Селлсепт® капсулы 250 мг

Бір капсуланың құрамында белсенді зат - 250 мг микофенолат мофетилі, қосымша заттар: желатинделген крахмал, натрий кроскармеллозасы, повидон (К90), магний стеараты, капсула құрамы: корпус – титанның қостотығы Е171, темірдің (ІІІ) сары тотығы Е172, темірдің (ІІІ) қызыл тотығы Е172, желатин, қақпақша – титанның қостотығы Е171, индигокармин Е132, желатин, баспалық сия. Сыртқы түрінің, иісінің, дәмінің сипаттамасы Қара сиямен "CellCept 250" жазуы, көгілдір түсті мөлдір емес қақпақшасы мен қара сиямен "Roche" жазуы, қоңыр түсті мөлдір емес корпусы бар қатты желатинді капсулалар. Капсулалардың ішінде – ішінара түйіртпектелген ақтан ақ дерлік түске дейінгі ұсақ түйіршіктелген ұнтақ.

Селлсепт® циклоспоринмен және кортикостероидтармен біріктірілімде ересектер мен 1-ден 18 жасқа дейінгі балаларда бүйрек, жүрек немесе бауыр аллотрансплантатының жедел ажырауының профилактикасы үшін қолданылады.

Әсер ету механизмі Микофенолат мофетилі микофенол қышқылының (МФҚ) 2-морфолиноэтил эфирі түрінде болады. МФҚ ДНҚ құрылымына кірігусіз de novo гуанозин нуклеотидтерінің синтезін бәсеңдететін инозинмонофосфатдегидрогеназаның (ИМФДГ) қуатты, селективті, бәсекелі емес және қайтымды тежегіші. МФҚ, басқа жасушаларға қарағанда, лимфоциттерге аса айқын цитостатикалық әсер көрсетеді, өйткені Т- және В-лимфоциттер пролиферациясы de novo пуриндер синтезіне өте күшті тәуелді болады, ал бұл ретте басқа типті жасушалар «қайта жойылатын» метаболизм жолдарына көшуі мүмкін. ИМФДГ тежелуінен бөлек, және лимфоциттердің депривациясының салдары ретінде, МФҚ лимфоциттердің метаболизмдік бағдарламалануына жауап беретін жасушалық бақылау нүктелеріне де әсер етеді. Адамның CD4+ Т жасушалары мысалында МФҚ лимфоциттердегі транскрипциялық белсенділікті пролиферативті күйден метаболизмге және өміршеңдікке қатысты катаболизмдік үдерістерге аударатыны көрсетілген, бұл Т- жасушаларының анергиялық жағдайына әкеледі, нәтижесінде жасушалар өздерінің спецификалық антигеніне реакция бермейтін болады.

Дозалау режимі Препаратты үнемі дәрігердің нұсқауларына толық сәйкестікте қабылдаңыз. Күмән пайда болса, дәрігермен кеңесіңіз. Дозалануы жасалған трансплантацияның типіне байланысты болады. Әдеттегі дозалары төменде көрсетілген. Емдеу ауыстырып салынған ағзаның ажырауының алдын алу үшін қанша уақыт керек болса, сонша жалғасады. Бүйрек трансплантациясы Ересектер • Бірінші дозаны трансплантациядан кейін 3 күннің ішінде қабылдайды. • Тәуліктік доза 8 капсуланы (2 г препаратты) құрайды, 2 бөліп қабылданады. • 4 капсуланы таңертең және 4 капсуланы кешке қабылдаңыз. Балалар • Капсулалар қатты дәрілерді тұншығу қаупінсіз жұта алатын балаларға ғана жарамды. Сондықтан препаратты дәрігердің тағайындауы бойынша ғана беру керек. Егер сіз күмәндансаңыз, қолданар алдында дәрігермен кеңесіңіз. • Доза баланың көлеміне байланысты өзгереді. • Емдеуші дәрігер баланың бойы мен салмағына қарай (шаршы метрмен немесе «м²» өлшенетін дене беткейінің ауданы) ең қолайлы дозаны анықтайды. Ұсынылатын бастапқы доза күніне екі рет 600 мг/м² құрайды. Ұсынылатын демеуші доза күніне екі рет 600 мг/м² құрайды (ең жоғары жалпы тәуліктік доза — 2 г). Дозаны дәрігердің клиникалық бағалауы негізінде әркімге жеке таңдау керек. Жүрек трансплантациясы Ересектер • Бірінші доза трансплантациядан кейін 5 күннің ішінде енгізіледі. • Тәуліктік доза 12 капсуланы (3 г препаратты) құрайды, екі бөліп қабылданады. • 6 капсуланы таңертең және 6 капсуланы кешке қабылдаңыз. Балалар • Капсулалар қатты дәрілерді тұншығу қаупінсіз жұта алатын балаларға ғана жарамды. Сондықтан препаратты дәрігердің тағайындауы бойынша ғана беру керек. Егер сіз күмәндансаңыз, қолданар алдында дәрігермен кеңесіңіз. • Доза баланың көлеміне байланысты өзгереді. Емдеуші дәрігер баланың бойы мен салмағына қарай (шаршы метрмен немесе «м²» өлшенетін дене беткейінің ауданы) ең қолайлы дозаны анықтайды. Ұсынылатын бастапқы доза күніне екі рет 600 мг/м² құрайды. Дозаны дәрігердің клиникалық бағалауы негізінде әркімге жеке таңдау керек. Жағымдылығы жақсы болғанда дозаны қажет болса күніне екі рет 900 мг/м2 дейін арттыруға болады (ең жоғары жалпы тәуліктік доза — 3 г). Бауыр трансплантациясы Ересектер • Селлсепт® препаратының бірінші дозасын сізге трансплантациядан кейін кем дегенде 4 күннен соң, сіз пероральді препараттарды жұта алатын болған кезде пероральді енгізеді. • Тәуліктік доза 12 капсуланы (3 г препаратты) құрайды, екі бөліп қабылданады. • 6 капсуланы таңертең және 6 капсуланы кешке қабылдаңыз. Балалар • Капсулалар қатты дәрілерді тұншығу қаупінсіз жұта алатын балаларға ғана жарамды. Сондықтан препаратты дәрігердің тағайындауы бойынша ғана беру керек. Егер сіз күмәндансаңыз, қолданар алдында дәрігермен кеңесіңіз. • Доза баланың көлеміне байланысты өзгереді. • Емдеуші дәрігер баланың бойы мен салмағына қарай (шаршы метрмен немесе «м²» өлшенетін дене беткейінің ауданы) ең қолайлы дозаны анықтайды. Ұсынылатын бастапқы доза күніне екі рет 600 мг/м² құрайды. Дозаны дәрігердің клиникалық бағалауы негізінде әркімге жеке таңдау керек. Жағымдылығы жақсы болғанда дозаны қажет болса күніне екі рет 900 мг/м2 дейін арттыруға болады (ең жоғары жалпы тәуліктік доза — 3 г). Енгізу әдісі және жолы Капсулаларды тұтастай, стақан сумен ішу арқылы жұтыңыз. • Оларды сындырмаңыз және ұсақтамаңыз. • Ашылған немесе жарылған капсулаларды қабылдамаңыз. Ашылған касуланың ұнтағы көзге немесе ауызға еніп кетпеуін қадағалаңыз. • Егер бұлай болса, көп мөлшердегі таза сумен жуыңыз. Ашылған касуланың ұнтағы теріге тиіп кетпеуін қадағалаңыз. • Бұл жағдайда зақымданған аймақты сабынды сумен мұқият жуыңыз.

• микофенолат мофетиліне, микофенол қышқылына немесе қосымша заттардың кез келгеніне аса жоғары сезімталдық. Селлсепт® препаратына аса жоғары сезімталдық реакциялары байқалған. • препаратты контрацепцияның жоғары тиімді әдістерін пайдаланбайтын, бала туу әлеуеті бар әйелдерге тағайындауға болмайды • препаратты жүктілік кезеңінде абайсызда қолдануды болдырмау үшін, бала туу әлеуеті бар әйелдерде емдеуді жүктілікке тестілеу нәтижелері болмаса, бастауға болмайды • трансплантаттың ажырауын болдырмау үшін баламалы ем болмаған жағдайларды қоспағанда, препаратты жүктілік кезеңінде қолдануға болмайды • препаратты бала емізетін әйелдерге тағайындауға болмайды

Барлық дәрілік препараттар сияқты, Селлсепт® препараты жағымсыз реакциялар туғызуы мүмкін, алайда, олар бәрінде бірдей туындамайды. Егер Сіз келесі күрделі жағымсыз реакциялардың қандай да біреуін байқасаңыз, дереу дәрігерге жүгініңіз — сізге шұғыл медициналық көмек қажет болуы мүмкін: • сізде қызба немесе тамақтың ауыруы сияқты инфекция белгілері болса; • сізде күтпеген көгеру немесе қан кету пайда болса; • сізде бөртпе, беттің, еріннің, тілдің немесе тамақтың ісінуі, тыныс алудың қиындауы пайда болса — сізде дәріге күрделі аллергиялық болуы мүмкін (мысалы, анафилаксия, ангионевроздық ісіну). Көбірек таралған проблемаларға диарея, қандағы лейкоциттер немесе эритроциттер деңгейінің төмендеуі, инфекциялар және құсу жатады. Сіздің дәрігеріңіз қан жасушалары санында өзгерістердің немесе инфекция белгілерінің бар-жоғын тексеру үшін ұдайы қан талдауларын жүргізеді. Инфекциялармен күрес Селлсепт® организмнің қорғаныс күштерін төмендетеді. Бұл трансплантаттың ажырауының алдын алу үшін қажет. Нәтижесінде сіздің организміңіз инфекциялармен әдеттегідей жақсы күресе алмайды. Бұл сіздің инфекция жұқтыруға әдеттегіден көбірек ұшырайтыныңызды білдіреді. Мидың, терінің, ауыз қуысының, асқазан мен ішектің, өкпенің және несеп шығару жүйесінің инфекциялары болуы мүмкін. Лимфа және тері обыры Дәрілердің осы типін (иммунодепрессанттарды) қабылдайтын пациенттерде жиі кездесетіндей, Селлсепт® қабылдаған пациенттердің өте аз санында лимфоидты тіннің және терінің обыры дамыған. Жалпы жағымсыз әсерлері Сізде бүкіл организмді қамтитын жалпы жағымсыз әсерлер туындауы мүмкін. Оларға күрделі аллергиялық реакциялар (анафилаксия, ангионевроздық ісіну сияқты), қызба, қатты шаршаыштық, ұйқы проблемалары, ауырсыну (мысалы, асқазанның, кеуденің, буындардың немесе бұлшықеттердің), бас ауыруы, тұмау симптомдары және ісінулер жатады. Басқа жағымсыз әсерлер мыналарды қамтуы мүмкін: Тері проблемалары, мысалы: • акне, герпес, белдемелі теміреткі, терінің тығыздануы/өсінділер, шаштың түсуі, бөртпе, қышыну. Несеп шығару проблемалары, мысалы: • несептегі қан. Ас қорыту жүйесінің және ауыз қуысының проблемалары, мысалы: • қызылиектің ісінуі және ауыздағы ойық жаралар, • ұйқы безінің, жуан ішектің немесе асқазанның қабынуы, • қан кетуді қоса, асқазан-ішек бұзылулары, • бауыр функциясының бұзылуы, • диарея, іш қату, жүрек айнуы, асқазанның қорытпауы, тәбеттің жоғалуы, метеоризм. Жүйке жүйесінің проблемалары, мысалы: • бас айналуы, ұйқышылдық немесе ұю, • тремор, бұлшықеттердің түйілуі, құрысулар, • үрейлену немесе депрессия сезімі, көңіл-күйдің немесе ойлардың өзгеруі. Жүрек және қантамырлардың, проблемалары, мысалы: • артериялық қысымның өзгеруі, жүрек соғуының жиілеуі, қантамырлардың кеңеюі. Өкпе проблемалары, мысалы: • пневмония, бронхит, • ентігу, жөтел, бұлар бронхоэктазалардан (өкпенің тыныс алу жолдары әдеттен тыс кеңейетін ауру) немесе өкпе фиброзынан (өкпенің тыртықтануы) туындауы мүмкін. Егер сізде тұрақты жөтел немесе ентігу пайда болса, дәрігерге қаралыңыз. • өкпедегі немесе кеуде қуысындағы сұйықтық, • мұрынның қосалқы қойнауларының аурулары. Басқа да проблемалар, мысалы: • салмақ жоғалту, подагра, қандағы қанттың жоғары деңгейі, қан кету, көгеру. Балалар мен жасөспірімдердегі жағымсыз әсерлер Балаларда, әсіресе 6 жасқа дейінгі балаларда диареяны, құсуды, инфекцияны, қандағы эритроциттер мен лейкоциттер санының азаюын қоса, жағымсыз әсерлердің, сондай-ақ лимфа немесе тері обырының туындау ықтималдығы ересектерге қарағанда жоғары. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер сіз препаратты қажеттісінен көбірек қабылдап қойсаңыз, дереу дәрігерге немесе ауруханаға қаралыңыз. Егер басқа біреу абайсызда сіздің дәріңізді қабылдап қойса да, осыны істеңіз. Дәрісі бар қаптаманы өзіңізбен ала жүріңіз. Дәрілік препараттың бір немесе бірнеше дозаларын өткізіп алған кезде қажет болатын шаралар Егер сіз дәріні қабылдауды ұмытып кетсеңіз, оны еске түсірген бойда қабылдаңыз. Содан соң оны әдеттегі уақытта қабылдауды жалғастырыңыз. Өткізіп алған дозаның орнын толтыру үшін екі есе дозасын қабылдамаңыз. Егер Сіз Селлсепт® қабылдауды тоқтатсаңыз Препаратты қабылдауды дәрігердің нұсқауынсыз тоқтатпаңыз. Емдеуді тоқтату трансплантацияланған ағзаның ажырау қаупін арттыруы мүмкін. Егер сізде осы препаратты қолдану жөнінде сұрақтар болса, дәрігерге хабарласыңыз.

Препаратты қолданар алдында қосымша парақты толық оқып шығыңыз, себебі онда Сіз үшін маңызды мәліметтер бар. • Қосымша парақты сақтаңыз. Сізге оны тағы бір рет оқып шығу қажет болуы мүмкін. • Егер Сізде қосымша сұрақтар туындаса, емдеуші дәрігерге хабарласыңыз. • Препарат Сізге ғана тағайындалған. Оны басқа адамдарға бермеңіз. Ол, егер тіпті олардың ауру симптомдары Сіздегімен сәйкес болса да, оларға зиян тигізуі мүмкін. • Егер Сізде қандай да бір жағымсыз реакциялар пайда болса, емдеуші дәрігерге немесе дәріхана қызметкеріне хабарласыңыз. Осындай нұсқау кез келген болуы мүмкін, оның ішінде қосымша парақта атап көрсетілмеген жағымсыз реакцияларға да қатысты болады. ЕСКЕРТУ Микофенолат туа біткен ақауларды және түсіктерді туғызуы мүмкін. Егер Сіз жүкті болсаңыз, емдеуді бастар алдында сіз жүктілікке тестілеудің теріс нәтижесін ұсынуыңыз және контрацепция жөніндегі дәрігердің ұсынымдарын орындауыңыз қажет. Дәрігеріңіз сізбен сөйлеседі және жазбаша ақпаратты ұсынады, атап айтқанда, микофенолаттың тумаған балаларға ықпалы туралы. Осы ақпаратты мұқият оқып шығыңыз және нұсқауларға сүйеніңіз. Егер сіз бұл нұсқауларды толық түсіне алмасаңыз, микофенолатты қабылдаудан бұрын оларды тағы бір рет түсіндіруді дәрігерден өтініңіз. «Арнайы сақтандырулар» және «Жүктілік немесе лактация кезінде» бөлімдеріндегі сол бөлімнің қосымша ақпаратын да қараңыз. Селлсепт® препаратымен емді бастар алдында емдеуші дәрігерге хабарлаңыз, егер: • Егер сіз 65 жастан ассаңыз, сізде кейбір вирустық инфекциялар, асқазан-ішектен қан кету және өкпе ісінуі сияқты жағымсыз құбылыстардың даму қаупі жасырақ пациенттермен салыстырғанда жоғары болуы мүмкін. • Егер сізде қызба немесе тамақтың ауыруы сияқты инфекция белгілері болса. • Егер сізде күтпеген көгеру немесе қан кету пайда болса. • Егер сізде бұрын-соңды ас қорыту жүйесінің проблемалары, мысалы, асқазанның ойық жарасы болған болса. • Егер сіз жүктілікті жоспарласаңыз немесе Селлсепт® препаратын сіз немесе серіктесіңіз қабылдаған кезде жүкті болып қалсаңыз. • Егер сізде тұқым қуалаған ферменттер тапшылығы, мысалы, Леш-Найен синдромы немесе Келли-Зигмиллер синдромы болса. Егер жоғарыда көрсетілгендердің қандай да біреуі сізге қатысты болса (немесе сіз күмәндансаңыз), Селлсепт® препаратымен ем басталар алдында емдеуші дәрігеріңізбен кеңесіңіз. Арнайы сақтандырулар Күн сәулесінің әсері Селлсепт® организмнің қорғаныс күштерін төмендетеді. Нәтижесінде тері обырының даму қаупі жоғарылайды. Күн сәулесінің астында жүруді шектеңіз, сондай-ақ ультракүлгін сәуленің әсерінен аулақ болыңыз. Бұл үшін: • басты, мойынды, қолды және аяқты да жабатын қорғаныш киімін киіңіз • қорғау факторы жоғары күннен қорғайтын кремді пайдаланыңыз. Балалар Балаларда, әсіресе 6 жастан кішілерде диареяны, құсуды, инфекцияны, қандағы эритроциттер мен лейкоциттер санының азаюын қоса, жағымсыз әсерлердің, сондай-ақ бәлкім лимфа жүйесінің немесе тері обырының туындау ықтималдығы ересектерге қарағанда жоғары. Капсулалар қатты дәрілерді тұншығу қаупінсіз жұта алатын балаларға ғана жарамды. Сондықтан препаратты дәрігердің тағайындауы бойынша ғана беру керек. Егер сізде балаңызды емдеу мәселесі бойынша қандай да бір күмән пайда болса, қолданар алдында дәрігермен кеңесіңіз. Вакциналар Егер сізге Селлсепт® препаратын қабылдау кезінде екпе (тірі вакцинамен) жасау қажет болса, әуелі дәрігермен кеңесіңіз. Дәрігеріңіз сізге қандай вакциналар жарамды екені туралы кеңес беруі тиіс. Сізге Селлсепт® препаратымен емделу кезінде және емдеу аяқталғаннан кейін кем дегенде 6 ай бойы қан тапсыруға болмайды. Ер адамдар Селлсепт® препаратымен емделу кезінде және емдеу аяқталғаннан кейін кем дегенде 90 күн бойы шәуһет тапсыруына болмайды. Селлсепт® препаратын тамақпен және сусындармен қабылдау Тамақ және сусындарды қабылдау Селлсепт® препаратымен емдеуге ықпал етпейді. Селлсепт® қабылдайтын әйелдердегі контрацепция Егер сіз жүкті болуы мүмкін әйел болсаңыз, Селлсепт® препаратын қабылдау кезінде контрацепцияның тиімді әдісін пайдалануыңыз қажет. Бұл мыналарды қамтиды: • Селлсепт® препаратын қабылдауды бастар алдында • Селлсепт® препаратымен емдеудің бүкіл кезеңінде • Селлсепт® препаратын қабылдау аяқталғаннан кейін 6 ай бойы. Сіз үшін неғұрлым қолайлы контрацепция әдісін дәрігермен талқылаңыз. Таңдау сіздің жеке жағдайыңызға байланысты болады. Контрацепцияның екі әдісі дұрысырақ, өйткені олар қаламаған жүктілік қаупін төмендетеді. Егер сіз өзіңіздің контрацепцияңыз тиімсіз деп санасаңыз, немесе ұрықтануға қарсы таблетканы қабылауды ұмытып кетсеңіз, дереу дәрігерге қаралыңыз. Егер келесі шарттардың жоқ дегенде біреуі сізге қатысты болса, сіз жүкті бола алмайсыз: • Сіз постменопаузада болсаңыз, яғни, жасыңыз 50 жастан жоғары болса, және сіздің соңғы етеккіріңіз бір жылдан астам уақыт бұрын болса (егер етеккір обырды емдеуге байланысты тоқтаса, онда жүкті болу ықтималдығы сақталады); • Сіздің жатыр түтіктеріңіз және екі аналық безі де хирургиялық жолмен алынып тасталса (екі жақты сальпингоофорэктомия); • Сіздің жатырыңыз хирургиялық жолмен алынып тасталса (гистерэктомия); • Сіздің аналық бездеріңіз енді жұмыс істемейтін болса (гинеколог дәрігер растаған аналық бездердің мезгілінен бұрын болуы); • Сіз жүкті болу мүмкіндігін жоятын келесі сирек аурулардың біреуімен туылсаңыз: XY генотипі, Шерешевский-Тёрнер синдромы немесе жатыр агенезиясы; • Сіз — етеккірі басталмаған бала немесе жасөспірім болсаңыз. Селлсепт® қабылдайтын еркектердегі контрацепция Қолда бар деректер микофенолатты әкесі қабылдаған кезде дамудағы ақаулардың немесе түсік тастаудың жоғары қаупін көрсетпейді. Алайда, қауіпті толық жоққа шығару мүмкін емес. Сақтық шарасы ретінде сізге немесе сіздің серіктес әйеліңізге Селлсепт® препаратымен емдеу кезінде және қабылдау аяқталғаннан кейін 90 күн бойы контрацепцияның тиімді әдістерін пайдалану ұсынылады. Егер сіз бала көтеруді жоспарласаңыз, ықтимал қауіптерді және емдеудің баламалы әдістерін дәрігермен талқылаңыз. Препараттың көлік құралдарын немесе қауіптілігі зор механизмдерді басқару қабілетіне әсері Селлсепт® препараты сіздің автокөлікті басқару немесе құралдармен немесе механизмдермен жұмыс істеу қабілетіңізге орташа әсер етеді. Егер сіз ұйқышылдықты, ұюды немесе сананың шатасуын сезінсеңіз, дәрігерге жүгініңіз және өзіңізді жақсырақ сезінгенге дейін автокөлікті басқармаңыз және құралдармен немесе механизмдермен жұмыс істемеңіз. Селлсепт® құрамында натрий бар Бұл препараттың құрамында капсуласында 1 ммольден аз (23 мг) натрий бар, яғни, іс жүзінде натрий жоқ.

Егер сіз жүкті болсаңыз немесе бала емізіп жүрсеңіз, жүкті болып қалдым деп ойласаңыз немесе жүкті болуды жоспарлап жүрсеңіз, бұл препаратты қабылдауды бастар алдында емдеуші дәрігермен кеңесіңіз. Дәрігер сізге жүктілікке байланысты қауіптер туралы, және трансплантацияланған ағзаның ажырауының алдын алудың баламалы тәсілдері туралы айтып береді, егер: • Сіз жүкті болуды жоспарласаңыз. • Сізде етеккірдің кідіруі болса немесе сіз кідіру деп ойласаңыз, немесе сізде әдеттен тыс етеккірлік қан кету болса, немесе сіз жүктімін деп күдіктенсеңіз. • Сіз контрацепцияның тиімді әдістерін пайдаланбасаңыз. Егер сіз микофенолатпен емделу кезінде жүкті болып қалсаңыз, бұл туралы дәрігерге дереу хабарлау қажет. Дегенмен, Селлсепт® қабылдауды дәрігермен кеңескенге дейін жалғастырыңыз. Жүктілік Микофенолат түсік тастаудың (50%) және болашақ балада дамудағы туа біткен күрделі ақаулардың (23–27%) өте жоғары жиілігін туғызады. Құлақ, көз, бет аномалиялары (ерін/таңдай жарығы), саусақтың, жүректің, өңештің (көмейді асқазанмен жалғайтын түтіктің), бүйректің және жүйке жүйесінің (мысалы, омыртқаның ажырауы (омыртқа сүйектерінің дұрыс дамымауы)) дамуындағы аномалиялар сияқты дамудағы туа біткен кемістіктер туралы хабарланды. Сіздің балаңызда осы бұзылулардың біреуі немесе бірнешеуі болуы мүмкін. Егер сіз жүкті болуы мүмкін әйел болсаңыз, емдеуді бастар алдында жүктілікке тестілеудің теріс нәтижесін ұсыну және контрацепция жөнінде дәрігердің нұсқауларын сүйену қажет. Дәрігер емдеуді бастар алдында жүктіліктің жоқ екеніне көз жеткізу үшін бірнеше тест тағайындауы мүмкін. Бала емізу Егер сіз бала емізіп жүрсеңіз, Селлсепт® препаратын қабылдамаңыз. Бұл препараттың аздаған мөлшері ананың емшек сүтіне өтуі мүмкін екеніне байланысты.

Сіздің қандай да бір басқа дәрілерді қабылдап жүргеніңіз, таяуда қабылдағаныңыз жөнінде емдеуші дәрігерге мәлімдеңіз. Бұл рецептісіз босатылатын дәрілерге, мысалы, өсімдік текті препараттарға да қатысты. Бұл Селлсепт® кейбір басқа дәрілердің әсеріне ықпал етуі мүмкін екеніне байланысты. Бұдан бөлек, басқа дәрілер де Селлсепт® препаратының әсеріне ықпал етуі мүмкін. Атап айтқанда, егер сіз келесі дәрілердің қандай да біреуін қабылдап жүрсеңіз, Селлсепт® қабылдауды бастаудан бұрын дәрігеріңізге хабарлаңыз: • азатиоприн немесе иммундық жүйені бәсеңдететін, трансплантациядан кейін тағайындалатын басқа препараттар. • холестирамин – холестериннің жоғары деңгейін емдеу үшін пайдаланылады. • рифампицин – туберкулез сияқты инфекциялардың профилактикасы және емдеу үшін пайдаланылатын антибиотик. • антацидтер немесе протондық помпа тежегіштері – қорытпау сияқты асқазан қышқылдығының проблемаларында пайдаланылады. • фосфатты байланыстыратын препараттар – бүйректің созылмалы жеткіліксіздігінде фосфаттардың қанға сіңуін төмендету үшін қолданылады. • антибиотиктер – бактериялық инфекцияларды емдеу үшін пайдаланылады. • изавуконазол – зеңдік инфекцияларды емдеу үшін пайдаланылады. • телмисартан – жоғары артериялық қысымды емдеу үшін пайдаланылады.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!