Семиклотин лиофилизат 1.2 мг

Лиофилизаты бар бір құтының ішінде белсенді зат - эптаког альфа (белсендірілген) (rFVIIa), 1.2 мг немесе 2.4 мг, қосымша заттар: натрий хлориді, кальций хлориді дигидраты, глицилглицин, полисорбат 80, маннитол. Бір мл дайындалған ерітіндінің құрамында 0.6 мг эптаког альфа (белсендірілген) бар. Еріткіш – инъекцияға арналған су құтыларда 5 мл-ден. Сыртқы түрінің, иісінің, дәмінің сипаттамасы Лиофилизат ақ түсті аморфты масса. Қалпына келтірілген ерітінді мөлдір немесе сәл бозаңданған түссіз ерітінді. Еріткіш инъекцияға арналған су мөлдір түссіз сұйықтық.

1. Семиклотин пациенттердің келесі топтарында хирургиялық араласымдарды және инвазиялық емшараларды жүргізгенде қан кетуді тоқтату және оған жол бермеу үшін пайдаланылады: - VIII немесе IX факторлары > 5 ББ (Бетезда бірлігі) тежегіштері титрімен тұқым қуалайтын гемофилиясы бар; - анамнезі негізінде VIII факторын немесе IX факторын енгізуге күтілетін иммундық реакциясымен тұқым қуалайтын гемофилиясы бар - жүре пайда болған гемофилиясы бар - туа біткен VII факторы тапшылығы бар - IIb-IIIa гликопротеиндерге антиденелері және тромбоцитарлы массалардың трансфузияларына (қазір немесе бұрын) рефрактерлігі болатын Гланцман тромбастениясы бар пациенттер тобында. 2. Босанудан кейінгі көлемді қан кету. Семиклотин препараты гемостазға жету үшін утеротониктерді қолдану жеткіліксіз болған кезде босанғаннан кейінгі көлемді қан кетуді емдеуге арналған.

Эптаког альфа (белсендірілген) – қан ұюының рекомбинантты VIIа факторы, атжалмандар бүйрегінің гендік-модификацияланған жасушаларымен (ВНК-жасуша) өндіріледі. Молекулалық массасы – 50000 дальтонға жуық. Әсер ету механизмі Эптаког альфаның әсер ету механизміне қан ұюының VIIа факторының босап шыққан тіндік фактормен байланысуы негіз болады. Түзілген кешен қан ұюының IX факторын белсендіріп, қан ұюының белсенді IXа факторын түзеді және қан ұюының X факторын белсендіріп, қан ұюының белсенді Xa факторын түзеді, бұл бастапқыда протромбиннің аздаған мөлшерінің тромбинге айналуына алып келеді. Тромбин зақымданған аймақтағы тромбоциттерді және қан ұюының V және VIII факторларын белсендіреді және фибриногенді фибринге айналдыру арқылы гемостатикалық тығынның түзілуін қамтамасыз етеді. Фармакологиялық дозаларында эптаког альфа тікелей, тіндік факторға тәуелсіз, зақымданған аймақта орналасқан белсенген тромбоциттер беткейіндегі қан ұюының X факторын белсендіреді. Бұл протромбиннен, тіндік факторға байланыссыз көп мөлшерде тромбин түзілуіне алып келеді. Фармакодинамикалық әсерлері Қан ұюының VIIа факторының фармакодинамикалық әсеріне қан ұюының Xa факторының, тромбин мен фибриннің жергілікті түзілуінің күшеюі негіз болады. Теориялық тұрғыдан, диссеминацияланған тамырішілік ұю (ДТҰ-синдромының) синдромның дамуына бейімдейтін аурулары бар пациенттерде қан ұюының жүйелі белсенуі қаупін толығымен жоққа шығаруға болмайды. Қан ұюының FVII факторының туа біткен тапшылығы бар пациенттер қатысқан қадағалау бағдарламасында (F7HAEM-3578), қан кетудің ұзақмерзімді профилактикасына арналған орташа дозасы қан ұюының VII факторының тапшылығы және елеулі клиникалық фенотипі бар 22 (жасы 12-ге толмаған) балада аптасына 3 дозасы енгізілетін орташа жиілікпен (1-ден 7-ге дейінгі аралықта; анаұрлым жиі дозасының жиілігі 13 пациентте аптасына 3 дозаны құрады) 30 мкг/кг құрады (ауқымы 17 мкг/кг-ден 200 мкг/кг дейін, анағұрлым жиі пайдаланылатын дозасы 10 пациентте 30 мкг/кг құрады). Дәл осы тізілімде тромбоэмболия жағдайлары 91 пациенттің 3-еуінде білінді. Қадағалау тізілімі (F7HAEM-3521) Гланцман тромбастениясы бар, эптаког альфаны қабылдаған 133 пациентті қамтыды. Қан кетудің 333 көрінісін емдеуге арналған бір инфузиясы үшін орташа дозасы 90 мкг/кг (28-ден 450 мкг/кг дейін) құрады. Эптаког альфа 157 хирургиялық араласымда орташа 92 мкг/кг (270 мкг/кг дейінгі) дозасында қолданылды. Эптаког альфамен бөлек немесе антифибринолитиктермен және/немесе тромбоциттік массммен біріктіріп емдеу, қан кетуді тоқтату кезінде кемінде 6 сағатқа тиімді деп анықталды. Тиімділік көрсеткіштері тромбоциттер массасын құюға рефрактерлілігі оң немесе теріс пациенттерде сәйкесінше 81% және 82% құрады және тромбоциттерге антиденелер тестісі оң немесе теріс пациенттерде сәйкесінше 77% және 85% құрады. Оң статус кез келген қабылднуында кемінде бір оң тестінің бар екендігін көрсетеді. Эптаког альфаның тиімділігі мен қауіпсіздігі көп орталықты ашық клиникалық зерттеуде босанғаннан кейінгі көлемді қан кетуі болған 84 әйелде бағаланды. Пациент әйелдер екі топқа рандомизацияланды: эптаког альфаның 60 мкг/кг бір реттік дозасын қабылдаған пациент әйелдер (стандартты емге қосымша; N=42), утеротониктердің (сульпростон) тиімсіздігінен кейін референттік ем қабылдаған пациент әйелдер (тек стандартты ем; N=42). Емдеудің сәттілігі рандомизациядан кейін 30 минут ішінде 10 минут бойы қан кетуді 50 мл-ден азға дейін төмендету деп саналды. Егер қан кету бақыланбайтын болса немесе терапияға жауап бермесе, инвазивті емдеу әдісі қарастырылды. Бастапқы талдауда эптаког альфа тобындағы әйелдердің аз саны ( 35-ке қарсы 21) бақылау тобымен салыстырғанда кем дегенде бір эмболизация және/немесе байлау емшарасын қажет ететіні анықталды, бұл эптаког альфа тобы үшін референттік топтың тобымен салыстырғанда статистикалық елеулі 40% салыстырмалы қаупінің төмендеуіне сәйкес келеді. Референттік топтағы 42 пациент әйелдің 8-і гистерэктомияны болдырмау үшін эптаког альфа алды, олардың 2 жағдайы сәтті болды.

Емдеуді гемофилияны және/немесе қан ұюдың бұзылуын емдеу тәжірибесі бар дәрігердің бақылауымен бастаған жөн. Босанғаннан кейінгі көлемді қан кетуді емдеуді тек акушер-гинекологтардың бақылауымен ғана емес, сонымен қатар анестезиологтардың, реаниматологтардың және/немесе гематологтардың қатысуымен жүргізу керек. Тиімді эптаког альфа терапиясына қол жеткізу үшін фибриногеннің талапқа сай концентрациясын және тромбоциттер санын сақтау ұсынылады. Дозалау режимі А немесе В гемофилиясы тежегіштермен немесе VIII факторын немесе IX факторын енгізуге күтілетін иммундық реакциялармен Препаратты енгізуді мүмкіндігінше қан кетулер басталғаннан кейін тезірек бастаған Вена ішіне сорғалатып енгізуге ұсынылатын бастапқы доза пациенттің кг дене салмағына 90 мкг құрайды. Бастапқы дозаны енгізгеннен кейін инъекцияны қайталау іске асырылуы мүмкін. Емдеу ұзақтығы және инъекциялар арасындағы аралық қан кетудің ауырлығымен немесе инвазиялық емшаралардың, немесе хирургиялық араласымдардың сипатымен анықталады. Балалар Қазіргі уақытта жинақталған клиникалық тәжірибе, балалардағы клиренстің жоғары екені белгілі болса да, балалар мен ересектер үшін дифференциацияланған дозалау режимін ұсынуға мүмкіндік бермейді. Сондықтан педиатриялық тәжірибеде ересек пациенттер плазмасындағы концентрацияға ұқсас плазмадағы препарат концентрациясына жету үшін қан ұюының факторының rFVIIа жоғарырақ дозаларын пайдалану қажеттілігі туындауы мүмкін. Препаратты енгізу жиілігі Гемостазға жеткенше әрбір 2-3 сағат сайын. Егер қан тоқтағаннан кейін емдеуді жалғастыру үшін көрсетілімдер бар болса, онда препаратты енгізу арасындағы аралықтар, көрсетілімдерге сәйкес, емдеудің бүкіл кезеңінде біртіндеп 4, 6, 8 немесе 12 сағатқа дейін арттырылуы мүмкін. Ауырлығы жеңіл және орташа дәрежедегі қан кетулер (амбулаторлық емді қоса) Препаратты ертерек енгізу өте тиімді. Келесі дозалық режим ұсынылады: - әр үш сағат сайын кг дене салмағына 90 мкг дозадағы бір инъекциядан үш инъекциясына дейін. Әсерін демеу үшін дене салмағының әр кг шаққанда 90 кг есебінен Семиклотин препаратының бір қосымша дозасы тағайындалуы мүмкін. - дене салмағының әр кг шаққанда 270 мкг есебінен бір реттік инъекция. Амбулаторлық емдеу ұзақтығы 24 сағаттан аспауы тиіс. Дене салмағының бір кг-на 270 мкг бір реттік дозасындағы препаратты егде пациенттерде қолданудың клиникалық тәжірибесі жоқ. Ауыр дәрежедегі қан кетулер Препараттың ұсынылған бастапқы дозасы дене салмағының әр кг шаққанда 90 мкг құрайды және осы пациентті емделетін клиникаға жеткізу кезеңінде енгізілуі мүмкін. Әрі қарай емдеу сызбасы қан кетулер типіне және ауырлығына байланысты. Емдеудің басында препарат клиникалық жақсару басталғанға дейін әрбір екі сағат сайын енгізіледі. Емдеуді жалғастыруға көрсетілімдер бар болған жағдайда препаратты енгізу арасындағы аралықтар 1-2 тәулік ішінде 3 сағатқа дейін арттырылуы мүмкін. Кейіннен, препаратты енгізу арасындағы аралықтарды емдеудің бүкіл кезеңі бойы, көрсетілімдеріне сәйкес, 4, 6, 8 немесе 12 сағатқа дейін арттыруға болады. Ауыр қан кетулерді емдеу ұзақтығы 2-3 аптаны немесе клиникалық көрсетілімдер бар болған жағдайда одан да көбіректі құрауы мүмкін. Инвазиялық араласымдар және/немесе хирургиялық операциялар Дене салмағының әр кг шаққанда 90 мкг бастапқы доза тура араласым алдында енгізіледі. Екінші доза 2 сағаттан кейін енгізіледі, ал содан кейін жүргізілген араласымға және пациенттің клиникалық жағдайына байланысты алғашқы 24-48 сағат бойы препарат 2-3 сағаттық аралықпен енгізіледі. Үлкен операцияларда ұсынылған жоғары дозаларда емдеу 6-7 тәулік бойы препаратты енгізу арасындағы 2-4 сағаттық аралықпен жалғастырылады. Келесі 2 апта бойы ем жүргізгенде препаратты енгізу арасындағы аралықтар 6-8 сағатқа дейін арттырылуы мүмкін. Үлкен операциялардан кейін препаратты қолданудың жалпы ұзақтығы жазылғанға дейін 2-3 аптаны құрауы мүмкін. Жүре пайда болған гемофилия Қан кету басталғаннан кейін Семиклотин препаратын мүмкіндігінше ертерек енгізу көрсетілген. Вена ішіне сорғалатып енгізілуге ұсынылатын бастапқы доза дене салмағының әр кг шаққанда 90 мкг құрайды. Алғашқы инъекциядан кейін Семиклотин препаратын енгізуді, қажет болса, қайталауға болады. Емдеу ұзақтығы және препаратты енгізулер арасындағы аралық қан кету ауырлығымен немесе инвазиялық емшаралардың және/немесе хирургиялық араласымның сипатымен анықталады. Бастапқы дозаны енгізген кезде аралық 2-3 сағатты құрауы тиіс. Гемостазға қол жеткізгеннен кейін препаратты енгізу арасындағы аралықтарды емдеудің бүкіл кезеңі ішінде 4, 6, 8 немесе 12 сағатқа дейін арттыруға болады. VIІ фактор тапшылығы Хирургиялық араласымдар немесе инвазиялық емшаралар жүргізген кезде қан кетулерді тоқтату және профилактика жүргізу үшін ұсынылатын дозалар дене салмағының әр кг шаққанда 15-30 мкг құрайды. Препарат гемостазға жеткенге дейін әрбір 4-6 сағат сайын енгізіледі. Дозалар және енгізу жиілігі жекелей ретпен нақтыланады. Балалар Клиникадағы ұзақмерзімді профилактикасы тәжірибесінің шектеулі деректері 12 жасқа толмаған, ауыр клиникалық фенотипі бар педиатриялық популяциядан жинақталды. Профилактикаға арналған инъекциялардың дозасы мен жиілігі клиникалық нәтижеге негізделіп, жекелей икемделуі тиіс. Гланцман тромбастениясы Хирургиялық араласымдар немесе инвазиялық емшаралар кезіндегі қан кетулерді бақылау және профилактика жүргізу үшін ұсынылатын доза дене салмағының әр кг шаққанда 90 мкг (80-120 мкг) құрайды. Препарат әрбір 2 сағат (1.5-2.5 сағат) сайын енгізіледі. Тұрақты гемостазды қамтамасыз ету үшін кем дегенде үш доза қажет етіледі. Вена ішіне болюстік енгізу тәсілі ұсынылады, өйткені тамшылатып енгізген кезде препараттың тиімділігі төмендеуі мүмкін. Рефрактерсіз Гланцман тромбастениясы бар науқастарда таңдау түскен препарат тромбоцитарлы масса болып табылады. Босанудан кейінгі көлемді қан кету Қан кетуді тоқтату үшін ұсынылатын доза диапазоны вена ішіне сорғалатып енгізгенде дене салмағының 60-90 мкг / кг құрайды. Гемостатикалық белсенділіктің ең жоғарысын 10 минуттан кейін күтуге болады. Семиклотин препаратының екінші дозасын әрбір жеке пациенттің клиникалық жауабы негізінде енгізуге болады. Гемостатикалық әсер жеткіліксіз болған жағдайда екінші дозаны 30 минуттан кейін енгізу ұсынылады. Емдеу барысындағы мониторинг Семиклотин препаратымен ем зертханалық бақылауды талап етпейді. Семиклотин препаратының дозасы қан кету ауырлығына және клиникалық әсеріне қарай анықталады. rFVIIa енгізгеннен кейін протромбиндік уақыт (ПУ) және ішінара белсендірілген тромбопластинді уақыт (ІБТУ) төмендейтіні көрсетілген, алайда ПУ, ІБТУ және rFVIIa клиникалық тиімділігі арасындағы өзара байланыстылығы анықталмады. Енгізу әдісі және жолы Төменде сипатталғандай дайындықты сұйылтыңыз. Вена ішіне баяу 2-5 минут бойы енгізу керек. Семиклотин препаратын басқа инфузиялық ерітінділермен араластырмаған немесе дәрі тамызғышпен енгізбеген жөн. Бір шприцте кез келген басқа препараттармен бірге енгізбеу керек. 1. Төменде берілген емшараларды жүргізер алдында қолды мұқият жуып-шайыңыз және препарат ерітіндісін дайындау және енгізу үдерісінде асептика тәртібін сақтаңыз. 2. Ашық медициналық материалдарды, олардың атмосфералық ауамен жанасу уақытын барынша қысқарту үшін, мүмкіндігінше, тезірек пайдаланыңыз. 3. Ішінде препараты және еріткіші бар құтыларды тоңазытқыштан алып, оларды ашпай тұрып, мысалы, қолға ұстап сәл жылытыңыз. Препаратты 37С-ден артыққа жылытуға рұқсат етілмейді. Су моншасын пайдаланғанда судың температурасы 37С-ден аспауы тиіс. 4. Екі құтыны да таза тегіс жерге қойыңыз. 5. Әрбір құтыдан қорғаныш пластик төсенішін алып тастаңыз. 6. Құтының резеңке тығынын спиртті салфеткамен өңдеңіз. Пайдаланар алдында оларды кептіріңіз. Өңделген жерге қолды немесе басқа заттарды тигізіп алмаңыз. 7. Қағаз жабынын ортасына дейін бүктеу арқылы шприцтің блистерлі қаптамасын ашыңыз. Шприц инесінен қорғағыш қалпақшасын алыңыз (Cурет 1). 1- сурет 8. Шприцке тағылған инені еріткіш құтысының резеңке тығынының ортасына тігінен енгізіңіз (2-сурет). 2-сурет 9. Құтыны төңкеріп, поршеньді ақырын тартып, төмендегі еріткіштің мөлшерін шприцке алыңыз (3-сурет). 1.2 мг дозасы үшін – 2 мл; 2.4 мг дозасы үшін – 4 мл. 3-сурет 10. Сүзгі-канюлясының блистерлі қаптамасын ашып, инеден қорғағыш қалпақшасын алыңыз да, пластикалық инені препарат құтысының резеңке тығынының ортасына дейін, тірелгенше енгізіңіз (4-сурет) 4-сурет 11. Қалған еріткіші бар құтыдан толтырылған шприцті алыңыз (10 - қадамды қараңыз). Шприцтің ұшы қолыңызбен немесе басқа бөгде заттармен жанаспайтынына көз жеткізіңіз. 12. Еріткішпен толтырылған шприцті қорғағыш қақпақшаны ашып, препараты бар құтыға орнатылған сүзгі- канюляға салыңыз (5-сурет). Тығыз байланысқанына көз жеткізіңіз. 13. Поршеннің өзегіне ақырын басып, флаконды сәл еңкейтіңіз, көбіктенуді және иненің дәрілік ерітіндімен жанасуын болдырмай, еріткіштің тиісті көлемін (9-қадамды қараңыз) құты қабырғасына канюля арқылы баяу енгізіңіз (5-сурет). «Көбік түзілу» әсері еріткіш тікелей лиофилизатқа түссе пайда болады 5-сурет 14. Барлық зат ерігенше бөтелкені айналмалы қозғалыстармен ақырын шайқаңыз (6-сурет). Құтыны шайқамаңыз. Ұнтақтың толығымен ерігеніне көз жеткізіңіз. Кез келген қосындылары немесе бұлыңғырлануы болса, ерітіндіні пайдаланбаңыз. 6-сурет 15. Құтыны сәл еңкейте ұстап, одан барлық ерітіндіні канюля арқылы шприцке поршенді баяу және бірқалыпты тарта отырып, құйып алыңыз. Дайындалған барлық ерітіндінің шприцке өткеніне көз жеткізіңіз. Құтының түбін жоғары қарата төңкеріп, ондағы ауаны жойыңыз (7-сурет). Құтыны шприцпен және канюлясымен бірге келесі манипуляцияға дейін алып қойыңыз. 7-сурет 16. Шеткері веналарға арналған катетердің блистерлі қаптамасын ашыңыз (9 сурет) 17. Поршеннің күйін ауыстырмай (16-қадамды қараңыз), жалғаманы бос құтыда қалдырып, толтырылған шприцті канюлядан алып тастаңыз. 18. Катетер түтігінен қорғағыш тығынын шығарып алыңыз. Шприцті сағат тілі бағытымен түбіне дейін айналдырып, катетерге жалғаңыз (8.1 сурет). Тығыз байланысқанына көз жеткізіңіз. 8.1-сурет 8.2-сурет 19. Инъекция жасалатын жерді қоса берілген спиртті сүрткімен өңдеңіз. 20. Катетердің инесінен қорғағыш қалпақшасын шығарып алыңыз. Вена ішіне енгізуге арналған жалғағыш жүйедегі ауаны жойыңыз және ерітіндіні вена ішіне баяу (2-5 минут бойы) сорғалатып енгізіңіз. 21. Пайдаланылған барлық материалдарды жоюдың қауіпсіздігін қамтамасыз етіңіз. 8.2-суретте көрсетілген шеткері тамырлар үшін екінші типті катетерлерді қолдану кезінде: 22. Инъекция жасалатын жерді қоса берілген спиртті сүрткімен өңдеңіз. 23. Пункция сәтті жасалған жағдайда мөлдір павильонның ішкі бөлігінде қан пайда болуы тиіс. 24. Бір мезгілде болат инені шығара отырып катетерді венаға жылжытыңыз. 25. Адгезиялық таңғышты пайдалана отырып катетерді теріге бекітіңіз. Бұл орайда болат ине қанның ағып кетуін барынша азайта отырып, катетер ішінде болуы тиіс. 26. Болат инені алып тастаудың алдында қанның ағып шығуының алдын ала отырып ортаңғы саусағыңызбен катетер ұшынан венаны қысыңыз. Инені шығару кезінде катетердің жылжып кетуін болғызбай бір мезгілде сұқ саусағыңызбен катетердің ортасын ұстап тұрыңыз. Инені катетерден толық шығарып алыңыз. Қорғағыш металл клипса ол катетерден толық шығарылған сәтте иненің үшкір ұшын автоматты түрде жабады. Шығарғаннан кейін инені дереу арнайы контейнерге салыңыз. 27. Препарат қосымша инъекциялық порт арқылы енгізіледі. Бұл шприц конусын жеңіл бұрап қозғалту арқылы жалғаумен жасалады (8.2 сурет). Порт автоматты түрде ашылып және жабылады. 28. Қосымша инъекциялық портты қорғағыш қалпақшамен жабыңыз. 29. Пайдаланылған барлық материалдарды жоюдың қауіпсіздігін қамтамасыз етіңіз. Вена ішіне енгізу үшін ерітінді дайындауға арналған жұмсалатын медициналық материалдар жиынтығының компоненттері 9-суретте бейнеленген. Сүзгі-канюлясыСүзгі-канюлясы Ішінде препараты бар кұтыІшінде препараты бар кұтыІшінде еріткішібар кұтыІшінде еріткішібар кұтыИнесімен шприцИнесімен шприц Шеткері веналарға арналған катетерШеткері веналарға арналған катетерЕкінші типті шеткері веналарға арналған катетерЕкінші типті шеткері веналарға арналған катетер Спиртті сүрткі 2 дана.Спиртті сүрткі 2 дана. 9-сурет Дайындалған ерітінді сұйылтылғаннан кейін дереу пайдаланылуы тиіс. Дайындалған ерітіндіні 2-ден 8 С-ге дейінгі температурада – 24 сағаттан асырмай, 25 С-ден аспайтын температурада – 12 сағаттан асырмай сақтауға жол беріледі. Егер науқасқа препаратты бір құтыдағы дозадан астам мөлшерде енгізу қажет болса, препараттың басқа құтысында ерітіндіні қоса берілген еріткішті (инъекцияға арналған суды) пайдалана отырып, осындай үлгіде дайындаңыз, ал содан кейін ерітіндіні үлкен көлемді шприцке құйыңыз да (қоса берілмеген), препаратты әдеттегі ретпен енгізіңіз.

- препараттың әсер етуші затына немесе қосымша заттарының кез келгеніне аса жоғары сезімталдық; - анамнезде жануар текті (тышқандар, атжалмандар, мүйізді ірі қара) ақуыздарына аллергиялық реакциялар.

Жиі емес - веналық тромбоэмболия жағдайлары (тереңдегі веналар тромбозы, препаратты енгізген жердегі веналар тромбозы, өкпелік тромбоэмболия, бауырдағы тромбоэмболия жағдайлары, соның ішінде қақпа венасының тромбозы, бүйрек венасының тромбозы, тромбофлебит, беткейлік веналардың тромбофлебиті және ішек ишемиясы) - тері бөртпелерінің (соның ішінде, аллергиялық дерматиттің және эритематозды бөртпенің) пайда болуы, терінің қышынуы және есекжем - емдік әсерінің төмендеуі, қызба. Сирек - диссеминацияланған қантамырішілік ұю және зертханалық көрсеткіштердің қатар жүретін өзгерулері (Д-димердің жоғарылауы және ІІІ антитромбин белсенділігі деңгейінің төмендеуі) - коагулопатия - жоғары сезімталдық - бас ауыруы - артериялық тромбоэмболия жағдайлары (миокард инфарктісі, ми инфарктісі, ми ишемиясы, ми артерияларының окклюзиясы, цереброваскулярлық асқынулар, бүйрек артерияларының тромбозы, шеткері қантамырлардың ишемиясы, шеткері артериялардың тромбозы және ішек ишемиясы), стенокардия - жүрек айнуы - енгізген жердегі реакциялар, енгізген жердегі ауыруды қоса; -фибрин дегидратациялану өнімдері мөлшерінің артуы, аланинаминотрансфераза, сілтілік фосфатаза, лактатдегидрогеназа белсенділігінің және протромбин мөлшерінің жоғарылауы. Белгісіз - анафилаксиялық реакциялар - жүрекішілік тромб - тері жабындарының қызаруы, ангионевроздық ісіну. * тиімділігінің жеткіліксіздігі жағдайлары сипатталған (емдік әсерінің азаюы). Семиклотин препаратының дозалау режимі «Дозалау режимі» бөлімінде сипатталған ұсынылатын ем сызбасына сәйкес келуі керек. Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қосқанда, дәрілік препараттарға жағымсыз реакциялар (әрекеттер) бойынша ақпараттық дерекқорға тікелей хабарласыңыз. Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Гемофилиямен пациенттерде артық дозалануының төрт жағдайы туралы деректер бар. Артық дозалануы артық дозалануымен байланысты бірден-бір асқыну, 5.5 мг орнына 24 мг rFVIIa қабылдаған 16 жасар пациентте, артериялық қысымның өтпелі жоғарылауы болды. Жүре пайда болған гемофилиясы немесе Гланцман тромбастениясы бар пациенттерде артық дозалануы туралы хабарланған жоқ. Қан ұюының VII факторының тапшылығы бар, rFVIIa ұсынылатын дозасы 15-30 мкг/кг құрайтын пациенттерде, артық дозалануының бір жағдайы 80 жастан асқан, ер жынысты, егде жастағы, препаратты ұсынылған дозасынан 10-20 есе артық дозада қабылдаған пациентте тромбоздық асқынумен байланысты болды (мидың шүйде аймағы қантамырларының тромбозы). Сонымен қатар, қан ұюының VII факторының тапшылығы бар бір пациентте эптаког альфа препараты мен FVII антиденелер дамуымен байланысты артық дозалануы туралы хабарланды. Ұсынылған дозаларын арттырмау керек, өйткені онымен байланысты қосымша қауіп туралы ақпарат жоқ. Дәрілік препаратты қолдану әдісін түсіндіру үшін медициналық қызметкерден кеңес алу бойынша ұсыныстар. Егер препаратты қолдану туралы сұрақтарыңыз болса, емдеуші дәрігерге жүгініңіз.

Арнайы ескертулер Тіндік фактордың босап шығуының жоғарылауымен қатар жүретін патологиялық жағдайларда Семиклотин препаратын қолдану тромбоздық асқынулар немесе диссеминацияланған қантамырішілік ұю (ДҚҰ) синдромы дамуының әлеуетті қаупімен байланысты болуы мүмкін. Мұндай жағдайларға ауыр атеросклероз, мылжаланған жаралар, септицемия немесе ДҚҰ-синдром жатады. Тромбоз асқынуларының жоғары даму қаупі немесе диссеминацияланған тамырішілік ұю синдромы (ДТҰ-синдром) бар пациенттерге, анамнезінде ишемиялық жүрек ауруы және бауыр аурулары болған пациенттерге, сондай-ақ операциядан кейінгі кезеңдегі пациенттерге және жаңа туған нәрестелерге Семиклотин препаратын енгізген кезде ұсынылған дозалық режимді қатаң сақтау қажет. Әрбір жағдайда аталған жағдайлары бар пациенттерді емдеу үшін препаратты қолданудың әлеуетті пайдасы оларда сипатталған асқынулардың даму қаупіне қатынасы бойынша мұқият таразылануы тиіс. Мұндай пациенттер мұқият бақылауды керек етеді. Босанудан кейінгі көлемді қан кету және жүктілік кезіндегі клиникалық жағдайлар (босану, ауыр дәрежелі қан кету, қан құю, ДҚҰ-синдром, хирургиялық араласу, инвазивті емшаралар, коагулопатия) тромбоэмболиялық қауіпті, және атап айтқанда эптакога альфа препаратын қолданғанда веналық тромбоэмболияның даму қаупімен шартталған белгілі факторлар болып табылады. Рекомбинантты VІІа қан ұю факторы - Семиклотин препаратының құрамында тышқан IgG, бұқа IgG іздік мөлшерлері мен өсіріндінің басқа да қалдық ақуыздары (аламанның және ірі қара малдың сарысулық ақуыздары) болуы мүмкін екендіктен, аталған препаратты алатын науқастарда осы ақуызға жоғары сезімталдықтың өте аз даму мүмкіндігі бар. Ондай жағдайларда вена ішіне антигистаминді препараттар қолдану қажеттігін қарастыру керек. Аллергиялық немесе анафилаксиялық реакциялар басталған кезде препаратты енгізуді дереу тоқтату керек. Анафилаксиялық шок дамыған жағдайда оны симптомдарын басу үшін стандартты ем қолданылады. Пациенттерге аллергиялық реакциялардың дамуының ерте симптомдары жөнінде алдын ала ескерту қажет. Олар көрсетілген симптомдар дамыған кезде осы препаратпен емделуді дереу тоқтату және өзінің емдеуші дәрігеріне қаралу керектігін білуі тиіс. Ауыр қан кетулерде препаратты гемофилияны қан ұюының VIII немесе IX факторларын тежегіштермен емдеуге мамандандырылған ауруханаларда, егер бұл мүмкін болмаса, гемофилияны емдеуде маманданған дәрігермен тығыз ынтымақтаса отырып, қолданған жөн. Егер пациентте қан кетуді басу мүмкін болмаса, оны міндетті түрде ауруханаға жатқызу керек. Пациенттер немесе онын күтімін жүзеге асыратын адамдар Семиклотин препаратын үй жағдайында қолданудың әрбір жағдайы жөнінде емдеуші дәрігерге немесе ауруханаға мәлімдеп отыруы тиіс. Қан ұюының VII факторы тапшы болатын пациенттерде Семиклотин препаратын енгізуге дейін және енгізуден кейін протромбин уақытын және қан ұюының VII факторының белсенділігін бақылаған жөн. Егер, препаратты ұсынылған дозаларда қолдануға қарамастан, қан ұюының VIIа факторының белсенділігі күтілген деңгейге жетпесе немесе қан кету жалғасса, тежегіш антиденелердің түзілгені деп болжам жасауға болады. Мұндай жағдайда жүргізілген емнің тиімді болмауына ықтимал себеп ретінде антиденелердің бар-жоқтығына және титрді анықтауға талдау жүргізу керек. Қан ұюының VII факторы тапшы пациенттерде хирургиялық араласым барысында альфа эптакогті (белсендірілген) қолданғанда тромбоз жағдайлары жөнінде мәлімделді, бірақ қан ұюының VII факторы тапшы пациенттерде эптаког альфамен (белсендірілген) емдеу аясында тромбоз қаупі жөнінде деректер болған жоқ. Қатар жүретін аурулардан болған веноздық тромбоз қаупі, анамнезде тромбозы бар, операциядан кейінгі кезеңде иммобилизацияланған немесе венасы катетеризацияланған пациенттер мұқият бақылауды керек етеді. Натрий мөлшері Препараттың әр құтысында 1 ммольдан кем натрий (23 мг) бар, препарат құрамында натрий жоқ болып санылады. Қадағалануы Биологиялық дәрілік препараттардың қадағалануын жақсарту үшін, пациенттің медициналық құжаттамасында енгізілген препараттың атауы мен серия нөмірін көрсетіп қою қажет. Препараттың көлік құралын немесе қауіптілігі зор механизмдермен басқару қабілетіне әсер ету ерекшеліктері Көлік құралын немесе қауіптілігі зор механизмдерді басқару қабілетіне осы дәрілік заттың ықпал ету ерекшеліктері белгісіз.

Мақұлданған көрсетілімдер аясында жүктілік кезінде эптаког альфаны (белсендірілген) қолдану жөнінде қолда бар шектеулі деректер мұның жүктілік барысына және шарананың/жаңа туған нәрестенің денсаулығына ықпалының жоқтығын айғақтайды. Семиклотин препаратын қолдануды жүкті әйелдерде қатаң көрсетілімдермен шектеген жөн. Эптаког альфа (белсендірілген) әйелдердің емшек сүтіне бөлініп шығатыны-шықпайтыны белгісіз. Семиклотин препаратын бала емізетін әйелдерге тағайындағанда сақтық танытқан жөн. Емшек емізуді жалғастыру/тоқтату жөніндегі немесе Семиклотин препаратымен емдеуді жалғастыру/тоқтату жөніндегі шешімді нәресте үшін емшек емудің пайдасы мен әйел үшін препаратпен емдеудің пайдасы немесе қаупінің арақатынасына қарай қабылдау керек.

Семиклоттин препараты мен қан ұю факторларының концентраттары арасындағы өзара әрекеттесу қаупі туралы деректер жоқ. Протромбинді кешен концентраттарын (белсендірілген немесе белсендірілмеген) және Семиклотинді бір мезгілде енгізбеген жөн. Антифибринолитиктер гемофилиясы бар пациенттерде, әсіресе ортопедиялық операцияларда және фибринолиздік белсенділігі жоғары болатын тіндерге, мысалы ауыз қуысына операцияларда интраоперациялық қан жоғалтуды төмендетеді. Антифибринолитиктер мен қан ұюының rFVIIa факторын біріктіріп қолдану тәжірибесі шектеулі. Клиникаға дейінгі зерттеу нәтижелері негізінде rFVIIa және rFXIII қан ұю факторларының препараттарымен біріктірілген терапия ұсынылмайды. rFVIIa және rFXIII қан ұю факторларының өзара әрекеттесуі жөнінде клиникалық деректер жоқ.

Сақтау мерзімі Препарат – 2,5 жыл, еріткіш – 3 жыл. Жарамдылық мерзімі өткеннен кейін қолдануға болмайды. Сақтау шарттары 2°С -ден 8°С-ге дейінгі температурада сақтау керек. Мұздатып қатыруға болмайды. Балалардың қолы жетпейтін жерде сақтау керек.