Сертозин раствор 500 мг/4 мл

Бір ампуланың ішінде белсенді зат – 522.52 мг немесе 1045.04 мг натрий цитиколині (500.00 мг немесе 1000.00 мг цитиколинге баламалы) қосымша заттар: натрий гидроксиді, хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе қоңыр-сары ерітінді.

- жедел және жеделге жуық фазалардағы инсультпен байланысты неврологиялық және когнитивтік бұзылуларды емдеуде - бассүйек жарақатымен байланысты неврологиялық және когнитивтік бұзылуларды емдеуде

Цитиколин нейрондық жарғақшаның құрылымдық фосфолипидтерінің биосинтезін стимуляциялайды, бұл туралы магниттік-резонансты спектроскопиямен жүргізілген зерттеулер дәлел болады. Осының арқасында цитиколин модуляциясы дұрыс нейротрансмиссия үшін қажетті болып табылатын, ион алмасу сорғыларының және оларға жұмылдырылған жарғақшалық рецепторлардың жұмысы секілді жарғақшалық механизмдердің жұмысын жақсартады. Цитиколин жарғақшаға тұрақтандырушы әсер ете отырып, ми ісінуінің реабсорбциясына ықпал етеді. Эксперименттік зерттеулер цитиколин бос радикалдардың түзілуін азайту арқылы кейбір фосфолипазалардың (A1, A2, C және D) белсенділігін тежейді, осылайша жарғақшалық жүйелердің бұзылуын болдырмайды және глутатион сияқты қорғағыш антиоксиданттық жүйелерін сақтайды. Цитиколин нейрондық энергетикалық қорды сақтайды, апоптозды тежейді және ацетилхолин синтезін стимуляциялайды. Цитиколиннің мидың фокальді ишемиясының модельдерінде профилактикалық нейропротекторлық әсері ететіні эксперименталды түрде расталды. Клиникалық зерттеулер цитиколин ишемияның жедел цереброваскулярлық ұстамасы бар пациенттердің функционалдық жағдайын едәуір жақсартатынын көрсетті, бұл нейровизуализациялық зерттеу кезінде мидың ишемиялық зақымдануының анағұрлым аз білінетін өсуімен сәйкес келеді. Бассүйек-ми жарақаттары бар пациенттерде цитиколин сауығуды жылдамдатады және посткоммоциялық синдромның ұзақтығы мен қарқындылығын төмендетеді. Цитиколин зейін мен сана деңгейін жақсартады, сондай-ақ амнезияда және ми ишемиясымен байланысты когнитивтік және неврологиялық бұзылыстарда жағымды әсер етеді.

Дозалау режимі Препаратты бұлшықет ішіне, вена ішіне баяу (дозасына байланысты 3-тен 5 минутқа дейін) немесе вена ішіне тамшылатып инфузия түрінде енгізуге болады. Вена ішіне тамшылатып инфузия түріндегі енгізу кезінде перфузия жылдамдығы минутына 40-тан 60 тамшыға дейін құрауы тиіс. Бұл препараттың құрамы қажет болған жағдайда пероральді қабылдауға мүмкіндік береді. Ампуланың ішіндегісін тікелей немесе жарты стақан суда (120 мл) еріту арқылы қабылдауға болады. Ампуладағы инъекцияға арналған ерітінді бір рет қолдануға арналған. Ампуланы ашқаннан кейін ерітіндіні дереу пайдалану керек. Пайдаланылмаған препаратты тастау керек. Препарат вена ішіне изотоникалық ерітінділердің барлық түрлерімен үйлесімді. Оны гипертониялық глюкоза ерітіндісімен де араластыруға болады. Ересектер Ұсынылатын доза жағдайдың ауырлығына байланысты тәулігіне 500 мг-ден 2000 мг-ға дейін құрайды. Пациенттердің ерекше топтары Егде жастағы пациенттер Осы жас тобы үшін дозаны қандай да бір нақты түзету қажет емес. Балалар Балаларда қолдану тәжірибесі шектеулі. Сондықтан препаратты күтілетін пайда кез келген ықтимал қауіптен асып кетсе ғана қолдану керек. Енгізу әдісі және жолы Вена ішіне немесе бұлшықет ішіне енгізу үшін.

- цитиколинге немесе қосымша заттардың кез келгеніне аса жоғары сезімталдық - парасимпатикалық жүйке жүйесінің гипертониясы бар пациенттер

Өте сирек • елестеулер • бас ауыру, бас айналу • артериялық гипертензия, артериялық гипотензия • ентігу • жүрек айнуы, құсу, эпизодтық диарея • гиперемия, есекжем, экзантема, пурпура • қалтырау, ісіну Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препарат уыттылығының төмен болуына байланысты, тіпті емдік дозалардан кездейсоқ асып кетсе де, уыттану жағдайлары күтілмейді. Кездейсоқ артық дозаланғанда симптоматикалық ем тағайындалады. Препаратты қолдану әдісін түсіндіру үшін медициналық маманнан кеңес алу ұсынылады.

Вена ішіне енгізу баяу (дозасына байланысты 3-тен 5 минутқа дейін) болуы тиіс. Арнайы ескертулер Вена ішіне енгізу баяу (дозасына байланысты 3-тен 5 минутқа дейін) болуы тиіс. Вена ішіне тамшымалы инфузия түріндегі енгізу кезінде перфузия жылдамдығы минутына 40-тан 60 тамшыға дейін құрауы тиіс. Персистерлейтін бассүйекішілік қан құйылу жағдайында вена ішіне өте баяу енгізгенде (минутына 30 тамшы) күніне 1000 мг дозадан асырмау ұсынылады. Инъекцияға арналған ерітіндіде 4 мл ампулада 45 мг натрий бар, бұл ересек адам үшін ДДҰ ұсынған 2 г натрийдің ең жоғары тәуліктік қабылдауының 2,25% - ына баламалы. Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері Сертозин психомоторлық реакциялардың жоғары жылдамдығын талап ететін автокөлік жүргізу және механизмдерді басқару қабілетіне әсер етпейді.

Жүкті әйелдерде цитиколинді қолдану туралы деректер жеткіліксіз. Препаратты жүктілік кезінде, айқын қажеттілік жағдайларынан басқа, яғни күтілетін емдік пайдасы кез келген ықтимал қауіптен асып кеткен жағдайларда қолдануға болмайды. Цитиколиннің емшек сүтіне шығарылуы және оның шаранаға әсері туралы деректер белгісіз. Сондықтан, емшек сүтімен емізу кезінде препараттың ана үшін күтілетін пайдасы шарана үшін ықтимал қауіптен асып кеткен кезде ғана тағайындалады.

Цитиколин құрамында леводопа бар препараттардың әсерін күшейтеді. Препаратты құрамында центрофеноксин немесе меклофеноксат бар дәрілік заттармен бір мезгілде тағайындауға болмайды.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде 25°С-ден аспайтын температурада сақтау керек. Балалардың қолы жетпейтін жерде сақтау керек!