Сенадексин-Здоровье таблетки 70 мг

Бір таблетканың құрамында белсенді зат - кальций сеннозидтері А және В 20 % (Александриялық сенна жапырақтарының (Sennae alexandrina folium) құрғақ экстрактісі (5:1) (экстрагент: метанол) 70 мг, қосымша заттар: лактоза моногидраты, жүгері крахмалы, ванилин, магний стеараты, стеарин қышқылы, тальк, микрокристалды целлюлоза, натрий кроскармеллозасы. Сыртқы түрінің, иісінің, дәмінің сипаттамасы Жалпақ цилиндр түріндегі, сызығы және ойығы бар, ванилин иісті, күңгірттеу және ақшылдау түсті теңбілдері бар, сұр-қоңырдан қоңыр түске дейінгі таблеткалар.

• созылмалы іш қату • гипо- және ішек атониясы • диагностикалық және емдеу емшаралары алдында ішекті тазарту

ATХ коды: А06А В06 Әсер ету механизмі. Осмостық әсері салдарынан нәжіс көлемі артады, толтыру қысымы жоғарылайды, бұл перистальтиканы стимуляциялауға ықпал етеді. Фармакодинамикалық әсерлері Сенадексин-Здоровье – іш жүргізетін өсімдік тектес препарат (сенна жапырағы немесе александриялық жапырақ, немесе сүйір жапырақты кассия жапырағы). Фармакологиялық әсері антрагликозидтерге (негізінен А және В сеннозидтерімен), сондай-ақ басқа гликозидтерге байланысты. Ішке қабылдаған кезде сенна гликозидтері өзгермеген түрде асқазан және жіңішке ішек арқылы өтеді. Тоқ ішекте антрагликозидтер ішек бактерияларымен фармакологиялық белсенді антрондар мен антранолдарға ыдырайды, олар тоқ ішектің интерорецепторларын тітіркендіреді, ішек перистальтикасын күшейтеді және ішектің босауын жылдамдатады. Антрондар мен антранолдар су мен электролиттердің сіңуіне кедергі жасайды, ішек саңылауында судың диффузиялануына ықпал етеді. Осмостық әсері салдарынан нәжіс көлемі артады, толтыру қысымы жоғарылайды, бұл перистальтиканы стимуляциялауға ықпал етеді. Іш жүргізетін әсер 6-12 сағаттан кейін байқалады. Препаратты ұзақ уақыт қолданған кезде оның қарқынды әсері организмдегі калий құрамының азаюына байланысты төмендеуі мүмкін. Пациенттер препаратты жақсы көтереді, құрамында шайырлы заттар аз болғандықтан ішекке тітіркендіруші әсер көрсетпейді. Клиникалық тиімділігі және қауіпсіздігі Деректер жоқ. Балалар Деректер жоқ.

Дозалау режимі Ересектер мен 12 жастан асқан балаларға тәулігіне 1-2 таблеткадан тағайындалады. Әсері болмаған жағдайда дозаны 3 таблеткаға дейін арттыруға болады. Ең жоғары тәуліктік доза 3 таблетка. Препаратты дәрігердің кеңесінсіз 1 аптадан артық қабылдау ұсынылмайды. Пациенттердің ерекше топтары Балалар 12 жасқа дейінгі балаларға қолдану ұсынылмайды. Егде жастағы пациенттер Егде жастағы пациенттерге емді тәулігіне 1 рет 1 таблеткадан бастау ұсынылады. Енгізу әдісі мен жолы Аздаған мөлшердегі сұйықтықпен іше отырып, ішке қабылдайды. Қабылдау уақыты көрсетілген қолдану жиілігі Әдетте ұйықтар алдында немесе таңертең. Емдеу ұзақтығы Препаратты дәрігердің кеңесінсіз 1 аптадан артық қабылдау ұсынылмайды. Дәрілік препараттың бір немесе бірнеше дозасын өткізіп алу кезіндегі қажетті шаралар Деректер жоқ. Тоқтату симптомдарының болу қаупіне нұсқау Деректер жоқ. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Егер препаратты қабылдау бойынша сұрақтар туындаса, емдеуші дәрігеріңізге жүгініңіз.

• сенна гликозидтеріне немесе қосымша заттардың кез келгеніне жоғары жекелей сезімталдық • асқазан-ішек жолдарының жедел қабыну аурулары (Крон ауруы, колит, ойық жаралы колит) • жүрек айнуы, құсу • жедел ішек ауруларының және/немесе хирургиялық араласымдардың (дивертикулит, аппендицит, перитонит, жиі диарея) нәтижесі мүмкін ас қорыту жүйесінің диагностикаланбаған аурулары • ішектің бітелуі/ішектің салданып бітелуі • спазмдық іш қату • қысылған жарық • бауырдың органикалық зақымдануы • шығу тегі анықталмаған эпигастральді ауыру • асқазан-ішек және жатырдан қан кету • цистит • спазмдық ауыру • су-тұз теңгерімінің ауыр бұзылуы (гипокалиемия) • ректальді геморрагиялар • 12 жасқа дейінгі балалар • тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы

Препарат әдетте жақсы көтерімді, бірақ жағымсыз әсерлер сирек кездеседі, олар әдетте қайтымды және препаратты тоқтатқаннан немесе оның дозасын азайтқаннан кейін тез басылады. Ас қорыту жүйесі тарапынан: жеке-дара жағдайларда анорексия, іштің ауыруы, диарея болуы мүмкін; ұзақ уақыт қолданған кезде/шамадан тыс тұтынуда - жүрек айнуы, құсу, метеоризм, ішек псевдомеланозы, тоқ ішектің атониясы, ас қорыту бұзылыстары, шаншулар, дене салмағын жоғалту. Несеп шығару жүйесі тарапынан: несеп түсінің өзгеруі (рН көрсеткішіне байланысты қызыл немесе қоңыр, бұл клиникалық маңызға ие емес); ұзақ уақыт қолданғанда/шамадан тыс тұтынуда - протеинурия, гематурия. Зат алмасу және метаболизм тарапынан: іш жүргізетін дәрілерді ұзақ уақыт қолдану/шамадан тыс тұтыну электролиттерді, негізінен калийді жоғалтуға әкелуі мүмкін, бұл жүрек қызметінің бұзылуына, коллапсқа, шаршау сезіміне, бұлшықет әлсіздігіне, құрысуларға әкелуі мүмкін. Иммундық жүйе тарапынан: аллергиялық реакциялар, оның ішінде тері бөртпелері, қышыну, есекжем, жергілікті немесе жайылған экзантема болуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: диарея, су-тұз теңгерімінің бұзылуы, ішек шаншулары, ас қорыту жолы ағзаларының тітіркенуі, жүрек айнуы, эпигастральді ауыру, құрысулар, ішек функциясының нашарлауы, тамырлы коллапс, метаболизмдік ацидоз. Емі: асқазанды шаюды қоса, симптоматикалық. Егер күрделі диарея қаупі бар болса, регидратация ұсынылады (көп мөлшерде су қабылдау).

Деректер жоқ. Арнайы ескертулер Диетаны өзгерту арқылы ішектің босатылуын қалыпқа келтіру мүмкін болмаған жағдайда ғана, препаратты қолдану ұсынылады; қалыпты ішек функциясын қалпына келтіруге қажетті ең төменгі тиімді дозаны қолдану керек. Жүрек гликозидтерін, аритмияға қарсы дәрілерді, QT аралығын арттыратын препараттарды, диуретиктерді, кортикостероидтарды немесе мия тамырына негізделген препараттарды қабылдайтын пациенттер препаратты қолдануды бастамас бұрын дәрігермен кеңесу керек. Егер іш қатудың себебі белгісіз болса немесе ас қорыту жолы тарапынан шағымдар болса (іштің ауыруы, жүрек айнуы және құсу), онда іш жүргізетін дәрілерді қабылдауды бастамас бұрын дәрігер іш қату себебін анықтауы қажет, өйткені бұл симптомдар басталып келе жатқан немесе бұрыннан бар ішек бітелісінің белгілері болуы мүмкін. Препарат эпизодтық қолдануға арналған, сондықтан препаратты қолдану 1 аптадан артық жүргізілсе, сақтықпен және дәрігермен алдын ала кеңесуден кейін қолданады, өйткені ішек қызметін стимуляциялайтын іш жүргізетін дәрілерді ұзақ қолдану ішек атониясының күшеюіне әкелуі мүмкін. Басқа дәрілік заттарды қолданғаннан кейін екі сағат ішінде немесе ұсынылған дозадан асатын дозада препаратты қолдануға болмайды. Нәжісті ұстай алмаудан (инконтиненция) зардап шегетін ересектер препаратты қабылдау кезінде төсемді (сүрткіні) жиі ауыстыра отырып, терінің нәжіспен ұзақ уақыт жанасуын болдырмаған жөн. Препаратты бауыр немесе бүйрек аурулары бар, ішектің созылмалы қабыну аурулары бар пациенттерге сақтықпен қолдану керек.Препарат құрамында лактоза бар, мұны лактоза жақпаушылығының сирек кездесетін тұқым қуалайтын түрлері, лактаза жеткіліксіздігі, глюкоза-галактоза мальабсорбция синдромы бар пациенттер ескеруі керек. Педиатрияда қолдану 12 жасқа дейінгі балаларға қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Сенадексин-Здоровье әдетте көлік құралдарын басқару және жоғары зейін қою, психикалық және қимыл-қозғалыс реакциялары шапшаңдығын қажет ететін жұмыстарды орындау мүмкіндігіне әсер етпейді. Дегенмен, препаратқа жеке реакцияны тексеру қажет.

Препаратты жүкті әйелдерге тек дәрігердің қадағалауымен қолдану керек. Жүкті әйелдерде препаратты қолдану жағымсыз әсерлер (абдоминальді ауырулар, диарея) дамуының анағұрлым жоғары ықтималдығымен байланыста. Препаратпен емделу кезінде бала емізуді тоқтату ұсынылады, өйткені препарат компоненттері емшек сүтіне енуі және баланың ішінің жиі, сұйық болып өтуін тудыруы мүмкін.

Препарат ас қорыту жолында баяу сіңетін дәрілік заттардың тиімділігін төмендетеді. Хинидин сульфатпен (аритмияға қарсы препарат) бір мезгілде қолданған кезде антрахинонды іш жүргізетін дәрілермен бәсекелестік қасиеттеріне байланысты қанда әсер етуші заттардың деңгейін төмендетуі мүмкін. Гипокалиемияға байланысты жүрек гликозидтерімен бір мезгілде қолдану жүрек аритмиясын тудыруы мүмкін. Аритмияға қарсы дәрілермен, диуретиктермен және кортикостероидтармен бір мезгілде қолданған кезде бұлшықет әлсіздігі дамиды. Ұзақ қолданған және/немесе жоғары дозада қолданған кезде препарат тетрациклиндердің сіңірілуін бұзады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 °С-ден аспайтын температурада сақтау керек. Балалардың қолы жетпейтін жерде сақтау керек!