Сенадексин таблетки 70 мг

Бір таблетканың құрамында белсенді зат – сенна жапырағының құрғақ экстрактісі 70 мг А және В кальций сеннозидтерінің 20 % мөлшеріне (А және В кальций сеннозидтерінің жиынтығы) шаққанда қосымша заттар: лактоза моногидраты, жүгері крахмалы, ванилин, магний стеараты, стеарин қышқылы, тальк Сыртқы түрінің, иісінің, дәмінің сипаттамасы Түзу дөңгелек цилиндр пішінді, жайпақ беткейлі, ашық-қоңырдан теңбілді қою-қоңыр түске дейінгі, ванилин иісімен, шеттері кесілген, бір жағында ойығы бар таблеткалар.

- созылмалы іш қату - ішектің гипо - және атониясы - геморрой, проктит және артқы өтістің жарықтары кезінде ішектің босауын жеңілдету - диагностикалық және емдік процедуралар алдында ішекті тазарту

Әсер ету механизмі Жұмсақ әсерімен өсімдік тектес іш жүргізетін препарат (сенна жапырағы немесе александриялық жапырақ немесе сүйір жапырақты кассия жапырағы). Фармакологиялық әсері антрагликозидтерге (негізінен А және В сеннозидтері), сондай-ақ басқа гликозидтерге байланысты. Ішке қабылдаған кезде сенна гликозидтері асқазан мен жіңішке ішек арқылы сіңбестен өзгеріссіз өтеді. Жуан ішекте антрагликозидтер ішек бактерияларымен фармакологиялық белсенді антрондар мен антранолдарға ыдырайды, олар тоқ ішектің интерорецепторларын тітіркендіреді, су мен электролиттердің сіңуіне кедергі жасайды, ішек саңылауына судың диффузиялануына ықпал етеді, салдарынан нәжістің жұмсаруы және олардың көлемінің ұлғаюы байқалады, бұл перистальтиканы күшейтуге және ішектің босатылуын тездетуге ықпал етеді. Іш жүргізетін әсері 8-12 сағ., соң байқалады. Препаратты ұзақ уақыт қолданған кезде оның әсер ету қарқындылығы организмдегі калий мөлшерінің азаюына байланысты төмендеуі мүмкін. Препаратты пациенттер жақсы көтерді, шайырлы заттардың аз болуына байланысты ішекке тітіркендіргіш әсер етпейді.

Дозалау режимі Ересектер мен 12 жастан асқан балаларға 1-2 таблеткадан тағайындайды; әсер болмаған жағдайда дозаны қабылдауға 2-3 таблеткаға дейін ұлғайтады. Ең жоғары тәуліктік доза - 3 таблетка. Нәжісті жұмсарту үшін ең аз дозаны қабылдау керек. Егде жастағы пациенттерге емдеуді тәулігіне 1 рет 1 таблеткадан бастау ұсынылады. Енгізу әдісі және жолы Препарат ішке қабылданады. Қабылдау уақыты көрсетілген қолдану жиілігі Ересектер мен 12 жастан асқан балаларға препаратты сұйықтықпен ішу арқылы тәулігіне бір рет түнге тағайындайды. Емдеу ұзақтығы Препаратты дәрігердің кеңесінсіз 1 аптадан артық қабылдау ұсынылмайды. Дозалар мен емдеу ұзақтығы жекелей анықталады. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Дәрілік препаратты қолданар алдында дәрігермен немесе фармацевтпен кеңесіңіз.

- сенна гликозидтеріне немесе кез келген қосымша заттарға аса жоғары сезімталдық - метроррагия - ішектің бітелуі - ішектің жедел қабыну аурулары (Крон ауруы, ойық жаралы колит, аппендицит) - перитонит - асқазан мен он екі елі ішектің пептидтік ойық жарасы - асқазан-ішектен қан кету - қысылған жарық - цистит - шығу тегі анықталмаған іш маңының ауыруы - су-электролиттік теңгерімнің ауыр бұзылуы - 12 жасқа дейінгі балалар - жүктілік және бала емізу кезеңі - тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы

Сирек - анорексия, іштің ауыруы, диарея - несеп түсінің өзгеруі - аллергиялық реакциялар Болуы ықтимал (ұзақ уақыт қолданғанда) - электролиттердің, негізінен калий иондарының жойылуы - альбуминурия, гематурия - ішектің псевдомеланозы - жуан ішектің атониясы, метеоризм, ас қорытудың бұзылуы. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: диарея, су-тұз теңгерімінің бұзылуы, ішек шаншуы, ас қорыту жолы ағзаларының тітіркенуі, жүрек айну, эпигастральді ауыру, құрысулар, ішек функциясының нашарлауы, тамыр коллапсы, метаболизмдік ацидоз. Емі: симптоматикалық, асқазанды шаюды қоса. Егер ауыр диарея қаупі болса, регидратация (көп мөлшерде су қабылдау) ұсынылады.

Деректер жоқ. Арнайы ескертулер Препаратты диетаны өзгерту немесе ішек ішіндегісінің көлемін ұлғайтатын препараттарды қолдану арқылы нәжісті қалыпқа келтіруге қол жеткізу мүмкін болмаған жағдайда ғана қолдану ұсынылады; ішектің қалыпты функциясын қалпына келтіру үшін қажетті ең аз тиімді дозаны қабылдау керек.Жүрек гликозидтерін, аритмияға қарсы дәрілерді, QT аралығын ұлғайтатын препараттарды, диуретиктерді, кортикостероидтарды немесе мия тамыры негізіндегі препараттарды қабылдайтын пациенттерге препаратты қолдануды бастағанға дейін дәрігермен кеңескен жөн. Егер іш қатудың себебі белгісіз болса немесе ас қорыту жолдары тарапынан кінәраттар болса (іштің ауыруы, жүрек айну және құсу), онда іш жүргізетін дәрілер ішуді бастамас бұрын дәрігер іш қатудың себебін анықтауы керек, өйткені бұл симптомдар басталатын немесе бұрыннан бар ішек өтімсіздігінің белгілері болуы мүмкін. Препарат эпизодтық қолдануға арналған, сондықтан сақтықпен және дәрігермен алдын ала кеңескеннен кейін, егер препаратты қолдану 1 аптадан артық жүргізілсе, препаратты қабылдайды, өйткені ішек қызметін ынталандыратын іш жүргізетін дәрілерді ұзақ уақыт қолдану ішек атониясының күшеюіне әкелуі мүмкін.Препаратты басқа дәрілік заттарды қолданғаннан кейін екі сағат бойы немесе ұсынылғаннан асатын дозаларда қолдануға болмайды.Нәжісті ұстай алмаудан (инконтиненциядан) зардап шегетін ересектер препаратты қабылдаған кезде төсемдерді (сүрткілерді) ауыстыру арқылы терінің нәжіспен ұзақ жанасуынан аулақ болу керек. Препаратты бауыр немесе бүйрек аурулары, ішектің созылмалы қабыну аурулары бар пациенттерге сақтықпен қолдану керек.Препарат құрамында лактоза бар, оны лактозаны көтере алмаудың сирек тұқым қуалайтын түрлері, лактаза жеткіліксіздігі, глюкоза-галактоза мальабсорбциясы синдромы бар пациенттер ескеруі керек. Педиатрияда қолдану 12 жасқа дейінгі балаларға қолдану ұсынылмайды. Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері Препарат, әдетте, көлік құралын басқару мүмкіндігіне және көп көңіл бөлуді, психикалық және қозғалыс реакцияларының жылдамдығын қажет ететін жұмыстарды орындауға әсер етпейді. Дегенмен, препаратқа жекелеген реакцияны ескеру қажет.

Препаратты жүкті әйелдерге тек дәрігердің қадағалауымен қолдану керек. Жүкті әйелдерде препаратты қолдану жағымсыз әсерлер (абдоминальді ауырулар, диарея) дамуының анағұрлым жоғары ықтималдығымен қатар жүреді. Препаратпен емделу кезінде бала емізуді тоқтату ұсынылады, өйткені препарат компоненттері емшек сүтіне өтуі және баланың ішінің жиі, сұйық болып өтуіне әкеп соқтыруы мүмкін.

Препарат ас қорыту жолында баяу сіңетін дәрілік заттардың тиімділігін төмендетеді. Хинидин сульфатпен (антиаритмиялық препарат) бір мезгілде қолданғанда антрахинонды іш жүргізетін дәрілермен бәсекелестік қасиеттеріне байланысты қанда әсер етуші заттардың деңгейін төмендетуі мүмкін. Жүрек гликозидтерімен бір мезгілде қолдану гипокалиемия салдарынан жүрек аритмиясын туындатуы мүмкін. Аритмияға қарсы дәрілермен, диуретиктермен және кортикостероидтармен бір мезгілде қолданғанда бұлшықет әлсіздігі дамиды. Ұзақ қолданғанда және/немесе жоғары дозада қолданғанда препарат тетрациклиндердің сіңірілуін бұзады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!