Сертазол суппозитории 300 мг

Бір суппозиторийдің құрамында белсенді зат - сертаконазол нитраты 300 мг қосымша заттар: сусыз коллоидты кремнийдің қостотығы, қатты май. Сыртқы түрінің, иісінің, дәмінің сипаттамасы Пішіні жұмыртқа тәрізді, ақтан сары реңді ақ түске дейін суппозиторийлер. Шұңғыма тәрізді ойығы болуына жол беріледі.

- қынаптық кандидозды жергілікті емдеу. Өзіне тән клиникалық белгілері болмаған жағдайда, оң микробиологиялық қорытынды өздігінен емді бастау үшін көрсетілім болып табылмайды.

АТX коды G01AF19 Зеңге қарсы дәрілік зат, имидазол туындысы. Емдік дозаларда фунгистатикалық және фунгицидтік әсер етеді. Әсер ету механизмі эргостерол синтезінің бәсеңдеуіне және жасуша жарғақшалары өткізгіштігінің артуына негізделген, бұл зең жасушасының лизисіне әкеледі. Candida spp. (оның ішінде Candida albicans) қатысты белсенді. Сонымен қатар, грамоң бактерияларға (Streptoccus spp., Staphylococcus spp.) қатысты бактерияға қарсы белсенділігі бар.

Дозалау режимі Бір рет тағайындайды. Қынаптық суппозиторийді ұйықтар алдында қынапқа тереңдетіп енгізеді. Клиникалық симптомдары сақталған жағдайда дәрілік затты 7 күннен кейін қайталап қолдануға болады. 18 жасқа дейін балаларға қарсы көрсетілген. Тәжірибелік нұсқаулық: Препаратты қолданар алдында рН бейтарап сабынды пайдалана отырып, сыртқы жыныс мүшелерін жуып-шаю керек. Инфекцияны сақтауға ықпал етуі мүмкін факторларды болдырмау ұсынылады (синтетикалық түрінің орнына мақта-мата іш киімін пайдалану, қынапты қарқынды жууды болдырмау және т. б. ұсынылады). Дұрысы вульва және перианальді аймаққа зеңге қарсы кремді қосымша қолдану керек. Жыныстық жұптасын қатар емдеу әрбір нақты жағдайда жеке қаралуы керек. Етеккір суппозиторийлерді қолдануға қарсы көрсетілім болып табылмайды. Енгізу әдісі мен жолы Қынап ішіне қолдану үшін. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Осы дәрілік препаратты әрдайым осы нұсқаулықта сипатталғандай, немесе дәрігердің не фармацевтің ұсынымдарымен дәл қабылдаңыз.

- сертаконазолға, имидазол туындыларына немесе қосымша заттардың кез келгеніне аса жоғары сезімталдық - бір мезгілде латексті мүшеқап немесе диафрагманы қолдану - 18 жасқа дейін балаларға қарсы көрсетілген

Иммундық жүйе тарапынан бұзылулар: Сирек: аллергиялық реакциялар. Енгізу орнындағы жалпы бұзылулар мен реакциялар: Өте сирек: ашытып күйдіру, қынаптың қышуы (өздігінен кетеді, дәрілік затты тоқтатуды қажет етпейді). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Жергілікті тітіркендіргіш әсер немесе аллергиялық реакция жағдайында емдеуді тоқтату керек. Арнайы сақтандырулар Кандидоз диагнозы расталған кезде инфекцияның дамуына және сақталуына ықпал ететін тұрмыстық және гигиеналық факторларды анықтау және жою маңызды. Осылайша, қайталануын болдырмау үшін қоздырғышты жою және жоғарыда аталған тұрмыстық және гигиеналық факторларды анықтау қажет. Қажет болған жағдайда кандидозбен астасатын басқа да инфекцияларды емдеу керек. Ем жергілікті жақпаушылық немесе аллергия пайда болған жағдайда тоқтатылуы тиіс. Пациенттерге рН қышқылды сабынды пайдаланбауды ұсыну керек. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік пен лактация кезеңінде сертаконазолды қолдану туралы жеткілікті деректер жоқ. Дәрілік заттың қолдану тәсілін (бір рет), сондай-ақ жүйелі сіңірілуінің жоқтығын ескере отырып, Сертазол жүктілік және лактация кезеңінде, егер шарана немесе бала үшін ықтимал қауіптен ана үшін болжанған пайдасы асып түсетін жағдайда қолданылуы мүмкін.

Жергілікті контрацептивтермен бір мезгілде қолдану соңғысының спермицидтік әсерінің әлсіреуіне әкелуі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!