозасын сақтаған пациенттер болып саналды. Ұзақ мерзімді қауіпсіздікті зерттеу 52-ші аптаға дейін 1 және 2 (қосымша зерттеулер) зерттеулерін аяқтаған пациенттер рандомизацияланған салыстырмалы жасырын плацебо бақыланатын 3-жылдық кейінгі терапия (LTE) зерттеуі шеңберінде емдеуді жалғастыру мүмкіндігіне ие болды. 1 және 2 зерттеулерде 150 мг немесе 300 мг анифролумаб алған пациенттерге LTE-де 300 мг анифролумаб қабылдады. 1 және 2 зерттеулерде плацебо қабылдаған пациенттер 300 мг анифролумаб немесе плацебо алу үшін 1:1 қатынасында қайта рандомизацияланды, нәтижесінде LTE-де шамамен 300 мг анифролумаб пен плацебо арақатынасы 4:1 болды. Ұзақ мерзімді тиімділік қосымша зерттеу шеңберінде 300 мг немесе плацебо анифролумаб қабылдаған және LTE кезеңінде бірдей емдеуді жалғастырған пациенттерде бағаланды (анифролумаб N=257; плацебо N=112). Оның ішінде анифролумаб алған пациенттердің 69%-ы (177/257) және плацебо алған пациенттердің 46%-ы (52/112) барлығы 4 жыл емдеуді аяқтады. 208 аптада SLEDAI-2K (SE) орташа балы анифролумаб (N=140) және плацебо (N=44) қабылдаған пациенттерде тиісінше 3.4 (0.25) және 4.0 (0.46) болды. Балалар Еуропадағы дәрілік заттар агенттігі жүйелі қызыл жегіні емдеуде педиатриялық популяцияның бір немесе бірнеше тобында анифлолумаб зерттеулерінің нәтижелерін ұсыну міндеттемесін кейінге қалдырды.

Емдеуді ЖҚЖ емдеу тәжірибесі бар дәрігер тағайындауы керек және бақылауы тиіс. Дозалау режимі Сафнело® препаратының ұсынылатын дозасы 4 аптада бір рет 30 минутқа созылатын венаішілік инфузия түрінде 300 мг құрайды. Анамнезінде инфузиялық реакциялар тіркелген пациенттерге анифролумаб инфузиясынан бұрын премедикация (мысалы, антигистаминдік препараттар) тағайындалуы мүмкін. Пациенттердің ерекше топтары Егде жастағы пациенттер (≥65 жас) Дозаны түзету қажет емес. ≥ 65 жастағы пациенттерде препаратты қолдану туралы ақпарат шектеулі (n=20); 75 жастан асқан пациенттерде препаратты қолдану туралы деректер жоқ. Бүйрек функциясы бұзылған пациенттер Дозаны түзету қажет емес. Бүйрек функциясы ауыр дәрежеде бұзылған немесе бүйрек жеткіліксіздігі терминалды сатыдағы пациенттерде препаратты қолдану тәжірибесі жоқ. Бауыр функциясы бұзылған пациенттер Дозаны түзету қажет емес. Балалар Балалар мен 18 жасқа дейінгі жасөспірімдерде анифролумабтың қауіпсіздігі мен тиімділігі анықталған жоқ, деректер жоқ. Енгізу жолы және тәсілі Вена ішіне енгізу үшін. Сафнело® препаратын вена ішіне сорғалатып немесе болюсті инъекция түрінде енгізуге болмайды. Инъекцияға арналған 0.9% натрий хлориді ерітіндісімен концентратты сұйылтқаннан кейін Сафнело® препаратын 0.2-ден 15 микронға дейінгі ақуыздармен төмен байланысқан кіріктірілген немесе қосымша стерильді сүзгісі бар венаішілік инфузияға арналған инфузиялық жүйені пайдалана отырып, ұзақтығы 30 минут инфузия түрінде енгізу керек. Инфузиялық реакция дамыған кезде препаратты енгізу баяулауы немесе тоқтатылуы мүмкін. Инфузия аяқталғаннан кейін инфузия ерітіндісінің толық енгізілуін қамтамасыз ету үшін инфузия жинағын инъекцияға арналған 25 мл 0.9% натрий хлориді ерітіндісімен шаю керек. Бір инфузиялық жүйені қолдана отырып, басқа препараттарды бір уақытта енгізуге болмайды. Медицина қызметкерлері ерітіндіні дайындау және енгізу кезінде төменде көрсетілгендей асептика ережелерін сақтауы керек: Инфузияға арналған ерітінді дайындау: 1.Қолданар алдында дәрілік препараттың механикалық қосындылары мен түсінің өзгеруіне қатысты қарап тексеру жүргізіледі. Сафнело® препараты түссізден аздап сары түске дейінгі мөлдір немесе бозаңданатын ерітінді болып табылады, іс жүзінде көрінетін бөлшектерден бос. Егер сұйықтық бұлыңғыр, оның түсі өзгерген болса, көрінетін механикалық қосылыстар байқалса, құтыны утилизациялау керек. Құтыны сілкуге болмайды. 2.2.0 мл Сафнело® препараты, инфузия үшін ерітінді дайындауға арналған концентрат, инфузияға арналған қапшықта 50 мл немесе 100 мл 0.9% инъекцияға арналған натрий хлориді ерітіндісімен сұйылтылады. 3.Ерітіндіні ақырын төңкеріп, араластыру керек. Сілкуге болмайды. 4.Құтыда қалған концентрат утилизациялануы тиіс. 5.Инфузияға арналған ерітіндіні дайындалғаннан кейін бірден енгізу ұсынылады. Егер инфузияға арналған ерітінді тоңазытқышта сақталса, оны енгізер алдында +15°C-ден +25°C-ге дейінгі бөлме температурасына дейін қалдыру керек. Дәрілік препараттың бір немесе бірнеше дозасын жіберіп алған кезде қажетті шаралар Жоспарланған инфузияны өткізіп алған жағдайда препаратты тез арада енгізу керек. Препараттың дозаларын енгізу арасындағы ең аз аралық 14 күн. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Сафнело® препаратын қолдану тәсіліне қатысты қандай да бір сұрақтар туындаған жағдайда пациентке осы дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

• белсенді затқа немесе препараттың қосымша заттарының кез келгеніне аса жоғары сезімталдық

Өте жиі - жоғарғы тыныс алу жолдарының инфекциясы (оған қоса жоғарғы тыныс алу жолдарының инфекциясы, ринофарингит, фарингит), бронхит (оған қоса бронхит, вирустық бронхит, трахеобронхит) Жиі - белдемелі теміреткі - тыныс алу жолдарының инфекциясы (оған қоса тыныс алу жолдарының инфекциясы, вирустық, бактериялық тыныс жолдарының инфекциясы) - аса жоғары сезімталдық - инфузиялық реакция Жиі емес - анафилаксиялық реакция Белгісіз (қолда бар деректер негізінде бағалау мүмкін емес) - буын ауыруы (артралгия) Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Анифролумабпен артық дозалану жағдайында арнайы емдеу жоқ. Артық дозаланған жағдайда пациентке қажет жағдайда тиісті бақылаумен демеуші ем жүргізілуі керек.

Препарат дәрігердің нұсқауымен ғана қолданылады. Препаратты тағайындар алдында және препаратпен емдеу кезеңінде емдеуші дәрігерге келесі жағдайларда хабарлау керек: • қазіргі уақытта немесе анамнезінде осы препаратқа аллергиялық реакциялардың (беттің, тілдің немесе тамақтың ісінуі, тыныс алудың қиындауы, естен тану алдындағы сезімі, бас айналуы (артериялық қысымның күрт төмендеуіне байланысты)) болуы; • инфекцияның дамуы және пайда болуы инфекция симптомдары (тыныс алу жолдарының инфекциясының ықтимал белгілері - қызу және тұмауға ұқсас жағдай, бұлшықет ауыруы, жөтел немесе тыныс алудың қиындауы; белдемелі теміреткінің ықтимал белгілері - несеп шығару кезіндегі ашыту немесе несеп шығарудың жиілеуі, диарея немесе іштің ауыруы, ауырсыну мен ашытуды тудыруы мүмкін қызыл тері бөртпесі); • ұзақ мерзімді немесе мезгіл-мезгіл жаңаратын инфекцияның болуы; • жүйелі қызыл жегі тудырған бүйректің немесе жүйке жүйесінің зақымдануының болуы; • қазіргі уақытта және анамнезінде онкологиялық аурулардың (обыр) болуы; • қазіргі уақытта қолдану, жақында немесе басқа дәрілік препараттарды жоспарлы қолдану, жақында жүргізілген немесе жоспарланған вакцинация (иммунизация). Осы препаратпен емдеу кезінде кейбір вакциналармен (тірі немесе тірі әлсіреген вакциналармен) иммунизация жүргізуге болмайды; • терапияны қазіргі уақытта басқа биологиялық дәрілік препаратпен жүргізу (мысалы, жүйелі қызыл жегіні емдеуге арналған белимумаб). Арнайы ескертулер Қадағалануы Биологиялық дәрілік препараттарды қадағалау жөніндегі шараларды жақсарту мақсатында енгізілетін препарат сериясының атауы мен нөмірі нақты тіркелуі тиіс. Пациенттердің ерекше топтары Анифролумабты басқа биологиялық препараттармен, соның ішінде В-лимфоциттерге бағытталған таргеттік препараттармен біріктіріп қолдану зерттелмеген. Сондықтан анифролумабты биологиялық препараттармен бірге қолдану ұсынылмайды. ЖҚЖ немесе ауыр белсенді жегілік нефрит кезінде орталық жүйке жүйесінің ауыр белсенді зақымдалған пациенттерде анифролумабты қолдану зерттелмеген. Аса жоғары сезімталдық реакциялары Анифролумабты енгізгеннен кейін анафилаксияны қоса, аса жоғары сезімталдықтың ауыр реакциялары байқалды. Анифролумаб алған пациенттерде аса жоғары сезімталдықтың ауыр реакциялары (ангионевроздық ісінуді қоса) тіркелді. Анамнезінде инфузиялық реакциялары және/немесе аса жоғары сезімталдығы бар пациенттерде анифролумаб инфузиясына дейін премедикация (мысалы, антигистаминдік препараттар) тағайындалуы мүмкін. Ауыр инфузиялық реакция немесе аса жоғары сезімталдық реакциясы (мысалы, анафилаксия) пайда болған жағдайда, анифролумабты енгізуді дереу тоқтатып, тиісті терапияны бастау керек. Инфекциялар Анифролумаб тыныс алу жолдары мен белдемелі теміреткі инфекцияларының даму қаупін арттырады (диссеминацияланған белдемелі теміреткі жағдайлары байқалды). Иммунодепрессанттарды қабылдайтын ЖҚЖ бар пациенттерде белдемелі теміреткінің даму қаупі жоғары. Анифролумаб алған пациенттерде ауыр, кейде өлімге әкелетін инфекциялар байқалды. Әсер ету механизміне байланысты анифролумабты созылмалы инфекциялар, қайталанатын инфекциялар немесе инфекциялардың анықталған қауіп факторлары бар пациенттерде сақтықпен қолдану керек. Анифролумабпен емдеуді клиникалық маңызды белсенді инфекциясы бар пациенттерде инфекция басылғанша немесе тиісті ем жүргізілмегенше бастауға болмайды. Пациенттерге клиникалық маңызды инфекцияның белгілері мен симптомдары пайда болған кезде медициналық көмекке жүгінуді нұсқау керек. Егер пациентте инфекция дамыса немесе стандартты терапия әсер етпесе, пациенттің жағдайын мұқият қадағалап, инфекция басылғанға дейін анифролумабпен емдеуді тоқтата тұру туралы ойлану керек. Бастапқы иммунитет тапшылығы бар пациенттерде препаратты қолдану туралы деректер жоқ. Анамнезінде белсенді немесе латентті туберкулезбен ауыратын пациенттерді препаратты қолдану туралы деректер жоқ. Туберкулезге қарсы ем қабылдамаған латентті туберкулезбен ауыратын пациенттерді анифролумабпен емдеуді бастар алдында оны тағайындаудың орындылығын ескеру қажет. Анифролумабты белсенді туберкулезі бар пациенттерге тағайындауға болмайды. Иммунизация Вакциналарды енгізуге иммундық жауап туралы деректер жоқ. Терапия басталғанға дейін қолданыстағы иммунизациялау бойынша нұсқауларға сәйкес вакцинацияны аяқтау мүмкіндігін қарастыру керек. Анифролумабпен ем алатын пациенттерде тірі немесе әлсіреген вакциналарды бір мезгілде қолданудан аулақ болу керек. Қатерлі жаңа түзілімдер Анифролумабтың қатерлі жаңа түзілімдердің ықтимал дамуына әсері белгісіз. Анамнезінде қатерлі жаңа түзілімдері бар пациенттерде препаратты қолдану туралы деректер жоқ. Қатерлі жаңа түзілімдер (меланомалық емес тері обырын қоса) анифролумабты кез келген дозада қабылдаған пациенттерде тіркелген. Меланомалық емес тері обырын қоспағанда, қатерлі жаңа түзілімдер анифролумаб алған пациенттерде байқалды. Сүт безі обыры және жайпақ жасушалы обыр жағдайлары тіркелді. Қатерлі жаңа түзілімнің дамуы немесе қайталануында белгіленген қауіп факторлары бар пациенттерде қауіп-пайданың жеке арақатынасын ескеру қажет. Пациентте қатерлі жаңа түзілім пайда болған кезде терапияны жалғастыру туралы мәселені шешкен кезде сақтық таныту керек. Балалар мен жасөспірімдер Балалар мен 18 жасқа дейінгі жасөспірімдерде анифролумабтың қауіпсіздігі мен тиімділігі анықталған жоқ, деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Сафнело® препараты көлік құралдарын және механизмдерді басқару қабілетіне әсер етпейді немесе мардымсыз әсер етеді.

Жүктілік Жүкті әйелдерде Сафнело® препаратын қолдану туралы деректер шектеулі (жүктіліктің 300 жағдайынан аз). Сафнело® препаратын жүктілік кезінде, сондай-ақ контрацепцияны қолданбайтын бала туу жасындағы әйелдерге, егер күтілетін пайда ықтимал қауіптен басым болмаса қолдану ұсынылмайды. Бала емізу Анифролумаб емшек сүтімен бөлініп шығатыны белгісіз. Емшек еметін бала үшін қауіпті жоққа шығаруға болмайды. Бала үшін емшек емудің пайдасы мен әйел үшін терапияның пайдасын бағалап, емшек емізуді тоқтату немесе Сафнело® препаратымен емдеуді тоқтату туралы шешім қабылдау керек. Фертильділік Адамның фертильділігіне әсері туралы деректер жоқ.

Дәрілік өзара әрекеттесуге зерттеу жүргізілген жоқ. Анифролумаб бауыр ферменттерінің әсерінен метаболизмге ұшырамайды және бүйрек арқылы шығарылмайды деп күтілуде. Кейбір CYP450 ферменттерінің түзілуі созылмалы қабыну кезінде белгілі бір цитокиндер деңгейінің жоғарылауымен басылады. Анифролумаб кейбір цитокиндердің деңгейін аздап төмендетеді; CYP450 белсенділігіне әсері белгісіз. Терапиялық индексі тар CYP субстраттары болып табылатын препараттармен қатарлас ем қабылдайтын пациенттерде дозаны жеке таңдаған кезде (мысалы, варфарин) терапиялық мониторинг ұсынылады. Иммундық жауап Анифролумабты вакциналармен бір мезгілде қолдану зерттелмеген.

Сақтау мерзімі 3 жыл Қолдануға дайын дәрілік препараттың химиялық және физикалық тұрақтылығы +2°C-ден +8°C-ге дейінгі температурада 24 сағат ішінде және 25 °C температурада 4 сағат ішінде расталды. Микробиологиялық тұрғыдан алғанда, препарат сұйылтылғаннан кейін дереу қолданылуы керек. Егер препарат дереу енгізілмесе, қолдануға дайын препаратты сақтауға және енгізуге дейінгі жағдайларды қамтамасыз ету пайдаланушының міндеті болып табылады және жалпы алғанда +2°C-ден +8°C-ге дейінгі температурада 24 сағаттан аспауы тиіс. Жарамдылық мерзімі өткеннен кейін қолдануға болмайды. Сақтау шарттары Жарықтан қорғау үшін түпнұсқалық қаптамасында, 2 °C-ден 8 °C-ге дейінгі температурада сақтау керек. Мұздатып қатыруға болмайды! Араластыруға болмайды! Балалардың қолы жетпейтін жерде сақтау керек!