Артикаин/адреналин енгізгеннен кейінгі жағымсыз әсерлер басқа жергілікті амидті анестетиктер/вазоконстрикторлардың байқалатын әсерлеріне ұқсас. Бұл жағымсыз реакциялар, жалпы, дозамен байланысты. Олар сондай-ақ жоғары сезімталдықтың, идиосинкразияның немесе пациенттің көтерімділігінің төмендеуінің салдары болуы мүмкін.
Жүйке жүйесінің аурулары, инъекция орнындағы жергілікті реакция, аса жоғары сезімталдық, жүрек пен қан тамырлары тарапынан бұзылулар - жиі кездесетін жағымсыз реакциялар.
Ең күрделі жағымсыз реакциялар әдетте жүйелі болып табылады.
Расталған жағымсыз реакциялар өздігінен келіп түсетін хабарламалардан, клиникалық зерттеулер мен әдебиеттерден жиналған.
Жиіліктердің жіктелуі төменде көрсетілген: өте жиі (≥1/10), жиі (≥1/100 - <1/10), сирек (≥1/1, 000 - <1/100), сирек (≥1/10,000 - <1/1, 000), өте сирек (<1/10, 000).
Жиілігі белгісіз (қолда бар деректер бойынша анықтау мүмкін емес).
Жиі
- Гингивит;
- Невропатия: невралгия (невропатиялық ауырсыну), гипестезия / ұю (оральді және периоральді)4. дизестезия (оральді және периоральді), дәм сезудің бұрмалануы (мысалы, темір дәмі, дәм сезудің бұзылуы), агевзия, аллодиния, гиперестезия, термогиперестезия, естен тану алдындағы жай-күй, естен тану, бас ауыруы, мазасыздық / агитация, сананың шатасуы, бағдардан жаңылу, бас айналу, тремор;
- Брадикардия, тахикардия;
- Артериялық гипотензия (қан айналымы коллапсының даму қаупі бар);
- Тілдің, еріннің, қызылиектің ісінуі.
Жиі емес
- Артериялық гипертензия (гипертония);
- Стоматит, глоссит, жүрек айну, құсу, диарея;
- Бөртпе (терідегі бөртпелер), қышыну;
- Мойын аумағының ауыруы;
- Енгізу аумағындағы ауырсыну.
Сирек
- Квинке ісінуі (бет / тіл / ерін / тамақ/ көмей / периорбитальді ісіну), аллергия1, анафилаксиялық / анафилактоидты реакциялар, бронх түйілуі / демікпе, есекжем;
- Күйгелектік/ үрей4;
- Бет жүйкесінің ауруы2 (салдану және парез), ұйқышылдық, нистагм
- Горнер синдромы (қабақтың птозы, энофтальм, миоз), диплопия (көздің қозғалу бұлшықеттерінің салдануы)4, мидриаз, птоз, миоз, энофтальмоз, көру қабілетінің бұзылуы (уақытша соқырлық)4, көрудің бұлыңғырлануы, аккомодация бұзылуы;
- Құлақтың шыңылдауы 4, гиперакузия;
- Жүрек соғысы;
- Ысынулар;
- Апноэ (тыныс алудың тоқтауы), ентігу2, гипоксия, гиперкапния, брадипноз, тахипноз, есінеу;
- Қызылиектің / ауыздың шырышты қабығының эксфолиациясы (түсуі) / ойық жаралар;
- Бұлшықеттің еріксіз жиырылуы4, қалтырау (дірілдеу);
- Енгізу аумағының эксфолиациясы / некроздық шаршау, астения (әлсіздік).
Өте сирек
- Парестезия3 (тұрақты гипестезия және дәм сезудің жоғалуы) астыңғы жақсүйек немесе төменгі альвеолярлы жүйке блокадасынан кейін.
Белгісіз
- Эйфория жағдайы;
- Өткізгіштіктің бұзылуы (атриовентрикулярлық блокада);
- Жергілікті / аймақтық гиперемия, өткізгіштіктің бұзылуы (атриовентрикулярлық блокада), қан тамырларының кеңеюі, қан тамырларының тарылуы;
- Тыныс алудың бәсеңдеуі, дисфония (қырылдау)1;
- Дисфагия, беттің ісінуі, глоссодиния;
- Эритема;
- Кернс-Сойер синдромында жүйке көріністерінің өршуі, тризм;
- Жергілікті ісік, гипергидроз, ысыну сезімі, тоңу сезімі.
Таңдалған жағымсыз әсерлер сипаттамасы
1Аллергиялық реакцияны естен тану жағдайларымен шатастырмау керек (адреналин салдарынан жүректің қатты соғуы).
2Бет жүйкесінің салдануының 2 апталық кідірісі адреналинмен біріктірілген артикаинді енгізгеннен кейін сипатталған, жағдай 6 айдан кейін өзгеріссіз қалды.
3Бұл нейропатия аномалиялық сезімнің әртүрлі симптомдарымен туындауы мүмкін. Парестезияны өздігінен ерекше, әдетте ауырсынбайтын сезім ретінде анықтауға болады (мысалы, күйдіру, шаншу, шаншу немесе қышыну), бұл анестезияның күтілетін ұзақтығынан едәуір асады. Стоматологиялық емдеуден кейін байқалған парестезияның көптеген жағдайлары өтпелі болып табылады және бірнеше күн, апта немесе айлар ішінде өтеді. Емделуі қиын парестезия, негізінен астыңғы жақсүйектегі жүйке анестезиясынан кейін, баяу, толық емес немесе қалпына келмеуімен сипатталады.
4Бірнеше жағымсыз оқиғалар, мысалы, қозу, мазасыздық/күйгелектік, дірілдеу және сөйлеудің бұзылуы орталық жүйке жүйесінің бәсеңдеуі алдында екерту белгілері болуы мүмкін. Егер бұл белгілер анықталса, пациент терең және жиі тыныс алуы тиіс, сонымен қатар пациенттің жағдайын үнемі бақылау қажет.
Балалар
Қауіпсіздік бейіні ересектермен салыстырғанда 4 жастан 18 жасқа дейінгі балалар мен жасөспірімдерге арналған бейінге ұқсас. Алайда жұмсақ тіндердің кездейсоқ зақымдануы, әсіресе 3-7 жастағы балаларда, жұмсақ тіндердің ұзақ анестезиясына байланысты жиі байқалды.
Күтілетін жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
ДП тіркегеннен кейін «пайда-қауіп» арақатынасының үздіксіз мониторингін қамтамасыз ету мақсатында күдікті жағымсыз реакциялар туралы хабарлау маңызды. Медицина қызметкерлеріне ДП кез келген күдікті жағымсыз реакциялары туралы ҚР жағымсыз реакциялар туралы хабарламалардың ұлттық жүйесі арқылы хабарлау ұсынылады.
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz