Севофлуран раствор

Бір құтының ішінде белсенді зат – севофлуран 100% Сыртқы түрінің, иісінің, дәмінің сипаттамасы Түссіз мөлдір тұтанбайтын ұшпа сұйықтық.

• стационарлық және амбулаторлық жағдайлардағы хирургиялық операциялар кезінде ересектер мен балаларға кіріспе және демеуші жалпы анестезияда

ATХ коды N01AB08 Севофлуранның клиникалық әсерлеріндегі туындатқан өзгерістер инспирацияланған концентрациядағы өзгерістерден кейін дереу жүреді. Жүрек-қантамырға әсерлері Барлық басқа ингаляциялық анестетиктер сияқты севофлуран да дозаға байланысты жүрек-тамыр функциясын бәсеңдетеді. Еріктілерге жасалған бір зерттеуінде севофлуран концентрациясының артуы орташа артериялық қысымның төмендеуіне алып келді, бірақ жүрек жиырылуының жиілігінде ешқандай өзгерістер байқалмады. Бұл зерттеуде Севофлуран плазмадағы адреналин концентрациясын өзгерткен жоқ. Жүйке жүйесіне әсер ету Клиникалық әзірлеу бағдарламасы кезінде құрысудың қандай да бір айғағы байқалған жоқ. Бассүйекішілік қысымы қалыпты (ICP) пациенттерде севофлуран бассүйекішілік қысымға ең аз әсер етеді және CO2 реактивтілігін сақтайды. Севофлуранның қауіпсіздігі бас сүйекішілік қысымы жоғары пациенттерде зерттелмеген. Бассүйекішілік қысымының жоғарылау қаупі бар пациенттерге севофлуран гипервентиляция сияқты бассүйекішілік қысымды төмендетудің манипуляцияларымен бірге абайлап тағайындалуы тиіс. Педиатриялық пациенттер Кейбір жарияланған зерттеулерде анестетиктердің қайталанатын немесе ұзақ әсерінен кейін ерте жастағы балаларда когнитивті бұзылыстар байқалған. Бұл зерттеулерде айтарлықтай шектеулер бар және бақыланатын әсерлер анестетик/седативті препаратты енгізуден немесе хирургия немесе негізгі ауру сияқты басқа факторлардан туындағаны белгісіз. Сонымен қатар, кейінірек жарияланған дерекнамалық зерттеулер бұл нәтижелерді растамады. Кейбір жануарларға жүргізілген анестетик/седативті препараттарға арналған зерттеулер ерте жастағы мидың дамуына жағымсыз әсерлер туралы хабарлады (5.3 бөлімін қ. – Клиникаға дейінгі қауіпсіздік деректері). Севофлуран, әдеттегі клиникалық концентрацияларда, 9 сағатқа дейін ұзақ анестезиядан кейін де бүйректің шоғырлану қабілетіне әсер етпейді. Төмендегі кестеде әртүрлі жас топтарына сәйкес келетін ЕТАК (ең төменгі альвеолярлық концентрация) мәндері көрсетілген: Жасына қарай ересектер мен балалар үшін ЕТАК (ең төменгі альвеолярлық концентрация) мәндері. Пациенттің жасы (жыл) — Оттегідегі севофлуран — Севофлуран 65 % N20/35%02 0- 1 ай* — 3,3% — 2,0%** 1 - <6 ай — 3,0% 6 ай-<3 жыл — 2,8% 3-12 — 2,5% 25 — 2,6% — 1,4% 40 — 2,1% — 1,1% 60 — 1,7% — 0,9% 80 — 1,4% — 0,7% * Нәрестелердің мерзіміне жетіп туылған гестациялық жасы бар. Шала туған балаларда ең төмен альвеолярлық концентрациясының (ЕТАК) ЕТАК мәні анықталмаған. ** 1-<3 жастағы педиатриялық пациенттердің 60%-да N2O/40% O2 қолданылған. Басқа галогенделген заттар сияқты, ЕТАК уақыт өте келе және азот тотығын қосқанда азаяды.

Дозалау режимі Премедикацияға арналған дәріні анестезиолог әр адамға жекелей таңдап алуы тиіс. Хирургиялық араласу кезіндегі жалпы анестезия Жалпы анестезия жүргізген кезде буландырғыштан түсетін Севофлуран концентрациясын білу керек. Бұл үшін севофлуранға арнайы калибрленген буландырғышты пайдалануға болады. Енгізу жолы және тәсілі Жалпы анестезияға енгізу Пациенттің жағдайына және жасына қарай дозаны жекелей таңдайды және қажетті әсерге қол жеткізілгенше титрлейді. Әсер етуі қысқа барбитуратты немесе вена ішіне индукциялауға арналған басқа препарат енгізілуі мүмкін, одан кейін ингаляция жолымен севофлуран енгізіледі. Жалпы анестезияға енгізу үшін оттегідегі немесе оттегі мен азот тотығының қоспасындағы севофлуранды қолдануға болады. Хирургиялық араласудың алдында ересектер мен балаларда севофлуранның 8% дейінгі концентрациясымен ингаляция жүргізу әдетте жалпы анестезияға енуді 2 мин аз уақыт ішінде қамтамасыз етеді. Демеуші жалпы анестезия Севофлуранның 0.5-3% концентрациясын азот тотығымен немесе онсыз бірге ингаляция жасау арқылы жалпы анестезияның қажетті деңгейін сақтауға болады.

• севофлуранға немесе басқа галогенделген препараттарға аса жоғары сезімталдық (мысалы, анамнезінде бауыр функциясы бұзылуының, қызбаның, осы препараттарды қолданумен байланысты этиологиясы белгісіз лейкоцитоздың болуы) • қатерлі гипертермияның дамуына расталған немесе күдікті генетикалық сезімталдық • севофлуранды жалпы наркоз қарсы көрсетілген пациенттерге қолдануға болмайды

Өте жиі - үрей - брадикардия - гипотензия - жөтел - жүрек айнуы - құсу Жиі - ұйқышылдық - бас айналуы - бас ауыруы - тахикардия - гипертензия - тыныс алудың бұзылуы - респираторлық депрессия - ларингоспазм - тыныс алу жолдарының обструкциясы - сілекей безінің гиперсекрециясы - қалтырау - қызба - қан сарысуындағы глюкоза деңгейінің нормадан ауытқуы - бауырдың функционалдық сынамаларының нормадан ауытқуы* - лейкоциттер санының қалыптан ауытқуы - фторидтер деңгейінің жоғарылауы - гипотермия Жиі емес - мазасыздық - толық атриовентрикулярлық блокада жүрек ырғағының бұзылуы (соның ішінде қарыншалық аритмия) - жүрекшелер фибрилляциясы - экстрасистолия (қарыншалық, қарынша үсті, бигеминия) - апноэ - демікпе - гипоксия - қандағы креатинин деңгейінің жоғарылауы Белгісіз (қолда бар деректер негізінде бағалау мүмкін емес) - анафилаксиялық реакция - анафилактоидтық реакция - аса жоғары сезімталдық - конвульсия - дистония - бассүйекішілік қысымның жоғарлауы - жүрек тоқтауы** - қарыншалық фибрилляция - қарыншалық тахикардия - Torsade астасқан QT ұзаруы - бронх түйілуі - диспноэ - ысқырып тыныс алу - тыныс алудың кідіруі - панкреатит - гиперкалиемия - бұлшықеттің сіресуі - гепатит - бауыр жеткіліксіздігі - бауыр некрозы - сарғаю - тубулярлы интерстициальді нефрит - жанаспалы дерматит - қышыну - бөртпе - беттің ісінуі - есекжем - көкірек қуысындағы жайсыздық - қатерлі гипотермия - ісіну * сирек жағдайларда севофлуран мен осыған ұқсас препараттарды пайдаланған кезде бауырдың функционалдық сынамаларының транзиторлық өзгерістері байқалды. ** постмаркетингтік бақылауларда севофлуранды пайдаланған кезде жүректің тоқтап қалуы туралы өте сирек хабарланды. Қан сарысуында органикалық емес фторидтер деңгейінің транзиторлық артуы севофлуранмен анестезия барысында және одан кейін туындауы мүмкін. Органикалық емес фторидтердің шектік концентрацияларына севофлуранмен анестезияны аяқтағаннан кейін 2 сағаттан соң жетеді және 48 сағаттан кейін операция алдындағы деңгейге оралады; клиникалық зерттеулерде органикалық емес фторидтердің жоғары концентрациялары бүйрек функциясының нашарлауымен астасқан жоқ. Аса жоғары сезімталдық (жанаспалы дерматит, бөртпе, ентігу, ысқырып тыныс алу, кеудедегі жайсыздық, беттің ісінуі немесе анафилаксиялық реакцияны қоса) туралы сирек хабарламалар атап айтқанда ингаляциялық анестетиктің, соның ішінде севофлуранның да ұзақ әсер етуімен байланысты. Сезімтал адамдарда севофлуранды қоса, ингаляциялық анестезияға арналған күшті дәрілер қаңқа бұлшықеттерінің гиперметаболизмдік жай-күйін туғызуы мүмкін, бұл олардың оттегіге қажеттіліктерінің артуына және қатерлі гипертермия ретінде танымал клиникалық синдромның дамуына әкеледі. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Севофлуранды жалпы анестезияны жүргізуге қатысты дайындығы бар адамдар ғана енгізе алады. Тыныс алу жолдарының өткізгіштігін демеуге, өкпеге жасанды желдету жүргізуге, оттегімен қамтамасыз етуге және қан айналымын қалпына келтіруге арналған аппаратура болуы қажет. Буландырғыштан берілетін севофлуранның концентрациясы дәл белгілі болуы тиіс. Арнайы ескертулер Севофлуран тыныс алудың бәсеңдеуін тудыруы мүмкін, оны есірткі немесе тыныс алудың бәсеңдеуін тудыратын басқа препараттармен премедикациямен күшейтуге болады. Тыныс алуды бақылау және қажет болғанда көмек көрсету керек. Севофлуранды енгізуді жалпы наркозды қолдануда дайындықтан өткен персонал ғана жүзеге асыруы тиіс. Тыныс алу жолдарының еркін өткізгіштігін, жасанды желдетуді, оттегімен толықтыруды және циркуляторлық реанимацияны демеуге арналған дәрілер дереу қолжетімді болуы тиіс. Енгізілген севофлуранның концентрациясы нақты белгілі болуы тиіс. Ұшпа анестезиялық заттар өзінің физикалық қасиеттерімен ерекшеленетіндіктен, севофлуран үшін арнайы калибрленген буландырғыштарды ғана пайдалану қажет. Жалпы анестезияны қолдану пациенттің жауабы негізінде жеке таңдалуы тиіс. Гипотензия, тыныс алудың тежелуі анестезияның тереңдеуіне қарай ұлғаяды. Севофлуран QTc аралығын айтарлықтай ұзартады. Севофлуранды қолдану кезінде «пируэт» типті қарыншалық тахикардия өте сирек байқалады, кейбір жағдайларда бұл өлімге әкелуі мүмкін. Севофлуранды бейім пациенттерде, мысалы, туа біткен ұзақ QTc синдромы бар немесе QTc аралығын ұзартатын препараттарды бір мезгілде қатар қабылдайтын пациенттерде сақтықпен қолдану керек. Кейбір жағдайларда Помпе ауруы бар балаларда қарыншалық аритмиялар байқалды, олардың ішінде кейбіреулері өліммен аяқталды. Жалпы анестетиктер, оның ішінде севофлуран, Помпе ауруы салдарынан кардиомиопатиясы бар пациенттерде жүрек аритмиясының туындау ықтималдығын арттыруы мүмкін артериялық қысымның және жүрек соғу жиілігінің өзгеруіне әкелуі мүмкін. Севофлуранды қолдану қажет болған жағдайда Помпе ауруы бар пациенттерді емдейтін маманмен кеңесу ұсынылады. Жалпы анестетиктерді, оның ішінде севофлуранды митохондриялық аурулары бар пациенттерде сақтықпен қолдану керек. Пациентті шығарар алдында оның жалпы анестезиядан толық қалпына келу дәрежесін мұқият бағалау керек. Қатерлі гипертермия Сезімтал адамдарда күшті ингаляциялық анестезиялайтын дәрілер қаңқа бұлшықеттерінің гиперметаболизмдік жай-күйін тудыруы мүмкін, бұл оттегіге қажеттіліктің жоғары болуын тудырып және қатерлі гипертермия ретінде белгілі клиникалық синдромға әкеледі. Клиникалық синдром гиперкапниямен хабарланады және бұлшықеттердің сіресуі, тахикардия, тахипноэ, цианоз, аритмия немесе артериялық қысымның тұрақсыздығы болуы мүмкін. Осы спецификалық емес белгілердің кейбірі сондай-ақ жеңіл наркоз, жедел гипоксия, гиперкапния және гиповолемия кезінде пайда болуы мүмкін. Емдеуге жағдайдың дамуына себеп болған препараттарды тоқтату (мысалы, севофлуран), натрий дантроленін вена ішіне тағайындау (пациенттерді басқару туралы қосымша ақпарат алу үшін натрий дантроленін вена ішіне енгізу үшін дәрілік препаратты қолдану жөніндегі нұсқаулықты қараңыз), демеуші терапияны қолдану кіреді. Мұндай ем қалыпты дене температурасын қалпына келтіру бойынша белсенді іс-қимылдарды, өкпені қосалқы жасанды желдетуді және қосымша қан айналымын көрсетілгендей және электролиттер мен сұйықтықтардың қышқылдық-сілтілік ауытқуларын басқаруды да қамтиды. Бүйрек жеткіліксіздігі кейінірек пайда болуы мүмкін, сондықтан диурезді бақылау және мүмкіндігінше демеу керек. Периоперациялық гиперкалиемия Анестезияға арналған ингаляциялық препараттарды пайдалану қан сарысуындағы калий құрамының көбеюінің өте сирек жағдайларына байланысты операциядан кейінгі кезеңде балаларда жүрек аритмиясына және өлімге әкелді. Жасырын және ашық формадағы нейро-бұлшықет аурулары, әсіресе Дюшен бұлшықет дистрофиясы бар пациенттер ең әлсіздері болып табылады. Сукцинилхолинді бірге қолдану осы жағдайлардың көбімен байланысты, бірақ бәрімен емес. Осы пациенттерде сарысудағы креатинкиназа деңгейінің едәуір жоғарылауы және кейбір жағдайларда миоглобинурияға сай келетін несептегі өзгерістер байқалды. Қатерлі гипертермиямен сипаттаудағы ұқсастығына қарамастан, осы пациенттердің ешқайсысы бұлшықеттердің сіресу белгілерін немесе симптомдарын немесе гиперметаболизмдік жағдайын көрсетпеді. Гиперкалиемия мен резистентті аритмияны емдеу үшін ерте және белсенді араласу, сондай-ақ жасырын нейро-бұлшықеттік ауруларды кезекті бағалау ұсынылады. Екі бағытты қарыншалық тахикардиядан өте сирек туындаған QT аралығының ұзаруы туралы жеке хабарламалар алынды (ерекше жағдайларда өліммен аяқталған). Севофлуранды сезімтал пациенттерге тағайындағанда сақтық таныту керек. Қарыншалық аритмияның жекелеген жағдайлары Помпе ауруы бар педиатриялық пациенттердің есептерінде тіркелді. Жалпы анестезияны, оның ішінде севофлуранмен, митохондриялық бұзылыстары бар пациенттерге тағайындағанда сақ болу керек. Бауыр жеткіліксіздігі Тіркеуден кейінгі кезеңде өте сирек кездесетін жеңіл, орташа және ауыр операциядан кейінгі бауыр дисфункциясының немесе сарғаюы бар немесе онсыз гепатит жағдайлары туралы хабарланған болатын. Клиникалық бағалау негізгі бауыр ауруы бар пациенттерде севофлуранды қолдану кезінде немесе бауыр дисфункциясын тудыруы мүмкін препараттармен емдеу кезінде жүргізілуі тиіс. Галогенденген көмірсутектердің, севофлуранды қоса алғанда, қайта әсерге ұшырайтын пациенттерде салыстырмалы қысқа мерзім ішінде бауырдың зақымдану қаупі жоғары болуы мүмкін. Жалпы ережелер Анестезияны демеу барысында севофлуран концентрациясының жоғарылауы артериялық қысымның дозаға тәуелді төмендеуін тудырады. Артериялық қысымның шамадан тыс төмендеуі анестезияның тереңдігімен байланысты болуы мүмкін және мұндай жағдайларда дем алатын севофлуранның концентрациясын азайту жолымен түзетілуі мүмкін. Гиповолемиялық, гипотензиялық пациенттерге және басқа да гемодинамикалық бұзылулары бар пациенттерге дозаны таңдау кезінде ерекше назар аударылуы тиіс. Барлық анестетиктер сияқты, жүректің ишемиялық ауруы бар пациенттерде миокардиальді ишемияның профилактикасы үшін гемодинамикалық тұрақтылықты сақтау маңызды. Босану кезіндегі анестезияда севофлуранды қолданған кезде сақ болу керек, себебі жатыр миорелаксанттарының әсері жатыр қан кету қаупін арттыруы мүмкін. Жалпы анестезиядан қалыпқа келуді пациенттерді операциядан кейінгі палатадан шығарар алдында мұқият бағалау керек. Севофлуранды қабылдаған кезде, әдетте, анестезиядан тез шығу байқалады, сондықтан операциядан кейінгі ауырсынуды ерте ауырсыздандыру қажет болуы мүмкін. Севофлуранды қолданғаннан кейін сананы қалпына келтіру, әдетте, бірнеше минут ішінде орын алса да, анестезиядан кейін екі немесе үш күн бойы зияткерлік функцияларға оның әсері зерттелмеген. Басқа анестетиктер сияқты, көңіл-күйдегі аздаған өзгерістер қолданғаннан кейін бірнеше күн бойы сақталуы мүмкін.Балалардың тез шығуы ажитациямен және бірлескен іс-қимылдардың болмауымен байланысты болуы мүмкін (шамамен 25% жағдай). Балалардағы нейроуыттылық Клиникаға дейінгі зерттеулер көрсеткендей, мидың жылдам өсуі немесе синаптогенез кезеңінде NMDA рецепторларын бөгейтін және/немесе ГАМҚ белсенділігін арттыратын анестетиктерді (флуран) немесе седативті заттарды (пропофол, кетамин) қолдану дамып келе жатқан мидағы жасушалардың жоғалуына әкеледі, бұл тұрақты когнитивті тапшылықпен байланысты болуы мүмкін. Бұл нәтижелердің клиникалық маңыздылығы белгісіз. А қосындысы Севофлуран анестезия жүйесіндегі СО2 сіңіргіштерімен жанасу кезінде ыдырау өнімінің (А қосындысы) түзілуіне әкеледі. А қосындысы бүйректің зақымдалуына әкелуі мүмкін. Келесі факторлар А қосындысының концентрациясының жоғарылауына әкелуі мүмкін: · Төмен таза газ ағыны бар жабық контурлық анестезия әдістері · Анестетиктің жоғары концентрацияларын қолдану · абсорбердің жоғары температурасы · CO2 сіңіргіші ретінде Sodalime® орнында Baralyme® қолдану · Baralyme® құрамындағы сіңіргіштің сусыздандыруы. Адамдарға уытты әсер етуі күтілетін критикалық концентрация белгісіз. Сондықтан сақтық шарасы ретінде А қосындысының жоғары концентрациясынан аулақ болу керек. Севофлуранды таза газ ағыны 1 л/мин-ден аз жабық жүйелерде қолдануға болмайды. Таза газдың төмен ағындарында (1–2 л/мин) севофлуранның әсері әдетте 2 ЕТАК (ең төменгі альвеолярлық концентрация)-сағаттан аспауы керек. Бұрыннан бүйрек жеткіліксіздігі бар пациенттерде севофлуранды сақтықпен қолдану керек (таза газ ағыны 2 л/мин астам). Қайта кептірілген CO2 сорбенттерін алмастыру Құрамында СО2 кептірілген сорбенттері, әсіресе калий гидроксиді бар (мысалы, Baralyme) наркозға арналған аппараттарда севофлуранды пайдалану кезінде шамадан тыс қызудың, түтіннің және/немесе өздігінен тұтанудың сирек жағдайлары сипатталған. СО 2 сорбенті бар резервуарлар қызған кезде севофлуранның ингаляциялық концентрациясының жоғарылауының ерекше кідірісі немесе күтпеген төмендеуі байқалуы мүмкін. Экзотермиялық реакция, севофлуранның тез ыдырауы және ыдырау өнімдерінің түзілуі СО2 сорбенті кепкен кезде, мысалы, құрғақ газдың СО2 сорбенті бар резервуарға ұзақ әсер етуінде орын алуы мүмкін. Севофлуранның ыдырау өнімдері (метанол, формальдегид, көміртек тотығы және А, B, C және D қосылыстары) СО2 қайта кептірілген сорбенттерін және севофлуранның ең жоғары концентрациясын (8%) ұзақ уақыт кезеңінде (≥ 2 сағат) пайдаланатын анестезияға арналған эксперименттік аппараттың тыныс алу тізбегінде байқалды. Анестезия кезінде тыныс алу тізбегінде байқалатын формальдегидтің концентрациясы (құрамында натрий гидроксиді бар сорбенттерді қолдану арқылы) тыныс алу жолдарының жеңіл тітіркенуін тудыратын деңгейлермен сай келеді. Осы аса эксперименттік модель аясында байқалған ыдырау өнімдерінің клиникалық маңызы белгісіз. Егер білікті медицина қызметкері СО2 сорбенті шамадан тыс кептірілген деп күдіктенсе, онда оны келесі анестетик ұшпа заттарды (мысалы, севофлуран) қолданар алдында алмастыру қажет. Кеуіп кету кезінде индикатордың түсі әрдайым өзгермейтінін ескеру қажет. Осылайша, түстердің едәуір өзгеруінің болмауы тиісті гидратацияның кепілі ретінде пайдаланылмауы керек. СО2 сорбенттер индикатордың түсіне қарамастан жүйелі түрде ауыстырылуы тиіс. Бүйрек жеткіліксіздігі Зерттелген бүйрек жеткіліксіздігі бар (қан сарысуының базалық креатинині 1,5 мг/дл артық) пациенттердің саны аз болуына байланысты севофлуранды осы топта қолдану қауіпсіздігі толық анықталмаған. Осылайша, севофлуран бүйрек жеткіліксіздігі бар пациенттерде сақтықпен қолданылуы тиіс. Нейрохирургия және жүйке-бұлшықет зақымданулары Бассүйекішілік қысымның жоғарылау қаупі бар пациенттерде севофлуранды қолдану бассүйекішілік қысымды төмендету әдістерімен (мысалы, гипервентиляциямен) бірге абайлап жүзеге асырылуы тиіс. Құрысу Севофлуранды қолдануға байланысты құрысудың сирек жағдайлары туралы хабарланды. Севофлуранды қолдану балалар мен жас ересектерде, сондай-ақ егде адамдарда пайда болатын және қауіп факторларын тудырмайтын эпилепсиялық ұстамалармен байланысты. Құрысу қаупі бар пациенттерде севофлуранды қолданар алдында клиникалық бағалау жүргізу қажет. Балаларда анестезия тереңдігі шектелуі тиіс. Электроэнцефалограмма севофлуран дозасын оңтайландыруға және құрысуға бейім пациенттерде тырысу белсенділігінің дамуын болдырмауға көмектеседі. Педиатрияда қолдану Севофлуранды қолдану құрысумен байланысты болды. Олардың көпшілігі 2 айлық балалардан бастап және жас ересектерде байқалды, олардың көпшілігінде қауіпке бейімділік факторлары болмаған. Клиникалық бағалау құрысу қаупі бар пациенттерде севофлуранды қолдану кезінде жүргізілуі тиіс. Балаларда дистоникалық қозғалыстар байқалды. Севофлуран, әдеттегі клиникалық концентрацияларда, 9 сағатқа дейін ұзақ анестезиядан кейін де бүйректің концентрациялық қабілетіне әсер етпейді. Төмендегі кестеде әртүрлі жас топтарына сәйкес келетін ЕТАК (ең төменгі альвеолярлық концентрация) мәндері көрсетілген: Жасына қарай ересектер мен балалар үшін ЕТАК (ең төменгі альвеолярлық концентрация) мәндері. Пациенттің жасы (жылы) — Орташа ЕАК. Севофлуран оттегі таза кезінде — Орташа ЕАК Севофлуран 65%/N 2 O/35% O 2 кезінде* 0-1 ай* — 3.3% 1-<6 ай — 3.0% 6 ай-<3 жас — 2.8% — 2.0%** 3 – 12 жас — 2.5% 25 жас — 2.6% — 1.4% 40 жас — 2.1% — 1.1% 60 жас — 1.7% — 0.9% 80 жас — 1.4% — 0.7% * мерзіміне жетіп туылған балалар. Шала туылған балаларда ЕТАК анықталмаған. ** 1 - <3 жас аралығындағы педиатриялық пациенттер үшін 60 % N2O/40% O2 пайдаланылды. Басқа галогенделген заттар сияқты, ЕТАК уақыт өте келе және азот тотығын қосқанда азаяды.

Жануарларға жүргізілген зерттеулерде 1 ЕТАК-ға дейінгі дозаларда фертильділіктің төмендеуі немесе севофлуранның ұрыққа зияны дәлелденген жоқ. Жүкті әйелдерде бақыланатын зерттеулер жүргізілген жоқ, сондықтан севофлуран жүктілік кезінде анық қажет болмаса, оны тағайындамау керек. Жануарларда анестетиктермен/седативті препараттармен жүргізілген жарияланған зерттеулер мидың ерте дамуына жағымсыз әсерлері туралы хабарлайды. Клиникалық зерттеу кесар тілігі кезінде анестетик ретінде пайдаланылған кезде севофлуранның ана мен бала үшін қауіпсіздігін көрсетеді. Қынап арқылы босану немесе босану туралы деректер жоқ. Басқа ингаляциялық анестетиктер сияқты, севофлуран жатырды босаңсытатын әсерге ие, бұл жатырдан қан кетудің ықтимал қаупін арттырады. Сондықтан акушерлік анестезия кезінде севофлуранды қолданғанда сақтық таныту керек. Севофлуранның немесе оның метаболиттерінің адам сүтімен шығарылатыны белгісіз. Құжаттық тәжірибенің жоқтығынан әйелдерге севофлуранды қолданғаннан кейін 48 сағат ішінде емшек емізуді өткізіп, осы кезеңде алынған сүтті тастау ұсынылады. Көлік құралын және қауіптілігі зор механизмдерді басқару қабілетіне әсер ету ерекшеліктері Басқа заттар сияқты, пациенттер жалпы наркоз автомобиль құралдарын немесе қауіпті техниканы пайдалану сияқты ақыл-ой белсенділігін талап ететін іс-әрекеттерді орындауға біраз уақыт әсер етуі мүмкін екендігі туралы хабардар болуы тиіс. Пациенттерге севофлуранмен жалпы анестезиядан кейін 24 сағат ішінде автокөлік жүргізуге тыйым салынған.

Севофлуранмен анестезия кезінде изопреналин сияқты бета-симпатомиметиктер және альфа- және адреналин мен норадреналин сияқты бета-симпатомиметиктерді қарыншалық аритмия туындауының зор қаупімен байланысты сақтықпен пайдалану қажет. Селективті емес МАО тежегіштері: хирургиялық араласу кезінде криз туындауға қатысты қауіп. Әдетте, хирургиялық араласу алдында 2 апта бұрын емдеуді тоқтату ұсынылады. Севофлуран кальций өзекшелерінің антагонистерімен, атап айтқанда дигидропиридин туындыларымен ем қабылдап жүрген пациенттерде айқын гипотензияға әкелуі мүмкін. Кальций өзекшелерінің антагонистерін ингаляциялық анестезияға арналған дәрілермен бір мезгілде пайдаланғанда аддитивті жағымсыз инотропты әсердің туындау қаупімен байланысты сақ болу керек. Сукцинилхолин мен ингаляциялық анестезияға арналған дәрілерді бір мезгілде қолдану сирек жағдайларда қан сарысуында калий деңгейінің жоғарылауымен қатар жүреді, бұл операциядан кейінгі кезең ішінде жүрек аритмиясына және бала жастағы пациенттердің өліміне әкеп соғады. Басқа дәрілерді қолданғандағыдай, вена ішіне анестезиялайтын дәрілерді, мысалы, пропофолды енгізгеннен кейін севофлуранның аз концентрациялары қажет болуы мүмкін. Севофлуран орталық жүйке жүйесіне, вегетативті жүйке жүйесіне әсер ететін дәрілер, миорелаксанттар, аминогликозидтерді қоса микробқа қарсы препараттар, гормондар және олардың синтетикалық алмастырғыштары, қан дериваттары және эпинефринді қоса, жүрек-қантамыр препараттары сияқты хирургиялық іс-тәжірибеде жиі қолданылатын препараттармен бірге тағайындағанда қауіпсіз және тиімді. Барбитураттар. Севофлуран хирургиялық іс-тәжірибеде кеңінен қолданылатын барбитураттармен біріктіргенде үйлесімді. Бензодиазепиндер және апиындар. Басқа да ингаляциялық анестетиктер сияқты севофлуранның ЕАК төмендеуі күтіледі. Севофлуран хирургиялық іс-тәжірибеде жиі қолданылатын бензодиазепиндермен және апиындармен біріктіргенде үйлесімді. CYP2E1 индукторлары. Изониазид және спирт сияқты CYP2E1 изоферменті P450 цитохромының белсенділігін арттыратын дәрілік препараттар мен қосылыстар севофлуранның метаболизмін арттыруы мүмкін және қан плазмасында фтордың концентрациясының елеулі ұлғаюына әкелуі мүмкін. Азоттың шала тотығы. Басқа да ингаляциялық анестетиктермен қолданғандағыдай, севофлуранның да ЕАК төмендейді (ересек пациенттерде 50%-ға және балаларда 25%-ға). Нейробұлшықет блокаторлары. Басқа да ингаляциялық анестетиктер сияқты севофлуран деполяризацияламайтын миорелаксанттар туғызған нейробұлшықеттік бөгелістің қарқындылығына да, сондай-ақ ұзақтығына да әсер етеді. Ингаляциялық анестезиялайтын дәрілерді қолдану сирек жағдайларда қан плазмасында калий деңгейінің жоғарылауымен астасады, бұл аритмиялармен көріністелуі мүмкін, балаларда операциядан кейінгі кезеңде өлімге әкелген жағдайлар болған. Әсіресе, латентті немесе айқын нейробұлшықеттік аурулары, соның ішінде нейробұлшықеттік Дюшен дистрофиясы бар пациенттер сезімтал. Атап көрсетілген жағдайлардың көпшілігінде бір мезгілде сукцинилхолин қолданылды. Сондай-ақ бұл пациенттерде қан плазмасында креатинфосфокиназа (КФК) деңгейінің, кейбір жағдайларда миоглобинурияның айтарлықтай жоғарылауы байқалды. Гиперкалиемияны ертерек түзету және аритмияны емдеу ұсынылады. Қосымша алфентанил-N2O анестезияны пайдаланған жағдайда севофлуран панкурониум, векурониум, атракуриум туғызған нейробұлшықеттік бөгелісті күшейтеді. Севофлуранның сукцинилхолинге және нейробұлшықеттік блокаторлардың әсер ету ұзақтығына әрекеті зерттелген жоқ. Индукциялық анестезия барысында нейробұлшықеттік өткізу блокаторларының дозасын төмендету трахеяны интубациялауға қолайлы жай-күйдің басталуын кейінге қалдыруға немесе адекватты емес бұлшықет релаксациясына әкелуі мүмкін, себебі миорелаксанттар әсерінің үдеуі севофлуранды енгізуді бастағаннан кейін бірнеше минут ішінде жүреді. Нейробұлшықеттік өткізетін деполяризацияламайтын блокаторлармен, панкурониуммен, векурониуммен, атракуриуммен өзара әрекеттесу зерттелген. Арнайы нұсқаулар болмаса, эндотрахеальді интубация үшін деполяризацияламайтын бұлшықет релаксанттарының дозасын азайтуға болмайды, анестезияны сақтау үшін деполяризацияламайтын бұлшықет релаксанттарының дозасын N2O/апиындық анестезиядағыдай азайту қажет. Бұлшықет релаксанттарының қосымша дозаларын нейростимуляцияға жауап бағаланғаннан кейін қолданады. Эпинефрин/Адреналин Севофлуран изофлуран сияқты адреналинді экзогенді енгізген кезде аритмогенді әсерге миокардтың сезімталдығын жоғарылатады. Адреналиннің 5 мкг/кг шектік дозасына қол жеткізгенде көптеген қарыншалық аритмиялар туындайды. Тікелей емес симпатомиметиктер Севофлуран мен тікелей емес симпатомиметиктерді (амфетамин, эфедрин) бір мезгілде қолданғанда жедел артериялық гипертензия көрінісінің даму қаупі бар. Верапамил Верапамил мен севофлуранды бір мезгілде енгізгенде атриовентрикулярлы өткізгіштіктің нашарлағаны байқалды. Шайқурай Ауыр артериялық гипотензия және галогенделген ингаляциялық анестетиктермен анестезиядан ауыр шығу шайқурайды ұзақ қабылдайтын пациенттерде байқалды.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Герметикалық жабылған құтыларда тік қойылған қалыпта, жарықтан қорғалған, 25°С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!